| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
згуунасад̇д̇ад̇ид̣̇висад̇ажад̇уггагат̇ааван̣н̣анаа
Ekūnasattatidvisatacatukkakathāvaṇṇanā
59-60. агкааяид̇анимид̇д̇аа агкааяид̇а-сад̣̇д̣̇зна вуд̇д̇аа уд̇д̇арабад̣̇алобзнаад̇и ааха ‘‘сон̣асин̇г̇аалаад̣̇ийхи агкааяид̇анимид̇д̇а’’нд̇и. агкааяид̇ам̣ нимид̇д̇ам̣ яассаа саа агкааяид̇анимид̇д̇аа. ‘‘ж̇ааг̇аранд̇и’’нд̇иаад̣̇и висзсанарахид̇ад̇д̇аа ‘‘суд̣̇д̇хигажад̇уггааний’’д̇и вуд̇д̇ам̣.
59-60. Akkhāyitanimittā akkhāyita-saddena vuttā uttarapadalopenāti āha ‘‘soṇasiṅgālādīhi akkhāyitanimitta’’nti. Akkhāyitaṃ nimittaṃ yassā sā akkhāyitanimittā. ‘‘Jāgaranti’’ntiādi visesanarahitattā ‘‘suddhikacatukkānī’’ti vuttaṃ.
самаанаажарияагаа т̇зраад̇и згаажарияасса баатаганд̇зваасигаа. махаабхаязд̇и б̣раахман̣ад̇иссабхаяз. г̇ан̇г̇ааяа абарабхааг̇о абараг̇ан̇г̇ам̣. вад̇а рзд̇и г̇арахад̇т̇з нибаад̇о. ависсаж̇ж̇анд̇зна гим̣ гад̇д̇аб̣б̣анд̇и ааха ‘‘нижжагаалам̣ сод̇аб̣б̣а’’нд̇иаад̣̇и. звам̣ винаяаг̇аругаананд̇и иминаа убари д̇зхи вужжамаанавинижчаяасса г̇аругаран̣ийяад̇ааяа гааран̣ам̣ вуд̇д̇ам̣. саб̣б̣ам̣ барияаад̣̇ияид̇ваад̇и саб̣б̣ам̣ баарааж̇игагкзд̇д̇ам̣ анавасзсад̇о г̇ахзд̇ваа. сод̇ам̣ чинд̣̇ид̇ваад̇и баарааж̇игагкзд̇д̇з вийд̇иггамасод̇ам̣ чинд̣̇ид̇ваа. абан̃н̃ад̇д̇абхаавад̇о яуд̇д̇иабхаавад̇о жа ‘‘баарааж̇игажчааяаа банзд̇т̇а на д̣̇иссад̇ий’’д̇и вуд̇д̇ам̣. гзжи бана ‘‘убад̣дхагкааяид̇абхаавасса д̣̇уб̣б̣инижчаяад̇д̇аа д̇ад̇т̇а баарааж̇игам̣ на бан̃н̃абзсий’’д̇и вад̣̇анд̇и, д̇ам̣ агааран̣ам̣, на жа д̣̇уб̣б̣инижчаяад̇аа абан̃н̃ад̇д̇игааран̣ам̣ язбхуяяагкааяид̇аад̣̇ийсуби д̣̇уб̣б̣инижчаяабхаавасса самаанад̇д̇аа. убад̣дхагкааяид̇ад̇о хи гин̃жид̣̇зва ад̇хигам̣ уунам̣ ваа яад̣̇и кааяид̇ам̣ сияаа, д̇амби язбхуяязна кааяид̇ам̣ агкааяид̇анд̇и сан̇кяам̣ г̇ажчад̇ийд̇и убад̣дхагкааяид̇амива язбхуяяагкааяид̇аад̣̇ийниби д̣̇уб̣б̣инижчаяаанзва. абижа убад̣дхагкааяид̇ам̣ яад̣̇и сабхаавад̇о баарааж̇игагкзд̇д̇ам̣ сияаа, на д̇ад̇т̇а бхаг̇аваа д̣̇уб̣б̣инижчаяанд̇и баарааж̇игам̣ на бан̃н̃абзд̇и.
Samānācariyakā therāti ekācariyassa pāṭhakantevāsikā. Mahābhayeti brāhmaṇatissabhaye. Gaṅgāya aparabhāgo aparagaṅgaṃ. Vata reti garahatthe nipāto. Avissajjantena kiṃ kattabbanti āha ‘‘niccakālaṃ sotabba’’ntiādi. Evaṃ vinayagarukānanti iminā upari tehi vuccamānavinicchayassa garukaraṇīyatāya kāraṇaṃ vuttaṃ. Sabbaṃ pariyādiyitvāti sabbaṃ pārājikakkhettaṃ anavasesato gahetvā. Sotaṃ chinditvāti pārājikakkhette vītikkamasotaṃ chinditvā. Apaññattabhāvato yuttiabhāvato ca ‘‘pārājikacchāyā panettha na dissatī’’ti vuttaṃ. Keci pana ‘‘upaḍḍhakkhāyitabhāvassa dubbinicchayattā tattha pārājikaṃ na paññapesī’’ti vadanti, taṃ akāraṇaṃ, na ca dubbinicchayatā apaññattikāraṇaṃ yebhuyyakkhāyitādīsupi dubbinicchayabhāvassa samānattā. Upaḍḍhakkhāyitato hi kiñcideva adhikaṃ ūnaṃ vā yadi khāyitaṃ siyā, tampi yebhuyyena khāyitaṃ akkhāyitanti saṅkhyaṃ gacchatīti upaḍḍhakkhāyitamiva yebhuyyakkhāyitādīnipi dubbinicchayāneva. Apica upaḍḍhakkhāyitaṃ yadi sabhāvato pārājikakkhettaṃ siyā, na tattha bhagavā dubbinicchayanti pārājikaṃ na paññapeti.
ид̣̇аани т̇зрзна гад̇авинижчаяамзва убад̇т̇амбхзд̇ваа абарамби д̇ад̇т̇а гааран̣ам̣ д̣̇ассзнд̇о ‘‘абижаа’’д̇иаад̣̇имааха. нимид̇д̇з аббамад̇д̇игааби мам̣сарааж̇и сажз авасидтаа ход̇и, д̇ам̣ язбхуяяагкааяид̇амзва ход̇и, д̇ад̇о барам̣ бана саб̣б̣асо кааяид̇з нимид̇д̇з д̣̇уггадамзваад̇и д̣̇ассзнд̇о ааха ‘‘д̇ад̇о барам̣ т̇уллажжаяам̣ над̇т̇ий’’д̇и. ат̇а ваа язбхуяязна кааяид̇ам̣ наама важжамаг̇г̇абассаавамаг̇г̇амукаанам̣ жад̇уусу годтаасзсу д̣̇вз годтаасз ад̇иггамма яаава д̇ад̇ияагодтаасасса барияосаанаа каад̣̇ид̇ам̣, д̇ад̇о барам̣ бана д̇ад̇ияагодтаасам̣ ад̇иггамма яаава жад̇уд̇т̇агодтаасасса барияосаанаа каад̣̇ид̇ам̣ д̣̇уггадавад̇т̇ууд̇и взд̣̇ид̇аб̣б̣ам̣. мад̇асарийрасмим̣язва взд̣̇ид̇аб̣б̣анд̇и ‘‘мад̇ам̣ язбхуяязна агкааяид̇а’’нд̇иаад̣̇иважанад̇о. ‘‘яад̣̇иби нимид̇д̇ам̣ саб̣б̣асо кааяид̇анд̇иаад̣̇и саб̣б̣ам̣ ж̇ийвамаанагасарийрамзва санд̇хааяа вуд̇д̇а’’нд̇и махааг̇ан̣тибад̣̇з вуд̇д̇ам̣. гзнажи бана ‘‘д̇ам̣ виймам̣сид̇ваа г̇ахзд̇аб̣б̣а’’нд̇и ликид̇ам̣. гимзд̇т̇а виймам̣сид̇аб̣б̣ам̣ ж̇ийвамаанагасарийрассзва ад̇хигад̇ад̇д̇аа мад̇асарийрз лаб̣бхамаанасса винижчаяасса висум̣ вагкамаанад̇д̇аа жа. д̇знзва маад̇игаадтагат̇ааяамби (ган̇каа. адта. батамабаарааж̇игаван̣н̣анаа) –
Idāni therena katavinicchayameva upatthambhetvā aparampi tattha kāraṇaṃ dassento ‘‘apicā’’tiādimāha. Nimitte appamattikāpi maṃsarāji sace avasiṭṭhā hoti, taṃ yebhuyyakkhāyitameva hoti, tato paraṃ pana sabbaso khāyite nimitte dukkaṭamevāti dassento āha ‘‘tato paraṃ thullaccayaṃ natthī’’ti. Atha vā yebhuyyena khāyitaṃ nāma vaccamaggapassāvamaggamukhānaṃ catūsu koṭṭhāsesu dve koṭṭhāse atikkamma yāva tatiyakoṭṭhāsassa pariyosānā khāditaṃ, tato paraṃ pana tatiyakoṭṭhāsaṃ atikkamma yāva catutthakoṭṭhāsassa pariyosānā khāditaṃ dukkaṭavatthūti veditabbaṃ. Matasarīrasmiṃyeva veditabbanti ‘‘mataṃ yebhuyyena akkhāyita’’ntiādivacanato. ‘‘Yadipi nimittaṃ sabbaso khāyitantiādi sabbaṃ jīvamānakasarīrameva sandhāya vutta’’nti mahāgaṇṭhipade vuttaṃ. Kenaci pana ‘‘taṃ vīmaṃsitvā gahetabba’’nti likhitaṃ. Kimettha vīmaṃsitabbaṃ jīvamānakasarīrasseva adhikatattā matasarīre labbhamānassa vinicchayassa visuṃ vakkhamānattā ca. Teneva mātikāṭṭhakathāyampi (kaṅkhā. aṭṭha. paṭhamapārājikavaṇṇanā) –
‘‘ж̇ийвамаанагасарийрасса вуд̇д̇аббагаарз маг̇г̇з сажзби д̇ажаад̣̇ийни анавасзсзд̇ваа саб̣б̣асо чиннз нимид̇д̇асан̣таанамад̇д̇ам̣ бан̃н̃ааяад̇и, д̇ад̇т̇а анд̇амасо ан̇г̇аж̇аад̇з удтигам̣ анадтагааяаббасаад̣̇ам̣ бийл̣агам̣ ваа жаммакийлам̣ ваа бавзсзнд̇ассаби сзванажид̇д̇з сад̇и баарааж̇игам̣, надтагааяаббасаад̣̇ам̣ сугкабийл̣агам̣ ваа мад̇ажаммам̣ ваа ломам̣ ваа бавзсзнд̇асса д̣̇уггадам̣. сажз нимид̇д̇асан̣таанамад̇д̇амби анавасзсзд̇ваа саб̣б̣асо маг̇г̇о уббаадид̇о, д̇ад̇т̇а убаггамад̇о ван̣асан̇кзбавасзна т̇уллажжаяа’’нд̇и –
‘‘Jīvamānakasarīrassa vuttappakāre magge sacepi tacādīni anavasesetvā sabbaso chinne nimittasaṇṭhānamattaṃ paññāyati, tattha antamaso aṅgajāte uṭṭhikaṃ anaṭṭhakāyappasādaṃ pīḷakaṃ vā cammakhīlaṃ vā pavesentassapi sevanacitte sati pārājikaṃ, naṭṭhakāyappasādaṃ sukkhapīḷakaṃ vā matacammaṃ vā lomaṃ vā pavesentassa dukkaṭaṃ. Sace nimittasaṇṭhānamattampi anavasesetvā sabbaso maggo uppāṭito, tattha upakkamato vaṇasaṅkhepavasena thullaccaya’’nti –
ж̇ийвамаанагасарийрасмим̣язва яат̇аавуд̇д̇авинижчаяо д̣̇ассид̇о.
Jīvamānakasarīrasmiṃyeva yathāvuttavinicchayo dassito.
саб̣б̣асо кааяид̇анд̇и нимид̇д̇аббад̣̇зсз б̣ахидтид̇ам̣ чавижаммам̣ саб̣б̣асо чинд̣̇ид̇ваа сон̣асин̇г̇аалаад̣̇ийхи кааяид̇асад̣̇исам̣ гад̇ам̣. д̇знзвааха ‘‘чавижаммам̣ над̇т̇ий’’д̇и. нимид̇д̇амам̣сасса бана аб̣бханд̇арз чавижаммасса жа виж̇ж̇амаанад̇д̇аа ‘‘нимид̇д̇асан̣таанам̣ бан̃н̃ааяад̇ий’’д̇и вуд̇д̇ам̣. д̇знзвааха ‘‘бавзсанам̣ ж̇ааяад̇ий’’д̇и. нимид̇д̇асан̣таанам̣ бана анавасзсзд̇ваад̇и нимид̇д̇аагаарзна тид̇ам̣ чавижаммамам̣саад̣̇им̣ анавасзсзд̇ваа. ж̇ийвамаанагасарийрз лаб̣бхамаанависзсам̣ д̣̇ассзд̇ваа ид̣̇аани мад̇асарийрз лаб̣бхамаанависзсам̣ д̣̇ассзнд̇о ааха ‘‘мад̇асарийрз банаа’’д̇иаад̣̇и.
Sabbaso khāyitanti nimittappadese bahiṭṭhitaṃ chavicammaṃ sabbaso chinditvā soṇasiṅgālādīhi khāyitasadisaṃ kataṃ. Tenevāha ‘‘chavicammaṃ natthī’’ti. Nimittamaṃsassa pana abbhantare chavicammassa ca vijjamānattā ‘‘nimittasaṇṭhānaṃ paññāyatī’’ti vuttaṃ. Tenevāha ‘‘pavesanaṃ jāyatī’’ti. Nimittasaṇṭhānaṃ panaanavasesetvāti nimittākārena ṭhitaṃ chavicammamaṃsādiṃ anavasesetvā. Jīvamānakasarīre labbhamānavisesaṃ dassetvā idāni matasarīre labbhamānavisesaṃ dassento āha ‘‘matasarīre panā’’tiādi.
мануссаанам̣ ж̇ийвамаанагасарийрзд̇иаад̣̇инаа бана агкиаад̣̇аяоби ван̣асан̇г̇ахам̣ г̇ажчанд̇ийд̇и ван̣зна згабарижчзд̣̇ам̣ гад̇ваа агкиаад̣̇ийсуби т̇уллажжаяам̣ вуд̇д̇ам̣. д̇зсан̃жа ван̣асан̇г̇ахо ‘‘навад̣̇вааро махааван̣о’’д̇и (ми. ба. 2.6.1) звамаад̣̇исуд̇д̇аанусаарзна взд̣̇ид̇аб̣б̣о. д̇иражчаанаг̇ад̇аанам̣ агкиган̣н̣аван̣зсу д̣̇уггадам̣ бана адтагат̇ааббамаан̣зна г̇ахзд̇аб̣б̣ам̣. яат̇аа хи мануссаамануссад̇иражчаанаг̇ад̇зсу важжамаг̇г̇абассаавамаг̇г̇амукаанам̣ баарааж̇игавад̇т̇убхаавз наанаагаран̣ам̣ над̇т̇и, звам̣ агкиаад̣̇ийнамби т̇уллажжаяаад̣̇ивад̇т̇убхаавз ниннаанаагаран̣зна бхавид̇аб̣б̣ам̣. ван̣з т̇уллажжаяан̃жа ‘‘амаг̇г̇зна амаг̇г̇ам̣ бавзсзд̇и, аабад̇д̇и т̇уллажжаяассаа’’д̇и (баараа. 66) сааман̃н̃ад̇о вуд̇д̇ам̣, на бана ‘‘мануссаана’’нд̇и висзсанам̣ ад̇т̇и. яад̣̇и жа д̇иражчаанаг̇ад̇аанам̣ ван̣зсу т̇уллажжаязна на бхавид̇аб̣б̣ам̣, бад̇ан̇г̇амукаман̣д̣уугасса мукасан̣таанз ван̣асан̇кзбад̇о т̇уллажжаяам̣ на вад̇д̇аб̣б̣ам̣, вуд̇д̇ан̃жа, д̇асмаа адтагат̇аажарияаа звзд̇т̇а бамаан̣ам̣. бхаг̇авад̇о ад̇хиббааяан̃н̃уно хи адтагат̇аажарияаа. д̇знзва вуд̇д̇ам̣ ‘‘б̣уд̣̇д̇хзна д̇хаммо винаяо жа вуд̇д̇о, яо д̇асса буд̇д̇зхи д̇ат̇зва н̃аад̇о’’д̇иаад̣̇и (баараа. адта. 1.). мануссаананд̇и ид̇т̇ибурисабан̣д̣агаубхад̇об̣яан̃ж̇анагаанам̣ сааман̃н̃ад̇о вуд̇д̇ам̣. вад̇т̇игосзсууд̇и вад̇т̇ибудзсу бурисаанам̣ ан̇г̇аж̇аад̇агосзсу. мад̇асарийрам̣ яаава уд̣̇д̇хумаад̇агаад̣̇ибхаавзна гут̇ид̇ам̣ на ход̇и, д̇аава алласарийранд̇и взд̣̇ид̇аб̣б̣ам̣. д̇знааха – ‘‘яад̣̇аа бана сарийрам̣ уд̣̇д̇хумаад̇агам̣ ход̇ий’’д̇иаад̣̇и. баарааж̇игавад̇т̇ун̃жа т̇уллажжаяавад̇т̇ун̃жа виж̇ахад̇ийд̇и зд̇т̇а баарааж̇игавад̇т̇убхаавам̣ т̇уллажжаяавад̇т̇убхааван̃жа виж̇ахад̇ийд̇и ад̇т̇о взд̣̇ид̇аб̣б̣о. мад̇аанам̣ д̇иражчаанаг̇ад̇аананд̇и самб̣анд̇хо.
Manussānaṃ jīvamānakasarīretiādinā pana akkhiādayopi vaṇasaṅgahaṃ gacchantīti vaṇena ekaparicchedaṃ katvā akkhiādīsupi thullaccayaṃ vuttaṃ. Tesañca vaṇasaṅgaho ‘‘navadvāro mahāvaṇo’’ti (mi. pa. 2.6.1) evamādisuttānusārena veditabbo. Tiracchānagatānaṃ akkhikaṇṇavaṇesu dukkaṭaṃ pana aṭṭhakathāppamāṇena gahetabbaṃ. Yathā hi manussāmanussatiracchānagatesu vaccamaggapassāvamaggamukhānaṃ pārājikavatthubhāve nānākaraṇaṃ natthi, evaṃ akkhiādīnampi thullaccayādivatthubhāve ninnānākaraṇena bhavitabbaṃ. Vaṇe thullaccayañca ‘‘amaggena amaggaṃ paveseti, āpatti thullaccayassā’’ti (pārā. 66) sāmaññato vuttaṃ, na pana ‘‘manussāna’’nti visesanaṃ atthi. Yadi ca tiracchānagatānaṃ vaṇesu thullaccayena na bhavitabbaṃ, pataṅgamukhamaṇḍūkassa mukhasaṇṭhāne vaṇasaṅkhepato thullaccayaṃ na vattabbaṃ, vuttañca, tasmā aṭṭhakathācariyā evettha pamāṇaṃ. Bhagavato adhippāyaññuno hi aṭṭhakathācariyā. Teneva vuttaṃ ‘‘buddhena dhammo vinayo ca vutto, yo tassa puttehi tatheva ñāto’’tiādi (pārā. aṭṭha. 1.). Manussānanti itthipurisapaṇḍakaubhatobyañjanakānaṃ sāmaññato vuttaṃ. Vatthikosesūti vatthipuṭesu purisānaṃ aṅgajātakosesu. Matasarīraṃ yāva uddhumātakādibhāvena kuthitaṃ na hoti, tāva allasarīranti veditabbaṃ. Tenāha – ‘‘yadā pana sarīraṃ uddhumātakaṃ hotī’’tiādi. Pārājikavatthuñca thullaccayavatthuñca vijahatīti ettha pārājikavatthubhāvaṃ thullaccayavatthubhāvañca vijahatīti attho veditabbo. Matānaṃ tiracchānagatānanti sambandho.
мзт̇унарааг̇зна вад̇т̇игосам̣ бавзсзнд̇асса т̇уллажжаяам̣ вуд̇д̇анд̇и ааха ‘‘бад̇т̇игосам̣ аббавзсзнд̇о’’д̇и. ид̇т̇ияаа аббавзсзнд̇од̇и ид̇т̇ияаа нимид̇д̇ам̣ аббавзсзнд̇о. аббавзсзнд̇од̇и жа бавзсанаад̇хиббааяасса абхаавам̣ д̣̇ассзд̇и. бавзсанаад̇хиббааязна б̣ахи чубанд̇асса бана мзт̇унасса буб̣б̣абаяог̇ад̇д̇аа д̣̇уггадзнзва бхавид̇аб̣б̣ам̣. нимид̇д̇зна нимид̇д̇ам̣ чубад̇и, т̇уллажжаяанд̇и ид̣̇ам̣ ‘‘на жа, бхигкавз, рад̇д̇ажид̇д̇зна ан̇г̇аж̇аад̇ам̣ чубид̇аб̣б̣ам̣, яо чубзяяа, аабад̇д̇и т̇уллажжаяассаа’’д̇и (махаава. 252) имасса суд̇д̇асса васзна вуд̇д̇ам̣. д̇ад̇т̇а жа гзсан̃жи ан̃н̃ат̇ааби ад̇т̇авигаббасса вид̇хим̣ д̣̇ассзнд̇о ‘‘махааадтагат̇ааяам̣ банаа’’д̇иаад̣̇имааха. д̇ад̇т̇а гин̃жааби ‘‘гад̇ваа махааадтагат̇ам̣ сарийра’’нд̇и (баараа. адта. 1.г̇ант̇аарамбхагат̇аа) вуд̇д̇ам̣, д̇ат̇ааби сзсаадтагат̇аасу ‘‘мзт̇унарааг̇зна мукзнаа’’д̇и важанасса абхаавам̣ д̣̇ассзд̇ум̣ ‘‘махааадтагат̇ааяам̣ банаа’’д̇и вуд̇д̇ам̣. ‘‘ан̇г̇аж̇аад̇знаа’’д̇и авуд̇д̇ад̇д̇аа ‘‘ависзсзнаа’’д̇и вуд̇д̇ам̣.
Methunarāgena vatthikosaṃ pavesentassa thullaccayaṃ vuttanti āha ‘‘patthikosaṃ appavesento’’ti. Itthiyā appavesentoti itthiyā nimittaṃ appavesento. Appavesentoti ca pavesanādhippāyassa abhāvaṃ dasseti. Pavesanādhippāyena bahi chupantassa pana methunassa pubbapayogattā dukkaṭeneva bhavitabbaṃ. Nimittena nimittaṃ chupati, thullaccayanti idaṃ ‘‘na ca, bhikkhave, rattacittena aṅgajātaṃ chupitabbaṃ, yo chupeyya, āpatti thullaccayassā’’ti (mahāva. 252) imassa suttassa vasena vuttaṃ. Tattha ca kesañci aññathāpi atthavikappassa vidhiṃ dassento ‘‘mahāaṭṭhakathāyaṃ panā’’tiādimāha. Tattha kiñcāpi ‘‘katvā mahāaṭṭhakathaṃ sarīra’’nti (pārā. aṭṭha. 1.ganthārambhakathā) vuttaṃ, tathāpi sesaaṭṭhakathāsu ‘‘methunarāgena mukhenā’’ti vacanassa abhāvaṃ dassetuṃ ‘‘mahāaṭṭhakathāyaṃ panā’’ti vuttaṃ. ‘‘Aṅgajātenā’’ti avuttattā ‘‘avisesenā’’ti vuttaṃ.
ид̣̇аани махааадтагат̇ам̣ баал̣ияаа сам̣санд̣̇ид̇ваа д̣̇ассзнд̇о ‘‘яам̣ д̇аава махааадтагат̇ааяа’’нд̇иаад̣̇имааха. ид̇арат̇аа хи д̣̇уггадам̣ сияаад̇и багад̇имукзна чубанд̇асса висаан̣аад̣̇иг̇г̇ахан̣з вияа д̣̇уггадам̣ сияаа. звам̣ махааадтагат̇ам̣ баал̣ияаа сам̣санд̣̇ид̇ваа ид̣̇аани д̇ад̇т̇а гзсан̃жи ан̃н̃ат̇аа ад̇т̇авигаббам̣ д̣̇ассзнд̇о ‘‘гзжи банаа’’д̇иаад̣̇имааха. сан̇гхаад̣̇исзсод̇и гааяасам̣саг̇г̇асигкаабад̣̇зна сан̇гхаад̣̇исзсо. вуд̇д̇анаязнзваад̇и мзт̇унарааг̇знзва. ‘‘нимид̇д̇амукзнаа’’д̇и вуд̇д̇ад̇д̇аа д̇иражчаанаг̇ад̇ид̇т̇ияаа бассаавамаг̇г̇ам̣ мзт̇унарааг̇зна багад̇имукзна чубанд̇асса д̣̇уггаданд̇и взд̣̇ид̇аб̣б̣ам̣. гааяасам̣саг̇г̇арааг̇зна д̣̇уггаданд̇и нимид̇д̇амукзна ваа багад̇имукзна ваа гааяасам̣саг̇г̇арааг̇зна чубанд̇асса д̣̇уггадамзва.
Idāni mahāaṭṭhakathaṃ pāḷiyā saṃsanditvā dassento ‘‘yaṃ tāva mahāaṭṭhakathāya’’ntiādimāha. Itarathā hi dukkaṭaṃ siyāti pakatimukhena chupantassa visāṇādiggahaṇe viya dukkaṭaṃ siyā. Evaṃ mahāaṭṭhakathaṃ pāḷiyā saṃsanditvā idāni tattha kesañci aññathā atthavikappaṃ dassento ‘‘keci panā’’tiādimāha. Saṅghādisesoti kāyasaṃsaggasikkhāpadena saṅghādiseso. Vuttanayenevāti methunarāgeneva. ‘‘Nimittamukhenā’’ti vuttattā tiracchānagatitthiyā passāvamaggaṃ methunarāgena pakatimukhena chupantassa dukkaṭanti veditabbaṃ. Kāyasaṃsaggarāgena dukkaṭanti nimittamukhena vā pakatimukhena vā kāyasaṃsaggarāgena chupantassa dukkaṭameva.
згуунасад̇д̇ад̇ид̣̇висад̇ажад̇уггагат̇ааван̣н̣анаа нидтид̇аа.
Ekūnasattatidvisatacatukkakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згуунасад̇д̇ад̇ид̣̇висад̇ажад̇уггагат̇ааван̣н̣анаа • Ekūnasattatidvisatacatukkakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / згуунасад̇д̇ад̇ид̣̇висад̇ажад̇уггагат̇ааван̣н̣анаа • Ekūnasattatidvisatacatukkakathāvaṇṇanā
