| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. එකඤ්‌ජලිකත්‌ථෙරඅපදානං
5. Ekañjalikattheraapadānaṃ
19.
19.
‘‘උදුම්‌බරෙ වසන්‌තස්‌ස, නියතෙ පණ්‌ණසන්‌ථරෙ;
‘‘Udumbare vasantassa, niyate paṇṇasanthare;
වුත්‌ථොකාසො මයා දින්‌නො, සමණස්‌ස මහෙසිනො.
Vutthokāso mayā dinno, samaṇassa mahesino.
20.
20.
‘‘තිස්‌සස්‌ස ද්‌විපදින්‌දස්‌ස, ලොකනාථස්‌ස තාදිනො;
‘‘Tissassa dvipadindassa, lokanāthassa tādino;
අඤ්‌ජලිං පග්‌ගහෙත්‌වාන, සන්‌ථරිං පුප්‌ඵසන්‌ථරං.
Añjaliṃ paggahetvāna, santhariṃ pupphasantharaṃ.
21.
21.
‘‘ද්‌වෙනවුතෙ ඉතො කප්‌පෙ, යං කරිං පුප්‌ඵසන්‌ථරං;
‘‘Dvenavute ito kappe, yaṃ kariṃ pupphasantharaṃ;
දුග්‌ගතිං නාභිජානාමි, සන්‌ථරස්‌ස ඉදං ඵලං.
Duggatiṃ nābhijānāmi, santharassa idaṃ phalaṃ.
22.
22.
‘‘ඉතො චුද්‌දසකප්‌පම්‌හි, අහොසිං මනුජාධිපො;
‘‘Ito cuddasakappamhi, ahosiṃ manujādhipo;
එකඅඤ්‌ජලිකො නාම, චක්‌කවත්‌තී මහබ්‌බලො.
Ekaañjaliko nāma, cakkavattī mahabbalo.
23.
23.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා එකඤ්‌ජලිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ekañjaliko thero imā gāthāyo abhāsitthāti.
එකඤ්‌ජලිකත්‌ථෙරස්‌සාපදානං පඤ්‌චමං.
Ekañjalikattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. සුවණ්‌ණබිබ්‌බොහනියත්‌ථෙරඅපදානාදිවණ්‌ණනා • 1-10. Suvaṇṇabibbohaniyattheraapadānādivaṇṇanā
