| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
5. එකන්‌තදුක්‌ඛසුත්‌තවණ්‌ණනා
5. Ekantadukkhasuttavaṇṇanā
118. එකන්‌තෙනෙව දුක්‌ඛාති අවීචිමහානිරයො විය එකන්‌තතො දුක්‌ඛා එව සුඛෙන අවොමිස්‌සා. දුක්‌ඛෙන අනුපතිතාති දුක්‌ඛෙනෙව සබ්‌බසො උපගතා. දුක්‌ඛෙන ඔක්‌කන්‌තාති බහිද්‌ධා විය අන්‌තොපි දුක්‌ඛෙන අවක්‌කන්‌තා අනුපවිට්‌ඨා. සුඛවෙදනාපච්‌චයතාය ඉමාසං ධාතූනං සුඛතා විය දුක්‌ඛවෙදනාපච්‌චයතාපි වෙදිතබ්‌බා, සඞ්‌ඛාරදුක්‌ඛතා පන සබ්‌බත්‌ථ චරිතා එව . සබ්‌බත්‌ථාති සබ්‌බාසු ධාතූසු, සබ්‌බට්‌ඨානෙසු වා. පඨමං සුඛං දස්‌සෙත්‌වාපි පච්‌ඡා දුක්‌ඛස්‌ස කථිතත්‌තා ‘‘දුක්‌ඛලක්‌ඛණං කථිත’’න්‌ති වුත්‌තං.
118.Ekanteneva dukkhāti avīcimahānirayo viya ekantato dukkhā eva sukhena avomissā. Dukkhena anupatitāti dukkheneva sabbaso upagatā. Dukkhena okkantāti bahiddhā viya antopi dukkhena avakkantā anupaviṭṭhā. Sukhavedanāpaccayatāya imāsaṃ dhātūnaṃ sukhatā viya dukkhavedanāpaccayatāpi veditabbā, saṅkhāradukkhatā pana sabbattha caritā eva . Sabbatthāti sabbāsu dhātūsu, sabbaṭṭhānesu vā. Paṭhamaṃ sukhaṃ dassetvāpi pacchā dukkhassa kathitattā ‘‘dukkhalakkhaṇaṃ kathita’’nti vuttaṃ.
එකන්‌තදුක්‌ඛසුත්‌තවණ්‌ණනා නිට්‌ඨිතා.
Ekantadukkhasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 5. එකන්‌තදුක්‌ඛසුත්‌තං • 5. Ekantadukkhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. එකන්‌තදුක්‌ඛසුත්‌තවණ්‌ණනා • 5. Ekantadukkhasuttavaṇṇanā
