| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. ஏகமூலஸுத்தவண்ணனா
4. Ekamūlasuttavaṇṇanā
44. சதுத்தே² ஏகமூலந்தி அவிஜ்ஜா தண்ஹாய மூலங், தண்ஹா அவிஜ்ஜாய. இத⁴ பன தண்ஹா அதி⁴ப்பேதா. த்³வீஹி ஸஸ்ஸதுச்சே²த³தி³ட்டீ²ஹி ஆவட்டதீதி த்³விராவட்டா. ஸா ச ராகா³தீ³ஹி தீஹி மலேஹி திமலா. தத்ராஸ்ஸா மோஹோ ஸஹஜாதகோடியா மலங் ஹோதி, ராக³தோ³ஸா உபனிஸ்ஸயகோடியா. பஞ்ச பன காமகு³ணா அஸ்ஸா பத்த²ரணட்டா²னா, தேஸு ஸா பத்த²ரதீதி பஞ்சபத்த²ரா. ஸா ச அபூரணீயட்டே²ன ஸமுத்³தோ³. அஜ்ஜ²த்திகபா³ஹிரேஸு பனேஸா த்³வாத³ஸாயதனேஸு ஆவட்டதி பரிவட்டதீதி த்³வாத³ஸாவட்டா. அபதிட்ட²ட்டே²ன பன பாதாலோதி வுச்சதீதி. ஏகமூலங்…பே॰… பாதாலங், அதரி இஸி, உத்தரி ஸமதிக்கமீதி அத்தோ². சதுத்த²ங்.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. ஏகமூலஸுத்தங் • 4. Ekamūlasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. ஏகமூலஸுத்தவண்ணனா • 4. Ekamūlasuttavaṇṇanā
