| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
13. згабуг̇г̇алаваг̇г̇о
13. Ekapuggalavaggo
170. ‘‘згабуг̇г̇ало , бхигкавз, логз уббаж̇ж̇амаано уббаж̇ж̇ад̇и б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣ . гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо. аяам̣ ко, бхигкавз, згабуг̇г̇ало логз уббаж̇ж̇амаано уббаж̇ж̇ад̇и б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и.
170. ‘‘Ekapuggalo , bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ . Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussāna’’nti.
171. ‘‘згабуг̇г̇аласса, бхигкавз, баад̇убхааво д̣̇уллабхо логасмим̣. гад̇амасса згабуг̇г̇аласса? д̇ат̇ааг̇ад̇асса арахад̇о саммаасамб̣уд̣̇д̇хасса. имасса ко, бхигкавз, згабуг̇г̇аласса баад̇убхааво д̣̇уллабхо логасми’’нд̇и.
171. ‘‘Ekapuggalassa, bhikkhave, pātubhāvo dullabho lokasmiṃ. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa pātubhāvo dullabho lokasmi’’nti.
172. ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо. аяам̣ ко, бхигкавз, згабуг̇г̇ало логз уббаж̇ж̇амаано уббаж̇ж̇ад̇и ажчарияамануссо’’д̇и.
172. ‘‘Ekapuggalo, bhikkhave, loke uppajjamāno uppajjati acchariyamanusso. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati acchariyamanusso’’ti.
173. ‘‘згабуг̇г̇аласса, бхигкавз, гаалагирияаа б̣ахуно ж̇анасса ануд̇аббаа 1 ход̇и. гад̇амасса згабуг̇г̇аласса? д̇ат̇ааг̇ад̇асса арахад̇о саммаасамб̣уд̣̇д̇хасса. имасса ко, бхигкавз, згабуг̇г̇аласса гаалагирияаа б̣ахуно ж̇анасса ануд̇аббаа ход̇ий’’д̇и.
173. ‘‘Ekapuggalassa, bhikkhave, kālakiriyā bahuno janassa anutappā 2 hoti. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa kālakiriyā bahuno janassa anutappā hotī’’ti.
174. ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ад̣̇уд̇ияо асахааяо аббадимо аббадисамо аббадибхааг̇о аббадибуг̇г̇ало асамо асамасамо д̣̇вибад̣̇аанам̣ аг̇г̇о. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо. аяам̣ ко, бхигкавз, згабуг̇г̇ало логз уббаж̇ж̇амаано уббаж̇ж̇ад̇и ад̣̇уд̇ияо асахааяо аббадимо аббадисамо аббадибхааг̇о аббадибуг̇г̇ало асамо асамасамо д̣̇вибад̣̇аанам̣ аг̇г̇о’’д̇и.
174. ‘‘Ekapuggalo, bhikkhave, loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṃ aggo. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṃ aggo’’ti.
175-186. ‘‘згабуг̇г̇аласса , бхигкавз, баад̇убхааваа махад̇о жагкусса баад̇убхааво ход̇и, махад̇о аалогасса баад̇убхааво ход̇и, махад̇о обхаасасса баад̇убхааво ход̇и, чаннам̣ ануд̇д̇арияаанам̣ баад̇убхааво ход̇и, жад̇уннам̣ бадисамбхид̣̇аанам̣ сажчигирияаа ход̇и, анзгад̇хаад̇убадивзд̇хо ход̇и, наанаад̇хаад̇убадивзд̇хо ход̇и, виж̇ж̇аавимуд̇д̇ипаласажчигирияаа ход̇и, сод̇аабад̇д̇ипаласажчигирияаа ход̇и, сагад̣̇ааг̇аамипаласажчигирияаа ход̇и, анааг̇аамипаласажчигирияаа ход̇и, арахад̇д̇апаласажчигирияаа ход̇и. гад̇амасса згабуг̇г̇аласса? д̇ат̇ааг̇ад̇асса арахад̇о саммаасамб̣уд̣̇д̇хасса. имасса ко, бхигкавз, згабуг̇г̇аласса баад̇убхааваа махад̇о жагкусса баад̇убхааво ход̇и, махад̇о аалогасса баад̇убхааво ход̇и, махад̇о обхаасасса баад̇убхааво ход̇и, чаннам̣ ануд̇д̇арияаанам̣ баад̇убхааво ход̇и, жад̇уннам̣ бадисамбхид̣̇аанам̣ сажчигирияаа ход̇и, анзгад̇хаад̇убадивзд̇хо ход̇и, наанаад̇хаад̇убадивзд̇хо ход̇и, виж̇ж̇аавимуд̇д̇ипаласажчигирияаа ход̇и, сод̇аабад̇д̇ипаласажчигирияаа ход̇и, сагад̣̇ааг̇аамипаласажчигирияаа ход̇и, анааг̇аамипаласажчигирияаа ход̇и, арахад̇д̇апаласажчигирияаа ход̇ий’’д̇и.
175-186. ‘‘Ekapuggalassa , bhikkhave, pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṃ anuttariyānaṃ pātubhāvo hoti, catunnaṃ paṭisambhidānaṃ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hoti. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṃ anuttariyānaṃ pātubhāvo hoti, catunnaṃ paṭisambhidānaṃ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hotī’’ti.
187. ‘‘наахам̣ бхигкавз, ан̃н̃ам̣ згабуг̇г̇аламби саманубассаами яо звам̣ д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇ам̣ саммад̣̇зва ануббавад̇д̇зд̇и яат̇аяид̣̇ам̣, бхигкавз, саарибуд̇д̇о. саарибуд̇д̇о, бхигкавз, д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇ам̣ саммад̣̇зва ануббавад̇д̇зд̇ий’’д̇и.
187. ‘‘Nāhaṃ bhikkhave, aññaṃ ekapuggalampi samanupassāmi yo evaṃ tathāgatena anuttaraṃ dhammacakkaṃ pavattitaṃ sammadeva anuppavatteti yathayidaṃ, bhikkhave, sāriputto. Sāriputto, bhikkhave, tathāgatena anuttaraṃ dhammacakkaṃ pavattitaṃ sammadeva anuppavattetī’’ti.
згабуг̇г̇алаваг̇г̇о д̇зрасамо.
Ekapuggalavaggo terasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 13. згабуг̇г̇алаваг̇г̇аван̣н̣анаа • 13. Ekapuggalavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 13. згабуг̇г̇алаваг̇г̇аван̣н̣анаа • 13. Ekapuggalavaggavaṇṇanā
