| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಏಕಞ್ಜಲಿಕತ್ಥೇರಅಪದಾನಂ
5. Ekañjalikattheraapadānaṃ
೧೯.
19.
‘‘ಉದುಮ್ಬರೇ ವಸನ್ತಸ್ಸ, ನಿಯತೇ ಪಣ್ಣಸನ್ಥರೇ।
‘‘Udumbare vasantassa, niyate paṇṇasanthare;
ವುತ್ಥೋಕಾಸೋ ಮಯಾ ದಿನ್ನೋ, ಸಮಣಸ್ಸ ಮಹೇಸಿನೋ॥
Vutthokāso mayā dinno, samaṇassa mahesino.
೨೦.
20.
‘‘ತಿಸ್ಸಸ್ಸ ದ್ವಿಪದಿನ್ದಸ್ಸ, ಲೋಕನಾಥಸ್ಸ ತಾದಿನೋ।
‘‘Tissassa dvipadindassa, lokanāthassa tādino;
ಅಞ್ಜಲಿಂ ಪಗ್ಗಹೇತ್ವಾನ, ಸನ್ಥರಿಂ ಪುಪ್ಫಸನ್ಥರಂ॥
Añjaliṃ paggahetvāna, santhariṃ pupphasantharaṃ.
೨೧.
21.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಕರಿಂ ಪುಪ್ಫಸನ್ಥರಂ।
‘‘Dvenavute ito kappe, yaṃ kariṃ pupphasantharaṃ;
ದುಗ್ಗತಿಂ ನಾಭಿಜಾನಾಮಿ, ಸನ್ಥರಸ್ಸ ಇದಂ ಫಲಂ॥
Duggatiṃ nābhijānāmi, santharassa idaṃ phalaṃ.
೨೨.
22.
‘‘ಇತೋ ಚುದ್ದಸಕಪ್ಪಮ್ಹಿ, ಅಹೋಸಿಂ ಮನುಜಾಧಿಪೋ।
‘‘Ito cuddasakappamhi, ahosiṃ manujādhipo;
ಏಕಅಞ್ಜಲಿಕೋ ನಾಮ, ಚಕ್ಕವತ್ತೀ ಮಹಬ್ಬಲೋ॥
Ekaañjaliko nāma, cakkavattī mahabbalo.
೨೩.
23.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಏಕಞ್ಜಲಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ekañjaliko thero imā gāthāyo abhāsitthāti.
ಏಕಞ್ಜಲಿಕತ್ಥೇರಸ್ಸಾಪದಾನಂ ಪಞ್ಚಮಂ।
Ekañjalikattherassāpadānaṃ pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಸುವಣ್ಣಬಿಬ್ಬೋಹನಿಯತ್ಥೇರಅಪದಾನಾದಿವಣ್ಣನಾ • 1-10. Suvaṇṇabibbohaniyattheraapadānādivaṇṇanā
