| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. เอกมูลสุตฺตวณฺณนา
4. Ekamūlasuttavaṇṇanā
๔๔. จตุเตฺถ เอกมูลนฺติ อวิชฺชา ตณฺหาย มูลํ, ตณฺหา อวิชฺชายฯ อิธ ปน ตณฺหา อธิเปฺปตาฯ ทฺวีหิ สสฺสตุเจฺฉททิฎฺฐีหิ อาวฎฺฎตีติ ทฺวิราวฎฺฎาฯ สา จ ราคาทีหิ ตีหิ มเลหิ ติมลาฯ ตตฺราสฺสา โมโห สหชาตโกฎิยา มลํ โหติ, ราคโทสา อุปนิสฺสยโกฎิยาฯ ปญฺจ ปน กามคุณา อสฺสา ปตฺถรณฎฺฐานา, เตสุ สา ปตฺถรตีติ ปญฺจปตฺถราฯ สา จ อปูรณียเฎฺฐน สมุโทฺทฯ อชฺฌตฺติกพาหิเรสุ ปเนสา ทฺวาทสายตเนสุ อาวฎฺฎติ ปริวฎฺฎตีติ ทฺวาทสาวฎฺฎาฯ อปติฎฺฐเฎฺฐน ปน ปาตาโลติ วุจฺจตีติฯ เอกมูลํ…เป.… ปาตาลํ, อตริ อิสิ, อุตฺตริ สมติกฺกมีติ อโตฺถฯ จตุตฺถํฯ
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. เอกมูลสุตฺตํ • 4. Ekamūlasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. เอกมูลสุตฺตวณฺณนา • 4. Ekamūlasuttavaṇṇanā
