| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. згамууласуд̇д̇аван̣н̣анаа
4. Ekamūlasuttavaṇṇanā
44. жад̇уд̇т̇з згамууланд̇и авиж̇ж̇аа д̇ан̣хааяа муулам̣, д̇ан̣хаа авиж̇ж̇ааяа. ид̇ха бана д̇ан̣хаа ад̇хиббзд̇аа. д̣̇вийхи сассад̇ужчзд̣̇ад̣̇идтийхи ааваддад̇ийд̇и д̣̇вирааваддаа. саа жа рааг̇аад̣̇ийхи д̇ийхи малзхи д̇ималаа. д̇ад̇раассаа мохо сахаж̇аад̇агодияаа малам̣ ход̇и, рааг̇ад̣̇осаа убаниссаяагодияаа. бан̃жа бана гаамаг̇ун̣аа ассаа бад̇т̇аран̣адтаанаа, д̇зсу саа бад̇т̇арад̇ийд̇и бан̃жабад̇т̇араа. саа жа абууран̣ийяадтзна самуд̣̇д̣̇о. аж̇жхад̇д̇игаб̣аахирзсу банзсаа д̣̇ваад̣̇асааяад̇анзсу ааваддад̇и бариваддад̇ийд̇и д̣̇ваад̣̇асааваддаа. абад̇идтадтзна бана баад̇аалод̇и вужжад̇ийд̇и. згамуулам̣…бз… баад̇аалам̣, ад̇ари иси, уд̇д̇ари самад̇иггамийд̇и ад̇т̇о. жад̇уд̇т̇ам̣.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. згамууласуд̇д̇ам̣ • 4. Ekamūlasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. згамууласуд̇д̇аван̣н̣анаа • 4. Ekamūlasuttavaṇṇanā
