| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. একন্তদুক্খসুত্তং
5. Ekantadukkhasuttaṃ
১১৮. সাৰত্থিযং ৰিহরতি…পে॰… ‘‘পথৰীধাতু চে 1 হিদং, ভিক্খৰে, একন্তদুক্খা অভৰিস্স দুক্খানুপতিতা দুক্খাৰক্কন্তা অনৰক্কন্তা সুখেন, নযিদং সত্তা পথৰীধাতুযা সারজ্জেয্যুং। যস্মা চ খো, ভিক্খৰে, পথৰীধাতু সুখা সুখানুপতিতা সুখাৰক্কন্তা অনৰক্কন্তা দুক্খেন, তস্মা সত্তা পথৰীধাতুযা সারজ্জন্তি’’।
118. Sāvatthiyaṃ viharati…pe… ‘‘pathavīdhātu ce 2 hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā pathavīdhātuyā sārajjeyyuṃ. Yasmā ca kho, bhikkhave, pathavīdhātu sukhā sukhānupatitā sukhāvakkantā anavakkantā dukkhena, tasmā sattā pathavīdhātuyā sārajjanti’’.
‘‘আপোধাতু চে হিদং, ভিক্খৰে…পে॰… তেজোধাতু চে হিদং, ভিক্খৰে… ৰাযোধাতু চে হিদং, ভিক্খৰে, একন্তদুক্খা অভৰিস্স দুক্খানুপতিতা দুক্খাৰক্কন্তা অনৰক্কন্তা সুখেন, নযিদং সত্তা ৰাযোধাতুযা সারজ্জেয্যুং। যস্মা চ খো, ভিক্খৰে, ৰাযোধাতু সুখা সুখানুপতিতা সুখাৰক্কন্তা অনৰক্কন্তা দুক্খেন, তস্মা সত্তা ৰাযোধাতুযা সারজ্জন্তি।
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā vāyodhātuyā sārajjeyyuṃ. Yasmā ca kho, bhikkhave, vāyodhātu sukhā sukhānupatitā sukhāvakkantā anavakkantā dukkhena, tasmā sattā vāyodhātuyā sārajjanti.
‘‘পথৰীধাতু চে হিদং, ভিক্খৰে, একন্তসুখা অভৰিস্স সুখানুপতিতা সুখাৰক্কন্তা অনৰক্কন্তা দুক্খেন, নযিদং সত্তা পথৰীধাতুযা নিব্বিন্দেয্যুং। যস্মা চ খো, ভিক্খৰে, পথৰীধাতু দুক্খা দুক্খানুপতিতা দুক্খাৰক্কন্তা অনৰক্কন্তা সুখেন, তস্মা সত্তা পথৰীধাতুযা নিব্বিন্দন্তি।
‘‘Pathavīdhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, pathavīdhātu dukkhā dukkhānupatitā dukkhāvakkantā anavakkantā sukhena, tasmā sattā pathavīdhātuyā nibbindanti.
‘‘আপোধাতু চে হিদং, ভিক্খৰে…পে॰… তেজোধাতু চে হিদং, ভিক্খৰে… ৰাযোধাতু চে হিদং, ভিক্খৰে, একন্তসুখা অভৰিস্স সুখানুপতিতা সুখাৰক্কন্তা অনৰক্কন্তা দুক্খেন, নযিদং সত্তা ৰাযোধাতুযা নিব্বিন্দেয্যুং। যস্মা চ খো, ভিক্খৰে, ৰাযোধাতু দুক্খা দুক্খানুপতিতা দুক্খাৰক্কন্তা অনৰক্কন্তা সুখেন, তস্মা সত্তা ৰাযোধাতুযা নিব্বিন্দন্তী’’তি। পঞ্চমং।
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā vāyodhātuyā nibbindeyyuṃ. Yasmā ca kho, bhikkhave, vāyodhātu dukkhā dukkhānupatitā dukkhāvakkantā anavakkantā sukhena, tasmā sattā vāyodhātuyā nibbindantī’’ti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. একন্তদুক্খসুত্তৰণ্ণনা • 5. Ekantadukkhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. একন্তদুক্খসুত্তৰণ্ণনা • 5. Ekantadukkhasuttavaṇṇanā
