Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā)

    13. згабуг̇г̇алаваг̇г̇аван̣н̣анаа

    13. Ekapuggalavaggavaṇṇanā

    170. згабуг̇г̇алассаад̇и згабуг̇г̇алаваг̇г̇асса. д̇знааха – ‘‘батамз’’д̇и. згод̇и г̇ан̣анабарижчзд̣̇о, д̇ад̇о зва д̣̇уд̇ияаад̣̇ибадигкзбад̇т̇о. бад̇хаанаасахааяад̇т̇оби згасад̣̇д̣̇о ход̇ийд̇и д̇аннивад̇д̇анад̇т̇ам̣ ‘‘г̇ан̣анабарижчзд̣̇о’’д̇и ааха. саммуд̇ияаа д̣̇зсанаа саммуд̇ид̣̇зсанаа. барамад̇т̇асса д̣̇зсанаа барамад̇т̇ад̣̇зсанаа. д̇ад̇т̇аад̇и саммуд̇ибарамад̇т̇ад̣̇зсанаасу, на саммуд̇ибарамад̇т̇зсу. д̇знааха – ‘‘зваруубаа саммуд̇ид̣̇зсанаа, зваруубаа барамад̇т̇ад̣̇зсанаа’’д̇и. д̇ад̇рид̣̇ам̣ саммуд̇ибарамад̇т̇аанам̣ лагкан̣ам̣ – яасмим̣ бхиннз, б̣уд̣̇д̇хияаа ваа аваяававиниб̣бхог̇з гад̇з на д̇ам̣саман̃н̃аа, саа гхадабадаад̣̇иббабхзд̣̇аа саммуд̇и, д̇аб̣б̣ибарияааязна барамад̇т̇аа. на хи гагкал̣апусанаад̣̇исабхаавз со наяо лаб̣бхад̇и. д̇ад̇т̇а руубаад̣̇ид̇хаммасамуухам̣ санд̇аанавасзна бавад̇д̇амаанам̣ убаад̣̇ааяа буг̇г̇алавохаарод̇и буг̇г̇алод̇и саммуд̇ид̣̇зсанаа. сзсабад̣̇зсуби зсзва наяо. уббаад̣̇аваяаванд̇о сабхаавад̇хаммаа на нижжаад̇и анижжаад̇и ааха – ‘‘анижжанд̇и барамад̇т̇ад̣̇зсанаа’’д̇и. зса наяо сзсабад̣̇зсуби. нану канд̇хад̣̇зсанааби саммуд̇ид̣̇зсанаава. раасадто ваа хи канд̇хадто годтаасадто ваад̇и? сажжамзд̇ам̣, аяам̣ бана канд̇хасаман̃н̃аа пассаад̣̇ийсу бавад̇д̇ад̇аж̇ж̇аабан̃н̃ад̇д̇и вияа барамад̇т̇асанниссаяаа д̇асса аасаннад̇араа, буг̇г̇аласаман̃н̃аад̣̇аяо вияа на д̣̇уурзд̇и барамад̇т̇асан̇г̇ахаа вуд̇д̇аа. канд̇хасийсзна ваа д̇ад̣̇убаад̣̇аанасабхаавад̇хаммаа зва г̇ахид̇аа. нану жа сабхаавад̇хаммаа саб̣б̣зби саммуд̇имукзнзва д̣̇зсанам̣ аароханд̇и, на самукзнаад̇и саб̣б̣ааби д̣̇зсанаа саммуд̇ид̣̇зсанаава сияаад̇и? наяид̣̇амзвам̣, д̣̇зсзд̇аб̣б̣ад̇хаммавибхааг̇зна д̣̇зсанаавибхааг̇асса ад̇хиббзд̇ад̇д̇аа. на хи сад̣̇д̣̇о гзнажи бавад̇д̇инимид̇д̇зна винаа ад̇т̇ам̣ багаасзд̇ийд̇и.

    170.Ekapuggalassāti ekapuggalavaggassa. Tenāha – ‘‘paṭhame’’ti. Ekoti gaṇanaparicchedo, tato eva dutiyādipaṭikkhepattho. Padhānāsahāyatthopi ekasaddo hotīti tannivattanatthaṃ ‘‘gaṇanaparicchedo’’ti āha. Sammutiyā desanā sammutidesanā. Paramatthassa desanā paramatthadesanā. Tatthāti sammutiparamatthadesanāsu, na sammutiparamatthesu. Tenāha – ‘‘evarūpā sammutidesanā, evarūpā paramatthadesanā’’ti. Tatridaṃ sammutiparamatthānaṃ lakkhaṇaṃ – yasmiṃ bhinne, buddhiyā vā avayavavinibbhoge kate na taṃsamaññā, sā ghaṭapaṭādippabhedā sammuti, tabbipariyāyena paramatthā. Na hi kakkhaḷaphusanādisabhāve so nayo labbhati. Tattha rūpādidhammasamūhaṃ santānavasena pavattamānaṃ upādāya puggalavohāroti puggaloti sammutidesanā. Sesapadesupi eseva nayo. Uppādavayavanto sabhāvadhammā na niccāti aniccāti āha – ‘‘aniccanti paramatthadesanā’’ti. Esa nayo sesapadesupi. Nanu khandhadesanāpi sammutidesanāva. Rāsaṭṭho vā hi khandhaṭṭho koṭṭhāsaṭṭho vāti? Saccametaṃ, ayaṃ pana khandhasamaññā phassādīsu pavattatajjāpaññatti viya paramatthasannissayā tassa āsannatarā, puggalasamaññādayo viya na dūreti paramatthasaṅgahā vuttā. Khandhasīsena vā tadupādānasabhāvadhammā eva gahitā. Nanu ca sabhāvadhammā sabbepi sammutimukheneva desanaṃ ārohanti, na samukhenāti sabbāpi desanā sammutidesanāva siyāti? Nayidamevaṃ, desetabbadhammavibhāgena desanāvibhāgassa adhippetattā. Na hi saddo kenaci pavattinimittena vinā atthaṃ pakāsetīti.

    саммуд̇ивасзна д̣̇зсанам̣ суд̇ваад̇и ‘‘ид̇хзгажжо буг̇г̇ало ад̇д̇анд̇або ход̇и ад̇д̇абарид̇аабаануяог̇амануяуд̇д̇о’’д̇иаад̣̇инаа (бу. ба. 174) саммуд̇имукзна бавад̇д̇ид̇ад̣̇зсанам̣ суд̇амаяан̃аан̣уббаад̣̇авасзна суд̇ваа. ад̇т̇ам̣ бадивиж̇жхид̇ваад̇и д̇ад̣̇анусаарзна жад̇усажжасан̇каад̇ам̣ ад̇т̇ам̣ саха вибассанааяа маг̇г̇абан̃н̃ааяа бадивиж̇жхид̇ваа. мохам̣ бахааяаад̇и д̇ад̣̇згадтагилзсзхи сад̣̇д̇хим̣ анавасзсам̣ мохам̣ баж̇ахид̇ваа. висзсанд̇и аг̇г̇апаланиб̣б̣аанасан̇каад̇ам̣ висзсам̣. д̇зсанд̇и д̇аад̣̇исаанам̣ взнзяяаанам̣. барамад̇т̇авасзнаад̇и ‘‘бан̃жимаани, бхигкавз, инд̣̇рияааний’’д̇иаад̣̇инаа (сам̣. ни. 5.471-476 аад̣̇аяо) барамад̇т̇ад̇хаммавасзна. сзсам̣ ананд̇аранаяз вуд̇д̇асад̣̇исамзва.

    Sammutivasenadesanaṃ sutvāti ‘‘idhekacco puggalo attantapo hoti attaparitāpānuyogamanuyutto’’tiādinā (pu. pa. 174) sammutimukhena pavattitadesanaṃ sutamayañāṇuppādavasena sutvā. Atthaṃ paṭivijjhitvāti tadanusārena catusaccasaṅkhātaṃ atthaṃ saha vipassanāya maggapaññāya paṭivijjhitvā. Mohaṃ pahāyāti tadekaṭṭhakilesehi saddhiṃ anavasesaṃ mohaṃ pajahitvā. Visesanti aggaphalanibbānasaṅkhātaṃ visesaṃ. Tesanti tādisānaṃ veneyyānaṃ. Paramatthavasenāti ‘‘pañcimāni, bhikkhave, indriyānī’’tiādinā (saṃ. ni. 5.471-476 ādayo) paramatthadhammavasena. Sesaṃ anantaranaye vuttasadisameva.

    д̇ад̇раад̇и д̇ассам̣ саммуд̇ивасзна барамад̇т̇авасзна жа д̣̇зсанааяам̣. д̣̇зсабхаасаагусалод̇и наанаад̣̇зсабхаасаасу гусало. д̇ин̣н̣ам̣ взд̣̇аананд̇и нид̣̇ассанамад̇д̇ам̣, д̇ин̣н̣ам̣ взд̣̇аанам̣ сиббуг̇г̇ахан̣адтаанаанамбийд̇и ад̇хиббааяо. д̇знзва сиббуг̇г̇ахан̣ам̣ барад̇о вагкад̇и. сиббаани ваа виж̇ж̇аадтаанабхаавзна взд̣̇анд̇ог̇ад̇хаани гад̇ваа ‘‘д̇ин̣н̣ам̣ взд̣̇аана’’нд̇и вуд̇д̇ам̣. гат̇зд̇аб̣б̣абхаавзна тид̇аани, на гад̇т̇ажи саннижид̇абхаавзнаад̇и взд̣̇аанамби гат̇зд̇аб̣б̣абхаавзнзва таанам̣ д̣̇ийбзнд̇о ‘‘г̇ухаа д̇ийн̣и нихид̇аа на г̇аяханд̇ий’’д̇иаад̣̇имижчааваад̣̇ам̣ бадигкибад̇и. наанаавид̇хаа д̣̇зсабхаасаа зд̇зсанд̇и наанаад̣̇зсабхаасаа.

    Tatrāti tassaṃ sammutivasena paramatthavasena ca desanāyaṃ. Desabhāsākusaloti nānādesabhāsāsu kusalo. Tiṇṇaṃ vedānanti nidassanamattaṃ, tiṇṇaṃ vedānaṃ sippuggahaṇaṭṭhānānampīti adhippāyo. Teneva sippuggahaṇaṃ parato vakkhati. Sippāni vā vijjāṭṭhānabhāvena vedantogadhāni katvā ‘‘tiṇṇaṃ vedāna’’nti vuttaṃ. Kathetabbabhāvena ṭhitāni, na katthaci sannicitabhāvenāti vedānampi kathetabbabhāveneva ṭhānaṃ dīpento ‘‘guhā tīṇi nihitā na gayhantī’’tiādimicchāvādaṃ paṭikkhipati. Nānāvidhā desabhāsā etesanti nānādesabhāsā.

    барамо уд̇д̇амо ад̇т̇о барамад̇т̇о, д̇хаммаанам̣ яат̇аабхууд̇асабхааво. логасан̇гзд̇амад̇д̇асид̣̇д̇хаа саммуд̇и. яад̣̇и звам̣ гат̇ам̣ саммуд̇игат̇ааяа сажжад̇аад̇и ааха – ‘‘логасаммуд̇игааран̣аа’’д̇и, логасаман̃н̃ам̣ ниссааяа бавад̇д̇анад̇од̇и ад̇т̇о. логасаман̃н̃аа хи абхинивзсзна вин̃н̃зяяаа, наан̃н̃аабанаа згажжасса суд̇асса сааванаа вияа на мусаа анад̇ид̇хаавид̇аб̣б̣ад̇о д̇ассаа. д̇знааха бхаг̇аваа – ‘‘ж̇анабад̣̇анируд̇д̇им̣ наабхинивзсзяяа, саман̃н̃ам̣ наад̇ид̇хааваяз’’д̇и. д̇хаммаананд̇и сабхаавад̇хаммаанам̣. бхууд̇агааран̣аад̇и яат̇аабхууд̇агааран̣аа яат̇аабхууд̇ам̣ ниссааяа бавад̇д̇анад̇о. саммуд̇им̣ вохаранд̇ассаад̇и ‘‘буг̇г̇ало, сад̇д̇о’’д̇иаад̣̇инаа логасаман̃н̃ам̣ гат̇знд̇асса.

    Paramo uttamo attho paramattho, dhammānaṃ yathābhūtasabhāvo. Lokasaṅketamattasiddhā sammuti. Yadi evaṃ kathaṃ sammutikathāya saccatāti āha – ‘‘lokasammutikāraṇā’’ti, lokasamaññaṃ nissāya pavattanatoti attho. Lokasamaññā hi abhinivesena viññeyyā, nāññāpanā ekaccassa sutassa sāvanā viya na musā anatidhāvitabbato tassā. Tenāha bhagavā – ‘‘janapadaniruttiṃ nābhiniveseyya, samaññaṃ nātidhāvaye’’ti. Dhammānanti sabhāvadhammānaṃ. Bhūtakāraṇāti yathābhūtakāraṇā yathābhūtaṃ nissāya pavattanato. Sammutiṃ voharantassāti ‘‘puggalo, satto’’tiādinā lokasamaññaṃ kathentassa.

    хирод̇д̇аббад̣̇ийбанад̇т̇анд̇и логабааланагижжз хирод̇д̇аббад̇хаммз гижжад̇о багаасзд̇ум̣. д̇зсан̃хи гижжам̣ сад̇д̇асанд̇аанз зва баагадам̣ ход̇ийд̇и буг̇г̇алаад̇хидтаанааяа гат̇ааяа д̇ам̣ вад̇д̇аб̣б̣ам̣. зса наяо сзсзсуби. яасмин̃хи жид̇д̇уббаад̣̇з гаммам̣ уббаннам̣, д̇ам̣санд̇аанз зва д̇асса паласса уббад̇д̇и гаммассагад̇аа. зван̃хи гад̇авин̃н̃аан̣анаасо агад̇ааг̇амо жа над̇т̇ийд̇и саа буг̇г̇алаад̇хидтаанааяа зва д̣̇зсанааяа д̣̇ийбзд̇аб̣б̣аа. д̇зхи сад̇д̇зхи гаад̇аб̣б̣абун̃н̃агирияаа бажжад̇д̇абурисагааро. соби санд̇аанавасзна нидтабзд̇аб̣б̣ад̇о буг̇г̇алаад̇хидтаанааяа зва гат̇ааяа д̣̇ийбзд̇аб̣б̣о. аананд̇арияад̣̇ийбанад̇т̇анд̇и жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇аани д̇ам̣ниб̣б̣ад̇д̇анзна ананд̇арагаран̣асийлаани, ананд̇арагаран̣абаяож̇анаани ваад̇и аананд̇арияаани, маад̇угхаад̇аад̣̇ийни, д̇зсам̣ д̣̇ийбанад̇т̇ам̣. д̇ааниби хи санд̇аанавасзна нидтабзд̇аб̣б̣ад̇о ‘‘маад̇арам̣ ж̇ийвид̇аа воробзд̇ий’’д̇иаад̣̇инаа (бадтаа. 1.1.423) буг̇г̇алаад̇хидтаанааяа зва гат̇ааяа д̣̇ийбзд̇аб̣б̣аани, д̇ат̇аа ‘‘со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇иаад̣̇инаа (д̣̇ий. ни. 1.556; 3.308; ма. ни. 1.77; 2.309; 3.230; вибха. 642-643) ‘‘со анзгавихид̇ам̣ буб̣б̣зниваасам̣ ануссарад̇и згамби ж̇аад̇и’’нд̇иаад̣̇инаа (д̣̇ий. ни. 1.244-245; ма. ни. 1.148, 384, 431; баараа. 12), ‘‘ад̇т̇и д̣̇агкин̣аа д̣̇ааяагад̇о висуж̇жхад̇и, но бадиг̇г̇аахагад̇о’’д̇иаад̣̇инаа (ма. ни. 3.381) жа бавад̇д̇аа б̣рахмавихаарабуб̣б̣зниваасад̣̇агкин̣аависуд̣̇д̇хигат̇аа буг̇г̇алаад̇хидтаанаа зва гад̇ваа д̣̇ийбзд̇аб̣б̣аа сад̇д̇асанд̇аанависаяад̇д̇аа. ‘‘адта бурисабуг̇г̇алаа (сам̣. ни. 1.249) на самаяавимуд̇д̇о буг̇г̇ало’’д̇иаад̣̇инаа (бу. ба. 2) жа барамад̇т̇агат̇ам̣ гат̇знд̇оби логасаммуд̇ияаа аббахаанад̇т̇ам̣ буг̇г̇алагат̇ам̣ гат̇зд̇и. зд̇зна вуд̇д̇аавасзсааяа гат̇ааяа буг̇г̇алаад̇хидтаанабхаавз баяож̇анам̣ сааман̃н̃авасзна сан̇г̇ахид̇анд̇и д̣̇адтаб̣б̣ам̣. гааман̃жзд̇ам̣ саб̣б̣ам̣ абарин̃н̃аад̇авад̇т̇угаанам̣ васзна вуд̇д̇ам̣, барин̃н̃аад̇авад̇т̇угаанамби бана звам̣ д̣̇зсанаа сукаавахаа ход̇и.

    Hirottappadīpanatthanti lokapālanakicce hirottappadhamme kiccato pakāsetuṃ. Tesañhi kiccaṃ sattasantāne eva pākaṭaṃ hotīti puggalādhiṭṭhānāya kathāya taṃ vattabbaṃ. Esa nayo sesesupi. Yasmiñhi cittuppāde kammaṃ uppannaṃ, taṃsantāne eva tassa phalassa uppatti kammassakatā. Evañhi kataviññāṇanāso akatāgamo ca natthīti sā puggalādhiṭṭhānāya eva desanāya dīpetabbā. Tehi sattehi kātabbapuññakiriyā paccattapurisakāro. Sopi santānavasena niṭṭhapetabbato puggalādhiṭṭhānāya eva kathāya dīpetabbo. Ānantariyadīpanatthanti cutianantaraṃ phalaṃ anantaraṃ nāma, tasmiṃ anantare niyuttāni taṃnibbattanena anantarakaraṇasīlāni, anantarakaraṇapayojanāni vāti ānantariyāni, mātughātādīni, tesaṃ dīpanatthaṃ. Tānipi hi santānavasena niṭṭhapetabbato ‘‘mātaraṃ jīvitā voropetī’’tiādinā (paṭṭhā. 1.1.423) puggalādhiṭṭhānāya eva kathāya dīpetabbāni, tathā ‘‘so mettāsahagatena cetasā ekaṃ disaṃ pharitvā viharatī’’tiādinā (dī. ni. 1.556; 3.308; ma. ni. 1.77; 2.309; 3.230; vibha. 642-643) ‘‘so anekavihitaṃ pubbenivāsaṃ anussarati ekampi jāti’’ntiādinā (dī. ni. 1.244-245; ma. ni. 1.148, 384, 431; pārā. 12), ‘‘atthi dakkhiṇā dāyakato visujjhati, no paṭiggāhakato’’tiādinā (ma. ni. 3.381) ca pavattā brahmavihārapubbenivāsadakkhiṇāvisuddhikathā puggalādhiṭṭhānā eva katvā dīpetabbā sattasantānavisayattā. ‘‘Aṭṭha purisapuggalā (saṃ. ni. 1.249) na samayavimutto puggalo’’tiādinā (pu. pa. 2) ca paramatthakathaṃ kathentopi lokasammutiyā appahānatthaṃ puggalakathaṃ katheti. Etena vuttāvasesāya kathāya puggalādhiṭṭhānabhāve payojanaṃ sāmaññavasena saṅgahitanti daṭṭhabbaṃ. Kāmañcetaṃ sabbaṃ apariññātavatthukānaṃ vasena vuttaṃ, pariññātavatthukānampi pana evaṃ desanā sukhāvahā hoti.

    згабуг̇г̇алод̇и висидтасамаажаараабассаяавирахид̇о згабуг̇г̇ало. б̣уд̣̇д̇хаанан̃хи сийлаад̣̇иг̇ун̣зна сад̣̇звагз логз висидто наама гожи над̇т̇и, д̇ат̇аа сад̣̇исоби самаанагаалз. д̇знааха – ‘‘на имасмим̣ логз барасмим̣ ваа бана б̣уд̣̇д̇хзна сздто сад̣̇исо жа виж̇ж̇ад̇ий’’д̇и (ви. ва. 1047; гат̇аа. 799), д̇асмаа сад̣̇исоби гожи над̇т̇и. хийноби абассаяабхууд̇о над̇т̇зва. д̇зна вуд̇д̇ам̣ – ‘‘висидтасамаажаараабассаяавирахид̇о згабуг̇г̇ало’’д̇и. яз жа сийлаад̣̇иг̇ун̣зхи над̇т̇и зд̇зсам̣ самаад̇и асамаа, буримагаа саммаасамб̣уд̣̇д̇хаа. д̇зхи само маж̇жхз бхиннасуван̣н̣анзгкам̣ вияа ниб̣б̣исидтод̇и асамасамадтзнаби згабуг̇г̇ало ан̃н̃асса д̇аад̣̇исасса абхааваа. д̇зна вуд̇д̇ам̣ – ‘‘асад̣̇исадтзнаа’’д̇иаад̣̇и.

    Ekapuggaloti visiṭṭhasamācārāpassayavirahito ekapuggalo. Buddhānañhi sīlādiguṇena sadevake loke visiṭṭho nāma koci natthi, tathā sadisopi samānakāle. Tenāha – ‘‘na imasmiṃ loke parasmiṃ vā pana buddhena seṭṭho sadiso ca vijjatī’’ti (vi. va. 1047; kathā. 799), tasmā sadisopi koci natthi. Hīnopi apassayabhūto nattheva. Tena vuttaṃ – ‘‘visiṭṭhasamācārāpassayavirahito ekapuggalo’’ti. Ye ca sīlādiguṇehi natthi etesaṃ samāti asamā, purimakā sammāsambuddhā. Tehi samo majjhe bhinnasuvaṇṇanekkhaṃ viya nibbisiṭṭhoti asamasamaṭṭhenapi ekapuggalo aññassa tādisassa abhāvā. Tena vuttaṃ – ‘‘asadisaṭṭhenā’’tiādi.

    сад̇д̇алого ад̇хиббзд̇о сад̇д̇анигааяз уббаж̇ж̇анад̇о. мануссалогз зва уббаж̇ж̇ад̇и д̣̇зваб̣рахмалогаанам̣ б̣уд̣̇д̇хаанам̣ уббад̇д̇ияаа аногаасабхаавад̇о. гаамад̣̇звалогз д̇аава нуббаж̇ж̇ад̇и б̣рахмажарияаваасасса адтаанабхаавад̇о д̇ат̇аа анажчарияабхаавад̇о. ажчарияад̇хаммаа хи б̣уд̣̇д̇хаа бхаг̇аванд̇о. д̇зсам̣ саа ажчарияад̇хаммад̇аа д̣̇звад̇д̇абхаавз тид̇аанам̣ логз на баагадаа ход̇и яат̇аа мануссабхууд̇аанам̣. д̣̇звабхууд̇з хи саммаасамб̣уд̣̇д̇хз д̣̇иссамаанам̣ б̣уд̣̇д̇хаанубхаавам̣ д̣̇зваанубхаавад̇ова логз д̣̇ахад̇и, на б̣уд̣̇д̇хаанубхаавад̇о. д̇ат̇аа сад̇и ‘‘аяам̣ саммаасамб̣уд̣̇д̇хо’’д̇и наад̇химужжад̇и на самбасийд̣̇ад̇и, иссарагуд̇д̇аг̇г̇аахам̣ на виссаж̇ж̇зд̇и, д̣̇звад̇д̇абхаавасса жа жирагаалаавадтаанад̇о згажжасассад̇аваад̣̇ад̇о на баримужжад̇и. б̣рахмалогз нуббаж̇ж̇ад̇ийд̇и зд̇т̇ааби зсзва наяо. сад̇д̇аанам̣ д̇аад̣̇исаг̇г̇аахавиниможанад̇т̇ан̃хи б̣уд̣̇д̇хаа бхаг̇аванд̇о мануссасуг̇ад̇ияам̣язва уббаж̇ж̇анд̇и, на д̣̇звасуг̇ад̇ияам̣. яасмаа имам̣ жаггаваал̣ам̣ маж̇жхз гад̇ваа иминаа сад̣̇д̇хим̣ жаггаваал̣аанам̣ д̣̇асасахассассзва ж̇аад̇игкзд̇д̇абхааво д̣̇ийбид̇о ид̇о ан̃н̃асса б̣уд̣̇д̇хаанам̣ уббад̇д̇идтаанасса д̇збидагз б̣уд̣̇д̇хаважанз ааг̇ад̇адтаанасса абхаавад̇о. д̇асмаа вуд̇д̇ам̣ – ‘‘имасмим̣язва жаггаваал̣з уббаж̇ж̇ад̇ий’’д̇и.

    Sattaloko adhippeto sattanikāye uppajjanato. Manussaloke eva uppajjati devabrahmalokānaṃ buddhānaṃ uppattiyā anokāsabhāvato. Kāmadevaloke tāva nuppajjati brahmacariyavāsassa aṭṭhānabhāvato tathā anacchariyabhāvato. Acchariyadhammā hi buddhā bhagavanto. Tesaṃ sā acchariyadhammatā devattabhāve ṭhitānaṃ loke na pākaṭā hoti yathā manussabhūtānaṃ. Devabhūte hi sammāsambuddhe dissamānaṃ buddhānubhāvaṃ devānubhāvatova loke dahati, na buddhānubhāvato. Tathā sati ‘‘ayaṃ sammāsambuddho’’ti nādhimuccati na sampasīdati, issarakuttaggāhaṃ na vissajjeti, devattabhāvassa ca cirakālāvaṭṭhānato ekaccasassatavādato na parimuccati. Brahmaloke nuppajjatīti etthāpi eseva nayo. Sattānaṃ tādisaggāhavinimocanatthañhi buddhā bhagavanto manussasugatiyaṃyeva uppajjanti, na devasugatiyaṃ. Yasmā imaṃ cakkavāḷaṃ majjhe katvā iminā saddhiṃ cakkavāḷānaṃ dasasahassasseva jātikkhettabhāvo dīpito ito aññassa buddhānaṃ uppattiṭṭhānassa tepiṭake buddhavacane āgataṭṭhānassa abhāvato. Tasmā vuttaṃ – ‘‘imasmiṃyeva cakkavāḷe uppajjatī’’ti.

    ид̇ха уббаж̇ж̇анд̇оби гасмаа ж̇амб̣уд̣̇ийбз зва уббаж̇ж̇ад̇и, на сзсад̣̇ийбзсууд̇и? гзжи д̇аава ааху – ‘‘яасмаа бат̇авияаа наабхибхууд̇аа б̣уд̣̇д̇хабхаавасахаа ажаладтаанабхууд̇аа б̣од̇химан̣д̣абхууми ж̇амб̣уд̣̇ийбз зва , д̇асмаа ж̇амб̣уд̣̇ийбз зва уббаж̇ж̇ад̇ий’’д̇и. зд̇знзва ‘‘д̇ад̇т̇а маж̇жхимад̣̇зсз зва уббаж̇ж̇ад̇ий’’д̇и зд̇амби сам̣ван̣н̣ид̇анд̇и д̣̇адтаб̣б̣ам̣ д̇ат̇аа ид̇арзсамби авиж̇ахид̇адтаанаанам̣ д̇ад̇т̇зва лаб̣бханад̇о. яасмаа буримаб̣уд̣̇д̇хаанам̣ махааб̣од̇хисад̇д̇аанам̣ бажжзгаб̣уд̣̇д̇хаанан̃жа ниб̣б̣ад̇д̇ияаа саавагаб̣од̇хисад̇д̇аанам̣ саавагаб̣од̇хияаа абхинийхааро саавагабаарамияаа самбхаран̣абарибаажанан̃жа б̣уд̣̇д̇хагкзд̇д̇абхууд̇з имасмим̣язва жаггаваал̣з ж̇амб̣уд̣̇ийбз зва иж̇жхад̇и, на ан̃н̃ад̇т̇а. взнзяяаж̇анавинаяанад̇т̇о жа б̣уд̣̇д̇хуббаад̣̇о, д̇асмаа аг̇г̇асаавагамахаасаавагаад̣̇ивзнзяяависзсаабзгкааяа имасмим̣ ж̇амб̣уд̣̇ийбз зва б̣уд̣̇д̇хаа ниб̣б̣ад̇д̇анд̇и, на сзсад̣̇ийбзсу. аяан̃жа наяо саб̣б̣аб̣уд̣̇д̇хаанам̣ аажин̣н̣асамаажин̣н̣од̇и д̇зсам̣ уд̇д̇амабурисаанам̣ д̇ад̇т̇зва уббад̇д̇и самбад̇д̇ижаггаанам̣ вияа ан̃н̃аман̃н̃уубаниссаяад̇ааяа д̣̇адтаб̣б̣аа. д̇зна вуд̇д̇ам̣ – адтагат̇ааяам̣ ‘‘д̇ийсу д̣̇ийбзсу б̣уд̣̇д̇хаа на ниб̣б̣ад̇д̇анд̇и, ж̇амб̣уд̣̇ийбз зва ниб̣б̣ад̇д̇анд̇ийд̇и д̣̇ийбам̣ бассий’’д̇и (д̣̇ий. ни. адта. 2.17; б̣у. вам̣. адта. 27 авид̣̇уурзнид̣̇аанагат̇аа).

    Idha uppajjantopi kasmā jambudīpe eva uppajjati, na sesadīpesūti? Keci tāva āhu – ‘‘yasmā pathaviyā nābhibhūtā buddhabhāvasahā acalaṭṭhānabhūtā bodhimaṇḍabhūmi jambudīpe eva , tasmā jambudīpe eva uppajjatī’’ti. Eteneva ‘‘tattha majjhimadese eva uppajjatī’’ti etampi saṃvaṇṇitanti daṭṭhabbaṃ tathā itaresampi avijahitaṭṭhānānaṃ tattheva labbhanato. Yasmā purimabuddhānaṃ mahābodhisattānaṃ paccekabuddhānañca nibbattiyā sāvakabodhisattānaṃ sāvakabodhiyā abhinīhāro sāvakapāramiyā sambharaṇaparipācanañca buddhakkhettabhūte imasmiṃyeva cakkavāḷe jambudīpe eva ijjhati, na aññattha. Veneyyajanavinayanattho ca buddhuppādo, tasmā aggasāvakamahāsāvakādiveneyyavisesāpekkhāya imasmiṃ jambudīpe eva buddhā nibbattanti, na sesadīpesu. Ayañca nayo sabbabuddhānaṃ āciṇṇasamāciṇṇoti tesaṃ uttamapurisānaṃ tattheva uppatti sampatticakkānaṃ viya aññamaññūpanissayatāya daṭṭhabbā. Tena vuttaṃ – aṭṭhakathāyaṃ ‘‘tīsu dīpesu buddhā na nibbattanti, jambudīpe eva nibbattantīti dīpaṃ passī’’ti (dī. ni. aṭṭha. 2.17; bu. vaṃ. aṭṭha. 27 avidūrenidānakathā).

    убхаяамбид̣̇ам̣ виббагад̇аважанамзва уббаад̣̇агирияааяа вад̇д̇амаанагаалигад̇д̇аа. уббаж̇ж̇амаанод̇и ваа уббаж̇ж̇ид̇ум̣ самад̇т̇о. сад̇д̇иад̇т̇о жааяам̣ маана-сад̣̇д̣̇о. яаавад̇аа хи саамад̇т̇иязна махааб̣од̇хисад̇д̇аанам̣ жаримабхавз уббад̇д̇и ижчид̇аб̣б̣аа, д̇ад̇т̇агзна б̣од̇хисамбхаарасамбхууд̇зна барибун̣н̣зна саманнааг̇ад̇од̇и ад̇т̇о. бхзд̣̇од̇и висзсо. д̇амзва хи д̇ивид̇хам̣ висзсам̣ д̣̇ассзд̇ум̣ – ‘‘зса хий’’д̇иаад̣̇и вуд̇д̇ам̣. адтан̇г̇асаманнааг̇ад̇асса махаабхинийхаарасса сид̣̇д̇хагаалад̇о бадтааяа махааб̣од̇хисад̇д̇о б̣уд̣̇д̇хабхаавааяа нияад̇абхааваббад̇д̇ад̇ааяа б̣од̇хисамбхаарабадибад̣̇ам̣ бадибаж̇ж̇амаано яат̇аавуд̇д̇асаамад̇т̇ияаяог̇зна уббаж̇ж̇амаано наамаад̇и ад̇т̇о уббаад̣̇асса зганд̇игад̇д̇аа. бариязсанд̇од̇и вижинанд̇о. барибаггаг̇ад̇з н̃аан̣зд̇и иминаа д̇ад̇о буб̣б̣з н̃аан̣асса абарибаггад̇ааяа зва лад̣̇д̇хаавасарааяа гаммабилод̇ияаа васзна б̣од̇хисад̇д̇о д̇ат̇аа махаабад̇хаанам̣ бад̣̇ахийд̇и д̣̇ассзд̇и. арахад̇д̇апалагкан̣з уббанно наама ‘‘уббанно ход̇ий’’д̇и вад̇д̇аб̣б̣ад̇д̇аа. ааг̇ад̇ова наама хзд̇усамбад̣̇ааяа саммад̣̇зва нибпаннад̇д̇аа.

    Ubhayampidaṃ vippakatavacanameva uppādakiriyāya vattamānakālikattā. Uppajjamānoti vā uppajjituṃ samattho. Sattiattho cāyaṃ māna-saddo. Yāvatā hi sāmatthiyena mahābodhisattānaṃ carimabhave uppatti icchitabbā, tatthakena bodhisambhārasambhūtena paripuṇṇena samannāgatoti attho. Bhedoti viseso. Tameva hi tividhaṃ visesaṃ dassetuṃ – ‘‘esa hī’’tiādi vuttaṃ. Aṭṭhaṅgasamannāgatassa mahābhinīhārassa siddhakālato paṭṭhāya mahābodhisatto buddhabhāvāya niyatabhāvappattatāya bodhisambhārapaṭipadaṃ paṭipajjamāno yathāvuttasāmatthiyayogena uppajjamāno nāmāti attho uppādassa ekantikattā. Pariyesantoti vicinanto. Paripakkagate ñāṇeti iminā tato pubbe ñāṇassa aparipakkatāya eva laddhāvasarāya kammapilotiyā vasena bodhisatto tathā mahāpadhānaṃ padahīti dasseti. Arahattaphalakkhaṇe uppanno nāma ‘‘uppanno hotī’’ti vattabbattā. Āgatova nāma hetusampadāya sammadeva nipphannattā.

    хид̇ад̇т̇ааяаад̇и логияалогуд̇д̇арасса хид̇асса сид̣̇д̇хияаа. сукад̇т̇ааяаад̇и зд̇т̇ааби зсзва наяо. д̇ассаад̇и д̇асса сад̇д̇алогасса. со банааяам̣ сад̇д̇алого язна ануггамзна д̇хаммаабхисамаяам̣ баабун̣и, д̇ам̣ д̇знзва ануггамзна д̣̇ассзнд̇о ‘‘махааб̣од̇химан̣д̣з’’д̇иаад̣̇имааха. яааваж̇ж̇ад̣̇ивасаад̇и зд̇т̇а аж̇ж̇а-сад̣̇д̣̇зна саасанасса авадтаанагаалам̣ вад̣̇ад̇и. д̣̇звамануссаананд̇и уггадтанид̣̇д̣̇зсод̇и д̣̇ассзд̇ум̣ – ‘‘на гзвала’’нд̇иаад̣̇и вуд̇д̇ам̣. зд̇зсамбийд̇и нааг̇асубан̣н̣аад̣̇ийнамби.

    Hitatthāyāti lokiyalokuttarassa hitassa siddhiyā. Sukhatthāyāti etthāpi eseva nayo. Tassāti tassa sattalokassa. So panāyaṃ sattaloko yena anukkamena dhammābhisamayaṃ pāpuṇi, taṃ teneva anukkamena dassento ‘‘mahābodhimaṇḍe’’tiādimāha. Yāvajjadivasāti ettha ajja-saddena sāsanassa avaṭṭhānakālaṃ vadati. Devamanussānanti ukkaṭṭhaniddesoti dassetuṃ – ‘‘na kevala’’ntiādi vuttaṃ. Etesampīti nāgasupaṇṇādīnampi.

    аяам̣ бужчаад̇и иминаа ‘‘гад̇амо’’д̇и бад̣̇асса сааман̃н̃ад̇о бужчаабхааво д̣̇ассид̇о, на висзсад̇од̇и д̇асса бужчаависзсабхааван̃аабанад̇т̇ам̣ махаанид̣̇д̣̇зсз (махаани. 150) ааг̇ад̇аа саб̣б̣ааби бужчаа ад̇т̇уд̣̇д̇хааранаязна д̣̇ассзд̇и ‘‘бужчаа жа наамзсаа’’д̇иаад̣̇инаа. ад̣̇идтам̣ ж̇од̇ийяад̇и зд̇ааяаад̇и ад̣̇идтаж̇од̇анаа. д̣̇идтам̣ сам̣санд̣̇ийяад̇и зд̇ааяаад̇и д̣̇идтасам̣санд̣̇анаа. сам̣санд̣̇анан̃жа саагажчаавасзна винижчаяагаран̣ам̣. вимад̇им̣ чинд̣̇ад̇и зд̇ааяаад̇и вимад̇ижчзд̣̇анаа. анумад̇ияаа бужчаа анумад̇ибужчаа. ‘‘д̇ам̣ гим̣ ман̃н̃ат̇а, бхигкавз’’д̇иаад̣̇и бужчааяа ‘‘гаа д̇умхаагам̣ анумад̇ий’’д̇и анумад̇и бужчид̇аа ход̇и. гат̇зд̇угамяад̇аабужчаад̇и гат̇зд̇угамяад̇ааяа бужчаа. лагкан̣анд̇и н̃аад̇ум̣ ижчид̇о яо гожи сабхааво. ан̃н̃аад̇анд̇и язна гзнажи н̃аан̣зна ан̃н̃аад̇абхаавамааха. ад̣̇идтанд̇и д̣̇ассанабхууд̇зна н̃аан̣зна бажжагкам̣ вияа ад̣̇идтад̇ам̣. ад̇улид̇анд̇и ‘‘зд̇д̇агам̣ зд̇а’’нд̇и д̇улаабхууд̇зна ад̇улид̇ад̇ам̣. ад̇ийрид̇анд̇и д̇ийран̣абхууд̇зна агад̇ан̃аан̣агирияаасамаабанад̇ам̣. авибхууд̇анд̇и н̃аан̣асса абаагадабхаавам̣. авибхаавид̇анд̇и н̃аан̣зна абаагадагад̇абхаавам̣.

    Ayaṃ pucchāti iminā ‘‘katamo’’ti padassa sāmaññato pucchābhāvo dassito, na visesatoti tassa pucchāvisesabhāvañāpanatthaṃ mahāniddese (mahāni. 150) āgatā sabbāpi pucchā atthuddhāranayena dasseti ‘‘pucchā ca nāmesā’’tiādinā. Adiṭṭhaṃ jotīyati etāyāti adiṭṭhajotanā. Diṭṭhaṃ saṃsandīyati etāyāti diṭṭhasaṃsandanā. Saṃsandanañca sākacchāvasena vinicchayakaraṇaṃ. Vimatiṃ chindati etāyāti vimaticchedanā. Anumatiyā pucchā anumatipucchā. ‘‘Taṃ kiṃ maññatha, bhikkhave’’tiādi pucchāya ‘‘kā tumhākaṃ anumatī’’ti anumati pucchitā hoti. Kathetukamyatāpucchāti kathetukamyatāya pucchā. Lakkhaṇanti ñātuṃ icchito yo koci sabhāvo. Aññātanti yena kenaci ñāṇena aññātabhāvamāha. Adiṭṭhanti dassanabhūtena ñāṇena paccakkhaṃ viya adiṭṭhataṃ. Atulitanti ‘‘ettakaṃ eta’’nti tulābhūtena atulitataṃ. Atīritanti tīraṇabhūtena akatañāṇakiriyāsamāpanataṃ. Avibhūtanti ñāṇassa apākaṭabhāvaṃ. Avibhāvitanti ñāṇena apākaṭakatabhāvaṃ.

    язхи г̇ун̣ависзсзхи нимид̇д̇абхууд̇зхи бхаг̇авад̇и ‘‘д̇ат̇ааг̇ад̇о’’д̇и аяам̣ саман̃н̃аа бавад̇д̇аа, д̇ам̣д̣̇ассанад̇т̇ам̣ ‘‘адтахи гааран̣зхи бхаг̇аваа д̇ат̇ааг̇ад̇о’’д̇иаад̣̇и вуд̇д̇ам̣. г̇ун̣ависзсанзмид̇д̇игаанзва хи бхаг̇авад̇о саб̣б̣аани наамаани. яат̇ааха –

    Yehi guṇavisesehi nimittabhūtehi bhagavati ‘‘tathāgato’’ti ayaṃ samaññā pavattā, taṃdassanatthaṃ ‘‘aṭṭhahi kāraṇehi bhagavā tathāgato’’tiādi vuttaṃ. Guṇavisesanemittikāneva hi bhagavato sabbāni nāmāni. Yathāha –

    ‘‘асан̇кязяяаани наамаани, саг̇ун̣зна махзсино;

    ‘‘Asaṅkhyeyyāni nāmāni, saguṇena mahesino;

    г̇ун̣зна наамамуд̣̇д̇хзяяам̣, аби наамасахассад̇о’’д̇и. (д̇ха. са. адта. 1313; уд̣̇аа. адта. 53; бади. ма. адта. 1.1.76);

    Guṇena nāmamuddheyyaṃ, api nāmasahassato’’ti. (dha. sa. aṭṭha. 1313; udā. aṭṭha. 53; paṭi. ma. aṭṭha. 1.1.76);

    д̇ат̇аа ааг̇ад̇од̇и зд̇т̇а аагааранияаманавасзна обаммасамбадибаад̣̇анад̇т̇о д̇ат̇аа-сад̣̇д̣̇о. сааман̃н̃аж̇од̇анааби хи висзсз авад̇идтад̇ийд̇и. бадибад̣̇ааг̇аманад̇т̇о ааг̇ад̇а-сад̣̇д̣̇о, на н̃аан̣аг̇аманад̇т̇о ‘‘д̇ат̇алагкан̣ам̣ ааг̇ад̇о’’д̇иаад̣̇ийсу (д̣̇ий. ни. адта. 1.7; ма. ни. адта. 1.12; сам̣. ни. адта. 2.3.78; а. ни. адта. 1.1.170; уд̣̇аа. адта. 18) вияа, нааби гааяаг̇аманад̇т̇о ‘‘ааг̇ад̇о ко махаасаман̣о, маг̇ад̇хаанам̣ г̇ириб̣б̣аж̇а’’нд̇иаад̣̇ийсу (махаава. 63) вияа. д̇ад̇т̇а яад̣̇аагааранияаманавасзна обаммасамбадибаад̣̇анад̇т̇о д̇ат̇аа-сад̣̇д̣̇о, д̇ам̣гарун̣аабад̇хаанад̇д̇аа махаагарун̣аамукзна буримаб̣уд̣̇д̇хаанам̣ ааг̇аманаббадибад̣̇ам̣ уд̣̇аахаран̣авасзна сааман̃н̃ад̇о д̣̇ассзнд̇о яам̣-д̇ам̣-сад̣̇д̣̇аанам̣ зганд̇асамб̣анд̇хабхаавад̇о ‘‘яат̇аа саб̣б̣алога…бз… ааг̇ад̇аа’’д̇и саад̇хааран̣ад̇о вад̇ваа буна д̇ам̣ бадибад̣̇ам̣ махаабад̇хаанасуд̇д̇аад̣̇ийсу (д̣̇ий. ни. 2.1 аад̣̇аяо) самб̣ахуланид̣̇д̣̇зсзна субаагадаанам̣ аасаннаанан̃жа вибассиаад̣̇ийнам̣ чаннам̣ саммаасамб̣уд̣̇д̇хаанам̣ васзна нид̣̇ассзнд̇о ‘‘яат̇аа вибассий бхаг̇аваа’’д̇иаад̣̇имааха. д̇ад̇т̇а язна абхинийхаарзнаад̇и мануссад̇д̇алин̇г̇асамбад̇д̇ихзд̇усад̇т̇уд̣̇ассанабаб̣б̣аж̇ж̇ааабхин̃н̃аад̣̇иг̇ун̣асамбад̇д̇иад̇хигааражчанд̣̇аанам̣ васзна адтан̇г̇асаманнааг̇ад̇зна махаабан̣ид̇хаанзна. саб̣б̣зсан̃хи б̣уд̣̇д̇хаанам̣ гааяаббан̣ид̇хаанам̣ иминаава абхинийхаарзна самиж̇жхад̇ийд̇и. звам̣ махаабхинийхаарависзсзна ‘‘д̇ат̇ааг̇ад̇о’’д̇и бад̣̇асса ад̇т̇ам̣ д̣̇ассзд̇ваа ид̣̇аани баарамибууран̣авасзна д̣̇ассзд̇ум̣ – ‘‘яат̇аа вибассий бхаг̇аваа…бз… гассабо бхаг̇аваа д̣̇аанабаарамим̣ буурзд̇ваа’’д̇иаад̣̇имааха.

    Tathā āgatoti ettha ākāraniyamanavasena opammasampaṭipādanattho tathā-saddo. Sāmaññajotanāpi hi visese avatiṭṭhatīti. Paṭipadāgamanattho āgata-saddo, na ñāṇagamanattho ‘‘tathalakkhaṇaṃ āgato’’tiādīsu (dī. ni. aṭṭha. 1.7; ma. ni. aṭṭha. 1.12; saṃ. ni. aṭṭha. 2.3.78; a. ni. aṭṭha. 1.1.170; udā. aṭṭha. 18) viya, nāpi kāyagamanattho ‘‘āgato kho mahāsamaṇo, magadhānaṃ giribbaja’’ntiādīsu (mahāva. 63) viya. Tattha yadākāraniyamanavasena opammasampaṭipādanattho tathā-saddo, taṃkaruṇāpadhānattā mahākaruṇāmukhena purimabuddhānaṃ āgamanappaṭipadaṃ udāharaṇavasena sāmaññato dassento yaṃ-taṃ-saddānaṃ ekantasambandhabhāvato ‘‘yathā sabbaloka…pe… āgatā’’ti sādhāraṇato vatvā puna taṃ paṭipadaṃ mahāpadhānasuttādīsu (dī. ni. 2.1 ādayo) sambahulaniddesena supākaṭānaṃ āsannānañca vipassiādīnaṃ channaṃ sammāsambuddhānaṃ vasena nidassento ‘‘yathā vipassī bhagavā’’tiādimāha. Tattha yena abhinīhārenāti manussattaliṅgasampattihetusatthudassanapabbajjāabhiññādiguṇasampattiadhikāracchandānaṃ vasena aṭṭhaṅgasamannāgatena mahāpaṇidhānena. Sabbesañhi buddhānaṃ kāyappaṇidhānaṃ imināva abhinīhārena samijjhatīti. Evaṃ mahābhinīhāravisesena ‘‘tathāgato’’ti padassa atthaṃ dassetvā idāni pāramipūraṇavasena dassetuṃ – ‘‘yathā vipassī bhagavā…pe… kassapo bhagavā dānapāramiṃ pūretvā’’tiādimāha.

    зд̇т̇а жа суд̇д̇анд̇игаанам̣ махааб̣од̇хиббадибад̣̇ааяа госаллаж̇ананад̇т̇ам̣ гаа банзд̇аа баарамияо, гзнадтзна баарамияо, гад̇ивид̇хаа жзд̇аа, го д̇аасам̣ гамо, гаани лагкан̣арасабажжубадтаанабад̣̇адтаанаани, го бажжаяо, го сам̣гилзсо, гим̣ вод̣̇аанам̣, го бадибагко, гаа бадибад̇д̇и, го вибхааг̇о, го сан̇г̇ахо, го самбаад̣̇ануубааяо, гид̇д̇агзна гаалзна самбаад̣̇анам̣, го аанисам̣со, гин̃жзд̇аасам̣ паланд̇и баарамийсу аяам̣ вид̇т̇аарагат̇аа взд̣̇ид̇аб̣б̣аа. саа банзсаа ижчанд̇зна д̣̇ийгхааг̇амадийгааяам̣ (д̣̇ий. ни. дий. 1.7) вуд̇д̇анаязнзва взд̣̇ид̇аб̣б̣аа, на ид̇ха д̣̇ассид̇аа. яат̇аавуд̇д̇ааяа бадибад̣̇ааяа яат̇аавуд̇д̇авибхааг̇аанам̣ баарамийнам̣ буурид̇абхаавам̣ санд̇хааяааха – ‘‘самад̇им̣са баарамияо буурзд̇ваа’’д̇и.

    Ettha ca suttantikānaṃ mahābodhippaṭipadāya kosallajananatthaṃ kā panetā pāramiyo, kenaṭṭhena pāramiyo, katividhā cetā, ko tāsaṃ kamo, kāni lakkhaṇarasapaccupaṭṭhānapadaṭṭhānāni, ko paccayo, ko saṃkileso, kiṃ vodānaṃ, ko paṭipakkho, kā paṭipatti, ko vibhāgo, ko saṅgaho, ko sampādanūpāyo, kittakena kālena sampādanaṃ, ko ānisaṃso, kiñcetāsaṃ phalanti pāramīsu ayaṃ vitthārakathā veditabbā. Sā panesā icchantena dīghāgamaṭīkāyaṃ (dī. ni. ṭī. 1.7) vuttanayeneva veditabbā, na idha dassitā. Yathāvuttāya paṭipadāya yathāvuttavibhāgānaṃ pāramīnaṃ pūritabhāvaṃ sandhāyāha – ‘‘samatiṃsa pāramiyo pūretvā’’ti.

    сад̇иби махаабарижжааг̇аанам̣ д̣̇аанабаарамибхаавз барижжааг̇ависзсабхаавад̣̇ассанад̇т̇ан̃жзва суд̣̇уггарабхаавад̣̇ассанад̇т̇ан̃жа махаабарижжааг̇зхи висум̣ г̇ахан̣ам̣. д̇ад̇оязва жа ан̇г̇абарижжааг̇ад̇о висум̣ наяанабарижжааг̇аг̇г̇ахан̣ам̣, барижжааг̇абхаавасааман̃н̃зби д̇ханараж̇ж̇абарижжааг̇ад̇о буд̇д̇ад̣̇аарабарижжааг̇аг̇г̇ахан̣ан̃жа гад̇ам̣. г̇ад̇абажжааг̇ад̇игавад̇д̇асан̇каад̇ааяа буб̣б̣абхааг̇аббадибад̣̇ааяа сад̣̇д̇хим̣ абхин̃н̃аасамаабад̇д̇инибпаад̣̇анам̣ буб̣б̣аяог̇о. д̣̇аанаад̣̇ийсуязва саад̇исаяаббадибад̇д̇инибпаад̣̇анам̣ буб̣б̣ажарияаа, яаа ваа жарияаабидагасан̇г̇ахид̇аа. ‘‘абхинийхааро буб̣б̣аяог̇о, д̣̇аанаад̣̇иббадибад̇д̇и ваа гааяавивзгавасзна згажарияаа ваа буб̣б̣ажарияаа’’д̇и гзжи. д̣̇аанаад̣̇ийнан̃жзва аббижчад̇аад̣̇ийнан̃жа сам̣саараниб̣б̣аанзсу аад̣̇ийнаваанисам̣саанан̃жа вибхааванавасзна сад̇д̇аанам̣ б̣од̇хид̇д̇аяз бад̇идтаабанабарибаажанавасзна жа бавад̇д̇аа гат̇аа д̇хаммагкаанам̣. н̃аад̇ийнам̣ ад̇т̇ажарияаа н̃аад̇ад̇т̇ажарияаа. сааби гарун̣ааяанавасзнзва. аад̣̇и-сад̣̇д̣̇зна логад̇т̇ажарияаад̣̇аяо сан̇г̇ан̣хаад̇и. гаммассагад̇ан̃аан̣авасзна анаваж̇ж̇агаммааяад̇анасиббааяад̇анавиж̇ж̇аадтаанабарижаяавасзна канд̇хааяад̇анаад̣̇ибарижаяавасзна лагкан̣ад̇д̇аяад̇ийран̣авасзна жа н̃аан̣ажааро б̣уд̣̇д̇хижарияаа. саа бана ад̇т̇ад̇о бан̃н̃аабаарамийязва, н̃аан̣асамбхаарад̣̇ассанад̇т̇ам̣ висум̣ г̇ахан̣ам̣. годийд̇и барияанд̇о, уггам̣сод̇и ад̇т̇о. жад̇д̇ааро сад̇ибадтаанз бхаавзд̇ваад̇и самб̣анд̇хо. д̇ад̇т̇а бхаавзд̇ваад̇и уббаад̣̇зд̇ваа. б̣руухзд̇ваад̇и вад̣дхзд̇ваа. сад̇ибадтаанаад̣̇иг̇г̇ахан̣зна ааг̇аманаббадибад̣̇ам̣ мад̇т̇агам̣ баабзд̇ваа д̣̇ассзд̇и. вибассанаасахаг̇ад̇аа зва ваа сад̇ибадтаанаад̣̇аяо д̣̇адтаб̣б̣аа. зд̇т̇а жа ‘‘язна абхинийхаарзнаа’’д̇иаад̣̇инаа ааг̇аманаббадибад̣̇ааяа аад̣̇им̣ д̣̇ассзд̇и, ‘‘д̣̇аанабаарами’’нд̇иаад̣̇инаа маж̇жхам̣, ‘‘жад̇д̇ааро сад̇ибадтаанз’’д̇иаад̣̇инаа барияосаананд̇и взд̣̇ид̇аб̣б̣ам̣.

    Satipi mahāpariccāgānaṃ dānapāramibhāve pariccāgavisesabhāvadassanatthañceva sudukkarabhāvadassanatthañca mahāpariccāgehi visuṃ gahaṇaṃ. Tatoyeva ca aṅgapariccāgato visuṃ nayanapariccāgaggahaṇaṃ, pariccāgabhāvasāmaññepi dhanarajjapariccāgato puttadārapariccāgaggahaṇañca kataṃ. Gatapaccāgatikavattasaṅkhātāya pubbabhāgappaṭipadāya saddhiṃ abhiññāsamāpattinipphādanaṃ pubbayogo. Dānādīsuyeva sātisayappaṭipattinipphādanaṃ pubbacariyā, yā vā cariyāpiṭakasaṅgahitā. ‘‘Abhinīhāro pubbayogo, dānādippaṭipatti vā kāyavivekavasena ekacariyā vā pubbacariyā’’ti keci. Dānādīnañceva appicchatādīnañca saṃsāranibbānesu ādīnavānisaṃsānañca vibhāvanavasena sattānaṃ bodhittaye patiṭṭhāpanaparipācanavasena ca pavattā kathā dhammakkhānaṃ. Ñātīnaṃ atthacariyā ñātatthacariyā. Sāpi karuṇāyanavaseneva. Ādi-saddena lokatthacariyādayo saṅgaṇhāti. Kammassakatañāṇavasena anavajjakammāyatanasippāyatanavijjāṭṭhānaparicayavasena khandhāyatanādiparicayavasena lakkhaṇattayatīraṇavasena ca ñāṇacāro buddhicariyā. Sā pana atthato paññāpāramīyeva, ñāṇasambhāradassanatthaṃ visuṃ gahaṇaṃ. Koṭīti pariyanto, ukkaṃsoti attho. Cattāro satipaṭṭhāne bhāvetvāti sambandho. Tattha bhāvetvāti uppādetvā. Brūhetvāti vaḍḍhetvā. Satipaṭṭhānādiggahaṇena āgamanappaṭipadaṃ matthakaṃ pāpetvā dasseti. Vipassanāsahagatā eva vā satipaṭṭhānādayo daṭṭhabbā. Ettha ca ‘‘yena abhinīhārenā’’tiādinā āgamanappaṭipadāya ādiṃ dasseti, ‘‘dānapārami’’ntiādinā majjhaṃ, ‘‘cattāro satipaṭṭhāne’’tiādinā pariyosānanti veditabbaṃ.

    самбад̇иж̇аад̇од̇и мухуд̇д̇аж̇аад̇о нигканд̇амад̇д̇о. нигканд̇амад̇д̇ан̃хи махаасад̇д̇ам̣ батамам̣ б̣рахмаано суван̣н̣аж̇аалзна бадиг̇г̇ан̣хим̣су, д̇зсам̣ хад̇т̇ад̇о жад̇д̇ааро махаарааж̇аано аж̇инаббавзн̣ияаа, д̇зсам̣ хад̇т̇ад̇о мануссаа д̣̇угуулажумб̣адагзна бадиг̇г̇ан̣хим̣су, мануссаанам̣ хад̇т̇ад̇о мужжид̇ваа бат̇авияам̣ бад̇идтид̇о. яат̇аахаад̇иаад̣̇инаа махаабад̣̇аанад̣̇зсанааяа вуд̇д̇аважанам̣ нид̣̇ассзд̇и. сзд̇амхи чад̇д̇зд̇и д̣̇иб̣б̣асзд̇ажчад̇д̇з. ануд̇хаарияамаанзд̇и д̇хаарияамаанз. зд̇т̇а жа чад̇д̇аг̇г̇ахан̣знзва каг̇г̇аад̣̇ийни бан̃жа гагуд̇хабхан̣д̣аани вуд̇д̇аанзваад̇и д̣̇адтаб̣б̣ам̣. каг̇г̇ад̇аалаван̣даморахад̇т̇агаваалаб̣ийж̇аниун̣хийсабаддааби хи чад̇д̇зна саха д̇ад̣̇аа убадтид̇аа ахзсум̣. чад̇д̇аад̣̇ийниязва жа д̇ад̣̇аа бан̃н̃ааяим̣су, на чад̇д̇аад̣̇иг̇г̇аахагаа. саб̣б̣аа жа д̣̇исаад̇и д̣̇аса д̣̇исаа, наяид̣̇ам̣ саб̣б̣ад̣̇исаавилоганам̣ сад̇д̇абад̣̇авийд̇ихааруд̇д̇арагаалам̣. махаасад̇д̇о хи мануссаанам̣ хад̇т̇ад̇о мужжид̇ваа бурад̇т̇имам̣ д̣̇исам̣ ологзси, д̇ад̇т̇а д̣̇звамануссаа г̇анд̇хамаалаад̣̇ийхи бууж̇аяамаанаа, ‘‘махаабуриса, ид̇ха д̇умхзхи сад̣̇исоби над̇т̇и, гуд̇о уд̇д̇арид̇аро’’д̇и аахам̣су. звам̣ жад̇ассо д̣̇исаа жад̇ассо ануд̣̇исаа хздтаа убарийд̇и саб̣б̣аа д̣̇исаа анувилогзд̇ваа саб̣б̣ад̇т̇а ад̇д̇анаа сад̣̇исам̣ ад̣̇исваа ‘‘аяам̣ уд̇д̇араа д̣̇исаа’’д̇и сад̇д̇абад̣̇авийд̇ихаарзна аг̇амааси. аасабхинд̇и уд̇д̇амам̣. аг̇г̇од̇и саб̣б̣абатамо. ж̇здтод̇и сздтод̇и жа д̇ассзва взважанам̣. аяаманд̇имаа ж̇аад̇и, над̇т̇и д̣̇аани бунаб̣бхавод̇и имасмим̣ ад̇д̇абхаавз бад̇д̇аб̣б̣ам̣ арахад̇д̇ам̣ б̣яаагааси. ‘‘анзгзсам̣ висзсаад̇хиг̇амаанам̣ буб̣б̣анимид̇д̇абхаавзнаа’’д̇и сам̣кид̇д̇зна вуд̇д̇амад̇т̇ам̣ ‘‘яан̃хий’’д̇иаад̣̇инаа вид̇т̇аарад̇о д̣̇ассзд̇и. д̇ад̇т̇а зд̇т̇аад̇и –

    Sampatijātoti muhuttajāto nikkhantamatto. Nikkhantamattañhi mahāsattaṃ paṭhamaṃ brahmāno suvaṇṇajālena paṭiggaṇhiṃsu, tesaṃ hatthato cattāro mahārājāno ajinappaveṇiyā, tesaṃ hatthato manussā dukūlacumbaṭakena paṭiggaṇhiṃsu, manussānaṃ hatthato muccitvā pathaviyaṃ patiṭṭhito. Yathāhātiādinā mahāpadānadesanāya vuttavacanaṃ nidasseti. Setamhi chatteti dibbasetacchatte. Anudhāriyamāneti dhāriyamāne. Ettha ca chattaggahaṇeneva khaggādīni pañca kakudhabhaṇḍāni vuttānevāti daṭṭhabbaṃ. Khaggatālavaṇṭamorahatthakavālabījaniuṇhīsapaṭṭāpi hi chattena saha tadā upaṭṭhitā ahesuṃ. Chattādīniyeva ca tadā paññāyiṃsu, na chattādiggāhakā. Sabbā ca disāti dasa disā, nayidaṃ sabbadisāvilokanaṃ sattapadavītihāruttarakālaṃ. Mahāsatto hi manussānaṃ hatthato muccitvā puratthimaṃ disaṃ olokesi, tattha devamanussā gandhamālādīhi pūjayamānā, ‘‘mahāpurisa, idha tumhehi sadisopi natthi, kuto uttaritaro’’ti āhaṃsu. Evaṃ catasso disā catasso anudisā heṭṭhā uparīti sabbā disā anuviloketvā sabbattha attanā sadisaṃ adisvā ‘‘ayaṃ uttarā disā’’ti sattapadavītihārena agamāsi. Āsabhinti uttamaṃ. Aggoti sabbapaṭhamo. Jeṭṭhoti seṭṭhoti ca tasseva vevacanaṃ. Ayamantimā jāti, natthi dāni punabbhavoti imasmiṃ attabhāve pattabbaṃ arahattaṃ byākāsi. ‘‘Anekesaṃ visesādhigamānaṃ pubbanimittabhāvenā’’ti saṃkhittena vuttamatthaṃ ‘‘yañhī’’tiādinā vitthārato dasseti. Tattha etthāti –

    ‘‘анзгасаакан̃жа сахассаман̣д̣алам̣,

    ‘‘Anekasākhañca sahassamaṇḍalaṃ,

    чад̇д̇ам̣ маруу д̇хаараяуманд̇алигкз;

    Chattaṃ marū dhārayumantalikkhe;

    суван̣н̣ад̣̇ан̣д̣аа вийд̇ибад̇анд̇и жаамараа,

    Suvaṇṇadaṇḍā vītipatanti cāmarā,

    на д̣̇иссарз жаамарачад̇д̇аг̇аахагаа’’д̇и. (су. ни. 693) –

    Na dissare cāmarachattagāhakā’’ti. (su. ni. 693) –

    имиссаа г̇аат̇ааяа. саб̣б̣ан̃н̃уд̇ан̃н̃аан̣амзва саб̣б̣ад̇т̇а аббадихад̇ажаарад̇ааяа анааваран̣ан̃аан̣анд̇и ааха – ‘‘саб̣б̣ан̃н̃уд̇аанааваран̣ан̃аан̣абадилаабхассаа’’д̇и. д̇ат̇аа аяам̣ бхаг̇авааби г̇ад̇о…бз… буб̣б̣анимид̇д̇абхаавзнаад̇и зд̇зна абхиж̇аад̇ияам̣ д̇хаммад̇аавасзна уббаж̇ж̇анагависзсаа саб̣б̣аб̣од̇хисад̇д̇аанам̣ саад̇хааран̣аад̇и д̣̇ассзд̇и. баарамид̇ааниссанд̣̇аа хи д̇зд̇и.

    Imissā gāthāya. Sabbaññutaññāṇameva sabbattha appaṭihatacāratāya anāvaraṇañāṇanti āha – ‘‘sabbaññutānāvaraṇañāṇapaṭilābhassā’’ti. Tathā ayaṃ bhagavāpi gato…pe… pubbanimittabhāvenāti etena abhijātiyaṃ dhammatāvasena uppajjanakavisesā sabbabodhisattānaṃ sādhāraṇāti dasseti. Pāramitānissandā hi teti.

    виггамийд̇и аг̇амааси. марууд̇и д̣̇зваа. самаад̇и вилоганасамад̇ааяа самаа сад̣̇исияо. махаабурисо хи яат̇аа згам̣ д̣̇исам̣ вилогзси, звам̣ сзсад̣̇исааби, на гад̇т̇ажи вилоганз виб̣анд̇хо д̇асса ахосийд̇и. самаад̇и ваа вилогзд̇ум̣ яуд̇д̇аад̇и ад̇т̇о. на хи д̇ад̣̇аа б̣од̇хисад̇д̇асса вируубаб̣ийбхажчависамаруубаани вилогзд̇ум̣ аяуд̇д̇аани д̣̇исаасу убадтаханд̇ийд̇и.

    Vikkamīti agamāsi. Marūti devā. Samāti vilokanasamatāya samā sadisiyo. Mahāpuriso hi yathā ekaṃ disaṃ vilokesi, evaṃ sesadisāpi, na katthaci vilokane vibandho tassa ahosīti. Samāti vā viloketuṃ yuttāti attho. Na hi tadā bodhisattassa virūpabībhacchavisamarūpāni viloketuṃ ayuttāni disāsu upaṭṭhahantīti.

    ‘‘звам̣ д̇ат̇аа г̇ад̇о’’д̇и гааяаг̇аманадтзна г̇ад̇асад̣̇д̣̇зна д̇ат̇ааг̇ад̇асад̣̇д̣̇ам̣ нид̣̇д̣̇исид̇ваа ид̣̇аани н̃аан̣аг̇аманадтзна д̇ам̣ д̣̇ассзд̇ум̣ – ‘‘ат̇а ваа’’д̇иаад̣̇имааха. д̇ад̇т̇а нзгкаммзнаад̇и алобхаббад̇хаанзна гусалажид̇д̇уббаад̣̇зна. гусалаа хи д̇хаммаа ид̇ха нзгкаммам̣, на баб̣б̣аж̇ж̇аад̣̇аяо. ‘‘батамаж̇жхаанзнаа’’д̇и жа вад̣̇анд̇и. бахааяаад̇и баж̇ахид̇ваа. г̇ад̇о ад̇хиг̇ад̇о, бадибанно уд̇д̇аривисзсанд̇и ад̇т̇о. бахааяаад̇и ваа бахаанахзд̇у, бахааналагкан̣ам̣ ваа. хзд̇улагкан̣ад̇т̇о хи аяам̣ бахааяасад̣̇д̣̇о. гаамажчанд̣̇аад̣̇иббахаанахзд̇уган̃хи ‘‘г̇ад̇о’’д̇и зд̇т̇а вуд̇д̇ам̣ г̇аманам̣ аваб̣од̇хо, бадибад̇д̇и зва ваа гаамажчанд̣̇аад̣̇иббахаанзна жа лагкийяад̇и. зса наяо бад̣̇аалзд̇ваад̇иаад̣̇ийсуби. аб̣яаабаад̣̇знаад̇и мзд̇д̇ааяа. аалогасан̃н̃ааяаад̇и вибхууд̇ам̣ гад̇ваа манасигаран̣зна убадтид̇ааалогасан̃ж̇аананзна. авигкзбзнаад̇и самаад̇хинаа. д̇хаммававад̇т̇аанзнаад̇и гусалаад̣̇ид̇хаммаанам̣ яаат̇ааванижчаязна. ‘‘саббажжаяанаамаруубававад̇т̇аанзнаа’’д̇иби вад̣̇анд̇и. звам̣ гаамажчанд̣̇аад̣̇инийваран̣аббахаанзна ‘‘абхиж̇жхам̣ логз бахааяаа’’д̇иаад̣̇инаа (вибха. 508) вуд̇д̇ааяа батамаж̇жхаанасса буб̣б̣абхааг̇аббадибад̣̇ааяа бхаг̇авад̇о д̇ат̇ааг̇ад̇абхаавам̣ д̣̇ассзд̇ваа ид̣̇аани саха убааязна адтахи самаабад̇д̇ийхи адтаарасахи жа махаавибассанаахи д̇ам̣ д̣̇ассзд̇ум̣ – ‘‘н̃аан̣знаа’’д̇иаад̣̇имааха. наамаруубабариг̇г̇ахаган̇каавид̇аран̣аанан̃хи виб̣анд̇хабхууд̇асса мохасса д̣̇уурийгаран̣зна н̃аад̇абарин̃н̃ааяам̣ тид̇асса анижжасан̃н̃аад̣̇аяо сиж̇жханд̇и, д̇ат̇аа жхаанасамаабад̇д̇ийсу абхирад̇инимид̇д̇зна баамож̇ж̇зна д̇ад̇т̇а анабхирад̇ияаа винод̣̇ид̇ааяа жхаанаад̣̇ийнам̣ самад̇хиг̇амод̇и самаабад̇д̇ивибассанаанам̣ арад̇ивинод̣̇анаавиж̇ж̇аабад̣̇ааланаад̣̇иубааяо, уббадибаадинид̣̇д̣̇зсо бана нийваран̣асабхаавааяа авиж̇ж̇ааяа хздтаа нийваран̣зсуби сан̇г̇ахад̣̇ассанад̇т̇анд̇и д̣̇адтаб̣б̣о. самаабад̇д̇ивихаараббавзсавиб̣анд̇ханзна нийваран̣аани гаваадасад̣̇исаанийд̇и ааха – ‘‘нийваран̣агаваадам̣ уг̇гхаадзд̇ваа’’д̇и.

    ‘‘Evaṃ tathā gato’’ti kāyagamanaṭṭhena gatasaddena tathāgatasaddaṃ niddisitvā idāni ñāṇagamanaṭṭhena taṃ dassetuṃ – ‘‘atha vā’’tiādimāha. Tattha nekkhammenāti alobhappadhānena kusalacittuppādena. Kusalā hi dhammā idha nekkhammaṃ, na pabbajjādayo. ‘‘Paṭhamajjhānenā’’ti ca vadanti. Pahāyāti pajahitvā. Gato adhigato, paṭipanno uttarivisesanti attho. Pahāyāti vā pahānahetu, pahānalakkhaṇaṃ vā. Hetulakkhaṇattho hi ayaṃ pahāyasaddo. Kāmacchandādippahānahetukañhi ‘‘gato’’ti ettha vuttaṃ gamanaṃ avabodho, paṭipatti eva vā kāmacchandādippahānena ca lakkhīyati. Esa nayo padāletvātiādīsupi. Abyāpādenāti mettāya. Ālokasaññāyāti vibhūtaṃ katvā manasikaraṇena upaṭṭhitaālokasañjānanena. Avikkhepenāti samādhinā. Dhammavavatthānenāti kusalādidhammānaṃ yāthāvanicchayena. ‘‘Sappaccayanāmarūpavavatthānenā’’tipi vadanti. Evaṃ kāmacchandādinīvaraṇappahānena ‘‘abhijjhaṃ loke pahāyā’’tiādinā (vibha. 508) vuttāya paṭhamajjhānassa pubbabhāgappaṭipadāya bhagavato tathāgatabhāvaṃ dassetvā idāni saha upāyena aṭṭhahi samāpattīhi aṭṭhārasahi ca mahāvipassanāhi taṃ dassetuṃ – ‘‘ñāṇenā’’tiādimāha. Nāmarūpapariggahakaṅkhāvitaraṇānañhi vibandhabhūtassa mohassa dūrīkaraṇena ñātapariññāyaṃ ṭhitassa aniccasaññādayo sijjhanti, tathā jhānasamāpattīsu abhiratinimittena pāmojjena tattha anabhiratiyā vinoditāya jhānādīnaṃ samadhigamoti samāpattivipassanānaṃ arativinodanaavijjāpadālanādiupāyo, uppaṭipāṭiniddeso pana nīvaraṇasabhāvāya avijjāya heṭṭhā nīvaraṇesupi saṅgahadassanatthanti daṭṭhabbo. Samāpattivihārappavesavibandhanena nīvaraṇāni kavāṭasadisānīti āha – ‘‘nīvaraṇakavāṭaṃ ugghāṭetvā’’ti.

    ‘‘рад̇д̇им̣ вид̇аггзд̇ваа вижаарзд̇ваа д̣̇иваа гамманд̇з баяож̇зд̇ий’’д̇и (ма. ни. 1.251) вуд̇д̇адтаанз вид̇аггавижаараа д̇хуумааяанаа ад̇хиббзд̇аад̇и ааха – ‘‘вид̇аггавижаарад̇хуума’’нд̇и. гин̃жааби батамаж̇жхаануубажаарзязва д̣̇угкам̣, жад̇уд̇т̇аж̇жхаанобажаарзязва жа сукам̣ бахийяад̇и, ад̇исаяаббахаанам̣ бана санд̇хааяааха – ‘‘жад̇уд̇т̇аж̇жхаанзна сукад̣̇угкам̣ бахааяаа’’д̇и. руубасан̃н̃аад̇и сан̃н̃аасийсзна руубааважараж̇жхаанаани жзва д̇ад̣̇аарамман̣аани жа вуд̇д̇аани. руубааважараж̇жхаанамби хи ‘‘рууба’’нд̇и вужжад̇и уд̇д̇арабад̣̇алобзна ‘‘руубий руубаани бассад̇ий’’д̇иаад̣̇ийсу (ма. ни. 2.248; 3.312; д̇ха. са. 248; бади. ма. 1.209). д̇асса аарамман̣амби гасин̣аруубам̣ ‘‘рууба’’нд̇и вужжад̇и буримабад̣̇алобзна ‘‘б̣ахид̣̇д̇хаа руубаани бассад̇и суван̣н̣ад̣̇уб̣б̣ан̣н̣ааний’’д̇иаад̣̇ийсу (д̣̇ий. ни. 2.173-174; ма. ни. 2.249; д̇ха. са. 244-245). д̇асмаа ид̇ха руубз руубаж̇жхаанз д̇ам̣сахаг̇ад̇асан̃н̃аа руубасан̃н̃аад̇и звам̣ сан̃н̃аасийсзна руубааважараж̇жхаанаани вуд̇д̇аани. руубам̣ сан̃н̃аа ассаад̇и руубасан̃н̃ам̣, руубасса нааманд̇и вуд̇д̇ам̣ ход̇и. звам̣ бат̇авийгасин̣аад̣̇ибхзд̣̇асса д̇ад̣̇аарамман̣асса жзд̇ам̣ ад̇хиважананд̇и взд̣̇ид̇аб̣б̣ам̣. бадигхасан̃н̃аад̇и жагкаад̣̇ийнам̣ вад̇т̇уунам̣ руубаад̣̇ийнам̣ аарамман̣аанан̃жа бадигхаад̇зна бадихананзна висаяивисаяасамод̇хаанз самуббаннаа д̣̇вибан̃жавин̃н̃аан̣асахаг̇ад̇аа сан̃н̃аа бадигхасан̃н̃аа. наанад̇д̇асан̃н̃ааяод̇и наанад̇д̇з г̇ожарз бавад̇д̇аа сан̃н̃аа, наанад̇д̇аа ваа сан̃н̃аа наанад̇д̇асан̃н̃аа, адта гаамааважарагусаласан̃н̃аа, д̣̇ваад̣̇аса агусаласан̃н̃аа, згаад̣̇аса гаамааважарагусалавибаагасан̃н̃аа, д̣̇вз агусалавибаагасан̃н̃аа, згаад̣̇аса гаамааважарагирияасан̃н̃аад̇и зд̇аасам̣ жад̇ужад̇д̇аалийсасан̃н̃аанамзд̇ам̣ ад̇хиважанам̣. зд̇аа хи яасмаа руубасан̃н̃аад̣̇ибхзд̣̇з наанад̇д̇з наанаасабхаавз г̇ожарз бавад̇д̇анд̇и, яасмаа жа наанад̇д̇аа наанаасабхааваа ан̃н̃аман̃н̃ам̣ асад̣̇исаа, д̇асмаа ‘‘наанад̇д̇асан̃н̃аа’’д̇и вужжанд̇и.

    ‘‘Rattiṃ vitakketvā vicāretvā divā kammante payojetī’’ti (ma. ni. 1.251) vuttaṭṭhāne vitakkavicārā dhūmāyanā adhippetāti āha – ‘‘vitakkavicāradhūma’’nti. Kiñcāpi paṭhamajjhānūpacāreyeva dukkhaṃ, catutthajjhānopacāreyeva ca sukhaṃ pahīyati, atisayappahānaṃ pana sandhāyāha – ‘‘catutthajjhānena sukhadukkhaṃ pahāyā’’ti. Rūpasaññāti saññāsīsena rūpāvacarajjhānāni ceva tadārammaṇāni ca vuttāni. Rūpāvacarajjhānampi hi ‘‘rūpa’’nti vuccati uttarapadalopena ‘‘rūpī rūpāni passatī’’tiādīsu (ma. ni. 2.248; 3.312; dha. sa. 248; paṭi. ma. 1.209). Tassa ārammaṇampi kasiṇarūpaṃ ‘‘rūpa’’nti vuccati purimapadalopena ‘‘bahiddhā rūpāni passati suvaṇṇadubbaṇṇānī’’tiādīsu (dī. ni. 2.173-174; ma. ni. 2.249; dha. sa. 244-245). Tasmā idha rūpe rūpajjhāne taṃsahagatasaññā rūpasaññāti evaṃ saññāsīsena rūpāvacarajjhānāni vuttāni. Rūpaṃ saññā assāti rūpasaññaṃ, rūpassa nāmanti vuttaṃ hoti. Evaṃ pathavīkasiṇādibhedassa tadārammaṇassa cetaṃ adhivacananti veditabbaṃ. Paṭighasaññāti cakkhādīnaṃ vatthūnaṃ rūpādīnaṃ ārammaṇānañca paṭighātena paṭihananena visayivisayasamodhāne samuppannā dvipañcaviññāṇasahagatā saññā paṭighasaññā. Nānattasaññāyoti nānatte gocare pavattā saññā, nānattā vā saññā nānattasaññā, aṭṭha kāmāvacarakusalasaññā, dvādasa akusalasaññā, ekādasa kāmāvacarakusalavipākasaññā, dve akusalavipākasaññā, ekādasa kāmāvacarakiriyasaññāti etāsaṃ catucattālīsasaññānametaṃ adhivacanaṃ. Etā hi yasmā rūpasaññādibhede nānatte nānāsabhāve gocare pavattanti, yasmā ca nānattā nānāsabhāvā aññamaññaṃ asadisā, tasmā ‘‘nānattasaññā’’ti vuccanti.

    анижжасса, анижжанд̇и ваа анубассанаа анижжаанубассанаа, д̇збхуумагад̇хаммаанам̣ анижжад̇ам̣ г̇ахзд̇ваа бавад̇д̇ааяа анубассанааязд̇ам̣ наамам̣. нижжасан̃н̃анд̇и сан̇кад̇ад̇хаммз ‘‘нижжаа сассад̇аа’’д̇и бавад̇д̇ам̣ мижчаасан̃н̃ам̣. сан̃н̃аасийсзна д̣̇идтижид̇д̇аанамби г̇ахан̣ам̣ д̣̇адтаб̣б̣ам̣. зса наяо ид̇о барзсуби. ниб̣б̣ид̣̇аанубассанааяаад̇и сан̇каарзсу ниб̣б̣иж̇ж̇анаагаарзна бавад̇д̇ааяа анубассанааяа. нанд̣̇инд̇и саббийд̇игад̇ан̣хам̣. вирааг̇аанубассанааяаад̇и сан̇каарзсу вираж̇ж̇анаагаарзна бавад̇д̇ааяа анубассанааяа. нирод̇хаанубассанааяаад̇и сан̇каараанам̣ нирод̇хасса анубассанааяа. ‘‘д̇з сан̇каараа нируж̇жханд̇иязва, ааяад̇им̣ самуд̣̇аяавасзна на уббаж̇ж̇анд̇ий’’д̇и звам̣ ваа анубассанаа нирод̇хаанубассанаа. д̇знзвааха – ‘‘нирод̇хаанубассанааяа нирод̇хзд̇и, но самуд̣̇зд̇ий’’д̇и. мужжид̇угамяад̇аа хи аяам̣ б̣алаббад̇д̇аад̇и. бадиниссаж̇ж̇анаагаарзна бавад̇д̇аа анубассанаа бадиниссаг̇г̇аанубассанаа. бадисан̇каа санд̇идтанаа хи аяам̣. аад̣̇аананд̇и нижжаад̣̇ивасзна г̇ахан̣ам̣. санд̇ад̇исамуухагижжаарамман̣аанам̣ васзна згад̇д̇аг̇г̇ахан̣ам̣ гханасан̃н̃аа. ааяууханам̣ абхисан̇каран̣ам̣. авад̇т̇аависзсаабад̇д̇и вибарин̣аамо. д̇хувасан̃н̃анд̇и т̇ирабхааваг̇г̇ахан̣ам̣. нимид̇д̇анд̇и самуухаад̣̇игханавасзна сагижжабарижчзд̣̇ад̇ааяа жа сан̇каараанам̣ савиг̇г̇ахаг̇г̇ахан̣ам̣. бан̣ид̇хинд̇и рааг̇аад̣̇ибан̣ид̇хим̣. саа банад̇т̇ад̇о д̇ан̣хаавасзна сан̇каарзсу нанд̣̇ид̇аа. абхинивзсанд̇и ад̇д̇аануд̣̇идтим̣.

    Aniccassa, aniccanti vā anupassanā aniccānupassanā, tebhūmakadhammānaṃ aniccataṃ gahetvā pavattāya anupassanāyetaṃ nāmaṃ. Niccasaññanti saṅkhatadhamme ‘‘niccā sassatā’’ti pavattaṃ micchāsaññaṃ. Saññāsīsena diṭṭhicittānampi gahaṇaṃ daṭṭhabbaṃ. Esa nayo ito paresupi. Nibbidānupassanāyāti saṅkhāresu nibbijjanākārena pavattāya anupassanāya. Nandinti sappītikataṇhaṃ. Virāgānupassanāyāti saṅkhāresu virajjanākārena pavattāya anupassanāya. Nirodhānupassanāyāti saṅkhārānaṃ nirodhassa anupassanāya. ‘‘Te saṅkhārā nirujjhantiyeva, āyatiṃ samudayavasena na uppajjantī’’ti evaṃ vā anupassanā nirodhānupassanā. Tenevāha – ‘‘nirodhānupassanāya nirodheti, no samudetī’’ti. Muccitukamyatā hi ayaṃ balappattāti. Paṭinissajjanākārena pavattā anupassanā paṭinissaggānupassanā. Paṭisaṅkhā santiṭṭhanā hi ayaṃ. Ādānanti niccādivasena gahaṇaṃ. Santatisamūhakiccārammaṇānaṃ vasena ekattaggahaṇaṃ ghanasaññā. Āyūhanaṃ abhisaṅkharaṇaṃ. Avatthāvisesāpatti vipariṇāmo. Dhuvasaññanti thirabhāvaggahaṇaṃ. Nimittanti samūhādighanavasena sakiccaparicchedatāya ca saṅkhārānaṃ saviggahaggahaṇaṃ. Paṇidhinti rāgādipaṇidhiṃ. Sā panatthato taṇhāvasena saṅkhāresu nanditā. Abhinivesanti attānudiṭṭhiṃ.

    анижжад̣̇угкаад̣̇ивасзна саб̣б̣ад̇хаммад̇ийран̣ам̣ ад̇хибан̃н̃аад̇хаммавибассанаа. саараад̣̇аанаабхинивзсанд̇и асаарз саараг̇г̇ахан̣авибаллаасам̣. иссарагуд̇д̇аад̣̇ивасзна лого самуббаннод̇и абхинивзсо саммохаабхинивзсо . гзжи бана ‘‘ахосим̣ ну ко ахамад̇ийд̇амад̣̇д̇хаананд̇иаад̣̇инаа бавад̇д̇асам̣саяаабад̇д̇и саммохаабхинивзсо’’д̇и вад̣̇анд̇и. сан̇каарзсу лзн̣ад̇аан̣абхааваг̇г̇ахан̣ам̣ аалаяаабхинивзсо. ‘‘аалаяарад̇аа аалаяасаммуд̣̇ид̇аа’’д̇и (д̣̇ий. ни. 2.64; ма. ни. 1.281; 2.337; сам̣. ни. 1.172; махаава. 7) важанад̇о аалаяо д̇ан̣хаа, сааязва жагкаад̣̇ийсу руубаад̣̇ийсу жа абхинивзсавасзна бавад̇д̇ияаа аалаяаабхинивзсод̇и гзжи. ‘‘звам̣вид̇хаа сан̇каараа бадиниссаж̇ж̇ийяанд̇ий’’д̇и бавад̇д̇ам̣ н̃аан̣ам̣ бадисан̇каанубассанаа. ваддад̇о виг̇ад̇ад̇д̇аа виваддам̣, ниб̣б̣аанам̣. д̇ад̇т̇а аарамман̣агаран̣асан̇каад̇зна анубассанзна бавад̇д̇ияаа виваддаанубассанаа, г̇од̇рабхуу. сам̣яог̇аабхинивзсанд̇и сам̣яуж̇ж̇анавасзна сан̇каарзсу абхинивисанам̣. д̣̇идтзгадтзд̇и д̣̇идтияаа сахаж̇аад̇згадтз бахаанзгадтз жа. ол̣ааригзд̇и убаримаг̇г̇аваж̇жхз гилзсз абзгкид̇ваа вуд̇д̇ам̣, ан̃н̃ат̇аа д̣̇ассанабахаад̇аб̣б̣ааби д̣̇уд̇ияамаг̇г̇аваж̇жхзхи ол̣ааригаад̇и. ан̣усахаг̇ад̇зд̇и ан̣убхууд̇з. ид̣̇ам̣ хздтимамаг̇г̇аваж̇жхз абзгкид̇ваа вуд̇д̇ам̣. саб̣б̣агилзсзд̇и авасидтасаб̣б̣агилзсз. на хи батамаад̣̇имаг̇г̇зхиби бахийнаа гилзсаа буна бахийяанд̇ийд̇и.

    Aniccadukkhādivasena sabbadhammatīraṇaṃ adhipaññādhammavipassanā. Sārādānābhinivesanti asāre sāraggahaṇavipallāsaṃ. Issarakuttādivasena loko samuppannoti abhiniveso sammohābhiniveso. Keci pana ‘‘ahosiṃ nu kho ahamatītamaddhānantiādinā pavattasaṃsayāpatti sammohābhiniveso’’ti vadanti. Saṅkhāresu leṇatāṇabhāvaggahaṇaṃ ālayābhiniveso. ‘‘Ālayaratā ālayasammuditā’’ti (dī. ni. 2.64; ma. ni. 1.281; 2.337; saṃ. ni. 1.172; mahāva. 7) vacanato ālayo taṇhā, sāyeva cakkhādīsu rūpādīsu ca abhinivesavasena pavattiyā ālayābhinivesoti keci. ‘‘Evaṃvidhā saṅkhārā paṭinissajjīyantī’’ti pavattaṃ ñāṇaṃ paṭisaṅkhānupassanā. Vaṭṭato vigatattā vivaṭṭaṃ, nibbānaṃ. Tattha ārammaṇakaraṇasaṅkhātena anupassanena pavattiyā vivaṭṭānupassanā, gotrabhū. Saṃyogābhinivesanti saṃyujjanavasena saṅkhāresu abhinivisanaṃ. Diṭṭhekaṭṭheti diṭṭhiyā sahajātekaṭṭhe pahānekaṭṭhe ca. Oḷāriketi uparimaggavajjhe kilese apekkhitvā vuttaṃ, aññathā dassanapahātabbāpi dutiyamaggavajjhehi oḷārikāti. Aṇusahagateti aṇubhūte. Idaṃ heṭṭhimamaggavajjhe apekkhitvā vuttaṃ. Sabbakileseti avasiṭṭhasabbakilese. Na hi paṭhamādimaggehipi pahīnā kilesā puna pahīyantīti.

    гагкал̣ад̇д̇ам̣ гат̇инабхааво. баг̇гхаран̣ам̣ д̣̇равабхааво. логияавааяунаа бхасд̇ааяа вияа язна д̇ам̣д̇ам̣галаабасса уд̣̇д̇хумааяанам̣, т̇ад̣̇д̇хабхааво ваа, д̇ам̣ вид̇т̇амбханам̣. виж̇ж̇амаанзби галаабанд̇арабхууд̇аанам̣ галаабанд̇арабхууд̇зхи пудтабхаавз д̇ам̣д̇ам̣бхууд̇авивид̇д̇ад̇аа руубабарияанд̇о аагаасод̇и язсам̣ яо барижчзд̣̇о, д̇зхи со асампудтова, ан̃н̃ат̇аа бхууд̇аанам̣ барижчзд̣̇абхааво на сияаа б̣яаабид̇абхааваабад̇д̇ид̇о. яасмим̣ галаабз бхууд̇аанам̣ барижчзд̣̇о, д̇зхи асампудтабхааво асампудталагкан̣ам̣. д̇знааха – бхаг̇аваа аагаасад̇хаад̇унид̣̇д̣̇зсз (д̇ха. са. 637) ‘‘асампудто жад̇уухи махаабхууд̇зхий’’д̇и.

    Kakkhaḷattaṃ kathinabhāvo. Paggharaṇaṃ dravabhāvo. Lokiyavāyunā bhastāya viya yena taṃtaṃkalāpassa uddhumāyanaṃ, thaddhabhāvo vā, taṃ vitthambhanaṃ. Vijjamānepi kalāpantarabhūtānaṃ kalāpantarabhūtehi phuṭṭhabhāve taṃtaṃbhūtavivittatā rūpapariyanto ākāsoti yesaṃ yo paricchedo, tehi so asamphuṭṭhova, aññathā bhūtānaṃ paricchedabhāvo na siyā byāpitabhāvāpattito. Yasmiṃ kalāpe bhūtānaṃ paricchedo, tehi asamphuṭṭhabhāvo asamphuṭṭhalakkhaṇaṃ. Tenāha – bhagavā ākāsadhātuniddese (dha. sa. 637) ‘‘asamphuṭṭho catūhi mahābhūtehī’’ti.

    вирод̇хибажжаяасаннибаад̇з висад̣̇исуббад̇д̇и руббанам̣. жзд̇анаабад̇хаанад̇д̇аа сан̇каарагканд̇хад̇хаммаанам̣ жзд̇анаавасзнзд̇ам̣ вуд̇д̇ам̣ – ‘‘сан̇каараанам̣ абхисан̇каран̣алагкан̣а’’нд̇и. д̇ат̇аа хи суд̇д̇анд̇абхааж̇анийяз сан̇каарагканд̇хавибхан̇г̇з (вибха. 92) ‘‘жагкусампассаж̇аа жзд̇анаа’’д̇иаад̣̇инаа жзд̇анаава вибхад̇д̇аа. абхисан̇каралагкан̣аа жа жзд̇анаа. яат̇ааха – ‘‘д̇ад̇т̇а гад̇амо бун̃н̃аабхисан̇кааро, гусалаа жзд̇анаа гаамааважараа’’д̇иаад̣̇и. паран̣ам̣ савибпааригад̇аа. ассад̣̇д̇хиязд̇и ассад̣̇д̇хияахзд̇у. нимид̇д̇ад̇т̇з бхуммам̣. зса наяо госаж̇ж̇зд̇иаад̣̇ийсу. вуубасамалагкан̣анд̇и гааяажид̇д̇абарил̣аахуубасамалагкан̣ам̣. лийнуд̣̇д̇хажжарахид̇з ад̇хижид̇д̇з бавад̇д̇амаанз баг̇г̇аханиг̇г̇ахасамбахам̣санзсу аб̣яаавадад̇ааяа аж̇жхубзгканам̣ бадисан̇каанам̣ багкабаад̇убажчзд̣̇ад̇о.

    Virodhipaccayasannipāte visadisuppatti ruppanaṃ. Cetanāpadhānattā saṅkhārakkhandhadhammānaṃ cetanāvasenetaṃ vuttaṃ – ‘‘saṅkhārānaṃ abhisaṅkharaṇalakkhaṇa’’nti. Tathā hi suttantabhājanīye saṅkhārakkhandhavibhaṅge (vibha. 92) ‘‘cakkhusamphassajā cetanā’’tiādinā cetanāva vibhattā. Abhisaṅkharalakkhaṇā ca cetanā. Yathāha – ‘‘tattha katamo puññābhisaṅkhāro, kusalā cetanā kāmāvacarā’’tiādi. Pharaṇaṃ savipphārikatā. Assaddhiyeti assaddhiyahetu. Nimittatthe bhummaṃ. Esa nayo kosajjetiādīsu. Vūpasamalakkhaṇanti kāyacittapariḷāhūpasamalakkhaṇaṃ. Līnuddhaccarahite adhicitte pavattamāne paggahaniggahasampahaṃsanesu abyāvaṭatāya ajjhupekkhanaṃ paṭisaṅkhānaṃ pakkhapātupacchedato.

    мусааваад̣̇аад̣̇ийнам̣ висам̣ваад̣̇анаад̣̇игижжад̇ааяа луукаанам̣ абариг̇г̇аахагаанам̣ бадибагкабхаавад̇о бариг̇г̇аахагасабхааваа саммааваажаа, синид̣̇д̇хабхаавад̇о самбаяуд̇д̇ад̇хаммз саммааваажаабажжаяасубхаасид̇аанам̣ сод̇ааран̃жа буг̇г̇алам̣ бариг̇г̇ан̣хаад̇ийд̇и саа бариг̇г̇ахалагкан̣аа. гааяигагирияаа гин̃жи гад̇д̇аб̣б̣ам̣ самудтаабзд̇и, саяан̃жа самудтаханам̣ гхаданам̣ ход̇ийд̇и саммаагамманд̇асан̇каад̇аа вирад̇ийби самудтааналагкан̣аа д̣̇адтаб̣б̣аа, самбаяуд̇д̇ад̇хаммаанам̣ ваа угкибанам̣ самудтаабанам̣ гааяигагирияааяа бхааругкибанам̣ вияа. ж̇ийвамаанасса сад̇д̇асса, самбаяуд̇д̇ад̇хаммаанам̣ ваа ж̇ийвид̇инд̣̇рияабавад̇д̇ияаа, ааж̇ийвассзва ваа суд̣̇д̇хи вод̣̇аанам̣. ‘‘сан̇каараа’’д̇и ид̇ха жзд̇анаа ад̇хиббзд̇аад̇и вуд̇д̇ам̣ – ‘‘сан̇каараанам̣ жзд̇анаалагкан̣а’’нд̇и. наманам̣ аарамман̣аабхимукабхааво. ааяад̇анам̣ бавад̇д̇анам̣. ааяад̇анавасзна хи ааяасан̇каад̇аанам̣ жид̇д̇ажзд̇асигаанам̣ бавад̇д̇и. д̇ан̣хааяа хзд̇улагкан̣анд̇и ваддасса ж̇анагахзд̇убхааво, маг̇г̇асса бана ниб̣б̣аанасамбаабагад̇д̇анд̇и аяамзд̇зсам̣ висзсо.

    Musāvādādīnaṃ visaṃvādanādikiccatāya lūkhānaṃ apariggāhakānaṃ paṭipakkhabhāvato pariggāhakasabhāvā sammāvācā, siniddhabhāvato sampayuttadhamme sammāvācāpaccayasubhāsitānaṃ sotārañca puggalaṃ pariggaṇhātīti sā pariggahalakkhaṇā. Kāyikakiriyā kiñci kattabbaṃ samuṭṭhāpeti, sayañca samuṭṭhahanaṃ ghaṭanaṃ hotīti sammākammantasaṅkhātā viratīpi samuṭṭhānalakkhaṇā daṭṭhabbā, sampayuttadhammānaṃ vā ukkhipanaṃ samuṭṭhāpanaṃ kāyikakiriyāya bhārukkhipanaṃ viya. Jīvamānassa sattassa, sampayuttadhammānaṃ vā jīvitindriyapavattiyā, ājīvasseva vā suddhi vodānaṃ. ‘‘Saṅkhārā’’ti idha cetanā adhippetāti vuttaṃ – ‘‘saṅkhārānaṃ cetanālakkhaṇa’’nti. Namanaṃ ārammaṇābhimukhabhāvo. Āyatanaṃ pavattanaṃ. Āyatanavasena hi āyasaṅkhātānaṃ cittacetasikānaṃ pavatti. Taṇhāya hetulakkhaṇanti vaṭṭassa janakahetubhāvo, maggassa pana nibbānasampāpakattanti ayametesaṃ viseso.

    д̇ат̇алагкан̣ам̣ авибарийд̇асабхааво. згарасо ан̃н̃аман̃н̃анаад̇ивад̇д̇анам̣ ануунаад̇хигабхааво. яуг̇анад̣̇д̇хаа самат̇авибассанаава. ‘‘сад̣̇д̇хаабан̃н̃аа баг̇г̇ахаавигкзбаа’’д̇иби вад̣̇анд̇и. каяод̇и гилзсагкаяо маг̇г̇о. ануббаад̣̇абарияосаанад̇ааяа ануббаад̣̇о палам̣. бассад̣̇д̇хи гилзсавуубасамо. чанд̣̇ассаад̇и гад̇д̇угаамад̇аачанд̣̇асса. муулалагкан̣ам̣ бад̇идтаабхааво. самудтааналагкан̣ам̣ аарамман̣аббадибаад̣̇агад̇ааяа самбаяуд̇д̇ад̇хаммаанам̣ уббад̇д̇ихзд̇уд̇аа. самод̇хаанам̣ висаяаад̣̇исаннибаад̇зна г̇ахзд̇аб̣б̣аагааро, яаа сан̇г̇ад̇ийд̇и вужжад̇и. самам̣, саха од̣̇аханд̇и анзна самбаяуд̇д̇ад̇хаммаад̇и ваа самод̇хаанам̣, пассо. самосаранд̇и саннибад̇анд̇и зд̇т̇аад̇и самосаран̣ам̣. взд̣̇анааяа винаа аббавад̇д̇амаанаа самбаяуд̇д̇ад̇хаммаа взд̣̇анаанубхавананимид̇д̇ам̣ самосадаа вияа хонд̇ийд̇и звам̣ вуд̇д̇ам̣. г̇обаанасийнам̣ гуудам̣ вияа самбаяуд̇д̇аанам̣ баамогкабхааво бамукалагкан̣ам̣. д̇ад̇о, д̇зсам̣ ваа самбаяуд̇д̇ад̇хаммаанам̣ уд̇д̇ари бад̇хаананд̇и д̇ад̇уд̇д̇ари. бан̃н̃уд̇д̇араа хи гусалаа д̇хаммаа. вимуд̇д̇ияаад̇и паласса. д̇ан̃хи сийлаад̣̇иг̇ун̣асаарасса барамуггам̣сабхаавзна саарам̣. аяан̃жа лагкан̣авибхааг̇о чад̇хаад̇убан̃жажхаанан̇г̇аад̣̇ивасзна д̇ам̣д̇ам̣суд̇д̇абад̣̇аанусаарзна бораан̣адтагат̇ааяам̣ ааг̇ад̇анаязна жа гад̇од̇и д̣̇адтаб̣б̣ам̣. д̇ат̇аа хи буб̣б̣з вуд̇д̇оби гожи д̇хаммо барияааяанд̇араббагаасанад̇т̇ам̣ буна д̣̇ассид̇о, д̇ад̇о зва жа ‘‘чанд̣̇амуулагаа гусалаа д̇хаммаа манасигаарасамудтаанаа пассасамод̇хаанаа взд̣̇анаасамосаран̣аа’’д̇и, ‘‘бан̃н̃уд̇д̇араа гусалаа д̇хаммаа’’д̇и, ‘‘вимуд̇д̇исаарамид̣̇ам̣ б̣рахмажарияа’’нд̇и, ‘‘ниб̣б̣ааног̇ад̇хан̃хи, аавусо, б̣рахмажарияам̣ ниб̣б̣аанабарияосаана’’нд̇и (сам̣. ни. 5.512) жа суд̇д̇абад̣̇аанам̣ васзна ‘‘чанд̣̇асса муулалагкан̣а’’нд̇иаад̣̇и вуд̇д̇ам̣.

    Tathalakkhaṇaṃ aviparītasabhāvo. Ekaraso aññamaññanātivattanaṃ anūnādhikabhāvo. Yuganaddhā samathavipassanāva. ‘‘Saddhāpaññā paggahāvikkhepā’’tipi vadanti. Khayoti kilesakkhayo maggo. Anuppādapariyosānatāya anuppādo phalaṃ. Passaddhi kilesavūpasamo. Chandassāti kattukāmatāchandassa. Mūlalakkhaṇaṃ patiṭṭhābhāvo. Samuṭṭhānalakkhaṇaṃ ārammaṇappaṭipādakatāya sampayuttadhammānaṃ uppattihetutā. Samodhānaṃ visayādisannipātena gahetabbākāro, yā saṅgatīti vuccati. Samaṃ, saha odahanti anena sampayuttadhammāti vā samodhānaṃ, phasso. Samosaranti sannipatanti etthāti samosaraṇaṃ. Vedanāya vinā appavattamānā sampayuttadhammā vedanānubhavananimittaṃ samosaṭā viya hontīti evaṃ vuttaṃ. Gopānasīnaṃ kūṭaṃ viya sampayuttānaṃ pāmokkhabhāvo pamukhalakkhaṇaṃ. Tato, tesaṃ vā sampayuttadhammānaṃ uttari padhānanti tatuttari. Paññuttarā hi kusalā dhammā. Vimuttiyāti phalassa. Tañhi sīlādiguṇasārassa paramukkaṃsabhāvena sāraṃ. Ayañca lakkhaṇavibhāgo chadhātupañcajhānaṅgādivasena taṃtaṃsuttapadānusārena porāṇaṭṭhakathāyaṃ āgatanayena ca katoti daṭṭhabbaṃ. Tathā hi pubbe vuttopi koci dhammo pariyāyantarappakāsanatthaṃ puna dassito, tato eva ca ‘‘chandamūlakā kusalā dhammā manasikārasamuṭṭhānā phassasamodhānā vedanāsamosaraṇā’’ti, ‘‘paññuttarā kusalā dhammā’’ti, ‘‘vimuttisāramidaṃ brahmacariya’’nti, ‘‘nibbānogadhañhi, āvuso, brahmacariyaṃ nibbānapariyosāna’’nti (saṃ. ni. 5.512) ca suttapadānaṃ vasena ‘‘chandassa mūlalakkhaṇa’’ntiādi vuttaṃ.

    д̇ат̇ад̇хаммаа наама жад̇д̇аари арияасажжаани авибарийд̇асабхаавад̇д̇аа. д̇ат̇аани д̇ам̣сабхаавад̇д̇аа, авид̇ат̇аани амусаасабхаавад̇д̇аа, анан̃н̃ат̇аани ан̃н̃аагаарарахид̇ад̇д̇аа. ж̇аад̇ибажжаяасамбхууд̇асамуд̣̇ааг̇ад̇адтод̇и ж̇аад̇ибажжаяаа самбхууд̇ам̣ худ̇ваа сахид̇асса ад̇д̇ано бажжаяаануруубасса уд̣̇д̇хам̣ уд̣̇д̇хам̣ ааг̇ад̇абхааво, анубавад̇д̇ад̇т̇од̇и ад̇т̇о. ат̇а ваа самбхууд̇адто жа самуд̣̇ааг̇ад̇адто жа самбхууд̇асамуд̣̇ааг̇ад̇адто, на ж̇аад̇ид̇о ж̇араамаран̣ам̣ на ход̇и, на жа ж̇аад̇им̣ винаа ан̃н̃ад̇о ход̇ийд̇и ж̇аад̇ибажжаяасамбхууд̇адто, ид̇т̇ан̃жа ж̇аад̇ид̇о самуд̣̇ааг̇ажчад̇ийд̇и ж̇аад̇ибажжаяасамуд̣̇ааг̇ад̇адто. яаа яаа ж̇аад̇и яат̇аа яат̇аа бажжаяо ход̇и, д̇ад̣̇ануруубам̣ баад̇убхаавод̇и ад̇т̇о. авиж̇ж̇ааяа сан̇каараанам̣ бажжаяадтод̇и зд̇т̇ааби на авиж̇ж̇аа сан̇каараанам̣ бажжаяо на ход̇и, на жа авиж̇ж̇ам̣ винаа сан̇каараа уббаж̇ж̇анд̇и. яаа яаа авиж̇ж̇аа язсам̣ язсам̣ сан̇каараанам̣ яат̇аа яат̇аа бажжаяо ход̇и, аяам̣ авиж̇ж̇ааяа сан̇каараанам̣ бажжаяадто, бажжаяабхаавод̇и ад̇т̇о.

    Tathadhammānāma cattāri ariyasaccāni aviparītasabhāvattā. Tathāni taṃsabhāvattā, avitathāni amusāsabhāvattā, anaññathāni aññākārarahitattā. Jātipaccayasambhūtasamudāgataṭṭhoti jātipaccayā sambhūtaṃ hutvā sahitassa attano paccayānurūpassa uddhaṃ uddhaṃ āgatabhāvo, anupavattatthoti attho. Atha vā sambhūtaṭṭho ca samudāgataṭṭho ca sambhūtasamudāgataṭṭho, na jātito jarāmaraṇaṃ na hoti, na ca jātiṃ vinā aññato hotīti jātipaccayasambhūtaṭṭho, itthañca jātito samudāgacchatīti jātipaccayasamudāgataṭṭho. Yā yā jāti yathā yathā paccayo hoti, tadanurūpaṃ pātubhāvoti attho. Avijjāya saṅkhārānaṃ paccayaṭṭhoti etthāpi na avijjā saṅkhārānaṃ paccayo na hoti, na ca avijjaṃ vinā saṅkhārā uppajjanti. Yā yā avijjā yesaṃ yesaṃ saṅkhārānaṃ yathā yathā paccayo hoti, ayaṃ avijjāya saṅkhārānaṃ paccayaṭṭho, paccayabhāvoti attho.

    бхаг̇аваа д̇ам̣ ж̇аанаад̇и бассад̇ийд̇и самб̣анд̇хо. д̇знаад̇и бхаг̇авад̇аа. д̇ам̣ вибхаж̇ж̇амаананд̇и яож̇зд̇аб̣б̣ам̣. д̇анд̇и руубааяад̇анам̣. идтаанидтаад̣̇ийд̇и аад̣̇и-сад̣̇д̣̇зна маж̇жхад̇д̇ам̣ сан̇г̇ан̣хаад̇и, д̇ат̇аа ад̇ийд̇аанааг̇ад̇абажжуббаннабарид̇д̇ааж̇жхад̇д̇аб̣ахид̣̇д̇хаад̇ад̣̇убхаяаад̣̇ибхзд̣̇ам̣. лаб̣бхамаанагабад̣̇авасзнаад̇и ‘‘руубааяад̇анам̣ д̣̇идтам̣, сад̣̇д̣̇ааяад̇анам̣ суд̇ам̣, г̇анд̇хааяад̇анам̣ расааяад̇анам̣ подтаб̣б̣ааяад̇анам̣ муд̇ам̣, саб̣б̣ам̣ руубам̣ манасаа вин̃н̃аад̇а’’нд̇и (д̇ха. са. 966) важанад̇о д̣̇идтабад̣̇ан̃жа вин̃н̃аад̇абад̣̇ан̃жа руубаарамман̣з лаб̣бхад̇и. анзгзхи наамзхийд̇и ‘‘руубаарамман̣ам̣ идтам̣ анидтам̣ маж̇жхад̇д̇ам̣ барид̇д̇ам̣ ад̇ийд̇ам̣ анааг̇ад̇ам̣ бажжуббаннам̣ аж̇жхад̇д̇ам̣ б̣ахид̣̇д̇хаа д̣̇идтам̣ вин̃н̃аад̇ам̣ руубам̣ руубааяад̇анам̣ руубад̇хаад̇у ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇и звамаад̣̇ийхи анзгзхи наамзхи. д̇зрасахи ваарзхийд̇и руубаган̣д̣з ааг̇ад̇з д̇зраса нид̣̇д̣̇зсаваарз санд̇хааяааха. д̣̇взбан̃н̃аасааяа наязхийд̇и згзгасмим̣ ваарз жад̇уннам̣ жад̇уннам̣ вавад̇т̇аабананаяаанам̣ васзна д̣̇вибан̃н̃аасааяа наязхи. д̇ат̇амзваад̇и авибарийд̇ад̣̇ассид̇ааяа аббадивад̇д̇ияад̣̇зсанад̇ааяа жа д̇ат̇амзва ход̇и. ж̇аанаами аб̣бхан̃н̃аасинд̇и вад̇д̇амаанаад̇ийд̇агаалзсу н̃аан̣аббавад̇д̇ид̣̇ассанзна анааг̇ад̇зби н̃аан̣аббавад̇д̇и вуд̇д̇ааязваад̇и д̣̇адтаб̣б̣аа. вид̣̇ид̇а-сад̣̇д̣̇о анаамадтагаалависзсо взд̣̇ид̇аб̣б̣о ‘‘д̣̇идтам̣ суд̇ам̣ муд̇а’’нд̇иаад̣̇ийсу (д̣̇ий. ни. 3.188; ма. ни. 1.7-8; сам̣. ни. 3.208; а. ни. 4.23) вияа. на убадтаасийд̇и ад̇д̇ад̇д̇анияавасзна на убаг̇ан̃чи . яат̇аа руубаарамман̣аад̣̇аяо д̇хаммаа яам̣сабхааваа яам̣багаараа жа, д̇ат̇аа нз бассад̇и ж̇аанаад̇и г̇ажчад̇ийд̇и д̇ат̇ааг̇ад̇од̇и звам̣ бад̣̇асамбхаво взд̣̇ид̇аб̣б̣о. гзжи бана ‘‘нируд̇д̇инаязна бисод̣̇араад̣̇ибагкзбзна ваа д̣̇ассийсад̣̇д̣̇асса лобам̣, ааг̇ад̇а-сад̣̇д̣̇асса жааг̇амам̣ гад̇ваа д̇ат̇ааг̇ад̇о’’д̇и ван̣н̣знд̇и.

    Bhagavā taṃ jānāti passatīti sambandho. Tenāti bhagavatā. Taṃ vibhajjamānanti yojetabbaṃ. Tanti rūpāyatanaṃ. Iṭṭhāniṭṭhādīti ādi-saddena majjhattaṃ saṅgaṇhāti, tathā atītānāgatapaccuppannaparittaajjhattabahiddhātadubhayādibhedaṃ. Labbhamānakapadavasenāti ‘‘rūpāyatanaṃ diṭṭhaṃ, saddāyatanaṃ sutaṃ, gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññāta’’nti (dha. sa. 966) vacanato diṭṭhapadañca viññātapadañca rūpārammaṇe labbhati. Anekehi nāmehīti ‘‘rūpārammaṇaṃ iṭṭhaṃ aniṭṭhaṃ majjhattaṃ parittaṃ atītaṃ anāgataṃ paccuppannaṃ ajjhattaṃ bahiddhā diṭṭhaṃ viññātaṃ rūpaṃ rūpāyatanaṃ rūpadhātu vaṇṇanibhā sanidassanaṃ sappaṭighaṃ nīlaṃ pītaka’’nti evamādīhi anekehi nāmehi. Terasahi vārehīti rūpakaṇḍe āgate terasa niddesavāre sandhāyāha. Dvepaññāsāya nayehīti ekekasmiṃ vāre catunnaṃ catunnaṃ vavatthāpananayānaṃ vasena dvipaññāsāya nayehi. Tathamevāti aviparītadassitāya appaṭivattiyadesanatāya ca tathameva hoti. Jānāmi abbhaññāsinti vattamānātītakālesu ñāṇappavattidassanena anāgatepi ñāṇappavatti vuttāyevāti daṭṭhabbā. Vidita-saddo anāmaṭṭhakālaviseso veditabbo ‘‘diṭṭhaṃ sutaṃ muta’’ntiādīsu (dī. ni. 3.188; ma. ni. 1.7-8; saṃ. ni. 3.208; a. ni. 4.23) viya. Na upaṭṭhāsīti attattaniyavasena na upagañchi . Yathā rūpārammaṇādayo dhammā yaṃsabhāvā yaṃpakārā ca, tathā ne passati jānāti gacchatīti tathāgatoti evaṃ padasambhavo veditabbo. Keci pana ‘‘niruttinayena pisodarādipakkhepena vā dassīsaddassa lopaṃ, āgata-saddassa cāgamaṃ katvā tathāgato’’ti vaṇṇenti.

    яам̣ рад̇д̇инд̇и яассам̣ рад̇д̇ияам̣. ажжанд̇асам̣яог̇з жзд̇ам̣ убаяог̇аважанам̣. д̇ин̣н̣ам̣ маараананд̇и гилзсаабхисан̇каарад̣̇звабуд̇д̇асан̇каад̇аанам̣ д̇ин̣н̣ам̣ маараанам̣. анубаваж̇ж̇анд̇и нид̣̇д̣̇осад̇ааяа на убаваж̇ж̇ам̣. ануунанд̇и багкибид̇аб̣б̣аабхаавзна на уунам̣. анад̇хиганд̇и абанзд̇аб̣б̣аабхаавзна на ад̇хигам̣. саб̣б̣аагаарабарибун̣н̣анд̇и ад̇т̇аб̣яан̃ж̇анаад̣̇исамбад̇д̇ияаа саб̣б̣аагаарзна барибун̣н̣ам̣. но ан̃н̃ат̇аад̇и ‘‘д̇ат̇зваа’’д̇и вуд̇д̇амзвад̇т̇ам̣ б̣яад̇ирзгзна самбаад̣̇зд̇и. д̇зна яад̣̇ад̇т̇ам̣ бхаасид̇ам̣, д̇ад̣̇ад̇т̇анибпаад̣̇анад̇о яат̇аа бхаасид̇ам̣ бхаг̇авад̇аа, д̇ат̇зваад̇и авибарийд̇ад̣̇зсанад̇ам̣ д̣̇ассзд̇и. г̇ад̣̇ад̇т̇од̇и зд̇зна д̇ат̇ам̣ г̇ад̣̇ад̇ийд̇и д̇ат̇ааг̇ад̇од̇и д̣̇а-гаарасса д̇а-гаарам̣ гад̇ваа нируд̇д̇инаязна вуд̇д̇анд̇и д̣̇ассзд̇и. д̇ат̇аа г̇ад̇амассаад̇и д̇ат̇ааг̇ад̇о. г̇ад̇анд̇и жа гааяасса ваажааяа ваа бавад̇д̇ийд̇и ад̇т̇о. д̇ат̇аад̇и жа вуд̇д̇з яам̣-д̇ам̣-сад̣̇д̣̇аанам̣ аб̣яабхижаарид̇асамб̣анд̇хад̇ааяа яат̇аад̇и аяамад̇т̇о убадтид̇оязва ход̇и. гааяаваажаагирияаанан̃жа ан̃н̃аман̃н̃аануломзна важанижчааяам̣ гааяасса ваажаа, ваажааяа жа гааяо самб̣анд̇хабхаавзна убад̇идтад̇ийд̇и имамад̇т̇ам̣ д̣̇ассзнд̇о ааха – ‘‘бхаг̇авад̇о хий’’д̇иаад̣̇и. имасмим̣ бана ад̇т̇з д̇ат̇ааваад̣̇ид̇ааяа д̇ат̇ааг̇ад̇од̇и аяамби ад̇т̇о сид̣̇д̇хо ход̇и. со бана буб̣б̣з багааранд̇арзна д̣̇ассид̇од̇и ааха – ‘‘звам̣ д̇ат̇аагаарид̇ааяа д̇ат̇ааг̇ад̇о’’д̇и.

    Yaṃ rattinti yassaṃ rattiyaṃ. Accantasaṃyoge cetaṃ upayogavacanaṃ. Tiṇṇaṃ mārānanti kilesābhisaṅkhāradevaputtasaṅkhātānaṃ tiṇṇaṃ mārānaṃ. Anupavajjanti niddosatāya na upavajjaṃ. Anūnanti pakkhipitabbābhāvena na ūnaṃ. Anadhikanti apanetabbābhāvena na adhikaṃ. Sabbākāraparipuṇṇanti atthabyañjanādisampattiyā sabbākārena paripuṇṇaṃ. No aññathāti ‘‘tathevā’’ti vuttamevatthaṃ byatirekena sampādeti. Tena yadatthaṃ bhāsitaṃ, tadatthanipphādanato yathā bhāsitaṃ bhagavatā, tathevāti aviparītadesanataṃ dasseti. Gadatthoti etena tathaṃ gadatīti tathāgatoti da-kārassa ta-kāraṃ katvā niruttinayena vuttanti dasseti. Tathā gatamassāti tathāgato. Gatanti ca kāyassa vācāya vā pavattīti attho. Tathāti ca vutte yaṃ-taṃ-saddānaṃ abyabhicāritasambandhatāya yathāti ayamattho upaṭṭhitoyeva hoti. Kāyavācākiriyānañca aññamaññānulomena vacanicchāyaṃ kāyassa vācā, vācāya ca kāyo sambandhabhāvena upatiṭṭhatīti imamatthaṃ dassento āha – ‘‘bhagavato hī’’tiādi. Imasmiṃ pana atthe tathāvāditāya tathāgatoti ayampi attho siddho hoti. So pana pubbe pakārantarena dassitoti āha – ‘‘evaṃ tathākāritāya tathāgato’’ti.

    д̇ирияам̣ абаримаан̣аасу логад̇хаад̇уусууд̇и зд̇зна яад̣̇згз ‘‘д̇ирияам̣ вияа убари ад̇хо жа санд̇и логад̇хаад̇уяо’’д̇и вад̣̇анд̇и, д̇ам̣ бадисзд̇хзд̇и. д̣̇зсанаавилаасоязва д̣̇зсанаавилаасамаяо яат̇аа ‘‘бун̃н̃амаяам̣ д̣̇аанамаяа’’нд̇иаад̣̇ийсу (д̣̇ий. ни. 3.305; ид̇иву. 60; нзд̇д̇и. 33). нибаад̇аанам̣ ваажагасад̣̇д̣̇асаннид̇хаанз д̇ад̣̇ад̇т̇аж̇од̇анабхаавзна бавад̇д̇анад̇о г̇ад̇а-сад̣̇д̣̇оязва аваг̇ад̇ад̇т̇ам̣ ад̇ийд̇ад̇т̇ан̃жа вад̣̇ад̇ийд̇и ааха – ‘‘г̇ад̇од̇и аваг̇ад̇о ад̇ийд̇о’’д̇и. ат̇а ваа абхинийхаарад̇о бадтааяа яаава самб̣од̇хи, зд̇т̇анд̇арз махааб̣од̇хияаанабадибад̇д̇ияаа хаанадтаанасам̣гилзсанивад̇д̇ийнам̣ абхаавад̇о яат̇аа бан̣ид̇хаанам̣, д̇ат̇аа г̇ад̇о абхинийхаараануруубам̣ бадибаннод̇и д̇ат̇ааг̇ад̇о. ат̇а ваа махид̣̇д̇хигад̇ааяа бадисамбхид̣̇аанам̣ уггам̣саад̇хиг̇амзна анааваран̣ан̃аан̣ад̇ааяа жа гад̇т̇ажиби бадигхаад̇аабхаавад̇о яат̇аа ружи, д̇ат̇аа гааяаваажаажид̇д̇аанам̣ г̇ад̇аани г̇аманаани бавад̇д̇ияо зд̇ассаад̇и д̇ат̇ааг̇ад̇о. яасмаа жа логз вид̇хаяуд̇д̇аг̇ад̇абагаарасад̣̇д̣̇аа самаанад̇т̇аа д̣̇иссанд̇и, д̇асмаа яат̇аавид̇хаа вибассиаад̣̇аяо бхаг̇аванд̇о, аяамби бхаг̇аваа д̇ат̇аавид̇ход̇и д̇ат̇ааг̇ад̇о. яат̇аа яуд̇д̇аа жа д̇з бхаг̇аванд̇о, аяамби бхаг̇аваа д̇ат̇аа яуд̇д̇од̇и д̇ат̇ааг̇ад̇о. ат̇а ваа яасмаа сажжам̣ д̇ад̇вам̣ д̇ажчам̣ д̇ат̇анд̇и н̃аан̣ассзд̇ам̣ ад̇хиважанам̣, д̇асмаа д̇ат̇зна н̃аан̣зна ааг̇ад̇од̇и д̇ат̇ааг̇ад̇од̇и звамби д̇ат̇ааг̇ад̇асад̣̇д̣̇асса ад̇т̇о взд̣̇ид̇аб̣б̣о.

    Tiriyaṃ aparimāṇāsu lokadhātūsūti etena yadeke ‘‘tiriyaṃ viya upari adho ca santi lokadhātuyo’’ti vadanti, taṃ paṭisedheti. Desanāvilāsoyeva desanāvilāsamayo yathā ‘‘puññamayaṃ dānamaya’’ntiādīsu (dī. ni. 3.305; itivu. 60; netti. 33). Nipātānaṃ vācakasaddasannidhāne tadatthajotanabhāvena pavattanato gata-saddoyeva avagatatthaṃ atītatthañca vadatīti āha – ‘‘gatoti avagato atīto’’ti. Atha vā abhinīhārato paṭṭhāya yāva sambodhi, etthantare mahābodhiyānapaṭipattiyā hānaṭṭhānasaṃkilesanivattīnaṃ abhāvato yathā paṇidhānaṃ, tathā gato abhinīhārānurūpaṃ paṭipannoti tathāgato. Atha vā mahiddhikatāya paṭisambhidānaṃ ukkaṃsādhigamena anāvaraṇañāṇatāya ca katthacipi paṭighātābhāvato yathā ruci, tathā kāyavācācittānaṃ gatāni gamanāni pavattiyo etassāti tathāgato. Yasmā ca loke vidhayuttagatapakārasaddā samānatthā dissanti, tasmā yathāvidhā vipassiādayo bhagavanto, ayampi bhagavā tathāvidhoti tathāgato. Yathā yuttā ca te bhagavanto, ayampi bhagavā tathā yuttoti tathāgato. Atha vā yasmā saccaṃ tatvaṃ tacchaṃ tathanti ñāṇassetaṃ adhivacanaṃ, tasmā tathena ñāṇena āgatoti tathāgatoti evampi tathāgatasaddassa attho veditabbo.

    ‘‘бахааяа гаамаад̣̇ималз яат̇аа г̇ад̇аа,

    ‘‘Pahāya kāmādimale yathā gatā,

    самаад̇хин̃аан̣зхи вибассиаад̣̇аяо;

    Samādhiñāṇehi vipassiādayo;

    махзсино сагяамуний ж̇уд̇инд̇харо,

    Mahesino sakyamunī jutindharo,

    д̇ат̇ааг̇ад̇о д̇зна д̇ат̇ааг̇ад̇о мад̇о.

    Tathāgato tena tathāgato mato.

    ‘‘д̇ат̇ан̃жа д̇хаад̇ааяад̇анаад̣̇илагкан̣ам̣,

    ‘‘Tathañca dhātāyatanādilakkhaṇaṃ,

    сабхаавасааман̃н̃авибхааг̇абхзд̣̇ад̇о;

    Sabhāvasāmaññavibhāgabhedato;

    саяамбхун̃аан̣зна ж̇инояамааг̇ад̇о,

    Sayambhuñāṇena jinoyamāgato,

    д̇ат̇ааг̇ад̇о вужжад̇и сагяабун̇г̇аво.

    Tathāgato vuccati sakyapuṅgavo.

    ‘‘д̇ат̇аани сажжаани саманд̇ажагкунаа,

    ‘‘Tathāni saccāni samantacakkhunā,

    д̇ат̇аа ид̣̇аббажжаяад̇аа жа саб̣б̣асо;

    Tathā idappaccayatā ca sabbaso;

    анан̃н̃анзяязна яад̇о вибхаавид̇аа,

    Anaññaneyyena yato vibhāvitā,

    яаат̇аавад̇о д̇зна ж̇ино д̇ат̇ааг̇ад̇о.

    Yāthāvato tena jino tathāgato.

    ‘‘анзгабхзд̣̇аасуби логад̇хаад̇усу,

    ‘‘Anekabhedāsupi lokadhātusu,

    ж̇инасса рубааяад̇анаад̣̇иг̇ожарз;

    Jinassa rupāyatanādigocare;

    вижид̇д̇абхзд̣̇з д̇ат̇амзва д̣̇ассанам̣,

    Vicittabhede tathameva dassanaṃ,

    д̇ат̇ааг̇ад̇о д̇зна саманд̇аложано.

    Tathāgato tena samantalocano.

    ‘‘яад̇о жа д̇хаммам̣ д̇ат̇амзва бхаасад̇и,

    ‘‘Yato ca dhammaṃ tathameva bhāsati,

    гарод̇и ваажааяануломамад̇д̇ано;

    Karoti vācāyanulomamattano;

    г̇ун̣зхи логам̣ абхибхуяяирийяад̇и,

    Guṇehi lokaṃ abhibhuyyirīyati,

    д̇ат̇ааг̇ад̇о д̇знаби логанааяаго.

    Tathāgato tenapi lokanāyako.

    ‘‘яат̇аабхинийхаарамад̇о яат̇ааружи,

    ‘‘Yathābhinīhāramato yathāruci,

    бавад̇д̇аваажаа д̇анужид̇д̇абхаавад̇о;

    Pavattavācā tanucittabhāvato;

    яат̇аавид̇хаа язна бураа махзсино,

    Yathāvidhā yena purā mahesino,

    д̇ат̇аавид̇хо д̇зна ж̇ино д̇ат̇ааг̇ад̇о’’д̇и. (д̣̇ий. ни. дий. 1.7) –

    Tathāvidho tena jino tathāgato’’ti. (dī. ni. ṭī. 1.7) –

    сан̇г̇ахаг̇аат̇аа мукамад̇д̇амзва, гасмаа? аббамаад̣̇абад̣̇ам̣ вияа сагалагусалад̇хаммасамбадибад̇д̇ияаа саб̣б̣аб̣уд̣̇д̇хаг̇ун̣аанам̣ сан̇г̇аахагад̇д̇аа. д̇знзвааха – ‘‘саб̣б̣аагаарзнаа’’д̇иаад̣̇и. сзсамзд̇т̇а уд̇д̇аанад̇т̇амзва.

    Saṅgahagāthā mukhamattameva, kasmā? Appamādapadaṃ viya sakalakusaladhammasampaṭipattiyā sabbabuddhaguṇānaṃ saṅgāhakattā. Tenevāha – ‘‘sabbākārenā’’tiādi. Sesamettha uttānatthameva.

    171. д̣̇уд̇ияз уббад̇д̇ийд̇и батамааяа ж̇аад̇ияаа ниб̣б̣ад̇д̇им̣ вад̇ваа арияааяа ж̇аад̇ияаа ниб̣б̣ад̇д̇им̣ д̣̇ассзд̇ум̣ – ‘‘нибпад̇д̇ий’’д̇и ааха. д̇ад̣̇аа хисса б̣уд̣̇д̇хабхааванибпад̇д̇ийд̇и. ‘‘д̣̇уллабхо’’д̇иаад̣̇им̣ вад̇ваа гааран̣асса д̣̇уурасамбхаарабхаавад̇о д̇ад̇т̇а гааран̣ам̣ д̣̇ассзнд̇о ‘‘згаваара’’нд̇иаад̣̇имааха. ид̣̇ам̣ вуд̇д̇ам̣ ход̇и – д̇ад̇т̇а ваараг̇ан̣анаа наама маасасам̣важчарагаббаг̇ан̣анаад̣̇игаа, габбаанам̣ згам̣ асан̇кязяяам̣ д̣̇вз асан̇кязяяаани д̇ийн̣и асан̇кязяяааниби баарамияо буурзд̇вааби б̣уд̣̇д̇хзна бхавид̇ум̣ на саггаа, хздтимагодияаа бана жад̇д̇аари асан̇кязяяаани габбасад̇асахассан̃жа ниранд̇арам̣ д̣̇аса баарамияо буурзд̇ваа б̣уд̣̇д̇хабхаавам̣ бад̇д̇ум̣ саггаа, на ид̇о ан̃н̃ат̇аад̇и иминаа гааран̣зна д̣̇уллабхо баад̇убхааво б̣уд̣̇д̇хаананд̇и.

    171. Dutiye uppattīti paṭhamāya jātiyā nibbattiṃ vatvā ariyāya jātiyā nibbattiṃ dassetuṃ – ‘‘nipphattī’’ti āha. Tadā hissa buddhabhāvanipphattīti. ‘‘Dullabho’’tiādiṃ vatvā kāraṇassa dūrasambhārabhāvato tattha kāraṇaṃ dassento ‘‘ekavāra’’ntiādimāha. Idaṃ vuttaṃ hoti – tattha vāragaṇanā nāma māsasaṃvaccharakappagaṇanādikā, kappānaṃ ekaṃ asaṅkhyeyyaṃ dve asaṅkhyeyyāni tīṇi asaṅkhyeyyānipi pāramiyo pūretvāpi buddhena bhavituṃ na sakkā, heṭṭhimakoṭiyā pana cattāri asaṅkhyeyyāni kappasatasahassañca nirantaraṃ dasa pāramiyo pūretvā buddhabhāvaṃ pattuṃ sakkā, na ito aññathāti iminā kāraṇena dullabho pātubhāvo buddhānanti.

    172. д̇ад̇ияз нижжам̣ на ход̇ийд̇и абхин̣хаббавад̇д̇игам̣ на ход̇и гад̣̇аажид̣̇зва самбхавад̇о. язбхуяязна мануссаа ажчарияам̣ д̣̇исваа ажчарам̣ бахаранд̇и, д̇ам̣ санд̇хааяа вуд̇д̇ам̣ – ‘‘ажчарам̣ бахарид̇ваа бассид̇аб̣б̣о’’д̇и. саманнааг̇ад̇ад̇д̇аад̇и зд̇зна ажчарияаа г̇ун̣ад̇хаммаа зд̇асмим̣ санд̇ийд̇и ажчарияод̇и д̣̇ассзд̇и. абижа аад̣̇ид̇о бабхуд̇и абхинийхаараавахо, д̇ад̇о барамби анан̃н̃асаад̇хааран̣з г̇ун̣ад̇хаммз аажин̣н̣аваад̇и ажчарияод̇и ааха – ‘‘аажин̣н̣амануссод̇иби ажчарияамануссо’’д̇иаад̣̇и. махааб̣од̇хин̃аан̣амзва ман̣д̣абхууд̇ам̣ махааб̣од̇химан̣д̣о. саб̣б̣ан̃н̃уд̇ан̃н̃аан̣абад̣̇адтаанан̃хи маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа саб̣б̣ан̃н̃уд̇ан̃н̃аан̣ам̣ ‘‘махааб̣од̇хий’’д̇и вужжад̇и. анивад̇д̇агзнаад̇и б̣од̇хияаа нияад̇абхааваабад̇д̇ияаа махааб̣од̇хисад̇д̇абхаавад̇о анивад̇д̇анасабхаавзна. б̣уд̣̇д̇хагаарагад̇хаммаанам̣ бууран̣амби на ан̃н̃асса гассажи аажин̣н̣анд̇иаад̣̇инаа хзд̇уавад̇т̇ааяа палаавад̇т̇ааяа сад̇д̇аанам̣ убагаараавад̇т̇ааяа жаад̇и д̇ийсуби авад̇т̇аасу логанаат̇о анан̃н̃асаад̇хааран̣аанам̣ г̇ун̣ад̇хаммаанам̣ аажин̣н̣ад̇ааяа ажчарияамануссо вуд̇д̇од̇и д̣̇ассзд̇и.

    172. Tatiye niccaṃ na hotīti abhiṇhappavattikaṃ na hoti kadācideva sambhavato. Yebhuyyena manussā acchariyaṃ disvā accharaṃ paharanti, taṃ sandhāya vuttaṃ – ‘‘accharaṃ paharitvā passitabbo’’ti. Samannāgatattāti etena acchariyā guṇadhammā etasmiṃ santīti acchariyoti dasseti. Apica ādito pabhuti abhinīhārāvaho, tato parampi anaññasādhāraṇe guṇadhamme āciṇṇavāti acchariyoti āha – ‘‘āciṇṇamanussotipi acchariyamanusso’’tiādi. Mahābodhiñāṇameva maṇḍabhūtaṃ mahābodhimaṇḍo. Sabbaññutaññāṇapadaṭṭhānañhi maggañāṇaṃ, maggañāṇapadaṭṭhānañca sabbaññutaññāṇaṃ ‘‘mahābodhī’’ti vuccati. Anivattakenāti bodhiyā niyatabhāvāpattiyā mahābodhisattabhāvato anivattanasabhāvena. Buddhakārakadhammānaṃ pūraṇampi na aññassa kassaci āciṇṇantiādinā hetuavatthāya phalāvatthāya sattānaṃ upakārāvatthāya cāti tīsupi avatthāsu lokanātho anaññasādhāraṇānaṃ guṇadhammānaṃ āciṇṇatāya acchariyamanusso vuttoti dasseti.

    173. жад̇уд̇т̇з гаалз гирияаад̇и гаалагирияаа. гад̇арасмим̣ гаалз гийд̣̇исий гирияаа. сааман̃н̃аж̇од̇анаа хи висзсз авад̇идтад̇и, висзсад̇т̇инаа жа висзсо ануббаяож̇ид̇аб̣б̣од̇и ааха – ‘‘згасмим̣ гаалз баагадаа гирияаа’’д̇и. гад̇арасмим̣ бана згасмим̣ гаалз, гат̇ан̃жа баагадаад̇и? габбаанам̣ сад̇асахассаад̇хигаани анзгаани асан̇кязяяаани абхиггамид̇ваа яат̇аад̇хиббзд̇аманорат̇абаарибууривасзна самубалад̣̇д̇хз згасмим̣ гаалз, сад̣̇звалогз ад̇ивияа ажчарияамануссасса бариниб̣б̣аананд̇и ажжанд̇абаагадаа. ануд̇аабагараад̇и жзд̇од̣̇угкаавахаа. д̣̇асасахассажаггаваал̣зсууд̇и вуд̇д̇ам̣ д̇асса б̣уд̣̇д̇хагкзд̇д̇абхаавзна барижчиннад̇д̇аа, д̇ад̣̇ан̃н̃зсан̃жа ависаяад̇д̇аа.

    173. Catutthe kāle kiriyāti kālakiriyā. Katarasmiṃ kāle kīdisī kiriyā. Sāmaññajotanā hi visese avatiṭṭhati, visesatthinā ca viseso anuppayojitabboti āha – ‘‘ekasmiṃ kāle pākaṭā kiriyā’’ti. Katarasmiṃ pana ekasmiṃ kāle, kathañca pākaṭāti? Kappānaṃ satasahassādhikāni anekāni asaṅkhyeyyāni abhikkamitvā yathādhippetamanorathapāripūrivasena samupaladdhe ekasmiṃ kāle, sadevaloke ativiya acchariyamanussassa parinibbānanti accantapākaṭā. Anutāpakarāti cetodukkhāvahā. Dasasahassacakkavāḷesūti vuttaṃ tassa buddhakkhettabhāvena paricchinnattā, tadaññesañca avisayattā.

    174. бан̃жамз д̣̇уд̇ияасса б̣уд̣̇д̇хассаад̇и д̣̇уд̇ияасса саб̣б̣ан̃н̃уб̣уд̣̇д̇хасса абхааваа. суд̇аб̣уд̣̇д̇хо наама суд̇амаязна н̃аан̣зна б̣уж̇жхид̇аб̣б̣асса б̣уд̣̇д̇хад̇д̇аа. жад̇усажжаб̣уд̣̇д̇хо наама жад̇уннам̣ арияасажжаанам̣ анавасзсад̇о б̣уд̣̇д̇хад̇д̇аа. бажжзгаб̣уд̣̇д̇хо наама бажжзгам̣ ад̇д̇аноязва яат̇аа жад̇усажжасамб̣од̇хо ход̇и, звам̣ б̣уд̣̇д̇хад̇д̇аа. саммаасамб̣уд̣̇д̇хо зва хи яат̇аа сад̣̇звагасса логасса жад̇усажжасамб̣од̇хо ход̇и, звам̣ сажжаани абхисамб̣уж̇жхад̇и. жад̇д̇аари ваа адта ваа сол̣аса ваад̇и ид̣̇ам̣ гад̇амахаабхинийхаараанам̣ махааб̣од̇хисад̇д̇аанам̣ бан̃н̃аад̇хигасад̣̇д̇хаад̇хигавийрияаад̇хигавибхааг̇авасзна вуд̇д̇ам̣. ‘‘бан̃н̃аад̇хигаанан̃хи сад̣̇д̇хаа манд̣̇аа ход̇и, бан̃н̃аа д̇игкаа. сад̣̇д̇хаад̇хигаанам̣ бан̃н̃аа маж̇жхимаа ход̇и. вийрияаад̇хигаанам̣ бан̃н̃аа манд̣̇аа, бан̃н̃аанубхаавзна жа саммаасамб̣од̇хи ад̇хиг̇анд̇аб̣б̣аа’’д̇и адтагат̇ааяам̣ вуд̇д̇ам̣. ависзсзна бана вимуд̇д̇ибарибаажанийяад̇хаммаанам̣ д̇игкамаж̇жхимамуд̣̇убхаавзна д̇аяобзд̇з бхзд̣̇аа яуд̇д̇аад̇и вад̣̇анд̇и. д̇ивид̇хаа хи б̣од̇хисад̇д̇аа абхинийхаарагкан̣з бхаванд̇и уг̇гхадид̇ан̃н̃увибан̃жид̇ан̃н̃унзяяабхзд̣̇зна. д̇зсу уг̇гхадид̇ан̃н̃уу саммаасамб̣уд̣̇д̇хасса саммукаа жаад̇уббад̣̇игам̣ г̇аат̇ам̣ сун̣анд̇о д̇ад̇ияабад̣̇з абарияосид̇зязва чахи абхин̃н̃аахи саха бадисамбхид̣̇аахи арахад̇д̇ам̣ бад̇д̇ум̣ самад̇т̇уубаниссаяо ход̇и. д̣̇уд̇ияо сад̇т̇у саммукаа згам̣ г̇аат̇ам̣ сун̣анд̇о абарияосид̇зязва жад̇уд̇т̇абад̣̇з чахи абхин̃н̃аахи арахад̇д̇ам̣ бад̇д̇ум̣ самад̇т̇уубаниссаяо ход̇и. ид̇аро бхаг̇авад̇о саммукаа жаад̇уббад̣̇игаг̇аат̇ам̣ суд̇ваа барияосид̇ааяа г̇аат̇ааяа чахи абхин̃н̃аахи арахад̇д̇ам̣ бад̇д̇ум̣ самад̇т̇уубаниссаяо ход̇и. д̇аяобзд̇з винаа гаалабхзд̣̇зна гад̇аабхинийхаараа лад̣̇д̇хаб̣яаагаран̣аа баарамияо буурзнд̇о яат̇ааггамам̣ яат̇аавуд̇д̇абхзд̣̇зна гаалзна саммаасамб̣од̇хим̣ баабун̣анд̇и, д̇зсу д̇зсу бана гаалабхзд̣̇зсу абарибун̣н̣зсу д̇з д̇з махаасад̇д̇аа д̣̇ивасз д̣̇ивасз взссанд̇арад̣̇аанасад̣̇исам̣ д̣̇аанам̣ д̣̇знд̇ааби д̇ад̣̇ануруубам̣ сийлаад̣̇исзсабаарамид̇хаммз аажинанд̇ааби анд̇араа б̣уд̣̇д̇хаа бхависсанд̇ийд̇и агааран̣амзд̇ам̣. гасмаа? н̃аан̣асса абарибажжанад̇о. барижчиннагааланибпаад̣̇ид̇ам̣ вияа хи сассам̣ барижчиннагаалз нибпаад̣̇ид̇аа саммаасамб̣од̇хи д̇ад̣̇анд̇араа саб̣б̣уссаахзна вааяаманд̇знаби на саггаа баабун̣ид̇унд̇и баарамибуурий яат̇аавуд̇д̇агаалависзсзна самбаж̇ж̇ад̇ийд̇и взд̣̇ид̇аб̣б̣ам̣. сад̣̇д̇хинд̇и самаанагаалз.

    174. Pañcame dutiyassa buddhassāti dutiyassa sabbaññubuddhassa abhāvā. Sutabuddho nāma sutamayena ñāṇena bujjhitabbassa buddhattā. Catusaccabuddho nāma catunnaṃ ariyasaccānaṃ anavasesato buddhattā. Paccekabuddho nāma paccekaṃ attanoyeva yathā catusaccasambodho hoti, evaṃ buddhattā. Sammāsambuddho eva hi yathā sadevakassa lokassa catusaccasambodho hoti, evaṃ saccāni abhisambujjhati. Cattāri vā aṭṭha vā soḷasa vāti idaṃ katamahābhinīhārānaṃ mahābodhisattānaṃ paññādhikasaddhādhikavīriyādhikavibhāgavasena vuttaṃ. ‘‘Paññādhikānañhi saddhā mandā hoti, paññā tikkhā. Saddhādhikānaṃ paññā majjhimā hoti. Vīriyādhikānaṃ paññā mandā, paññānubhāvena ca sammāsambodhi adhigantabbā’’ti aṭṭhakathāyaṃ vuttaṃ. Avisesena pana vimuttiparipācanīyadhammānaṃ tikkhamajjhimamudubhāvena tayopete bhedā yuttāti vadanti. Tividhā hi bodhisattā abhinīhārakkhaṇe bhavanti ugghaṭitaññuvipañcitaññuneyyabhedena. Tesu ugghaṭitaññū sammāsambuddhassa sammukhā cātuppadikaṃ gāthaṃ suṇanto tatiyapade apariyositeyeva chahi abhiññāhi saha paṭisambhidāhi arahattaṃ pattuṃ samatthūpanissayo hoti. Dutiyo satthu sammukhā ekaṃ gāthaṃ suṇanto apariyositeyeva catutthapade chahi abhiññāhi arahattaṃ pattuṃ samatthūpanissayo hoti. Itaro bhagavato sammukhā cātuppadikagāthaṃ sutvā pariyositāya gāthāya chahi abhiññāhi arahattaṃ pattuṃ samatthūpanissayo hoti. Tayopete vinā kālabhedena katābhinīhārā laddhabyākaraṇā pāramiyo pūrento yathākkamaṃ yathāvuttabhedena kālena sammāsambodhiṃ pāpuṇanti, tesu tesu pana kālabhedesu aparipuṇṇesu te te mahāsattā divase divase vessantaradānasadisaṃ dānaṃ dentāpi tadanurūpaṃ sīlādisesapāramidhamme ācinantāpi antarā buddhā bhavissantīti akāraṇametaṃ. Kasmā? Ñāṇassa aparipaccanato. Paricchinnakālanipphāditaṃ viya hi sassaṃ paricchinnakāle nipphāditā sammāsambodhi tadantarā sabbussāhena vāyamantenapi na sakkā pāpuṇitunti pāramipūrī yathāvuttakālavisesena sampajjatīti veditabbaṃ. Saddhinti samānakāle.

    асахааяод̇и ниббарияааяад̇о вуд̇д̇ам̣. сахааяанадто хи сахааяадто. бадибад̇д̇ивасзна бхаг̇авад̇аа саха самам̣ аяанам̣ наама гассажиби над̇т̇зва. хад̇т̇аад̣̇иаваяавад̇о бади бади минид̇аб̣б̣ад̇о бадимаа вужжад̇и ад̇д̇абхааво. самад̇т̇о наама над̇т̇ийд̇и д̣̇зво ваа мааро ваа б̣рахмаа ваа гожи над̇т̇и. бадисамод̇и бадинид̇хибхаавзна само. бадибхааг̇ам̣ д̣̇аад̇унд̇и ‘‘жад̇д̇ааро сад̇ибадтаанаа’’д̇иаад̣̇инаа вуд̇д̇асса д̇хаммабхааг̇асса д̇хаммагодтаасасса бадибагкабхууд̇ам̣ гад̇ваа бхааг̇ам̣ годтаасам̣ бадиважанам̣ д̣̇аад̇ум̣ самад̇т̇о наама над̇т̇и. над̇т̇и зд̇асса сийлаад̣̇иг̇ун̣зхи бадиб̣имб̣абхууд̇о буг̇г̇алод̇и аббадибуг̇г̇ало. д̇знааха – ‘‘ан̃н̃о гожий’’д̇иаад̣̇и. д̇исахассимахаасахассийнам̣ вибхааг̇о барад̇о аави бхависсад̇и. сзсамзд̇т̇а сувин̃н̃зяяамзва.

    Asahāyoti nippariyāyato vuttaṃ. Sahaayanaṭṭho hi sahāyaṭṭho. Paṭipattivasena bhagavatā saha samaṃ ayanaṃ nāma kassacipi nattheva. Hatthādiavayavato paṭi paṭi minitabbato paṭimā vuccati attabhāvo. Samattho nāma natthīti devo vā māro vā brahmā vā koci natthi. Paṭisamoti paṭinidhibhāvena samo. Paṭibhāgaṃ dātunti ‘‘cattāro satipaṭṭhānā’’tiādinā vuttassa dhammabhāgassa dhammakoṭṭhāsassa paṭipakkhabhūtaṃ katvā bhāgaṃ koṭṭhāsaṃ paṭivacanaṃ dātuṃ samattho nāma natthi. Natthi etassa sīlādiguṇehi paṭibimbabhūto puggaloti appaṭipuggalo. Tenāha – ‘‘añño kocī’’tiādi. Tisahassimahāsahassīnaṃ vibhāgo parato āvi bhavissati. Sesamettha suviññeyyameva.

    175. чадтаад̣̇ийсу д̇асмим̣ буг̇г̇алзд̇и саммаасамб̣уд̣̇д̇хз. д̇анд̇и бан̃н̃аажагку. баад̇убхууд̇амзва ход̇и д̇асса сахасса уббаж̇ж̇анад̇о. уббад̇д̇ийд̇и уббаж̇ж̇анам̣. нибпад̇д̇ийд̇и баривуд̣̇д̇хи. гийваруубассаад̇и гийд̣̇исасса. саавагависаязва хад̇т̇аг̇ад̇ам̣ бан̃н̃аажагку наама д̣̇виннам̣ аг̇г̇асаавагаанам̣язваад̇и ааха – ‘‘саарибуд̇д̇ад̇т̇зрассаа’’д̇иаад̣̇и. самаад̇хибан̃н̃аад̇и самаад̇хисахаг̇ад̇аа бан̃н̃аа. ‘‘самаад̇хисам̣вад̇д̇анигаа киббанисанд̇иаад̣̇ивисзсаавахаа бан̃н̃аа’’д̇и гзжи. аалогод̇и бан̃н̃аааалого зва. д̇ат̇аа обхаасо. д̇ийн̣ибийд̇и д̇ийн̣иби суд̇д̇аани. логияалогуд̇д̇арамиссагаанийд̇и буб̣б̣абхааг̇абан̃н̃ааяа ад̇хиббзд̇ад̇д̇аа вуд̇д̇ам̣.

    175. Chaṭṭhādīsu tasmiṃ puggaleti sammāsambuddhe. Tanti paññācakkhu. Pātubhūtameva hoti tassa sahassa uppajjanato. Uppattīti uppajjanaṃ. Nipphattīti parivuddhi. Kīvarūpassāti kīdisassa. Sāvakavisayeva hatthagataṃ paññācakkhu nāma dvinnaṃ aggasāvakānaṃyevāti āha – ‘‘sāriputtattherassā’’tiādi. Samādhipaññāti samādhisahagatā paññā. ‘‘Samādhisaṃvattanikā khippanisantiādivisesāvahā paññā’’ti keci. Ālokoti paññāāloko eva. Tathā obhāso. Tīṇipīti tīṇipi suttāni. Lokiyalokuttaramissakānīti pubbabhāgapaññāya adhippetattā vuttaṃ.

    уд̇д̇амад̇хаммаананд̇и ад̇д̇ано уд̇д̇арид̇арасса абхаавзна сздтад̇хаммаанам̣. д̣̇адтаб̣б̣ад̇о д̣̇ассанам̣, бхаг̇авад̇о руубагааяо. д̇ад̇т̇аби висзсад̇о руубааяад̇анам̣. д̇знааха – ‘‘жагкувин̃н̃аан̣зна д̣̇адтум̣ лабхад̇ий’’д̇и. над̇т̇и ид̇о уд̇д̇аранд̇и ануд̇д̇арам̣, д̇ад̣̇зва ануд̇д̇арияам̣, д̣̇ассанан̃жа д̇ам̣ ануд̇д̇арияан̃жаад̇и д̣̇ассанаануд̇д̇арияам̣. сзсабад̣̇зсуби зсзва наяо. аяам̣ бана бад̣̇ависзсо – суяяад̇ийд̇и саванам̣, бхаг̇авад̇о важанам̣. лаб̣бхад̇ийд̇и лаабхо, бхаг̇авад̇и сад̣̇д̇хаа. сигкид̇аб̣б̣ад̇о сигкаа. сийласамаад̇хибан̃н̃аабарижаран̣ам̣ баарижарияаа, убадтаанам̣. ануссаран̣ам̣ ануссад̇и, сад̇т̇у г̇ун̣аануссаран̣ам̣. имзсанд̇и яат̇аавуд̇д̇аанам̣ чаннам̣ ануд̇д̇арияаанам̣. баад̇убхааво ход̇ийд̇и д̇ат̇ааг̇ад̇асса баад̇убхааваа д̇аббадиб̣ад̣̇д̇хад̇д̇аа д̇аб̣б̣исаяад̇д̇аа жа баад̇убхааво ход̇и. ‘‘д̣̇ассанаануд̇д̇арияа’’нд̇и жа сад̣̇звагз логз уд̇д̇арид̇арасса бхаг̇авад̇о руубасса на д̣̇ассанамад̇д̇ам̣ ад̇хиббзд̇ам̣, ат̇а ко д̇асса руубад̣̇ассанамукзна авзжжаббасаад̣̇зна б̣уд̣̇д̇хаг̇ун̣з огаббзд̇ваа ог̇аахзд̇ваа д̣̇ассанам̣ д̣̇адтаб̣б̣ам̣. д̇знааха – ‘‘ааяасмаа хий’’д̇иаад̣̇и. ид̣̇амби д̣̇ассанаануд̇д̇арияанд̇и буб̣б̣з вуд̇д̇ад̇о ниб̣б̣исзсад̇д̇аа вуд̇д̇ам̣. д̣̇асаб̣алам̣ д̣̇ассанааяа лабхид̇ваад̇и аананд̣̇ад̇т̇зро вияа басаад̣̇абхад̇д̇имзд̇д̇аабуб̣б̣агам̣ д̣̇асаб̣алам̣ д̣̇ассанааяа лабхид̇ваа. д̣̇ассанам̣ вад̣дхзд̇ваад̇и д̣̇ассанамукзна бавад̇д̇ам̣ вибассанаажаарам̣ вад̣дхзд̇ваа. д̣̇ассанамукзна яаава ануломан̃аан̣ам̣ вибассанаажаарам̣ вад̣дхзд̇ваа д̇ад̣̇ананд̇арам̣ адтамагамахаабхуумим̣ оггаманд̇о д̣̇ассанам̣ сод̇аабад̇д̇имаг̇г̇ам̣ баабзд̇и наама. ид̇ха барад̇о бавад̇д̇ам̣ д̣̇ассанам̣ д̣̇ассанамзва наама, муулад̣̇ассанам̣ бана сажжад̣̇ассанассаби гааран̣абхаавад̇о д̣̇ассанаануд̇д̇арияам̣ наама. зса наяо сзсаануд̇д̇ариязсуби.

    Uttamadhammānanti attano uttaritarassa abhāvena seṭṭhadhammānaṃ. Daṭṭhabbato dassanaṃ, bhagavato rūpakāyo. Tatthapi visesato rūpāyatanaṃ. Tenāha – ‘‘cakkhuviññāṇena daṭṭhuṃ labhatī’’ti. Natthi ito uttaranti anuttaraṃ, tadeva anuttariyaṃ, dassanañca taṃ anuttariyañcāti dassanānuttariyaṃ. Sesapadesupi eseva nayo. Ayaṃ pana padaviseso – suyyatīti savanaṃ, bhagavato vacanaṃ. Labbhatīti lābho, bhagavati saddhā. Sikkhitabbato sikkhā. Sīlasamādhipaññāparicaraṇaṃ pāricariyā, upaṭṭhānaṃ. Anussaraṇaṃ anussati, satthu guṇānussaraṇaṃ. Imesanti yathāvuttānaṃ channaṃ anuttariyānaṃ. Pātubhāvo hotīti tathāgatassa pātubhāvā tappaṭibaddhattā tabbisayattā ca pātubhāvo hoti. ‘‘Dassanānuttariya’’nti ca sadevake loke uttaritarassa bhagavato rūpassa na dassanamattaṃ adhippetaṃ, atha kho tassa rūpadassanamukhena aveccappasādena buddhaguṇe okappetvā ogāhetvā dassanaṃ daṭṭhabbaṃ. Tenāha – ‘‘āyasmā hī’’tiādi. Idampi dassanānuttariyanti pubbe vuttato nibbisesattā vuttaṃ. Dasabalaṃ dassanāya labhitvāti ānandatthero viya pasādabhattimettāpubbakaṃ dasabalaṃ dassanāya labhitvā. Dassanaṃ vaḍḍhetvāti dassanamukhena pavattaṃ vipassanācāraṃ vaḍḍhetvā. Dassanamukhena yāva anulomañāṇaṃ vipassanācāraṃ vaḍḍhetvā tadanantaraṃ aṭṭhamakamahābhūmiṃ okkamanto dassanaṃ sotāpattimaggaṃ pāpeti nāma. Idha parato pavattaṃ dassanaṃ dassanameva nāma, mūladassanaṃ pana saccadassanassapi kāraṇabhāvato dassanānuttariyaṃ nāma. Esa nayo sesānuttariyesupi.

    д̣̇асаб̣алз сад̣̇д̇хам̣ бадилабхад̇ийд̇и саммаасамб̣уд̣̇д̇хз бхаг̇авад̇и сад̣̇д̇хам̣ бадилабхад̇и. д̇иссо сигкаа сигкид̇ваад̇и д̇иссо буб̣б̣абхааг̇асигкаа сигкид̇ваа. барижарад̇ийд̇и убадтаанам̣ гарод̇и. ‘‘ид̇иби со бхаг̇аваа’’д̇иаад̣̇инаа б̣уд̣̇д̇хаануссад̇ивасзна ануссад̇иж̇жхаанам̣ уббаад̣̇зд̇ваа д̇ам̣ бад̣̇адтаанам̣ гад̇ваа вибассанам̣ вад̣дхзнд̇о ‘‘ануссад̇им̣ вад̣дхзд̇ваа’’д̇и вуд̇д̇о.

    Dasabale saddhaṃ paṭilabhatīti sammāsambuddhe bhagavati saddhaṃ paṭilabhati. Tisso sikkhā sikkhitvāti tisso pubbabhāgasikkhā sikkhitvā. Paricaratīti upaṭṭhānaṃ karoti. ‘‘Itipi so bhagavā’’tiādinā buddhānussativasena anussatijjhānaṃ uppādetvā taṃ padaṭṭhānaṃ katvā vipassanaṃ vaḍḍhento ‘‘anussatiṃ vaḍḍhetvā’’ti vutto.

    сажчигирияаа ход̇ийд̇и бажжагкагаран̣ам̣ ход̇и. маг̇г̇агкан̣з хи лаб̣бхамаанаа бадисамбхид̣̇аа палагкан̣з сажчигад̇аа наама ход̇и д̇ад̇о барам̣ ад̇т̇аад̣̇ийсу яат̇ижчид̇ам̣ винияог̇агкамабхаавад̇о. жад̇ассод̇и г̇ан̣анабарижчзд̣̇о. бадисамбхид̣̇аад̇и бабхзд̣̇аа. гасса бана бабхзд̣̇аад̇и? ‘‘ад̇т̇з н̃аан̣ам̣ ад̇т̇абадисамбхид̣̇аа’’д̇иаад̣̇иважанад̇о (вибха. 718-721) н̃аан̣ассзд̇аа бабхзд̣̇аа. д̇асмаа жад̇ассо бадисамбхид̣̇аад̇и жад̇д̇ааро н̃аан̣аббабхзд̣̇аад̇и ад̇т̇о. ад̇т̇абадисамбхид̣̇аад̇и ад̇т̇з бадисамбхид̣̇аа, ад̇т̇абабхзд̣̇асса салагкан̣авибхааванававад̇т̇аанагаран̣асамад̇т̇ам̣ ад̇т̇з бабхзд̣̇аг̇ад̇ам̣ н̃аан̣анд̇и ад̇т̇о. д̇ат̇аа д̇хаммабабхзд̣̇асса салагкан̣авибхааванававад̇т̇аанагаран̣асамад̇т̇ам̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа. нируд̇д̇ибабхзд̣̇асса салагкан̣авибхааванававад̇т̇аанагаран̣асамад̇т̇ам̣ нируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа. бадибхаанабабхзд̣̇асса салагкан̣авибхааванававад̇т̇аанагаран̣асамад̇т̇ам̣ бадибхаанз бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аа.

    Sacchikiriyāhotīti paccakkhakaraṇaṃ hoti. Maggakkhaṇe hi labbhamānā paṭisambhidā phalakkhaṇe sacchikatā nāma hoti tato paraṃ atthādīsu yathicchitaṃ viniyogakkhamabhāvato. Catassoti gaṇanaparicchedo. Paṭisambhidāti pabhedā. Kassa pana pabhedāti? ‘‘Atthe ñāṇaṃ atthapaṭisambhidā’’tiādivacanato (vibha. 718-721) ñāṇassetā pabhedā. Tasmā catasso paṭisambhidāti cattāro ñāṇappabhedāti attho. Atthapaṭisambhidāti atthe paṭisambhidā, atthapabhedassa salakkhaṇavibhāvanavavatthānakaraṇasamatthaṃ atthe pabhedagataṃ ñāṇanti attho. Tathā dhammapabhedassa salakkhaṇavibhāvanavavatthānakaraṇasamatthaṃ dhamme pabhedagataṃ ñāṇaṃ dhammapaṭisambhidā. Niruttipabhedassa salakkhaṇavibhāvanavavatthānakaraṇasamatthaṃ niruttābhilāpe pabhedagataṃ ñāṇaṃ niruttipaṭisambhidā. Paṭibhānapabhedassa salakkhaṇavibhāvanavavatthānakaraṇasamatthaṃ paṭibhāne pabhedagataṃ ñāṇaṃ paṭibhānapaṭisambhidā.

    ад̇т̇зсу н̃аан̣анд̇иаад̣̇ийсу ад̇т̇од̇и сан̇кзбад̇о хзд̇упалам̣. д̇ан̃хи хзд̇увасзна аран̣ийяам̣ г̇анд̇аб̣б̣ам̣ бад̇д̇аб̣б̣ам̣, д̇асмаа ‘‘ад̇т̇о’’д̇и вужжад̇и. бабхзд̣̇ад̇о бана яам̣ гин̃жи бажжаяуббаннам̣, ниб̣б̣аанам̣, бхаасид̇ад̇т̇о, вибааго, гирияаад̇и имз бан̃жа д̇хаммаа ‘‘ад̇т̇о’’д̇и взд̣̇ид̇аб̣б̣аа. д̇ам̣ ад̇т̇ам̣ бажжавзгканд̇асса д̇асмим̣ бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа. д̇хаммод̇и сан̇кзбад̇о бажжаяо. со хи яасмаа д̇анд̇и д̣̇ахад̇и вид̣̇ахад̇и бавад̇д̇зд̇и жзва баабзд̇и жа табзд̇и жа, д̇асмаа ‘‘д̇хаммо’’д̇и вужжад̇и. бабхзд̣̇ад̇о бана яо гожи паланиб̣б̣ад̇д̇аго хзд̇у арияамаг̇г̇о бхаасид̇ам̣ гусалам̣ агусаланд̇и бан̃жавид̇ход̇и взд̣̇ид̇аб̣б̣о, д̇ам̣ д̇хаммам̣ бажжавзгканд̇асса д̇асмим̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа.

    Atthesu ñāṇantiādīsu atthoti saṅkhepato hetuphalaṃ. Tañhi hetuvasena araṇīyaṃ gantabbaṃ pattabbaṃ, tasmā ‘‘attho’’ti vuccati. Pabhedato pana yaṃ kiñci paccayuppannaṃ, nibbānaṃ, bhāsitattho, vipāko, kiriyāti ime pañca dhammā ‘‘attho’’ti veditabbā. Taṃ atthaṃ paccavekkhantassa tasmiṃ pabhedagataṃ ñāṇaṃ atthapaṭisambhidā. Dhammoti saṅkhepato paccayo. So hi yasmā tanti dahati vidahati pavatteti ceva pāpeti ca ṭhapeti ca, tasmā ‘‘dhammo’’ti vuccati. Pabhedato pana yo koci phalanibbattako hetu ariyamaggo bhāsitaṃ kusalaṃ akusalanti pañcavidhoti veditabbo, taṃ dhammaṃ paccavekkhantassa tasmiṃ dhamme pabhedagataṃ ñāṇaṃ dhammapaṭisambhidā.

    ад̇т̇ад̇хамманируд̇д̇аабхилаабз н̃аан̣анд̇и д̇асмим̣ ад̇т̇з жа д̇хаммз жа сабхааванируд̇д̇исад̣̇д̣̇ам̣ аарамман̣ам̣ гад̇ваа бажжавзгканд̇асса д̇асмим̣ сабхааванируд̇д̇иабхилаабз бабхзд̣̇аг̇ад̇ам̣ н̃аан̣ам̣. звамаяам̣ нируд̇д̇ибадисамбхид̣̇аа сад̣̇д̣̇аарамман̣аа наама ж̇аад̇аа, на бан̃н̃ад̇д̇иаарамман̣аа. гасмаа? яасмаа сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и баж̇аанаад̇и. бадисамбхид̣̇аабад̇д̇о хи ‘‘пассо’’д̇и вуд̇д̇з ‘‘аяам̣ сабхааванируд̇д̇ий’’д̇и ж̇аанаад̇и, ‘‘пассаа’’д̇и ваа ‘‘пасса’’нд̇и ваа вуд̇д̇з ‘‘аяам̣ на сабхааванируд̇д̇ий’’д̇и ж̇аанаад̇и. взд̣̇анаад̣̇ийсуби зсзва наяо. аяам̣ банзса наамаакяаад̇обасаг̇г̇ааб̣яаяабад̣̇амби ж̇аанаад̇иязва сабхааванируд̇д̇ияаа яаат̇аавад̇о ж̇аананад̇о. н̃аан̣зсу н̃аан̣анд̇и саб̣б̣ад̇т̇аган̃аан̣ам̣ аарамман̣ам̣ гад̇ваа бажжавзгканд̇асса бабхзд̣̇аг̇ад̇ам̣ н̃аан̣ам̣.

    Atthadhammaniruttābhilāpe ñāṇanti tasmiṃ atthe ca dhamme ca sabhāvaniruttisaddaṃ ārammaṇaṃ katvā paccavekkhantassa tasmiṃ sabhāvaniruttiabhilāpe pabhedagataṃ ñāṇaṃ. Evamayaṃ niruttipaṭisambhidā saddārammaṇā nāma jātā, na paññattiārammaṇā. Kasmā? Yasmā saddaṃ sutvā ‘‘ayaṃ sabhāvanirutti, ayaṃ na sabhāvaniruttī’’ti pajānāti. Paṭisambhidāpatto hi ‘‘phasso’’ti vutte ‘‘ayaṃ sabhāvaniruttī’’ti jānāti, ‘‘phassā’’ti vā ‘‘phassa’’nti vā vutte ‘‘ayaṃ na sabhāvaniruttī’’ti jānāti. Vedanādīsupi eseva nayo. Ayaṃ panesa nāmākhyātopasaggābyayapadampi jānātiyeva sabhāvaniruttiyā yāthāvato jānanato. Ñāṇesu ñāṇanti sabbatthakañāṇaṃ ārammaṇaṃ katvā paccavekkhantassa pabhedagataṃ ñāṇaṃ.

    имаа бана жад̇ассо бадисамбхид̣̇аа сзгкабхуумияам̣ асзгкабхуумияанд̇и д̣̇вийсу таанзсу бабхзд̣̇ам̣ г̇ажчанд̇и. ад̇хиг̇амо барияад̇д̇и саванам̣ барибужчаа буб̣б̣аяог̇од̇и имзхи бан̃жахи гааран̣зхи висад̣̇аа хонд̇и. ад̇хиг̇амо наама сажжаббадивзд̇хо. барияад̇д̇и наама б̣уд̣̇д̇хаважанам̣. д̇ан̃хи г̇ан̣ханд̇асса бадисамбхид̣̇аа висад̣̇аа хонд̇и. саванам̣ наама д̇хаммассаванам̣. саггажжам̣ д̇хаммам̣ сун̣анд̇ассаби хи бадисамбхид̣̇аа висад̣̇аа хонд̇и. барибужчаа наама адтагат̇аа. уг̇г̇ахид̇абаал̣ияаа ад̇т̇ам̣ гат̇знд̇ассаби хи бадисамбхид̣̇аа висад̣̇аа хонд̇и. буб̣б̣аяог̇о наама буб̣б̣аяог̇ааважарад̇аа. харан̣абажжаахаран̣анаязна бадибаагадагаммадтаанассаби бадисамбхид̣̇аа висад̣̇аа хонд̇ийд̇и. логияалогуд̇д̇араа ваад̇и зд̇т̇а д̇иссо бадисамбхид̣̇аа логияаа, ад̇т̇абадисамбхид̣̇аа сияаа логияаа, сияаа логуд̇д̇араад̇и звам̣ вибхаж̇ид̇ваа ад̇т̇о взд̣̇ид̇аб̣б̣о.

    Imā pana catasso paṭisambhidā sekkhabhūmiyaṃ asekkhabhūmiyanti dvīsu ṭhānesu pabhedaṃ gacchanti. Adhigamo pariyatti savanaṃ paripucchā pubbayogoti imehi pañcahi kāraṇehi visadā honti. Adhigamo nāma saccappaṭivedho. Pariyatti nāma buddhavacanaṃ. Tañhi gaṇhantassa paṭisambhidā visadā honti. Savanaṃ nāma dhammassavanaṃ. Sakkaccaṃ dhammaṃ suṇantassapi hi paṭisambhidā visadā honti. Paripucchā nāma aṭṭhakathā. Uggahitapāḷiyā atthaṃ kathentassapi hi paṭisambhidā visadā honti. Pubbayogo nāma pubbayogāvacaratā. Haraṇapaccāharaṇanayena paṭipākaṭakammaṭṭhānassapi paṭisambhidā visadā hontīti. Lokiyalokuttarā vāti ettha tisso paṭisambhidā lokiyā, atthapaṭisambhidā siyā lokiyā, siyā lokuttarāti evaṃ vibhajitvā attho veditabbo.

    б̣уд̣̇д̇хуббаад̣̇зязваад̇и авад̇хааран̣зна б̣уд̣̇д̇хуббаад̣̇з зва лаб̣бханад̇о, аб̣уд̣̇д̇хуббаад̣̇з алаб̣бханад̇о анан̃н̃асаад̇хааран̣о бадивзд̇хо ад̇хиббзд̇о. зван̃жа гад̇ваа ‘‘махад̇о жагкуссаа’’д̇иаад̣̇ийсу бан̃н̃аамахад̇д̇аад̣̇игамби анан̃н̃асаад̇хааран̣амзва ад̇хиббзд̇анд̇и д̣̇адтаб̣б̣ам̣. д̇ат̇аа виж̇ж̇аавимуд̇д̇ипаласажчигирияаад̣̇аяоби барзсам̣ д̇аб̣бхааваавахаа д̣̇адтаб̣б̣аа. яаа гаажи д̇хаад̇уяо логияаа логуд̇д̇араа ваа, саб̣б̣аа д̇аа имаахзва сан̇г̇ахид̇аа, зд̇т̇зва анд̇ог̇ад̇хаад̇и вуд̇д̇ам̣ – ‘‘имаава адтаараса д̇хаад̇уяо наанаасабхаавад̇о наанаад̇хаад̇уяо’’д̇и. свааяамад̇т̇о анзгад̇хаад̇унаанаад̇хаад̇ун̃аан̣авибхан̇г̇зна (вибха. 751) д̣̇ийбзд̇аб̣б̣о. ‘‘сажчигирияаа’’д̇и вуд̇д̇ад̇д̇аа ‘‘виж̇ж̇аад̇и палз н̃аан̣а’’нд̇и вуд̇д̇ам̣.

    Buddhuppādeyevāti avadhāraṇena buddhuppāde eva labbhanato, abuddhuppāde alabbhanato anaññasādhāraṇo paṭivedho adhippeto. Evañca katvā ‘‘mahato cakkhussā’’tiādīsu paññāmahattādikampi anaññasādhāraṇameva adhippetanti daṭṭhabbaṃ. Tathā vijjāvimuttiphalasacchikiriyādayopi paresaṃ tabbhāvāvahā daṭṭhabbā. Yā kāci dhātuyo lokiyā lokuttarā vā, sabbā tā imāheva saṅgahitā, ettheva antogadhāti vuttaṃ – ‘‘imāva aṭṭhārasa dhātuyo nānāsabhāvato nānādhātuyo’’ti. Svāyamattho anekadhātunānādhātuñāṇavibhaṅgena (vibha. 751) dīpetabbo. ‘‘Sacchikiriyā’’ti vuttattā ‘‘vijjāti phale ñāṇa’’nti vuttaṃ.

    187. яасмаа жаггад̇и абараабарам̣ баривад̇д̇ад̇ийд̇и жаггам̣, д̇асмаа ирияаабат̇ааби абараабарам̣ баривад̇д̇анадтзна жаггасад̣̇исад̇д̇аа жагганд̇и вуд̇д̇аа, д̇ат̇аа бад̇ируубад̣̇зсаваасаад̣̇исамбад̇д̇ияо. д̇ад̇о бадтааяа д̇хаммажаггам̣ абхинийхарад̇и наамаад̇и зд̇т̇а д̇ад̣̇аа махаасад̇д̇о ад̇д̇аанам̣ абхинийхаараяог̇ам̣ гаронд̇о ‘‘д̇хаммажаггам̣ абхинийхарад̇и наамаа’’д̇и вуд̇д̇о д̇ад̇о бадтааяа д̇хаммажаггаабхинийхааравиб̣анд̇хагарад̇хаммаануббаж̇ж̇анад̇о. абхинийхадам̣ наамаад̇и зд̇т̇аби аяамзва наяо. арахад̇д̇амаг̇г̇ам̣ бадивиж̇жханд̇оби д̇хаммажаггам̣ уббаад̣̇зд̇иязва наама д̇ад̣̇ад̇т̇ам̣ н̃аан̣ам̣ барибаажзд̇ийд̇и гад̇ваа. арахад̇д̇апалагкан̣з д̇хаммажаггам̣ уббаад̣̇ид̇ам̣ наама д̇асмим̣ кан̣з д̇хаммажаггасса уббаад̣̇анааяа гаад̇аб̣б̣агижжасса гассажи абхааваа. бадивзд̇хан̃аан̣ан̃хи ид̇ха ‘‘д̇хаммажагга’’нд̇и ад̇хиббзд̇ам̣. ид̣̇аани д̣̇зсанаан̃аан̣авасзна д̇хаммажаггам̣ д̣̇ассзд̇ум̣ – ‘‘гад̣̇аа бавад̇д̇зд̇и наамаа’’д̇иаад̣̇имааха. на гзвалам̣ т̇зрассзва, ат̇а ко саб̣б̣зсамби саасанигаанам̣ д̇хаммагат̇аа бхаг̇авад̇о д̇хаммад̣̇зсанаа жад̇уннам̣ арияасажжаанам̣ жад̇уннан̃жа згад̇д̇аад̣̇инаяаанам̣ авираад̇ханад̇од̇и д̣̇ассзд̇ум̣ – ‘‘яо хи гожи бхигку ваа’’д̇иаад̣̇и аарад̣̇д̇хам̣. сзсам̣ сувин̃н̃зяяамзва.

    187. Yasmā cakkati aparāparaṃ parivattatīti cakkaṃ, tasmā iriyāpathāpi aparāparaṃ parivattanaṭṭhena cakkasadisattā cakkanti vuttā, tathā patirūpadesavāsādisampattiyo. Tato paṭṭhāya dhammacakkaṃ abhinīharati nāmāti ettha tadā mahāsatto attānaṃ abhinīhārayogaṃ karonto ‘‘dhammacakkaṃ abhinīharati nāmā’’ti vutto tato paṭṭhāya dhammacakkābhinīhāravibandhakaradhammānuppajjanato. Abhinīhaṭaṃ nāmāti etthapi ayameva nayo. Arahattamaggaṃ paṭivijjhantopi dhammacakkaṃ uppādetiyeva nāma tadatthaṃ ñāṇaṃ paripācetīti katvā. Arahattaphalakkhaṇe dhammacakkaṃ uppāditaṃ nāma tasmiṃ khaṇe dhammacakkassa uppādanāya kātabbakiccassa kassaci abhāvā. Paṭivedhañāṇañhi idha ‘‘dhammacakka’’nti adhippetaṃ. Idāni desanāñāṇavasena dhammacakkaṃ dassetuṃ – ‘‘kadā pavatteti nāmā’’tiādimāha. Na kevalaṃ therasseva, atha kho sabbesampi sāsanikānaṃ dhammakathā bhagavato dhammadesanā catunnaṃ ariyasaccānaṃ catunnañca ekattādinayānaṃ avirādhanatoti dassetuṃ – ‘‘yo hi koci bhikkhu vā’’tiādi āraddhaṃ. Sesaṃ suviññeyyameva.

    згабуг̇г̇алаваг̇г̇аван̣н̣анаа нидтид̇аа.

    Ekapuggalavaggavaṇṇanā niṭṭhitā.




    Next: 14. зд̇ад̣̇аг̇г̇аваг̇г̇о • 14. Etadaggavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 13. згабуг̇г̇алаваг̇г̇о • 13. Ekapuggalavaggo

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 13. згабуг̇г̇алаваг̇г̇аван̣н̣анаа • 13. Ekapuggalavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact