| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. згаасанияад̇т̇зраабад̣̇аанаван̣н̣анаа
4. Ekāsaniyattheraapadānavaṇṇanā
варун̣о наама наамзнаад̇иаад̣̇игам̣ ааяасмад̇о згаасанияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз варун̣о наама д̣̇зварааж̇аа худ̇ваа ниб̣б̣ад̇д̇и. со бхаг̇аванд̇ам̣ д̣̇исваа басаннамаанасо г̇анд̇хамаалаад̣̇ийхи г̇ийд̇аваад̣̇ид̇зхи жа убадтаяамаано сабаривааро бууж̇зси. д̇ад̇о абарабхааг̇з бхаг̇авад̇и бариниб̣б̣уд̇з д̇асса махааб̣од̇хиругкам̣ б̣уд̣̇д̇хад̣̇ассанам̣ вияа саб̣б̣ад̇уурияад̇аал̣ааважарзхи сабаривааро убахаарамагааси. со д̇зна бун̃н̃зна д̇ад̇о гаалан̇гад̇ваа ниммаанарад̇ид̣̇звалогз уббаж̇ж̇и. звам̣ д̣̇звасамбад̇д̇иманубхавид̇ваа мануссзсу жа мануссабхууд̇о жаггавад̇д̇исамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у саасанз баб̣б̣аж̇ид̇ваа нажирассзва арахаа ахоси.
Varuṇonāma nāmenātiādikaṃ āyasmato ekāsaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle varuṇo nāma devarājā hutvā nibbatti. So bhagavantaṃ disvā pasannamānaso gandhamālādīhi gītavāditehi ca upaṭṭhayamāno saparivāro pūjesi. Tato aparabhāge bhagavati parinibbute tassa mahābodhirukkhaṃ buddhadassanaṃ viya sabbatūriyatāḷāvacarehi saparivāro upahāramakāsi. So tena puññena tato kālaṅkatvā nimmānaratidevaloke uppajji. Evaṃ devasampattimanubhavitvā manussesu ca manussabhūto cakkavattisampattiṃ anubhavitvā imasmiṃ buddhuppāde kulagehe nibbatto viññutaṃ patvā satthu sāsane pabbajitvā nacirasseva arahā ahosi.
31. со бажчаа сагагаммам̣ сарид̇ваа д̇ам̣ д̇ат̇ад̇о н̃ад̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о варун̣о наама наамзнаад̇иаад̣̇имааха. д̇ад̇т̇а яад̣̇аа ахам̣ самб̣од̇ханад̇т̇ааяа б̣уд̣̇д̇хам̣ б̣од̇хин̃жа бууж̇зсим̣, д̇ад̣̇аа варун̣о наама д̣̇зварааж̇аа ахосинд̇и самб̣анд̇хо.
31. So pacchā sakakammaṃ saritvā taṃ tathato ñatvā somanassajāto pubbacaritāpadānaṃ pakāsento varuṇo nāma nāmenātiādimāha. Tattha yadā ahaṃ sambodhanatthāya buddhaṃ bodhiñca pūjesiṃ, tadā varuṇo nāma devarājā ahosinti sambandho.
34. д̇харан̣ийрухабаад̣̇абанд̇и зд̇т̇а ругкалад̇аабаб̣б̣ад̇асад̇т̇арад̇анаад̣̇аяо д̇хаарзд̇ийд̇и д̇харан̣ий, д̇асмим̣ рухад̇и бад̇идтахад̇ийд̇и д̇харан̣ийрухо. баад̣̇зна бивад̇ийд̇и баад̣̇або, син̃жид̇асин̃жид̇од̣̇агам̣ баад̣̇зна муулзна бивад̇и ругкагканд̇хасаакаавидабзхи ааборасам̣ бад̇т̇арияад̇ийд̇и ад̇т̇о, д̇ам̣ д̇харан̣ийрухабаад̣̇абам̣ б̣од̇хиругканд̇и самб̣анд̇хо.
34.Dharaṇīruhapādapanti ettha rukkhalatāpabbatasattharatanādayo dhāretīti dharaṇī, tasmiṃ ruhati patiṭṭhahatīti dharaṇīruho. Pādena pivatīti pādapo, siñcitasiñcitodakaṃ pādena mūlena pivati rukkhakkhandhasākhāviṭapehi āporasaṃ patthariyatīti attho, taṃ dharaṇīruhapādapaṃ bodhirukkhanti sambandho.
35. сагагаммаабхирад̣̇д̇ход̇и ад̇д̇ано гусалагаммзна абхирад̣̇д̇хо басанно уд̇д̇амз б̣од̇химхи басаннод̇и самб̣анд̇хо. сзсам̣ саб̣б̣ад̇т̇а уд̇д̇аанамзваад̇и.
35.Sakakammābhiraddhoti attano kusalakammena abhiraddho pasanno uttame bodhimhi pasannoti sambandho. Sesaṃ sabbattha uttānamevāti.
згаасанияад̇т̇зраабад̣̇аанаван̣н̣анаа самад̇д̇аа.
Ekāsaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. згаасанияад̇т̇зраабад̣̇аанам̣ • 4. Ekāsaniyattheraapadānaṃ
