| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. зганд̇асуканиб̣б̣аанабан̃хо
9. Ekantasukhanibbānapañho
9. ‘‘бханд̇з нааг̇асзна, гим̣ зганд̇асукам̣ ниб̣б̣аанам̣, уд̣̇ааху д̣̇угкзна мисса’’нд̇и? ‘‘зганд̇асукам̣, махаарааж̇а, ниб̣б̣аанам̣, д̣̇угкзна амисса’’нд̇и.
9. ‘‘Bhante nāgasena, kiṃ ekantasukhaṃ nibbānaṃ, udāhu dukkhena missa’’nti? ‘‘Ekantasukhaṃ, mahārāja, nibbānaṃ, dukkhena amissa’’nti.
‘‘на маяам̣ д̇ам̣, бханд̇з нааг̇асзна, важанам̣ сад̣̇д̣̇ахаама ‘зганд̇асукам̣ ниб̣б̣аана’нд̇и, звамзд̇т̇а маяам̣, бханд̇з нааг̇асзна, бажжзма ‘ниб̣б̣аанам̣ д̣̇угкзна мисса’нд̇и, гааран̣ан̃жзд̇т̇а убалабхаама ‘ниб̣б̣аанам̣ д̣̇угкзна мисса’нд̇и. гад̇амам̣ зд̇т̇а гааран̣ам̣ ? яз д̇з, бханд̇з нааг̇асзна, ниб̣б̣аанам̣ бариязсанд̇и, д̇зсам̣ д̣̇иссад̇и гааяасса жа жид̇д̇асса жа аад̇аабо барид̇аабо таанажан̇гаманисаж̇ж̇аасаяанаахаарабариг̇г̇ахо мид̣̇д̇хасса жа убарод̇хо ааяад̇анаанан̃жа бадибийл̣анам̣ д̇ханад̇хан̃н̃абияан̃аад̇имид̇д̇аббаж̇аханам̣. яз гзжи логз сукид̇аа сукасамаббид̇аа, д̇з саб̣б̣зби бан̃жахи гаамаг̇ун̣зхи ааяад̇анз рамзнд̇и б̣руухзнд̇и, манаабигаманаабигаб̣ахувид̇хасубханимид̇д̇зна руубзна жагкум̣ рамзнд̇и б̣руухзнд̇и, манаабигаманаабигаг̇ийд̇аваад̣̇ид̇аб̣ахувид̇хасубханимид̇д̇зна сад̣̇д̣̇зна сод̇ам̣ рамзнд̇и б̣руухзнд̇и, манаабигаманаабигабубпапалабад̇д̇ад̇ажамууласаараб̣ахувид̇хасубханимид̇д̇зна г̇анд̇хзна гхаанам̣ рамзнд̇и б̣руухзнд̇и, манаабигаманаабигакаж̇ж̇абхож̇ж̇алзяяабзяяасааяанийяаб̣ахувид̇хасубханимид̇д̇зна расзна ж̇ивхам̣ рамзнд̇и б̣рухзнд̇и, манаабигаманаабигасан̣хасукумамуд̣̇умад̣̇д̣̇аваб̣ахувид̇хасубханимид̇д̇зна пассзна гааяам̣ рамзнд̇и б̣руухзнд̇и, манаабигаманаабигагаляаан̣абаабагасубхаасубхаб̣ахувид̇хавид̇аггаманасигаарзна манам̣ рамзнд̇и б̣руухзнд̇и. д̇умхз д̇ам̣ жагкусод̇агхаанаж̇ивхаагааяаманоб̣рууханам̣ ханат̇а убаханат̇а, чинд̣̇ат̇а убажчинд̣̇ат̇а, рунд̇хат̇а убарунд̇хат̇а. д̇зна гааяоби барид̇абад̇и, жид̇д̇амби барид̇абад̇и, гааяз барид̇ад̇д̇з гааяигад̣̇угкавзд̣̇анам̣ взд̣̇ияад̇и, жид̇д̇з барид̇ад̇д̇з жзд̇асигад̣̇угкавзд̣̇анам̣ взд̣̇аяад̇и. нану мааг̇ан̣д̣ияоби 1 бариб̣б̣ааж̇аго бхаг̇аванд̇ам̣ г̇арахамаано звамааха ‘бхуунаху 2 саман̣о г̇од̇амо’д̇и. ид̣̇амзд̇т̇а гааран̣ам̣, язнаахам̣ гааран̣зна б̣рууми ‘ниб̣б̣аанам̣ д̣̇угкзна мисса’’’нд̇и.
‘‘Na mayaṃ taṃ, bhante nāgasena, vacanaṃ saddahāma ‘ekantasukhaṃ nibbāna’nti, evamettha mayaṃ, bhante nāgasena, paccema ‘nibbānaṃ dukkhena missa’nti, kāraṇañcettha upalabhāma ‘nibbānaṃ dukkhena missa’nti. Katamaṃ ettha kāraṇaṃ ? Ye te, bhante nāgasena, nibbānaṃ pariyesanti, tesaṃ dissati kāyassa ca cittassa ca ātāpo paritāpo ṭhānacaṅkamanisajjāsayanāhārapariggaho middhassa ca uparodho āyatanānañca paṭipīḷanaṃ dhanadhaññapiyañātimittappajahanaṃ. Ye keci loke sukhitā sukhasamappitā, te sabbepi pañcahi kāmaguṇehi āyatane ramenti brūhenti, manāpikamanāpikabahuvidhasubhanimittena rūpena cakkhuṃ ramenti brūhenti, manāpikamanāpikagītavāditabahuvidhasubhanimittena saddena sotaṃ ramenti brūhenti, manāpikamanāpikapupphaphalapattatacamūlasārabahuvidhasubhanimittena gandhena ghānaṃ ramenti brūhenti, manāpikamanāpikakhajjabhojjaleyyapeyyasāyanīyabahuvidhasubhanimittena rasena jivhaṃ ramenti bruhenti, manāpikamanāpikasaṇhasukhumamudumaddavabahuvidhasubhanimittena phassena kāyaṃ ramenti brūhenti, manāpikamanāpikakalyāṇapāpakasubhāsubhabahuvidhavitakkamanasikārena manaṃ ramenti brūhenti. Tumhe taṃ cakkhusotaghānajivhākāyamanobrūhanaṃ hanatha upahanatha, chindatha upacchindatha, rundhatha uparundhatha. Tena kāyopi paritapati, cittampi paritapati, kāye paritatte kāyikadukkhavedanaṃ vediyati, citte paritatte cetasikadukkhavedanaṃ vedayati. Nanu māgaṇḍiyopi 3 paribbājako bhagavantaṃ garahamāno evamāha ‘bhūnahu 4 samaṇo gotamo’ti. Idamettha kāraṇaṃ, yenāhaṃ kāraṇena brūmi ‘nibbānaṃ dukkhena missa’’’nti.
‘‘на хи, махаарааж̇а, ниб̣б̣аанам̣ д̣̇угкзна миссам̣, зганд̇асукам̣ ниб̣б̣аанам̣. яам̣ бана д̇вам̣, махаарааж̇а , б̣рууси ‘ниб̣б̣аанам̣ д̣̇угка’нд̇и, нзд̇ам̣ д̣̇угкам̣ ниб̣б̣аанам̣ наама, ниб̣б̣аанасса бана сажчигирияааяа буб̣б̣абхааг̇о зсо, ниб̣б̣аанабариязсанам̣ зд̇ам̣, зганд̇асукам̣ язва, махаарааж̇а, ниб̣б̣аанам̣, на д̣̇угкзна миссам̣. зд̇т̇а гааран̣ам̣ вад̣̇аами. ад̇т̇и, махаарааж̇а, рааж̇уунам̣ раж̇ж̇асукам̣ наамаа’’д̇и? ‘‘аама, бханд̇з, ад̇т̇и рааж̇уунам̣ раж̇ж̇асука’’нд̇и. ‘‘аби ну ко д̇ам̣, махаарааж̇а, раж̇ж̇асукам̣ д̣̇угкзна мисса’’нд̇и? ‘‘на хи, бханд̇з’’д̇и. ‘‘гисса бана д̇з, махаарааж̇а, рааж̇аано бажжанд̇з губид̇з д̇зсам̣ бажжанд̇аниссид̇аанам̣ бадисзд̇хааяа амажжзхи барин̣ааяагзхи бхадзхи б̣алад̇т̇зхи баривуд̇аа баваасам̣ г̇анд̇ваа д̣ам̣самагасаваад̇аад̇абабадибийл̣ид̇аа самависамз барид̇хааванд̇и, махааяуд̣̇д̇хан̃жа гаронд̇и, ж̇ийвид̇асам̣саяан̃жа баабун̣анд̇ий’’д̇и? ‘‘нзд̇ам̣, бханд̇з нааг̇асзна, раж̇ж̇асукам̣ наама, раж̇ж̇асукасса бариязсанааяа буб̣б̣абхааг̇о зсо, д̣̇угкзна, бханд̇з нааг̇асзна, рааж̇аано раж̇ж̇ам̣ бариязсид̇ваа раж̇ж̇асукам̣ анубхаванд̇и, звам̣, бханд̇з нааг̇асзна, раж̇ж̇асукам̣ д̣̇угкзна амиссам̣, ан̃н̃ам̣ д̇ам̣ раж̇ж̇асукам̣, ан̃н̃ам̣ д̣̇угка’’нд̇и. ‘‘звамзва ко, махаарааж̇а, зганд̇асукам̣ ниб̣б̣аанам̣, на д̣̇угкзна миссам̣. яз бана д̇ам̣ ниб̣б̣аанам̣ бариязсанд̇и, д̇з гааяан̃жа жид̇д̇ан̃жа аад̇аабзд̇ваа таанажан̇гаманисаж̇ж̇аасаяанаахаарам̣ бариг̇г̇ахзд̇ваа мид̣̇д̇хам̣ убарунд̇хид̇ваа ааяад̇анаани бадибийл̣зд̇ваа гааяан̃жа ж̇ийвид̇ан̃жа барижжаж̇ид̇ваа д̣̇угкзна ниб̣б̣аанам̣ бариязсид̇ваа зганд̇асукам̣ ниб̣б̣аанам̣ анубхаванд̇и, нихад̇абажжаамид̇д̇аа вияа рааж̇аано раж̇ж̇асукам̣. звам̣, махаарааж̇а, зганд̇асукам̣ ниб̣б̣аанам̣, на д̣̇угкзна миссам̣, ан̃н̃ам̣ ниб̣б̣аанам̣, ан̃н̃ам̣ д̣̇угканд̇и.
‘‘Na hi, mahārāja, nibbānaṃ dukkhena missaṃ, ekantasukhaṃ nibbānaṃ. Yaṃ pana tvaṃ, mahārāja , brūsi ‘nibbānaṃ dukkha’nti, netaṃ dukkhaṃ nibbānaṃ nāma, nibbānassa pana sacchikiriyāya pubbabhāgo eso, nibbānapariyesanaṃ etaṃ, ekantasukhaṃ yeva, mahārāja, nibbānaṃ, na dukkhena missaṃ. Ettha kāraṇaṃ vadāmi. Atthi, mahārāja, rājūnaṃ rajjasukhaṃ nāmā’’ti? ‘‘Āma, bhante, atthi rājūnaṃ rajjasukha’’nti. ‘‘Api nu kho taṃ, mahārāja, rajjasukhaṃ dukkhena missa’’nti? ‘‘Na hi, bhante’’ti. ‘‘Kissa pana te, mahārāja, rājāno paccante kupite tesaṃ paccantanissitānaṃ paṭisedhāya amaccehi pariṇāyakehi bhaṭehi balatthehi parivutā pavāsaṃ gantvā ḍaṃsamakasavātātapapaṭipīḷitā samavisame paridhāvanti, mahāyuddhañca karonti, jīvitasaṃsayañca pāpuṇantī’’ti? ‘‘Netaṃ, bhante nāgasena, rajjasukhaṃ nāma, rajjasukhassa pariyesanāya pubbabhāgo eso, dukkhena, bhante nāgasena, rājāno rajjaṃ pariyesitvā rajjasukhaṃ anubhavanti, evaṃ, bhante nāgasena, rajjasukhaṃ dukkhena amissaṃ, aññaṃ taṃ rajjasukhaṃ, aññaṃ dukkha’’nti. ‘‘Evameva kho, mahārāja, ekantasukhaṃ nibbānaṃ, na dukkhena missaṃ. Ye pana taṃ nibbānaṃ pariyesanti, te kāyañca cittañca ātāpetvā ṭhānacaṅkamanisajjāsayanāhāraṃ pariggahetvā middhaṃ uparundhitvā āyatanāni paṭipīḷetvā kāyañca jīvitañca pariccajitvā dukkhena nibbānaṃ pariyesitvā ekantasukhaṃ nibbānaṃ anubhavanti, nihatapaccāmittā viya rājāno rajjasukhaṃ. Evaṃ, mahārāja, ekantasukhaṃ nibbānaṃ, na dukkhena missaṃ, aññaṃ nibbānaṃ, aññaṃ dukkhanti.
‘‘абарамби , махаарааж̇а, уд̇д̇арим̣ гааран̣ам̣ сун̣охи зганд̇асукам̣ ниб̣б̣аанам̣, на д̣̇угкзна миссам̣, ан̃н̃ам̣ д̣̇угкам̣, ан̃н̃ам̣ ниб̣б̣аананд̇и. ад̇т̇и, махаарааж̇а, аажарияаанам̣ сиббаванд̇аанам̣ сиббасукам̣ наамаа’’д̇и? ‘‘аама, бханд̇з, ад̇т̇и аажарияаанам̣ сиббаванд̇аанам̣ сиббасука’’нд̇и. ‘‘аби ну ко д̇ам̣, махаарааж̇а, сиббасукам̣ д̣̇угкзна мисса’’нд̇и? ‘‘на хи, бханд̇з’’д̇и. ‘‘гисса бана д̇з, махаарааж̇а, аажарияаа 5 аажарияаанам̣ абхиваад̣̇анабажжудтаанзна уд̣̇агаахаран̣агхарасаммаж̇ж̇анад̣̇анд̇агадтамукод̣̇агаануббад̣̇аанзна ужчидтабадиг̇г̇ахан̣аужчаад̣̇ананахаабанабаад̣̇абаригаммзна сагажид̇д̇ам̣ нигкибид̇ваа баражид̇д̇аанувад̇д̇анзна д̣̇угкасзяяааяа висамабхож̇анзна гааяам̣ аад̇аабзнд̇ий’’д̇и? ‘‘нзд̇ам̣, бханд̇з нааг̇асзна, сиббасукам̣ наама, сиббабариязсанааяа буб̣б̣абхааг̇о зсо, д̣̇угкзна, бханд̇з нааг̇асзна, аажарияаа сиббам̣ бариязсид̇ваа сиббасукам̣ анубхаванд̇и, звам̣, бханд̇з нааг̇асзна, сиббасукам̣ д̣̇угкзна амиссам̣, ан̃н̃ам̣ д̇ам̣ сиббасукам̣, ан̃н̃ам̣ д̣̇угка’’нд̇и. ‘‘звамзва ко, махаарааж̇а, зганд̇асукам̣ ниб̣б̣аанам̣, на д̣̇угкзна миссам̣. яз бана д̇ам̣ ниб̣б̣аанам̣ бариязсанд̇и, д̇з гааяан̃жа жид̇д̇ан̃жа аад̇аабзд̇ваа таанажан̇гаманисаж̇ж̇аасаяанаахаарам̣ бариг̇г̇ахзд̇ваа мид̣̇д̇хам̣ убарунд̇хид̇ваа ааяад̇анаани бадибийл̣зд̇ваа гааяан̃жа ж̇ийвид̇ан̃жа барижжаж̇ид̇ваа д̣̇угкзна ниб̣б̣аанам̣ бариязсид̇ваа зганд̇асукам̣ ниб̣б̣аанам̣ анубхаванд̇и, аажарияаа вияа сиббасукам̣. звам̣, махаарааж̇а, зганд̇асукам̣ ниб̣б̣аанам̣, на д̣̇угкзна миссам̣, ан̃н̃ам̣ д̣̇угкам̣, ан̃н̃ам̣ ниб̣б̣аана’’нд̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Aparampi , mahārāja, uttariṃ kāraṇaṃ suṇohi ekantasukhaṃ nibbānaṃ, na dukkhena missaṃ, aññaṃ dukkhaṃ, aññaṃ nibbānanti. Atthi, mahārāja, ācariyānaṃ sippavantānaṃ sippasukhaṃ nāmā’’ti? ‘‘Āma, bhante, atthi ācariyānaṃ sippavantānaṃ sippasukha’’nti. ‘‘Api nu kho taṃ, mahārāja, sippasukhaṃ dukkhena missa’’nti? ‘‘Na hi, bhante’’ti. ‘‘Kissa pana te, mahārāja, ācariyā 6 ācariyānaṃ abhivādanapaccuṭṭhānena udakāharaṇagharasammajjanadantakaṭṭhamukhodakānuppadānena ucchiṭṭhapaṭiggahaṇaucchādananahāpanapādaparikammena sakacittaṃ nikkhipitvā paracittānuvattanena dukkhaseyyāya visamabhojanena kāyaṃ ātāpentī’’ti? ‘‘Netaṃ, bhante nāgasena, sippasukhaṃ nāma, sippapariyesanāya pubbabhāgo eso, dukkhena, bhante nāgasena, ācariyā sippaṃ pariyesitvā sippasukhaṃ anubhavanti, evaṃ, bhante nāgasena, sippasukhaṃ dukkhena amissaṃ, aññaṃ taṃ sippasukhaṃ, aññaṃ dukkha’’nti. ‘‘Evameva kho, mahārāja, ekantasukhaṃ nibbānaṃ, na dukkhena missaṃ. Ye pana taṃ nibbānaṃ pariyesanti, te kāyañca cittañca ātāpetvā ṭhānacaṅkamanisajjāsayanāhāraṃ pariggahetvā middhaṃ uparundhitvā āyatanāni paṭipīḷetvā kāyañca jīvitañca pariccajitvā dukkhena nibbānaṃ pariyesitvā ekantasukhaṃ nibbānaṃ anubhavanti, ācariyā viya sippasukhaṃ. Evaṃ, mahārāja, ekantasukhaṃ nibbānaṃ, na dukkhena missaṃ, aññaṃ dukkhaṃ, aññaṃ nibbāna’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
зганд̇асуканиб̣б̣аанабан̃хо навамо.
Ekantasukhanibbānapañho navamo.
Footnotes:
