| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫. ਏਕਮਗ੍ਗਕਥਾવਣ੍ਣਨਾ
5. Ekamaggakathāvaṇṇanā
੮੧੦-੮੧੧. ਇਦਾਨਿ ਏਕਮਗ੍ਗਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਬੁਦ੍ਧੇ ਭਗવਤਿ ਅਯੋਨਿਸੋ ਪੇਮવਸੇਨੇવ ‘‘ਭਗવਾ ਸੋਤਾਪਨ੍ਨੋ ਹੁਤ੍વਾ ਸਕਦਾਗਾਮੀ, ਸਕਦਾਗਾਮੀ ਹੁਤ੍વਾ ਅਨਾਗਾਮੀ, ਅਨਾਗਾਮੀ ਹੁਤ੍વਾ ਅਰਹਤ੍ਤਂ ਸਚ੍ਛਾਕਾਸਿ, ਏਕੇਨੇવ ਪਨ ਅਰਿਯਮਗ੍ਗੇਨ ਚਤ੍ਤਾਰਿ ਫਲਾਨਿ ਸਚ੍ਛਾਕਾਸੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਤੇਸਞ੍ਞੇવ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ਚਤੂਹਿ ਫਲੇਹਿ ਸਦ੍ਧਿਂ ਉਪ੍ਪਨ੍ਨਾਨਂ ਚਤੁਨ੍ਨਂ ਫਸ੍ਸਾਦੀਨਂ ਏਕਤੋ ਸਮੋਧਾਨવਸੇਨ ਚੋਦੇਤੁਂ ਚਤੁਨ੍ਨਂ ਫਸ੍ਸਾਨਨ੍ਤਿਆਦਿਮਾਹ। ਸੋਤਾਪਤ੍ਤਿਮਗ੍ਗੇਨਾਤਿਆਦਿ ‘‘ਕਤਰਮਗ੍ਗੇਨ ਸਚ੍ਛਿਕਰੋਤੀ’’ਤਿ ਪੁਚ੍ਛਨਤ੍ਥਂ વੁਤ੍ਤਂ। ਅਰਹਤ੍ਤਮਗ੍ਗੇਨਾਤਿ ਚ વੁਤ੍ਤੇ ਤੇਨ ਸਕ੍ਕਾਯਦਿਟ੍ਠਿਆਦੀਨਂ ਪਹਾਨਾਭਾવવਸੇਨ ਚੋਦੇਤਿ। ਭਗવਾ ਸੋਤਾਪਨ੍ਨੋਤਿ ਬੁਦ੍ਧਭੂਤਸ੍ਸ ਸੋਤਾਪਨ੍ਨਭਾવੋ ਨਤ੍ਥੀਤਿ ਪਟਿਕ੍ਖਿਪਤਿ। ਪਰਤੋ ਪਞ੍ਹਦ੍વਯੇਪਿ ਏਸੇવ ਨਯੋ। ਸੇਸਮੇਤ੍ਥ ਯਥਾਪਾਲ਼ਿਮੇવ ਨਿਯ੍ਯਾਤੀਤਿ।
810-811. Idāni ekamaggakathā nāma hoti. Tattha yesaṃ buddhe bhagavati ayoniso pemavaseneva ‘‘bhagavā sotāpanno hutvā sakadāgāmī, sakadāgāmī hutvā anāgāmī, anāgāmī hutvā arahattaṃ sacchākāsi, ekeneva pana ariyamaggena cattāri phalāni sacchākāsī’’ti laddhi, seyyathāpi tesaññeva; te sandhāya pucchā sakavādissa, paṭiññā itarassa. Atha naṃ catūhi phalehi saddhiṃ uppannānaṃ catunnaṃ phassādīnaṃ ekato samodhānavasena codetuṃ catunnaṃ phassānantiādimāha. Sotāpattimaggenātiādi ‘‘kataramaggena sacchikarotī’’ti pucchanatthaṃ vuttaṃ. Arahattamaggenāti ca vutte tena sakkāyadiṭṭhiādīnaṃ pahānābhāvavasena codeti. Bhagavā sotāpannoti buddhabhūtassa sotāpannabhāvo natthīti paṭikkhipati. Parato pañhadvayepi eseva nayo. Sesamettha yathāpāḷimeva niyyātīti.
ਏਕਮਗ੍ਗਕਥਾવਣ੍ਣਨਾ।
Ekamaggakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੮੧) ੫. ਏਕਮਗ੍ਗਕਥਾ • (181) 5. Ekamaggakathā
