| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. згад̇т̇амбхигад̇т̇зраабад̣̇аанаван̣н̣анаа
2. Ekatthambhikattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о згад̇т̇амбхад̣̇ааяагат̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз ванагаммиго худ̇ваа згасмим̣ вибхавасамбаннз гулз ниб̣б̣ад̇д̇о. д̇асмим̣ самаяз саб̣б̣з сад̣̇д̇хаа басаннаа убаасагаа згажчанд̣̇аа ‘‘бхаг̇авад̇о убадтаанасаалам̣ гаромаа’’д̇и д̣̇аб̣б̣асамбхаарад̇т̇ааяа ванам̣ бависид̇ваа д̇ам̣ убаасагам̣ д̣̇исваа ‘‘амхаагам̣ згам̣ т̇амбхам̣ д̣̇зт̇аа’’д̇и яаажим̣су. со д̇ам̣ бавад̇д̇им̣ суд̇ваа ‘‘д̇умхз маа жинд̇аяид̇т̇аа’’д̇и д̇з саб̣б̣з уяяож̇зд̇ваа згам̣ саарамаяам̣ т̇амбхам̣ г̇ахзд̇ваа сад̇т̇у д̣̇ассзд̇ваа д̇зсам̣язва ад̣̇ааси. со д̇знзва соманассаж̇аад̇о д̇ад̣̇зва муулам̣ гад̇ваа ан̃н̃аани д̣̇аанаад̣̇ийни бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇о абараабарам̣ часу гаамааважарзсу д̣̇иб̣б̣асамбад̇д̇ияо анубхавид̇ваа мануссзсу жа аг̇г̇ажаггавад̇д̇исамбад̇д̇им̣ анзгаваарам̣ анубхавид̇ваа асан̇кязяяам̣ бад̣̇зсараж̇ж̇асамбад̇д̇ин̃жа анубхавид̇ваа имасмим̣ б̣уд̣̇д̇хуббаад̣̇з сад̣̇д̇хаасамбаннз згасмим̣ гулз ниб̣б̣ад̇д̇о маад̇аабид̇уухи сад̣̇д̇хим̣ бхаг̇авад̇о санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о гаммадтаанам̣ г̇ахзд̇ваа манасигаронд̇о нажирассзва арахаа ахоси.
Siddhatthassa bhagavatotiādikaṃ āyasmato ekatthambhadāyakatherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle vanakammiko hutvā ekasmiṃ vibhavasampanne kule nibbatto. Tasmiṃ samaye sabbe saddhā pasannā upāsakā ekacchandā ‘‘bhagavato upaṭṭhānasālaṃ karomā’’ti dabbasambhāratthāya vanaṃ pavisitvā taṃ upāsakaṃ disvā ‘‘amhākaṃ ekaṃ thambhaṃ dethā’’ti yāciṃsu. So taṃ pavattiṃ sutvā ‘‘tumhe mā cintayitthā’’ti te sabbe uyyojetvā ekaṃ sāramayaṃ thambhaṃ gahetvā satthu dassetvā tesaṃyeva adāsi. So teneva somanassajāto tadeva mūlaṃ katvā aññāni dānādīni puññāni katvā tato cuto devaloke nibbatto aparāparaṃ chasu kāmāvacaresu dibbasampattiyo anubhavitvā manussesu ca aggacakkavattisampattiṃ anekavāraṃ anubhavitvā asaṅkhyeyyaṃ padesarajjasampattiñca anubhavitvā imasmiṃ buddhuppāde saddhāsampanne ekasmiṃ kule nibbatto mātāpitūhi saddhiṃ bhagavato santike dhammaṃ sutvā paṭiladdhasaddho pabbajitvā laddhūpasampado kammaṭṭhānaṃ gahetvā manasikaronto nacirasseva arahā ahosi.
13. со звам̣ бад̇д̇аарахад̇д̇о ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сид̣̇д̇хад̇т̇ассаад̇иаад̣̇имааха. д̇ад̇т̇а сид̣̇д̇хад̇т̇асса бхаг̇авад̇о бхаг̇яасамбаннасса саммаасамб̣уд̣̇д̇хасса. махаабууг̇аг̇ан̣од̇и махааубаасагасамуухо аху ахосийд̇и ад̇т̇о. саран̣ам̣ г̇ад̇аа жа д̇з б̣уд̣̇д̇ханд̇и ‘‘б̣уд̣̇д̇хам̣ саран̣а’’нд̇и г̇ад̇аа бхаж̇им̣су ж̇ааним̣су ваа д̇з убаасагаа. д̇ат̇ааг̇ад̇ам̣ сад̣̇д̣̇аханд̇и б̣уд̣̇д̇хаг̇ун̣ам̣ ад̇д̇ано жид̇д̇асанд̇аанз табзнд̇ийд̇и ад̇т̇о.
13. So evaṃ pattaarahatto attano pubbakammaṃ saritvā somanassajāto pubbacaritāpadānaṃ pakāsento siddhatthassātiādimāha. Tattha siddhatthassa bhagavato bhagyasampannassa sammāsambuddhassa. Mahāpūgagaṇoti mahāupāsakasamūho ahu ahosīti attho. Saraṇaṃ gatā ca te buddhanti ‘‘buddhaṃ saraṇa’’nti gatā bhajiṃsu jāniṃsu vā te upāsakā. Tathāgataṃ saddahanti buddhaguṇaṃ attano cittasantāne ṭhapentīti attho.
14. саб̣б̣з сан̇г̇амма манд̇зд̇ваад̇и саб̣б̣з самааг̇амма саннибад̇ид̇ваа манд̇зд̇ваа ан̃н̃аман̃н̃ам̣ сан̃н̃аабзд̇ваа згажчанд̣̇аа худ̇ваа маал̣ам̣ убадтаанасаалам̣ сад̇т̇уно ад̇т̇ааяа губ̣б̣анд̇и гаронд̇ийд̇и ад̇т̇о. д̣̇аб̣б̣асамбхаарзсу згад̇т̇амбхам̣ алабханд̇аа б̣рахааванз махааванз вижинанд̇ийд̇и самб̣анд̇хо.
14.Sabbe saṅgamma mantetvāti sabbe samāgamma sannipatitvā mantetvā aññamaññaṃ saññāpetvā ekacchandā hutvā māḷaṃ upaṭṭhānasālaṃ satthuno atthāya kubbanti karontīti attho. Dabbasambhāresu ekatthambhaṃ alabhantā brahāvane mahāvane vicinantīti sambandho.
15. д̇зхам̣ аран̃н̃з д̣̇исваанаад̇и ахам̣ д̇з убаасагз аран̃н̃з д̣̇исваана г̇ан̣ам̣ самуухам̣ убаг̇амма самийбам̣ г̇анд̇ваа ан̃ж̇алим̣ баг̇г̇ахзд̇ваана д̣̇асан̇г̇улисамод̇хаанам̣ ан̃ж̇алим̣ сираси гад̇ваа ахам̣ г̇ан̣ам̣ убаасагасамуухам̣ ‘‘д̇умхз имам̣ ванам̣ гимад̇т̇ам̣ ааг̇ад̇ад̇т̇аа’’д̇и д̇ад̣̇аа д̇асмим̣ гаалз барибужчинд̇и самб̣анд̇хо.
15.Tehaṃaraññe disvānāti ahaṃ te upāsake araññe disvāna gaṇaṃ samūhaṃ upagamma samīpaṃ gantvā añjaliṃ paggahetvāna dasaṅgulisamodhānaṃ añjaliṃ sirasi katvā ahaṃ gaṇaṃ upāsakasamūhaṃ ‘‘tumhe imaṃ vanaṃ kimatthaṃ āgatatthā’’ti tadā tasmiṃ kāle paripucchinti sambandho.
16. д̇з сийлаванд̇о убаасагаа мз маяаа будтаа ‘‘маал̣ам̣ маяам̣ гад̇д̇угаамаа худ̇ваа згад̇т̇амбхо амхзхи на лаб̣бхад̇ий’’д̇и вияаагам̣су висзсзна гат̇аяим̣сууд̇и самб̣анд̇хо.
16.Te sīlavanto upāsakā me mayā puṭṭhā ‘‘māḷaṃ mayaṃ kattukāmā hutvā ekatthambho amhehi na labbhatī’’ti viyākaṃsu visesena kathayiṃsūti sambandho.
17. мамам̣ маяхам̣ згад̇т̇амбхам̣ д̣̇зт̇а, ахам̣ д̇ам̣ д̣̇ассаами сад̇т̇уно санд̇игам̣ ахам̣ т̇амбхам̣ аахариссаами, д̇з бхаванд̇о т̇амбхахаран̣з аббоссуггаа уссаахарахид̇аа бхаванд̇ууд̇и самб̣анд̇хо.
17.Mamaṃ mayhaṃ ekatthambhaṃ detha, ahaṃ taṃ dassāmi satthuno santikaṃ ahaṃ thambhaṃ āharissāmi, te bhavanto thambhaharaṇe appossukkā ussāharahitā bhavantūti sambandho.
24. яам̣ яам̣ яонубабаж̇ж̇аамийд̇и яам̣ яам̣ яоним̣ д̣̇звад̇д̇ам̣ ат̇а маанусам̣ убаг̇ажчаамийд̇и ад̇т̇о. бхуммад̇т̇з ваа убаяог̇аважанам̣, яасмим̣ яасмим̣ д̣̇звалогз ваа мануссалогз ваад̇и ад̇т̇о. сзсам̣ уд̇д̇аанад̇т̇амзваад̇и.
24.Yaṃ yaṃ yonupapajjāmīti yaṃ yaṃ yoniṃ devattaṃ atha mānusaṃ upagacchāmīti attho. Bhummatthe vā upayogavacanaṃ, yasmiṃ yasmiṃ devaloke vā manussaloke vāti attho. Sesaṃ uttānatthamevāti.
згад̇т̇амбхигад̇т̇зраабад̣̇аанаван̣н̣анаа самад̇д̇аа.
Ekatthambhikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. згад̇т̇амбхигад̇т̇зраабад̣̇аанам̣ • 2. Ekatthambhikattheraapadānaṃ
