| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਏਕਪਸਾਦਨਿਯਤ੍ਥੇਰਅਪਦਾਨવਣ੍ਣਨਾ
8. Ekapasādaniyattheraapadānavaṇṇanā
ਨਾਰਦੋ ਇਤਿ ਮੇ ਨਾਮਨ੍ਤਿਆਦਿਕਂ ਆਯਸ੍ਮਤੋ ਏਕਪਸਾਦਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕਾਸੁ ਜਾਤੀਸੁ ਕਤਕੁਸਲੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ ਕੇਸવੋਤਿ ਪਾਕਟੋ ਹੁਤ੍વਾ વਿਞ੍ਞੁਤਂ ਪਤ੍વਾ ਘਰਾવਾਸਂ ਪਹਾਯ ਪਬ੍ਬਜਿਤ੍વਾ વਸਨ੍ਤੋ ਏਕਦਿવਸਂ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਅਞ੍ਜਲਿਂ ਪਗ੍ਗਯ੍ਹ ਅਤਿવਿਯ ਪੀਤਿਸੋਮਨਸ੍ਸਜਾਤੋ ਪਕ੍ਕਾਮਿ। ਸੋ ਯਾવਤਾਯੁਕਂ ਠਤ੍વਾ ਤੇਨੇવ ਸੋਮਨਸ੍ਸੇਨ ਕਾਲਂ ਕਤ੍વਾ ਦੇવੇਸੁ ਨਿਬ੍ਬਤ੍ਤੋ ਤਤ੍ਥ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਮਨੁਸ੍ਸੇਸੁ ਉਪ੍ਪਨ੍ਨੋ ਤਤ੍ਥ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਅਞ੍ਞਤਰਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Nārado iti me nāmantiādikaṃ āyasmato ekapasādaniyattherassa apadānaṃ. Ayampi purimabuddhesu katādhikāro anekāsu jātīsu katakusalo atthadassissa bhagavato kāle brāhmaṇakule nibbatto kesavoti pākaṭo hutvā viññutaṃ patvā gharāvāsaṃ pahāya pabbajitvā vasanto ekadivasaṃ satthu dhammadesanaṃ sutvā pasannamānaso añjaliṃ paggayha ativiya pītisomanassajāto pakkāmi. So yāvatāyukaṃ ṭhatvā teneva somanassena kālaṃ katvā devesu nibbatto tattha dibbasampattiṃ anubhavitvā manussesu uppanno tattha sampattiyo anubhavitvā imasmiṃ buddhuppāde aññatarasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi.
੫੫. ਸੋ ਅਪਰਭਾਗੇ ਅਤ੍ਤਨੋ ਕਤਕੁਸਲਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਾਰਦੋ ਇਤਿ ਮੇ ਨਾਮਨ੍ਤਿਆਦਿਮਾਹ। ਤਤ੍ਥ ਨਾਰਦੋਤਿ ਜਾਤਿવਸੇਨ ਸੁਦ੍ਧਸਰੀਰਤ੍ਤਾ ਨਤ੍ਥਿ ਰਜੋ ਧੂਲਿ ਮਲਂ ਏਤਸ੍ਸਾਤਿ ਨਾਰਦੋ, ਜ-ਕਾਰਸ੍ਸ ਦ-ਕਾਰਂ ਕਤ੍વਾ ਨਾਰਦੋਤਿ ਕੁਲਦਤ੍ਤਿਕਂ ਨਾਮਂ। ਕੇਸવੋਤਿ ਕਿਸવਚ੍ਛਗੋਤ੍ਤੇ ਜਾਤਤ੍ਤਾ ਕੇਸવੋ ਨਾਰਦਕੇਸવੋ ਇਤਿ ਮਂ ਜਨਾ વਿਦੂ ਜਾਨਨ੍ਤੀਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
55. So aparabhāge attano katakusalakammaṃ saritvā somanassajāto pubbacaritāpadānaṃ pakāsento nārado iti me nāmantiādimāha. Tattha nāradoti jātivasena suddhasarīrattā natthi rajo dhūli malaṃ etassāti nārado, ja-kārassa da-kāraṃ katvā nāradoti kuladattikaṃ nāmaṃ. Kesavoti kisavacchagotte jātattā kesavo nāradakesavo iti maṃ janā vidū jānantīti attho. Sesaṃ pākaṭamevāti.
ਏਕਪਸਾਦਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ekapasādaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਏਕਪਸਾਦਨਿਯਤ੍ਥੇਰਅਪਦਾਨਂ • 8. Ekapasādaniyattheraapadānaṃ
