| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਏਕਪੁਤ੍ਤਕਸੁਤ੍ਤਂ
3. Ekaputtakasuttaṃ
੧੭੨. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਦਾਰੁਣੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਸਦ੍ਧਾ, ਭਿਕ੍ਖવੇ, ਉਪਾਸਿਕਾ ਏਕਪੁਤ੍ਤਕਂ ਪਿਯਂ ਮਨਾਪਂ ਏવਂ ਸਮ੍ਮਾ ਆਯਾਚਮਾਨਾ ਆਯਾਚੇਯ੍ਯ – ‘ਤਾਦਿਸੋ, ਤਾਤ, ਭવਾਹਿ ਯਾਦਿਸੋ ਚਿਤ੍ਤੋ ਚ ਗਹਪਤਿ ਹਤ੍ਥਕੋ ਚ ਆਲ਼વਕੋ’ਤਿ। ਏਸਾ, ਭਿਕ੍ਖવੇ , ਤੁਲਾ ਏਤਂ ਪਮਾਣਂ ਮਮ ਸਾવਕਾਨਂ ਉਪਾਸਕਾਨਂ, ਯਦਿਦਂ ਚਿਤ੍ਤੋ ਚ ਗਹਪਤਿ ਹਤ੍ਥਕੋ ਚ ਆਲ਼વਕੋ। ਸਚੇ ਖੋ ਤ੍વਂ, ਤਾਤ, ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਸਿ; ਤਾਦਿਸੋ, ਤਾਤ, ਭવਾਹਿ ਯਾਦਿਸਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾਤਿ। ਏਸਾ, ਭਿਕ੍ਖવੇ, ਤੁਲਾ ਏਤਂ ਪਮਾਣਂ ਮਮ ਸਾવਕਾਨਂ ਭਿਕ੍ਖੂਨਂ, ਯਦਿਦਂ ਸਾਰਿਪੁਤ੍ਤਮੋਗ੍ਗਲਾਨਾ । ਮਾ ਚ ਖੋ ਤ੍વਂ, ਤਾਤ, ਸੇਖਂ ਅਪ੍ਪਤ੍ਤਮਾਨਸਂ ਲਾਭਸਕ੍ਕਾਰਸਿਲੋਕੋ ਅਨੁਪਾਪੁਣਾਤੂਤਿ। ਤਞ੍ਚੇ, ਭਿਕ੍ਖવੇ, ਭਿਕ੍ਖੁਂ ਸੇਖਂ ਅਪ੍ਪਤ੍ਤਮਾਨਸਂ ਲਾਭਸਕ੍ਕਾਰਸਿਲੋਕੋ ਅਨੁਪਾਪੁਣਾਤਿ, ਸੋ ਤਸ੍ਸ ਹੋਤਿ ਅਨ੍ਤਰਾਯਾਯ। ਏવਂ ਦਾਰੁਣੋ ਖੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਤਤਿਯਂ।
172. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… saddhā, bhikkhave, upāsikā ekaputtakaṃ piyaṃ manāpaṃ evaṃ sammā āyācamānā āyāceyya – ‘tādiso, tāta, bhavāhi yādiso citto ca gahapati hatthako ca āḷavako’ti. Esā, bhikkhave , tulā etaṃ pamāṇaṃ mama sāvakānaṃ upāsakānaṃ, yadidaṃ citto ca gahapati hatthako ca āḷavako. Sace kho tvaṃ, tāta, agārasmā anagāriyaṃ pabbajasi; tādiso, tāta, bhavāhi yādisā sāriputtamoggallānāti. Esā, bhikkhave, tulā etaṃ pamāṇaṃ mama sāvakānaṃ bhikkhūnaṃ, yadidaṃ sāriputtamoggalānā . Mā ca kho tvaṃ, tāta, sekhaṃ appattamānasaṃ lābhasakkārasiloko anupāpuṇātūti. Tañce, bhikkhave, bhikkhuṃ sekhaṃ appattamānasaṃ lābhasakkārasiloko anupāpuṇāti, so tassa hoti antarāyāya. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩-੬. ਏਕਪੁਤ੍ਤਕਸੁਤ੍ਤਾਦਿવਣ੍ਣਨਾ • 3-6. Ekaputtakasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੬. ਏਕਪੁਤ੍ਤਕਸੁਤ੍ਤਾਦਿવਣ੍ਣਨਾ • 3-6. Ekaputtakasuttādivaṇṇanā
