| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. згабасаад̣̇анияад̇т̇зраабад̣̇аанаван̣н̣анаа
8. Ekapasādaniyattheraapadānavaṇṇanā
наарад̣̇о ид̇и мз нааманд̇иаад̣̇игам̣ ааяасмад̇о згабасаад̣̇анияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгаасу ж̇аад̇ийсу гад̇агусало ад̇т̇ад̣̇ассисса бхаг̇авад̇о гаалз б̣раахман̣агулз ниб̣б̣ад̇д̇о гзсавод̇и баагадо худ̇ваа вин̃н̃уд̇ам̣ бад̇ваа гхарааваасам̣ бахааяа баб̣б̣аж̇ид̇ваа васанд̇о згад̣̇ивасам̣ сад̇т̇у д̇хаммад̣̇зсанам̣ суд̇ваа басаннамаанасо ан̃ж̇алим̣ баг̇г̇аяха ад̇ивияа бийд̇исоманассаж̇аад̇о баггаами. со яаавад̇ааяугам̣ тад̇ваа д̇знзва соманассзна гаалам̣ гад̇ваа д̣̇звзсу ниб̣б̣ад̇д̇о д̇ад̇т̇а д̣̇иб̣б̣асамбад̇д̇им̣ анубхавид̇ваа мануссзсу уббанно д̇ад̇т̇а самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з ан̃н̃ад̇арасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Nārado iti me nāmantiādikaṃ āyasmato ekapasādaniyattherassa apadānaṃ. Ayampi purimabuddhesu katādhikāro anekāsu jātīsu katakusalo atthadassissa bhagavato kāle brāhmaṇakule nibbatto kesavoti pākaṭo hutvā viññutaṃ patvā gharāvāsaṃ pahāya pabbajitvā vasanto ekadivasaṃ satthu dhammadesanaṃ sutvā pasannamānaso añjaliṃ paggayha ativiya pītisomanassajāto pakkāmi. So yāvatāyukaṃ ṭhatvā teneva somanassena kālaṃ katvā devesu nibbatto tattha dibbasampattiṃ anubhavitvā manussesu uppanno tattha sampattiyo anubhavitvā imasmiṃ buddhuppāde aññatarasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi.
55. со абарабхааг̇з ад̇д̇ано гад̇агусалагаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о наарад̣̇о ид̇и мз нааманд̇иаад̣̇имааха. д̇ад̇т̇а наарад̣̇од̇и ж̇аад̇ивасзна суд̣̇д̇хасарийрад̇д̇аа над̇т̇и раж̇о д̇хуули малам̣ зд̇ассаад̇и наарад̣̇о, ж̇а-гаарасса д̣̇а-гаарам̣ гад̇ваа наарад̣̇од̇и гулад̣̇ад̇д̇игам̣ наамам̣. гзсавод̇и гисаважчаг̇од̇д̇з ж̇аад̇ад̇д̇аа гзсаво наарад̣̇агзсаво ид̇и мам̣ ж̇анаа вид̣̇уу ж̇аананд̇ийд̇и ад̇т̇о. сзсам̣ баагадамзваад̇и.
55. So aparabhāge attano katakusalakammaṃ saritvā somanassajāto pubbacaritāpadānaṃ pakāsento nārado iti me nāmantiādimāha. Tattha nāradoti jātivasena suddhasarīrattā natthi rajo dhūli malaṃ etassāti nārado, ja-kārassa da-kāraṃ katvā nāradoti kuladattikaṃ nāmaṃ. Kesavoti kisavacchagotte jātattā kesavo nāradakesavo iti maṃ janā vidū jānantīti attho. Sesaṃ pākaṭamevāti.
згабасаад̣̇анияад̇т̇зраабад̣̇аанаван̣н̣анаа самад̇д̇аа.
Ekapasādaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. згабасаад̣̇анияад̇т̇зраабад̣̇аанам̣ • 8. Ekapasādaniyattheraapadānaṃ
