| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
14. згарааж̇ажарияааван̣н̣анаа
14. Ekarājacariyāvaṇṇanā
114. жуд̣̇д̣̇асамз згарааж̇аад̇и виссуд̇од̇и згарааж̇аад̇и иминаа анвад̇т̇анаамзна ж̇амб̣уд̣̇ийбад̇алз баагадо.
114. Cuddasame ekarājāti vissutoti ekarājāti iminā anvatthanāmena jambudīpatale pākaṭo.
махаасад̇д̇о хи д̇ад̣̇аа б̣аараан̣асиран̃н̃о буд̇д̇о худ̇ваа ниб̣б̣ад̇д̇и. ваяаббад̇д̇о саб̣б̣асиббанибпад̇д̇им̣ бад̇д̇о худ̇ваа бид̇у ажжаязна раж̇ж̇ам̣ гаарзнд̇о гусаласийлаажаарасад̣̇д̇хаасуд̇аад̣̇ианан̃н̃асаад̇хааран̣аг̇ун̣ависзсаяог̇зна баарамибарибхааванзна жа ж̇амб̣уд̣̇ийбад̇алз ад̣̇уд̇ияад̇д̇аа бад̇хаанабхаавзна жа ‘‘згарааж̇аа’’д̇и багаасанаамо ахоси. барамам̣ сийлам̣ ад̇хидтааяаад̇и субарисуд̣̇д̇хагааяигаваажасигасам̣варасан̇каад̇ан̃жзва субарисуд̣̇д̇хаманосамаажаарасан̇каад̇ан̃жа барамам̣ уд̇д̇амам̣ д̣̇асагусалагаммабат̇асийлам̣ самаад̣̇аанавасзна жа авийд̇иггаманавасзна жа ад̇хидтахид̇ваа анудтахид̇ваа. басаасаами махаамахинд̇и д̇ияож̇анасад̇игз гаасирадтз махад̇им̣ махим̣ анусаасаами раж̇ж̇ам̣ гаарзми.
Mahāsatto hi tadā bārāṇasirañño putto hutvā nibbatti. Vayappatto sabbasippanipphattiṃ patto hutvā pitu accayena rajjaṃ kārento kusalasīlācārasaddhāsutādianaññasādhāraṇaguṇavisesayogena pāramiparibhāvanena ca jambudīpatale adutiyattā padhānabhāvena ca ‘‘ekarājā’’ti pakāsanāmo ahosi. Paramaṃ sīlaṃ adhiṭṭhāyāti suparisuddhakāyikavācasikasaṃvarasaṅkhātañceva suparisuddhamanosamācārasaṅkhātañca paramaṃ uttamaṃ dasakusalakammapathasīlaṃ samādānavasena ca avītikkamanavasena ca adhiṭṭhahitvā anuṭṭhahitvā. Pasāsāmi mahāmahinti tiyojanasatike kāsiraṭṭhe mahatiṃ mahiṃ anusāsāmi rajjaṃ kāremi.
115. д̣̇асагусалагаммабат̇зд̇и баан̣аад̇ибаад̇аавзраман̣и яаава саммаад̣̇идтийд̇и зд̇асмим̣ д̣̇асавид̇хз гусалагаммабат̇з, зд̇з ваа анавасзсад̇о самаад̣̇ааяа вад̇д̇аами. жад̇уухи сан̇г̇ахавад̇т̇уухийд̇и д̣̇аанам̣ бияаважанам̣ ад̇т̇ажарияаа самаанад̇д̇ад̇аад̇и имзхи жад̇уухи сан̇г̇ахавад̇т̇уухи сан̇г̇ан̣ханагааран̣зхи яад̣̇аа згарааж̇аад̇и виссуд̇о хоми, д̇ад̣̇аа яат̇аарахам̣ махааж̇анам̣ сан̇г̇ан̣хаамийд̇и самб̣анд̇хо.
115.Dasakusalakammapatheti pāṇātipātāveramaṇi yāva sammādiṭṭhīti etasmiṃ dasavidhe kusalakammapathe, ete vā anavasesato samādāya vattāmi. Catūhi saṅgahavatthūhīti dānaṃ piyavacanaṃ atthacariyā samānattatāti imehi catūhi saṅgahavatthūhi saṅgaṇhanakāraṇehi yadā ekarājāti vissuto homi, tadā yathārahaṃ mahājanaṃ saṅgaṇhāmīti sambandho.
116. званд̇и д̣̇асагусалагаммабат̇асийлабарибууран̣ам̣ жад̇уухи сан̇г̇ахавад̇т̇уухи махааж̇анасан̇г̇ан̣хананд̇и яат̇аавуд̇д̇зна иминаа аагаарзна аббамад̇д̇асса. ид̇халогз барад̇т̇а жаад̇и имасмим̣ логз яам̣ аббамаж̇ж̇анам̣, д̇ад̇т̇а д̣̇идтад̇хаммигз ад̇т̇з, баралогз яам̣ аббамаж̇ж̇анам̣ д̇ад̇т̇а самбарааяигз ад̇т̇з аббамад̇д̇асса мз сад̇од̇и ад̇т̇о. д̣̇аб̣б̣асзнод̇и звам̣наамаго госаларааж̇аа. убаг̇анд̇ваад̇и жад̇уран̇г̇иним̣ сзнам̣ саннаяхид̇ваа аб̣бхуяяаанавасзна мама раж̇ж̇ам̣ убаг̇анд̇ваа. ажчинд̣̇анд̇о бурам̣ мамаад̇и мама б̣аараан̣асинаг̇арам̣ б̣алаггаарзна г̇ан̣ханд̇о.
116.Evanti dasakusalakammapathasīlaparipūraṇaṃ catūhi saṅgahavatthūhi mahājanasaṅgaṇhananti yathāvuttena iminā ākārena appamattassa. Idhaloke parattha cāti imasmiṃ loke yaṃ appamajjanaṃ, tattha diṭṭhadhammike atthe, paraloke yaṃ appamajjanaṃ tattha samparāyike atthe appamattassa me satoti attho. Dabbasenoti evaṃnāmako kosalarājā. Upagantvāti caturaṅginiṃ senaṃ sannayhitvā abbhuyyānavasena mama rajjaṃ upagantvā. Acchindanto puraṃ mamāti mama bārāṇasinagaraṃ balakkārena gaṇhanto.
д̇ад̇рааяам̣ анубуб̣б̣игат̇аа – махаасад̇д̇о хи д̇ад̣̇аа наг̇арасса жад̇уусу д̣̇ваарзсу жад̇ассо маж̇жхз згам̣ нивзсанад̣̇ваарз зганд̇и ча д̣̇аанасаалааяо гаарзд̇ваа габан̣ад̣̇д̇хигаад̣̇ийнам̣ д̣̇аанам̣ д̣̇зд̇и, сийлам̣ рагкад̇и, убосат̇агаммам̣ гарод̇и, канд̇имзд̇д̇аануд̣̇д̣̇аяасамбанно ан̇гз нисиннам̣ буд̇д̇ам̣ барид̇осаяамаано вияа саб̣б̣асад̇д̇з барид̇осаяамаано д̇хаммзна раж̇ж̇ам̣ гаарзд̇и. д̇ассзго амажжо анд̇збурам̣ бад̣̇уссид̇ваа абарабхааг̇з баагадова ж̇аад̇о. амажжаа ран̃н̃о аарожзсум̣. рааж̇аа бариг̇г̇ан̣ханд̇о д̇ам̣ ад̇д̇анаа бажжагкад̇о н̃ад̇ваа д̇ам̣ амажжам̣ баггосаабзд̇ваа ‘‘анд̇хаб̣аала, аяуд̇д̇ам̣ д̇з гад̇ам̣, на д̇вам̣ мама виж̇ид̇з васид̇ум̣ арахаси, ад̇д̇ано д̇ханан̃жа буд̇д̇ад̣̇ааран̃жа г̇ахзд̇ваа ан̃н̃ад̇т̇а яаахий’’д̇и радтаа баб̣б̣ааж̇зси.
Tatrāyaṃ anupubbikathā – mahāsatto hi tadā nagarassa catūsu dvāresu catasso majjhe ekaṃ nivesanadvāre ekanti cha dānasālāyo kāretvā kapaṇaddhikādīnaṃ dānaṃ deti, sīlaṃ rakkhati, uposathakammaṃ karoti, khantimettānuddayasampanno aṅke nisinnaṃ puttaṃ paritosayamāno viya sabbasatte paritosayamāno dhammena rajjaṃ kāreti. Tasseko amacco antepuraṃ padussitvā aparabhāge pākaṭova jāto. Amaccā rañño ārocesuṃ. Rājā pariggaṇhanto taṃ attanā paccakkhato ñatvā taṃ amaccaṃ pakkosāpetvā ‘‘andhabāla, ayuttaṃ te kataṃ, na tvaṃ mama vijite vasituṃ arahasi, attano dhanañca puttadārañca gahetvā aññattha yāhī’’ti raṭṭhā pabbājesi.
со госалаж̇анабад̣̇ам̣ г̇анд̇ваа д̣̇аб̣б̣асзнам̣ наама госаларааж̇аанам̣ убадтаханд̇о ануггамзна д̇асса виссаасиго худ̇ваа згад̣̇ивасам̣ д̇ам̣ рааж̇аанам̣ ааха – ‘‘д̣̇зва, б̣аараан̣асираж̇ж̇ам̣ ниммагкигамад̇хубадаласад̣̇исам̣, ад̇имуд̣̇уго рааж̇аа, сукзнзва д̇ам̣ раж̇ж̇ам̣ г̇ан̣хид̇ум̣ саггосий’’д̇и. д̣̇аб̣б̣асзно б̣аараан̣асиран̃н̃о махаанубхаавад̇ааяа д̇асса важанам̣ асад̣̇д̣̇аханд̇о мануссз бзсзд̇ваа гаасирадтз г̇аамагхаад̇аад̣̇ийни гаарзд̇ваа д̇зсам̣ жораанам̣ б̣од̇хисад̇д̇зна д̇ханам̣ д̣̇ад̇ваа виссаж̇ж̇ид̇абхаавам̣ суд̇ваа ‘‘ад̇ивияа д̇хаммиго рааж̇аа’’д̇и н̃ад̇ваа ‘‘б̣аараан̣асираж̇ж̇ам̣ г̇ан̣хиссаамий’’д̇и б̣алавааханам̣ аад̣̇ааяа нияяааси . ат̇а б̣аараан̣асиран̃н̃о махааяод̇хаа ‘‘госаларааж̇аа ааг̇ажчад̇ий’’д̇и суд̇ваа ‘‘амхаагам̣ раж̇ж̇асиймам̣ аноггаманд̇амзва нам̣ бот̇зд̇ваа г̇ан̣хаамаа’’д̇и ад̇д̇ано ран̃н̃о вад̣̇им̣су.
So kosalajanapadaṃ gantvā dabbasenaṃ nāma kosalarājānaṃ upaṭṭhahanto anukkamena tassa vissāsiko hutvā ekadivasaṃ taṃ rājānaṃ āha – ‘‘deva, bārāṇasirajjaṃ nimmakkhikamadhupaṭalasadisaṃ, atimuduko rājā, sukheneva taṃ rajjaṃ gaṇhituṃ sakkosī’’ti. Dabbaseno bārāṇasirañño mahānubhāvatāya tassa vacanaṃ asaddahanto manusse pesetvā kāsiraṭṭhe gāmaghātādīni kāretvā tesaṃ corānaṃ bodhisattena dhanaṃ datvā vissajjitabhāvaṃ sutvā ‘‘ativiya dhammiko rājā’’ti ñatvā ‘‘bārāṇasirajjaṃ gaṇhissāmī’’ti balavāhanaṃ ādāya niyyāsi . Atha bārāṇasirañño mahāyodhā ‘‘kosalarājā āgacchatī’’ti sutvā ‘‘amhākaṃ rajjasīmaṃ anokkamantameva naṃ pothetvā gaṇhāmā’’ti attano rañño vadiṃsu.
б̣од̇хисад̇д̇о ‘‘д̇аад̇аа, мам̣ ниссааяа ан̃н̃зсам̣ гиламанагижжам̣ над̇т̇и, раж̇ж̇ад̇т̇игаа раж̇ж̇ам̣ г̇ан̣ханд̇у, маа г̇амид̇т̇аа’’д̇и ниваарзси. госаларааж̇аа ж̇анабад̣̇амаж̇жхам̣ баависи. махааяод̇хаа бунаби ран̃н̃о д̇ат̇зва вад̣̇им̣су. рааж̇аа буриманаязнзва ниваарзси. д̣̇аб̣б̣асзно б̣ахинаг̇арз тад̇ваа ‘‘раж̇ж̇ам̣ ваа д̣̇зд̇у яуд̣̇д̇хам̣ ваа’’д̇и згарааж̇асса саасанам̣ бзсзси. згарааж̇аа ‘‘над̇т̇и маяаа яуд̣̇д̇хам̣, раж̇ж̇ам̣ г̇ан̣хаад̇уу’’д̇и бадисаасанам̣ бзсзси. бунаби махааяод̇хаа ‘‘д̣̇зва, на маяам̣ госаларан̃н̃о наг̇арам̣ бависид̇ум̣ д̣̇зма, б̣ахинаг̇арзязва нам̣ бот̇зд̇ваа г̇ан̣хаамаа’’д̇и аахам̣су. рааж̇аа буриманаязнзва ниваарзд̇ваа наг̇арад̣̇ваараани аваабураабзд̇ваа махаад̇алз баллан̇гамаж̇жхз нисийд̣̇и. д̣̇аб̣б̣асзно маханд̇зна б̣алавааханзна наг̇арам̣ бависид̇ваа згамби бадисад̇д̇ум̣ абассанд̇о саб̣б̣араж̇ж̇ам̣ хад̇т̇аг̇ад̇ам̣ гад̇ваа рааж̇анивзсанам̣ г̇анд̇ваа махаад̇алам̣ ааруяха нирабараад̇хам̣ б̣од̇хисад̇д̇ам̣ г̇ан̣хаабзд̇ваа ааваадз никан̣аабзси. д̇зна вуд̇д̇ам̣ –
Bodhisatto ‘‘tātā, maṃ nissāya aññesaṃ kilamanakiccaṃ natthi, rajjatthikā rajjaṃ gaṇhantu, mā gamitthā’’ti nivāresi. Kosalarājā janapadamajjhaṃ pāvisi. Mahāyodhā punapi rañño tatheva vadiṃsu. Rājā purimanayeneva nivāresi. Dabbaseno bahinagare ṭhatvā ‘‘rajjaṃ vā detu yuddhaṃ vā’’ti ekarājassa sāsanaṃ pesesi. Ekarājā ‘‘natthi mayā yuddhaṃ, rajjaṃ gaṇhātū’’ti paṭisāsanaṃ pesesi. Punapi mahāyodhā ‘‘deva, na mayaṃ kosalarañño nagaraṃ pavisituṃ dema, bahinagareyeva naṃ pothetvā gaṇhāmā’’ti āhaṃsu. Rājā purimanayeneva nivāretvā nagaradvārāni avāpurāpetvā mahātale pallaṅkamajjhe nisīdi. Dabbaseno mahantena balavāhanena nagaraṃ pavisitvā ekampi paṭisattuṃ apassanto sabbarajjaṃ hatthagataṃ katvā rājanivesanaṃ gantvā mahātalaṃ āruyha niraparādhaṃ bodhisattaṃ gaṇhāpetvā āvāṭe nikhaṇāpesi. Tena vuttaṃ –
‘‘д̣̇аб̣б̣асзно убаг̇анд̇ваа, ажчинд̣̇анд̇о бурам̣ мама.
‘‘Dabbaseno upagantvā, acchindanto puraṃ mama.
117.
117.
‘‘рааж̇уубаж̇ийвз ниг̇амз, саб̣аладтз сарадтагз;
‘‘Rājūpajīve nigame, sabalaṭṭhe saraṭṭhake;
саб̣б̣ам̣ хад̇т̇аг̇ад̇ам̣ гад̇ваа, гаасуяаа никан̣ий мама’’нд̇и.
Sabbaṃ hatthagataṃ katvā, kāsuyā nikhaṇī mama’’nti.
д̇ад̇т̇а рааж̇уубаж̇ийвзд̇и амажжабаарисаж̇ж̇аб̣раахман̣аг̇ахабад̇иаад̣̇игз рааж̇аанам̣ убаниссааяа ж̇ийванд̇з. ниг̇амзд̇и нзг̇амз. саб̣аладтзд̇и сзнаабарияаабаннад̇ааяа б̣алз д̇идтанд̇ийд̇и б̣аладтаа, хад̇т̇аарохаад̣̇аяо, б̣аладтзхи сахаад̇и саб̣аладтз. сарадтагзд̇и саж̇анабад̣̇з, рааж̇уубаж̇ийвз ниг̇амз жа ан̃н̃ан̃жа саб̣б̣ам̣ хад̇т̇аг̇ад̇ам̣ гад̇ваа. гаасуяаа никан̣ий маманд̇и саб̣алавааханам̣ сагалам̣ мама раж̇ж̇ам̣ г̇ахзд̇ваа мамби г̇алаббамаан̣з ааваадз никан̣аабзси. ж̇аад̇агзби –
Tattha rājūpajīveti amaccapārisajjabrāhmaṇagahapatiādike rājānaṃ upanissāya jīvante. Nigameti negame. Sabalaṭṭheti senāpariyāpannatāya bale tiṭṭhantīti balaṭṭhā, hatthārohādayo, balaṭṭhehi sahāti sabalaṭṭhe. Saraṭṭhaketi sajanapade, rājūpajīve nigame ca aññañca sabbaṃ hatthagataṃ katvā. Kāsuyā nikhaṇī mamanti sabalavāhanaṃ sakalaṃ mama rajjaṃ gahetvā mampi galappamāṇe āvāṭe nikhaṇāpesi. Jātakepi –
‘‘ануд̇д̇арз гаамаг̇ун̣з самид̣̇д̇хз, бхуд̇ваана буб̣б̣з васи згарааж̇аа;
‘‘Anuttare kāmaguṇe samiddhe, bhutvāna pubbe vasi ekarājā;
со д̣̇аани д̣̇уг̇г̇з нарагамхи кид̇д̇о, наббаж̇ж̇ахз ван̣н̣аб̣алам̣ бураан̣а’’нд̇и. (ж̇аа. 1.4.9) –
So dāni dugge narakamhi khitto, nappajjahe vaṇṇabalaṃ purāṇa’’nti. (jā. 1.4.9) –
ааваадз кид̇д̇абхааво ааг̇ад̇о. ж̇аад̇агадтагат̇ааяам̣ (ж̇аа. адта. 3.4.9) бана ‘‘сиггааяа багкибаабзд̇ваа уд̇д̇аруммаарз хздтаасийсагам̣ оламб̣зсий’’д̇и вуд̇д̇ам̣.
Āvāṭe khittabhāvo āgato. Jātakaṭṭhakathāyaṃ (jā. aṭṭha. 3.4.9) pana ‘‘sikkāya pakkhipāpetvā uttarummāre heṭṭhāsīsakaṃ olambesī’’ti vuttaṃ.
махаасад̇д̇о жорарааж̇аанам̣ аараб̣бха мзд̇д̇ам̣ бхаавзд̇ваа гасин̣абаригаммам̣ гад̇ваа жхаанаабхин̃н̃ааяо ниб̣б̣ад̇д̇зд̇ваа гаасуд̇о уг̇г̇анд̇ваа аагаасз баллан̇гзна нисийд̣̇и. д̇зна вуд̇д̇ам̣ –
Mahāsatto corarājānaṃ ārabbha mettaṃ bhāvetvā kasiṇaparikammaṃ katvā jhānābhiññāyo nibbattetvā kāsuto uggantvā ākāse pallaṅkena nisīdi. Tena vuttaṃ –
118.
118.
‘‘амажжаман̣д̣алам̣ раж̇ж̇ам̣, пийд̇ам̣ анд̇збурам̣ мама;
‘‘Amaccamaṇḍalaṃ rajjaṃ, phītaṃ antepuraṃ mama;
ажчинд̣̇ид̇ваана г̇ахид̇ам̣, бияабуд̇д̇ам̣ва бассаха’’нд̇и.
Acchinditvāna gahitaṃ, piyaputtaṃva passaha’’nti.
д̇ад̇т̇а амажжаман̣д̣аланд̇и д̇асмим̣ д̇асмим̣ рааж̇агижжз ран̃н̃аа амаа саха вад̇д̇анд̇ийд̇и амажжаа, сад̣̇д̇хим̣ ваа д̇зсам̣ ман̣д̣алам̣ самуухам̣. пийд̇анд̇и б̣алавааханзна наг̇араж̇анабад̣̇аад̣̇ийхи самид̣̇д̇хам̣ раж̇ж̇ам̣. ид̇т̇ааг̇аарад̣̇аасид̣̇аасабариж̇анзхи жзва вад̇т̇аабхаран̣аад̣̇иубабхог̇уубагаран̣зхи жа самид̣̇д̇хам̣ мама анд̇збуран̃жа ажчинд̣̇ид̇ваа г̇ахид̇агам̣ г̇ан̣ханд̇ам̣ амид̇д̇арааж̇аанам̣ яааяа ад̇д̇ано бияабуд̇д̇ам̣ва бассим̣ ахам̣, д̇ааяа звам̣бхууд̇ааяа мзд̇д̇ааяа мз само сагалалогз над̇т̇и, д̇асмаа звам̣бхууд̇аа зсаа мз мзд̇д̇аабаарамий барамад̇т̇абаарамибхаавам̣ бад̇д̇аад̇и ад̇хиббааяо.
Tattha amaccamaṇḍalanti tasmiṃ tasmiṃ rājakicce raññā amā saha vattantīti amaccā, saddhiṃ vā tesaṃ maṇḍalaṃ samūhaṃ. Phītanti balavāhanena nagarajanapadādīhi samiddhaṃ rajjaṃ. Itthāgāradāsidāsaparijanehi ceva vatthābharaṇādiupabhogūpakaraṇehi ca samiddhaṃ mama antepurañca acchinditvā gahitakaṃ gaṇhantaṃ amittarājānaṃ yāya attano piyaputtaṃva passiṃ ahaṃ, tāya evaṃbhūtāya mettāya me samo sakalaloke natthi, tasmā evaṃbhūtā esā me mettāpāramī paramatthapāramibhāvaṃ pattāti adhippāyo.
звам̣ бана махаасад̇д̇з д̇ам̣ жорарааж̇аанам̣ аараб̣бха мзд̇д̇ам̣ парид̇ваа аагаасз баллан̇гзна нисиннз д̇асса сарийрз д̣̇аахо уббаж̇ж̇и. со ‘‘д̣аяхаами д̣аяхаамий’’д̇и бхуумияам̣ абараабарам̣ баривад̇д̇ад̇и. ‘‘гимзд̇а’’нд̇и вуд̇д̇з, махаарааж̇а, д̇умхз нирабараад̇хам̣ д̇хаммигарааж̇аанам̣ ааваадз никан̣аабаяид̇т̇аад̇и. ‘‘д̇зна хи взг̇зна г̇анд̇ваа д̇ам̣ уд̣̇д̇харат̇аа’’д̇и ааха. бурисаа г̇анд̇ваа д̇ам̣ рааж̇аанам̣ аагаасз баллан̇гзна нисиннам̣ д̣̇исваа ааг̇анд̇ваа д̣̇аб̣б̣асзнасса аарожзсум̣. со взг̇зна г̇анд̇ваа ванд̣̇ид̇ваа камаабзд̇ваа ‘‘д̇умхаагам̣ раж̇ж̇ам̣ д̇умхзва гаарзт̇а, ахам̣ во жорз бадиб̣аахзссаамий’’д̇и вад̇ваа д̇асса д̣̇удтаамажжасса рааж̇аан̣ам̣ гаарзд̇ваа баггаами. б̣од̇хисад̇д̇оби раж̇ж̇ам̣ амажжаанам̣ нияяаад̇зд̇ваа исибаб̣б̣аж̇ж̇ам̣ баб̣б̣аж̇ид̇ваа махааж̇анам̣ сийлаад̣̇иг̇ун̣зсу бад̇идтаабзд̇ваа ааяубарияосаанз б̣рахмалогабарааяано ахоси.
Evaṃ pana mahāsatte taṃ corarājānaṃ ārabbha mettaṃ pharitvā ākāse pallaṅkena nisinne tassa sarīre dāho uppajji. So ‘‘ḍayhāmi ḍayhāmī’’ti bhūmiyaṃ aparāparaṃ parivattati. ‘‘Kimeta’’nti vutte, mahārāja, tumhe niraparādhaṃ dhammikarājānaṃ āvāṭe nikhaṇāpayitthāti. ‘‘Tena hi vegena gantvā taṃ uddharathā’’ti āha. Purisā gantvā taṃ rājānaṃ ākāse pallaṅkena nisinnaṃ disvā āgantvā dabbasenassa ārocesuṃ. So vegena gantvā vanditvā khamāpetvā ‘‘tumhākaṃ rajjaṃ tumheva kāretha, ahaṃ vo core paṭibāhessāmī’’ti vatvā tassa duṭṭhāmaccassa rājāṇaṃ kāretvā pakkāmi. Bodhisattopi rajjaṃ amaccānaṃ niyyātetvā isipabbajjaṃ pabbajitvā mahājanaṃ sīlādiguṇesu patiṭṭhāpetvā āyupariyosāne brahmalokaparāyano ahosi.
д̇ад̣̇аа д̣̇аб̣б̣асзно аананд̣̇ад̇т̇зро ахоси, згарааж̇аа логанаат̇о.
Tadā dabbaseno ānandatthero ahosi, ekarājā lokanātho.
д̇асса д̣̇ивасз д̣̇ивасз часу д̣̇аанасаалаасу часад̇асахассависсаж̇ж̇анзна бажжад̇т̇игаран̃н̃о сагалараж̇ж̇абарижжааг̇зна жа д̣̇аанабаарамий, нижжасийлаубосат̇агаммавасзна баб̣б̣аж̇ид̇асса анавасзсасийласам̣варавасзна жа сийлабаарамий, баб̣б̣аж̇ж̇аавасзна жхаанаад̇хиг̇амавасзна жа нзгкаммабаарамий, сад̇д̇аанам̣ хид̇аахид̇авижааран̣авасзна д̣̇аанасийлаад̣̇исам̣вид̣̇аханавасзна жа бан̃н̃аабаарамий, д̣̇аанаад̣̇ибун̃н̃асамбхаарасса аб̣бхуссаханавасзна гаамавид̇аггаад̣̇ивинод̣̇анавасзна жа вийрияабаарамий, д̣̇удтаамажжасса д̣̇аб̣б̣асзнаран̃н̃о жа абараад̇хасаханавасзна канд̇ибаарамий, яат̇аабадин̃н̃ам̣ д̣̇аанаад̣̇инаа ависам̣ваад̣̇анавасзна жа сажжабаарамий, д̣̇аанаад̣̇ийнам̣ ажаласамаад̣̇аанаад̇хидтаанавасзна ад̇хидтаанабаарамий, бажжад̇т̇игзби зганд̇зна хид̇уубасам̣хааравасзна мзд̇д̇аажхаананиб̣б̣ад̇д̇анзна жа мзд̇д̇аабаарамий, д̣̇удтаамажжзна д̣̇аб̣б̣асзнзна жа гад̇аабараад̇хз хид̇зсийхи ад̇д̇ано амажжаад̣̇ийхи ниб̣б̣ад̇д̇ид̇з убагаарз жа аж̇жхубзгкан̣зна раж̇ж̇асукаббад̇д̇агаалз бажжад̇т̇игаран̃н̃аа нарагз кид̇д̇агаалз самаанажид̇д̇ад̇ааяа жа убзгкаабаарамий взд̣̇ид̇аб̣б̣аа. вуд̇д̇ан̃хзд̇ам̣ –
Tassa divase divase chasu dānasālāsu chasatasahassavissajjanena paccatthikarañño sakalarajjapariccāgena ca dānapāramī, niccasīlauposathakammavasena pabbajitassa anavasesasīlasaṃvaravasena ca sīlapāramī, pabbajjāvasena jhānādhigamavasena ca nekkhammapāramī, sattānaṃ hitāhitavicāraṇavasena dānasīlādisaṃvidahanavasena ca paññāpāramī, dānādipuññasambhārassa abbhussahanavasena kāmavitakkādivinodanavasena ca vīriyapāramī, duṭṭhāmaccassa dabbasenarañño ca aparādhasahanavasena khantipāramī, yathāpaṭiññaṃ dānādinā avisaṃvādanavasena ca saccapāramī, dānādīnaṃ acalasamādānādhiṭṭhānavasena adhiṭṭhānapāramī, paccatthikepi ekantena hitūpasaṃhāravasena mettājhānanibbattanena ca mettāpāramī, duṭṭhāmaccena dabbasenena ca katāparādhe hitesīhi attano amaccādīhi nibbattite upakāre ca ajjhupekkhaṇena rajjasukhappattakāle paccatthikaraññā narake khittakāle samānacittatāya ca upekkhāpāramī veditabbā. Vuttañhetaṃ –
‘‘бануж̇ж̇а д̣̇угкзна сукам̣ ж̇анинд̣̇а, сукзна ваа д̣̇угкамасаяхасаахи;
‘‘Panujja dukkhena sukhaṃ janinda, sukhena vā dukkhamasayhasāhi;
убхаяад̇т̇а санд̇о абхиниб̣б̣уд̇ад̇д̇аа, сукз жа д̣̇угкз жа бхаванд̇и д̇уляаа’’д̇и. (ж̇аа. 1.4.12);
Ubhayattha santo abhinibbutattā, sukhe ca dukkhe ca bhavanti tulyā’’ti. (jā. 1.4.12);
яасмаа банзд̇т̇а мзд̇д̇аабаарамий ад̇исаяавад̇ий, д̇асмаа д̇ад̣̇ад̇т̇ад̣̇ийбанад̇т̇ам̣ саа зва баал̣и аарул̣хаа. д̇ат̇аа ид̇ха махаасад̇д̇асса саб̣б̣асад̇д̇зсу орасабуд̇д̇з вияа самаанугамбад̇аад̣̇аяо г̇ун̣ависзсаа нид̣̇д̇хаарзд̇аб̣б̣аад̇и.
Yasmā panettha mettāpāramī atisayavatī, tasmā tadatthadīpanatthaṃ sā eva pāḷi āruḷhā. Tathā idha mahāsattassa sabbasattesu orasaputte viya samānukampatādayo guṇavisesā niddhāretabbāti.
згарааж̇ажарияааван̣н̣анаа нидтид̇аа.
Ekarājacariyāvaṇṇanā niṭṭhitā.
мзд̇д̇аабаарамий нидтид̇аа.
Mettāpāramī niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 14. згарааж̇ажарияаа • 14. Ekarājacariyā
