| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. зганд̇ад̣̇угкасуд̇д̇ам̣
5. Ekantadukkhasuttaṃ
118. саавад̇т̇ияам̣ вихарад̇и…бз… ‘‘бат̇авийд̇хаад̇у жз 1 хид̣̇ам̣, бхигкавз, зганд̇ад̣̇угкаа абхависса д̣̇угкаанубад̇ид̇аа д̣̇угкаавагганд̇аа анавагганд̇аа сукзна, наяид̣̇ам̣ сад̇д̇аа бат̇авийд̇хаад̇уяаа саараж̇ж̇зяяум̣. яасмаа жа ко, бхигкавз, бат̇авийд̇хаад̇у сукаа сукаанубад̇ид̇аа сукаавагганд̇аа анавагганд̇аа д̣̇угкзна, д̇асмаа сад̇д̇аа бат̇авийд̇хаад̇уяаа саараж̇ж̇анд̇и’’.
118. Sāvatthiyaṃ viharati…pe… ‘‘pathavīdhātu ce 2 hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā pathavīdhātuyā sārajjeyyuṃ. Yasmā ca kho, bhikkhave, pathavīdhātu sukhā sukhānupatitā sukhāvakkantā anavakkantā dukkhena, tasmā sattā pathavīdhātuyā sārajjanti’’.
‘‘аабод̇хаад̇у жз хид̣̇ам̣, бхигкавз…бз… д̇зж̇од̇хаад̇у жз хид̣̇ам̣, бхигкавз… вааяод̇хаад̇у жз хид̣̇ам̣, бхигкавз, зганд̇ад̣̇угкаа абхависса д̣̇угкаанубад̇ид̇аа д̣̇угкаавагганд̇аа анавагганд̇аа сукзна, наяид̣̇ам̣ сад̇д̇аа вааяод̇хаад̇уяаа саараж̇ж̇зяяум̣. яасмаа жа ко, бхигкавз, вааяод̇хаад̇у сукаа сукаанубад̇ид̇аа сукаавагганд̇аа анавагганд̇аа д̣̇угкзна, д̇асмаа сад̇д̇аа вааяод̇хаад̇уяаа саараж̇ж̇анд̇и.
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā vāyodhātuyā sārajjeyyuṃ. Yasmā ca kho, bhikkhave, vāyodhātu sukhā sukhānupatitā sukhāvakkantā anavakkantā dukkhena, tasmā sattā vāyodhātuyā sārajjanti.
‘‘бат̇авийд̇хаад̇у жз хид̣̇ам̣, бхигкавз, зганд̇асукаа абхависса сукаанубад̇ид̇аа сукаавагганд̇аа анавагганд̇аа д̣̇угкзна, наяид̣̇ам̣ сад̇д̇аа бат̇авийд̇хаад̇уяаа ниб̣б̣инд̣̇зяяум̣. яасмаа жа ко, бхигкавз, бат̇авийд̇хаад̇у д̣̇угкаа д̣̇угкаанубад̇ид̇аа д̣̇угкаавагганд̇аа анавагганд̇аа сукзна, д̇асмаа сад̇д̇аа бат̇авийд̇хаад̇уяаа ниб̣б̣инд̣̇анд̇и.
‘‘Pathavīdhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, pathavīdhātu dukkhā dukkhānupatitā dukkhāvakkantā anavakkantā sukhena, tasmā sattā pathavīdhātuyā nibbindanti.
‘‘аабод̇хаад̇у жз хид̣̇ам̣, бхигкавз…бз… д̇зж̇од̇хаад̇у жз хид̣̇ам̣, бхигкавз… вааяод̇хаад̇у жз хид̣̇ам̣, бхигкавз, зганд̇асукаа абхависса сукаанубад̇ид̇аа сукаавагганд̇аа анавагганд̇аа д̣̇угкзна, наяид̣̇ам̣ сад̇д̇аа вааяод̇хаад̇уяаа ниб̣б̣инд̣̇зяяум̣. яасмаа жа ко, бхигкавз, вааяод̇хаад̇у д̣̇угкаа д̣̇угкаанубад̇ид̇аа д̣̇угкаавагганд̇аа анавагганд̇аа сукзна, д̇асмаа сад̇д̇аа вааяод̇хаад̇уяаа ниб̣б̣инд̣̇анд̇ий’’д̇и. бан̃жамам̣.
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā vāyodhātuyā nibbindeyyuṃ. Yasmā ca kho, bhikkhave, vāyodhātu dukkhā dukkhānupatitā dukkhāvakkantā anavakkantā sukhena, tasmā sattā vāyodhātuyā nibbindantī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. зганд̇ад̣̇угкасуд̇д̇аван̣н̣анаа • 5. Ekantadukkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. зганд̇ад̣̇угкасуд̇д̇аван̣н̣анаа • 5. Ekantadukkhasuttavaṇṇanā
