| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. згавихаарияад̇т̇зраг̇аат̇ааван̣н̣анаа
2. Ekavihāriyattheragāthāvaṇṇanā
бурад̇о бажчад̇о ваад̇иаад̣̇игаа ааяасмад̇о згавихаарияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о гассабад̣̇асаб̣аласса гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа аран̃н̃ам̣ бависид̇ваа вивзгаваасам̣ васи.
Puratopacchato vātiādikā āyasmato ekavihāriyattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto kassapadasabalassa kāle kulagehe nibbattitvā viññutaṃ patto satthu santike dhammaṃ sutvā paṭiladdhasaddho pabbajitvā araññaṃ pavisitvā vivekavāsaṃ vasi.
со д̇зна бун̃н̃агаммзна згам̣ б̣уд̣̇д̇ханд̇арам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з бхаг̇авад̇и бариниб̣б̣уд̇з д̇хаммаасогаран̃н̃о ганидтабхаад̇аа худ̇ваа ниб̣б̣ад̇д̇и. асогамахаарааж̇аа гира сад̇т̇у бариниб̣б̣аанад̇о д̣̇виннам̣ вассасад̇аанам̣ убари адтаарасамз вассз сагалаж̇амб̣уд̣̇ийбз згараж̇ж̇аабхисзгам̣ бад̇ваа ад̇д̇ано ганидтам̣ д̇иссагумаарам̣ обараж̇ж̇з табзд̇ваа згзна убааязна д̇ам̣ саасанз абхиббасаннам̣ агааси. со згад̣̇ивасам̣ миг̇авам̣ г̇ад̇о аран̃н̃з яонагамахаад̇хаммарагкид̇ад̇т̇зрам̣ хад̇т̇инааг̇зна сааласаакам̣ г̇ахзд̇ваа б̣ийж̇ияамаанам̣ нисиннам̣ д̣̇исваа сан̃ж̇аад̇абасаад̣̇о ‘‘ахо вад̇аахамби аяам̣ махаат̇зро вияа баб̣б̣аж̇ид̇ваа аран̃н̃з вихарзяяа’’нд̇и жинд̇зси. т̇зро д̇асса жид̇д̇аажаарам̣ н̃ад̇ваа д̇асса бассанд̇ассзва аагаасам̣ аб̣бхуг̇г̇анд̇ваа асогаараамз богкаран̣ияаа абхиж̇ж̇амаанз уд̣̇агз тад̇ваа жийваран̃жа уд̇д̇араасан̇г̇ан̃жа аагаасз олаг̇г̇зд̇ваа нхааяид̇ум̣ аарабхи. гумааро т̇зрасса аанубхаавам̣ д̣̇исваа абхиббасанно аран̃н̃ад̇о нивад̇д̇ид̇ваа рааж̇аг̇зхам̣ г̇анд̇ваа ‘‘баб̣б̣аж̇иссаамий’’д̇и ран̃н̃о аарожзси. рааж̇аа д̇ам̣ анзгаббагаарам̣ яаажид̇ваа баб̣б̣аж̇ж̇аад̇хиббааяам̣ нивад̇д̇зд̇ум̣ наасагки. со убаасаго худ̇ваа баб̣б̣аж̇ж̇аасукам̣ бад̇т̇знд̇о –
So tena puññakammena ekaṃ buddhantaraṃ devamanussesu saṃsaranto imasmiṃ buddhuppāde bhagavati parinibbute dhammāsokarañño kaniṭṭhabhātā hutvā nibbatti. Asokamahārājā kira satthu parinibbānato dvinnaṃ vassasatānaṃ upari aṭṭhārasame vasse sakalajambudīpe ekarajjābhisekaṃ patvā attano kaniṭṭhaṃ tissakumāraṃ oparajje ṭhapetvā ekena upāyena taṃ sāsane abhippasannaṃ akāsi. So ekadivasaṃ migavaṃ gato araññe yonakamahādhammarakkhitattheraṃ hatthināgena sālasākhaṃ gahetvā bījiyamānaṃ nisinnaṃ disvā sañjātapasādo ‘‘aho vatāhampi ayaṃ mahāthero viya pabbajitvā araññe vihareyya’’nti cintesi. Thero tassa cittācāraṃ ñatvā tassa passantasseva ākāsaṃ abbhuggantvā asokārāme pokkharaṇiyā abhijjamāne udake ṭhatvā cīvarañca uttarāsaṅgañca ākāse olaggetvā nhāyituṃ ārabhi. Kumāro therassa ānubhāvaṃ disvā abhippasanno araññato nivattitvā rājagehaṃ gantvā ‘‘pabbajissāmī’’ti rañño ārocesi. Rājā taṃ anekappakāraṃ yācitvā pabbajjādhippāyaṃ nivattetuṃ nāsakkhi. So upāsako hutvā pabbajjāsukhaṃ patthento –
537.
537.
‘‘бурад̇о бажчад̇о вааби, абаро жз на виж̇ж̇ад̇и;
‘‘Purato pacchato vāpi, aparo ce na vijjati;
ад̇ийва паасу бхавад̇и, згасса васад̇о ванз.
Atīva phāsu bhavati, ekassa vasato vane.
538.
538.
‘‘ханд̣̇а зго г̇амиссаами, аран̃н̃ам̣ б̣уд̣̇д̇хаван̣н̣ид̇ам̣;
‘‘Handa eko gamissāmi, araññaṃ buddhavaṇṇitaṃ;
паасу згавихаарисса, бахид̇ад̇д̇асса бхигкуно.
Phāsu ekavihārissa, pahitattassa bhikkhuno.
539.
539.
‘‘яог̇ий-бийд̇игарам̣ раммам̣, мад̇д̇агун̃ж̇арасзвид̇ам̣;
‘‘Yogī-pītikaraṃ rammaṃ, mattakuñjarasevitaṃ;
зго ад̇т̇авасий киббам̣, бависиссаами гаананам̣.
Eko atthavasī khippaṃ, pavisissāmi kānanaṃ.
540.
540.
‘‘субубпид̇з сийд̇аванз, сийд̇алз г̇ириганд̣̇арз;
‘‘Supupphite sītavane, sītale girikandare;
г̇ад̇д̇аани барисин̃жид̇ваа, жан̇гамиссаами згаго.
Gattāni parisiñcitvā, caṅkamissāmi ekako.
541.
541.
‘‘згаагияо ад̣̇уд̇ияо, раман̣ийяз махааванз;
‘‘Ekākiyo adutiyo, ramaṇīye mahāvane;
гад̣̇аахам̣ вихариссаами, гад̇агижжо анаасаво.
Kadāhaṃ viharissāmi, katakicco anāsavo.
542.
542.
‘‘звам̣ мз гад̇д̇угаамасса, ад̇хиббааяо самиж̇жхад̇у;
‘‘Evaṃ me kattukāmassa, adhippāyo samijjhatu;
саад̇хаяиссаамахам̣язва, наан̃н̃о ан̃н̃асса гаараго’’д̇и. –
Sādhayissāmahaṃyeva, nāñño aññassa kārako’’ti. –
имаа ча г̇аат̇аа абхааси.
Imā cha gāthā abhāsi.
д̇ад̇т̇а бурад̇о бажчад̇о ваад̇и ад̇д̇ано бурад̇о ваа бажчад̇о ваа, ваа-сад̣̇д̣̇асса вигаббад̇т̇ад̇д̇аа бассад̇о ваа абаро ан̃н̃о ж̇ано на виж̇ж̇ад̇и жз, ад̇ийва ад̇ивияа паасу жид̇д̇асукам̣ бхавад̇и. згавихаарийбхаавзна згасса асахааяасса. ванз васад̇од̇и жирабарижид̇зна вивзгаж̇жхаасаязна аагад̣дхияамаанахад̣̇аяо со рад̇д̇инд̣̇ивам̣ махааж̇анабаривуд̇асса васад̇о сан̇г̇ан̣игавихаарам̣ ниб̣б̣инд̣̇анд̇о вивзгасукан̃жа б̣ахум̣ ман̃н̃анд̇о вад̣̇ад̇и.
Tattha purato pacchato vāti attano purato vā pacchato vā, vā-saddassa vikappatthattā passato vā aparo añño jano na vijjati ce, atīva ativiya phāsu cittasukhaṃ bhavati. Ekavihārībhāvena ekassa asahāyassa. Vane vasatoti ciraparicitena vivekajjhāsayena ākaḍḍhiyamānahadayo so rattindivaṃ mahājanaparivutassa vasato saṅgaṇikavihāraṃ nibbindanto vivekasukhañca bahuṃ maññanto vadati.
ханд̣̇аад̇и воссаг̇г̇ад̇т̇з нибаад̇о, д̇зна ид̣̇аани гарийяамаанасса аран̃н̃аг̇аманасса нижчид̇абхаавамааха. зго г̇амиссаамийд̇и ‘‘сун̃н̃ааг̇аарз ко, г̇ахабад̇и, д̇ат̇ааг̇ад̇аа абхираманд̇ий’’д̇иаад̣̇иважанад̇о (жуул̣ава. 306) б̣уд̣̇д̇хзхи ван̣н̣ид̇ам̣ басадтам̣ аран̃н̃ам̣ зго асахааяо г̇амиссаами ваасаад̇хиббааязна убаг̇ажчаами. яасмаа згавихаарисса таанаад̣̇ийсу асахааяабхаавзна згавихаарисса ниб̣б̣аанам̣ бадибзсид̇ажид̇д̇ад̇ааяа бахид̇ад̇д̇асса ад̇хисийласигкаад̣̇игаа д̇иссо сигкаа сигкад̇о бхигкуно аран̃н̃ам̣ паасу идтам̣ сукааваханд̇и ад̇т̇о.
Handāti vossaggatthe nipāto, tena idāni karīyamānassa araññagamanassa nicchitabhāvamāha. Eko gamissāmīti ‘‘suññāgāre kho, gahapati, tathāgatā abhiramantī’’tiādivacanato (cūḷava. 306) buddhehi vaṇṇitaṃ pasaṭṭhaṃ araññaṃ eko asahāyo gamissāmi vāsādhippāyena upagacchāmi. Yasmā ekavihārissa ṭhānādīsu asahāyabhāvena ekavihārissa nibbānaṃ paṭipesitacittatāya pahitattassa adhisīlasikkhādikā tisso sikkhā sikkhato bhikkhuno araññaṃ phāsu iṭṭhaṃ sukhāvahanti attho.
яог̇ий-бийд̇игаранд̇и яог̇ийнам̣ бхааванааяа яуд̇д̇аббаяуд̇д̇аанам̣ аббасад̣̇д̣̇аад̣̇ибхаавзна жхаанавибассанаад̣̇ибийд̇им̣ ааваханад̇о яог̇ий-бийд̇игарам̣. висабхааг̇аарамман̣аабхаавзна бадисаллаанасааруббад̇ааяа раммам̣. мад̇д̇агун̃ж̇арасзвид̇анд̇и мад̇д̇аваравааран̣авижарид̇ам̣, иминааби б̣рахааран̃н̃абхаавзна ж̇анавивзгам̣язва д̣̇ассзд̇и. ад̇т̇авасийд̇и ид̇ха ад̇т̇од̇и саман̣ад̇хаммо ад̇хиббзд̇о. ‘‘гат̇ам̣ ну ко со мз бхавзяяаа’’д̇и д̇асса васам̣ г̇ад̇о.
Yogī-pītikaranti yogīnaṃ bhāvanāya yuttappayuttānaṃ appasaddādibhāvena jhānavipassanādipītiṃ āvahanato yogī-pītikaraṃ. Visabhāgārammaṇābhāvena paṭisallānasāruppatāya rammaṃ. Mattakuñjarasevitanti mattavaravāraṇavicaritaṃ, imināpi brahāraññabhāvena janavivekaṃyeva dasseti. Atthavasīti idha atthoti samaṇadhammo adhippeto. ‘‘Kathaṃ nu kho so me bhaveyyā’’ti tassa vasaṃ gato.
субубпид̇зд̇и судту бубпид̇з. сийд̇аванзд̇и чааяууд̣̇агасамбад̇д̇ияаа сийд̇з ванз. убхаязнаби д̇асса раман̣ийяад̇ам̣язва вибхаавзд̇и. г̇ириганд̣̇арзд̇и г̇ирийнам̣ аб̣бханд̇арз ганд̣̇арз. ганд̇и хи уд̣̇агам̣, д̇зна д̣̇аарид̇ам̣ ниннадтаанам̣ ганд̣̇арам̣ наама. д̇аад̣̇исз сийд̇алз г̇ириганд̣̇арз гхаммабарид̇аабам̣ винод̣̇зд̇ваа ад̇д̇ано г̇ад̇д̇аани барисин̃жид̇ваа нхааяид̇ваа жан̇гамиссаами згагод̇и гад̇т̇ажи анааяад̇д̇авуд̇д̇ид̇ам̣ д̣̇ассзд̇и.
Supupphiteti suṭṭhu pupphite. Sītavaneti chāyūdakasampattiyā sīte vane. Ubhayenapi tassa ramaṇīyataṃyeva vibhāveti. Girikandareti girīnaṃ abbhantare kandare. Kanti hi udakaṃ, tena dāritaṃ ninnaṭṭhānaṃ kandaraṃ nāma. Tādise sītale girikandare ghammaparitāpaṃ vinodetvā attano gattāni parisiñcitvā nhāyitvā caṅkamissāmi ekakoti katthaci anāyattavuttitaṃ dasseti.
згаагияод̇и згаагий асахааяо. ад̣̇уд̇ияод̇и д̇ан̣хаасан̇каад̇ад̣̇уд̇ияаабхаавзна ад̣̇уд̇ияо. д̇ан̣хаа хи бурисасса саб̣б̣ад̣̇аа авиж̇аханадтзна д̣̇уд̇ияаа наама. д̇знааха бхаг̇аваа – ‘‘д̇ан̣хаад̣̇уд̇ияо бурисо, д̣̇ийгхамад̣̇д̇хаана сам̣сара’’нд̇и (ид̇иву. 15, 105).
Ekākiyoti ekākī asahāyo. Adutiyoti taṇhāsaṅkhātadutiyābhāvena adutiyo. Taṇhā hi purisassa sabbadā avijahanaṭṭhena dutiyā nāma. Tenāha bhagavā – ‘‘taṇhādutiyo puriso, dīghamaddhāna saṃsara’’nti (itivu. 15, 105).
звам̣ мз гад̇д̇угаамассаад̇и ‘‘ханд̣̇а зго г̇амиссаамий’’д̇иаад̣̇инаа вуд̇д̇авид̇хинаа аран̃н̃ам̣ г̇анд̇ваа бхааванаабхияог̇ам̣ гад̇д̇угаамасса мз. ад̇хиббааяо самиж̇жхад̇ууд̇и ‘‘гад̣̇аахам̣ вихариссаами, гад̇агижжо анаасаво’’д̇и звам̣ бавад̇д̇о манорат̇о иж̇жхад̇у сид̣̇д̇хим̣ баабун̣аад̇у. арахад̇д̇аббад̇д̇и жа яасмаа на ааяаажанамад̇д̇зна сиж̇жхад̇и, нааби ан̃н̃зна саад̇хзд̇аб̣б̣аа, д̇асмаа ааха ‘‘саад̇хаяиссаамахам̣язва, наан̃н̃о ан̃н̃асса гаараго’’д̇и.
Evaṃ me kattukāmassāti ‘‘handa eko gamissāmī’’tiādinā vuttavidhinā araññaṃ gantvā bhāvanābhiyogaṃ kattukāmassa me. Adhippāyo samijjhatūti ‘‘kadāhaṃ viharissāmi, katakicco anāsavo’’ti evaṃ pavatto manoratho ijjhatu siddhiṃ pāpuṇātu. Arahattappatti ca yasmā na āyācanamattena sijjhati, nāpi aññena sādhetabbā, tasmā āha ‘‘sādhayissāmahaṃyeva, nāñño aññassa kārako’’ti.
звам̣ убарааж̇асса баб̣б̣аж̇ж̇ааяа д̣̇ал̣ханижчаяад̇ам̣ н̃ад̇ваа рааж̇аа асогаараамаг̇аманийяам̣ маг̇г̇ам̣ алан̇гаараабзд̇ваа гумаарам̣ саб̣б̣аалан̇гааравибхуусид̇ам̣ махад̇ияаа сзнааяа махажжарааж̇аанубхаавзна вихаарам̣ нзси. гумааро бад̇хаанагхарам̣ г̇анд̇ваа махаад̇хаммарагкид̇ад̇т̇зрасса санд̇игз баб̣б̣аж̇и, анзгасад̇аа мануссаа д̇ам̣ анубаб̣б̣аж̇им̣су. ран̃н̃о бхааг̇инзяяо сан̇гхамид̇д̇ааяа саамиго аг̇г̇иб̣рахмааби д̇амзва анубаб̣б̣аж̇и. со баб̣б̣аж̇ид̇ваа хадтад̇удто ад̇д̇анаа гаад̇аб̣б̣ам̣ багаасзнд̇о –
Evaṃ uparājassa pabbajjāya daḷhanicchayataṃ ñatvā rājā asokārāmagamanīyaṃ maggaṃ alaṅkārāpetvā kumāraṃ sabbālaṅkāravibhūsitaṃ mahatiyā senāya mahaccarājānubhāvena vihāraṃ nesi. Kumāro padhānagharaṃ gantvā mahādhammarakkhitattherassa santike pabbaji, anekasatā manussā taṃ anupabbajiṃsu. Rañño bhāgineyyo saṅghamittāya sāmiko aggibrahmāpi tameva anupabbaji. So pabbajitvā haṭṭhatuṭṭho attanā kātabbaṃ pakāsento –
543.
543.
‘‘зса б̣анд̇хаами саннаахам̣, бависиссаами гаананам̣;
‘‘Esa bandhāmi sannāhaṃ, pavisissāmi kānanaṃ;
на д̇ад̇о нигкамиссаами, аббад̇д̇о аасавагкаяам̣.
Na tato nikkhamissāmi, appatto āsavakkhayaṃ.
544.
544.
‘‘маалуд̇з убавааяанд̇з, сийд̇з сурабхиг̇анд̇хигз;
‘‘Mālute upavāyante, sīte surabhigandhike;
авиж̇ж̇ам̣ д̣̇аалаяиссаами, нисинно наг̇амуд̣̇д̇хани.
Avijjaṃ dālayissāmi, nisinno nagamuddhani.
545.
545.
‘‘ванз гусумасан̃чаннз, баб̣бхаарз нууна сийд̇алз;
‘‘Vane kusumasañchanne, pabbhāre nūna sītale;
вимуд̇д̇исукзна сукид̇о, рамиссаами г̇ириб̣б̣аж̇з’’д̇и. –
Vimuttisukhena sukhito, ramissāmi giribbaje’’ti. –
д̇иссо г̇аат̇аа абхааси.
Tisso gāthā abhāsi.
д̇ад̇т̇а зса б̣анд̇хаами саннааханд̇и зсаахам̣ вийрияасан̇каад̇ам̣ саннаахам̣ б̣анд̇хаами, гааяз жа ж̇ийвид̇з жа нирабзгко вийрияасаннаахзна саннаяхаами. ид̣̇ам̣ вуд̇д̇ам̣ ход̇и – яат̇аа наама сууро бурисо бажжад̇т̇игз бажжубадтид̇з д̇ам̣ ж̇зд̇угаамо ан̃н̃ам̣ гижжам̣ бахааяа гаважабадимужжанаад̣̇инаа яуд̣̇д̇хааяа саннаяхад̇и, яуд̣̇д̇хабхуумин̃жа г̇анд̇ваа бажжад̇т̇игз аж̇зд̇ваа д̇ад̇о на нивад̇д̇ад̇и, звамахамби гилзсабажжад̇т̇игз ж̇зд̇ум̣ аад̣̇ид̇д̇амби сийсам̣ жзлан̃жа аж̇жхубзгкид̇ваа жад̇уб̣б̣ид̇хасаммаббад̇хаанавийрияасаннаахам̣ саннаяхаами, гилзсз аж̇зд̇ваа гилзсавиж̇аяаяог̇г̇ам̣ вивзгадтаанам̣ на виссаж̇ж̇змийд̇и. д̇зна вуд̇д̇ам̣ ‘‘бависиссаами гаананам̣ на д̇ад̇о нигкамиссаами, аббад̇д̇о аасавагкаяа’’нд̇и.
Tattha esa bandhāmi sannāhanti esāhaṃ vīriyasaṅkhātaṃ sannāhaṃ bandhāmi, kāye ca jīvite ca nirapekkho vīriyasannāhena sannayhāmi. Idaṃ vuttaṃ hoti – yathā nāma sūro puriso paccatthike paccupaṭṭhite taṃ jetukāmo aññaṃ kiccaṃ pahāya kavacapaṭimuccanādinā yuddhāya sannayhati, yuddhabhūmiñca gantvā paccatthike ajetvā tato na nivattati, evamahampi kilesapaccatthike jetuṃ ādittampi sīsaṃ celañca ajjhupekkhitvā catubbidhasammappadhānavīriyasannāhaṃ sannayhāmi, kilese ajetvā kilesavijayayoggaṃ vivekaṭṭhānaṃ na vissajjemīti. Tena vuttaṃ ‘‘pavisissāmi kānanaṃ na tato nikkhamissāmi, appatto āsavakkhaya’’nti.
‘‘маалуд̇з убавааяанд̇з’’д̇иаад̣̇инаа аран̃н̃адтаанасса гаммадтаанабхааванааяог̇яад̇ам̣ вад̣̇ад̇и, рамиссаами нууна г̇ириб̣б̣аж̇зд̇и яож̇анаа. баб̣б̣ад̇абаригкзбз абхирамиссаами ман̃н̃зд̇и анааг̇ад̇ад̇т̇ам̣ баригаббзнд̇о вад̣̇ад̇и. сзсам̣ сувин̃н̃зяяамзва.
‘‘Mālute upavāyante’’tiādinā araññaṭṭhānassa kammaṭṭhānabhāvanāyogyataṃ vadati, ramissāmi nūna giribbajeti yojanā. Pabbataparikkhepe abhiramissāmi maññeti anāgatatthaṃ parikappento vadati. Sesaṃ suviññeyyameva.
звам̣ вад̇ваа т̇зро аран̃н̃ам̣ бависид̇ваа саман̣ад̇хаммам̣ гаронд̇о убаж̇жхааязна сад̣̇д̇хим̣ галин̇г̇арадтам̣ аг̇амааси. д̇ад̇т̇асса баад̣̇з жаммигааб̣аад̇хо уббаж̇ж̇и, д̇ам̣ д̣̇исваа зго взж̇ж̇о ‘‘саббим̣, бханд̇з, бариязсат̇а, д̇игижчиссаами на’’нд̇и ааха. т̇зро саббибариязсанам̣ агад̇ваа вибассанааяа зва гаммам̣ гарод̇и, рог̇о вад̣дхад̇и, взж̇ж̇о т̇зрасса д̇ад̇т̇а аббоссуггад̇ам̣ д̣̇исваа саяамзва саббим̣ бариязсид̇ваа т̇зрам̣ арог̇ам̣ агааси. со арог̇о худ̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.44.1-12) –
Evaṃ vatvā thero araññaṃ pavisitvā samaṇadhammaṃ karonto upajjhāyena saddhiṃ kaliṅgaraṭṭhaṃ agamāsi. Tatthassa pāde cammikābādho uppajji, taṃ disvā eko vejjo ‘‘sappiṃ, bhante, pariyesatha, tikicchissāmi na’’nti āha. Thero sappipariyesanaṃ akatvā vipassanāya eva kammaṃ karoti, rogo vaḍḍhati, vejjo therassa tattha appossukkataṃ disvā sayameva sappiṃ pariyesitvā theraṃ arogaṃ akāsi. So arogo hutvā nacirasseva arahattaṃ pāpuṇi. Tena vuttaṃ apadāne (apa. thera 2.44.1-12) –
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘ниббабан̃жо нирааламб̣о, аагаасасамамаанасо;
‘‘Nippapañco nirālambo, ākāsasamamānaso;
сун̃н̃ад̇ааб̣ахуло д̇аад̣̇ий, анимид̇д̇арад̇о васий.
Suññatābahulo tādī, animittarato vasī.
‘‘асан̇г̇ажид̇д̇о ниглзсо, асам̣садто гулз г̇ан̣з;
‘‘Asaṅgacitto nikleso, asaṃsaṭṭho kule gaṇe;
махаагаарун̣иго вийро, винаяобааяаговид̣̇о.
Mahākāruṇiko vīro, vinayopāyakovido.
‘‘уяяуд̇д̇о барагижжзсу, винаяанд̇о сад̣̇звагз;
‘‘Uyyutto parakiccesu, vinayanto sadevake;
ниб̣б̣аанаг̇аманам̣ маг̇г̇ам̣, г̇ад̇им̣ бан̇гависосанам̣.
Nibbānagamanaṃ maggaṃ, gatiṃ paṅkavisosanaṃ.
‘‘амад̇ам̣ барамассаад̣̇ам̣, ж̇араамажжунивааран̣ам̣;
‘‘Amataṃ paramassādaṃ, jarāmaccunivāraṇaṃ;
махаабарисамаж̇жхз со, нисинно логад̇аараго.
Mahāparisamajjhe so, nisinno lokatārako.
‘‘гаравийгаруд̇о наат̇о, б̣рахмагхосо д̇ат̇ааг̇ад̇о;
‘‘Karavīkaruto nātho, brahmaghoso tathāgato;
уд̣̇д̇харанд̇о махаад̣̇уг̇г̇аа, виббанадтз анааяагз.
Uddharanto mahāduggā, vippanaṭṭhe anāyake.
‘‘д̣̇зсзнд̇о вираж̇ам̣ д̇хаммам̣, д̣̇идто мз логанааяаго;
‘‘Desento virajaṃ dhammaṃ, diṭṭho me lokanāyako;
д̇асса д̇хаммам̣ сун̣ид̇ваана, баб̣б̣аж̇им̣ анаг̇аарияам̣.
Tassa dhammaṃ suṇitvāna, pabbajiṃ anagāriyaṃ.
‘‘баб̣б̣аж̇ид̇ваа д̇ад̣̇аабаахам̣, жинд̇знд̇о ж̇инасаасанам̣;
‘‘Pabbajitvā tadāpāhaṃ, cintento jinasāsanaṃ;
згагова ванз раммз, васим̣ сам̣саг̇г̇абийл̣ид̇о.
Ekakova vane ramme, vasiṃ saṃsaggapīḷito.
‘‘саггааяавуубагаасо мз, хзд̇убхууд̇о мамаабхавий;
‘‘Sakkāyavūpakāso me, hetubhūto mamābhavī;
манасо вуубагаасасса, сам̣саг̇г̇абхаяад̣̇ассино.
Manaso vūpakāsassa, saṃsaggabhayadassino.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зрз д̇ад̇т̇а вихаранд̇з рааж̇аа годид̇ханабарижжааг̇зна бхож̇агаг̇иривихаарам̣ наама гаарзд̇ваа т̇зрам̣ д̇ад̇т̇а ваасзси. со д̇ад̇т̇а вихаранд̇о бариниб̣б̣аанагаалз –
Arahattaṃ pana patvā there tattha viharante rājā koṭidhanapariccāgena bhojakagirivihāraṃ nāma kāretvā theraṃ tattha vāsesi. So tattha viharanto parinibbānakāle –
546.
546.
‘‘сохам̣ барибун̣н̣асан̇габбо, жанд̣̇о баннарасо яат̇аа;
‘‘Sohaṃ paripuṇṇasaṅkappo, cando pannaraso yathā;
саб̣б̣аасавабаригкийн̣о, над̇т̇и д̣̇аани бунаб̣бхаво’’д̇и. –
Sabbāsavaparikkhīṇo, natthi dāni punabbhavo’’ti. –
осаанаг̇аат̇амааха. саа уд̇д̇аанад̇т̇аава. д̇ад̣̇зва жа т̇зрасса ан̃н̃ааб̣яаагаран̣ам̣ ахосийд̇и.
Osānagāthamāha. Sā uttānatthāva. Tadeva ca therassa aññābyākaraṇaṃ ahosīti.
згавихаарияад̇т̇зраг̇аат̇ааван̣н̣анаа нидтид̇аа.
Ekavihāriyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. згавихаарияад̇т̇зраг̇аат̇аа • 2. Ekavihāriyattheragāthā
