| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. зган̃ж̇алигад̇т̇зраабад̣̇аанаван̣н̣анаа
9. Ekañjalikattheraapadānavaṇṇanā
суван̣н̣аван̣н̣анд̇иаад̣̇игам̣ ааяасмад̇о зган̃ж̇алигад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басанно бин̣д̣ааяа жаранд̇ам̣ вибассим̣ бхаг̇аванд̇ам̣ д̣̇исваа басаннамаанасо ан̃ж̇алим̣ баг̇г̇ахзд̇ваа адтааси. со д̇зна бун̃н̃агаммзна д̣̇звамануссзсу сам̣саранд̇о саб̣б̣ад̇т̇а бууж̇анийяо худ̇ваа убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з вибхавасамбаннз гулз ниб̣б̣ад̇д̇ид̇ваа саасанз басийд̣̇ид̇ваа баб̣б̣аж̇ид̇ваа вибассанам̣ вад̣дхзд̇ваа арахад̇д̇з бад̇идтааси. буб̣б̣з гад̇абун̃н̃авасзна зган̃ж̇алигад̇т̇зрод̇и баагадо.
Suvaṇṇavaṇṇantiādikaṃ āyasmato ekañjalikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto viññutaṃ patto ratanattaye pasanno piṇḍāya carantaṃ vipassiṃ bhagavantaṃ disvā pasannamānaso añjaliṃ paggahetvā aṭṭhāsi. So tena puññakammena devamanussesu saṃsaranto sabbattha pūjanīyo hutvā ubhayasampattiyo anubhavitvā imasmiṃ buddhuppāde vibhavasampanne kule nibbattitvā sāsane pasīditvā pabbajitvā vipassanaṃ vaḍḍhetvā arahatte patiṭṭhāsi. Pubbe katapuññavasena ekañjalikattheroti pākaṭo.
180. со ад̇д̇ано буб̣б̣агаммам̣ сарид̇ваа д̇ам̣ хад̇т̇ад̇алз аамалагам̣ вияа д̣̇исваа уд̣̇аанавасзна буб̣б̣ажарид̇аабад̣̇аанам̣ багаасзнд̇о суван̣н̣аван̣н̣анд̇иаад̣̇имааха. вибассим̣ сад̇т̇аваахаг̇г̇анд̇и ваан̣иж̇з ганд̇аараа вахад̇и д̇аарзд̇ийд̇и сад̇т̇аваахо . ваал̣аганд̇аараа жол̣аганд̇аараа д̣̇уб̣бхигкаганд̇аараа нируд̣̇агаганд̇аараа яагкаганд̇аараа аббабхагкаганд̇аараа жа д̇аарзд̇и уд̇д̇аарзд̇и бад̇аарзд̇и нид̇д̇аарзд̇и кзманд̇абхуумим̣ баабзд̇ийд̇и ад̇т̇о. го со? ваан̣иж̇аж̇здтаго. сад̇т̇аваахасад̣̇исад̇д̇аа аяамби бхаг̇аваа сад̇т̇аваахо. д̇ат̇аа хи со д̇ивид̇хам̣ б̣од̇хим̣ бад̇т̇аяанд̇з гад̇абун̃н̃асамбхаарз сад̇д̇з ж̇аад̇иганд̇аараа ж̇арааганд̇аараа б̣яаад̇хиганд̇аараа маран̣аганд̇аараа согабарид̣̇звад̣̇угкад̣̇оманассубааяаасаганд̇аараа жа саб̣б̣асмаа сам̣саараганд̇аараа жа д̇аарзд̇и уд̇д̇аарзд̇и бад̇аарзд̇и нид̇д̇аарзд̇и ниб̣б̣аанат̇алам̣ баабзд̇ийд̇и ад̇т̇о. сад̇т̇аваахо жа со аг̇г̇о сздто бад̇хаано жаад̇и сад̇т̇аваахаг̇г̇о, д̇ам̣ сад̇т̇аваахаг̇г̇ам̣ вибассим̣ самб̣уд̣̇д̇ханд̇и самб̣анд̇хо. нараварам̣ винааяаганд̇и нараанам̣ анд̇арз асит̇илабараггамод̇и наравийро, д̇ам̣. висзсзна гад̇абун̃н̃асамбхаарз сад̇д̇з нзд̇и ниб̣б̣аанабурам̣ баабзд̇ийд̇и винааяаго, д̇ам̣.
180. So attano pubbakammaṃ saritvā taṃ hatthatale āmalakaṃ viya disvā udānavasena pubbacaritāpadānaṃ pakāsento suvaṇṇavaṇṇantiādimāha. Vipassiṃ satthavāhagganti vāṇije kantārā vahati tāretīti satthavāho . Vāḷakantārā coḷakantārā dubbhikkhakantārā nirudakakantārā yakkhakantārā appabhakkhakantārā ca tāreti uttāreti patāreti nittāreti khemantabhūmiṃ pāpetīti attho. Ko so? Vāṇijajeṭṭhako. Satthavāhasadisattā ayampi bhagavā satthavāho. Tathā hi so tividhaṃ bodhiṃ patthayante katapuññasambhāre satte jātikantārā jarākantārā byādhikantārā maraṇakantārā sokaparidevadukkhadomanassupāyāsakantārā ca sabbasmā saṃsārakantārā ca tāreti uttāreti patāreti nittāreti nibbānathalaṃ pāpetīti attho. Satthavāho ca so aggo seṭṭho padhāno cāti satthavāhaggo, taṃ satthavāhaggaṃ vipassiṃ sambuddhanti sambandho. Naravaraṃ vināyakanti narānaṃ antare asithilaparakkamoti naravīro, taṃ. Visesena katapuññasambhāre satte neti nibbānapuraṃ pāpetīti vināyako, taṃ.
181. ад̣̇анд̇ад̣̇аманам̣ д̇аад̣̇инд̇и рааг̇ад̣̇осамохаад̣̇игилзсасамбаяуд̇д̇ад̇д̇аа гааяаважийманод̣̇ваарзхи ад̣̇анд̇з сад̇д̇з д̣̇амзд̇ийд̇и ад̣̇анд̇ад̣̇амано, д̇ам̣. идтаанидтзсу агамбияад̇аад̣̇иг̇ун̣аяуд̇д̇од̇и д̇аад̣̇ий, д̇ам̣. махааваад̣̇им̣ махаамад̇инд̇и сагасамаяабарасамаяаваад̣̇ийнам̣ анд̇арз ад̇д̇анаа самад̇хигабуг̇г̇алавирахид̇ад̇д̇аа махааваад̣̇ий , махад̇ий бат̇ависамаанаа мзрусамаанаа жа мад̇и яасса со махаамад̇и, д̇ам̣ махааваад̣̇им̣ махаамад̇им̣ самб̣уд̣̇д̇ханд̇и иминаа д̇уляаад̇хигаран̣ам̣. сзсам̣ сувин̃н̃зяяамзваад̇и.
181.Adantadamanaṃ tādinti rāgadosamohādikilesasampayuttattā kāyavacīmanodvārehi adante satte dametīti adantadamano, taṃ. Iṭṭhāniṭṭhesu akampiyatādiguṇayuttoti tādī, taṃ. Mahāvādiṃ mahāmatinti sakasamayaparasamayavādīnaṃ antare attanā samadhikapuggalavirahitattā mahāvādī , mahatī pathavisamānā merusamānā ca mati yassa so mahāmati, taṃ mahāvādiṃ mahāmatiṃ sambuddhanti iminā tulyādhikaraṇaṃ. Sesaṃ suviññeyyamevāti.
зган̃ж̇алигад̇т̇зраабад̣̇аанаван̣н̣анаа самад̇д̇аа.
Ekañjalikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. зган̃ж̇алигад̇т̇зраабад̣̇аанам̣ • 9. Ekañjalikattheraapadānaṃ
