| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. ឯកមូលសុត្តវណ្ណនា
4. Ekamūlasuttavaṇṇanā
៤៤. ចតុត្ថេ ឯកមូលន្តិ អវិជ្ជា តណ្ហាយ មូលំ, តណ្ហា អវិជ្ជាយ។ ឥធ បន តណ្ហា អធិប្បេតា។ ទ្វីហិ សស្សតុច្ឆេទទិដ្ឋីហិ អាវដ្ដតីតិ ទ្វិរាវដ្ដា។ សា ច រាគាទីហិ តីហិ មលេហិ តិមលា។ តត្រាស្សា មោហោ សហជាតកោដិយា មលំ ហោតិ, រាគទោសា ឧបនិស្សយកោដិយា។ បញ្ច បន កាមគុណា អស្សា បត្ថរណដ្ឋានា, តេសុ សា បត្ថរតីតិ បញ្ចបត្ថរា។ សា ច អបូរណីយដ្ឋេន សមុទ្ទោ។ អជ្ឈត្តិកពាហិរេសុ បនេសា ទ្វាទសាយតនេសុ អាវដ្ដតិ បរិវដ្ដតីតិ ទ្វាទសាវដ្ដា។ អបតិដ្ឋដ្ឋេន បន បាតាលោតិ វុច្ចតីតិ។ ឯកមូលំ…បេ.… បាតាលំ, អតរិ ឥសិ, ឧត្តរិ សមតិក្កមីតិ អត្ថោ។ ចតុត្ថំ។
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. ឯកមូលសុត្តំ • 4. Ekamūlasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. ឯកមូលសុត្តវណ្ណនា • 4. Ekamūlasuttavaṇṇanā
