| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. එකාසනදායකත්‌ථෙරඅපදානං
2. Ekāsanadāyakattheraapadānaṃ
5.
5.
‘‘විජහිත්‌වා දෙවවණ්‌ණං, සභරියො ඉධාගමිං;
‘‘Vijahitvā devavaṇṇaṃ, sabhariyo idhāgamiṃ;
අධිකාරං කත්‌තුකාමො, බුද්‌ධසෙට්‌ඨස්‌ස සාසනෙ.
Adhikāraṃ kattukāmo, buddhaseṭṭhassa sāsane.
6.
6.
‘‘දෙවලො නාම නාමෙන, පදුමුත්‌තරසාවකො;
‘‘Devalo nāma nāmena, padumuttarasāvako;
තස්‌ස භික්‌ඛා මයා දින්‌නා, විප්‌පසන්‌නෙන චෙතසා.
Tassa bhikkhā mayā dinnā, vippasannena cetasā.
7.
7.
‘‘සතසහස්‌සිතො කප්‌පෙ, යං කම්‌මමකරිං තදා;
‘‘Satasahassito kappe, yaṃ kammamakariṃ tadā;
දුග්‌ගතිං නාභිජානාමි, පිණ්‌ඩපාතස්‌සිදං ඵලං.
Duggatiṃ nābhijānāmi, piṇḍapātassidaṃ phalaṃ.
8.
8.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා එකාසනදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ekāsanadāyako thero imā gāthāyo abhāsitthāti.
එකාසනදායකත්‌ථෙරස්‌සාපදානං දුතියං.
Ekāsanadāyakattherassāpadānaṃ dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ථොමකත්‌ථෙරඅපදානාදිවණ්‌ණනා • 1-10. Thomakattheraapadānādivaṇṇanā
