Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi

    ೮. ಏಕಪಸಾದನಿಯತ್ಥೇರಅಪದಾನಂ

    8. Ekapasādaniyattheraapadānaṃ

    ೫೫.

    55.

    ‘‘ನಾರದೋ ಇತಿ ಮೇ ನಾಮಂ 1, ಕೇಸವೋ ಇತಿ ಮಂ ವಿದೂ।

    ‘‘Nārado iti me nāmaṃ 2, kesavo iti maṃ vidū;

    ಕುಸಲಾಕುಸಲಂ ಏಸಂ, ಅಗಮಂ ಬುದ್ಧಸನ್ತಿಕಂ॥

    Kusalākusalaṃ esaṃ, agamaṃ buddhasantikaṃ.

    ೫೬.

    56.

    ‘‘ಮೇತ್ತಚಿತ್ತೋ ಕಾರುಣಿಕೋ, ಅತ್ಥದಸ್ಸೀ ಮಹಾಮುನಿ।

    ‘‘Mettacitto kāruṇiko, atthadassī mahāmuni;

    ಅಸ್ಸಾಸಯನ್ತೋ ಸತ್ತೇ ಸೋ, ಧಮ್ಮಂ ದೇಸೇತಿ ಚಕ್ಖುಮಾ॥

    Assāsayanto satte so, dhammaṃ deseti cakkhumā.

    ೫೭.

    57.

    ‘‘ಸಕಂ ಚಿತ್ತಂ ಪಸಾದೇತ್ವಾ, ಸಿರೇ ಕತ್ವಾನ ಅಞ್ಜಲಿಂ।

    ‘‘Sakaṃ cittaṃ pasādetvā, sire katvāna añjaliṃ;

    ಸತ್ಥಾರಂ ಅಭಿವಾದೇತ್ವಾ, ಪಕ್ಕಾಮಿಂ ಪಾಚಿನಾಮುಖೋ॥

    Satthāraṃ abhivādetvā, pakkāmiṃ pācināmukho.

    ೫೮.

    58.

    ‘‘ಸತ್ತರಸೇ ಕಪ್ಪಸತೇ, ರಾಜಾ ಆಸಿ ಮಹೀಪತಿ।

    ‘‘Sattarase kappasate, rājā āsi mahīpati;

    ಅಮಿತ್ತತಾಪನೋ ನಾಮ, ಚಕ್ಕವತ್ತೀ ಮಹಬ್ಬಲೋ॥

    Amittatāpano nāma, cakkavattī mahabbalo.

    ೫೯.

    59.

    ‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥

    ‘‘Paṭisambhidā catasso…pe… kataṃ buddhassa sāsanaṃ’’.

    ಇತ್ಥಂ ಸುದಂ ಆಯಸ್ಮಾ ಏಕಪಸಾದನಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।

    Itthaṃ sudaṃ āyasmā ekapasādaniyo thero imā gāthāyo abhāsitthāti.

    ಏಕಪಸಾದನಿಯತ್ಥೇರಸ್ಸಾಪದಾನಂ ಅಟ್ಠಮಂ।

    Ekapasādaniyattherassāpadānaṃ aṭṭhamaṃ.




    Next: ೯. ಸಾಲಪುಪ್ಫದಾಯಕತ್ಥೇರಅಪದಾನಂ • 9. Sālapupphadāyakattheraapadānaṃ




    Footnotes:
    1. ನಾರದೋ ಇತಿ ನಾಮೇನ (ಸ್ಯಾ॰ ಕ॰) ಉಪರಿ ತೇವೀಸತಿಮವಗ್ಗೇ ಪನ ಛಟ್ಠಾಪದಾನೇ ‘‘ಮೇ ನಾಮಂ‘‘ಇಚ್ಚೇವ ದಿಸ್ಸತಿ
    2. nārado iti nāmena (syā. ka.) upari tevīsatimavagge pana chaṭṭhāpadāne ‘‘me nāmaṃ‘‘icceva dissati



    Related texts:



    ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೮. ಏಕಪಸಾದನಿಯತ್ಥೇರಅಪದಾನವಣ್ಣನಾ • 8. Ekapasādaniyattheraapadānavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact