| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. එකවන්‌දනියත්‌ථෙරඅපදානං
10. Ekavandaniyattheraapadānaṃ
48.
48.
‘‘උසභං පවරං වීරං, වෙස්‌සභුං විජිතාවිනං;
‘‘Usabhaṃ pavaraṃ vīraṃ, vessabhuṃ vijitāvinaṃ;
පසන්‌නචිත්‌තො සුමනො, බුද්‌ධසෙට්‌ඨමවන්‌දහං.
Pasannacitto sumano, buddhaseṭṭhamavandahaṃ.
49.
49.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, වන්‌දනාය ඉදං ඵලං.
Duggatiṃ nābhijānāmi, vandanāya idaṃ phalaṃ.
50.
50.
‘‘චතුවීසතිකප්‌පම්‌හි, විකතානන්‌දනාමකො;
‘‘Catuvīsatikappamhi, vikatānandanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
51.
51.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා එකවන්‌දනියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ekavandaniyo thero imā gāthāyo abhāsitthāti.
එකවන්‌දනියත්‌ථෙරස්‌සාපදානං දසමං.
Ekavandaniyattherassāpadānaṃ dasamaṃ.
ආලම්‌බණදායකවග්‌ගො තෙවීසතිමො.
Ālambaṇadāyakavaggo tevīsatimo.
තස්‌සුද්‌දානං –
Tassuddānaṃ –
ආලම්‌බණඤ්‌ච අජිනං, මංසදාරක්‌ඛදායකො;
Ālambaṇañca ajinaṃ, maṃsadārakkhadāyako;
පඤ්‌චපඤ්‌ඤාස ගාථායො, ගණිතා අත්‌ථදස්‌සිභි.
Pañcapaññāsa gāthāyo, gaṇitā atthadassibhi.
Footnotes:
