| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
згавид̇харуубасан̇г̇ахо
Ekavidharūpasaṅgaho
ид̣̇аани д̇ам̣ вид̇т̇аарад̇о д̣̇ассзд̇ум̣ згавид̇хаад̣̇ийхи згаад̣̇асахи сан̇г̇ахзхи маад̇игам̣ табзнд̇о саб̣б̣ам̣ руубам̣ на хзд̇ууд̇иаад̣̇имааха.
Idāni taṃ vitthārato dassetuṃ ekavidhādīhi ekādasahi saṅgahehi mātikaṃ ṭhapento sabbaṃ rūpaṃ na hetūtiādimāha.
д̇ад̇т̇а ‘саб̣б̣ам̣ рууба’нд̇и ид̣̇ам̣ бад̣̇ам̣ ‘саб̣б̣ам̣ руубам̣ на хзд̇у’ ‘саб̣б̣ам̣ руубам̣ ахзд̇уга’нд̇и звам̣ саб̣б̣абад̣̇зхи сад̣̇д̇хим̣ яож̇зд̇аб̣б̣ам̣. саб̣б̣аанзва жзд̇аани ‘на хзд̇уу’д̇иаад̣̇ийни д̇зжад̇д̇аалийсабад̣̇аани уд̣̇д̣̇идтаани. д̇зсу бадибаадияаа жад̇д̇аалийсабад̣̇аани маад̇игад̇о г̇ахзд̇ваа табид̇аани, авасаанз д̇ийн̣и маад̇игаамуд̇д̇агаанийд̇и. звам̣ д̇аава батамз сан̇г̇ахз баал̣ивавад̇т̇аанамзва взд̣̇ид̇аб̣б̣ам̣. д̇ат̇аа д̣̇уд̇ияасан̇г̇ахаад̣̇ийсу.
Tattha ‘sabbaṃ rūpa’nti idaṃ padaṃ ‘sabbaṃ rūpaṃ na hetu’ ‘sabbaṃ rūpaṃ ahetuka’nti evaṃ sabbapadehi saddhiṃ yojetabbaṃ. Sabbāneva cetāni ‘na hetū’tiādīni tecattālīsapadāni uddiṭṭhāni. Tesu paṭipāṭiyā cattālīsapadāni mātikato gahetvā ṭhapitāni, avasāne tīṇi mātikāmuttakānīti. Evaṃ tāva paṭhame saṅgahe pāḷivavatthānameva veditabbaṃ. Tathā dutiyasaṅgahādīsu.
