| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. එකසඤ්‌ඤකත්‌ථෙරඅපදානං
4. Ekasaññakattheraapadānaṃ
17.
17.
‘‘දුමග්‌ගෙ පංසුකූලිකං 1, ලග්‌ගං දිස්‌වාන සත්‌ථුනො;
‘‘Dumagge paṃsukūlikaṃ 2, laggaṃ disvāna satthuno;
අඤ්‌ජලිං පග්‌ගහෙත්‌වාන, පංසුකූලං අවන්‌දහං.
Añjaliṃ paggahetvāna, paṃsukūlaṃ avandahaṃ.
18.
18.
‘‘එකත්‌තිංසෙ ඉතො කප්‌පෙ, යං සඤ්‌ඤමලභිං තදා;
‘‘Ekattiṃse ito kappe, yaṃ saññamalabhiṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
19.
19.
‘‘පඤ්‌චවීසෙ ඉතො කප්‌පෙ, එකො ආසිං ජනාධිපො;
‘‘Pañcavīse ito kappe, eko āsiṃ janādhipo;
අමිතාභොති නාමෙන, චක්‌කවත්‌තී මහබ්‌බලො.
Amitābhoti nāmena, cakkavattī mahabbalo.
20.
20.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා එකසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ekasaññako thero imā gāthāyo abhāsitthāti.
එකසඤ්‌ඤකත්‌ථෙරස්‌සාපදානං චතුත්‌ථං.
Ekasaññakattherassāpadānaṃ catutthaṃ.
Footnotes:
