| Library / Tipiṭaka / तिपिटक • Tipiṭaka / जातकपाळि • Jātakapāḷi |
३०३. एकराजजातकं (४-१-३)
303. Ekarājajātakaṃ (4-1-3)
९.
9.
अनुत्तरे कामगुणे समिद्धे, भुत्वान पुब्बे वसी एकराज।
Anuttare kāmaguṇe samiddhe, bhutvāna pubbe vasī ekarāja;
सो दानि दुग्गे नरकम्हि खित्तो, नप्पज्जहे वण्णबलं पुराणं॥
So dāni dugge narakamhi khitto, nappajjahe vaṇṇabalaṃ purāṇaṃ.
१०.
10.
पुब्बेव खन्ती च तपो च मय्हं, सम्पत्थिता दुब्भिसेन 1 अहोसि।
Pubbeva khantī ca tapo ca mayhaṃ, sampatthitā dubbhisena 2 ahosi;
तं दानि लद्धान कथं नु राज, जहे अहं वण्णबलं पुराणं॥
Taṃ dāni laddhāna kathaṃ nu rāja, jahe ahaṃ vaṇṇabalaṃ purāṇaṃ.
११.
11.
सब्बा किरेवं परिनिट्ठितानि, यसस्सिनं पञ्ञवन्तं विसय्ह।
Sabbā kirevaṃ pariniṭṭhitāni, yasassinaṃ paññavantaṃ visayha;
यसो च लद्धा पुरिमं उळारं, नप्पज्जहे वण्णबलं पुराणं॥
Yaso ca laddhā purimaṃ uḷāraṃ, nappajjahe vaṇṇabalaṃ purāṇaṃ.
१२.
12.
पनुज्ज दुक्खेन सुखं जनिन्द, सुखेन वा दुक्खमसय्हसाहि।
Panujja dukkhena sukhaṃ janinda, sukhena vā dukkhamasayhasāhi;
उभयत्थ सन्तो अभिनिब्बुतत्ता, सुखे च दुक्खे च भवन्ति तुल्याति॥
Ubhayattha santo abhinibbutattā, sukhe ca dukkhe ca bhavanti tulyāti.
एकराजजातकं ततियं।
Ekarājajātakaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३०३] ३. एकराजजातकवण्णना • [303] 3. Ekarājajātakavaṇṇanā
