| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
5. ஏகஸஞ்ஞகத்தே²ரஅபதா³னவண்ணனா
5. Ekasaññakattheraapadānavaṇṇanā
க²ண்டோ³ நாமாஸி நாமேனாதிஆதி³கங் ஆயஸ்மதோ ஏகஸஞ்ஞகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ விஞ்ஞுதங் பத்தோ ரதனத்தயே பஸன்னமானஸோ தஸ்ஸ ஸத்து²னோ க²ண்ட³ங் நாம அக்³க³ஸாவகங் பி⁴க்கா²ய சரமானங் தி³ஸ்வா ஸத்³த³ஹித்வா பிண்ட³பாதமதா³ஸி. ஸோ தேன புஞ்ஞகம்மேன தே³வமனுஸ்ஸஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²யங் ஏகஸ்மிங் குலகே³ஹே நிப்³ப³த்தோ விஞ்ஞுதங் பத்தோ ஸத்து² த⁴ம்மதே³ஸனங் ஸுத்வா படிலத்³த⁴ஸத்³தோ⁴ பப்³ப³ஜித்வா நசிரஸ்ஸேவ அரஹா அஹோஸி. ஸோ ஏகதி³வஸங் பிண்ட³பாதஸ்ஸ ஸஞ்ஞங் மனஸிகரித்வா படிலத்³த⁴விஸேஸத்தா ஏகஸஞ்ஞகத்தே²ரோதி பாகடோ.
Khaṇḍonāmāsi nāmenātiādikaṃ āyasmato ekasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto ratanattaye pasannamānaso tassa satthuno khaṇḍaṃ nāma aggasāvakaṃ bhikkhāya caramānaṃ disvā saddahitvā piṇḍapātamadāsi. So tena puññakammena devamanussasampattiyo anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto viññutaṃ patto satthu dhammadesanaṃ sutvā paṭiladdhasaddho pabbajitvā nacirasseva arahā ahosi. So ekadivasaṃ piṇḍapātassa saññaṃ manasikaritvā paṭiladdhavisesattā ekasaññakattheroti pākaṭo.
18. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ க²ண்டோ³ நாமாஸி நாமேனாதிஆதி³மாஹ. தத்த² தஸ்ஸ அக்³க³ஸாவகத்தே²ரஸ்ஸ கிலேஸானங் க²ண்டி³தத்தா க²ண்டோ³தி நாமங். ஸேஸங் ஸப்³ப³த்த² உத்தானமேவாதி.
18. So aparabhāge attano pubbakammaṃ saritvā somanassajāto pubbacaritāpadānaṃ pakāsento khaṇḍo nāmāsi nāmenātiādimāha. Tattha tassa aggasāvakattherassa kilesānaṃ khaṇḍitattā khaṇḍoti nāmaṃ. Sesaṃ sabbattha uttānamevāti.
ஏகஸஞ்ஞகத்தே²ரஅபதா³னவண்ணனா ஸமத்தா.
Ekasaññakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 5. ஏகஸஞ்ஞகத்தே²ரஅபதா³னங் • 5. Ekasaññakattheraapadānaṃ
