| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਏਕਞ੍ਜਲਿਕਤ੍ਥੇਰਅਪਦਾਨવਣ੍ਣਨਾ
9. Ekañjalikattheraapadānavaṇṇanā
ਸੁવਣ੍ਣવਣ੍ਣਨ੍ਤਿਆਦਿਕਂ ਆਯਸ੍ਮਤੋ ਏਕਞ੍ਜਲਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਰਤਨਤ੍ਤਯੇ ਪਸਨ੍ਨੋ ਪਿਣ੍ਡਾਯ ਚਰਨ੍ਤਂ વਿਪਸ੍ਸਿਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਅਞ੍ਜਲਿਂ ਪਗ੍ਗਹੇਤ੍વਾ ਅਟ੍ਠਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਸਬ੍ਬਤ੍ਥ ਪੂਜਨੀਯੋ ਹੁਤ੍વਾ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤਿਤ੍વਾ ਸਾਸਨੇ ਪਸੀਦਿਤ੍વਾ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤੇ ਪਤਿਟ੍ਠਾਸਿ। ਪੁਬ੍ਬੇ ਕਤਪੁਞ੍ਞવਸੇਨ ਏਕਞ੍ਜਲਿਕਤ੍ਥੇਰੋਤਿ ਪਾਕਟੋ।
Suvaṇṇavaṇṇantiādikaṃ āyasmato ekañjalikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto viññutaṃ patto ratanattaye pasanno piṇḍāya carantaṃ vipassiṃ bhagavantaṃ disvā pasannamānaso añjaliṃ paggahetvā aṭṭhāsi. So tena puññakammena devamanussesu saṃsaranto sabbattha pūjanīyo hutvā ubhayasampattiyo anubhavitvā imasmiṃ buddhuppāde vibhavasampanne kule nibbattitvā sāsane pasīditvā pabbajitvā vipassanaṃ vaḍḍhetvā arahatte patiṭṭhāsi. Pubbe katapuññavasena ekañjalikattheroti pākaṭo.
੧੮੦. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਤਂ ਹਤ੍ਥਤਲੇ ਆਮਲਕਂ વਿਯ ਦਿਸ੍વਾ ਉਦਾਨવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁવਣ੍ਣવਣ੍ਣਨ੍ਤਿਆਦਿਮਾਹ। વਿਪਸ੍ਸਿਂ ਸਤ੍ਥવਾਹਗ੍ਗਨ੍ਤਿ વਾਣਿਜੇ ਕਨ੍ਤਾਰਾ વਹਤਿ ਤਾਰੇਤੀਤਿ ਸਤ੍ਥવਾਹੋ । વਾਲ਼ਕਨ੍ਤਾਰਾ ਚੋਲ਼ਕਨ੍ਤਾਰਾ ਦੁਬ੍ਭਿਕ੍ਖਕਨ੍ਤਾਰਾ ਨਿਰੁਦਕਕਨ੍ਤਾਰਾ ਯਕ੍ਖਕਨ੍ਤਾਰਾ ਅਪ੍ਪਭਕ੍ਖਕਨ੍ਤਾਰਾ ਚ ਤਾਰੇਤਿ ਉਤ੍ਤਾਰੇਤਿ ਪਤਾਰੇਤਿ ਨਿਤ੍ਤਾਰੇਤਿ ਖੇਮਨ੍ਤਭੂਮਿਂ ਪਾਪੇਤੀਤਿ ਅਤ੍ਥੋ। ਕੋ ਸੋ? વਾਣਿਜਜੇਟ੍ਠਕੋ। ਸਤ੍ਥવਾਹਸਦਿਸਤ੍ਤਾ ਅਯਮ੍ਪਿ ਭਗવਾ ਸਤ੍ਥવਾਹੋ। ਤਥਾ ਹਿ ਸੋ ਤਿવਿਧਂ ਬੋਧਿਂ ਪਤ੍ਥਯਨ੍ਤੇ ਕਤਪੁਞ੍ਞਸਮ੍ਭਾਰੇ ਸਤ੍ਤੇ ਜਾਤਿਕਨ੍ਤਾਰਾ ਜਰਾਕਨ੍ਤਾਰਾ ਬ੍ਯਾਧਿਕਨ੍ਤਾਰਾ ਮਰਣਕਨ੍ਤਾਰਾ ਸੋਕਪਰਿਦੇવਦੁਕ੍ਖਦੋਮਨਸ੍ਸੁਪਾਯਾਸਕਨ੍ਤਾਰਾ ਚ ਸਬ੍ਬਸ੍ਮਾ ਸਂਸਾਰਕਨ੍ਤਾਰਾ ਚ ਤਾਰੇਤਿ ਉਤ੍ਤਾਰੇਤਿ ਪਤਾਰੇਤਿ ਨਿਤ੍ਤਾਰੇਤਿ ਨਿਬ੍ਬਾਨਥਲਂ ਪਾਪੇਤੀਤਿ ਅਤ੍ਥੋ। ਸਤ੍ਥવਾਹੋ ਚ ਸੋ ਅਗ੍ਗੋ ਸੇਟ੍ਠੋ ਪਧਾਨੋ ਚਾਤਿ ਸਤ੍ਥવਾਹਗ੍ਗੋ, ਤਂ ਸਤ੍ਥવਾਹਗ੍ਗਂ વਿਪਸ੍ਸਿਂ ਸਮ੍ਬੁਦ੍ਧਨ੍ਤਿ ਸਮ੍ਬਨ੍ਧੋ। ਨਰવਰਂ વਿਨਾਯਕਨ੍ਤਿ ਨਰਾਨਂ ਅਨ੍ਤਰੇ ਅਸਿਥਿਲਪਰਕ੍ਕਮੋਤਿ ਨਰવੀਰੋ, ਤਂ। વਿਸੇਸੇਨ ਕਤਪੁਞ੍ਞਸਮ੍ਭਾਰੇ ਸਤ੍ਤੇ ਨੇਤਿ ਨਿਬ੍ਬਾਨਪੁਰਂ ਪਾਪੇਤੀਤਿ વਿਨਾਯਕੋ, ਤਂ।
180. So attano pubbakammaṃ saritvā taṃ hatthatale āmalakaṃ viya disvā udānavasena pubbacaritāpadānaṃ pakāsento suvaṇṇavaṇṇantiādimāha. Vipassiṃ satthavāhagganti vāṇije kantārā vahati tāretīti satthavāho . Vāḷakantārā coḷakantārā dubbhikkhakantārā nirudakakantārā yakkhakantārā appabhakkhakantārā ca tāreti uttāreti patāreti nittāreti khemantabhūmiṃ pāpetīti attho. Ko so? Vāṇijajeṭṭhako. Satthavāhasadisattā ayampi bhagavā satthavāho. Tathā hi so tividhaṃ bodhiṃ patthayante katapuññasambhāre satte jātikantārā jarākantārā byādhikantārā maraṇakantārā sokaparidevadukkhadomanassupāyāsakantārā ca sabbasmā saṃsārakantārā ca tāreti uttāreti patāreti nittāreti nibbānathalaṃ pāpetīti attho. Satthavāho ca so aggo seṭṭho padhāno cāti satthavāhaggo, taṃ satthavāhaggaṃ vipassiṃ sambuddhanti sambandho. Naravaraṃ vināyakanti narānaṃ antare asithilaparakkamoti naravīro, taṃ. Visesena katapuññasambhāre satte neti nibbānapuraṃ pāpetīti vināyako, taṃ.
੧੮੧. ਅਦਨ੍ਤਦਮਨਂ ਤਾਦਿਨ੍ਤਿ ਰਾਗਦੋਸਮੋਹਾਦਿਕਿਲੇਸਸਮ੍ਪਯੁਤ੍ਤਤ੍ਤਾ ਕਾਯવਚੀਮਨੋਦ੍વਾਰੇਹਿ ਅਦਨ੍ਤੇ ਸਤ੍ਤੇ ਦਮੇਤੀਤਿ ਅਦਨ੍ਤਦਮਨੋ, ਤਂ। ਇਟ੍ਠਾਨਿਟ੍ਠੇਸੁ ਅਕਮ੍ਪਿਯਤਾਦਿਗੁਣਯੁਤ੍ਤੋਤਿ ਤਾਦੀ, ਤਂ। ਮਹਾવਾਦਿਂ ਮਹਾਮਤਿਨ੍ਤਿ ਸਕਸਮਯਪਰਸਮਯવਾਦੀਨਂ ਅਨ੍ਤਰੇ ਅਤ੍ਤਨਾ ਸਮਧਿਕਪੁਗ੍ਗਲવਿਰਹਿਤਤ੍ਤਾ ਮਹਾવਾਦੀ , ਮਹਤੀ ਪਥવਿਸਮਾਨਾ ਮੇਰੁਸਮਾਨਾ ਚ ਮਤਿ ਯਸ੍ਸ ਸੋ ਮਹਾਮਤਿ, ਤਂ ਮਹਾવਾਦਿਂ ਮਹਾਮਤਿਂ ਸਮ੍ਬੁਦ੍ਧਨ੍ਤਿ ਇਮਿਨਾ ਤੁਲ੍ਯਾਧਿਕਰਣਂ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
181.Adantadamanaṃ tādinti rāgadosamohādikilesasampayuttattā kāyavacīmanodvārehi adante satte dametīti adantadamano, taṃ. Iṭṭhāniṭṭhesu akampiyatādiguṇayuttoti tādī, taṃ. Mahāvādiṃ mahāmatinti sakasamayaparasamayavādīnaṃ antare attanā samadhikapuggalavirahitattā mahāvādī , mahatī pathavisamānā merusamānā ca mati yassa so mahāmati, taṃ mahāvādiṃ mahāmatiṃ sambuddhanti iminā tulyādhikaraṇaṃ. Sesaṃ suviññeyyamevāti.
ਏਕਞ੍ਜਲਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ekañjalikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਏਕਞ੍ਜਲਿਕਤ੍ਥੇਰਅਪਦਾਨਂ • 9. Ekañjalikattheraapadānaṃ
