| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪. ഏകമൂലസുത്തവണ്ണനാ
4. Ekamūlasuttavaṇṇanā
൪൪. ചതുത്ഥേ ഏകമൂലന്തി അവിജ്ജാ തണ്ഹായ മൂലം, തണ്ഹാ അവിജ്ജായ. ഇധ പന തണ്ഹാ അധിപ്പേതാ. ദ്വീഹി സസ്സതുച്ഛേദദിട്ഠീഹി ആവട്ടതീതി ദ്വിരാവട്ടാ. സാ ച രാഗാദീഹി തീഹി മലേഹി തിമലാ. തത്രാസ്സാ മോഹോ സഹജാതകോടിയാ മലം ഹോതി, രാഗദോസാ ഉപനിസ്സയകോടിയാ. പഞ്ച പന കാമഗുണാ അസ്സാ പത്ഥരണട്ഠാനാ, തേസു സാ പത്ഥരതീതി പഞ്ചപത്ഥരാ. സാ ച അപൂരണീയട്ഠേന സമുദ്ദോ. അജ്ഝത്തികബാഹിരേസു പനേസാ ദ്വാദസായതനേസു ആവട്ടതി പരിവട്ടതീതി ദ്വാദസാവട്ടാ. അപതിട്ഠട്ഠേന പന പാതാലോതി വുച്ചതീതി. ഏകമൂലം…പേ॰… പാതാലം, അതരി ഇസി, ഉത്തരി സമതിക്കമീതി അത്ഥോ. ചതുത്ഥം.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. ഏകമൂലസുത്തം • 4. Ekamūlasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. ഏകമൂലസുത്തവണ്ണനാ • 4. Ekamūlasuttavaṇṇanā
