Library / Tipiṭaka / ติปิฎก • Tipiṭaka / อปทานปาฬิ • Apadānapāḷi

    ๘. เอกปสาทนิยเตฺถรอปทานํ

    8. Ekapasādaniyattheraapadānaṃ

    ๕๕.

    55.

    ‘‘นารโท อิติ เม นามํ 1, เกสโว อิติ มํ วิทู;

    ‘‘Nārado iti me nāmaṃ 2, kesavo iti maṃ vidū;

    กุสลากุสลํ เอสํ, อคมํ พุทฺธสนฺติกํฯ

    Kusalākusalaṃ esaṃ, agamaṃ buddhasantikaṃ.

    ๕๖.

    56.

    ‘‘เมตฺตจิโตฺต การุณิโก, อตฺถทสฺสี มหามุนิ;

    ‘‘Mettacitto kāruṇiko, atthadassī mahāmuni;

    อสฺสาสยโนฺต สเตฺต โส, ธมฺมํ เทเสติ จกฺขุมาฯ

    Assāsayanto satte so, dhammaṃ deseti cakkhumā.

    ๕๗.

    57.

    ‘‘สกํ จิตฺตํ ปสาเทตฺวา, สิเร กตฺวาน อญฺชลิํ;

    ‘‘Sakaṃ cittaṃ pasādetvā, sire katvāna añjaliṃ;

    สตฺถารํ อภิวาเทตฺวา, ปกฺกามิํ ปาจินามุโขฯ

    Satthāraṃ abhivādetvā, pakkāmiṃ pācināmukho.

    ๕๘.

    58.

    ‘‘สตฺตรเส กปฺปสเต, ราชา อาสิ มหีปติ;

    ‘‘Sattarase kappasate, rājā āsi mahīpati;

    อมิตฺตตาปโน นาม, จกฺกวตฺตี มหพฺพโลฯ

    Amittatāpano nāma, cakkavattī mahabbalo.

    ๕๙.

    59.

    ‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ

    ‘‘Paṭisambhidā catasso…pe… kataṃ buddhassa sāsanaṃ’’.

    อิตฺถํ สุทํ อายสฺมา เอกปสาทนิโย เถโร อิมา คาถาโย อภาสิตฺถาติฯ

    Itthaṃ sudaṃ āyasmā ekapasādaniyo thero imā gāthāyo abhāsitthāti.

    เอกปสาทนิยเตฺถรสฺสาปทานํ อฎฺฐมํฯ

    Ekapasādaniyattherassāpadānaṃ aṭṭhamaṃ.




    Next: ๙. สาลปุปฺผทายกเตฺถรอปทานํ • 9. Sālapupphadāyakattheraapadānaṃ




    Footnotes:
    1. นารโท อิติ นาเมน (สฺยา. ก.) อุปริ เตวีสติมวเคฺค ปน ฉฎฺฐาปทาเน ‘‘เม นามํ‘‘อิเจฺจว ทิสฺสติ
    2. nārado iti nāmena (syā. ka.) upari tevīsatimavagge pana chaṭṭhāpadāne ‘‘me nāmaṃ‘‘icceva dissati



    Related texts:



    อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. เอกปสาทนิยเตฺถรอปทานวณฺณนา • 8. Ekapasādaniyattheraapadānavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact