| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਏਕਨ੍ਤਦੁਕ੍ਖਸੁਤ੍ਤਂ
5. Ekantadukkhasuttaṃ
੧੧੮. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਪਥવੀਧਾਤੁ ਚੇ 1 ਹਿਦਂ, ਭਿਕ੍ਖવੇ, ਏਕਨ੍ਤਦੁਕ੍ਖਾ ਅਭવਿਸ੍ਸ ਦੁਕ੍ਖਾਨੁਪਤਿਤਾ ਦੁਕ੍ਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਸੁਖੇਨ, ਨਯਿਦਂ ਸਤ੍ਤਾ ਪਥવੀਧਾਤੁਯਾ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਪਥવੀਧਾਤੁ ਸੁਖਾ ਸੁਖਾਨੁਪਤਿਤਾ ਸੁਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਦੁਕ੍ਖੇਨ, ਤਸ੍ਮਾ ਸਤ੍ਤਾ ਪਥવੀਧਾਤੁਯਾ ਸਾਰਜ੍ਜਨ੍ਤਿ’’।
118. Sāvatthiyaṃ viharati…pe… ‘‘pathavīdhātu ce 2 hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā pathavīdhātuyā sārajjeyyuṃ. Yasmā ca kho, bhikkhave, pathavīdhātu sukhā sukhānupatitā sukhāvakkantā anavakkantā dukkhena, tasmā sattā pathavīdhātuyā sārajjanti’’.
‘‘ਆਪੋਧਾਤੁ ਚੇ ਹਿਦਂ, ਭਿਕ੍ਖવੇ…ਪੇ॰… ਤੇਜੋਧਾਤੁ ਚੇ ਹਿਦਂ, ਭਿਕ੍ਖવੇ… વਾਯੋਧਾਤੁ ਚੇ ਹਿਦਂ, ਭਿਕ੍ਖવੇ, ਏਕਨ੍ਤਦੁਕ੍ਖਾ ਅਭવਿਸ੍ਸ ਦੁਕ੍ਖਾਨੁਪਤਿਤਾ ਦੁਕ੍ਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਸੁਖੇਨ, ਨਯਿਦਂ ਸਤ੍ਤਾ વਾਯੋਧਾਤੁਯਾ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, વਾਯੋਧਾਤੁ ਸੁਖਾ ਸੁਖਾਨੁਪਤਿਤਾ ਸੁਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਦੁਕ੍ਖੇਨ, ਤਸ੍ਮਾ ਸਤ੍ਤਾ વਾਯੋਧਾਤੁਯਾ ਸਾਰਜ੍ਜਨ੍ਤਿ।
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā vāyodhātuyā sārajjeyyuṃ. Yasmā ca kho, bhikkhave, vāyodhātu sukhā sukhānupatitā sukhāvakkantā anavakkantā dukkhena, tasmā sattā vāyodhātuyā sārajjanti.
‘‘ਪਥવੀਧਾਤੁ ਚੇ ਹਿਦਂ, ਭਿਕ੍ਖવੇ, ਏਕਨ੍ਤਸੁਖਾ ਅਭવਿਸ੍ਸ ਸੁਖਾਨੁਪਤਿਤਾ ਸੁਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਦੁਕ੍ਖੇਨ, ਨਯਿਦਂ ਸਤ੍ਤਾ ਪਥવੀਧਾਤੁਯਾ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਪਥવੀਧਾਤੁ ਦੁਕ੍ਖਾ ਦੁਕ੍ਖਾਨੁਪਤਿਤਾ ਦੁਕ੍ਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਸੁਖੇਨ, ਤਸ੍ਮਾ ਸਤ੍ਤਾ ਪਥવੀਧਾਤੁਯਾ ਨਿਬ੍ਬਿਨ੍ਦਨ੍ਤਿ।
‘‘Pathavīdhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, pathavīdhātu dukkhā dukkhānupatitā dukkhāvakkantā anavakkantā sukhena, tasmā sattā pathavīdhātuyā nibbindanti.
‘‘ਆਪੋਧਾਤੁ ਚੇ ਹਿਦਂ, ਭਿਕ੍ਖવੇ…ਪੇ॰… ਤੇਜੋਧਾਤੁ ਚੇ ਹਿਦਂ, ਭਿਕ੍ਖવੇ… વਾਯੋਧਾਤੁ ਚੇ ਹਿਦਂ, ਭਿਕ੍ਖવੇ, ਏਕਨ੍ਤਸੁਖਾ ਅਭવਿਸ੍ਸ ਸੁਖਾਨੁਪਤਿਤਾ ਸੁਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਦੁਕ੍ਖੇਨ, ਨਯਿਦਂ ਸਤ੍ਤਾ વਾਯੋਧਾਤੁਯਾ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, વਾਯੋਧਾਤੁ ਦੁਕ੍ਖਾ ਦੁਕ੍ਖਾਨੁਪਤਿਤਾ ਦੁਕ੍ਖਾવਕ੍ਕਨ੍ਤਾ ਅਨવਕ੍ਕਨ੍ਤਾ ਸੁਖੇਨ, ਤਸ੍ਮਾ ਸਤ੍ਤਾ વਾਯੋਧਾਤੁਯਾ ਨਿਬ੍ਬਿਨ੍ਦਨ੍ਤੀ’’ਤਿ। ਪਞ੍ਚਮਂ।
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā vāyodhātuyā nibbindeyyuṃ. Yasmā ca kho, bhikkhave, vāyodhātu dukkhā dukkhānupatitā dukkhāvakkantā anavakkantā sukhena, tasmā sattā vāyodhātuyā nibbindantī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਏਕਨ੍ਤਦੁਕ੍ਖਸੁਤ੍ਤવਣ੍ਣਨਾ • 5. Ekantadukkhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਏਕਨ੍ਤਦੁਕ੍ਖਸੁਤ੍ਤવਣ੍ਣਨਾ • 5. Ekantadukkhasuttavaṇṇanā
