| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. згабуд̇д̇агасуд̇д̇аван̣н̣анаа
7. Ekaputtakasuttavaṇṇanā
17. сад̇д̇амз згабуд̇д̇агод̇и зго буд̇д̇о, со жа анугамбид̇аб̣б̣адтзна згабуд̇д̇аго, бияааяид̇аб̣б̣адтзна бияо, манасса вад̣дханадтзна манаабо. сарийрасобхаасамбад̇д̇ияаа ваа д̣̇ассанийяадтзна бияо, сийлаажаарасамбад̇д̇ияаа галяаан̣ад̇хаммад̇ааяа манаабо. галзд̇и сад̇д̇з кзбзд̇ийд̇и гаало, маран̣ам̣. д̇ам̣ гад̇о бад̇д̇од̇и гаалан̇гад̇о, гаалзна ваа мажжунаа гад̇о надто ад̣̇ассанам̣ г̇ад̇од̇и гаалан̇гад̇о, мад̇од̇и ад̇т̇о.
17. Sattame ekaputtakoti eko putto, so ca anukampitabbaṭṭhena ekaputtako, piyāyitabbaṭṭhena piyo, manassa vaḍḍhanaṭṭhena manāpo. Sarīrasobhāsampattiyā vā dassanīyaṭṭhena piyo, sīlācārasampattiyā kalyāṇadhammatāya manāpo. Kaleti satte khepetīti kālo, maraṇaṃ. Taṃ kato pattoti kālaṅkato, kālena vā maccunā kato naṭṭho adassanaṃ gatoti kālaṅkato, matoti attho.
самб̣ахулаа убаасагаад̇и саавад̇т̇иваасино б̣ахуу убаасагаа мад̇абуд̇д̇аубаасагасса сахасогийбхаавзна яаава аал̣ааханаа бажчад̇о г̇анд̇ваа мад̇асарийрасса гад̇д̇аб̣б̣ам̣ гаарзд̇ваа бадинивад̇д̇аа яат̇аанивад̇т̇аава уд̣̇агам̣ од̇арид̇ваа сийсам̣нхаад̇аа вад̇т̇аани бийл̣зд̇ваа анод̇аабзд̇ваава згам̣ ниваасзд̇ваа згам̣ уд̇д̇араасан̇г̇ам̣ гад̇ваа убаасагам̣ бурад̇о гад̇ваа ‘‘согавинод̣̇анам̣ д̇хаммам̣ сад̇т̇у санд̇игз соссаамаа’’д̇и бхаг̇аванд̇ам̣ убасан̇гамим̣су. д̇зна вуд̇д̇ам̣ ‘‘аллагзсаа’’д̇иаад̣̇и.
Sambahulā upāsakāti sāvatthivāsino bahū upāsakā mataputtaupāsakassa sahasokībhāvena yāva āḷāhanā pacchato gantvā matasarīrassa kattabbaṃ kāretvā paṭinivattā yathānivatthāva udakaṃ otaritvā sīsaṃnhātā vatthāni pīḷetvā anotāpetvāva ekaṃ nivāsetvā ekaṃ uttarāsaṅgaṃ katvā upāsakaṃ purato katvā ‘‘sokavinodanaṃ dhammaṃ satthu santike sossāmā’’ti bhagavantaṃ upasaṅkamiṃsu. Tena vuttaṃ ‘‘allakesā’’tiādi.
д̇ад̇т̇а аллавад̇т̇аад̇и уд̣̇агзна д̇инд̇авад̇т̇аа. д̣̇иваа д̣̇ивассаад̇и д̣̇ивасассаби д̣̇иваа, маж̇жханхигз гаалзд̇и ад̇т̇о. яасмаа ж̇аананд̇ааби д̇ат̇ааг̇ад̇аа бужчанд̇и , ж̇аананд̇ааби на бужчанд̇и. гаалам̣ вид̣̇ид̇ваа бужчанд̇и, гаалам̣ вид̣̇ид̇ваа на бужчанд̇и, д̇асмаа ж̇аананд̇оязва бхаг̇аваа гат̇аасамудтаабанад̇т̇ам̣ бужчанд̇о ‘‘гим̣ ну ко д̇умхз убаасагаа’’д̇иаад̣̇имааха. д̇ассад̇т̇о – д̇умхз убаасагаа ан̃н̃зсу д̣̇ивасзсу мама санд̇игам̣ ааг̇ажчанд̇аа од̇аабид̇асуд̣̇д̇хавад̇т̇аа сааяанхз ааг̇ажчат̇а, аж̇ж̇а бана аллавад̇т̇аа аллагзсаа тид̇амаж̇жханхигз гаалз ид̇хааг̇ад̇аа, д̇ам̣ гим̣ гааран̣анд̇и. д̇зна маяанд̇и д̇зна буд̇д̇авияог̇аж̇анид̇ажид̇д̇асанд̇аабзна б̣алавасогаабхибхууд̇ад̇ааяа звам̣бхууд̇аа маяам̣ ид̇хуубасан̇гаманд̇аад̇и.
Tattha allavatthāti udakena tintavatthā. Divā divassāti divasassapi divā, majjhanhike kāleti attho. Yasmā jānantāpi tathāgatā pucchanti , jānantāpi na pucchanti. Kālaṃ viditvā pucchanti, kālaṃ viditvā na pucchanti, tasmā jānantoyeva bhagavā kathāsamuṭṭhāpanatthaṃ pucchanto ‘‘kiṃ nu kho tumhe upāsakā’’tiādimāha. Tassattho – tumhe upāsakā aññesu divasesu mama santikaṃ āgacchantā otāpitasuddhavatthā sāyanhe āgacchatha, ajja pana allavatthā allakesā ṭhitamajjhanhike kāle idhāgatā, taṃ kiṃ kāraṇanti. Tena mayanti tena puttaviyogajanitacittasantāpena balavasokābhibhūtatāya evaṃbhūtā mayaṃ idhūpasaṅkamantāti.
зд̇амад̇т̇ам̣ вид̣̇ид̇ваад̇и бияавад̇т̇усамбхаваа согад̣̇угкад̣̇оманассаад̣̇аяо, асад̇и бияавад̇т̇усмим̣ саб̣б̣асо зд̇з на санд̇ийд̇и зд̇амад̇т̇ам̣ саб̣б̣аагаарад̇о ж̇аанид̇ваа д̇ад̣̇ад̇т̇аббагаасанам̣ имам̣ уд̣̇аанам̣ уд̣̇аанзси.
Etamatthaṃ viditvāti piyavatthusambhavā sokadukkhadomanassādayo, asati piyavatthusmiṃ sabbaso ete na santīti etamatthaṃ sabbākārato jānitvā tadatthappakāsanaṃ imaṃ udānaṃ udānesi.
д̇ад̇т̇а бияаруубассаад̣̇аг̇ад̇хид̇аасзд̇и бияасабхаавзсу руубагканд̇хаад̣̇ийсу сукавзд̣̇анассаад̣̇зна г̇ад̇хид̇аа бадиб̣ад̣̇д̇хажид̇д̇аа. г̇ад̇хид̇аасзд̇и хи г̇ад̇хид̇ааижжзвад̇т̇о. сзд̇и ваа нибаад̇амад̇д̇ам̣. бияаруубаа наама жагкаад̣̇аяо буд̇д̇ад̣̇аараад̣̇аяо жа. вуд̇д̇ан̃хзд̇ам̣ – ‘‘гин̃жа логз бияаруубам̣ саад̇аруубам̣ жагку логз …бз… д̇хаммад̇ан̣хаа логз бияаруубам̣ саад̇арууба’’нд̇и (жуул̣ани. хзмагамаан̣авабужчаанид̣̇д̣̇зса 55).
Tattha piyarūpassādagadhitāseti piyasabhāvesu rūpakkhandhādīsu sukhavedanassādena gadhitā paṭibaddhacittā. Gadhitāseti hi gadhitāiccevattho. Seti vā nipātamattaṃ. Piyarūpā nāma cakkhādayo puttadārādayo ca. Vuttañhetaṃ – ‘‘kiñca loke piyarūpaṃ sātarūpaṃ cakkhu loke …pe… dhammataṇhā loke piyarūpaṃ sātarūpa’’nti (cūḷani. hemakamāṇavapucchāniddesa 55).
‘‘кзд̇д̇ам̣ вад̇т̇ум̣ хиран̃н̃ам̣ ваа, г̇авассам̣ д̣̇аасаборисам̣;
‘‘Khettaṃ vatthuṃ hiraññaṃ vā, gavassaṃ dāsaporisaṃ;
т̇ияо б̣анд̇хуу бут̇у гаамз, яо наро ануг̇иж̇жхад̇ий’’д̇и жа. (су. ни. 775);
Thiyo bandhū puthu kāme, yo naro anugijjhatī’’ti ca. (su. ni. 775);
д̇асмаа д̇зсу бияаруубзсу ассаад̣̇зна г̇ид̣̇д̇хаа мужчид̇аа аж̇жхаабаннаад̇и ад̇т̇о. гз бана д̇з бияаруубассаад̣̇аг̇ад̇хид̇аад̇и д̇з д̣̇ассзд̇и ‘‘д̣̇звагааяаа бут̇умануссаа жаа’’д̇и, жаад̇умахаарааж̇игаад̣̇аяо б̣ахуд̣̇звасамуухаа жзва ж̇амб̣уд̣̇ийбагаад̣̇игаа б̣ахумануссаа жа. агхаавинод̇и гааяигажзд̇асигад̣̇угкзна д̣̇угкид̇аа. бариж̇уннаад̇и ж̇араарог̇аад̣̇ивибад̇д̇ияаа яоб̣б̣анаарог̇яаад̣̇исамбад̇д̇ид̇о барихийнаа. яат̇аалаабхавасзна вааяамад̇т̇о д̣̇звамануссзсу взд̣̇ид̇аб̣б̣о. ат̇а ваа гааман̃жзганд̇асукасамаббид̇аанам̣ д̣̇зваанам̣ д̣̇угкаж̇араарог̇аа на самбхаванд̇и, д̇ад̣̇анад̇ивад̇д̇асабхаавад̇ааяа бана д̇зби ‘‘агхаавино’’д̇и ‘‘бариж̇уннаа’’д̇и жа вуд̇д̇аа. д̇зсамби ваа буб̣б̣анимид̇д̇уббад̇д̇ияаа бадижчаннаж̇арааяа жзд̇асигарог̇асса жа васзна д̣̇угкаад̣̇ийнам̣ самбхаво взд̣̇ид̇аб̣б̣о. мажжурааж̇асса васам̣ г̇ажчанд̇ийд̇и бияавад̇т̇увисаяааяа д̇ан̣хааяа аббахийнад̇д̇аа бунаббунам̣ г̇аб̣бхуубаг̇аманад̇о д̇хаад̇уд̇д̇аяиссарад̇ааяа мажжурааж̇асан̇каад̇асса маран̣асса васам̣ хад̇т̇амзва г̇ажчанд̇и.
Tasmā tesu piyarūpesu assādena giddhā mucchitā ajjhāpannāti attho. Ke pana te piyarūpassādagadhitāti te dasseti ‘‘devakāyāputhumanussā cā’’ti, cātumahārājikādayo bahudevasamūhā ceva jambudīpakādikā bahumanussā ca. Aghāvinoti kāyikacetasikadukkhena dukkhitā. Parijunnāti jarārogādivipattiyā yobbanārogyādisampattito parihīnā. Yathālābhavasena vāyamattho devamanussesu veditabbo. Atha vā kāmañcekantasukhasamappitānaṃ devānaṃ dukkhajarārogā na sambhavanti, tadanativattasabhāvatāya pana tepi ‘‘aghāvino’’ti ‘‘parijunnā’’ti ca vuttā. Tesampi vā pubbanimittuppattiyā paṭicchannajarāya cetasikarogassa ca vasena dukkhādīnaṃ sambhavo veditabbo. Maccurājassa vasaṃ gacchantīti piyavatthuvisayāya taṇhāya appahīnattā punappunaṃ gabbhūpagamanato dhātuttayissaratāya maccurājasaṅkhātassa maraṇassa vasaṃ hatthameva gacchanti.
зд̇д̇аавад̇аа ваддам̣ д̣̇ассзд̇ваа ид̣̇аани ‘‘яз вз д̣̇иваа’’д̇иаад̣̇инаа виваддам̣ д̣̇ассзд̇и. д̇ад̇т̇а яз вз д̣̇иваа жа рад̇д̇о жа аббамад̇д̇аад̇и ‘‘д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇иаад̣̇инаа вуд̇д̇анаязна д̣̇ивасабхааг̇з рад̇д̇ибхааг̇з жа д̣̇ал̣хам̣ аббамад̇д̇аа аббамаад̣̇аббадибад̣̇ам̣ буурзнд̇и. ж̇аханд̇и бияаруубанд̇и жад̇усажжагаммадтаанабхааванам̣ уссуггаабзд̇ваа арияамаг̇г̇аад̇хиг̇амзна бияаруубам̣ бияаж̇аад̇игам̣ жагкаад̣̇ибияавад̇т̇ум̣ д̇аббадиб̣ад̣̇д̇хачанд̣̇арааг̇аж̇аханзна ж̇аханд̇и. д̇з вз кан̣анд̇и агхамуулам̣, мажжуно аамисам̣ д̣̇урад̇ивад̇д̇анд̇и д̇з арияабуг̇г̇алаа агхасса ваддад̣̇угкасса муулабхууд̇ам̣, мажжунаа маран̣зна аамасид̇аб̣б̣ад̇о аамисам̣, ид̇о б̣ахид̣̇д̇хаа гзхижиби саман̣аб̣раахман̣зхи нивад̇д̇ид̇ум̣ асаггун̣зяяад̇ааяа д̣̇урад̇ивад̇д̇ам̣, саха авиж̇ж̇ааяа д̇ан̣хам̣ арияамаг̇г̇ан̃аан̣агуд̣̇аалзна кан̣анд̇и, лзсамад̇д̇амби анавасзсанд̇аа уммуулаяанд̇ийд̇и. свааяамад̇т̇о –
Ettāvatā vaṭṭaṃ dassetvā idāni ‘‘ye ve divā’’tiādinā vivaṭṭaṃ dasseti. Tattha ye ve divā ca ratto ca appamattāti ‘‘divasaṃ caṅkamena nisajjāya āvaraṇīyehi dhammehi cittaṃ parisodhetī’’tiādinā vuttanayena divasabhāge rattibhāge ca daḷhaṃ appamattā appamādappaṭipadaṃ pūrenti. Jahanti piyarūpanti catusaccakammaṭṭhānabhāvanaṃ ussukkāpetvā ariyamaggādhigamena piyarūpaṃ piyajātikaṃ cakkhādipiyavatthuṃ tappaṭibaddhachandarāgajahanena jahanti. Te ve khaṇanti aghamūlaṃ, maccuno āmisaṃ durativattanti te ariyapuggalā aghassa vaṭṭadukkhassa mūlabhūtaṃ, maccunā maraṇena āmasitabbato āmisaṃ, ito bahiddhā kehicipi samaṇabrāhmaṇehi nivattituṃ asakkuṇeyyatāya durativattaṃ, saha avijjāya taṇhaṃ ariyamaggañāṇakudālena khaṇanti, lesamattampi anavasesantā ummūlayantīti. Svāyamattho –
‘‘аббамаад̣̇о амад̇абад̣̇ам̣, бамаад̣̇о мажжуно бад̣̇ам̣;
‘‘Appamādo amatapadaṃ, pamādo maccuno padaṃ;
аббамад̇д̇аа на мийяанд̇и, яз бамад̇д̇аа яат̇аа мад̇аа’’д̇и. (д̇ха. ба. 21) –
Appamattā na mīyanti, ye pamattā yathā matā’’ti. (dha. pa. 21) –
аад̣̇ийхи суд̇д̇абад̣̇зхи вид̇т̇аарзд̇аб̣б̣од̇и.
Ādīhi suttapadehi vitthāretabboti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. згабуд̇д̇агасуд̇д̇ам̣ • 7. Ekaputtakasuttaṃ
