| Library / Tipiṭaka / තිපිටක • Tipiṭaka / අපදානපාළි • Apadānapāḷi |
35. එකපදුමියවග්‌ගො
35. Ekapadumiyavaggo
1. එකපදුමියත්‌ථෙරඅපදානං
1. Ekapadumiyattheraapadānaṃ
1.
1.
‘‘පදුමුත්‌තරො නාම ජිනො, සබ්‌බධම්‌මාන පාරගූ;
‘‘Padumuttaro nāma jino, sabbadhammāna pāragū;
භවාභවෙ විභාවෙන්‌තො, තාරෙසි ජනතං බහුං.
Bhavābhave vibhāvento, tāresi janataṃ bahuṃ.
2.
2.
‘‘හංසරාජා තදා හොමි, දිජානං පවරො අහං;
‘‘Haṃsarājā tadā homi, dijānaṃ pavaro ahaṃ;
ජාතස්‌සරං සමොගය්‌හ, කීළාමි හංසකීළිතං.
Jātassaraṃ samogayha, kīḷāmi haṃsakīḷitaṃ.
3.
3.
‘‘පදුමුත්‌තරො ලොකවිදූ, ආහුතීනං පටිග්‌ගහො;
‘‘Padumuttaro lokavidū, āhutīnaṃ paṭiggaho;
ජාතස්‌සරස්‌ස උපරි, ආගච්‌ඡි තාවදෙ ජිනො.
Jātassarassa upari, āgacchi tāvade jino.
4.
4.
‘‘දිස්‌වානහං දෙවදෙවං, සයම්‌භුං ලොකනායකං;
‘‘Disvānahaṃ devadevaṃ, sayambhuṃ lokanāyakaṃ;
වණ්‌ටෙ ඡෙත්‌වාන පදුමං, සතපත්‌තං මනොරමං.
Vaṇṭe chetvāna padumaṃ, satapattaṃ manoramaṃ.
5.
5.
6.
6.
‘‘පදුමුත්‌තරො ලොකවිදූ, ආහුතීනං පටිග්‌ගහො;
‘‘Padumuttaro lokavidū, āhutīnaṃ paṭiggaho;
අන්‌තලික්‌ඛෙ ඨිතො සත්‌ථා, අකා මෙ අනුමොදනං.
Antalikkhe ṭhito satthā, akā me anumodanaṃ.
7.
7.
‘‘‘ඉමිනා එකපදුමෙන, චෙතනාපණිධීහි ච;
‘‘‘Iminā ekapadumena, cetanāpaṇidhīhi ca;
කප්‌පානං සතසහස්‌සං, විනිපාතං න ගච්‌ඡසි’.
Kappānaṃ satasahassaṃ, vinipātaṃ na gacchasi’.
8.
8.
‘‘ඉදං වත්‌වාන සම්‌බුද්‌ධො, ජලජුත්‌තමනාමකො;
‘‘Idaṃ vatvāna sambuddho, jalajuttamanāmako;
මම කම්‌මං පකිත්‌තෙත්‌වා, අගමා යෙන පත්‌ථිතං.
Mama kammaṃ pakittetvā, agamā yena patthitaṃ.
9.
9.
‘‘සතසහස්‌සිතො කප්‌පෙ, යං කම්‌මමකරිං තදා;
‘‘Satasahassito kappe, yaṃ kammamakariṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
10.
10.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා එකපදුමියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ekapadumiyo thero imā gāthāyo abhāsitthāti.
එකපදුමියත්‌ථෙරස්‌සාපදානං පඨමං.
Ekapadumiyattherassāpadānaṃ paṭhamaṃ.
Footnotes:
