| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၅. ဧကမဂ္ဂကထာဝဏ္ဏနာ
5. Ekamaggakathāvaṇṇanā
၈၁၀-၈၁၁. ဣဒာနိ ဧကမဂ္ဂကထာ နာမ ဟောတိ။ တတ္ထ ယေသံ ဗုဒ္ဓေ ဘဂဝတိ အယောနိသော ပေမဝသေနေဝ ‘‘ဘဂဝာ သောတာပန္နော ဟုတ္ဝာ သကဒာဂာမီ, သကဒာဂာမီ ဟုတ္ဝာ အနာဂာမီ, အနာဂာမီ ဟုတ္ဝာ အရဟတ္တံ သစ္ဆာကာသိ, ဧကေနေဝ ပန အရိယမဂ္ဂေန စတ္တာရိ ဖလာနိ သစ္ဆာကာသီ’’တိ လဒ္ဓိ, သေယ္ယထာပိ တေသညေဝ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ စတူဟိ ဖလေဟိ သဒ္ဓိံ ဥပ္ပန္နာနံ စတုန္နံ ဖသ္သာဒီနံ ဧကတော သမောဓာနဝသေန စောဒေတုံ စတုန္နံ ဖသ္သာနန္တိအာဒိမာဟ။ သောတာပတ္တိမဂ္ဂေနာတိအာဒိ ‘‘ကတရမဂ္ဂေန သစ္ဆိကရောတီ’’တိ ပုစ္ဆနတ္ထံ ဝုတ္တံ။ အရဟတ္တမဂ္ဂေနာတိ စ ဝုတ္တေ တေန သက္ကာယဒိဋ္ဌိအာဒီနံ ပဟာနာဘာဝဝသေန စောဒေတိ။ ဘဂဝာ သောတာပန္နောတိ ဗုဒ္ဓဘူတသ္သ သောတာပန္နဘာဝော နတ္ထီတိ ပဋိက္ခိပတိ။ ပရတော ပဉ္ဟဒ္ဝယေပိ ဧသေဝ နယော။ သေသမေတ္ထ ယထာပာဠိမေဝ နိယ္ယာတီတိ။
810-811. Idāni ekamaggakathā nāma hoti. Tattha yesaṃ buddhe bhagavati ayoniso pemavaseneva ‘‘bhagavā sotāpanno hutvā sakadāgāmī, sakadāgāmī hutvā anāgāmī, anāgāmī hutvā arahattaṃ sacchākāsi, ekeneva pana ariyamaggena cattāri phalāni sacchākāsī’’ti laddhi, seyyathāpi tesaññeva; te sandhāya pucchā sakavādissa, paṭiññā itarassa. Atha naṃ catūhi phalehi saddhiṃ uppannānaṃ catunnaṃ phassādīnaṃ ekato samodhānavasena codetuṃ catunnaṃ phassānantiādimāha. Sotāpattimaggenātiādi ‘‘kataramaggena sacchikarotī’’ti pucchanatthaṃ vuttaṃ. Arahattamaggenāti ca vutte tena sakkāyadiṭṭhiādīnaṃ pahānābhāvavasena codeti. Bhagavā sotāpannoti buddhabhūtassa sotāpannabhāvo natthīti paṭikkhipati. Parato pañhadvayepi eseva nayo. Sesamettha yathāpāḷimeva niyyātīti.
ဧကမဂ္ဂကထာဝဏ္ဏနာ။
Ekamaggakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၈၁) ၅. ဧကမဂ္ဂကထာ • (181) 5. Ekamaggakathā
