| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൫. ഏകമഗ്ഗകഥാവണ്ണനാ
5. Ekamaggakathāvaṇṇanā
൮൧൦-൮൧൧. ഇദാനി ഏകമഗ്ഗകഥാ നാമ ഹോതി. തത്ഥ യേസം ബുദ്ധേ ഭഗവതി അയോനിസോ പേമവസേനേവ ‘‘ഭഗവാ സോതാപന്നോ ഹുത്വാ സകദാഗാമീ, സകദാഗാമീ ഹുത്വാ അനാഗാമീ, അനാഗാമീ ഹുത്വാ അരഹത്തം സച്ഛാകാസി, ഏകേനേവ പന അരിയമഗ്ഗേന ചത്താരി ഫലാനി സച്ഛാകാസീ’’തി ലദ്ധി, സേയ്യഥാപി തേസഞ്ഞേവ; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ചതൂഹി ഫലേഹി സദ്ധിം ഉപ്പന്നാനം ചതുന്നം ഫസ്സാദീനം ഏകതോ സമോധാനവസേന ചോദേതും ചതുന്നം ഫസ്സാനന്തിആദിമാഹ. സോതാപത്തിമഗ്ഗേനാതിആദി ‘‘കതരമഗ്ഗേന സച്ഛികരോതീ’’തി പുച്ഛനത്ഥം വുത്തം. അരഹത്തമഗ്ഗേനാതി ച വുത്തേ തേന സക്കായദിട്ഠിആദീനം പഹാനാഭാവവസേന ചോദേതി. ഭഗവാ സോതാപന്നോതി ബുദ്ധഭൂതസ്സ സോതാപന്നഭാവോ നത്ഥീതി പടിക്ഖിപതി. പരതോ പഞ്ഹദ്വയേപി ഏസേവ നയോ. സേസമേത്ഥ യഥാപാളിമേവ നിയ്യാതീതി.
810-811. Idāni ekamaggakathā nāma hoti. Tattha yesaṃ buddhe bhagavati ayoniso pemavaseneva ‘‘bhagavā sotāpanno hutvā sakadāgāmī, sakadāgāmī hutvā anāgāmī, anāgāmī hutvā arahattaṃ sacchākāsi, ekeneva pana ariyamaggena cattāri phalāni sacchākāsī’’ti laddhi, seyyathāpi tesaññeva; te sandhāya pucchā sakavādissa, paṭiññā itarassa. Atha naṃ catūhi phalehi saddhiṃ uppannānaṃ catunnaṃ phassādīnaṃ ekato samodhānavasena codetuṃ catunnaṃ phassānantiādimāha. Sotāpattimaggenātiādi ‘‘kataramaggena sacchikarotī’’ti pucchanatthaṃ vuttaṃ. Arahattamaggenāti ca vutte tena sakkāyadiṭṭhiādīnaṃ pahānābhāvavasena codeti. Bhagavā sotāpannoti buddhabhūtassa sotāpannabhāvo natthīti paṭikkhipati. Parato pañhadvayepi eseva nayo. Sesamettha yathāpāḷimeva niyyātīti.
ഏകമഗ്ഗകഥാവണ്ണനാ.
Ekamaggakathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൮൧) ൫. ഏകമഗ്ഗകഥാ • (181) 5. Ekamaggakathā
