| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
303. එකරාජජාතකං (4-1-3)
303. Ekarājajātakaṃ (4-1-3)
9.
9.
අනුත්‌තරෙ කාමගුණෙ සමිද්‌ධෙ, භුත්‌වාන පුබ්‌බෙ වසී එකරාජ;
Anuttare kāmaguṇe samiddhe, bhutvāna pubbe vasī ekarāja;
සො දානි දුග්‌ගෙ නරකම්‌හි ඛිත්‌තො, නප්‌පජ්‌ජහෙ වණ්‌ණබලං පුරාණං.
So dāni dugge narakamhi khitto, nappajjahe vaṇṇabalaṃ purāṇaṃ.
10.
10.
පුබ්‌බෙව ඛන්‌තී ච තපො ච මය්‌හං, සම්‌පත්‌ථිතා දුබ්‌භිසෙන 1 අහොසි;
Pubbeva khantī ca tapo ca mayhaṃ, sampatthitā dubbhisena 2 ahosi;
තං දානි ලද්‌ධාන කථං නු රාජ, ජහෙ අහං වණ්‌ණබලං පුරාණං.
Taṃ dāni laddhāna kathaṃ nu rāja, jahe ahaṃ vaṇṇabalaṃ purāṇaṃ.
11.
11.
සබ්‌බා කිරෙවං පරිනිට්‌ඨිතානි, යසස්‌සිනං පඤ්‌ඤවන්‌තං විසය්‌හ;
Sabbā kirevaṃ pariniṭṭhitāni, yasassinaṃ paññavantaṃ visayha;
යසො ච ලද්‌ධා පුරිමං උළාරං, නප්‌පජ්‌ජහෙ වණ්‌ණබලං පුරාණං.
Yaso ca laddhā purimaṃ uḷāraṃ, nappajjahe vaṇṇabalaṃ purāṇaṃ.
12.
12.
පනුජ්‌ජ දුක්‌ඛෙන සුඛං ජනින්‌ද, සුඛෙන වා දුක්‌ඛමසය්‌හසාහි;
Panujja dukkhena sukhaṃ janinda, sukhena vā dukkhamasayhasāhi;
උභයත්‌ථ සන්‌තො අභිනිබ්‌බුතත්‌තා, සුඛෙ ච දුක්‌ඛෙ ච භවන්‌ති තුල්‍යාති.
Ubhayattha santo abhinibbutattā, sukhe ca dukkhe ca bhavanti tulyāti.
එකරාජජාතකං තතියං.
Ekarājajātakaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [303] 3. එකරාජජාතකවණ්‌ණනා • [303] 3. Ekarājajātakavaṇṇanā
