Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)

    13. згабуг̇г̇алаваг̇г̇аван̣н̣анаа

    13. Ekapuggalavaggavaṇṇanā

    170. згабуг̇г̇алаваг̇г̇асса батамз згабуг̇г̇алод̇и зго буг̇г̇ало. зд̇т̇а згод̇и д̣̇уд̇ияаад̣̇ибадигкзбад̇т̇о г̇ан̣анабарижчзд̣̇о. буг̇г̇алод̇и саммуд̇игат̇аа, на барамад̇т̇агат̇аа. б̣уд̣̇д̇хасса хи бхаг̇авад̇о д̣̇увид̇хаа д̣̇зсанаа – саммуд̇ид̣̇зсанаа, барамад̇т̇ад̣̇зсанаа жаад̇и. д̇ад̇т̇а ‘‘буг̇г̇ало сад̇д̇о ид̇т̇ий бурисо кад̇д̇ияо б̣раахман̣о д̣̇зво мааро’’д̇и зваруубаа саммуд̇ид̣̇зсанаа, ‘‘анижжам̣ д̣̇угкам̣ анад̇д̇аа канд̇хаа д̇хаад̇уу ааяад̇анаани сад̇ибадтаанаа’’д̇и зваруубаа барамад̇т̇ад̣̇зсанаа. д̇ад̇т̇а бхаг̇аваа яз саммуд̇ивасзна д̣̇зсанам̣ суд̇ваа ад̇т̇ам̣ бадивиж̇жхид̇ваа мохам̣ бахааяа висзсам̣ ад̇хиг̇анд̇ум̣ самад̇т̇аа, д̇зсам̣ саммуд̇ид̣̇зсанам̣ д̣̇зсзд̇и. яз бана барамад̇т̇авасзна д̣̇зсанам̣ суд̇ваа ад̇т̇ам̣ бадивиж̇жхид̇ваа мохам̣ бахааяа висзсамад̇хиг̇анд̇ум̣ самад̇т̇аа, д̇зсам̣ барамад̇т̇ад̣̇зсанам̣ д̣̇зсзд̇и.

    170. Ekapuggalavaggassa paṭhame ekapuggaloti eko puggalo. Ettha ekoti dutiyādipaṭikkhepattho gaṇanaparicchedo. Puggaloti sammutikathā, na paramatthakathā. Buddhassa hi bhagavato duvidhā desanā – sammutidesanā, paramatthadesanā cāti. Tattha ‘‘puggalo satto itthī puriso khattiyo brāhmaṇo devo māro’’ti evarūpā sammutidesanā, ‘‘aniccaṃ dukkhaṃ anattā khandhā dhātū āyatanāni satipaṭṭhānā’’ti evarūpā paramatthadesanā. Tattha bhagavā ye sammutivasena desanaṃ sutvā atthaṃ paṭivijjhitvā mohaṃ pahāya visesaṃ adhigantuṃ samatthā, tesaṃ sammutidesanaṃ deseti. Ye pana paramatthavasena desanaṃ sutvā atthaṃ paṭivijjhitvā mohaṃ pahāya visesamadhigantuṃ samatthā, tesaṃ paramatthadesanaṃ deseti.

    д̇ад̇рааяам̣ убамаа – яат̇аа хи д̣̇зсабхаасаагусало д̇ин̣н̣ам̣ взд̣̇аанам̣ ад̇т̇асам̣ван̣н̣анаго аажарияо яз д̣̇амил̣абхаасааяа вуд̇д̇з ад̇т̇ам̣ ж̇аананд̇и, д̇зсам̣ д̣̇амил̣абхаасааяа аажигкад̇и. яз анд̇хабхаасаад̣̇ийсу ан̃н̃ад̇арааяа бхаасааяа , д̇зсам̣ д̇ааяа д̇ааяа бхаасааяа. звам̣ д̇з маан̣авагаа чзгам̣ б̣яад̇д̇ам̣ аажарияамааг̇амма киббамзва сиббам̣ уг̇г̇ан̣ханд̇и. д̇ад̇т̇а аажарияо вияа б̣уд̣̇д̇хо бхаг̇аваа, д̇аяо взд̣̇аа вияа гат̇зд̇аб̣б̣абхаавз тид̇аани д̇ийн̣и бидагаани, д̣̇зсабхаасаагосалламива саммуд̇ибарамад̇т̇агосаллам̣, наанаад̣̇зсабхаасаа маан̣авагаа вияа саммуд̇ибарамад̇т̇авасзна бадивиж̇жханасамад̇т̇аа взнзяяасад̇д̇аа, аажарияасса д̣̇амил̣абхаасаад̣̇иаажигканам̣ вияа бхаг̇авад̇о саммуд̇ибарамад̇т̇авасзна д̣̇зсанаа взд̣̇ид̇аб̣б̣аа. ааха жзд̇т̇а –

    Tatrāyaṃ upamā – yathā hi desabhāsākusalo tiṇṇaṃ vedānaṃ atthasaṃvaṇṇanako ācariyo ye damiḷabhāsāya vutte atthaṃ jānanti, tesaṃ damiḷabhāsāya ācikkhati. Ye andhabhāsādīsu aññatarāya bhāsāya , tesaṃ tāya tāya bhāsāya. Evaṃ te māṇavakā chekaṃ byattaṃ ācariyamāgamma khippameva sippaṃ uggaṇhanti. Tattha ācariyo viya buddho bhagavā, tayo vedā viya kathetabbabhāve ṭhitāni tīṇi piṭakāni, desabhāsākosallamiva sammutiparamatthakosallaṃ, nānādesabhāsā māṇavakā viya sammutiparamatthavasena paṭivijjhanasamatthā veneyyasattā, ācariyassa damiḷabhāsādiācikkhanaṃ viya bhagavato sammutiparamatthavasena desanā veditabbā. Āha cettha –

    ‘‘д̣̇увз сажжаани агкааси, самб̣уд̣̇д̇хо вад̣̇ад̇ам̣ варо;

    ‘‘Duve saccāni akkhāsi, sambuddho vadataṃ varo;

    саммуд̇им̣ барамад̇т̇ан̃жа, д̇ад̇ияам̣ нубалаб̣бхад̇и.

    Sammutiṃ paramatthañca, tatiyaṃ nupalabbhati.

    ‘‘сан̇гзд̇аважанам̣ сажжам̣, логасаммуд̇игааран̣аа;

    ‘‘Saṅketavacanaṃ saccaṃ, lokasammutikāraṇā;

    барамад̇т̇аважанам̣ сажжам̣, д̇хаммаанам̣ бхууд̇агааран̣аа.

    Paramatthavacanaṃ saccaṃ, dhammānaṃ bhūtakāraṇā.

    ‘‘д̇асмаа вохаарагусаласса, логанаат̇асса сад̇т̇уно;

    ‘‘Tasmā vohārakusalassa, lokanāthassa satthuno;

    саммуд̇им̣ вохаранд̇асса, мусааваад̣̇о на ж̇ааяад̇ий’’д̇и.

    Sammutiṃ voharantassa, musāvādo na jāyatī’’ti.

    абижа адтахи гааран̣зхи бхаг̇аваа буг̇г̇алагат̇ам̣ гат̇зд̇и – хирод̇д̇аббад̣̇ийбанад̇т̇ам̣, гаммассагад̇аад̣̇ийбанад̇т̇ам̣, бажжад̇д̇абурисагаарад̣̇ийбанад̇т̇ам̣, аананд̇арияад̣̇ийбанад̇т̇ам̣, б̣рахмавихаарад̣̇ийбанад̇т̇ам̣, буб̣б̣зниваасад̣̇ийбанад̇т̇ам̣, д̣̇агкин̣аависуд̣̇д̇хид̣̇ийбанад̇т̇ам̣, логасаммуд̇ияаа аббахаанад̇т̇ан̃жаад̇и. ‘‘канд̇хад̇хаад̇уааяад̇анаани хирияанд̇и од̇д̇аббанд̇ий’’д̇и хи вуд̇д̇з махааж̇ано на ж̇аанаад̇и, саммохамаабаж̇ж̇ад̇и, бадисад̇д̇у ход̇и ‘‘гимид̣̇ам̣ канд̇хад̇хаад̇уааяад̇анаани хирияанд̇и од̇д̇аббанд̇и наамаа’’д̇и? ‘‘ид̇т̇ий хирияад̇и од̇д̇аббад̇и, бурисо кад̇д̇ияо б̣раахман̣о д̣̇зво мааро’’д̇и вуд̇д̇з бана ж̇аанаад̇и, на саммохамаабаж̇ж̇ад̇и, на бадисад̇д̇у ход̇и. д̇асмаа бхаг̇аваа хирод̇д̇аббад̣̇ийбанад̇т̇ам̣ буг̇г̇алагат̇ам̣ гат̇зд̇и.

    Apica aṭṭhahi kāraṇehi bhagavā puggalakathaṃ katheti – hirottappadīpanatthaṃ, kammassakatādīpanatthaṃ, paccattapurisakāradīpanatthaṃ, ānantariyadīpanatthaṃ, brahmavihāradīpanatthaṃ, pubbenivāsadīpanatthaṃ, dakkhiṇāvisuddhidīpanatthaṃ, lokasammutiyā appahānatthañcāti. ‘‘Khandhadhātuāyatanāni hiriyanti ottappantī’’ti hi vutte mahājano na jānāti, sammohamāpajjati, paṭisattu hoti ‘‘kimidaṃ khandhadhātuāyatanāni hiriyanti ottappanti nāmā’’ti? ‘‘Itthī hiriyati ottappati, puriso khattiyo brāhmaṇo devo māro’’ti vutte pana jānāti, na sammohamāpajjati, na paṭisattu hoti. Tasmā bhagavā hirottappadīpanatthaṃ puggalakathaṃ katheti.

    ‘‘канд̇хаа гаммассагаа, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа гаммассагад̇аад̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Khandhā kammassakā, dhātuyo āyatanānī’’ti vuttepi eseva nayo. Tasmā bhagavā kammassakatādīpanatthaṃ puggalakathaṃ katheti.

    ‘‘взл̣уванаад̣̇аяо махаавихаараа канд̇хзхи гаараабид̇аа, д̇хаад̇уухи ааяад̇анзхий’’д̇и вуд̇д̇зби зсзва наяо. д̇асмаа бхаг̇аваа бажжад̇д̇абурисагаарад̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Veḷuvanādayo mahāvihārā khandhehi kārāpitā, dhātūhi āyatanehī’’ti vuttepi eseva nayo. Tasmā bhagavā paccattapurisakāradīpanatthaṃ puggalakathaṃ katheti.

    ‘‘канд̇хаа маад̇арам̣ ж̇ийвид̇аа воробзнд̇и, бид̇арам̣, араханд̇ам̣, рухируббаад̣̇агаммам̣, сан̇гхабхзд̣̇агаммам̣ гаронд̇и, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа аананд̇арияад̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Khandhā mātaraṃ jīvitā voropenti, pitaraṃ, arahantaṃ, ruhiruppādakammaṃ, saṅghabhedakammaṃ karonti, dhātuyo āyatanānī’’ti vuttepi eseva nayo. Tasmā bhagavā ānantariyadīpanatthaṃ puggalakathaṃ katheti.

    ‘‘канд̇хаа мзд̇д̇ааяанд̇и, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа б̣рахмавихаарад̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Khandhā mettāyanti, dhātuyo āyatanānī’’ti vuttepi eseva nayo. Tasmā bhagavā brahmavihāradīpanatthaṃ puggalakathaṃ katheti.

    ‘‘канд̇хаа буб̣б̣зниваасамануссаранд̇и, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа буб̣б̣зниваасад̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Khandhā pubbenivāsamanussaranti, dhātuyo āyatanānī’’ti vuttepi eseva nayo. Tasmā bhagavā pubbenivāsadīpanatthaṃ puggalakathaṃ katheti.

    ‘‘канд̇хаа д̣̇аанам̣ бадиг̇г̇ан̣ханд̇и, д̇хаад̇уяо ааяад̇анааний’’д̇и вуд̇д̇зби махааж̇ано на ж̇аанаад̇и, саммохам̣ аабаж̇ж̇ад̇и, бадисад̇д̇у ход̇и ‘‘гимид̣̇ам̣ канд̇хад̇хаад̇уааяад̇анаани бадиг̇г̇ан̣ханд̇и наамаа’’д̇и? ‘‘буг̇г̇алаа бадиг̇г̇ан̣ханд̇и сийлаванд̇о галяаан̣ад̇хаммо’’д̇и вуд̇д̇з бана ж̇аанаад̇и, на саммохам̣ аабаж̇ж̇ад̇и, на бадисад̇д̇у ход̇и. д̇асмаа бхаг̇аваа д̣̇агкин̣аависуд̣̇д̇хид̣̇ийбанад̇т̇ам̣ буг̇г̇алагат̇ам̣ гат̇зд̇и.

    ‘‘Khandhā dānaṃ paṭiggaṇhanti, dhātuyo āyatanānī’’ti vuttepi mahājano na jānāti, sammohaṃ āpajjati, paṭisattu hoti ‘‘kimidaṃ khandhadhātuāyatanāni paṭiggaṇhanti nāmā’’ti? ‘‘Puggalā paṭiggaṇhanti sīlavanto kalyāṇadhammo’’ti vutte pana jānāti, na sammohaṃ āpajjati, na paṭisattu hoti. Tasmā bhagavā dakkhiṇāvisuddhidīpanatthaṃ puggalakathaṃ katheti.

    логасаммуд̇ин̃жа б̣уд̣̇д̇хаа бхаг̇аванд̇о наббаж̇аханд̇и, логасаман̃н̃ааяа логанируд̇д̇ияаа логаабхилаабз тид̇ааязва д̇хаммам̣ д̣̇зсзнд̇и. д̇асмаа бхаг̇аваа логасаммуд̇ияаа аббахаанад̇т̇амби буг̇г̇алагат̇ам̣ гат̇зд̇и.

    Lokasammutiñca buddhā bhagavanto nappajahanti, lokasamaññāya lokaniruttiyā lokābhilāpe ṭhitāyeva dhammaṃ desenti. Tasmā bhagavā lokasammutiyā appahānatthampi puggalakathaṃ katheti.

    ид̇и зго жа со буг̇г̇ало жаад̇и згабуг̇г̇ало. гзнадтзна згабуг̇г̇ало? асад̣̇исадтзна г̇ун̣ависидтадтзна асамасамадтзнаад̇и. со хи д̣̇асаннам̣ баарамийнам̣ бадибаадияаа ааваж̇ж̇анам̣ аад̣̇им̣ гад̇ваа б̣од̇хисамбхаараг̇ун̣зхи жзва б̣уд̣̇д̇хаг̇ун̣зхи жа сзсамахааж̇анзна асад̣̇исод̇и асад̣̇исадтзнаби згабуг̇г̇ало. яз жасса д̇з г̇ун̣аа, д̇з сзсасад̇д̇аанам̣ г̇ун̣зхи висидтаад̇и г̇ун̣ависидтадтзнаби згабуг̇г̇ало. буримагаа саммаасамб̣уд̣̇д̇хаа саб̣б̣асад̇д̇зхи асамаа, д̇зхи сад̣̇д̇хим̣ аяамзва зго руубагааяаг̇ун̣зхи жзва наамагааяаг̇ун̣зхи жа самод̇и асамасамадтзнаби згабуг̇г̇ало.

    Iti eko ca so puggalo cāti ekapuggalo. Kenaṭṭhena ekapuggalo? Asadisaṭṭhena guṇavisiṭṭhaṭṭhena asamasamaṭṭhenāti. So hi dasannaṃ pāramīnaṃ paṭipāṭiyā āvajjanaṃ ādiṃ katvā bodhisambhāraguṇehi ceva buddhaguṇehi ca sesamahājanena asadisoti asadisaṭṭhenapi ekapuggalo. Ye cassa te guṇā, te sesasattānaṃ guṇehi visiṭṭhāti guṇavisiṭṭhaṭṭhenapi ekapuggalo. Purimakā sammāsambuddhā sabbasattehi asamā, tehi saddhiṃ ayameva eko rūpakāyaguṇehi ceva nāmakāyaguṇehi ca samoti asamasamaṭṭhenapi ekapuggalo.

    логзд̇и д̇аяо логаа – сад̇д̇алого, огаасалого, сан̇кааралогод̇и. д̇зсам̣ вид̇т̇аарагат̇аа висуд̣̇д̇химаг̇г̇з (висуд̣̇д̇хи. 1.135-136) вуд̇д̇аа. д̇зсу ид̇ха сад̇д̇алого ад̇хиббзд̇о. сад̇д̇алогз уббаж̇ж̇амааноби жзса на д̣̇звалогз, на б̣рахмалогз, мануссалогзязва уббаж̇ж̇ад̇и. мануссалогзби на ан̃н̃асмим̣ жаггаваал̣з, имасмим̣язва жаггаваал̣з уббаж̇ж̇ад̇и. д̇ад̇рааби на саб̣б̣адтаанзсу.

    Loketi tayo lokā – sattaloko, okāsaloko, saṅkhāralokoti. Tesaṃ vitthārakathā visuddhimagge (visuddhi. 1.135-136) vuttā. Tesu idha sattaloko adhippeto. Sattaloke uppajjamānopi cesa na devaloke, na brahmaloke, manussalokeyeva uppajjati. Manussalokepi na aññasmiṃ cakkavāḷe, imasmiṃyeva cakkavāḷe uppajjati. Tatrāpi na sabbaṭṭhānesu.

    ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо, д̇асса барзна махаасаалаа, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бурад̇т̇имад̣̇агкин̣ааяа д̣̇исааяа саллавад̇ий наама над̣̇ий, д̇ад̇о бараа бажжанд̇имаа ж̇анабад̣̇аа, орад̇о маж̇жхз. д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о бараа бажжанд̇имаа ж̇анабад̣̇аа, орад̇о маж̇жхз. уд̇д̇арааяа д̣̇исааяа усийрад̣̇д̇хаж̇о наама баб̣б̣ад̇о, д̇ад̇о бараа бажжанд̇имаа ж̇анабад̣̇аа, орад̇о маж̇жхз’’д̇и (махаава. 259) звам̣ барижчиннз ааяаамад̇о д̇ияож̇анасад̇з вид̇т̇аарад̇о ад̣дхад̇зяяаяож̇анасад̇з баригкзбад̇о наваяож̇анасад̇з маж̇жхимад̣̇зсз уббаж̇ж̇ад̇и. на гзвалан̃жа д̇ат̇ааг̇ад̇ова, бажжзгаб̣уд̣̇д̇хаа аг̇г̇асаавагаа асийд̇и махаат̇зраа б̣уд̣̇д̇хамаад̇аа б̣уд̣̇д̇хабид̇аа жаггавад̇д̇ий рааж̇аа ан̃н̃з жа саараббад̇д̇аа б̣раахман̣аг̇ахабад̇игаа зд̇т̇зва уббаж̇ж̇анд̇и.

    ‘‘Puratthimāya disāya gajaṅgalaṃ nāma nigamo, tassa parena mahāsālā, tato parā paccantimā janapadā, orato majjhe. Puratthimadakkhiṇāya disāya sallavatī nāma nadī, tato parā paccantimā janapadā, orato majjhe. Dakkhiṇāya disāya setakaṇṇikaṃ nāma nigamo, tato parā paccantimā janapadā, orato majjhe. Pacchimāya disāya thūṇaṃ nāma brāhmaṇagāmo, tato parā paccantimā janapadā, orato majjhe. Uttarāya disāya usīraddhajo nāma pabbato, tato parā paccantimā janapadā, orato majjhe’’ti (mahāva. 259) evaṃ paricchinne āyāmato tiyojanasate vitthārato aḍḍhateyyayojanasate parikkhepato navayojanasate majjhimadese uppajjati. Na kevalañca tathāgatova, paccekabuddhā aggasāvakā asīti mahātherā buddhamātā buddhapitā cakkavattī rājā aññe ca sārappattā brāhmaṇagahapatikā ettheva uppajjanti.

    уббаж̇ж̇амаано уббаж̇ж̇ад̇ийд̇и ид̣̇ам̣ бана убхаяамби виббагад̇аважанамзва. уббаж̇ж̇амаано б̣ахуж̇анахид̇ааяа уббаж̇ж̇ад̇и, на ан̃н̃зна гааран̣знаад̇и звам̣ банзд̇т̇а ад̇т̇о взд̣̇ид̇аб̣б̣о. зваруубан̃жзд̇т̇а лагкан̣ам̣ на саггаа зд̇ам̣ ан̃н̃зна сад̣̇д̣̇алагкан̣зна бадиб̣аахид̇ум̣.

    Uppajjamāno uppajjatīti idaṃ pana ubhayampi vippakatavacanameva. Uppajjamāno bahujanahitāya uppajjati, na aññena kāraṇenāti evaṃ panettha attho veditabbo. Evarūpañcettha lakkhaṇaṃ na sakkā etaṃ aññena saddalakkhaṇena paṭibāhituṃ.

    абижа уббаж̇ж̇амаано наама, уббаж̇ж̇ад̇и наама, уббанно наамаад̇и аяамзд̇т̇а бхзд̣̇о взд̣̇ид̇аб̣б̣о. зса хи д̣̇ийбан̇гарабаад̣̇амуулад̇о бадтааяа лад̣̇д̇хаб̣яаагаран̣о б̣уд̣̇д̇хагаарагз д̇хаммз бариязсанд̇о д̣̇аса баарамияо д̣̇исваа ‘‘имз д̇хаммаа маяаа буурзд̇аб̣б̣аа’’д̇и гад̇асаннидтаано д̣̇аанабаарамим̣ буурзнд̇оби уббаж̇ж̇амаано наама. сийлабаарамий…бз… убзгкаабаарамийд̇и имаа д̣̇аса баарамияо буурзнд̇оби, д̣̇аса убабаарамияо буурзнд̇оби уббаж̇ж̇амаано наама. д̣̇аса барамад̇т̇абаарамияо буурзнд̇оби уббаж̇ж̇амаанова наама. бан̃жа махаабарижжааг̇з барижжаж̇анд̇оби уббаж̇ж̇амаано наама. ад̇д̇ад̇т̇ажарияам̣ н̃аад̇ад̇т̇ажарияам̣ логад̇т̇ажарияам̣ буураяамааноби уббаж̇ж̇амаано наама. габбасад̇асахассаад̇хигаани жад̇д̇аари асан̇кязяяаани б̣уд̣̇д̇хагаарагз д̇хаммз мад̇т̇агам̣ баабзнд̇оби уббаж̇ж̇амаано наама. взссанд̇арад̇д̇абхаавам̣ бахааяа д̇усид̇абурз бадисанд̇хим̣ г̇ахзд̇ваа садтивассасад̇асахассаад̇хигаа сад̇д̇абан̣н̣аасавассагодияо д̇идтанд̇оби уббаж̇ж̇амаано наама. д̣̇звад̇аахи яаажид̇о бан̃жамахаавилогид̇ам̣ вилогзд̇ваа махаамааяаад̣̇звияаа гужчимхи бадисанд̇хим̣ г̇ан̣ханд̇оби, ануунаад̇хигз д̣̇аса маасз г̇аб̣бхаваасам̣ васанд̇оби уббаж̇ж̇амаано наама. згуунад̇им̣са вассаани аг̇аарамаж̇жхз д̇идтанд̇оби уббаж̇ж̇амаано наама. гаамзсу аад̣̇ийнавам̣ нзгкаммз жа аанисам̣сам̣ д̣̇исваа раахулабхад̣̇д̣̇асса ж̇аад̇ад̣̇ивасз чаннасахааяо ган̣д̣агам̣ вааханаварам̣ ааруяха нигкаманд̇оби уббаж̇ж̇амаанова наама. д̇ийн̣и раж̇ж̇аани ад̇иггаманд̇оби аномаанад̣̇ийд̇ийрз баб̣б̣аж̇анд̇оби уббаж̇ж̇амаано наама. чаб̣б̣ассаани махаабад̇хаанам̣ гаронд̇оби уббаж̇ж̇амаано наама. барибаггаг̇ад̇з н̃аан̣з ол̣ааригаахаарам̣ аахаранд̇оби уббаж̇ж̇амаанова наама. сааяанхасамаяз висаакабун̣н̣амааяа махааб̣од̇химан̣д̣ам̣ ааруяха маараб̣алам̣ вид̇хамзд̇ваа батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ барисод̇хзд̇ваа бажчимаяаамасамананд̇арз д̣̇ваад̣̇асан̇г̇ам̣ бадижжасамуббаад̣̇ам̣ ануломабадиломад̇о саммасид̇ваа сод̇аабад̇д̇имаг̇г̇ам̣ бадивиж̇жханд̇оби уббаж̇ж̇амаанова наама. сод̇аабад̇д̇ипалагкан̣зби сагад̣̇ааг̇аамимаг̇г̇агкан̣зби сагад̣̇ааг̇аамипалагкан̣зби анааг̇аамимаг̇г̇агкан̣зби анааг̇аамипалагкан̣зби уббаж̇ж̇амаанова наама. арахад̇д̇амаг̇г̇агкан̣з бана уббаж̇ж̇ад̇и наама. арахад̇д̇апалагкан̣з уббанно наама. б̣уд̣̇д̇хаанам̣ хи саавагаанам̣ вияа на бадибаадияаа ид̣̇д̇хивид̇хан̃аан̣аад̣̇ийни уббаж̇ж̇анд̇и, сахзва бана арахад̇д̇амаг̇г̇зна сагалоби саб̣б̣ан̃н̃уд̇ан̃н̃аан̣аад̣̇и г̇ун̣арааси ааг̇ад̇ова наама ход̇и. д̇асмаа д̇з нибпад̇д̇асаб̣б̣агижжад̇д̇аа арахад̇д̇апалагкан̣з уббаннаа наама хонд̇и. имасмимби суд̇д̇з арахад̇д̇апалагкан̣ам̣язва санд̇хааяа ‘‘уббаж̇ж̇ад̇ий’’д̇и взд̣̇ид̇аб̣б̣о, уббанно ход̇ийд̇и аяан̃хзд̇т̇а ад̇т̇о.

    Apica uppajjamāno nāma, uppajjati nāma, uppanno nāmāti ayamettha bhedo veditabbo. Esa hi dīpaṅkarapādamūlato paṭṭhāya laddhabyākaraṇo buddhakārake dhamme pariyesanto dasa pāramiyo disvā ‘‘ime dhammā mayā pūretabbā’’ti katasanniṭṭhāno dānapāramiṃ pūrentopi uppajjamāno nāma. Sīlapāramī…pe… upekkhāpāramīti imā dasa pāramiyo pūrentopi, dasa upapāramiyo pūrentopi uppajjamāno nāma. Dasa paramatthapāramiyo pūrentopi uppajjamānova nāma. Pañca mahāpariccāge pariccajantopi uppajjamāno nāma. Attatthacariyaṃ ñātatthacariyaṃ lokatthacariyaṃ pūrayamānopi uppajjamāno nāma. Kappasatasahassādhikāni cattāri asaṅkhyeyyāni buddhakārake dhamme matthakaṃ pāpentopi uppajjamāno nāma. Vessantarattabhāvaṃ pahāya tusitapure paṭisandhiṃ gahetvā saṭṭhivassasatasahassādhikā sattapaṇṇāsavassakoṭiyo tiṭṭhantopi uppajjamāno nāma. Devatāhi yācito pañcamahāvilokitaṃ viloketvā mahāmāyādeviyā kucchimhi paṭisandhiṃ gaṇhantopi, anūnādhike dasa māse gabbhavāsaṃ vasantopi uppajjamāno nāma. Ekūnatiṃsa vassāni agāramajjhe tiṭṭhantopi uppajjamāno nāma. Kāmesu ādīnavaṃ nekkhamme ca ānisaṃsaṃ disvā rāhulabhaddassa jātadivase channasahāyo kaṇḍakaṃ vāhanavaraṃ āruyha nikkhamantopi uppajjamānova nāma. Tīṇi rajjāni atikkamantopi anomānadītīre pabbajantopi uppajjamāno nāma. Chabbassāni mahāpadhānaṃ karontopi uppajjamāno nāma. Paripakkagate ñāṇe oḷārikāhāraṃ āharantopi uppajjamānova nāma. Sāyanhasamaye visākhapuṇṇamāya mahābodhimaṇḍaṃ āruyha mārabalaṃ vidhametvā paṭhamayāme pubbenivāsaṃ anussaritvā majjhimayāme dibbacakkhuṃ parisodhetvā pacchimayāmasamanantare dvādasaṅgaṃ paṭiccasamuppādaṃ anulomapaṭilomato sammasitvā sotāpattimaggaṃ paṭivijjhantopi uppajjamānova nāma. Sotāpattiphalakkhaṇepi sakadāgāmimaggakkhaṇepi sakadāgāmiphalakkhaṇepi anāgāmimaggakkhaṇepi anāgāmiphalakkhaṇepi uppajjamānova nāma. Arahattamaggakkhaṇe pana uppajjati nāma. Arahattaphalakkhaṇe uppanno nāma. Buddhānaṃ hi sāvakānaṃ viya na paṭipāṭiyā iddhividhañāṇādīni uppajjanti, saheva pana arahattamaggena sakalopi sabbaññutaññāṇādi guṇarāsi āgatova nāma hoti. Tasmā te nipphattasabbakiccattā arahattaphalakkhaṇe uppannā nāma honti. Imasmimpi sutte arahattaphalakkhaṇaṃyeva sandhāya ‘‘uppajjatī’’ti veditabbo, uppanno hotīti ayañhettha attho.

    б̣ахуж̇анахид̇ааяаад̇и махааж̇анасса хид̇ад̇т̇ааяа уббаж̇ж̇ад̇и. б̣ахуж̇анасукааяаад̇и махааж̇анасса сукад̇т̇ааяа уббаж̇ж̇ад̇и. логаанугамбааяаад̇и сад̇д̇алогасса анугамбам̣ бадижжа уббаж̇ж̇ад̇и. гад̇арасад̇д̇алогассаад̇и? яо д̇ат̇ааг̇ад̇асса д̇хаммад̣̇зсанам̣ суд̇ваа амад̇абаанам̣ бивид̇ваа д̇хаммам̣ бадивиж̇жхи, д̇асса. бхаг̇авад̇аа хи махааб̣од̇химан̣д̣з сад̇д̇асад̇д̇аахам̣ вийд̇инаамзд̇ваа б̣од̇химан̣д̣аа исибад̇анам̣ ааг̇амма ‘‘д̣̇взмз, бхигкавз, анд̇аа баб̣б̣аж̇ид̇зна на сзвид̇аб̣б̣аа’’д̇и д̇хаммажаггаббавад̇д̇анасуд̇д̇з (махаава. 13; сам̣. ни. 5.1081) д̣̇зсид̇з ааяасмад̇аа ан̃н̃аасигон̣д̣ан̃н̃ад̇т̇зрзна сад̣̇д̇хим̣ адтаарасагодисан̇каа б̣рахмаано амад̇абаанам̣ бивим̣су, зд̇асса сад̇д̇алогасса анугамбааяа уббанно. бан̃жамад̣̇ивасз анад̇д̇алагкан̣асуд̇д̇анд̇абарияосаанз (махаава. 20; сам̣. ни. 3.59) бан̃жаваг̇г̇ияаа т̇зраа арахад̇д̇з бад̇идтахим̣су, зд̇ассаби сад̇д̇алогасса анугамбааяа уббанно. д̇ад̇о яасад̣̇аарагаббамукз бан̃жабан̣н̣ааса бурисз арахад̇д̇з бад̇идтаабзси, д̇ад̇о габбаасигаванасан̣д̣з д̇им̣са бхад̣̇д̣̇аваг̇г̇ияз д̇аяо маг̇г̇з жа д̇ийн̣и палаани жа самбаабзси, зд̇ассаби сад̇д̇алогасса анугамбааяа уббанно. г̇аяаасийсз аад̣̇ид̇д̇абарияааяасуд̇д̇абарияосаанз (махаава. 54) ж̇адиласахассам̣ арахад̇д̇з бад̇идтаабзси, д̇ааладтиванз б̣имб̣исаараббамукаа згаад̣̇аса нахуд̇аа б̣раахман̣аг̇ахабад̇игаа сад̇т̇у д̇хаммад̣̇зсанам̣ суд̇ваа сод̇аабад̇д̇ипалз бад̇идтахим̣су, згам̣ нахуд̇ам̣ саран̣зсу бад̇идтид̇ам̣. д̇ирогуддаанумод̣̇анаавасаанз жад̇ураасийд̇ияаа баан̣асахассзхи амад̇абаанам̣ бийд̇ам̣. суманамаалаагаарасамааг̇амз жад̇ураасийд̇ияаа жа. д̇ханабаалагасамааг̇амз д̣̇асахи баан̣асахассзхи, кад̣̇иран̇г̇аараж̇аад̇агасамааг̇амз жад̇ураасийд̇ияаа баан̣асахассзхи, ж̇амб̣угаааж̇ийвагасамааг̇амз жад̇ураасийд̇ияаа жа. аананд̣̇асздтисамааг̇амз жад̇ураасийд̇ияаа жа баан̣асахассзхи амад̇абаанам̣ бийд̇ам̣. баасаан̣агажзд̇ияз баарааяанасуд̇д̇анд̇агат̇аад̣̇ивасз жуд̣̇д̣̇аса годияо амад̇абаанам̣ бивим̣су. яамагабаадихаарияад̣̇ивасз вийсад̇и баан̣агодияо, д̇аавад̇им̣сабхаванз бан̣д̣угамб̣аласилааяа нисийд̣̇ид̇ваа маад̇арам̣ гааяасагким̣ гад̇ваа сад̇д̇аббагаран̣ам̣ абхид̇хаммам̣ д̣̇зсзнд̇асса асийд̇и баан̣агодияо, д̣̇звороханз д̇им̣са баан̣агодияо, саггабан̃хасуд̇д̇анд̇з асийд̇и д̣̇звад̇аасахассаани амад̇абаанам̣ бивим̣су. махаасамаяасуд̇д̇анд̇з ман̇г̇аласуд̇д̇анд̇з жуул̣араахуловаад̣̇з самажид̇д̇абадибад̣̇ааяаад̇и имзсу жад̇уусу таанзсу абхисамаяам̣ бад̇д̇асад̇д̇аанам̣ барижчзд̣̇о над̇т̇и. зд̇ассаби сад̇д̇алогасса анугамбааяа уббаннод̇и. яааваж̇ж̇ад̣̇ивасаа ид̇о барам̣ анааг̇ад̇з жа саасанам̣ ниссааяа саг̇г̇амогкамаг̇г̇з бад̇идтаханд̇аанам̣ васзнааби аяамад̇т̇о взд̣̇ид̇аб̣б̣о.

    Bahujanahitāyāti mahājanassa hitatthāya uppajjati. Bahujanasukhāyāti mahājanassa sukhatthāya uppajjati. Lokānukampāyāti sattalokassa anukampaṃ paṭicca uppajjati. Katarasattalokassāti? Yo tathāgatassa dhammadesanaṃ sutvā amatapānaṃ pivitvā dhammaṃ paṭivijjhi, tassa. Bhagavatā hi mahābodhimaṇḍe sattasattāhaṃ vītināmetvā bodhimaṇḍā isipatanaṃ āgamma ‘‘dveme, bhikkhave, antā pabbajitena na sevitabbā’’ti dhammacakkappavattanasutte (mahāva. 13; saṃ. ni. 5.1081) desite āyasmatā aññāsikoṇḍaññattherena saddhiṃ aṭṭhārasakoṭisaṅkhā brahmāno amatapānaṃ piviṃsu, etassa sattalokassa anukampāya uppanno. Pañcamadivase anattalakkhaṇasuttantapariyosāne (mahāva. 20; saṃ. ni. 3.59) pañcavaggiyā therā arahatte patiṭṭhahiṃsu, etassapi sattalokassa anukampāya uppanno. Tato yasadārakappamukhe pañcapaṇṇāsa purise arahatte patiṭṭhāpesi, tato kappāsikavanasaṇḍe tiṃsa bhaddavaggiye tayo magge ca tīṇi phalāni ca sampāpesi, etassapi sattalokassa anukampāya uppanno. Gayāsīse ādittapariyāyasuttapariyosāne (mahāva. 54) jaṭilasahassaṃ arahatte patiṭṭhāpesi, tālaṭṭhivane bimbisārappamukhā ekādasa nahutā brāhmaṇagahapatikā satthu dhammadesanaṃ sutvā sotāpattiphale patiṭṭhahiṃsu, ekaṃ nahutaṃ saraṇesu patiṭṭhitaṃ. Tirokuṭṭaanumodanāvasāne caturāsītiyā pāṇasahassehi amatapānaṃ pītaṃ. Sumanamālākārasamāgame caturāsītiyā ca. Dhanapālakasamāgame dasahi pāṇasahassehi, khadiraṅgārajātakasamāgame caturāsītiyā pāṇasahassehi, jambukaājīvakasamāgame caturāsītiyā ca. Ānandaseṭṭhisamāgame caturāsītiyā ca pāṇasahassehi amatapānaṃ pītaṃ. Pāsāṇakacetiye pārāyanasuttantakathādivase cuddasa koṭiyo amatapānaṃ piviṃsu. Yamakapāṭihāriyadivase vīsati pāṇakoṭiyo, tāvatiṃsabhavane paṇḍukambalasilāya nisīditvā mātaraṃ kāyasakkhiṃ katvā sattappakaraṇaṃ abhidhammaṃ desentassa asīti pāṇakoṭiyo, devorohane tiṃsa pāṇakoṭiyo, sakkapañhasuttante asīti devatāsahassāni amatapānaṃ piviṃsu. Mahāsamayasuttante maṅgalasuttante cūḷarāhulovāde samacittapaṭipadāyāti imesu catūsu ṭhānesu abhisamayaṃ pattasattānaṃ paricchedo natthi. Etassapi sattalokassa anukampāya uppannoti. Yāvajjadivasā ito paraṃ anāgate ca sāsanaṃ nissāya saggamokkhamagge patiṭṭhahantānaṃ vasenāpi ayamattho veditabbo.

    д̣̇звамануссаананд̇и на гзвалам̣ д̣̇звамануссаанам̣язва, авасзсаанам̣ нааг̇асубан̣н̣аад̣̇ийнамби ад̇т̇ааяа хид̇ааяа сукааязва уббанно. сахзд̇угабадисанд̇хигз бана маг̇г̇апаласажчигирияааяа бхаб̣б̣з буг̇г̇алз д̣̇ассзд̇ум̣ зд̇ам̣ вуд̇д̇ам̣. д̇асмаа зд̇зсамби ад̇т̇ааяа хид̇ааяа сукааязва уббаннод̇и взд̣̇ид̇аб̣б̣о.

    Devamanussānanti na kevalaṃ devamanussānaṃyeva, avasesānaṃ nāgasupaṇṇādīnampi atthāya hitāya sukhāyeva uppanno. Sahetukapaṭisandhike pana maggaphalasacchikiriyāya bhabbe puggale dassetuṃ etaṃ vuttaṃ. Tasmā etesampi atthāya hitāya sukhāyeva uppannoti veditabbo.

    гад̇амо згабуг̇г̇алод̇и аяам̣ бужчаа. бужчаа жа наамзсаа бан̃жавид̇хаа ход̇и – ад̣̇идтаж̇од̇анаа бужчаа, д̣̇идтасам̣санд̣̇анаа бужчаа, вимад̇ижчзд̣̇анаа бужчаа, анумад̇ибужчаа, гат̇зд̇угамяад̇аабужчаад̇и.

    Katamo ekapuggaloti ayaṃ pucchā. Pucchā ca nāmesā pañcavidhā hoti – adiṭṭhajotanā pucchā, diṭṭhasaṃsandanā pucchā, vimaticchedanā pucchā, anumatipucchā, kathetukamyatāpucchāti.

    д̇аасам̣ ид̣̇ам̣ наанад̇д̇ам̣ – гад̇амаа ад̣̇идтаж̇од̇анаа бужчаа? багад̇ияаа лагкан̣ам̣ ан̃н̃аад̇ам̣ ход̇и ад̣̇идтам̣ ад̇улид̇ам̣ ад̇ийрид̇ам̣ авибхууд̇ам̣ абхаавид̇ам̣. д̇асса н̃аан̣ааяа д̣̇ассанааяа д̇уланааяа д̇ийран̣ааяа вибхууд̇ад̇т̇ааяа вибхааванад̇т̇ааяа бан̃хам̣ бужчад̇и, аяам̣ ад̣̇идтаж̇од̇анаа бужчаа.

    Tāsaṃ idaṃ nānattaṃ – katamā adiṭṭhajotanā pucchā? Pakatiyā lakkhaṇaṃ aññātaṃ hoti adiṭṭhaṃ atulitaṃ atīritaṃ avibhūtaṃ abhāvitaṃ. Tassa ñāṇāya dassanāya tulanāya tīraṇāya vibhūtatthāya vibhāvanatthāya pañhaṃ pucchati, ayaṃ adiṭṭhajotanā pucchā.

    гад̇амаа д̣̇идтасам̣санд̣̇анаа бужчаа? багад̇ияаа лагкан̣ам̣ н̃аад̇ам̣ ход̇и д̣̇идтам̣ д̇улид̇ам̣ д̇ийрид̇ам̣ вибхууд̇ам̣ вибхаавид̇ам̣. со ан̃н̃зхи бан̣д̣ид̇зхи сад̣̇д̇хим̣ сам̣санд̣̇анад̇т̇ааяа бан̃хам̣ бужчад̇и, аяам̣ д̣̇идтасам̣санд̣̇анаа бужчаа.

    Katamā diṭṭhasaṃsandanā pucchā? Pakatiyā lakkhaṇaṃ ñātaṃ hoti diṭṭhaṃ tulitaṃ tīritaṃ vibhūtaṃ vibhāvitaṃ. So aññehi paṇḍitehi saddhiṃ saṃsandanatthāya pañhaṃ pucchati, ayaṃ diṭṭhasaṃsandanā pucchā.

    гад̇амаа вимад̇ижчзд̣̇анаа бужчаа? багад̇ияаа сам̣саяабагканд̇о ход̇и вимад̇ибагканд̇о д̣̇взл̣хагаж̇аад̇о ‘‘звам̣ ну ко, на ну ко, гим̣ ну ко, гат̇ам̣ ну ко’’д̇и. со вимад̇ижчзд̣̇анад̇т̇ааяа бан̃хам̣ бужчад̇и, аяам̣ вимад̇ижчзд̣̇анаа бужчаа.

    Katamā vimaticchedanā pucchā? Pakatiyā saṃsayapakkhanto hoti vimatipakkhanto dveḷhakajāto ‘‘evaṃ nu kho, na nu kho, kiṃ nu kho, kathaṃ nu kho’’ti. So vimaticchedanatthāya pañhaṃ pucchati, ayaṃ vimaticchedanā pucchā.

    гад̇амаа анумад̇ибужчаа? бхаг̇аваа хи бхигкуунам̣ анумад̇ияаа бан̃хам̣ бужчад̇и – ‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну ко д̇ам̣ саманубассид̇ум̣ зд̇ам̣ мама, зсохамасми, зсо мз ад̇д̇аа’’д̇и? ‘‘но хзд̇ам̣, бханд̇з’’д̇и, аяам̣ анумад̇ибужчаа.

    Katamā anumatipucchā? Bhagavā hi bhikkhūnaṃ anumatiyā pañhaṃ pucchati – ‘‘taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu kho taṃ samanupassituṃ etaṃ mama, esohamasmi, eso me attā’’ti? ‘‘No hetaṃ, bhante’’ti, ayaṃ anumatipucchā.

    гад̇амаа гат̇зд̇угамяад̇аабужчаа? бхаг̇аваа бхигкуунам̣ гат̇зд̇угамяад̇ааяа бан̃хам̣ бужчад̇и – ‘‘жад̇д̇ааромз, бхигкавз, сад̇ибадтаанаа. гад̇амз жад̇д̇ааро’’д̇и? аяам̣ гат̇зд̇угамяад̇аабужчаад̇и.

    Katamā kathetukamyatāpucchā? Bhagavā bhikkhūnaṃ kathetukamyatāya pañhaṃ pucchati – ‘‘cattārome, bhikkhave, satipaṭṭhānā. Katame cattāro’’ti? Ayaṃ kathetukamyatāpucchāti.

    д̇ад̇т̇а б̣уд̣̇д̇хаанам̣ буримаа д̇иссо бужчаа над̇т̇и. гасмаа? б̣уд̣̇д̇хаанам̣ хи д̇ийсу ад̣̇д̇хаасу гин̃жи сан̇кад̇ам̣ ад̣̇д̇хаавимуд̇д̇ам̣ ваа асан̇кад̇ам̣ ад̣̇идтам̣ аж̇аанид̇ам̣ ад̇улид̇ам̣ ад̇ийрид̇ам̣ авибхууд̇ам̣ авибхаавид̇ам̣ наама над̇т̇и, д̇асмаа д̇зсам̣ ад̣̇идтаж̇од̇анаабужчаа над̇т̇и. яам̣ бана бхаг̇авад̇аа ад̇д̇ано н̃аан̣зна бадивид̣̇д̇хам̣, д̇асса ан̃н̃зна саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа сад̣̇д̇хим̣ сам̣санд̣̇анагижжам̣ над̇т̇и. д̇знасса д̣̇идтасам̣санд̣̇анаабужчаа над̇т̇и. яасмаа банзса агат̇ам̣гат̇ий д̇ин̣н̣авижигижчо саб̣б̣ад̇хаммзсу вихад̇асам̣саяо, д̇знасса вимад̇ижчзд̣̇анаабужчаа над̇т̇и. ид̇араа бана д̣̇вз бужчаа бхаг̇авад̇о ад̇т̇и, д̇аасу аяам̣ гат̇зд̇угамяад̇аабужчаад̇и взд̣̇ид̇аб̣б̣аа.

    Tattha buddhānaṃ purimā tisso pucchā natthi. Kasmā? Buddhānaṃ hi tīsu addhāsu kiñci saṅkhataṃ addhāvimuttaṃ vā asaṅkhataṃ adiṭṭhaṃ ajānitaṃ atulitaṃ atīritaṃ avibhūtaṃ avibhāvitaṃ nāma natthi, tasmā tesaṃ adiṭṭhajotanāpucchā natthi. Yaṃ pana bhagavatā attano ñāṇena paṭividdhaṃ, tassa aññena samaṇena vā brāhmaṇena vā devena vā mārena vā brahmunā vā saddhiṃ saṃsandanakiccaṃ natthi. Tenassa diṭṭhasaṃsandanāpucchā natthi. Yasmā panesa akathaṃkathī tiṇṇavicikiccho sabbadhammesu vihatasaṃsayo, tenassa vimaticchedanāpucchā natthi. Itarā pana dve pucchā bhagavato atthi, tāsu ayaṃ kathetukamyatāpucchāti veditabbā.

    ид̣̇аани д̇ааяа бужчааяа будтам̣ згабуг̇г̇алам̣ вибхаавзнд̇о д̇ат̇ааг̇ад̇о арахам̣ саммаасамб̣уд̣̇д̇ход̇и ааха. д̇ад̇т̇а д̇ат̇ааг̇ад̇од̇и адтахи гааран̣зхи бхаг̇аваа д̇ат̇ааг̇ад̇о – д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇аваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇од̇и.

    Idāni tāya pucchāya puṭṭhaṃ ekapuggalaṃ vibhāvento tathāgato arahaṃ sammāsambuddhoti āha. Tattha tathāgatoti aṭṭhahi kāraṇehi bhagavā tathāgato – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathākāritāya tathāgato, abhibhavanaṭṭhena tathāgatoti.

    гат̇ам̣ бхаг̇аваа д̇ат̇аа ааг̇ад̇од̇и д̇ат̇ааг̇ад̇о? яат̇аа саб̣б̣алогахид̇ааяа уссуггамаабаннаа буримагаа саммаасамб̣уд̣̇д̇хаа ааг̇ад̇аа, яат̇аа вибассий бхаг̇аваа ааг̇ад̇о, яат̇аа сикий бхаг̇аваа, яат̇аа взссабхуу бхаг̇аваа, яат̇аа гагусанд̇хо бхаг̇аваа, яат̇аа гон̣ааг̇амано бхаг̇аваа, яат̇аа гассабо бхаг̇аваа ааг̇ад̇од̇и. гим̣ вуд̇д̇ам̣ ход̇и? язна абхинийхаарзна зд̇з бхаг̇аванд̇о ааг̇ад̇аа, д̇знзва амхаагамби бхаг̇аваа ааг̇ад̇о. ат̇а ваа яат̇аа вибассий бхаг̇аваа…бз… яат̇аа гассабо бхаг̇аваа д̣̇аанабаарамим̣ буурзд̇ваа, сийланзгкаммабан̃н̃аавийрияаканд̇исажжаад̇хидтаанамзд̇д̇ааубзгкаабаарамим̣ буурзд̇ваа имаа д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇им̣са баарамияо буурзд̇ваа, ан̇г̇абарижжааг̇ам̣ наяанад̇ханараж̇ж̇абуд̇д̇ад̣̇аарабарижжааг̇анд̇и имз бан̃жа махаабарижжааг̇з барижжаж̇ид̇ваа, буб̣б̣аяог̇абуб̣б̣ажарияад̇хаммагкаанан̃аад̇ад̇т̇ажарияаад̣̇аяо буурзд̇ваа б̣уд̣̇д̇хижарияааяа годим̣ бад̇ваа ааг̇ад̇о, д̇ат̇аа амхаагамби бхаг̇аваа ааг̇ад̇о. яат̇аа жа вибассий бхаг̇аваа …бз… гассабо бхаг̇аваа жад̇д̇ааро сад̇ибадтаанз жад̇д̇ааро саммаббад̇хаанз жад̇д̇ааро ид̣̇д̇хибаад̣̇з бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇з арияам̣ адтан̇г̇игам̣ маг̇г̇ам̣ бхаавзд̇ваа б̣руухзд̇ваа ааг̇ад̇о, д̇ат̇аа амхаагамби бхаг̇аваа ааг̇ад̇од̇и д̇ат̇ааг̇ад̇о.

    Kathaṃ bhagavā tathā āgatoti tathāgato? Yathā sabbalokahitāya ussukkamāpannā purimakā sammāsambuddhā āgatā, yathā vipassī bhagavā āgato, yathā sikhī bhagavā, yathā vessabhū bhagavā, yathā kakusandho bhagavā, yathā koṇāgamano bhagavā, yathā kassapo bhagavā āgatoti. Kiṃ vuttaṃ hoti? Yena abhinīhārena ete bhagavanto āgatā, teneva amhākampi bhagavā āgato. Atha vā yathā vipassī bhagavā…pe… yathā kassapo bhagavā dānapāramiṃ pūretvā, sīlanekkhammapaññāvīriyakhantisaccādhiṭṭhānamettāupekkhāpāramiṃ pūretvā imā dasa pāramiyo, dasa upapāramiyo, dasa paramatthapāramiyoti samatiṃsa pāramiyo pūretvā, aṅgapariccāgaṃ nayanadhanarajjaputtadārapariccāganti ime pañca mahāpariccāge pariccajitvā, pubbayogapubbacariyadhammakkhānañātatthacariyādayo pūretvā buddhicariyāya koṭiṃ patvā āgato, tathā amhākampi bhagavā āgato. Yathā ca vipassī bhagavā …pe… kassapo bhagavā cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṃ aṭṭhaṅgikaṃ maggaṃ bhāvetvā brūhetvā āgato, tathā amhākampi bhagavā āgatoti tathāgato.

    ‘‘яат̇зва логамхи вибассиаад̣̇аяо,

    ‘‘Yatheva lokamhi vipassiādayo,

    саб̣б̣ан̃н̃убхаавам̣ мунаяо ид̇хааг̇ад̇аа;

    Sabbaññubhāvaṃ munayo idhāgatā;

    д̇ат̇аа аяам̣ сагяамунийби ааг̇ад̇о,

    Tathā ayaṃ sakyamunīpi āgato,

    д̇ат̇ааг̇ад̇о вужжад̇и д̇зна жагкумаа’’д̇и.

    Tathāgato vuccati tena cakkhumā’’ti.

    звам̣ д̇ат̇аа ааг̇ад̇од̇и д̇ат̇ааг̇ад̇о.

    Evaṃ tathā āgatoti tathāgato.

    гат̇ам̣ д̇ат̇аа г̇ад̇од̇и д̇ат̇ааг̇ад̇о? яат̇аа самбад̇иж̇аад̇о вибассий бхаг̇аваа г̇ад̇о…бз… гассабо бхаг̇аваа г̇ад̇о. гат̇ан̃жа со г̇ад̇од̇и? со хи самбад̇иж̇аад̇ова самзхи баад̣̇зхи бат̇авияам̣ бад̇идтааяа уд̇д̇араабхимуко сад̇д̇абад̣̇авийд̇ихаарзна г̇ад̇о. яат̇ааха – ‘‘самбад̇иж̇аад̇о, аананд̣̇а, б̣од̇хисад̇д̇о самзхи баад̣̇зхи бат̇авияам̣ бад̇идтахид̇ваа уд̇д̇араабхимуко сад̇д̇абад̣̇авийд̇ихаарзна г̇ажчад̇и сзд̇амхи чад̇д̇з ануд̇хаарияамаанз, саб̣б̣аа жа д̣̇исаа анувилогзд̇и, аасабхин̃жа ваажам̣ бхаасад̇и ‘аг̇г̇охамасми логасса, ж̇здтохамасми логасса, сздтохамасми логасса, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и (ма. ни. 3.207). д̇ан̃жасса г̇аманам̣ д̇ат̇ам̣ ахоси авид̇ат̇ам̣ анзгзсам̣ висзсаад̇хиг̇амаанам̣ буб̣б̣анимид̇д̇абхаавзна. яан̃хи со самбад̇иж̇аад̇ова самзхи баад̣̇зхи бад̇идтахи, ид̣̇амасса жад̇урид̣̇д̇хибаад̣̇абадилаабхасса буб̣б̣анимид̇д̇ам̣, уд̇д̇араабхимукабхааво бана саб̣б̣алогуд̇д̇арабхаавасса буб̣б̣анимид̇д̇ам̣, сад̇д̇абад̣̇авийд̇ихааро сад̇д̇аб̣ож̇жхан̇г̇арад̇анабадилаабхасса, ‘‘суван̣н̣ад̣̇ан̣д̣аа вийд̇ибад̇анд̇и жаамараа’’д̇и (су. ни. 693) зд̇т̇а вуд̇д̇ажаамаругкзбо бана саб̣б̣ад̇ид̇т̇ияаниммат̇анасса буб̣б̣анимид̇д̇ам̣, сзд̇ажчад̇д̇ад̇хааран̣ам̣ арахад̇д̇апалавимуд̇д̇иваравималасзд̇ажчад̇д̇абадилаабхасса буб̣б̣анимид̇д̇ам̣, саб̣б̣ад̣̇исаанувилоганам̣ саб̣б̣ан̃н̃уд̇аанааваран̣ан̃аан̣абадилаабхасса буб̣б̣анимид̇д̇ам̣, аасабхиваажаабхаасанам̣ аббадивад̇д̇ияаварад̇хаммажаггаббавад̇д̇анасса буб̣б̣анимид̇д̇ам̣. д̇ат̇аа аяам̣ бхаг̇авааби г̇ад̇о. д̇ан̃жасса г̇аманам̣ гат̇ам̣ ахоси авид̇ат̇ам̣ д̇зсам̣язва висзсаад̇хиг̇амаанам̣ буб̣б̣анимид̇д̇абхаавзна. д̇знааху бораан̣аа –

    Kathaṃ tathā gatoti tathāgato? Yathā sampatijāto vipassī bhagavā gato…pe… kassapo bhagavā gato. Kathañca so gatoti? So hi sampatijātova samehi pādehi pathaviyaṃ patiṭṭhāya uttarābhimukho sattapadavītihārena gato. Yathāha – ‘‘sampatijāto, ānanda, bodhisatto samehi pādehi pathaviyaṃ patiṭṭhahitvā uttarābhimukho sattapadavītihārena gacchati setamhi chatte anudhāriyamāne, sabbā ca disā anuviloketi, āsabhiñca vācaṃ bhāsati ‘aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo’’’ti (ma. ni. 3.207). Tañcassa gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena. Yañhi so sampatijātova samehi pādehi patiṭṭhahi, idamassa caturiddhipādapaṭilābhassa pubbanimittaṃ, uttarābhimukhabhāvo pana sabbalokuttarabhāvassa pubbanimittaṃ, sattapadavītihāro sattabojjhaṅgaratanapaṭilābhassa, ‘‘suvaṇṇadaṇḍā vītipatanti cāmarā’’ti (su. ni. 693) ettha vuttacāmarukkhepo pana sabbatitthiyanimmathanassa pubbanimittaṃ, setacchattadhāraṇaṃ arahattaphalavimuttivaravimalasetacchattapaṭilābhassa pubbanimittaṃ, sabbadisānuvilokanaṃ sabbaññutānāvaraṇañāṇapaṭilābhassa pubbanimittaṃ, āsabhivācābhāsanaṃ appaṭivattiyavaradhammacakkappavattanassa pubbanimittaṃ. Tathā ayaṃ bhagavāpi gato. Tañcassa gamanaṃ kathaṃ ahosi avitathaṃ tesaṃyeva visesādhigamānaṃ pubbanimittabhāvena. Tenāhu porāṇā –

    ‘‘мухуд̇д̇аж̇аад̇ова г̇авамбад̇ий яат̇аа,

    ‘‘Muhuttajātova gavampatī yathā,

    самзхи баад̣̇зхи пусий васунд̇харам̣;

    Samehi pādehi phusī vasundharaṃ;

    со виггамий сад̇д̇а бад̣̇аани г̇од̇амо,

    So vikkamī satta padāni gotamo,

    сзд̇ан̃жа чад̇д̇ам̣ ануд̇хаараяум̣ маруу.

    Setañca chattaṃ anudhārayuṃ marū.

    ‘‘г̇анд̇ваана со сад̇д̇а бад̣̇аани г̇од̇амо,

    ‘‘Gantvāna so satta padāni gotamo,

    д̣̇исаа вилогзси самаа саманд̇ад̇о;

    Disā vilokesi samā samantato;

    адтан̇г̇убзд̇ам̣ г̇ирамаб̣бхуд̣̇ийраяи,

    Aṭṭhaṅgupetaṃ giramabbhudīrayi,

    сийхо яат̇аа баб̣б̣ад̇амуд̣̇д̇ханидтид̇о’’д̇и.

    Sīho yathā pabbatamuddhaniṭṭhito’’ti.

    звам̣ д̇ат̇аа г̇ад̇од̇и д̇ат̇ааг̇ад̇о.

    Evaṃ tathā gatoti tathāgato.

    ат̇а ваа яат̇аа вибассий бхаг̇аваа…бз… яат̇аа гассабо бхаг̇аваа, аяамби бхаг̇аваа д̇ат̇зва нзгкаммзна гаамажчанд̣̇ам̣ бахааяа г̇ад̇о, аб̣яаабаад̣̇зна б̣яаабаад̣̇ам̣, аалогасан̃н̃ааяа т̇инамид̣̇д̇хам̣, авигкзбзна уд̣̇д̇хажжагуггужжам̣, д̇хаммававад̇т̇аанзна вижигижчам̣ бахааяа г̇ад̇о, н̃аан̣зна авиж̇ж̇ам̣ бад̣̇аалзд̇ваа г̇ад̇о, баамож̇ж̇зна арад̇им̣ винод̣̇зд̇ваа, батамаж̇жхаанзна нийваран̣агаваадам̣ уг̇гхаадзд̇ваа, д̣̇уд̇ияаж̇жхаанзна вид̇аггавижаарам̣ вуубасамзд̇ваа, д̇ад̇ияаж̇жхаанзна бийд̇им̣ вирааж̇зд̇ваа, жад̇уд̇т̇аж̇жхаанзна сукад̣̇угкам̣ бахааяа, аагаасаанан̃жааяад̇анасамаабад̇д̇ияаа руубасан̃н̃аабадигхасан̃н̃аанаанад̇д̇асан̃н̃ааяо самад̇иггамид̇ваа, вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ам̣, аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ам̣, нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ам̣ самад̇иггамид̇ваа г̇ад̇о.

    Atha vā yathā vipassī bhagavā…pe… yathā kassapo bhagavā, ayampi bhagavā tatheva nekkhammena kāmacchandaṃ pahāya gato, abyāpādena byāpādaṃ, ālokasaññāya thinamiddhaṃ, avikkhepena uddhaccakukkuccaṃ, dhammavavatthānena vicikicchaṃ pahāya gato, ñāṇena avijjaṃ padāletvā gato, pāmojjena aratiṃ vinodetvā, paṭhamajjhānena nīvaraṇakavāṭaṃ ugghāṭetvā, dutiyajjhānena vitakkavicāraṃ vūpasametvā, tatiyajjhānena pītiṃ virājetvā, catutthajjhānena sukhadukkhaṃ pahāya, ākāsānañcāyatanasamāpattiyā rūpasaññāpaṭighasaññānānattasaññāyo samatikkamitvā, viññāṇañcāyatanasamāpattiyā ākāsānañcāyatanasaññaṃ, ākiñcaññāyatanasamāpattiyā viññāṇañcāyatanasaññaṃ, nevasaññānāsaññāyatanasamāpattiyā ākiñcaññāyatanasaññaṃ samatikkamitvā gato.

    анижжаанубассанааяа нижжасан̃н̃ам̣ бахааяа, д̣̇угкаанубассанааяа сукасан̃н̃ам̣, анад̇д̇аанубассанааяа ад̇д̇асан̃н̃ам̣, ниб̣б̣ид̣̇аанубассанааяа нанд̣̇им̣, вирааг̇аанубассанааяа рааг̇ам̣, нирод̇хаанубассанааяа самуд̣̇аяам̣, бадиниссаг̇г̇аанубассанааяа аад̣̇аанам̣, каяаанубассанааяа гханасан̃н̃ам̣, ваяаанубассанааяа ааяууханам̣, вибарин̣аамаанубассанааяа д̇хувасан̃н̃ам̣, анимид̇д̇аанубассанааяа нимид̇д̇асан̃н̃ам̣, аббан̣ихид̇аанубассанааяа бан̣ид̇хим̣, сун̃н̃ад̇аанубассанааяа абхинивзсам̣, ад̇хибан̃н̃аад̇хаммавибассанааяа саараад̣̇аанаабхинивзсам̣, яат̇аабхууд̇ан̃аан̣ад̣̇ассанзна саммохаабхинивзсам̣, аад̣̇ийнаваанубассанааяа аалаяаабхинивзсам̣, бадисан̇каанубассанааяа аббадисан̇кам̣, виваддаанубассанааяа сам̣яог̇аабхинивзсам̣, сод̇аабад̇д̇имаг̇г̇зна д̣̇идтзгадтз гилзсз бхан̃ж̇ид̇ваа, сагад̣̇ааг̇аамимаг̇г̇зна ол̣ааригз гилзсз бахааяа, анааг̇аамимаг̇г̇зна ан̣усахаг̇ад̇з гилзсз самуг̇гхаад̇зд̇ваа, арахад̇д̇амаг̇г̇зна саб̣б̣агилзсз самужчинд̣̇ид̇ваа г̇ад̇о. звамби д̇ат̇аа г̇ад̇од̇и д̇ат̇ааг̇ад̇о.

    Aniccānupassanāya niccasaññaṃ pahāya, dukkhānupassanāya sukhasaññaṃ, anattānupassanāya attasaññaṃ, nibbidānupassanāya nandiṃ, virāgānupassanāya rāgaṃ, nirodhānupassanāya samudayaṃ, paṭinissaggānupassanāya ādānaṃ, khayānupassanāya ghanasaññaṃ, vayānupassanāya āyūhanaṃ, vipariṇāmānupassanāya dhuvasaññaṃ, animittānupassanāya nimittasaññaṃ, appaṇihitānupassanāya paṇidhiṃ, suññatānupassanāya abhinivesaṃ, adhipaññādhammavipassanāya sārādānābhinivesaṃ, yathābhūtañāṇadassanena sammohābhinivesaṃ, ādīnavānupassanāya ālayābhinivesaṃ, paṭisaṅkhānupassanāya appaṭisaṅkhaṃ, vivaṭṭānupassanāya saṃyogābhinivesaṃ, sotāpattimaggena diṭṭhekaṭṭhe kilese bhañjitvā, sakadāgāmimaggena oḷārike kilese pahāya, anāgāmimaggena aṇusahagate kilese samugghātetvā, arahattamaggena sabbakilese samucchinditvā gato. Evampi tathā gatoti tathāgato.

    гат̇ам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о? бат̇авийд̇хаад̇уяаа гагкал̣ад̇д̇алагкан̣ам̣ д̇ат̇ам̣ авид̇ат̇ам̣, аабод̇хаад̇уяаа баг̇гхаран̣алагкан̣ам̣, д̇зж̇од̇хаад̇уяаа ун̣хад̇д̇алагкан̣ам̣, вааяод̇хаад̇уяаа вид̇т̇амбханалагкан̣ам̣, аагаасад̇хаад̇уяаа асампудталагкан̣ам̣, вин̃н̃аан̣ад̇хаад̇уяаа виж̇аананалагкан̣ам̣.

    Kathaṃ tathalakkhaṇaṃ āgatoti tathāgato? Pathavīdhātuyā kakkhaḷattalakkhaṇaṃ tathaṃ avitathaṃ, āpodhātuyā paggharaṇalakkhaṇaṃ, tejodhātuyā uṇhattalakkhaṇaṃ, vāyodhātuyā vitthambhanalakkhaṇaṃ, ākāsadhātuyā asamphuṭṭhalakkhaṇaṃ, viññāṇadhātuyā vijānanalakkhaṇaṃ.

    руубасса руббаналагкан̣ам̣, взд̣̇анааяа взд̣̇аяид̇алагкан̣ам̣, сан̃н̃ааяа сан̃ж̇аананалагкан̣ам̣, сан̇каараанам̣ абхисан̇каран̣алагкан̣ам̣, вин̃н̃аан̣асса виж̇аананалагкан̣ам̣.

    Rūpassa ruppanalakkhaṇaṃ, vedanāya vedayitalakkhaṇaṃ, saññāya sañjānanalakkhaṇaṃ, saṅkhārānaṃ abhisaṅkharaṇalakkhaṇaṃ, viññāṇassa vijānanalakkhaṇaṃ.

    вид̇аггасса абхиниробаналагкан̣ам̣, вижаарасса анумаж̇ж̇аналагкан̣ам̣, бийд̇ияаа паран̣алагкан̣ам̣, сукасса саад̇алагкан̣ам̣, жид̇д̇згаг̇г̇ад̇ааяа авигкзбалагкан̣ам̣, пассасса пусаналагкан̣ам̣.

    Vitakkassa abhiniropanalakkhaṇaṃ, vicārassa anumajjanalakkhaṇaṃ, pītiyā pharaṇalakkhaṇaṃ, sukhassa sātalakkhaṇaṃ, cittekaggatāya avikkhepalakkhaṇaṃ, phassassa phusanalakkhaṇaṃ.

    сад̣̇д̇хинд̣̇рияасса ад̇химогкалагкан̣ам̣, вийрияинд̣̇рияасса баг̇г̇ахалагкан̣ам̣, сад̇инд̣̇рияасса убадтааналагкан̣ам̣, самаад̇хинд̣̇рияасса авигкзбалагкан̣ам̣, бан̃н̃инд̣̇рияасса баж̇аананалагкан̣ам̣.

    Saddhindriyassa adhimokkhalakkhaṇaṃ, vīriyindriyassa paggahalakkhaṇaṃ, satindriyassa upaṭṭhānalakkhaṇaṃ, samādhindriyassa avikkhepalakkhaṇaṃ, paññindriyassa pajānanalakkhaṇaṃ.

    сад̣̇д̇хааб̣аласса ассад̣̇д̇хияз агамбияалагкан̣ам̣, вийрияаб̣аласса госаж̇ж̇з, сад̇иб̣аласса мудтассажжз, самаад̇хиб̣аласса уд̣̇д̇хажжз, бан̃н̃ааб̣аласса авиж̇ж̇ааяа агамбияалагкан̣ам̣.

    Saddhābalassa assaddhiye akampiyalakkhaṇaṃ, vīriyabalassa kosajje, satibalassa muṭṭhassacce, samādhibalassa uddhacce, paññābalassa avijjāya akampiyalakkhaṇaṃ.

    сад̇исамб̣ож̇жхан̇г̇асса убадтааналагкан̣ам̣, д̇хаммавижаяасамб̣ож̇жхан̇г̇асса бавижаяалагкан̣ам̣, вийрияасамб̣ож̇жхан̇г̇асса баг̇г̇ахалагкан̣ам̣, бийд̇исамб̣ож̇жхан̇г̇асса паран̣алагкан̣ам̣, бассад̣̇д̇хисамб̣ож̇жхан̇г̇асса вуубасамалагкан̣ам̣ , самаад̇хисамб̣ож̇жхан̇г̇асса авигкзбалагкан̣ам̣, убзгкаасамб̣ож̇жхан̇г̇асса бадисан̇кааналагкан̣ам̣.

    Satisambojjhaṅgassa upaṭṭhānalakkhaṇaṃ, dhammavicayasambojjhaṅgassa pavicayalakkhaṇaṃ, vīriyasambojjhaṅgassa paggahalakkhaṇaṃ, pītisambojjhaṅgassa pharaṇalakkhaṇaṃ, passaddhisambojjhaṅgassa vūpasamalakkhaṇaṃ , samādhisambojjhaṅgassa avikkhepalakkhaṇaṃ, upekkhāsambojjhaṅgassa paṭisaṅkhānalakkhaṇaṃ.

    саммаад̣̇идтияаа д̣̇ассаналагкан̣ам̣, саммаасан̇габбасса абхиниробаналагкан̣ам̣, саммааваажааяа бариг̇г̇ахалагкан̣ам̣, саммаагамманд̇асса самудтааналагкан̣ам̣, саммааааж̇ийвасса вод̣̇ааналагкан̣ам̣, саммаавааяаамасса баг̇г̇ахалагкан̣ам̣, саммаасад̇ияаа убадтааналагкан̣ам̣, саммаасамаад̇хисса авигкзбалагкан̣ам̣.

    Sammādiṭṭhiyā dassanalakkhaṇaṃ, sammāsaṅkappassa abhiniropanalakkhaṇaṃ, sammāvācāya pariggahalakkhaṇaṃ, sammākammantassa samuṭṭhānalakkhaṇaṃ, sammāājīvassa vodānalakkhaṇaṃ, sammāvāyāmassa paggahalakkhaṇaṃ, sammāsatiyā upaṭṭhānalakkhaṇaṃ, sammāsamādhissa avikkhepalakkhaṇaṃ.

    авиж̇ж̇ааяа ан̃н̃аан̣алагкан̣ам̣, сан̇каараанам̣ жзд̇анаалагкан̣ам̣, вин̃н̃аан̣асса виж̇аананалагкан̣ам̣, наамасса наманалагкан̣ам̣, руубасса руббаналагкан̣ам̣, сал̣ааяад̇анасса ааяад̇аналагкан̣ам̣, пассасса пусаналагкан̣ам̣, взд̣̇анааяа взд̣̇аяид̇алагкан̣ам̣, д̇ан̣хааяа хзд̇улагкан̣ам̣, убаад̣̇аанасса г̇ахан̣алагкан̣ам̣, бхавасса ааяууханалагкан̣ам̣, ж̇аад̇ияаа ниб̣б̣ад̇д̇илагкан̣ам̣, ж̇арааяа ж̇ийран̣алагкан̣ам̣, маран̣асса жуд̇илагкан̣ам̣.

    Avijjāya aññāṇalakkhaṇaṃ, saṅkhārānaṃ cetanālakkhaṇaṃ, viññāṇassa vijānanalakkhaṇaṃ, nāmassa namanalakkhaṇaṃ, rūpassa ruppanalakkhaṇaṃ, saḷāyatanassa āyatanalakkhaṇaṃ, phassassa phusanalakkhaṇaṃ, vedanāya vedayitalakkhaṇaṃ, taṇhāya hetulakkhaṇaṃ, upādānassa gahaṇalakkhaṇaṃ, bhavassa āyūhanalakkhaṇaṃ, jātiyā nibbattilakkhaṇaṃ, jarāya jīraṇalakkhaṇaṃ, maraṇassa cutilakkhaṇaṃ.

    д̇хаад̇уунам̣ сун̃н̃ад̇аалагкан̣ам̣, ааяад̇анаанам̣ ааяад̇аналагкан̣ам̣, сад̇ибадтаанаанам̣ убадтааналагкан̣ам̣, саммаббад̇хаанаанам̣ бад̣̇аханалагкан̣ам̣, ид̣̇д̇хибаад̣̇аанам̣ иж̇жханалагкан̣ам̣, инд̣̇рияаанам̣ ад̇хибад̇илагкан̣ам̣, б̣алаанам̣ агамбияалагкан̣ам̣, б̣ож̇жхан̇г̇аанам̣ нияяааналагкан̣ам̣, маг̇г̇асса хзд̇улагкан̣ам̣.

    Dhātūnaṃ suññatālakkhaṇaṃ, āyatanānaṃ āyatanalakkhaṇaṃ, satipaṭṭhānānaṃ upaṭṭhānalakkhaṇaṃ, sammappadhānānaṃ padahanalakkhaṇaṃ, iddhipādānaṃ ijjhanalakkhaṇaṃ, indriyānaṃ adhipatilakkhaṇaṃ, balānaṃ akampiyalakkhaṇaṃ, bojjhaṅgānaṃ niyyānalakkhaṇaṃ, maggassa hetulakkhaṇaṃ.

    сажжаанам̣ д̇ат̇алагкан̣ам̣, самат̇асса авигкзбалагкан̣ам̣, вибассанааяа анубассанаалагкан̣ам̣, самат̇авибассанаанам̣ згарасалагкан̣ам̣, яуг̇анад̣̇д̇хаанам̣ анад̇ивад̇д̇аналагкан̣ам̣.

    Saccānaṃ tathalakkhaṇaṃ, samathassa avikkhepalakkhaṇaṃ, vipassanāya anupassanālakkhaṇaṃ, samathavipassanānaṃ ekarasalakkhaṇaṃ, yuganaddhānaṃ anativattanalakkhaṇaṃ.

    сийлависуд̣̇д̇хияаа сам̣варан̣алагкан̣ам̣, жид̇д̇ависуд̣̇д̇хияаа авигкзбалагкан̣ам̣, д̣̇идтивисуд̣̇д̇хияаа д̣̇ассаналагкан̣ам̣.

    Sīlavisuddhiyā saṃvaraṇalakkhaṇaṃ, cittavisuddhiyā avikkhepalakkhaṇaṃ, diṭṭhivisuddhiyā dassanalakkhaṇaṃ.

    каяз н̃аан̣асса самужчзд̣̇алагкан̣ам̣, ануббаад̣̇з н̃аан̣асса бассад̣̇д̇хилагкан̣ам̣.

    Khaye ñāṇassa samucchedalakkhaṇaṃ, anuppāde ñāṇassa passaddhilakkhaṇaṃ.

    чанд̣̇асса муулалагкан̣ам̣, манасигаарасса самудтааналагкан̣ам̣, пассасса самод̇хааналагкан̣ам̣, взд̣̇анааяа самосаран̣алагкан̣ам̣, самаад̇хисса бамукалагкан̣ам̣, сад̇ияаа аад̇хибад̇зяяалагкан̣ам̣, бан̃н̃ааяа д̇ад̇уд̇д̇арияалагкан̣ам̣ , вимуд̇д̇ияаа сааралагкан̣ам̣, амад̇ог̇ад̇хасса ниб̣б̣аанасса барияосааналагкан̣ам̣ д̇ат̇ам̣ авид̇ат̇ам̣. звам̣ д̇ат̇алагкан̣ам̣ н̃аан̣аг̇ад̇ияаа ааг̇ад̇о авираж̇жхид̇ваа бад̇д̇о ануббад̇д̇од̇и д̇ат̇ааг̇ад̇о. звам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о.

    Chandassa mūlalakkhaṇaṃ, manasikārassa samuṭṭhānalakkhaṇaṃ, phassassa samodhānalakkhaṇaṃ, vedanāya samosaraṇalakkhaṇaṃ, samādhissa pamukhalakkhaṇaṃ, satiyā ādhipateyyalakkhaṇaṃ, paññāya tatuttariyalakkhaṇaṃ , vimuttiyā sāralakkhaṇaṃ, amatogadhassa nibbānassa pariyosānalakkhaṇaṃ tathaṃ avitathaṃ. Evaṃ tathalakkhaṇaṃ ñāṇagatiyā āgato avirajjhitvā patto anuppattoti tathāgato. Evaṃ tathalakkhaṇaṃ āgatoti tathāgato.

    гат̇ам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о? д̇ат̇ад̇хаммаа наама жад̇д̇аари арияасажжаани. яат̇ааха – ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ‘ид̣̇ам̣ д̣̇угка’нд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1090) вид̇т̇ааро. д̇аани жа бхаг̇аваа абхисамб̣уд̣̇д̇хо, д̇асмаа д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇од̇и вужжад̇и. абхисамб̣од̇хад̇т̇о хи зд̇т̇а г̇ад̇асад̣̇д̣̇о.

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha – ‘‘cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathameta’’nti (saṃ. ni. 5.1090) vitthāro. Tāni ca bhagavā abhisambuddho, tasmā tathānaṃ abhisambuddhattā tathāgatoti vuccati. Abhisambodhattho hi ettha gatasaddo.

    абижа ж̇араамаран̣асса ж̇аад̇ибажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о…бз… сан̇каараанам̣ авиж̇ж̇аабажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о. д̇ат̇аа авиж̇ж̇ааяа сан̇каараанам̣ бажжаяадто, сан̇каараанам̣ вин̃н̃аан̣асса бажжаяадто…бз… ж̇аад̇ияаа ж̇араамаран̣асса бажжаяадто д̇ат̇о авид̇ат̇о анан̃н̃ат̇о. д̇ам̣ саб̣б̣ам̣ бхаг̇аваа абхисамб̣уд̣̇д̇хо. д̇асмааби д̇ат̇аанам̣ д̇хаммаанам̣ абхисамб̣уд̣̇д̇хад̇д̇аа д̇ат̇ааг̇ад̇од̇и вужжад̇и. звам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о.

    Apica jarāmaraṇassa jātipaccayasambhūtasamudāgataṭṭho tatho avitatho anaññatho…pe… saṅkhārānaṃ avijjāpaccayasambhūtasamudāgataṭṭho tatho avitatho anaññatho. Tathā avijjāya saṅkhārānaṃ paccayaṭṭho, saṅkhārānaṃ viññāṇassa paccayaṭṭho…pe… jātiyā jarāmaraṇassa paccayaṭṭho tatho avitatho anaññatho. Taṃ sabbaṃ bhagavā abhisambuddho. Tasmāpi tathānaṃ dhammānaṃ abhisambuddhattā tathāgatoti vuccati. Evaṃ tathadhamme yāthāvato abhisambuddhoti tathāgato.

    гат̇ам̣ д̇ат̇ад̣̇ассид̇ааяа д̇ат̇ааг̇ад̇о? бхаг̇аваа яам̣ сад̣̇звагз логз…бз… сад̣̇звамануссааяа абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкуд̣̇ваарз аабаат̇ам̣ ааг̇ажчанд̇ам̣ руубаарамман̣ам̣ наама ад̇т̇и, д̇ам̣ саб̣б̣аагаарад̇о ж̇аанаад̇и бассад̇и. звам̣ ж̇аанад̇аа бассад̇аа жа д̇зна д̇ам̣ идтаанидтаад̣̇ивасзна ваа д̣̇идтасуд̇амуд̇авин̃н̃аад̇зсу лаб̣бхамаанагабад̣̇авасзна ваа ‘‘гад̇амам̣ д̇ам̣ руубам̣ руубааяад̇анам̣? яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇иаад̣̇инаа (д̇ха. са. 616) наязна анзгзхи наамзхи д̇зрасахи ваарзхи д̣̇взбан̃н̃аасааяа наязхи вибхаж̇ж̇амаанам̣ д̇ат̇амзва ход̇и, вид̇ат̇ам̣ над̇т̇и. зса наяо сод̇ад̣̇ваараад̣̇ийсуби аабаат̇амааг̇ажчанд̇зсу сад̣̇д̣̇аад̣̇ийсу. вуд̇д̇ан̃хзд̇ам̣ бхаг̇авад̇аа – ‘‘яам̣, бхигкавз, сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, д̇амахам̣ аб̣бхан̃н̃аасим̣, д̇ам̣ д̇ат̇ааг̇ад̇асса вид̣̇ид̇ам̣, д̇ам̣ д̇ат̇ааг̇ад̇о на убадтаасий’’д̇и (а. ни. 4.24). звам̣ д̇ат̇ад̣̇ассид̇ааяа д̇ат̇ааг̇ад̇о. д̇ад̇т̇а д̇ат̇ад̣̇ассийад̇т̇з д̇ат̇ааг̇ад̇од̇и бад̣̇асамбхаво взд̣̇ид̇аб̣б̣о.

    Kathaṃ tathadassitāya tathāgato? Bhagavā yaṃ sadevake loke…pe… sadevamanussāya aparimāṇāsu lokadhātūsu aparimāṇānaṃ sattānaṃ cakkhudvāre āpāthaṃ āgacchantaṃ rūpārammaṇaṃ nāma atthi, taṃ sabbākārato jānāti passati. Evaṃ jānatā passatā ca tena taṃ iṭṭhāniṭṭhādivasena vā diṭṭhasutamutaviññātesu labbhamānakapadavasena vā ‘‘katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’ntiādinā (dha. sa. 616) nayena anekehi nāmehi terasahi vārehi dvepaññāsāya nayehi vibhajjamānaṃ tathameva hoti, vitathaṃ natthi. Esa nayo sotadvārādīsupi āpāthamāgacchantesu saddādīsu. Vuttañhetaṃ bhagavatā – ‘‘yaṃ, bhikkhave, sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, tamahaṃ abbhaññāsiṃ, taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24). Evaṃ tathadassitāya tathāgato. Tattha tathadassīatthe tathāgatoti padasambhavo veditabbo.

    гат̇ам̣ д̇ат̇аваад̣̇ид̇ааяа д̇ат̇ааг̇ад̇о? яам̣ рад̇д̇им̣ бхаг̇аваа б̣од̇химан̣д̣з абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, яан̃жа рад̇д̇им̣ яамагасаалаанам̣ анд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяи, зд̇т̇анд̇арз бан̃жажад̇д̇аалийсавассабаримаан̣з гаалз батамаб̣од̇хияааби маж̇жхимаб̣од̇хияааби бажчимаб̣од̇хияааби яам̣ бхаг̇авад̇аа бхаасид̇ам̣ суд̇д̇ам̣ г̇зяяам̣…бз… взд̣̇аллам̣, саб̣б̣ам̣ д̇ам̣ ад̇т̇ад̇о жа б̣яан̃ж̇анад̇о жа анубаваж̇ж̇ам̣ ануунам̣ анад̇хигам̣ саб̣б̣аагаарабарибун̣н̣ам̣ рааг̇амад̣̇аниммад̣̇анам̣ д̣̇осамохамад̣̇аниммад̣̇анам̣, над̇т̇и д̇ад̇т̇а ваалаг̇г̇амад̇д̇амби авагкалид̇ам̣, саб̣б̣ам̣ д̇ам̣ згамуд̣̇д̣̇игааяа лан̃чид̇ам̣ вияа зганаал̣игааяа мид̇ам̣ вияа згад̇улааяа д̇улид̇ам̣ вияа жа д̇ат̇амзва ход̇и авид̇ат̇ам̣. д̇знааха – ‘‘яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и, саб̣б̣ам̣ д̇ам̣ д̇ат̇зва ход̇и но ан̃н̃ат̇аа. д̇асмаа д̇ат̇ааг̇ад̇од̇и вужжад̇ий’’д̇и (д̣̇ий. ни. 3.188). г̇ад̣̇ад̇т̇о хи зд̇т̇а г̇ад̇асад̣̇д̣̇о. звам̣ д̇ат̇аваад̣̇ид̇ааяа д̇ат̇ааг̇ад̇о.

    Kathaṃ tathavāditāya tathāgato? Yaṃ rattiṃ bhagavā bodhimaṇḍe aparājitapallaṅke nisinno tiṇṇaṃ mārānaṃ matthakaṃ madditvā anuttaraṃ sammāsambodhiṃ abhisambuddho, yañca rattiṃ yamakasālānaṃ antare anupādisesāya nibbānadhātuyā parinibbāyi, etthantare pañcacattālīsavassaparimāṇe kāle paṭhamabodhiyāpi majjhimabodhiyāpi pacchimabodhiyāpi yaṃ bhagavatā bhāsitaṃ suttaṃ geyyaṃ…pe… vedallaṃ, sabbaṃ taṃ atthato ca byañjanato ca anupavajjaṃ anūnaṃ anadhikaṃ sabbākāraparipuṇṇaṃ rāgamadanimmadanaṃ dosamohamadanimmadanaṃ, natthi tattha vālaggamattampi avakkhalitaṃ, sabbaṃ taṃ ekamuddikāya lañchitaṃ viya ekanāḷikāya mitaṃ viya ekatulāya tulitaṃ viya ca tathameva hoti avitathaṃ. Tenāha – ‘‘yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tatheva hoti no aññathā. Tasmā tathāgatoti vuccatī’’ti (dī. ni. 3.188). Gadattho hi ettha gatasaddo. Evaṃ tathavāditāya tathāgato.

    абижа ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авибарийд̇о ааг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и звамбзд̇асмим̣ ад̇т̇з бад̣̇асид̣̇д̇хи взд̣̇ид̇аб̣б̣аа.

    Apica āgadanaṃ āgado, vacananti attho. Tatho aviparīto āgado assāti dakārassa takāraṃ katvā tathāgatoti evampetasmiṃ atthe padasiddhi veditabbā.

    гат̇ам̣ д̇ат̇аагаарид̇ааяа д̇ат̇ааг̇ад̇о? бхаг̇авад̇о хи ваажааяа гааяо ануломзд̇и гааяассаби ваажаа, д̇асмаа яат̇ааваад̣̇ий д̇ат̇аагаарий яат̇аагаарий д̇ат̇ааваад̣̇ий жа ход̇и. звам̣ бхууд̇асса жасса яат̇аа ваажаа, гааяоби д̇ат̇аа г̇ад̇о, бавад̇д̇од̇и ад̇т̇о. яат̇аа жа гааяо, ваажааби д̇ат̇аа г̇ад̇аад̇и д̇ат̇ааг̇ад̇о. д̇знзвааха – ‘‘яат̇ааваад̣̇ий, бхигкавз, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23). звам̣ д̇ат̇аагаарид̇ааяа д̇ат̇ааг̇ад̇о.

    Kathaṃ tathākāritāya tathāgato? Bhagavato hi vācāya kāyo anulometi kāyassapi vācā, tasmā yathāvādī tathākārī yathākārī tathāvādī ca hoti. Evaṃ bhūtassa cassa yathā vācā, kāyopi tathā gato, pavattoti attho. Yathā ca kāyo, vācāpi tathā gatāti tathāgato. Tenevāha – ‘‘yathāvādī, bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī. Tasmā ‘tathāgato’ti vuccatī’’ti (a. ni. 4.23). Evaṃ tathākāritāya tathāgato.

    гат̇ам̣ абхибхаванадтзна д̇ат̇ааг̇ад̇о? убари бхаваг̇г̇ам̣ хздтаа авийжим̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу саб̣б̣асад̇д̇з абхибхавад̇и сийлзнаби самаад̇хинааби бан̃н̃ааяаби вимуд̇д̇ияааби, на д̇асса д̇улаа ваа бамаан̣ам̣ ваа ад̇т̇и, ад̇уло аббамзяяо ануд̇д̇аро рааж̇арааж̇о д̣̇звад̣̇зво саггаанамад̇исагго б̣рахмаанамад̇иб̣рахмаа. д̇знааха – ‘‘сад̣̇звагз логз, бхигкавз…бз… сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇у д̣̇асо васавад̇д̇ий. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    Kathaṃ abhibhavanaṭṭhena tathāgato? Upari bhavaggaṃ heṭṭhā avīciṃ pariyantaṃ katvā tiriyaṃ aparimāṇāsu lokadhātūsu sabbasatte abhibhavati sīlenapi samādhināpi paññāyapi vimuttiyāpi, na tassa tulā vā pamāṇaṃ vā atthi, atulo appameyyo anuttaro rājarājo devadevo sakkānamatisakko brahmānamatibrahmā. Tenāha – ‘‘sadevake loke, bhikkhave…pe… sadevamanussāya tathāgato abhibhū anabhibhūto aññadatthu daso vasavattī. Tasmā ‘tathāgato’ti vuccatī’’ti (a. ni. 4.23).

    д̇ад̇рзвам̣ бад̣̇асид̣̇д̇хи взд̣̇ид̇аб̣б̣аа – аг̇ад̣̇о вияа аг̇ад̣̇о. го банзса? д̣̇зсанаавилаасо жзва бун̃н̃уссаяо жа. д̇зна хзса махаанубхааво бхисагго д̣̇иб̣б̣ааг̇ад̣̇зна саббз вияа саб̣б̣абараббаваад̣̇ино сад̣̇зваган̃жа логам̣ абхибхавад̇и. ид̇и саб̣б̣алогаабхибхаванз д̇ат̇о авибарийд̇о д̣̇зсанаавилаасо жзва бун̃н̃уссаяо жа аг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и взд̣̇ид̇аб̣б̣о. звам̣ абхибхаванадтзна д̇ат̇ааг̇ад̇о.

    Tatrevaṃ padasiddhi veditabbā – agado viya agado. Ko panesa? Desanāvilāso ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati. Iti sabbalokābhibhavane tatho aviparīto desanāvilāso ceva puññussayo ca agado assāti dakārassa takāraṃ katvā tathāgatoti veditabbo. Evaṃ abhibhavanaṭṭhena tathāgato.

    абижа д̇ат̇ааяа г̇ад̇од̇иби д̇ат̇ааг̇ад̇о, д̇ат̇ам̣ г̇ад̇од̇иби д̇ат̇ааг̇ад̇о, г̇ад̇од̇и аваг̇ад̇о ад̇ийд̇о бад̇д̇о бадибаннод̇и ад̇т̇о. д̇ад̇т̇а сагалалогам̣ д̇ийран̣абарин̃н̃ааяа д̇ат̇ааяа г̇ад̇о аваг̇ад̇од̇и д̇ат̇ааг̇ад̇о. логасамуд̣̇аяам̣ бахаанабарин̃н̃ааяа д̇ат̇ааяа г̇ад̇о ад̇ийд̇од̇и д̇ат̇ааг̇ад̇о, логанирод̇хам̣ сажчигирияааяа д̇ат̇ааяа г̇ад̇о бад̇д̇од̇и д̇ат̇ааг̇ад̇о, логанирод̇хаг̇ааминим̣ бадибад̣̇ам̣ д̇ат̇ааяа г̇ад̇о бадибаннод̇и д̇ат̇ааг̇ад̇о. д̇зна яам̣ вуд̇д̇ам̣ бхаг̇авад̇аа –

    Apica tathāya gatotipi tathāgato, tathaṃ gatotipi tathāgato, gatoti avagato atīto patto paṭipannoti attho. Tattha sakalalokaṃ tīraṇapariññāya tathāya gato avagatoti tathāgato. Lokasamudayaṃ pahānapariññāya tathāya gato atītoti tathāgato, lokanirodhaṃ sacchikiriyāya tathāya gato pattoti tathāgato, lokanirodhagāminiṃ paṭipadaṃ tathāya gato paṭipannoti tathāgato. Tena yaṃ vuttaṃ bhagavatā –

    ‘‘лого, бхигкавз, д̇ат̇ааг̇ад̇зна абхисамб̣уд̣̇д̇хо, логасмаа д̇ат̇ааг̇ад̇о висам̣яуд̇д̇о. логасамуд̣̇аяо, бхигкавз, д̇ат̇ааг̇ад̇зна абхисамб̣уд̣̇д̇хо, логасамуд̣̇аяо д̇ат̇ааг̇ад̇асса бахийно. логанирод̇хо, бхигкавз, д̇ат̇ааг̇ад̇зна абхисамб̣уд̣̇д̇хо, логанирод̇хо д̇ат̇ааг̇ад̇асса сажчигад̇о. логанирод̇хаг̇ааминий бадибад̣̇аа, бхигкавз, д̇ат̇ааг̇ад̇зна абхисамб̣уд̣̇д̇хаа, логанирод̇хаг̇ааминий бадибад̣̇аа д̇ат̇ааг̇ад̇асса бхаавид̇аа. яам̣, бхигкавз, сад̣̇звагасса логасса…бз… саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    ‘‘Loko, bhikkhave, tathāgatena abhisambuddho, lokasmā tathāgato visaṃyutto. Lokasamudayo, bhikkhave, tathāgatena abhisambuddho, lokasamudayo tathāgatassa pahīno. Lokanirodho, bhikkhave, tathāgatena abhisambuddho, lokanirodho tathāgatassa sacchikato. Lokanirodhagāminī paṭipadā, bhikkhave, tathāgatena abhisambuddhā, lokanirodhagāminī paṭipadā tathāgatassa bhāvitā. Yaṃ, bhikkhave, sadevakassa lokassa…pe… sabbaṃ taṃ tathāgatena abhisambuddhaṃ. Tasmā ‘tathāgato’ti vuccatī’’ti (a. ni. 4.23).

    д̇ассаби звам̣ ад̇т̇о взд̣̇ид̇аб̣б̣о. ид̣̇амби жа д̇ат̇ааг̇ад̇асса д̇ат̇ааг̇ад̇абхаавад̣̇ийбанз мукамад̇д̇амзва. саб̣б̣аагаарзна бана д̇ат̇ааг̇ад̇ова д̇ат̇ааг̇ад̇асса д̇ат̇ааг̇ад̇абхаавам̣ ван̣н̣зяяа.

    Tassapi evaṃ attho veditabbo. Idampi ca tathāgatassa tathāgatabhāvadīpane mukhamattameva. Sabbākārena pana tathāgatova tathāgatassa tathāgatabhāvaṃ vaṇṇeyya.

    арахам̣ саммаасамб̣уд̣̇д̇ход̇и бад̣̇ад̣̇ваяз бана аарагад̇д̇аа, арийнам̣ араанан̃жа хад̇ад̇д̇аа, бажжаяаад̣̇ийнам̣ арахад̇д̇аа, баабагаран̣з рахаабхааваад̇и имзхи д̇аава гааран̣зхи араханд̇и взд̣̇ид̇аб̣б̣о. саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа бана саммаасамб̣уд̣̇д̇ход̇и аяамзд̇т̇а сан̇кзбо, вид̇т̇аарад̇о банзд̇ам̣ бад̣̇ад̣̇ваяам̣ висуд̣̇д̇химаг̇г̇з (висуд̣̇д̇хи. 1.123 аад̣̇аяо) б̣уд̣̇д̇хаануссад̇иван̣н̣анааяам̣ багаасид̇анд̇и.

    Arahaṃ sammāsambuddhoti padadvaye pana ārakattā, arīnaṃ arānañca hatattā, paccayādīnaṃ arahattā, pāpakaraṇe rahābhāvāti imehi tāva kāraṇehi arahanti veditabbo. Sammā sāmañca sabbadhammānaṃ buddhattā pana sammāsambuddhoti ayamettha saṅkhepo, vitthārato panetaṃ padadvayaṃ visuddhimagge (visuddhi. 1.123 ādayo) buddhānussativaṇṇanāyaṃ pakāsitanti.

    171. д̣̇уд̇ияз баад̇убхаавод̇и уббад̇д̇и нибпад̇д̇и. д̣̇уллабхо логасминд̇и имасмим̣ сад̇д̇алогз д̣̇уллабхо суд̣̇уллабхо барамад̣̇уллабхо. гасмаа д̣̇уллабход̇и? згаваарам̣ д̣̇аанабаарамим̣ буурзд̇ваа б̣уд̣̇д̇хзна бхавид̇ум̣ на саггаа, д̣̇вз ваарз д̣̇аса ваарз вийсад̇и ваарз бан̃н̃ааса ваарз ваарасад̇ам̣ ваарасахассам̣ ваарасад̇асахассам̣ ваарагодисад̇асахассамби д̣̇аанабаарамим̣ буурзд̇ваа б̣уд̣̇д̇хзна бхавид̇ум̣ на саггаа, д̇ат̇аа згад̣̇ивасам̣ д̣̇вз д̣̇ивасз д̣̇аса д̣̇ивасз вийсад̇и д̣̇ивасз бан̃н̃ааса д̣̇ивасз д̣̇ивасасад̇ам̣ д̣̇ивасасахассам̣ д̣̇ивасасад̇асахассам̣ д̣̇ивасагодисад̇асахассам̣ . згамаасам̣ д̣̇вз маасз…бз… маасагодисад̇асахассам̣. згасам̣важчарам̣ д̣̇вз сам̣важчарз…бз… сам̣важчарагодисад̇асахассам̣. згагаббам̣ д̣̇вз габбз…бз… габбагодисад̇асахассам̣. габбаанам̣ згам̣ асан̇кязяяам̣ д̣̇вз асан̇кязяяаани д̇ийн̣и асан̇кязяяаани д̣̇аанабаарамим̣ буурзд̇ваа б̣уд̣̇д̇хзна бхавид̇ум̣ на саггаа. сийлабаарамийнзгкаммабаарамий…бз… убзгкаабаарамийсуби зсзва наяо. бажчимагодияаа бана габбасад̇асахассаад̇хигаани жад̇д̇аари асан̇кязяяаани д̣̇аса баарамияо буурзд̇ваа б̣уд̣̇д̇хзна бхавид̇ум̣ саггаад̇и иминаа гааран̣зна д̣̇уллабхо.

    171. Dutiye pātubhāvoti uppatti nipphatti. Dullabho lokasminti imasmiṃ sattaloke dullabho sudullabho paramadullabho. Kasmā dullabhoti? Ekavāraṃ dānapāramiṃ pūretvā buddhena bhavituṃ na sakkā, dve vāre dasa vāre vīsati vāre paññāsa vāre vārasataṃ vārasahassaṃ vārasatasahassaṃ vārakoṭisatasahassampi dānapāramiṃ pūretvā buddhena bhavituṃ na sakkā, tathā ekadivasaṃ dve divase dasa divase vīsati divase paññāsa divase divasasataṃ divasasahassaṃ divasasatasahassaṃ divasakoṭisatasahassaṃ . Ekamāsaṃ dve māse…pe… māsakoṭisatasahassaṃ. Ekasaṃvaccharaṃ dve saṃvacchare…pe… saṃvaccharakoṭisatasahassaṃ. Ekakappaṃ dve kappe…pe… kappakoṭisatasahassaṃ. Kappānaṃ ekaṃ asaṅkhyeyyaṃ dve asaṅkhyeyyāni tīṇi asaṅkhyeyyāni dānapāramiṃ pūretvā buddhena bhavituṃ na sakkā. Sīlapāramīnekkhammapāramī…pe… upekkhāpāramīsupi eseva nayo. Pacchimakoṭiyā pana kappasatasahassādhikāni cattāri asaṅkhyeyyāni dasa pāramiyo pūretvā buddhena bhavituṃ sakkāti iminā kāraṇena dullabho.

    172. д̇ад̇ияз ажчарияамануссод̇и ажчарияо мануссо. ажчарияод̇и анд̇хасса баб̣б̣ад̇аарохан̣ам̣ вияа нижжам̣ на ход̇ийд̇и ад̇т̇о. аяам̣ д̇аава сад̣̇д̣̇анаяо. аяам̣ бана адтагат̇аанаяо – ажчарааяог̇г̇од̇и ажчарияо, ажчарам̣ бахарид̇ваа бассид̇аб̣б̣од̇и ад̇т̇о. абижа ‘‘д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа жад̇д̇ааро ажчарияаа аб̣бхуд̇аа д̇хаммаа баад̇убхаванд̇ий’’д̇и (а. ни. 4.127) звамаад̣̇ийхи анзгзхи ажчарияаб̣бхуд̇ад̇хаммзхи саманнааг̇ад̇ад̇д̇ааби ажчарияамануссо. аажин̣н̣амануссод̇иби ажчарияамануссо.

    172. Tatiye acchariyamanussoti acchariyo manusso. Acchariyoti andhassa pabbatārohaṇaṃ viya niccaṃ na hotīti attho. Ayaṃ tāva saddanayo. Ayaṃ pana aṭṭhakathānayo – accharāyoggoti acchariyo, accharaṃ paharitvā passitabboti attho. Apica ‘‘tathāgatassa, bhikkhave, arahato sammāsambuddhassa pātubhāvā cattāro acchariyā abbhutā dhammā pātubhavantī’’ti (a. ni. 4.127) evamādīhi anekehi acchariyabbhutadhammehi samannāgatattāpi acchariyamanusso. Āciṇṇamanussotipi acchariyamanusso.

    абхинийхаарасса хи самбаад̣̇агз адта д̇хаммз самод̇хаанзд̇ваа згаб̣уд̣̇д̇хасса саммукз махааб̣од̇химан̣д̣з маанасам̣ б̣анд̇хид̇ваа нисаж̇ж̇анам̣ наама на ан̃н̃асса гассажи аажин̣н̣ам̣, саб̣б̣ан̃н̃уб̣од̇хисад̇д̇ассзва аажин̣н̣ам̣. д̇ат̇аа б̣уд̣̇д̇хаанам̣ санд̇игз б̣яаагаран̣ам̣ лабхид̇ваа анивад̇д̇агзна худ̇ваа вийрияаад̇хидтаанам̣ ад̇хидтааяа б̣уд̣̇д̇хагаарагад̇хаммаанам̣ бууран̣амби на ан̃н̃асса гассажи аажин̣н̣ам̣, саб̣б̣ан̃н̃уб̣од̇хисад̇д̇ассзва аажин̣н̣ам̣. д̇ат̇аа баарамияо г̇аб̣бхам̣ г̇ан̣хаабзд̇ваа взссанд̇арад̇д̇абхаавасад̣̇исз ад̇д̇абхаавз тад̇ваа саб̣б̣аалан̇гаарабадиман̣д̣ид̇аанам̣ хад̇т̇ийнам̣ сад̇д̇асад̇аани ассаанам̣ сад̇д̇асад̇аанийд̇и звам̣ сад̇д̇асад̇агамахаад̣̇аанам̣ д̣̇ад̇ваа ж̇аалигумаарасад̣̇исам̣ буд̇д̇ам̣, ган̣хааж̇инаасад̣̇исам̣ д̇хийд̇арам̣, мад̣̇д̣̇ийд̣̇звисад̣̇исам̣ бхарияан̃жа д̣̇аанамукз нияяаад̇зд̇ваа яаавад̇ааяугам̣ тад̇ваа д̣̇уд̇ияз ад̇д̇абхаавз д̇усид̇абхаванз бадисанд̇хиг̇г̇ахан̣амби на ан̃н̃асса гассажи аажин̣н̣ам̣, саб̣б̣ан̃н̃уб̣од̇хисад̇д̇ассзва аажин̣н̣ам̣. д̇усид̇абурз яаавад̇ааяугам̣ тад̇ваа д̣̇звад̇аанам̣ ааяаажанам̣ самбадижчид̇ваа бан̃жамахаавилоганам̣ вилогзд̇ваа сад̇асса самбаж̇аанасса д̇усид̇абураа жавид̇ваа махаабхог̇агулз бадисанд̇хиг̇г̇ахан̣амби на ан̃н̃асса гассажи аажин̣н̣ам̣, саб̣б̣ан̃н̃уб̣од̇хисад̇д̇ассзва аажин̣н̣ам̣. д̇ат̇аа бадисанд̇хиг̇г̇ахан̣ад̣̇ивасз д̣̇асасахассилогад̇хаад̇угамбанамби, сад̇асса самбаж̇аанасса маад̇угужчияам̣ ниваасоби, сад̇асса самбаж̇аанасса маад̇угужчид̇о нигкаманад̣̇ивасз д̣̇асасахассилогад̇хаад̇угамбанамби, самбад̇иж̇аад̇асса сад̇д̇абад̣̇авийд̇ихаараг̇аманамби, д̣̇иб̣б̣асзд̇ажчад̇д̇а. д̇хааран̣амби, д̣̇иб̣б̣аваал̣аб̣ийж̇анугкзбоби, саб̣б̣ад̣̇исаасу сийхавилоганам̣ вилогзд̇ваа ад̇д̇анаа бадисамам̣ ган̃жи сад̇д̇ам̣ ад̣̇исваа ‘‘аг̇г̇охамасми логассаа’’д̇и звам̣ сийханаад̣̇анад̣̇анамби, барибаагаг̇ад̇з н̃аан̣з махаасамбад̇д̇им̣ бахааяа махаабхинигкаманамби, махааб̣од̇химан̣д̣з баллан̇гзна нисиннасса мааравиж̇аяам̣ аад̣̇им̣ гад̇ваа буб̣б̣зниваасаануссад̇ид̣̇иб̣б̣ажагкувисод̇ханаани гад̇ваа бажжуусасамаяз саб̣б̣ан̃н̃уд̇ан̃н̃аан̣аг̇ун̣араасибадивид̣̇д̇хагкан̣з д̣̇асасахассилогад̇хаад̇угамбанамби, батамад̇хаммад̣̇зсанааяа ануд̇д̇арам̣ д̇ибариваддам̣ д̇хаммажаггаббавад̇д̇анамбийд̇и звамаад̣̇и саб̣б̣ам̣ на ан̃н̃асса гассажи аажин̣н̣ам̣, саб̣б̣ан̃н̃уб̣уд̣̇д̇хассзва аажин̣н̣ам̣. звам̣ аажин̣н̣амануссод̇иби ажчарияамануссо.

    Abhinīhārassa hi sampādake aṭṭha dhamme samodhānetvā ekabuddhassa sammukhe mahābodhimaṇḍe mānasaṃ bandhitvā nisajjanaṃ nāma na aññassa kassaci āciṇṇaṃ, sabbaññubodhisattasseva āciṇṇaṃ. Tathā buddhānaṃ santike byākaraṇaṃ labhitvā anivattakena hutvā vīriyādhiṭṭhānaṃ adhiṭṭhāya buddhakārakadhammānaṃ pūraṇampi na aññassa kassaci āciṇṇaṃ, sabbaññubodhisattasseva āciṇṇaṃ. Tathā pāramiyo gabbhaṃ gaṇhāpetvā vessantarattabhāvasadise attabhāve ṭhatvā sabbālaṅkārapaṭimaṇḍitānaṃ hatthīnaṃ sattasatāni assānaṃ sattasatānīti evaṃ sattasatakamahādānaṃ datvā jālikumārasadisaṃ puttaṃ, kaṇhājināsadisaṃ dhītaraṃ, maddīdevisadisaṃ bhariyañca dānamukhe niyyātetvā yāvatāyukaṃ ṭhatvā dutiye attabhāve tusitabhavane paṭisandhiggahaṇampi na aññassa kassaci āciṇṇaṃ, sabbaññubodhisattasseva āciṇṇaṃ. Tusitapure yāvatāyukaṃ ṭhatvā devatānaṃ āyācanaṃ sampaṭicchitvā pañcamahāvilokanaṃ viloketvā satassa sampajānassa tusitapurā cavitvā mahābhogakule paṭisandhiggahaṇampi na aññassa kassaci āciṇṇaṃ, sabbaññubodhisattasseva āciṇṇaṃ. Tathā paṭisandhiggahaṇadivase dasasahassilokadhātukampanampi, satassa sampajānassa mātukucchiyaṃ nivāsopi, satassa sampajānassa mātukucchito nikkhamanadivase dasasahassilokadhātukampanampi, sampatijātassa sattapadavītihāragamanampi, dibbasetacchatta. dhāraṇampi, dibbavāḷabījanukkhepopi, sabbadisāsu sīhavilokanaṃ viloketvā attanā paṭisamaṃ kañci sattaṃ adisvā ‘‘aggohamasmi lokassā’’ti evaṃ sīhanādanadanampi, paripākagate ñāṇe mahāsampattiṃ pahāya mahābhinikkhamanampi, mahābodhimaṇḍe pallaṅkena nisinnassa māravijayaṃ ādiṃ katvā pubbenivāsānussatidibbacakkhuvisodhanāni katvā paccūsasamaye sabbaññutaññāṇaguṇarāsipaṭividdhakkhaṇe dasasahassilokadhātukampanampi, paṭhamadhammadesanāya anuttaraṃ tiparivaṭṭaṃ dhammacakkappavattanampīti evamādi sabbaṃ na aññassa kassaci āciṇṇaṃ, sabbaññubuddhasseva āciṇṇaṃ. Evaṃ āciṇṇamanussotipi acchariyamanusso.

    173. жад̇уд̇т̇з гаалагирияаад̇и згасмим̣ гаалз баагадаа гирияаад̇и гаалагирияаа. д̇ат̇ааг̇ад̇о хи бан̃жажад̇д̇аалийса вассаани тад̇ваа д̇ийн̣и бидагаани бан̃жа нигааяз наван̇г̇ам̣ сад̇т̇усаасанам̣ жад̇ураасийд̇и д̇хаммагканд̇хасахассаани багаасзд̇ваа махааж̇анам̣ ниб̣б̣аананиннам̣ ниб̣б̣аанабон̣ам̣ гад̇ваа яамагасаалаанаманд̇арз нибанно бхигкусан̇гхам̣ ааманд̇зд̇ваа аббамаад̣̇зна овад̣̇ид̇ваа сад̇о самбаж̇аано анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. аяамасса гирияаа яааваж̇ж̇ад̇анаа баагадаад̇и згасмим̣ гаалз баагадаа гирияаад̇и гаалагирияаа. ануд̇аббаа ход̇ийд̇и ануд̇аабагараа ход̇и. д̇ад̇т̇а жаггавад̇д̇иран̃н̃о гаалагирияаа згажаггаваал̣з д̣̇звамануссаанам̣ ануд̇аабагараа ход̇и. б̣уд̣̇д̇хаанам̣ гаалагирияаа д̣̇асасахассажаггаваал̣зсу д̣̇звамануссаанам̣ ануд̇аабагараа ход̇и. д̇зна вуд̇д̇ам̣ – ‘‘б̣ахуно ж̇анасса ануд̇аббаа ход̇ий’’д̇и.

    173. Catutthe kālakiriyāti ekasmiṃ kāle pākaṭā kiriyāti kālakiriyā. Tathāgato hi pañcacattālīsa vassāni ṭhatvā tīṇi piṭakāni pañca nikāye navaṅgaṃ satthusāsanaṃ caturāsīti dhammakkhandhasahassāni pakāsetvā mahājanaṃ nibbānaninnaṃ nibbānapoṇaṃ katvā yamakasālānamantare nipanno bhikkhusaṅghaṃ āmantetvā appamādena ovaditvā sato sampajāno anupādisesāya nibbānadhātuyā parinibbāyi. Ayamassa kiriyā yāvajjatanā pākaṭāti ekasmiṃ kāle pākaṭā kiriyāti kālakiriyā. Anutappā hotīti anutāpakarā hoti. Tattha cakkavattirañño kālakiriyā ekacakkavāḷe devamanussānaṃ anutāpakarā hoti. Buddhānaṃ kālakiriyā dasasahassacakkavāḷesu devamanussānaṃ anutāpakarā hoti. Tena vuttaṃ – ‘‘bahuno janassa anutappā hotī’’ti.

    174. бан̃жамз ад̣̇уд̇ияод̇и д̣̇уд̇ияасса б̣уд̣̇д̇хасса абхааваа ад̣̇уд̇ияо. жад̇д̇ааро хи б̣уд̣̇д̇хаа суд̇аб̣уд̣̇д̇хо, жад̇усажжаб̣уд̣̇д̇хо, бажжзгаб̣уд̣̇д̇хо, саб̣б̣ан̃н̃уб̣уд̣̇д̇ход̇и. д̇ад̇т̇а б̣ахуссуд̇о бхигку суд̇аб̣уд̣̇д̇хо наама . кийн̣аасаво жад̇усажжаб̣уд̣̇д̇хо наама . габбасад̇асахассаад̇хигаани д̣̇вз асан̇кязяяаани баарамияо буурзд̇ваа саамам̣ бадивид̣̇д̇хабажжзгаб̣од̇хин̃аан̣о бажжзгаб̣уд̣̇д̇хо наама. габбасад̇асахассаад̇хигаани жад̇д̇аари ваа адта ваа сол̣аса ваа асан̇кязяяаани баарамияо буурзд̇ваа д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа бадивид̣̇д̇хасаб̣б̣ан̃н̃уд̇ан̃н̃аан̣о саб̣б̣ан̃н̃уб̣уд̣̇д̇хо наама. имзсу жад̇уусу б̣уд̣̇д̇хзсу саб̣б̣ан̃н̃уб̣уд̣̇д̇хова ад̣̇уд̇ияо наама. на хи д̇зна сад̣̇д̇хим̣ ан̃н̃о саб̣б̣ан̃н̃уб̣уд̣̇д̇хо наама уббаж̇ж̇ад̇и.

    174. Pañcame adutiyoti dutiyassa buddhassa abhāvā adutiyo. Cattāro hi buddhā sutabuddho, catusaccabuddho, paccekabuddho, sabbaññubuddhoti. Tattha bahussuto bhikkhu sutabuddho nāma . Khīṇāsavo catusaccabuddho nāma . Kappasatasahassādhikāni dve asaṅkhyeyyāni pāramiyo pūretvā sāmaṃ paṭividdhapaccekabodhiñāṇo paccekabuddho nāma. Kappasatasahassādhikāni cattāri vā aṭṭha vā soḷasa vā asaṅkhyeyyāni pāramiyo pūretvā tiṇṇaṃ mārānaṃ matthakaṃ madditvā paṭividdhasabbaññutaññāṇo sabbaññubuddho nāma. Imesu catūsu buddhesu sabbaññubuddhova adutiyo nāma. Na hi tena saddhiṃ añño sabbaññubuddho nāma uppajjati.

    асахааяод̇и ад̇д̇абхаавзна ваа бадивид̣̇д̇хад̇хаммзхи ваа сад̣̇исо сахааяо наама асса над̇т̇ийд̇и асахааяо. ‘‘лад̣̇д̇хасахааяо ко бана со бхаг̇аваа сзкаанан̃жзва бадибад̣̇аана’’нд̇и иминаа бана барияааязна сзкаасзкаа б̣уд̣̇д̇хаанам̣ сахааяаа наама хонд̇и. аббадимод̇и бадимаа вужжад̇и ад̇д̇абхааво, д̇асса ад̇д̇абхаавасад̣̇исаа ан̃н̃аа бадимаа над̇т̇ийд̇и аббадимо. яааби жа мануссаа суван̣н̣араж̇ад̇аад̣̇имаяаа бадимаа гаронд̇и, д̇аасу ваалаг̇г̇амад̇д̇амби огаасам̣ д̇ат̇ааг̇ад̇асса ад̇д̇абхаавасад̣̇исам̣ гаад̇ум̣ самад̇т̇о наама над̇т̇ийд̇и саб̣б̣ат̇ааби аббадимо.

    Asahāyoti attabhāvena vā paṭividdhadhammehi vā sadiso sahāyo nāma assa natthīti asahāyo. ‘‘Laddhasahāyo kho pana so bhagavā sekhānañceva paṭipadāna’’nti iminā pana pariyāyena sekhāsekhā buddhānaṃ sahāyā nāma honti. Appaṭimoti paṭimā vuccati attabhāvo, tassa attabhāvasadisā aññā paṭimā natthīti appaṭimo. Yāpi ca manussā suvaṇṇarajatādimayā paṭimā karonti, tāsu vālaggamattampi okāsaṃ tathāgatassa attabhāvasadisaṃ kātuṃ samattho nāma natthīti sabbathāpi appaṭimo.

    аббадисамод̇и ад̇д̇абхаавзнзвасса бадисамо наама гожи над̇т̇ийд̇и аббадисамо. аббадибхааг̇од̇и яз д̇ат̇ааг̇ад̇зна ‘‘жад̇д̇ааро сад̇ибадтаанаа’’д̇иаад̣̇инаа наязна д̇хаммаа д̣̇зсид̇аа, д̇зсу ‘‘на жад̇д̇ааро сад̇ибадтаанаа, д̇аяо ваа бан̃жа ваа’’д̇иаад̣̇инаа наязна бадибхааг̇ам̣ гаад̇ум̣ самад̇т̇о наама над̇т̇ийд̇и аббадибхааг̇о. аббадибуг̇г̇алод̇и ан̃н̃о гожи ‘‘ахам̣ б̣уд̣̇д̇хо’’д̇и звам̣ бадин̃н̃ам̣ гаад̇ум̣ самад̇т̇о буг̇г̇ало над̇т̇ийд̇и аббадибуг̇г̇ало. асамод̇и аббадибуг̇г̇алад̇д̇аава саб̣б̣асад̇д̇зхи асамо. асамасамод̇и асамаа вужжанд̇и ад̇ийд̇аанааг̇ад̇аа саб̣б̣ан̃н̃уб̣уд̣̇д̇хаа, д̇зхи асамзхи самод̇и асамасамо.

    Appaṭisamoti attabhāvenevassa paṭisamo nāma koci natthīti appaṭisamo. Appaṭibhāgoti ye tathāgatena ‘‘cattāro satipaṭṭhānā’’tiādinā nayena dhammā desitā, tesu ‘‘na cattāro satipaṭṭhānā, tayo vā pañca vā’’tiādinā nayena paṭibhāgaṃ kātuṃ samattho nāma natthīti appaṭibhāgo. Appaṭipuggaloti añño koci ‘‘ahaṃ buddho’’ti evaṃ paṭiññaṃ kātuṃ samattho puggalo natthīti appaṭipuggalo. Asamoti appaṭipuggalattāva sabbasattehi asamo. Asamasamoti asamā vuccanti atītānāgatā sabbaññubuddhā, tehi asamehi samoti asamasamo.

    д̣̇вибад̣̇аанам̣ аг̇г̇од̇и саммаасамб̣уд̣̇д̇хо абад̣̇аанам̣ д̣̇вибад̣̇аанам̣ жад̇уббад̣̇аанам̣ б̣ахуббад̣̇аанам̣ руубийнам̣ аруубийнам̣ сан̃н̃ийнам̣ асан̃н̃ийнам̣ нзвасан̃н̃ийнаасан̃н̃ийнам̣ сад̇д̇аанам̣ аг̇г̇ова. гасмаа ид̇ха д̣̇вибад̣̇аанам̣ аг̇г̇од̇и вуд̇д̇о? сздтад̇аравасзна. имасмин̃хи логз сздто наама уббаж̇ж̇амаано абад̣̇ажад̇уббад̣̇аб̣ахуббад̣̇зсу на уббаж̇ж̇ад̇и, д̣̇вибад̣̇зсуязва уббаж̇ж̇ад̇и. гад̇арад̣̇вибад̣̇взсууд̇и? мануссзсу жзва д̣̇звзсу жа. мануссзсу уббаж̇ж̇амаано д̇исахассимахаасахассилогад̇хаад̇ум̣ васз вад̇д̇зд̇ум̣ самад̇т̇о б̣уд̣̇д̇хо худ̇ваа уббаж̇ж̇ад̇и. д̣̇звзсу уббаж̇ж̇амаано д̣̇асасахассилогад̇хаад̇ум̣ васавад̇д̇ий махааб̣рахмаа худ̇ваа уббаж̇ж̇ад̇и. со д̇асса габбияагаараго ваа аараамиго ваа самбаж̇ж̇ад̇и. ид̇и д̇ад̇оби сздтад̇аравасзнзса д̣̇вибад̣̇аанам̣ аг̇г̇од̇и вуд̇д̇о.

    Dvipadānaṃ aggoti sammāsambuddho apadānaṃ dvipadānaṃ catuppadānaṃ bahuppadānaṃ rūpīnaṃ arūpīnaṃ saññīnaṃ asaññīnaṃ nevasaññīnāsaññīnaṃ sattānaṃ aggova. Kasmā idha dvipadānaṃ aggoti vutto? Seṭṭhataravasena. Imasmiñhi loke seṭṭho nāma uppajjamāno apadacatuppadabahuppadesu na uppajjati, dvipadesuyeva uppajjati. Kataradvipadvesūti? Manussesu ceva devesu ca. Manussesu uppajjamāno tisahassimahāsahassilokadhātuṃ vase vattetuṃ samattho buddho hutvā uppajjati. Devesu uppajjamāno dasasahassilokadhātuṃ vasavattī mahābrahmā hutvā uppajjati. So tassa kappiyakārako vā ārāmiko vā sampajjati. Iti tatopi seṭṭhataravasenesa dvipadānaṃ aggoti vutto.

    175-186. чадтаад̣̇ийсу згабуг̇г̇аласса, бхигкавз, баад̇убхааваа махад̇о жагкусса баад̇убхааво ход̇ийд̇и, бхигкавз, згабуг̇г̇аласса д̇ат̇ааг̇ад̇асса арахад̇о саммаасамб̣уд̣̇д̇хасса баад̇убхаавзна маханд̇асса жагкусса баад̇убхааво ход̇и. д̇асмим̣ буг̇г̇алз баад̇убхууд̇з д̇ам̣ баад̇убхууд̇амзва ход̇и, на винаа д̇асса баад̇убхаавзна баад̇убхавад̇и. баад̇убхаавод̇и уббад̇д̇и нибпад̇д̇и. гад̇амасса жагкуссаад̇и? бан̃н̃аажагкусса. гийваруубассаад̇и? саарибуд̇д̇ад̇т̇зрасса вибассанаабан̃н̃аасад̣̇исасса махаамог̇г̇аллаанад̇т̇зрасса самаад̇хибан̃н̃аасад̣̇исассаад̇и. аалогаад̣̇ийсуби зсзва наяо. убхиннам̣ аг̇г̇асаавагаанам̣ бан̃н̃аааалогасад̣̇исоязва хи зд̇т̇а аалого, бан̃н̃ааобхаасасад̣̇исоязва обхаасо ад̇хиббзд̇о. ‘‘махад̇о жагкусса, махад̇о аалогасса, махад̇о обхаасассаа’’д̇и имаани жа бана д̇ийн̣иби логияалогуд̇д̇арамиссагаани гат̇ид̇аанийд̇и взд̣̇ид̇аб̣б̣аани.

    175-186. Chaṭṭhādīsu ekapuggalassa, bhikkhave, pātubhāvā mahato cakkhussa pātubhāvo hotīti, bhikkhave, ekapuggalassa tathāgatassa arahato sammāsambuddhassa pātubhāvena mahantassa cakkhussa pātubhāvo hoti. Tasmiṃ puggale pātubhūte taṃ pātubhūtameva hoti, na vinā tassa pātubhāvena pātubhavati. Pātubhāvoti uppatti nipphatti. Katamassa cakkhussāti? Paññācakkhussa. Kīvarūpassāti? Sāriputtattherassa vipassanāpaññāsadisassa mahāmoggallānattherassa samādhipaññāsadisassāti. Ālokādīsupi eseva nayo. Ubhinnaṃ aggasāvakānaṃ paññāālokasadisoyeva hi ettha āloko, paññāobhāsasadisoyeva obhāso adhippeto. ‘‘Mahato cakkhussa, mahato ālokassa, mahato obhāsassā’’ti imāni ca pana tīṇipi lokiyalokuttaramissakāni kathitānīti veditabbāni.

    чаннам̣ ануд̇д̇арияаананд̇и уд̇д̇арид̇аравирахид̇аанам̣ чаннам̣ уд̇д̇амад̇хаммаанам̣. д̇ад̇т̇а д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣, ануссад̇аануд̇д̇арияанд̇и имаани ча ануд̇д̇арияаани. имзсам̣ баад̇убхааво ход̇ийд̇и ад̇т̇о. ааяасмаа хи аананд̣̇ад̇т̇зро сааяам̣баад̇ам̣ д̇ат̇ааг̇ад̇ам̣ жагкувин̃н̃аан̣зна д̣̇адтум̣ лабхад̇и, ид̣̇ам̣ д̣̇ассанаануд̇д̇арияам̣. ан̃н̃оби сод̇аабанно ваа сагад̣̇ааг̇аамий ваа анааг̇аамий ваа аананд̣̇ад̇т̇зро вияа д̇ат̇ааг̇ад̇ам̣ д̣̇ассанааяа лабхад̇и, ид̣̇амби д̣̇ассанаануд̇д̇арияам̣ . абаро бана бут̇уж̇ж̇анагаляаан̣аго аананд̣̇ад̇т̇зро вияа д̣̇асаб̣алам̣ д̣̇ассанааяа лабхид̇ваа д̇ам̣ д̣̇ассанам̣ вад̣дхзд̇ваа сод̇аабад̇д̇имаг̇г̇ам̣ баабзд̇и. ид̣̇ам̣ д̣̇ассанамзва наама, муулад̣̇ассанам̣ бана д̣̇ассанаануд̇д̇арияам̣ наама.

    Channaṃ anuttariyānanti uttaritaravirahitānaṃ channaṃ uttamadhammānaṃ. Tattha dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyanti imāni cha anuttariyāni. Imesaṃ pātubhāvo hotīti attho. Āyasmā hi ānandatthero sāyaṃpātaṃ tathāgataṃ cakkhuviññāṇena daṭṭhuṃ labhati, idaṃ dassanānuttariyaṃ. Aññopi sotāpanno vā sakadāgāmī vā anāgāmī vā ānandatthero viya tathāgataṃ dassanāya labhati, idampi dassanānuttariyaṃ . Aparo pana puthujjanakalyāṇako ānandatthero viya dasabalaṃ dassanāya labhitvā taṃ dassanaṃ vaḍḍhetvā sotāpattimaggaṃ pāpeti. Idaṃ dassanameva nāma, mūladassanaṃ pana dassanānuttariyaṃ nāma.

    аананд̣̇ад̇т̇зроязва жа абхигкан̣ам̣ д̣̇асаб̣аласса важанам̣ сод̇авин̃н̃аан̣зна сод̇ум̣ лабхад̇и, ид̣̇ам̣ саванаануд̇д̇арияам̣. ан̃н̃зби сод̇аабаннаад̣̇аяо аананд̣̇ад̇т̇зро вияа д̇ат̇ааг̇ад̇асса важанам̣ саванааяа лабханд̇и, ид̣̇амби саванаануд̇д̇арияам̣. абаро бана бут̇уж̇ж̇анагаляаан̣аго аананд̣̇ад̇т̇зро вияа д̇ат̇ааг̇ад̇асса важанам̣ сод̇ум̣ лабхид̇ваа д̇ам̣ саванам̣ вад̣дхзд̇ваа сод̇аабад̇д̇имаг̇г̇ам̣ баабзд̇и. ид̣̇ам̣ саванамзва наама, мууласаванам̣ бана саванаануд̇д̇арияам̣ наама.

    Ānandattheroyeva ca abhikkhaṇaṃ dasabalassa vacanaṃ sotaviññāṇena sotuṃ labhati, idaṃ savanānuttariyaṃ. Aññepi sotāpannādayo ānandatthero viya tathāgatassa vacanaṃ savanāya labhanti, idampi savanānuttariyaṃ. Aparo pana puthujjanakalyāṇako ānandatthero viya tathāgatassa vacanaṃ sotuṃ labhitvā taṃ savanaṃ vaḍḍhetvā sotāpattimaggaṃ pāpeti. Idaṃ savanameva nāma, mūlasavanaṃ pana savanānuttariyaṃ nāma.

    аананд̣̇ад̇т̇зроязва жа д̣̇асаб̣алз сад̣̇д̇хам̣ бадилабхад̇и, ид̣̇ам̣ лаабхаануд̇д̇арияам̣. ан̃н̃зби сод̇аабаннаад̣̇аяо аананд̣̇ад̇т̇зро вияа д̣̇асаб̣алз сад̣̇д̇хаабадилаабхам̣ лабханд̇и, ид̣̇амби лаабхаануд̇д̇арияам̣. абаро бана бут̇уж̇ж̇анагаляаан̣аго аананд̣̇ад̇т̇зро вияа д̣̇асаб̣алз сад̣̇д̇хаабадилаабхам̣ лабхид̇ваа д̇ам̣ лаабхам̣ вад̣дхзд̇ваа сод̇аабад̇д̇имаг̇г̇ам̣ баабзд̇и, аяам̣ лаабхоязва наама, муулалаабхо бана лаабхаануд̇д̇арияам̣ наама.

    Ānandattheroyeva ca dasabale saddhaṃ paṭilabhati, idaṃ lābhānuttariyaṃ. Aññepi sotāpannādayo ānandatthero viya dasabale saddhāpaṭilābhaṃ labhanti, idampi lābhānuttariyaṃ. Aparo pana puthujjanakalyāṇako ānandatthero viya dasabale saddhāpaṭilābhaṃ labhitvā taṃ lābhaṃ vaḍḍhetvā sotāpattimaggaṃ pāpeti, ayaṃ lābhoyeva nāma, mūlalābho pana lābhānuttariyaṃ nāma.

    аананд̣̇ад̇т̇зроязва жа д̣̇асаб̣аласса саасанз д̇иссо сигкаа сигкад̇и, ид̣̇ам̣ сигкаануд̇д̇арияам̣. ан̃н̃зби сод̇аабаннаад̣̇аяо аананд̣̇ад̇т̇зро вияа д̣̇асаб̣аласса саасанз д̇иссо сигкаа сигканд̇и, ид̣̇амби сигкаануд̇д̇арияам̣. абаро бана бут̇уж̇ж̇анагаляаан̣аго аананд̣̇ад̇т̇зро вияа д̣̇асаб̣аласса саасанз д̇иссо сигкаа сигкид̇ваа д̇аа сигкаа вад̣дхзд̇ваа сод̇аабад̇д̇имаг̇г̇ам̣ баабзд̇и. аяам̣ сигкааязва наама, мууласигкаа бана сигкаануд̇д̇арияам̣ наама.

    Ānandattheroyeva ca dasabalassa sāsane tisso sikkhā sikkhati, idaṃ sikkhānuttariyaṃ. Aññepi sotāpannādayo ānandatthero viya dasabalassa sāsane tisso sikkhā sikkhanti, idampi sikkhānuttariyaṃ. Aparo pana puthujjanakalyāṇako ānandatthero viya dasabalassa sāsane tisso sikkhā sikkhitvā tā sikkhā vaḍḍhetvā sotāpattimaggaṃ pāpeti. Ayaṃ sikkhāyeva nāma, mūlasikkhā pana sikkhānuttariyaṃ nāma.

    аананд̣̇ад̇т̇зроязва жа абхин̣хам̣ д̣̇асаб̣алам̣ барижарад̇и, ид̣̇ам̣ баарижарияаануд̇д̇арияам̣. ан̃н̃зби сод̇аабаннаад̣̇аяо аананд̣̇ад̇т̇зро вияа абхин̣хам̣ д̣̇асаб̣алам̣ барижаранд̇и, ид̣̇амби баарижарияаануд̇д̇арияам̣. абаро бана бут̇уж̇ж̇анагаляаан̣аго аананд̣̇ад̇т̇зро вияа д̣̇асаб̣алам̣ барижарид̇ваа д̇ам̣ баарижарияам̣ вад̣дхзд̇ваа сод̇аабад̇д̇имаг̇г̇ам̣ баабзд̇и, аяам̣ баарижарияааязва наама, муулабаарижарияаа бана баарижарияаануд̇д̇арияам̣ наама.

    Ānandattheroyeva ca abhiṇhaṃ dasabalaṃ paricarati, idaṃ pāricariyānuttariyaṃ. Aññepi sotāpannādayo ānandatthero viya abhiṇhaṃ dasabalaṃ paricaranti, idampi pāricariyānuttariyaṃ. Aparo pana puthujjanakalyāṇako ānandatthero viya dasabalaṃ paricaritvā taṃ pāricariyaṃ vaḍḍhetvā sotāpattimaggaṃ pāpeti, ayaṃ pāricariyāyeva nāma, mūlapāricariyā pana pāricariyānuttariyaṃ nāma.

    аананд̣̇ад̇т̇зроязва жа д̣̇асаб̣аласса логияалогуд̇д̇арз г̇ун̣з ануссарад̇и, ид̣̇ам̣ ануссад̇аануд̇д̇арияам̣. ан̃н̃зби сод̇аабаннаад̣̇аяо аананд̣̇ад̇т̇зро вияа д̣̇асаб̣аласса логияалогуд̇д̇арз г̇ун̣з ануссаранд̇и, ид̣̇амби ануссад̇аануд̇д̇арияам̣. абаро бана бут̇уж̇ж̇анагаляаан̣аго аананд̣̇ад̇т̇зро вияа д̣̇асаб̣аласса логияалогуд̇д̇арз г̇ун̣з ануссарид̇ваа д̇ам̣ ануссад̇им̣ вад̣дхзд̇ваа сод̇аабад̇д̇имаг̇г̇ам̣ баабзд̇и, аяам̣ ануссад̇иязва наама, муулаануссад̇и бана ануссад̇аануд̇д̇арияам̣ наама. имаани ча ануд̇д̇арияаани, имзсам̣ баад̇убхааво ход̇и. имаани жа бана ча ануд̇д̇арияаани логияалогуд̇д̇арамиссагаани гат̇ид̇аанийд̇и взд̣̇ид̇аб̣б̣аани.

    Ānandattheroyeva ca dasabalassa lokiyalokuttare guṇe anussarati, idaṃ anussatānuttariyaṃ. Aññepi sotāpannādayo ānandatthero viya dasabalassa lokiyalokuttare guṇe anussaranti, idampi anussatānuttariyaṃ. Aparo pana puthujjanakalyāṇako ānandatthero viya dasabalassa lokiyalokuttare guṇe anussaritvā taṃ anussatiṃ vaḍḍhetvā sotāpattimaggaṃ pāpeti, ayaṃ anussatiyeva nāma, mūlānussati pana anussatānuttariyaṃ nāma. Imāni cha anuttariyāni, imesaṃ pātubhāvo hoti. Imāni ca pana cha anuttariyāni lokiyalokuttaramissakāni kathitānīti veditabbāni.

    жад̇уннам̣ бадисамбхид̣̇аанам̣ сажчигирияаа ход̇ийд̇и жад̇ассо хи бадисамбхид̣̇ааяо ад̇т̇абадисамбхид̣̇аа, д̇хаммабадисамбхид̣̇аа, нируд̇д̇ибадисамбхид̣̇аа, бадибхаанабадисамбхид̣̇аад̇и. д̇ад̇т̇а ад̇т̇зсу н̃аан̣ам̣ ад̇т̇абадисамбхид̣̇аа, д̇хаммзсу н̃аан̣ам̣ д̇хаммабадисамбхид̣̇аа, ад̇т̇ад̇хамманируд̇д̇аабхилаабз н̃аан̣ам̣ нируд̇д̇ибадисамбхид̣̇аа , н̃аан̣зсу н̃аан̣ам̣ бадибхаанабадисамбхид̣̇аа. аяамзд̇т̇а сан̇кзбо, вид̇т̇ааро банзд̇аасам̣ абхид̇хаммз (вибха. 718 аад̣̇аяо) ааг̇ад̇оязва. имаасам̣ жад̇ассаннам̣ бадисамбхид̣̇аанам̣ б̣уд̣̇д̇хуббаад̣̇з бажжагкагирияаа ход̇и, на винаа б̣уд̣̇д̇хуббаад̣̇аа. зд̇аасам̣ сажчигирияаад̇и ад̇т̇о. имааби логияалогуд̇д̇араава гат̇ид̇аад̇и взд̣̇ид̇аб̣б̣аа.

    Catunnaṃpaṭisambhidānaṃ sacchikiriyā hotīti catasso hi paṭisambhidāyo atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidāti. Tattha atthesu ñāṇaṃ atthapaṭisambhidā, dhammesu ñāṇaṃ dhammapaṭisambhidā, atthadhammaniruttābhilāpe ñāṇaṃ niruttipaṭisambhidā , ñāṇesu ñāṇaṃ paṭibhānapaṭisambhidā. Ayamettha saṅkhepo, vitthāro panetāsaṃ abhidhamme (vibha. 718 ādayo) āgatoyeva. Imāsaṃ catassannaṃ paṭisambhidānaṃ buddhuppāde paccakkhakiriyā hoti, na vinā buddhuppādā. Etāsaṃ sacchikiriyāti attho. Imāpi lokiyalokuttarāva kathitāti veditabbā.

    анзгад̇хаад̇убадивзд̇ход̇и ‘‘жагкуд̇хаад̇у руубад̇хаад̇уу’’д̇иаад̣̇ийнам̣ адтаарасаннам̣ д̇хаад̇уунам̣ б̣уд̣̇д̇хуббаад̣̇зязва бадивзд̇хо ход̇и, на винаа б̣уд̣̇д̇хуббаад̣̇знаад̇и ад̇т̇о. наанаад̇хаад̇убадивзд̇ход̇и зд̇т̇а имаава адтаараса д̇хаад̇уяо наанаасабхаавад̇о наанаад̇хаад̇уяод̇и взд̣̇ид̇аб̣б̣аа. яо банзд̇аасам̣ ‘‘наанаасабхааваа зд̇аа’’д̇и звам̣ наанаагаран̣ад̇о бадивзд̇хо, аяам̣ наанаад̇хаад̇убадивзд̇хо наама. виж̇ж̇аавимуд̇д̇ипаласажчигирияаад̇и зд̇т̇а виж̇ж̇аад̇и палз н̃аан̣ам̣, вимуд̇д̇ийд̇и д̇ад̣̇авасзсаа паласамбаяуд̇д̇аа д̇хаммаа. сод̇аабад̇д̇ипаласажчигирияаад̇и сод̇од̇и батамамаг̇г̇о, д̇зна сод̇зна бад̇д̇аб̣б̣ам̣ паланд̇и сод̇аабад̇д̇ипалам̣. сагад̣̇ааг̇аамипалаад̣̇ийни баагадаанзва.

    Anekadhātupaṭivedhoti ‘‘cakkhudhātu rūpadhātū’’tiādīnaṃ aṭṭhārasannaṃ dhātūnaṃ buddhuppādeyeva paṭivedho hoti, na vinā buddhuppādenāti attho. Nānādhātupaṭivedhoti ettha imāva aṭṭhārasa dhātuyo nānāsabhāvato nānādhātuyoti veditabbā. Yo panetāsaṃ ‘‘nānāsabhāvā etā’’ti evaṃ nānākaraṇato paṭivedho, ayaṃ nānādhātupaṭivedho nāma. Vijjāvimuttiphalasacchikiriyāti ettha vijjāti phale ñāṇaṃ, vimuttīti tadavasesā phalasampayuttā dhammā. Sotāpattiphalasacchikiriyāti sototi paṭhamamaggo, tena sotena pattabbaṃ phalanti sotāpattiphalaṃ. Sakadāgāmiphalādīni pākaṭāneva.

    187. ануд̇д̇аранд̇и нируд̇д̇арам̣. д̇хаммажагганд̇и сздтажаггам̣. жаггасад̣̇д̣̇о хзса –

    187.Anuttaranti niruttaraṃ. Dhammacakkanti seṭṭhacakkaṃ. Cakkasaddo hesa –

    ‘‘жад̇уб̣бхи адтаж̇жхаг̇амаа, адтаахиби жа сол̣аса;

    ‘‘Catubbhi aṭṭhajjhagamā, aṭṭhāhipi ca soḷasa;

    сол̣асаахи жа б̣аад̇д̇им̣са, ад̇рижчам̣ жаггамаасад̣̇о;

    Soḷasāhi ca bāttiṃsa, atricchaṃ cakkamāsado;

    ижчаахад̇асса босасса, жаггам̣ бхамад̇и мад̇т̇агз’’д̇и. (ж̇аа. 1.1.104; 1.5.103) –

    Icchāhatassa posassa, cakkaṃ bhamati matthake’’ti. (jā. 1.1.104; 1.5.103) –

    зд̇т̇а уражаггз ааг̇ад̇о. ‘‘жаггасамаарул̣хаа ж̇аанабад̣̇аа барияааяанд̇ий’’д̇и (а. ни. 3.63; 5.54) зд̇т̇а ирияаабат̇ажаггз. ‘‘ат̇а ко со, бхигкавз, рат̇агааро яам̣ д̇ам̣ жаггам̣ чахи маасзхи нидтид̇ам̣, д̇ам̣ бавад̇д̇зсий’’д̇и (а. ни. 3.15) зд̇т̇а д̣̇ааружаггз. ‘‘ад̣̇д̣̇асаа ко д̣̇он̣о б̣раахман̣о бхаг̇авад̇о баад̣̇зсу жаггаани сахассаарааний’’д̇и (а. ни. 4.36) зд̇т̇а лагкан̣ажаггз. ‘‘жад̇д̇ааримаани, бхигкавз, жаггаани, язхи саманнааг̇ад̇аанам̣ д̣̇звамануссаанам̣ жад̇ужаггам̣ вад̇д̇ад̇ий’’д̇и (а. ни. 4.31) зд̇т̇а самбад̇д̇ижаггз. ‘‘д̣̇иб̣б̣ам̣ жаггарад̇анам̣ баад̇убхавад̇ий’’д̇и (д̣̇ий. ни. 2.243; ма. ни. 3.256) зд̇т̇а рад̇анажаггз. ид̇ха бана д̇хаммажаггз ааг̇ад̇о.

    Ettha uracakke āgato. ‘‘Cakkasamāruḷhā jānapadā pariyāyantī’’ti (a. ni. 3.63; 5.54) ettha iriyāpathacakke. ‘‘Atha kho so, bhikkhave, rathakāro yaṃ taṃ cakkaṃ chahi māsehi niṭṭhitaṃ, taṃ pavattesī’’ti (a. ni. 3.15) ettha dārucakke. ‘‘Addasā kho doṇo brāhmaṇo bhagavato pādesu cakkāni sahassārānī’’ti (a. ni. 4.36) ettha lakkhaṇacakke. ‘‘Cattārimāni, bhikkhave, cakkāni, yehi samannāgatānaṃ devamanussānaṃ catucakkaṃ vattatī’’ti (a. ni. 4.31) ettha sampatticakke. ‘‘Dibbaṃ cakkaratanaṃ pātubhavatī’’ti (dī. ni. 2.243; ma. ni. 3.256) ettha ratanacakke. Idha pana dhammacakke āgato.

    бавад̇д̇ид̇анд̇и зд̇т̇а д̇хаммажаггам̣ абхинийхарад̇и наама, абхинийхадам̣ наама, уббаад̣̇зд̇и наама, уббаад̣̇ид̇ам̣ наама, бавад̇д̇зд̇и наама, бавад̇д̇ид̇ам̣ наамаад̇и аяам̣ бабхзд̣̇о взд̣̇ид̇аб̣б̣о. гуд̇о бадтааяа д̇хаммажаггам̣ абхинийхарад̇и наамаад̇и? яад̣̇аа сумзд̇хаб̣раахман̣о худ̇ваа гаамзсу аад̣̇ийнавам̣ нзгкаммз жа аанисам̣сам̣ д̣̇исваа сад̇д̇асад̇агамахаад̣̇аанам̣ д̣̇ад̇ваа исибаб̣б̣аж̇ж̇ам̣ баб̣б̣аж̇ид̇ваа бан̃жа абхин̃н̃аа адта самаабад̇д̇ияо ниб̣б̣ад̇д̇зд̇и, д̇ад̇о бадтааяа д̇хаммажаггам̣ абхинийхарад̇и наама.

    Pavattitanti ettha dhammacakkaṃ abhinīharati nāma, abhinīhaṭaṃ nāma, uppādeti nāma, uppāditaṃ nāma, pavatteti nāma, pavattitaṃ nāmāti ayaṃ pabhedo veditabbo. Kuto paṭṭhāya dhammacakkaṃ abhinīharati nāmāti? Yadā sumedhabrāhmaṇo hutvā kāmesu ādīnavaṃ nekkhamme ca ānisaṃsaṃ disvā sattasatakamahādānaṃ datvā isipabbajjaṃ pabbajitvā pañca abhiññā aṭṭha samāpattiyo nibbatteti, tato paṭṭhāya dhammacakkaṃ abhinīharati nāma.

    гуд̇о бадтааяа абхинийхадам̣ наамаад̇и? яад̣̇аа адта д̇хаммз самод̇хаанзд̇ваа д̣̇ийбан̇гарабаад̣̇амуулз махааб̣од̇химан̣д̣ад̇т̇ааяа маанасам̣ б̣анд̇хид̇ваа ‘‘б̣яаагаран̣ам̣ алад̣̇д̇хаа на вудтахиссаамий’’д̇и вийрияаад̇хидтаанам̣ ад̇хидтааяа нибанно д̣̇асаб̣аласса санд̇игаа б̣яаагаран̣ам̣ лабхи, д̇ад̇о бадтааяа д̇хаммажаггам̣ абхинийхадам̣ наама.

    Kuto paṭṭhāya abhinīhaṭaṃ nāmāti? Yadā aṭṭha dhamme samodhānetvā dīpaṅkarapādamūle mahābodhimaṇḍatthāya mānasaṃ bandhitvā ‘‘byākaraṇaṃ aladdhā na vuṭṭhahissāmī’’ti vīriyādhiṭṭhānaṃ adhiṭṭhāya nipanno dasabalassa santikā byākaraṇaṃ labhi, tato paṭṭhāya dhammacakkaṃ abhinīhaṭaṃ nāma.

    гуд̇о бадтааяа уббаад̣̇зд̇и наамаад̇и? д̇ад̇о бадтааяа д̣̇аанабаарамим̣ буурзнд̇оби д̇хаммажаггам̣ уббаад̣̇зд̇и наама. сийлабаарамим̣ буурзнд̇оби…бз… убзгкаабаарамим̣ буурзнд̇оби д̇хаммажаггам̣ уббаад̣̇зд̇и наама. д̣̇аса баарамияо д̣̇аса убабаарамияо д̣̇аса барамад̇т̇абаарамияо буурзнд̇оби, бан̃жа махаабарижжааг̇з барижжаж̇анд̇оби, н̃аад̇ад̇т̇ажарияам̣ буурзнд̇оби д̇хаммажаггам̣ уббаад̣̇зд̇и наама. взссанд̇арад̇д̇абхаавз тад̇ваа сад̇д̇асад̇агамахаад̣̇аанам̣ д̣̇ад̇ваа буд̇д̇ад̣̇аарам̣ д̣̇аанамукз нияяаад̇зд̇ваа баарамигуудам̣ г̇ахзд̇ваа д̇усид̇абурз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̣̇звад̇аахи ааяаажид̇о бадин̃н̃ам̣ д̣̇ад̇ваа бан̃жамахаавилоганам̣ вилогзнд̇оби д̇хаммажаггам̣ уббаад̣̇зд̇иязва наама. маад̇угужчияам̣ бадисанд̇хим̣ г̇ан̣ханд̇оби, бадисанд̇хигкан̣з д̣̇асасахассажаггаваал̣ам̣ гамбзнд̇оби, маад̇угужчид̇о нигканд̇ад̣̇ивасз д̇ат̇зва логам̣ гамбзнд̇оби, самбад̇иж̇аад̇о сад̇д̇а бад̣̇аани г̇анд̇ваа ‘‘аг̇г̇омахасмий’’д̇и сийханаад̣̇ам̣ над̣̇анд̇оби, згуунад̇им̣са сам̣важчараани аг̇аарамаж̇жхз васанд̇оби, махаабхинигкаманам̣ нигкаманд̇оби, аномаанад̣̇ийд̇ийрз баб̣б̣аж̇анд̇оби, махаабад̇хаанз чаб̣б̣ассаани вийрияам̣ гаронд̇оби, суж̇аад̇ааяа д̣̇иннам̣ мад̇хубааяаасам̣ бхун̃ж̇ид̇ваа суван̣н̣абаад̇им̣ над̣̇ияаа баваахзд̇ваа сааяанхасамаяз б̣од̇химан̣д̣авараг̇ад̇о бурад̇т̇имам̣ логад̇хаад̇ум̣ ологзнд̇о нисийд̣̇ид̇ваа суурияз д̇харамаанзязва маараб̣алам̣ вид̇хамзд̇ваа батамаяаамз буб̣б̣зниваасам̣ ануссаранд̇оби, маж̇жхимаяаамз д̣̇иб̣б̣ажагкум̣ висод̇хзнд̇оби, бажжуусагааласамананд̇арз бажжаяаагаарам̣ саммасид̇ваа сод̇аабад̇д̇имаг̇г̇ам̣ бадивиж̇жханд̇оби, сод̇аабад̇д̇ипалам̣ сажчигаронд̇оби, сагад̣̇ааг̇аамимаг̇г̇ам̣ сагад̣̇ааг̇аамипалам̣ анааг̇аамимаг̇г̇ам̣ анааг̇аамипалам̣ сажчигаронд̇оби, арахад̇д̇амаг̇г̇ам̣ бадивиж̇жханд̇оби д̇хаммажаггам̣ уббаад̣̇зд̇иязва наама.

    Kuto paṭṭhāya uppādeti nāmāti? Tato paṭṭhāya dānapāramiṃ pūrentopi dhammacakkaṃ uppādeti nāma. Sīlapāramiṃ pūrentopi…pe… upekkhāpāramiṃ pūrentopi dhammacakkaṃ uppādeti nāma. Dasa pāramiyo dasa upapāramiyo dasa paramatthapāramiyo pūrentopi, pañca mahāpariccāge pariccajantopi, ñātatthacariyaṃ pūrentopi dhammacakkaṃ uppādeti nāma. Vessantarattabhāve ṭhatvā sattasatakamahādānaṃ datvā puttadāraṃ dānamukhe niyyātetvā pāramikūṭaṃ gahetvā tusitapure nibbattitvā tattha yāvatāyukaṃ ṭhatvā devatāhi āyācito paṭiññaṃ datvā pañcamahāvilokanaṃ vilokentopi dhammacakkaṃ uppādetiyeva nāma. Mātukucchiyaṃ paṭisandhiṃ gaṇhantopi, paṭisandhikkhaṇe dasasahassacakkavāḷaṃ kampentopi, mātukucchito nikkhantadivase tatheva lokaṃ kampentopi, sampatijāto satta padāni gantvā ‘‘aggomahasmī’’ti sīhanādaṃ nadantopi, ekūnatiṃsa saṃvaccharāni agāramajjhe vasantopi, mahābhinikkhamanaṃ nikkhamantopi, anomānadītīre pabbajantopi, mahāpadhāne chabbassāni vīriyaṃ karontopi, sujātāya dinnaṃ madhupāyāsaṃ bhuñjitvā suvaṇṇapātiṃ nadiyā pavāhetvā sāyanhasamaye bodhimaṇḍavaragato puratthimaṃ lokadhātuṃ olokento nisīditvā sūriye dharamāneyeva mārabalaṃ vidhametvā paṭhamayāme pubbenivāsaṃ anussarantopi, majjhimayāme dibbacakkhuṃ visodhentopi, paccūsakālasamanantare paccayākāraṃ sammasitvā sotāpattimaggaṃ paṭivijjhantopi, sotāpattiphalaṃ sacchikarontopi, sakadāgāmimaggaṃ sakadāgāmiphalaṃ anāgāmimaggaṃ anāgāmiphalaṃ sacchikarontopi, arahattamaggaṃ paṭivijjhantopi dhammacakkaṃ uppādetiyeva nāma.

    арахад̇д̇апалагкан̣з бана д̇зна д̇хаммажаггам̣ уббаад̣̇ид̇ам̣ наама. б̣уд̣̇д̇хаанан̃хи сагалалогияалогуд̇д̇араг̇ун̣арааси арахад̇д̇апалзнзва сад̣̇д̇хим̣ иж̇жхад̇и. д̇асмаа д̇зна д̇асмим̣ кан̣з д̇хаммажаггам̣ уббаад̣̇ид̇ам̣ наама ход̇и.

    Arahattaphalakkhaṇe pana tena dhammacakkaṃ uppāditaṃ nāma. Buddhānañhi sakalalokiyalokuttaraguṇarāsi arahattaphaleneva saddhiṃ ijjhati. Tasmā tena tasmiṃ khaṇe dhammacakkaṃ uppāditaṃ nāma hoti.

    гад̣̇аа бавад̇д̇зд̇и наама? б̣од̇химан̣д̣з сад̇д̇асад̇д̇аахам̣ вийд̇инаамзд̇ваа исибад̇анз миг̇ад̣̇ааяз ан̃н̃аагон̣д̣ан̃н̃ад̇т̇зрам̣ гааяасагким̣ гад̇ваа д̇хаммажаггаббавад̇д̇анасуд̇д̇анд̇ам̣ д̣̇зсзнд̇о д̇хаммажаггам̣ бавад̇д̇зд̇и наама.

    Kadā pavatteti nāma? Bodhimaṇḍe sattasattāhaṃ vītināmetvā isipatane migadāye aññākoṇḍaññattheraṃ kāyasakkhiṃ katvā dhammacakkappavattanasuttantaṃ desento dhammacakkaṃ pavatteti nāma.

    яад̣̇аа бана ан̃н̃аагон̣д̣ан̃н̃ад̇т̇зрзна д̣̇асаб̣аласса д̣̇зсанаан̃аан̣аанубхааваниб̣б̣ад̇д̇ам̣ саванам̣ лабхид̇ваа саб̣б̣абатамам̣ д̇хаммо ад̇хиг̇ад̇о, д̇ад̇о бадтааяа д̇хаммажаггам̣ бавад̇д̇ид̇ам̣ наама ход̇ийд̇и взд̣̇ид̇аб̣б̣ам̣. д̇хаммажагганд̇и жзд̇ам̣ д̣̇зсанаан̃аан̣ассаби наамам̣ бадивзд̇хан̃аан̣ассаби. д̇зсу д̣̇зсанаан̃аан̣ам̣ логияам̣, бадивзд̇хан̃аан̣ам̣ логуд̇д̇арам̣. гасса д̣̇зсанаабадивзд̇хан̃аан̣анд̇и? на ан̃н̃асса гассажи, саммаасамб̣уд̣̇д̇хассзва д̣̇зсанаан̃аан̣ан̃жа бадивзд̇хан̃аан̣ан̃жаад̇и взд̣̇ид̇аб̣б̣ам̣.

    Yadā pana aññākoṇḍaññattherena dasabalassa desanāñāṇānubhāvanibbattaṃ savanaṃ labhitvā sabbapaṭhamaṃ dhammo adhigato, tato paṭṭhāya dhammacakkaṃ pavattitaṃ nāma hotīti veditabbaṃ. Dhammacakkanti cetaṃ desanāñāṇassapi nāmaṃ paṭivedhañāṇassapi. Tesu desanāñāṇaṃ lokiyaṃ, paṭivedhañāṇaṃ lokuttaraṃ. Kassa desanāpaṭivedhañāṇanti? Na aññassa kassaci, sammāsambuddhasseva desanāñāṇañca paṭivedhañāṇañcāti veditabbaṃ.

    саммад̣̇зваад̇и хзд̇унаа наязна гааран̣знзва. ануббавад̇д̇зд̇ийд̇и яат̇аа бурад̇о г̇ажчанд̇асса бажчад̇о г̇ажчанд̇о д̇ам̣ ануг̇ажчад̇и наама, звам̣ батамад̇арам̣ сад̇т̇аараа бавад̇д̇ид̇ам̣ т̇зро ануббавад̇д̇зд̇и наама. гат̇ам̣? сад̇т̇аа хи ‘‘жад̇д̇ааромз, бхигкавз, сад̇ибадтаанаа. гад̇амз жад̇д̇ааро’’д̇и гат̇знд̇о д̇хаммажаггам̣ бавад̇д̇зд̇и наама, д̇хаммасзнаабад̇и саарибуд̇д̇ад̇т̇зроби ‘‘жад̇д̇ааромз, аавусо, сад̇ибадтаанаа’’д̇и гат̇знд̇о д̇хаммажаггам̣ ануббавад̇д̇зд̇и наама. саммаббад̇хаанаад̣̇ийсуби зсзва наяо. на гзвалан̃жа б̣од̇хибагкияад̇хаммзсу, ‘‘жад̇д̇ааримаани, бхигкавз, арияасажжаани. жад̇д̇ааромз, бхигкавз, арияавам̣саа’’д̇иаад̣̇ийсуби аяам̣ наяо нзд̇аб̣б̣ова. звам̣ саммаасамб̣уд̣̇д̇хо д̇хаммажаггам̣ бавад̇д̇зд̇и наама, т̇зро д̣̇асаб̣алзна бавад̇д̇ид̇ам̣ д̇хаммажаггам̣ ануббавад̇д̇зд̇и наама.

    Sammadevāti hetunā nayena kāraṇeneva. Anuppavattetīti yathā purato gacchantassa pacchato gacchanto taṃ anugacchati nāma, evaṃ paṭhamataraṃ satthārā pavattitaṃ thero anuppavatteti nāma. Kathaṃ? Satthā hi ‘‘cattārome, bhikkhave, satipaṭṭhānā. Katame cattāro’’ti kathento dhammacakkaṃ pavatteti nāma, dhammasenāpati sāriputtattheropi ‘‘cattārome, āvuso, satipaṭṭhānā’’ti kathento dhammacakkaṃ anuppavatteti nāma. Sammappadhānādīsupi eseva nayo. Na kevalañca bodhipakkhiyadhammesu, ‘‘cattārimāni, bhikkhave, ariyasaccāni. Cattārome, bhikkhave, ariyavaṃsā’’tiādīsupi ayaṃ nayo netabbova. Evaṃ sammāsambuddho dhammacakkaṃ pavatteti nāma, thero dasabalena pavattitaṃ dhammacakkaṃ anuppavatteti nāma.

    звам̣ д̇хаммажаггам̣ ануббавад̇д̇знд̇зна бана т̇зрзна д̇хаммо д̣̇зсид̇оби багаасид̇оби сад̇т̇аараава д̣̇зсид̇о багаасид̇о ход̇и. яо хи гожи бхигку ваа бхигкуний ваа убаасаго ваа убаасигаа ваа д̣̇зво ваа сагго ваа мааро ваа б̣рахмаа ваа д̇хаммам̣ д̣̇зсзд̇у багаасзд̇у, саб̣б̣о со сад̇т̇аараа д̣̇зсид̇о багаасид̇ова наама ход̇и, сзсаж̇ано бана лзкахаарагабагкз тид̇ова наама ход̇и. гат̇ам̣? яат̇аа хи ран̃н̃аа д̣̇иннам̣ бан̣н̣ам̣ ваажзд̇ваа яам̣ яам̣ гаммам̣ гаронд̇и, д̇ам̣ д̇ам̣ гаммам̣ язна гзнажи гад̇амби гаарид̇амби ран̃н̃аа гаарид̇анд̇зва вужжад̇и. махаарааж̇аа вияа хи саммаасамб̣уд̣̇д̇хо. рааж̇абан̣н̣ам̣ вияа д̇збидагам̣ б̣уд̣̇д̇хаважанам̣. бан̣н̣ад̣̇аанам̣ вияа д̇збидагз наяамукад̣̇аанам̣ бан̣н̣ам̣ ваажзд̇ваа д̇ам̣д̇ам̣гаммаанам̣ гаран̣ам̣ вияа жад̇уннам̣ барисаанам̣ ад̇д̇ано б̣алзна б̣уд̣̇д̇хаважанам̣ уг̇г̇ан̣хид̇ваа барзсам̣ д̣̇зсанаа багаасанаа. д̇ад̇т̇а яат̇аа бан̣н̣ам̣ ваажзд̇ваа язна гзнажи гад̇амби гаарид̇амби д̇ам̣ гаммам̣ ран̃н̃аа гаарид̇амзва ход̇и, звамзва язна гзнажи д̣̇зсид̇оби багаасид̇оби д̇хаммо сад̇т̇аараа д̣̇зсид̇о багаасид̇ова наама ход̇ийд̇и взд̣̇ид̇аб̣б̣о. сзсам̣ саб̣б̣ад̇т̇а уд̇д̇аанад̇т̇амзваад̇и.

    Evaṃ dhammacakkaṃ anuppavattentena pana therena dhammo desitopi pakāsitopi satthārāva desito pakāsito hoti. Yo hi koci bhikkhu vā bhikkhunī vā upāsako vā upāsikā vā devo vā sakko vā māro vā brahmā vā dhammaṃ desetu pakāsetu, sabbo so satthārā desito pakāsitova nāma hoti, sesajano pana lekhahārakapakkhe ṭhitova nāma hoti. Kathaṃ? Yathā hi raññā dinnaṃ paṇṇaṃ vācetvā yaṃ yaṃ kammaṃ karonti, taṃ taṃ kammaṃ yena kenaci katampi kāritampi raññā kāritanteva vuccati. Mahārājā viya hi sammāsambuddho. Rājapaṇṇaṃ viya tepiṭakaṃ buddhavacanaṃ. Paṇṇadānaṃ viya tepiṭake nayamukhadānaṃ paṇṇaṃ vācetvā taṃtaṃkammānaṃ karaṇaṃ viya catunnaṃ parisānaṃ attano balena buddhavacanaṃ uggaṇhitvā paresaṃ desanā pakāsanā. Tattha yathā paṇṇaṃ vācetvā yena kenaci katampi kāritampi taṃ kammaṃ raññā kāritameva hoti, evameva yena kenaci desitopi pakāsitopi dhammo satthārā desito pakāsitova nāma hotīti veditabbo. Sesaṃ sabbattha uttānatthamevāti.

    згабуг̇г̇алаваг̇г̇аван̣н̣анаа.

    Ekapuggalavaggavaṇṇanā.




    Next: 14. зд̇ад̣̇аг̇г̇аваг̇г̇о • 14. Etadaggavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 13. згабуг̇г̇алаваг̇г̇о • 13. Ekapuggalavaggo

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 13. згабуг̇г̇алаваг̇г̇аван̣н̣анаа • 13. Ekapuggalavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact