| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਏਕਤ੍ਥਮ੍ਭਿਕਤ੍ਥੇਰਅਪਦਾਨવਣ੍ਣਨਾ
2. Ekatthambhikattheraapadānavaṇṇanā
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਏਕਤ੍ਥਮ੍ਭਦਾਯਕਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ વਨਕਮ੍ਮਿਕੋ ਹੁਤ੍વਾ ਏਕਸ੍ਮਿਂ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ। ਤਸ੍ਮਿਂ ਸਮਯੇ ਸਬ੍ਬੇ ਸਦ੍ਧਾ ਪਸਨ੍ਨਾ ਉਪਾਸਕਾ ਏਕਚ੍ਛਨ੍ਦਾ ‘‘ਭਗવਤੋ ਉਪਟ੍ਠਾਨਸਾਲਂ ਕਰੋਮਾ’’ਤਿ ਦਬ੍ਬਸਮ੍ਭਾਰਤ੍ਥਾਯ વਨਂ ਪવਿਸਿਤ੍વਾ ਤਂ ਉਪਾਸਕਂ ਦਿਸ੍વਾ ‘‘ਅਮ੍ਹਾਕਂ ਏਕਂ ਥਮ੍ਭਂ ਦੇਥਾ’’ਤਿ ਯਾਚਿਂਸੁ। ਸੋ ਤਂ ਪવਤ੍ਤਿਂ ਸੁਤ੍વਾ ‘‘ਤੁਮ੍ਹੇ ਮਾ ਚਿਨ੍ਤਯਿਤ੍ਥਾ’’ਤਿ ਤੇ ਸਬ੍ਬੇ ਉਯ੍ਯੋਜੇਤ੍વਾ ਏਕਂ ਸਾਰਮਯਂ ਥਮ੍ਭਂ ਗਹੇਤ੍વਾ ਸਤ੍ਥੁ ਦਸ੍ਸੇਤ੍વਾ ਤੇਸਂਯੇવ ਅਦਾਸਿ। ਸੋ ਤੇਨੇવ ਸੋਮਨਸ੍ਸਜਾਤੋ ਤਦੇવ ਮੂਲਂ ਕਤ੍વਾ ਅਞ੍ਞਾਨਿ ਦਾਨਾਦੀਨਿ ਪੁਞ੍ਞਾਨਿ ਕਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਛਸੁ ਕਾਮਾવਚਰੇਸੁ ਦਿਬ੍ਬਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਅਗ੍ਗਚਕ੍ਕવਤ੍ਤਿਸਮ੍ਪਤ੍ਤਿਂ ਅਨੇਕવਾਰਂ ਅਨੁਭવਿਤ੍વਾ ਅਸਙ੍ਖ੍ਯੇਯ੍ਯਂ ਪਦੇਸਰਜ੍ਜਸਮ੍ਪਤ੍ਤਿਞ੍ਚ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਦ੍ਧਾਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਮਾਤਾਪਿਤੂਹਿ ਸਦ੍ਧਿਂ ਭਗવਤੋ ਸਨ੍ਤਿਕੇ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਲਦ੍ਧੂਪਸਮ੍ਪਦੋ ਕਮ੍ਮਟ੍ਠਾਨਂ ਗਹੇਤ੍વਾ ਮਨਸਿਕਰੋਨ੍ਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Siddhatthassa bhagavatotiādikaṃ āyasmato ekatthambhadāyakatherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle vanakammiko hutvā ekasmiṃ vibhavasampanne kule nibbatto. Tasmiṃ samaye sabbe saddhā pasannā upāsakā ekacchandā ‘‘bhagavato upaṭṭhānasālaṃ karomā’’ti dabbasambhāratthāya vanaṃ pavisitvā taṃ upāsakaṃ disvā ‘‘amhākaṃ ekaṃ thambhaṃ dethā’’ti yāciṃsu. So taṃ pavattiṃ sutvā ‘‘tumhe mā cintayitthā’’ti te sabbe uyyojetvā ekaṃ sāramayaṃ thambhaṃ gahetvā satthu dassetvā tesaṃyeva adāsi. So teneva somanassajāto tadeva mūlaṃ katvā aññāni dānādīni puññāni katvā tato cuto devaloke nibbatto aparāparaṃ chasu kāmāvacaresu dibbasampattiyo anubhavitvā manussesu ca aggacakkavattisampattiṃ anekavāraṃ anubhavitvā asaṅkhyeyyaṃ padesarajjasampattiñca anubhavitvā imasmiṃ buddhuppāde saddhāsampanne ekasmiṃ kule nibbatto mātāpitūhi saddhiṃ bhagavato santike dhammaṃ sutvā paṭiladdhasaddho pabbajitvā laddhūpasampado kammaṭṭhānaṃ gahetvā manasikaronto nacirasseva arahā ahosi.
੧੩. ਸੋ ਏવਂ ਪਤ੍ਤਅਰਹਤ੍ਤੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਦ੍ਧਤ੍ਥਸ੍ਸਾਤਿਆਦਿਮਾਹ। ਤਤ੍ਥ ਸਿਦ੍ਧਤ੍ਥਸ੍ਸ ਭਗવਤੋ ਭਗ੍ਯਸਮ੍ਪਨ੍ਨਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ। ਮਹਾਪੂਗਗਣੋਤਿ ਮਹਾਉਪਾਸਕਸਮੂਹੋ ਅਹੁ ਅਹੋਸੀਤਿ ਅਤ੍ਥੋ। ਸਰਣਂ ਗਤਾ ਚ ਤੇ ਬੁਦ੍ਧਨ੍ਤਿ ‘‘ਬੁਦ੍ਧਂ ਸਰਣ’’ਨ੍ਤਿ ਗਤਾ ਭਜਿਂਸੁ ਜਾਨਿਂਸੁ વਾ ਤੇ ਉਪਾਸਕਾ। ਤਥਾਗਤਂ ਸਦ੍ਦਹਨ੍ਤਿ ਬੁਦ੍ਧਗੁਣਂ ਅਤ੍ਤਨੋ ਚਿਤ੍ਤਸਨ੍ਤਾਨੇ ਠਪੇਨ੍ਤੀਤਿ ਅਤ੍ਥੋ।
13. So evaṃ pattaarahatto attano pubbakammaṃ saritvā somanassajāto pubbacaritāpadānaṃ pakāsento siddhatthassātiādimāha. Tattha siddhatthassa bhagavato bhagyasampannassa sammāsambuddhassa. Mahāpūgagaṇoti mahāupāsakasamūho ahu ahosīti attho. Saraṇaṃ gatā ca te buddhanti ‘‘buddhaṃ saraṇa’’nti gatā bhajiṃsu jāniṃsu vā te upāsakā. Tathāgataṃ saddahanti buddhaguṇaṃ attano cittasantāne ṭhapentīti attho.
੧੪. ਸਬ੍ਬੇ ਸਙ੍ਗਮ੍ਮ ਮਨ੍ਤੇਤ੍વਾਤਿ ਸਬ੍ਬੇ ਸਮਾਗਮ੍ਮ ਸਨ੍ਨਿਪਤਿਤ੍વਾ ਮਨ੍ਤੇਤ੍વਾ ਅਞ੍ਞਮਞ੍ਞਂ ਸਞ੍ਞਾਪੇਤ੍વਾ ਏਕਚ੍ਛਨ੍ਦਾ ਹੁਤ੍વਾ ਮਾਲ਼ਂ ਉਪਟ੍ਠਾਨਸਾਲਂ ਸਤ੍ਥੁਨੋ ਅਤ੍ਥਾਯ ਕੁਬ੍ਬਨ੍ਤਿ ਕਰੋਨ੍ਤੀਤਿ ਅਤ੍ਥੋ। ਦਬ੍ਬਸਮ੍ਭਾਰੇਸੁ ਏਕਤ੍ਥਮ੍ਭਂ ਅਲਭਨ੍ਤਾ ਬ੍ਰਹਾવਨੇ ਮਹਾવਨੇ વਿਚਿਨਨ੍ਤੀਤਿ ਸਮ੍ਬਨ੍ਧੋ।
14.Sabbe saṅgamma mantetvāti sabbe samāgamma sannipatitvā mantetvā aññamaññaṃ saññāpetvā ekacchandā hutvā māḷaṃ upaṭṭhānasālaṃ satthuno atthāya kubbanti karontīti attho. Dabbasambhāresu ekatthambhaṃ alabhantā brahāvane mahāvane vicinantīti sambandho.
੧੫. ਤੇਹਂ ਅਰਞ੍ਞੇ ਦਿਸ੍વਾਨਾਤਿ ਅਹਂ ਤੇ ਉਪਾਸਕੇ ਅਰਞ੍ਞੇ ਦਿਸ੍વਾਨ ਗਣਂ ਸਮੂਹਂ ਉਪਗਮ੍ਮ ਸਮੀਪਂ ਗਨ੍ਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾਨ ਦਸਙ੍ਗੁਲਿਸਮੋਧਾਨਂ ਅਞ੍ਜਲਿਂ ਸਿਰਸਿ ਕਤ੍વਾ ਅਹਂ ਗਣਂ ਉਪਾਸਕਸਮੂਹਂ ‘‘ਤੁਮ੍ਹੇ ਇਮਂ વਨਂ ਕਿਮਤ੍ਥਂ ਆਗਤਤ੍ਥਾ’’ਤਿ ਤਦਾ ਤਸ੍ਮਿਂ ਕਾਲੇ ਪਰਿਪੁਚ੍ਛਿਨ੍ਤਿ ਸਮ੍ਬਨ੍ਧੋ।
15.Tehaṃaraññe disvānāti ahaṃ te upāsake araññe disvāna gaṇaṃ samūhaṃ upagamma samīpaṃ gantvā añjaliṃ paggahetvāna dasaṅgulisamodhānaṃ añjaliṃ sirasi katvā ahaṃ gaṇaṃ upāsakasamūhaṃ ‘‘tumhe imaṃ vanaṃ kimatthaṃ āgatatthā’’ti tadā tasmiṃ kāle paripucchinti sambandho.
੧੬. ਤੇ ਸੀਲવਨ੍ਤੋ ਉਪਾਸਕਾ ਮੇ ਮਯਾ ਪੁਟ੍ਠਾ ‘‘ਮਾਲ਼ਂ ਮਯਂ ਕਤ੍ਤੁਕਾਮਾ ਹੁਤ੍વਾ ਏਕਤ੍ਥਮ੍ਭੋ ਅਮ੍ਹੇਹਿ ਨ ਲਬ੍ਭਤੀ’’ਤਿ વਿਯਾਕਂਸੁ વਿਸੇਸੇਨ ਕਥਯਿਂਸੂਤਿ ਸਮ੍ਬਨ੍ਧੋ।
16.Te sīlavanto upāsakā me mayā puṭṭhā ‘‘māḷaṃ mayaṃ kattukāmā hutvā ekatthambho amhehi na labbhatī’’ti viyākaṃsu visesena kathayiṃsūti sambandho.
੧੭. ਮਮਂ ਮਯ੍ਹਂ ਏਕਤ੍ਥਮ੍ਭਂ ਦੇਥ, ਅਹਂ ਤਂ ਦਸ੍ਸਾਮਿ ਸਤ੍ਥੁਨੋ ਸਨ੍ਤਿਕਂ ਅਹਂ ਥਮ੍ਭਂ ਆਹਰਿਸ੍ਸਾਮਿ, ਤੇ ਭવਨ੍ਤੋ ਥਮ੍ਭਹਰਣੇ ਅਪ੍ਪੋਸ੍ਸੁਕ੍ਕਾ ਉਸ੍ਸਾਹਰਹਿਤਾ ਭવਨ੍ਤੂਤਿ ਸਮ੍ਬਨ੍ਧੋ।
17.Mamaṃ mayhaṃ ekatthambhaṃ detha, ahaṃ taṃ dassāmi satthuno santikaṃ ahaṃ thambhaṃ āharissāmi, te bhavanto thambhaharaṇe appossukkā ussāharahitā bhavantūti sambandho.
੨੪. ਯਂ ਯਂ ਯੋਨੁਪਪਜ੍ਜਾਮੀਤਿ ਯਂ ਯਂ ਯੋਨਿਂ ਦੇવਤ੍ਤਂ ਅਥ ਮਾਨੁਸਂ ਉਪਗਚ੍ਛਾਮੀਤਿ ਅਤ੍ਥੋ। ਭੁਮ੍ਮਤ੍ਥੇ વਾ ਉਪਯੋਗવਚਨਂ, ਯਸ੍ਮਿਂ ਯਸ੍ਮਿਂ ਦੇવਲੋਕੇ વਾ ਮਨੁਸ੍ਸਲੋਕੇ વਾਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
24.Yaṃ yaṃ yonupapajjāmīti yaṃ yaṃ yoniṃ devattaṃ atha mānusaṃ upagacchāmīti attho. Bhummatthe vā upayogavacanaṃ, yasmiṃ yasmiṃ devaloke vā manussaloke vāti attho. Sesaṃ uttānatthamevāti.
ਏਕਤ੍ਥਮ੍ਭਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ekatthambhikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਏਕਤ੍ਥਮ੍ਭਿਕਤ੍ਥੇਰਅਪਦਾਨਂ • 2. Ekatthambhikattheraapadānaṃ
