| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. згасан̃н̃агад̇т̇зраабад̣̇аанаван̣н̣анаа
5. Ekasaññakattheraapadānavaṇṇanā
кан̣д̣о наамааси наамзнаад̇иаад̣̇игам̣ ааяасмад̇о згасан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басаннамаанасо д̇асса сад̇т̇уно кан̣д̣ам̣ наама аг̇г̇асаавагам̣ бхигкааяа жарамаанам̣ д̣̇исваа сад̣̇д̣̇ахид̇ваа бин̣д̣абаад̇амад̣̇ааси. со д̇зна бун̃н̃агаммзна д̣̇звамануссасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа нажирассзва арахаа ахоси. со згад̣̇ивасам̣ бин̣д̣абаад̇асса сан̃н̃ам̣ манасигарид̇ваа бадилад̣̇д̇хависзсад̇д̇аа згасан̃н̃агад̇т̇зрод̇и баагадо.
Khaṇḍonāmāsi nāmenātiādikaṃ āyasmato ekasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto ratanattaye pasannamānaso tassa satthuno khaṇḍaṃ nāma aggasāvakaṃ bhikkhāya caramānaṃ disvā saddahitvā piṇḍapātamadāsi. So tena puññakammena devamanussasampattiyo anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto viññutaṃ patto satthu dhammadesanaṃ sutvā paṭiladdhasaddho pabbajitvā nacirasseva arahā ahosi. So ekadivasaṃ piṇḍapātassa saññaṃ manasikaritvā paṭiladdhavisesattā ekasaññakattheroti pākaṭo.
18. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о кан̣д̣о наамааси наамзнаад̇иаад̣̇имааха. д̇ад̇т̇а д̇асса аг̇г̇асаавагад̇т̇зрасса гилзсаанам̣ кан̣д̣ид̇ад̇д̇аа кан̣д̣од̇и наамам̣. сзсам̣ саб̣б̣ад̇т̇а уд̇д̇аанамзваад̇и.
18. So aparabhāge attano pubbakammaṃ saritvā somanassajāto pubbacaritāpadānaṃ pakāsento khaṇḍo nāmāsi nāmenātiādimāha. Tattha tassa aggasāvakattherassa kilesānaṃ khaṇḍitattā khaṇḍoti nāmaṃ. Sesaṃ sabbattha uttānamevāti.
згасан̃н̃агад̇т̇зраабад̣̇аанаван̣н̣анаа самад̇д̇аа.
Ekasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. згасан̃н̃агад̇т̇зраабад̣̇аанам̣ • 5. Ekasaññakattheraapadānaṃ
