| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. เอกาสนิยเตฺถรอปทานํ
4. Ekāsaniyattheraapadānaṃ
๓๑.
31.
‘‘วรุโณ นาม นาเมน, เทวราชา อหํ ตทา;
‘‘Varuṇo nāma nāmena, devarājā ahaṃ tadā;
อุปฎฺฐเหสิํ สมฺพุทฺธํ, สโยคฺคพลวาหโนฯ
Upaṭṭhahesiṃ sambuddhaṃ, sayoggabalavāhano.
๓๒.
32.
‘‘นิพฺพุเต โลกนาถมฺหิ, อตฺถทสฺสีนรุตฺตเม;
‘‘Nibbute lokanāthamhi, atthadassīnaruttame;
ตูริยํ สพฺพมาทาย, อคมํ โพธิมุตฺตมํฯ
Tūriyaṃ sabbamādāya, agamaṃ bodhimuttamaṃ.
๓๓.
33.
‘‘วาทิเตน จ นเจฺจน, สมฺมตาฬสมาหิโต;
‘‘Vāditena ca naccena, sammatāḷasamāhito;
สมฺมุขา วิย สมฺพุทฺธํ, อุปฎฺฐิํ โพธิมุตฺตมํฯ
Sammukhā viya sambuddhaṃ, upaṭṭhiṃ bodhimuttamaṃ.
๓๔.
34.
‘‘อุปฎฺฐหิตฺวา ตํ โพธิํ, ธรณีรุหปาทปํ;
‘‘Upaṭṭhahitvā taṃ bodhiṃ, dharaṇīruhapādapaṃ;
ปลฺลงฺกํ อาภุชิตฺวาน, ตตฺถ กาลงฺกโต อหํฯ
Pallaṅkaṃ ābhujitvāna, tattha kālaṅkato ahaṃ.
๓๕.
35.
‘‘สกกมฺมาภิรโทฺธหํ, ปสโนฺน โพธิมุตฺตเม;
‘‘Sakakammābhiraddhohaṃ, pasanno bodhimuttame;
เตน จิตฺตปฺปสาเทน, นิมฺมานํ อุปปชฺชหํฯ
Tena cittappasādena, nimmānaṃ upapajjahaṃ.
๓๖.
36.
‘‘สฎฺฐิตูริยสหสฺสานิ, ปริวาเรนฺติ มํ สทา;
‘‘Saṭṭhitūriyasahassāni, parivārenti maṃ sadā;
มนุเสฺสสุ จ เทเวสุ, วตฺตมานํ ภวาภเวฯ
Manussesu ca devesu, vattamānaṃ bhavābhave.
๓๗.
37.
‘‘ติวิธคฺคี นิพฺพุตา มยฺหํ, ภวา สเพฺพ สมูหตา;
‘‘Tividhaggī nibbutā mayhaṃ, bhavā sabbe samūhatā;
๓๘.
38.
‘‘สุพาหู นาม นาเมน, จตุตฺติํสาสุ ขตฺติยา;
‘‘Subāhū nāma nāmena, catuttiṃsāsu khattiyā;
สตฺตรตนสมฺปนฺนา, ปญฺจกปฺปสเต อิโตฯ
Sattaratanasampannā, pañcakappasate ito.
๓๙.
39.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เอกาสนิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ekāsaniyo thero imā gāthāyo abhāsitthāti.
เอกาสนิยเตฺถรสฺสาปทานํ จตุตฺถํฯ
Ekāsaniyattherassāpadānaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. เอกาสนิยเตฺถรอปทานวณฺณนา • 4. Ekāsaniyattheraapadānavaṇṇanā
