| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
згуд̇д̇аранаяагат̇аа
Ekuttaranayakathā
405.
405.
гад̇и аабад̇д̇ияо хонд̇и, самудтаанзна аад̣̇инаа?
Kati āpattiyo honti, samuṭṭhānena ādinā?
бан̃жа аабад̇д̇ияо хонд̇и, гудим̣ сам̣яаажигааяа д̇у.
Pañca āpattiyo honti, kuṭiṃ saṃyācikāya tu.
406.
406.
гарод̇о бана д̇иссова, баяог̇з д̣̇уггадаад̣̇аяо;
Karoto pana tissova, payoge dukkaṭādayo;
вигаалз бана баажид̇д̇и, д̇ат̇аа ан̃н̃аад̇ихад̇т̇ад̇о.
Vikāle pana pācitti, tathā aññātihatthato.
407.
407.
г̇ахзд̇ваа бхун̃ж̇ад̇о вуд̇д̇ам̣, баадид̣̇зсанияамби жа;
Gahetvā bhuñjato vuttaṃ, pāṭidesaniyampi ca;
бан̃жимаабад̇д̇ияо хонд̇и, самудтаанзна аад̣̇инаа.
Pañcimāpattiyo honti, samuṭṭhānena ādinā.
408.
408.
гад̇и =04 аабад̇д̇ияо хонд̇и, д̣̇уд̇иязна д̇увам̣ бхан̣а?
Kati =04 āpattiyo honti, dutiyena tuvaṃ bhaṇa?
аабад̇д̇ияо жад̇ассова, хонд̇ийд̇и барид̣̇ийбаяз.
Āpattiyo catassova, hontīti paridīpaye.
409.
409.
‘‘гудим̣ мама гарот̇аа’’д̇и, самаад̣̇исад̇и бхигку жз;
‘‘Kuṭiṃ mama karothā’’ti, samādisati bhikkhu ce;
гаронд̇и жз гудим̣ д̇асса, вибаннам̣ саб̣б̣ат̇аа бана.
Karonti ce kuṭiṃ tassa, vipannaṃ sabbathā pana.
410.
410.
д̇иссо буриманид̣̇д̣̇идтаа, баяог̇з д̣̇уггадаад̣̇аяо;
Tisso purimaniddiṭṭhā, payoge dukkaṭādayo;
бад̣̇асод̇хаммамуулзна, жад̇ассова бхаванд̇имаа.
Padasodhammamūlena, catassova bhavantimā.
411.
411.
д̇ад̇иязна гад̇и ж̇ааяанд̇и, самудтаанзна мз бхан̣а?
Tatiyena kati jāyanti, samuṭṭhānena me bhaṇa?
д̇ад̇иязна д̇увам̣ б̣рууми, бан̃жад̇хаабад̇д̇ияо сияум̣.
Tatiyena tuvaṃ brūmi, pañcadhāpattiyo siyuṃ.
412.
412.
бхигку сам̣вид̣̇ахид̇ваана;
Bhikkhu saṃvidahitvāna;
гарод̇и жа гудим̣ сажз;
Karoti ca kuṭiṃ sace;
д̇иссо аабад̇д̇ияо хонд̇и;
Tisso āpattiyo honti;
баяог̇з д̣̇уггадаад̣̇аяо.
Payoge dukkaṭādayo.
413.
413.
бан̣ийд̇абхож̇анам̣ вад̇ваа, ход̇и баажид̇д̇и бхун̃ж̇ад̇о;
Paṇītabhojanaṃ vatvā, hoti pācitti bhuñjato;
бхигкуним̣ на ниваарзд̇ваа, баадид̣̇зсанияам̣ сияаа.
Bhikkhuniṃ na nivāretvā, pāṭidesaniyaṃ siyā.
414.
414.
сияум̣ гад̇и жад̇уд̇т̇зна, самудтаанзна мз бхан̣а?
Siyuṃ kati catutthena, samuṭṭhānena me bhaṇa?
чал̣зваабад̇д̇ияо хонд̇и, мзт̇унам̣ яад̣̇и сзвад̇и.
Chaḷevāpattiyo honti, methunaṃ yadi sevati.
415.
415.
ход̇и баарааж̇игам̣ д̇асса, гудим̣ сам̣яаажигааяа д̇у;
Hoti pārājikaṃ tassa, kuṭiṃ saṃyācikāya tu;
гарод̇о бана д̇иссова, баяог̇з д̣̇уггадаад̣̇аяо.
Karoto pana tissova, payoge dukkaṭādayo.
416.
416.
вигаалз бана баажид̇д̇и, д̇ат̇аа ан̃н̃аад̇ихад̇т̇ад̇о;
Vikāle pana pācitti, tathā aññātihatthato;
г̇ахзд̇ваа бхун̃ж̇ад̇о вуд̇д̇ам̣, баадид̣̇зсанияамби жа.
Gahetvā bhuñjato vuttaṃ, pāṭidesaniyampi ca.
417.
417.
гад̇и аабад̇д̇ияо хонд̇и, бан̃жамзна? ча хонд̇и хи;
Kati āpattiyo honti, pañcamena? Cha honti hi;
мануссуд̇д̇арид̇хаммам̣ д̇у, вад̣̇ам̣ баарааж̇игам̣ пусз.
Manussuttaridhammaṃ tu, vadaṃ pārājikaṃ phuse.
418.
418.
‘‘гудим̣ мама гарот̇аа’’д̇и;
‘‘Kuṭiṃ mama karothā’’ti;
самаад̣̇исад̇и бхигку жз;
Samādisati bhikkhu ce;
гаронд̇и жз гудим̣ д̇иссо;
Karonti ce kuṭiṃ tisso;
хонд̇и д̇аа д̣̇уггадаад̣̇аяо.
Honti tā dukkaṭādayo.
419.
419.
ваажзд̇и бад̣̇асо д̇хаммам̣, ход̇и баажид̇д̇и бхигкуно;
Vāceti padaso dhammaṃ, hoti pācitti bhikkhuno;
д̣̇авагамяад̇аа вад̣̇анд̇асса, д̇асса д̣̇уб̣бхаасид̇ам̣ сияаа.
Davakamyatā vadantassa, tassa dubbhāsitaṃ siyā.
420.
420.
самудтаанзна =05 чадтзна, гад̇и аабад̇д̇ияо сияум̣?
Samuṭṭhānena =05 chaṭṭhena, kati āpattiyo siyuṃ?
ча жа сам̣вид̣̇ахид̇ваана, бхан̣д̣ам̣ харад̇и жз жуд̇о.
Cha ca saṃvidahitvāna, bhaṇḍaṃ harati ce cuto.
421.
421.
‘‘гудим̣ мама гарот̇аа’’д̇и;
‘‘Kuṭiṃ mama karothā’’ti;
самаад̣̇исад̇и бхигку жз;
Samādisati bhikkhu ce;
гаронд̇и жз гудим̣ д̇иссо;
Karonti ce kuṭiṃ tisso;
хонд̇и д̇аа д̣̇уггадаад̣̇аяо.
Honti tā dukkaṭādayo.
422.
422.
бан̣ийд̇абхож̇анам̣ вад̇ваа, ход̇и баажид̇д̇и бхун̃ж̇ад̇о;
Paṇītabhojanaṃ vatvā, hoti pācitti bhuñjato;
бхигкуним̣ на ниваарзд̇ваа, баадид̣̇зсанияам̣ сияаа.
Bhikkhuniṃ na nivāretvā, pāṭidesaniyaṃ siyā.
423.
423.
ид̇ха яо вимад̇уубарамам̣ барамам̣;
Idha yo vimatūparamaṃ paramaṃ;
имамуд̇д̇арамуд̇д̇арад̇и;
Imamuttaramuttarati;
винаяам̣ сунаяам̣ сунаязна яуд̇о;
Vinayaṃ sunayaṃ sunayena yuto;
са жа д̣̇уд̇д̇арамуд̇д̇арамуд̇д̇арад̇и.
Sa ca duttaramuttaramuttarati.
аабад̇д̇исамудтаанагат̇аа.
Āpattisamuṭṭhānakathā.
424.
424.
ид̇о барам̣ бавагкаами, барамзгуд̇д̇арам̣ наяам̣;
Ito paraṃ pavakkhāmi, paramekuttaraṃ nayaṃ;
авигкид̇д̇зна жид̇д̇зна, д̇ам̣ сун̣аат̇а самаахид̇аа.
Avikkhittena cittena, taṃ suṇātha samāhitā.
425.
425.
гз аабад̇д̇игараа д̇хаммаа, анаабад̇д̇игарааби гз?
Ke āpattikarā dhammā, anāpattikarāpi ke?
гаа банаабад̇д̇ияо наама, лахугаа г̇аругааби гаа?
Kā panāpattiyo nāma, lahukā garukāpi kā?
426.
426.
саавасзсаа жа гаабад̇д̇и, гаа наамаанавасзсагаа?
Sāvasesā ca kāpatti, kā nāmānavasesakā?
д̣̇удтуллаа наама гаабад̇д̇и, ад̣̇удтуллааби наама гаа?
Duṭṭhullā nāma kāpatti, aduṭṭhullāpi nāma kā?
427.
427.
нияад̇аа наама гаабад̇д̇и, гаа банаанияад̇ааби жа?
Niyatā nāma kāpatti, kā panāniyatāpi ca?
д̣̇зсанааг̇ааминий гаа жа, гаа жаад̣̇зсанаг̇ааминий?
Desanāgāminī kā ca, kā cādesanagāminī?
428.
428.
самудтаанаани аабад̇д̇и-гараа д̇хаммаад̇и д̣̇ийбид̇аа;
Samuṭṭhānāni āpatti-karā dhammāti dīpitā;
анаабад̇д̇игараа д̇хаммаа, самат̇аа сад̇д̇а д̣̇ассид̇аа.
Anāpattikarā dhammā, samathā satta dassitā.
429.
429.
баарааж̇игаад̣̇аяо сад̇д̇а-вид̇хаа аабад̇д̇ияо сияум̣;
Pārājikādayo satta-vidhā āpattiyo siyuṃ;
лахугаа д̇ад̇т̇а бан̃жзва, хонд̇и т̇уллажжаяаад̣̇аяо.
Lahukā tattha pañceva, honti thullaccayādayo.
430.
430.
баарааж̇игам̣ табзд̇ваана, саавасзсаавасзсагаа;
Pārājikaṃ ṭhapetvāna, sāvasesāvasesakā;
згаа баарааж̇игаабад̇д̇и, мад̇аа анавасзсагаа.
Ekā pārājikāpatti, matā anavasesakā.
431.
431.
‘‘д̣̇удтуллаа’’д̇и =06 жа нид̣̇д̣̇идтаа, д̣̇увид̇хаабад̇д̇иаад̣̇ид̇о;
‘‘Duṭṭhullā’’ti =06 ca niddiṭṭhā, duvidhāpattiādito;
сзсаа бан̃жавид̇хаабад̇д̇и, ‘‘ад̣̇удтуллаа’’д̇и д̣̇ийбид̇аа.
Sesā pañcavidhāpatti, ‘‘aduṭṭhullā’’ti dīpitā.
432.
432.
бан̃жаананд̇арияасам̣яуд̇д̇аа, нияад̇аанияад̇зд̇араа;
Pañcānantariyasaṃyuttā, niyatāniyatetarā;
д̣̇зсанааг̇ааминий бан̃жа, д̣̇вз банаад̣̇зсаг̇аамигаа.
Desanāgāminī pañca, dve panādesagāmikā.
згагагат̇аа.
Ekakakathā.
433.
433.
абхаб̣б̣аабад̇д̇иго го жа, бхаб̣б̣аабад̇д̇игабуг̇г̇ало?
Abhabbāpattiko ko ca, bhabbāpattikapuggalo?
убасамбад̣̇агаммам̣ д̇у, сад̇т̇унаа гасса ваарид̇ам̣?
Upasampadakammaṃ tu, satthunā kassa vāritaṃ?
434.
434.
аабад̇д̇имаабаж̇ж̇ид̇ум̣ д̣̇взва логз;
Āpattimāpajjituṃ dveva loke;
б̣уд̣̇д̇хаа жа бажжзгаб̣уд̣̇д̇хаа абхаб̣б̣аа;
Buddhā ca paccekabuddhā abhabbā;
аабад̇д̇имаабаж̇ж̇ид̇ум̣ д̣̇взва логз;
Āpattimāpajjituṃ dveva loke;
бхигкуу жа бхаб̣б̣аа ат̇а бхигкуний жа.
Bhikkhū ca bhabbā atha bhikkhunī ca.
435.
435.
ад̣̇д̇хавихийно ан̇г̇авихийно;
Addhavihīno aṅgavihīno;
вад̇т̇увибанно д̣̇уггадагаарий;
Vatthuvipanno dukkaṭakārī;
но барибун̣н̣о яаажад̇и яо но;
No paripuṇṇo yācati yo no;
д̇ассубасамбад̣̇аа бадисид̣̇д̇хаа.
Tassupasampadā paṭisiddhā.
436.
436.
ад̇т̇аабад̇д̇и хавз лад̣̇д̇ха-самаабад̇д̇исса бхигкуно;
Atthāpatti have laddha-samāpattissa bhikkhuno;
ад̇т̇аабад̇д̇и хи но лад̣̇д̇ха-самаабад̇д̇исса д̣̇ийбид̇аа.
Atthāpatti hi no laddha-samāpattissa dīpitā.
437.
437.
бхууд̇ассаарожанам̣ лад̣̇д̇ха-самаабад̇д̇исса нид̣̇д̣̇исз;
Bhūtassārocanaṃ laddha-samāpattissa niddise;
абхууд̇аарожанаабад̇д̇и, асамаабад̇д̇илаабхино.
Abhūtārocanāpatti, asamāpattilābhino.
438.
438.
ад̇т̇и сад̣̇д̇хаммасам̣яуд̇д̇аа, асад̣̇д̇хаммаяуд̇ааби жа;
Atthi saddhammasaṃyuttā, asaddhammayutāpi ca;
сабаригкаарасам̣яуд̇д̇аа, барасанд̇агасам̣яуд̇аа.
Saparikkhārasaṃyuttā, parasantakasaṃyutā.
439.
439.
бад̣̇асод̇хаммамуулаад̣̇ий, сад̣̇д̇хаммабадисам̣яуд̇аа;
Padasodhammamūlādī, saddhammapaṭisaṃyutā;
д̣̇удтуллаваажасам̣яуд̇д̇аа, асад̣̇д̇хаммаяуд̇аа сияаа.
Duṭṭhullavācasaṃyuttā, asaddhammayutā siyā.
440.
440.
ад̇ирзгад̣̇асаахам̣ д̇у, табанз жийвараад̣̇ино;
Atirekadasāhaṃ tu, ṭhapane cīvarādino;
аниссаж̇ж̇ид̇ваа бхог̇з жа, сабаригкаарасам̣яуд̇аа.
Anissajjitvā bhoge ca, saparikkhārasaṃyutā.
441.
441.
сан̇гхасса ман̃жабийтаад̣̇им̣, аж̇жхогаасад̇т̇арзби жа;
Saṅghassa mañcapīṭhādiṃ, ajjhokāsattharepi ca;
анаабужчаава г̇аманз, барасанд̇агасам̣яуд̇аа.
Anāpucchāva gamane, parasantakasaṃyutā.
442.
442.
гат̇ан̃хи =07 бхан̣ад̇о сажжам̣, г̇аругам̣ ход̇и бхигкуно?
Kathañhi =07 bhaṇato saccaṃ, garukaṃ hoti bhikkhuno?
гат̇ам̣ мусаа бхан̣анд̇асса, лахугаабад̇д̇и ж̇ааяад̇з?
Kathaṃ musā bhaṇantassa, lahukāpatti jāyate?
443.
443.
‘‘сикаран̣ий’’д̇и сажжам̣ д̇у, бхан̣ад̇о г̇аругам̣ сияаа;
‘‘Sikharaṇī’’ti saccaṃ tu, bhaṇato garukaṃ siyā;
самбаж̇аанамусааваад̣̇з, баажид̇д̇и лахугаа бхавз.
Sampajānamusāvāde, pācitti lahukā bhave.
444.
444.
гат̇ам̣ мусаа бхан̣анд̇асса, г̇аругам̣ ход̇и бхигкуно?
Kathaṃ musā bhaṇantassa, garukaṃ hoti bhikkhuno?
гат̇ан̃жа бхан̣ад̇о сажжам̣, аабад̇д̇и лахугаа сияаа?
Kathañca bhaṇato saccaṃ, āpatti lahukā siyā?
445.
445.
абхууд̇аарожанз д̇асса, г̇аругаабад̇д̇и д̣̇ийбид̇аа;
Abhūtārocane tassa, garukāpatti dīpitā;
бхууд̇ассаарожанз сажжам̣, вад̣̇ад̇о лахугаа сияаа.
Bhūtassārocane saccaṃ, vadato lahukā siyā.
446.
446.
гат̇ам̣ бхуумиг̇ад̇о д̣̇осам̣, на взхаасаг̇ад̇о пусз?
Kathaṃ bhūmigato dosaṃ, na vehāsagato phuse?
гат̇ам̣ взхаасаг̇о д̣̇осам̣, на жа бхуумиг̇ад̇о пусз?
Kathaṃ vehāsago dosaṃ, na ca bhūmigato phuse?
447.
447.
сан̇гхагаммам̣ вигобзд̇ум̣, хад̇т̇абаасам̣ ж̇ахам̣ пусз;
Saṅghakammaṃ vikopetuṃ, hatthapāsaṃ jahaṃ phuse;
гзсамад̇д̇амби аагаасз, д̇идтад̇о над̇т̇и важ̇ж̇ад̇аа.
Kesamattampi ākāse, tiṭṭhato natthi vajjatā.
448.
448.
аахажжабаад̣̇агам̣ ман̃жам̣, взхаасагудияуубари;
Āhaccapādakaṃ mañcaṃ, vehāsakuṭiyūpari;
бийтам̣ ваабхинисийд̣̇анд̇о, аабаж̇ж̇ад̇и на бхуумид̇о.
Pīṭhaṃ vābhinisīdanto, āpajjati na bhūmito.
449.
449.
бависанд̇о гат̇ам̣ бхигку, аабаж̇ж̇ад̇и, на нигкамам̣?
Pavisanto kathaṃ bhikkhu, āpajjati, na nikkhamaṃ?
бависанд̇о гат̇ам̣ бхигку, бависанд̇о на жзва д̇ам̣?
Pavisanto kathaṃ bhikkhu, pavisanto na ceva taṃ?
450.
450.
сачад̇д̇убаахано вад̇д̇а-мабуурзд̇ваана гзвалам̣;
Sachattupāhano vatta-mapūretvāna kevalaṃ;
бависанд̇о банаабад̇д̇им̣, аабаж̇ж̇ад̇и, на нигкамам̣.
Pavisanto panāpattiṃ, āpajjati, na nikkhamaṃ.
451.
451.
г̇амиго г̇амигавад̇д̇аани, абуурзд̇ваана нигкамам̣;
Gamiko gamikavattāni, apūretvāna nikkhamaṃ;
нигкаманд̇ова аабад̇д̇им̣, пусзяяа, бависам̣ на жа.
Nikkhamantova āpattiṃ, phuseyya, pavisaṃ na ca.
452.
452.
аад̣̇ияанд̇о банаабад̇д̇им̣, аабаж̇ж̇ад̇и гат̇ам̣ вад̣̇а?
Ādiyanto panāpattiṃ, āpajjati kathaṃ vada?
д̇ат̇зваанаад̣̇ияанд̇оби, аабаж̇ж̇ад̇и гат̇ам̣ вад̣̇а?
Tathevānādiyantopi, āpajjati kathaṃ vada?
453.
453.
бхигкуний ад̇иг̇амбхийрам̣, яаа гаажуд̣̇агасуд̣̇д̇хигам̣;
Bhikkhunī atigambhīraṃ, yā kācudakasuddhikaṃ;
аад̣̇ияанд̇ий банаабад̇д̇им̣, аабаж̇ж̇ад̇и, на сам̣саяо.
Ādiyantī panāpattiṃ, āpajjati, na saṃsayo.
454.
454.
анаад̣̇ияид̇ваа д̣̇уб̣б̣ан̣н̣а-гаран̣ам̣ бана жийварам̣;
Anādiyitvā dubbaṇṇa-karaṇaṃ pana cīvaraṃ;
язвам̣ анаад̣̇ияанд̇ова, аабаж̇ж̇ад̇и хи наама со.
Yevaṃ anādiyantova, āpajjati hi nāma so.
455.
455.
самаад̣̇ияанд̇о аабад̇д̇им̣, аабаж̇ж̇ад̇и гат̇ам̣ бана?
Samādiyanto āpattiṃ, āpajjati kathaṃ pana?
д̇ат̇аасамаад̣̇ияанд̇оби, аабаж̇ж̇ад̇и гат̇ам̣ бана?
Tathāsamādiyantopi, āpajjati kathaṃ pana?
456.
456.
яо =08 хи мууг̇аб̣б̣ад̇аад̣̇ийни, вад̇аанид̇ха самаад̣̇ияам̣;
Yo =08 hi mūgabbatādīni, vatānidha samādiyaṃ;
самаад̣̇ияанд̇о аабад̇д̇им̣, аабаж̇ж̇ад̇и хи наама со.
Samādiyanto āpattiṃ, āpajjati hi nāma so.
457.
457.
яо хи гаммагад̇о бхигку, вуд̇д̇ам̣ вад̇д̇ам̣ банад̇д̇ано;
Yo hi kammakato bhikkhu, vuttaṃ vattaṃ panattano;
д̇ан̃жаасамаад̣̇ияанд̇ова, аабаж̇ж̇ад̇и хи наама со.
Tañcāsamādiyantova, āpajjati hi nāma so.
458.
458.
гаронд̇ова банаабад̇д̇им̣, гат̇амаабаж̇ж̇ад̇з наро?
Karontova panāpattiṃ, kathamāpajjate naro?
на гаронд̇о гат̇ам̣ наама, саман̣о д̣̇осаваа сияаа?
Na karonto kathaṃ nāma, samaṇo dosavā siyā?
459.
459.
бхан̣д̣ааг̇ааригагамман̃жа, взж̇ж̇агамман̃жа жийварам̣;
Bhaṇḍāgārikakammañca, vejjakammañca cīvaraṃ;
ан̃н̃аад̇игааяа сиб̣б̣анд̇о, гарам̣ аабаж̇ж̇ад̇з наро.
Aññātikāya sibbanto, karaṃ āpajjate naro.
460.
460.
убаж̇жхааяасса вад̇д̇аани, вад̇д̇аани ид̇арасса ваа;
Upajjhāyassa vattāni, vattāni itarassa vā;
агаронд̇о банаабад̇д̇им̣, аабаж̇ж̇ад̇и хи наама со.
Akaronto panāpattiṃ, āpajjati hi nāma so.
461.
461.
д̣̇знд̇о аабаж̇ж̇ад̇аабад̇д̇им̣, на д̣̇знд̇оби гат̇ам̣ бхан̣а?
Dento āpajjatāpattiṃ, na dentopi kathaṃ bhaṇa?
ан̃н̃аад̇игааяа яам̣ гин̃жи, бхигку бхигкунияаа бана.
Aññātikāya yaṃ kiñci, bhikkhu bhikkhuniyā pana.
462.
462.
жийварам̣ д̣̇ад̣̇амаано хи, д̣̇знд̇о аабаж̇ж̇ад̇з бана;
Cīvaraṃ dadamāno hi, dento āpajjate pana;
д̇ат̇анд̇зваасигаад̣̇ийнам̣, ад̣̇знд̇о жийвараад̣̇игам̣.
Tathantevāsikādīnaṃ, adento cīvarādikaṃ.
463.
463.
ад̇д̇асанниссид̇аа ад̇т̇и, д̇ат̇зва бараниссид̇аа;
Attasannissitā atthi, tatheva paranissitā;
муд̣̇уламб̣аад̣̇ино ад̇д̇аа, сзсаа хи бараниссид̇аа.
Mudulambādino attā, sesā hi paranissitā.
464.
464.
гат̇ан̃жа бадиг̇ан̣ханд̇о, аабаж̇ж̇ад̇и хи важ̇ж̇ад̇ам̣?
Kathañca paṭigaṇhanto, āpajjati hi vajjataṃ?
гат̇амаббадиг̇ан̣ханд̇о, аабаж̇ж̇ад̇и хи важ̇ж̇ад̇ам̣?
Kathamappaṭigaṇhanto, āpajjati hi vajjataṃ?
465.
465.
жийварам̣ бадиг̇ан̣ханд̇о, бхигку ан̃н̃аад̇ихад̇т̇ад̇о;
Cīvaraṃ paṭigaṇhanto, bhikkhu aññātihatthato;
оваад̣̇ан̃жа на г̇ан̣ханд̇о, аабаж̇ж̇ад̇и хи важ̇ж̇ад̇ам̣.
Ovādañca na gaṇhanto, āpajjati hi vajjataṃ.
466.
466.
гат̇ан̃жа барибхог̇зна, аабаж̇ж̇ад̇и д̇абод̇хано?
Kathañca paribhogena, āpajjati tapodhano?
гат̇ам̣ на барибхог̇зна, аабаж̇ж̇ад̇и д̇абод̇хано?
Kathaṃ na paribhogena, āpajjati tapodhano?
467.
467.
яо хи ниссаг̇г̇ияам̣ вад̇т̇ум̣, ажжаж̇ид̇ваа нисзвад̇и;
Yo hi nissaggiyaṃ vatthuṃ, accajitvā nisevati;
аяам̣ д̇у барибхог̇зна, аабаж̇ж̇ад̇и, на сам̣саяо.
Ayaṃ tu paribhogena, āpajjati, na saṃsayo.
468.
468.
ад̇иггамзнд̇ий сан̇гхаади-жаарам̣ бан̃жаахигам̣ бана;
Atikkamentī saṅghāṭi-cāraṃ pañcāhikaṃ pana;
аяам̣ д̇у барибхог̇зна, аабаж̇ж̇ад̇и хи бхигкуний.
Ayaṃ tu paribhogena, āpajjati hi bhikkhunī.
469.
469.
д̣̇иваабаж̇ж̇ад̇и но рад̇д̇им̣, рад̇д̇имзва жа но д̣̇иваа;
Divāpajjati no rattiṃ, rattimeva ca no divā;
д̣̇ваарам̣ асам̣варид̇ваана, сзнд̇о аабаж̇ж̇ад̇з д̣̇иваа.
Dvāraṃ asaṃvaritvāna, sento āpajjate divā.
470.
470.
саг̇аарасзяяагам̣ =09 рад̇д̇им̣, аабаж̇ж̇ад̇и хи но д̣̇иваа;
Sagāraseyyakaṃ =09 rattiṃ, āpajjati hi no divā;
арун̣уг̇г̇з банаабад̇д̇и, гат̇ам̣ на арун̣уг̇г̇амз?
Aruṇugge panāpatti, kathaṃ na aruṇuggame?
471.
471.
згачаарад̇д̇асад̇д̇ааха-д̣̇асаахаад̣̇иад̇иггамз;
Ekachārattasattāha-dasāhādiatikkame;
пусанд̇о вуд̇д̇амаабад̇д̇им̣, аабаж̇ж̇ад̇яарун̣уг̇г̇амз.
Phusanto vuttamāpattiṃ, āpajjatyaruṇuggame.
472.
472.
баваарзд̇ваана бхун̃ж̇анд̇о, пусз на арун̣уг̇г̇амз;
Pavāretvāna bhuñjanto, phuse na aruṇuggame;
чинд̣̇анд̇асса сияаабад̇д̇и, гат̇амажчинд̣̇ад̇о сияаа?
Chindantassa siyāpatti, kathamacchindato siyā?
473.
473.
чинд̣̇анд̇о бхууд̇аг̇ааман̃жа, ан̇г̇аж̇аад̇ан̃жа ад̇д̇ано;
Chindanto bhūtagāmañca, aṅgajātañca attano;
баарааж̇иган̃жа баажид̇д̇им̣, пусз т̇уллажжаяамби жа.
Pārājikañca pācittiṃ, phuse thullaccayampi ca.
474.
474.
на чинд̣̇анд̇о накз гзсз, аабаж̇ж̇ад̇и хи наама со;
Na chindanto nakhe kese, āpajjati hi nāma so;
чаад̣̇знд̇обаж̇ж̇ад̇аабад̇д̇им̣, нажчаад̣̇знд̇о гат̇ам̣ бана?
Chādentopajjatāpattiṃ, nacchādento kathaṃ pana?
475.
475.
чаад̣̇знд̇о бана аабад̇д̇им̣, чаад̣̇знд̇обаж̇ж̇ад̇з наро;
Chādento pana āpattiṃ, chādentopajjate naro;
аабаж̇ж̇ад̇и банажчинно, нажчаад̣̇знд̇о д̇ин̣аад̣̇инаа.
Āpajjati panacchinno, nacchādento tiṇādinā.
476.
476.
аабаж̇ж̇ад̇и хи д̇хаарзнд̇о, на д̇хаарзнд̇о гат̇ам̣ бана?
Āpajjati hi dhārento, na dhārento kathaṃ pana?
д̇хаарзнд̇о гусажийраад̣̇им̣, д̇хаарзнд̇обаж̇ж̇ад̇з бана.
Dhārento kusacīrādiṃ, dhārentopajjate pana.
477.
477.
д̣̇иннам̣ ниссадтабад̇д̇ам̣ д̇ам̣, ад̇хаарзнд̇ова д̣̇осаваа;
Dinnaṃ nissaṭṭhapattaṃ taṃ, adhārentova dosavā;
сажид̇д̇агад̣̇угам̣ сан̃н̃аа-вимогкагад̣̇угам̣ бхавз.
Sacittakadukaṃ saññā-vimokkhakadukaṃ bhave.
д̣̇угагат̇аа.
Dukakathā.
478.
478.
ад̇т̇аабад̇д̇и хи д̇идтанд̇з, наат̇з, но бариниб̣б̣уд̇з;
Atthāpatti hi tiṭṭhante, nāthe, no parinibbute;
ниб̣б̣уд̇з на д̇у д̇идтанд̇з, ад̇т̇аабад̇д̇убхаяад̇т̇аби.
Nibbute na tu tiṭṭhante, atthāpattubhayatthapi.
479.
479.
рухируббаад̣̇анаабад̇д̇и, тид̇з, но бариниб̣б̣уд̇з;
Ruhiruppādanāpatti, ṭhite, no parinibbute;
т̇зрамаавусаваад̣̇зна, вад̣̇ад̇о бариниб̣б̣уд̇з.
Theramāvusavādena, vadato parinibbute.
480.
480.
аабад̇д̇ияо имаа д̣̇взби, табзд̇ваа суг̇ад̇з бана;
Āpattiyo imā dvepi, ṭhapetvā sugate pana;
авасзсаа д̇харанд̇зби, бхаванд̇и бариниб̣б̣уд̇з.
Avasesā dharantepi, bhavanti parinibbute.
481.
481.
гаалзязва сияаабад̇д̇и, вигаалз на сияаа гат̇ам̣?
Kāleyeva siyāpatti, vikāle na siyā kathaṃ?
вигаалз д̇у сияаабад̇д̇и, на гаалз, убхаяад̇т̇аби?
Vikāle tu siyāpatti, na kāle, ubhayatthapi?
482.
482.
бхун̃ж̇ад̇онад̇ирид̇д̇ам̣ д̇у, гааласмим̣, но вигаалагз;
Bhuñjatonatirittaṃ tu, kālasmiṃ, no vikālake;
вигаалабхож̇анаабад̇д̇и, вигаалз, д̇у на гаалагз.
Vikālabhojanāpatti, vikāle, tu na kālake.
483.
483.
авасзсам̣ =10 банаабад̇д̇им̣, аабаж̇ж̇ад̇и хи саб̣б̣ад̣̇аа;
Avasesaṃ =10 panāpattiṃ, āpajjati hi sabbadā;
саб̣б̣ам̣ гаалз вигаалз жа, над̇т̇и д̇ад̇т̇а жа сам̣саяо.
Sabbaṃ kāle vikāle ca, natthi tattha ca saṃsayo.
484.
484.
рад̇д̇имзва банаабад̇д̇им̣, аабаж̇ж̇ад̇и жа но д̣̇иваа;
Rattimeva panāpattiṃ, āpajjati ca no divā;
д̣̇иваабаж̇ж̇ад̇и но рад̇д̇им̣, аабаж̇ж̇ад̇убхаяад̇т̇аби.
Divāpajjati no rattiṃ, āpajjatubhayatthapi.
485.
485.
сахасзяяаа сияаа рад̇д̇им̣, д̣̇ваараасам̣варамуулагаа;
Sahaseyyā siyā rattiṃ, dvārāsaṃvaramūlakā;
д̣̇иваа, сзсаа банаабад̇д̇и, сияаа рад̇д̇им̣ д̣̇ивааби жа.
Divā, sesā panāpatti, siyā rattiṃ divāpi ca.
486.
486.
д̣̇асавассо д̇у но ууна-д̣̇асавассо сияаа гат̇ам̣?
Dasavasso tu no ūna-dasavasso siyā kathaṃ?
ход̇уунад̣̇асавассо, но, д̣̇асавассуубхаяад̇т̇аби?
Hotūnadasavasso, no, dasavassūbhayatthapi?
487.
487.
убадтаабзд̇и жз б̣аало, барисам̣ д̣̇асавассиго;
Upaṭṭhāpeti ce bālo, parisaṃ dasavassiko;
аабад̇д̇им̣ бана аб̣яад̇д̇о, аабаж̇ж̇ад̇и, на сам̣саяо.
Āpattiṃ pana abyatto, āpajjati, na saṃsayo.
488.
488.
д̇ат̇уунад̣̇асавассо жа, ‘‘бан̣д̣ид̇оха’’нд̇и г̇ан̣хад̇и;
Tathūnadasavasso ca, ‘‘paṇḍitoha’’nti gaṇhati;
барисам̣, д̣̇асавассо но, сзсамаабаж̇ж̇ад̇з убхо.
Parisaṃ, dasavasso no, sesamāpajjate ubho.
489.
489.
гаал̣з аабаж̇ж̇ад̇аабад̇д̇им̣, на ж̇ун̣хз ж̇ун̣хагз гат̇ам̣;
Kāḷe āpajjatāpattiṃ, na juṇhe juṇhake kathaṃ;
аабаж̇ж̇ад̇и, на гаал̣асмим̣, аабаж̇ж̇ад̇уубхаяад̇т̇аби?
Āpajjati, na kāḷasmiṃ, āpajjatūbhayatthapi?
490.
490.
вассам̣ анубаг̇ажчанд̇о, гаал̣з, но ж̇ун̣хагз бана;
Vassaṃ anupagacchanto, kāḷe, no juṇhake pana;
аабаж̇ж̇ад̇аабаваарзнд̇о, ж̇ун̣хз, на бана гаал̣агз.
Āpajjatāpavārento, juṇhe, na pana kāḷake.
491.
491.
авасзсам̣ д̇у бан̃н̃ад̇д̇а-маабад̇д̇имавибад̇д̇инаа;
Avasesaṃ tu paññatta-māpattimavipattinā;
гаал̣з жзва жа ж̇ун̣хз жа, аабаж̇ж̇ад̇и, на сам̣саяо.
Kāḷe ceva ca juṇhe ca, āpajjati, na saṃsayo.
492.
492.
вассуубаг̇аманам̣ гаал̣з, но ж̇ун̣хз, д̇у бавааран̣аа;
Vassūpagamanaṃ kāḷe, no juṇhe, tu pavāraṇā;
ж̇ун̣хз габбад̇и, но гаал̣з, сзсам̣ банубхаяад̇т̇аби.
Juṇhe kappati, no kāḷe, sesaṃ panubhayatthapi.
493.
493.
ад̇т̇аабад̇д̇и д̇у хзманд̇з, на ход̇ийд̇аруд̇уд̣̇ваяз;
Atthāpatti tu hemante, na hotītarutudvaye;
г̇имхзязва на сзсзсу, вассз но ид̇арад̣̇ваяз.
Gimheyeva na sesesu, vasse no itaradvaye.
494.
494.
д̣̇инз баал̣ибад̣̇агкаад̇з, гад̇д̇игз бун̣н̣амаасияаа;
Dine pāḷipadakkhāte, kattike puṇṇamāsiyā;
табид̇ам̣ д̇у вигаббзд̇ваа, вассасаадигажийварам̣.
Ṭhapitaṃ tu vikappetvā, vassasāṭikacīvaraṃ.
495.
495.
аабаж̇ж̇ад̇и жа хзманд̇з, ниваасзд̇и жа д̇ам̣ сажз;
Āpajjati ca hemante, nivāseti ca taṃ sace;
бун̣н̣амаад̣̇ивасасмин̃хи, гад̇д̇игасса д̇у бажчимз.
Puṇṇamādivasasmiñhi, kattikassa tu pacchime.
496.
496.
д̇ам̣ абажжуд̣̇д̇харид̇ваава, хзманд̇зязва, нзд̇арз;
Taṃ apaccuddharitvāva, hemanteyeva, netare;
аабаж̇ж̇ад̇ийд̇и нид̣̇д̣̇идтам̣, гурунд̣̇адтагат̇ааяа д̇у.
Āpajjatīti niddiṭṭhaṃ, kurundaṭṭhakathāya tu.
497.
497.
‘‘ад̇ирзгамаасо =11 сзсо’’д̇и;
‘‘Atirekamāso =11 seso’’ti;
бариязсанд̇о жа г̇имхигз;
Pariyesanto ca gimhike;
г̇имхз аабаж̇ж̇ад̇аабад̇д̇им̣;
Gimhe āpajjatāpattiṃ;
на д̇взвид̇аруд̇уд̣̇ваяз.
Na tvevitarutudvaye.
498.
498.
виж̇ж̇амаанз сажз наг̇г̇о, вассасаадигажийварз;
Vijjamāne sace naggo, vassasāṭikacīvare;
овассаабзд̇и яо гааяам̣, вассз аабаж̇ж̇ад̇ийд̇ха со.
Ovassāpeti yo kāyaṃ, vasse āpajjatīdha so.
499.
499.
аабаж̇ж̇ад̇и хи сан̇гхова, на г̇ан̣о на жа буг̇г̇ало;
Āpajjati hi saṅghova, na gaṇo na ca puggalo;
г̇ан̣ова на жа сзсаа хи, буг̇г̇алова на жаабарз.
Gaṇova na ca sesā hi, puggalova na cāpare.
500.
500.
ад̇хидтаанам̣ гаронд̇о ваа, баарисуд̣̇д̇хиубосат̇ам̣;
Adhiṭṭhānaṃ karonto vā, pārisuddhiuposathaṃ;
сан̇гхо ваабаж̇ж̇ад̇аабад̇д̇им̣, на г̇ан̣о на жа буг̇г̇ало.
Saṅgho vāpajjatāpattiṃ, na gaṇo na ca puggalo.
501.
501.
суд̇д̇уд̣̇д̣̇зсамад̇хидтаанам̣, гаронд̇о ваа убосат̇ам̣;
Suttuddesamadhiṭṭhānaṃ, karonto vā uposathaṃ;
г̇ан̣о ваабаж̇ж̇ад̇аабад̇д̇им̣, на сан̇гхо на жа буг̇г̇ало.
Gaṇo vāpajjatāpattiṃ, na saṅgho na ca puggalo.
502.
502.
суд̇д̇уд̣̇д̣̇зсам̣ гаронд̇о ваа, зго бана убосат̇ам̣;
Suttuddesaṃ karonto vā, eko pana uposathaṃ;
буг̇г̇алобаж̇ж̇ад̇аабад̇д̇им̣, на жа сан̇гхо г̇ан̣о на жа.
Puggalopajjatāpattiṃ, na ca saṅgho gaṇo na ca.
503.
503.
аабаж̇ж̇ад̇и г̇илаанова, нааг̇илаано гат̇ам̣ бана;
Āpajjati gilānova, nāgilāno kathaṃ pana;
аабаж̇ж̇ад̇ааг̇илаанова, но г̇илаано убхоби жа?
Āpajjatāgilānova, no gilāno ubhopi ca?
504.
504.
бхзсаж̇ж̇зна банан̃н̃зна, ад̇т̇з сад̇и жа яо бана;
Bhesajjena panaññena, atthe sati ca yo pana;
вин̃н̃аабзд̇и д̇ад̣̇ан̃н̃ам̣ со, аабаж̇ж̇ад̇и агаллаго.
Viññāpeti tadaññaṃ so, āpajjati akallako.
505.
505.
на бхзсаж̇ж̇зна ад̇т̇зби, бхзсаж̇ж̇ам̣ вин̃н̃аабзд̇и жз;
Na bhesajjena atthepi, bhesajjaṃ viññāpeti ce;
аабаж̇ж̇ад̇ааг̇илаанова, сзсам̣ бана убхоби жа.
Āpajjatāgilānova, sesaṃ pana ubhopi ca.
506.
506.
ад̇т̇аабад̇д̇и хи анд̇ова, на б̣ахид̣̇д̇хаа, д̇ат̇аа б̣ахи;
Atthāpatti hi antova, na bahiddhā, tathā bahi;
аабаж̇ж̇ад̇и, на жзванд̇о, ад̇т̇аабад̇д̇убхаяад̇т̇аби.
Āpajjati, na cevanto, atthāpattubhayatthapi.
507.
507.
анубакаж̇ж̇а сзяяам̣ д̇у, габбзнд̇о бана гзвалам̣;
Anupakhajja seyyaṃ tu, kappento pana kevalaṃ;
аабаж̇ж̇ад̇и банаабад̇д̇им̣, анд̇оязва жа, но б̣ахи.
Āpajjati panāpattiṃ, antoyeva ca, no bahi.
508.
508.
аж̇жхогаасз д̇у ман̃жаад̣̇им̣, сант̇арид̇ваана баггамам̣;
Ajjhokāse tu mañcādiṃ, santharitvāna pakkamaṃ;
б̣ахиязва жа, но анд̇о, сзсам̣ банубхаяад̇т̇аби.
Bahiyeva ca, no anto, sesaṃ panubhayatthapi.
509.
509.
анд̇осиймааязваабад̇д̇им̣, б̣ахисиймааяа нзва жа;
Antosīmāyevāpattiṃ, bahisīmāya neva ca;
б̣ахисиймааяа, но анд̇о-сиймааяа, убхаяад̇т̇аби.
Bahisīmāya, no anto-sīmāya, ubhayatthapi.
510.
510.
сачад̇д̇убаахано =12 бхигку, бависанд̇о д̇абод̇хано;
Sachattupāhano =12 bhikkhu, pavisanto tapodhano;
убажаарасиймогганд̇з, анд̇о аабаж̇ж̇ад̇з бана.
Upacārasīmokkante, anto āpajjate pana.
511.
511.
г̇амиго д̣̇аарубхан̣д̣аад̣̇им̣, бадисааманавад̇д̇агам̣;
Gamiko dārubhaṇḍādiṃ, paṭisāmanavattakaṃ;
абуурзд̇ваана г̇ажчанд̇о, убажаарассад̇иггамз.
Apūretvāna gacchanto, upacārassatikkame.
512.
512.
аабаж̇ж̇ад̇и банаабад̇д̇им̣, б̣ахисиймааяаязва со;
Āpajjati panāpattiṃ, bahisīmāyayeva so;
сзсамаабаж̇ж̇ад̇з анд̇о-б̣ахисиймааяа саб̣б̣асо.
Sesamāpajjate anto-bahisīmāya sabbaso.
д̇игагат̇аа.
Tikakathā.
513.
513.
сагаваажааяа аабанно, бараваажааяа суж̇жхад̇и;
Sakavācāya āpanno, paravācāya sujjhati;
бараваажааяа аабанно, сагаваажааяа суж̇жхад̇и.
Paravācāya āpanno, sakavācāya sujjhati.
514.
514.
сагаваажааяа аабанно, сагаваажааяа суж̇жхад̇и;
Sakavācāya āpanno, sakavācāya sujjhati;
бараваажааяа аабанно, бараваажааяа суж̇жхад̇и.
Paravācāya āpanno, paravācāya sujjhati.
515.
515.
важийд̣̇вааригамаабад̇д̇им̣ , аабанно сагаваажад̇о;
Vacīdvārikamāpattiṃ , āpanno sakavācato;
д̇ин̣авад̇т̇аарагам̣ г̇анд̇ваа, бараваажааяа суж̇жхад̇и.
Tiṇavatthārakaṃ gantvā, paravācāya sujjhati.
516.
516.
д̇ат̇аа аббадиниссаг̇г̇з, баабигааяа хи д̣̇идтияаа;
Tathā appaṭinissagge, pāpikāya hi diṭṭhiyā;
барасса гаммаваажааяа, аабаж̇ж̇ид̇ваана важ̇ж̇ад̇ам̣.
Parassa kammavācāya, āpajjitvāna vajjataṃ.
517.
517.
д̣̇зсзнд̇о бхигкуно муулз, сагаваажааяа суж̇жхад̇и;
Desento bhikkhuno mūle, sakavācāya sujjhati;
важийд̣̇вааригамаабад̇д̇им̣, аабанно бхигкусанд̇игз.
Vacīdvārikamāpattiṃ, āpanno bhikkhusantike.
518.
518.
д̣̇зсзд̇ваа д̇ам̣ висуж̇жханд̇о, сагаваажааяа суж̇жхад̇и;
Desetvā taṃ visujjhanto, sakavācāya sujjhati;
сан̇гхаад̣̇исзсамаабад̇д̇им̣, яаавад̇ад̇ияагам̣ бана.
Saṅghādisesamāpattiṃ, yāvatatiyakaṃ pana.
519.
519.
барасса гаммаваажааяа, аабаж̇ж̇ид̇ваа д̇ат̇аа буна;
Parassa kammavācāya, āpajjitvā tathā puna;
барасса бариваасаад̣̇и-гаммаваажааяа суж̇жхад̇и.
Parassa parivāsādi-kammavācāya sujjhati.
520.
520.
гааязнаабаж̇ж̇ад̇аабад̇д̇им̣, ваажааяа жа висуж̇жхад̇и;
Kāyenāpajjatāpattiṃ, vācāya ca visujjhati;
ваажааяаабаж̇ж̇ад̇аабад̇д̇им̣, гааязна жа висуж̇жхад̇и.
Vācāyāpajjatāpattiṃ, kāyena ca visujjhati.
521.
521.
гааязнаабаж̇ж̇ад̇аабад̇д̇им̣, гааязнзва висуж̇жхад̇и;
Kāyenāpajjatāpattiṃ, kāyeneva visujjhati;
ваажааяаабаж̇ж̇ад̇аабад̇д̇им̣, ваажааязва висуж̇жхад̇и.
Vācāyāpajjatāpattiṃ, vācāyeva visujjhati.
522.
522.
гааяад̣̇вааригамаабад̇д̇им̣, гааязнаабаж̇ж̇ад̇з, буна;
Kāyadvārikamāpattiṃ, kāyenāpajjate, puna;
д̣̇зсзнд̇о д̇ам̣ банаабад̇д̇им̣, ваажааязва висуж̇жхад̇и.
Desento taṃ panāpattiṃ, vācāyeva visujjhati.
523.
523.
важийд̣̇вааригамаабад̇д̇им̣ =13, аабаж̇ж̇ид̇ваана ваажад̇о;
Vacīdvārikamāpattiṃ =13, āpajjitvāna vācato;
д̇ин̣авад̇т̇аарагам̣ г̇анд̇ваа, гааязнзва висуж̇жхад̇и.
Tiṇavatthārakaṃ gantvā, kāyeneva visujjhati.
524.
524.
гааяад̣̇вааригамаабад̇д̇им̣, аабаж̇ж̇ид̇ваана гааяад̇о;
Kāyadvārikamāpattiṃ, āpajjitvāna kāyato;
д̇ин̣авад̇т̇аарагам̣ г̇анд̇ваа, гааязнзва висуж̇жхад̇и.
Tiṇavatthārakaṃ gantvā, kāyeneva visujjhati.
525.
525.
важийд̣̇вааригамаабад̇д̇им̣, аабаж̇ж̇ид̇ваа д̇абод̇хано;
Vacīdvārikamāpattiṃ, āpajjitvā tapodhano;
д̇амзва бана д̣̇зсзнд̇о, ваажааязва висуж̇жхад̇и.
Tameva pana desento, vācāyeva visujjhati.
526.
526.
суд̇д̇о аабаж̇ж̇ад̇аабад̇д̇им̣, бадиб̣уд̣̇д̇хо висуж̇жхад̇и;
Sutto āpajjatāpattiṃ, paṭibuddho visujjhati;
аабанно бадиб̣уд̣̇д̇хова, суд̇д̇о суж̇жхад̇и со гат̇ам̣?
Āpanno paṭibuddhova, sutto sujjhati so kathaṃ?
527.
527.
суд̇д̇о аабаж̇ж̇ад̇аабад̇д̇им̣, суд̇д̇оязва висуж̇жхад̇и;
Sutto āpajjatāpattiṃ, suttoyeva visujjhati;
бадиб̣уд̣̇д̇хова аабанно, бадиб̣уд̣̇д̇хо висуж̇жхад̇и?
Paṭibuddhova āpanno, paṭibuddho visujjhati?
528.
528.
саг̇аарасзяяагаад̣̇им̣ д̇у, суд̇д̇о аабаж̇ж̇ад̇з наро;
Sagāraseyyakādiṃ tu, sutto āpajjate naro;
д̣̇зсзнд̇о бана д̇ам̣ н̃ад̇ваа, бадиб̣уд̣̇д̇хо висуж̇жхад̇и.
Desento pana taṃ ñatvā, paṭibuddho visujjhati.
529.
529.
аабаж̇ж̇ид̇ваана ж̇аг̇г̇анд̇о, д̇ин̣авад̇т̇аарагз бана;
Āpajjitvāna jagganto, tiṇavatthārake pana;
самат̇з д̇у саяанд̇ова, суд̇д̇о вудтаад̇и наама со.
Samathe tu sayantova, sutto vuṭṭhāti nāma so.
530.
530.
саг̇аарасзяяагаад̣̇им̣ д̇у, суд̇д̇о аабаж̇ж̇ад̇з наро;
Sagāraseyyakādiṃ tu, sutto āpajjate naro;
саяанд̇о д̇ин̣авад̇т̇аарз, суд̇д̇оязва висуж̇жхад̇и.
Sayanto tiṇavatthāre, suttoyeva visujjhati.
531.
531.
аабаж̇ж̇ид̇ваа банаабад̇д̇им̣, ж̇аг̇г̇анд̇о бана гзвалам̣;
Āpajjitvā panāpattiṃ, jagganto pana kevalaṃ;
д̣̇зсзнд̇о бана д̇ам̣ бажчаа, бадиб̣уд̣̇д̇хо висуж̇жхад̇и.
Desento pana taṃ pacchā, paṭibuddho visujjhati.
532.
532.
аабаж̇ж̇ид̇ваа ажид̇д̇ова, сажид̇д̇ова висуж̇жхад̇и;
Āpajjitvā acittova, sacittova visujjhati;
аабаж̇ж̇ид̇ваа сажид̇д̇ова, ажид̇д̇ова висуж̇жхад̇и.
Āpajjitvā sacittova, acittova visujjhati.
533.
533.
аабаж̇ж̇ид̇ваа ажид̇д̇ова, ажид̇д̇ова висуж̇жхад̇и;
Āpajjitvā acittova, acittova visujjhati;
аабаж̇ж̇ид̇ваа сажид̇д̇ова, сажид̇д̇ова висуж̇жхад̇и.
Āpajjitvā sacittova, sacittova visujjhati.
534.
534.
ажид̇д̇о, жид̇д̇агаабад̇д̇им̣, аабаж̇ж̇ид̇ваа д̇абод̇хано;
Acitto, cittakāpattiṃ, āpajjitvā tapodhano;
бажчаа д̇ам̣ бана д̣̇зсзнд̇о, сажид̇д̇ова висуж̇жхад̇и.
Pacchā taṃ pana desento, sacittova visujjhati.
535.
535.
д̇ат̇аа сажид̇д̇агаабад̇д̇им̣, аабаж̇ж̇ид̇ваа сажид̇д̇аго;
Tathā sacittakāpattiṃ, āpajjitvā sacittako;
саяанд̇о д̇ин̣авад̇т̇аарз, ажид̇д̇ова висуж̇жхад̇и.
Sayanto tiṇavatthāre, acittova visujjhati.
536.
536.
звамзвам̣ амиссзд̇ваа, бажчимам̣ д̇у бад̣̇ад̣̇ваяам̣;
Evamevaṃ amissetvā, pacchimaṃ tu padadvayaṃ;
зд̇т̇а вуд̇д̇аанусаарзна, взд̣̇ид̇аб̣б̣ам̣ вибхаавинаа.
Ettha vuttānusārena, veditabbaṃ vibhāvinā.
537.
537.
аабаж̇ж̇ад̇и =14 жа гаммзна, агаммзна висуж̇жхад̇и;
Āpajjati =14 ca kammena, akammena visujjhati;
аабаж̇ж̇ад̇и агаммзна, гаммзнзва висуж̇жхад̇и.
Āpajjati akammena, kammeneva visujjhati.
538.
538.
гаммзнаабаж̇ж̇ад̇аабад̇д̇им̣, гаммзнзва висуж̇жхад̇и;
Kammenāpajjatāpattiṃ, kammeneva visujjhati;
аабаж̇ж̇ад̇и агаммзна, агаммзна висуж̇жхад̇и.
Āpajjati akammena, akammena visujjhati.
539.
539.
ажжаж̇ам̣ баабигам̣ д̣̇идтим̣, аабаж̇ж̇ид̇ваана гаммад̇о;
Accajaṃ pāpikaṃ diṭṭhiṃ, āpajjitvāna kammato;
д̣̇зсзнд̇о бана д̇ам̣ бажчаа, агаммзна висуж̇жхад̇и.
Desento pana taṃ pacchā, akammena visujjhati.
540.
540.
висадтиаад̣̇игаабад̇д̇им̣ , аабаж̇ж̇ид̇ваа агаммад̇о;
Visaṭṭhiādikāpattiṃ , āpajjitvā akammato;
барисуж̇жхад̇и гаммзна, бариваасаад̣̇инаа бана.
Parisujjhati kammena, parivāsādinā pana.
541.
541.
саманубхаасанам̣ бхигку, аабаж̇ж̇ад̇и жа гаммад̇о;
Samanubhāsanaṃ bhikkhu, āpajjati ca kammato;
бариваасаад̣̇инаа бажчаа, гаммзнзва висуж̇жхад̇и.
Parivāsādinā pacchā, kammeneva visujjhati.
542.
542.
авасзсам̣ банаабад̇д̇им̣, аабаж̇ж̇ад̇и агаммад̇о;
Avasesaṃ panāpattiṃ, āpajjati akammato;
д̣̇зсзнд̇о бана д̇ам̣ бажчаа, агаммзнзва суж̇жхад̇и.
Desento pana taṃ pacchā, akammeneva sujjhati.
543.
543.
саммукаабад̇д̇имаабанно, висуж̇жхад̇и асаммукаа;
Sammukhāpattimāpanno, visujjhati asammukhā;
асаммукааби аабанно, саммукаава висуж̇жхад̇и.
Asammukhāpi āpanno, sammukhāva visujjhati.
544.
544.
саммукаабад̇д̇имаабанно, саммукаава висуж̇жхад̇и;
Sammukhāpattimāpanno, sammukhāva visujjhati;
асаммукаава аабанно, висуж̇жхад̇и асаммукаа.
Asammukhāva āpanno, visujjhati asammukhā.
545.
545.
ажжаж̇ам̣ баабагам̣ д̣̇идтим̣, аабанно сан̇гхасаммукз;
Accajaṃ pāpakaṃ diṭṭhiṃ, āpanno saṅghasammukhe;
вудтаанагаалз сан̇гхзна, гин̃жи гаммам̣ на виж̇ж̇ад̇и.
Vuṭṭhānakāle saṅghena, kiñci kammaṃ na vijjati.
546.
546.
висадтиаад̣̇игаабад̇д̇им̣, аабаж̇ж̇ид̇ваа асаммукаа;
Visaṭṭhiādikāpattiṃ, āpajjitvā asammukhā;
сан̇гхасаммукад̇оязва, висуж̇жхад̇и на жан̃н̃ат̇аа.
Saṅghasammukhatoyeva, visujjhati na caññathā.
547.
547.
саманубхаасанам̣ сан̇гха-саммукаабаж̇ж̇ад̇з, буна;
Samanubhāsanaṃ saṅgha-sammukhāpajjate, puna;
сан̇гхасса саммукааязва, висуж̇жхад̇и, на жан̃н̃ат̇аа.
Saṅghassa sammukhāyeva, visujjhati, na caññathā.
548.
548.
мусааваад̣̇аад̣̇игам̣ сзсам̣, аабаж̇ж̇ад̇и асаммукаа;
Musāvādādikaṃ sesaṃ, āpajjati asammukhā;
д̇ам̣ бажчаа бана д̣̇зсзнд̇о, висуж̇жхад̇и асаммукаа.
Taṃ pacchā pana desento, visujjhati asammukhā.
549.
549.
аж̇аананд̇ова аабанно, ж̇аананд̇ова висуж̇жхад̇и;
Ajānantova āpanno, jānantova visujjhati;
ж̇аананд̇о бана аабанно, аж̇аананд̇о висуж̇жхад̇и.
Jānanto pana āpanno, ajānanto visujjhati.
550.
550.
аж̇аананд̇ова аабанно, аж̇аананд̇о висуж̇жхад̇и;
Ajānantova āpanno, ajānanto visujjhati;
ж̇аананд̇о бана аабанно, ж̇аананд̇ова висуж̇жхад̇и.
Jānanto pana āpanno, jānantova visujjhati.
551.
551.
ажид̇д̇агажад̇уггзна =15, сад̣̇исам̣ саб̣б̣ат̇аа ид̣̇ам̣;
Acittakacatukkena =15, sadisaṃ sabbathā idaṃ;
аж̇аананд̇ажад̇угганд̇и, взд̣̇ид̇аб̣б̣ам̣ вибхаавинаа.
Ajānantacatukkanti, veditabbaṃ vibhāvinā.
552.
552.
ааг̇анд̇угова аабад̇д̇им̣, аабаж̇ж̇ад̇и, на жзд̇аро;
Āgantukova āpattiṃ, āpajjati, na cetaro;
ааваасигова аабад̇д̇им̣, аабаж̇ж̇ад̇и, на жзд̇аро.
Āvāsikova āpattiṃ, āpajjati, na cetaro.
553.
553.
ааг̇анд̇уго д̇ат̇аавааси-гоби аабаж̇ж̇арз убхо;
Āgantuko tathāvāsi-kopi āpajjare ubho;
ад̇т̇аабад̇д̇и жа сзсам̣ д̇у, убхо наабаж̇ж̇арз бана.
Atthāpatti ca sesaṃ tu, ubho nāpajjare pana.
554.
554.
сачад̇д̇убаахано жзва, сасийсам̣ бааруд̇оби жа;
Sachattupāhano ceva, sasīsaṃ pārutopi ca;
вихаарам̣ бависанд̇о жа, вижаранд̇оби д̇ад̇т̇а жа.
Vihāraṃ pavisanto ca, vicarantopi tattha ca.
555.
555.
ааг̇анд̇угова аабад̇д̇им̣, аабаж̇ж̇ад̇и, на жзд̇аро;
Āgantukova āpattiṃ, āpajjati, na cetaro;
ааваасавад̇д̇амааваасий, агаронд̇ова д̣̇осаваа.
Āvāsavattamāvāsī, akarontova dosavā.
556.
556.
на жзвааг̇анд̇уго, сзса-маабаж̇ж̇анд̇и убхоби жа;
Na cevāgantuko, sesa-māpajjanti ubhopi ca;
асаад̇хааран̣амаабад̇д̇им̣, наабаж̇ж̇анд̇и убхоби жа.
Asādhāraṇamāpattiṃ, nāpajjanti ubhopi ca.
557.
557.
вад̇т̇унаанад̇д̇ад̇аа ад̇т̇и, над̇т̇и аабад̇д̇инаанад̇аа;
Vatthunānattatā atthi, natthi āpattinānatā;
ад̇т̇и аабад̇д̇инаанад̇д̇ам̣, над̇т̇и вад̇т̇усса наанад̇аа.
Atthi āpattinānattaṃ, natthi vatthussa nānatā.
558.
558.
вад̇т̇унаанад̇д̇ад̇аа жзва, ад̇т̇и аабад̇д̇инаанад̇аа;
Vatthunānattatā ceva, atthi āpattinānatā;
нзвад̇т̇и вад̇т̇унаанад̇д̇ам̣, но жа аабад̇д̇инаанад̇аа.
Nevatthi vatthunānattaṃ, no ca āpattinānatā.
559.
559.
баарааж̇игажад̇уггасса, вад̇т̇унаанад̇д̇ад̇аа мад̇аа;
Pārājikacatukkassa, vatthunānattatā matā;
аабад̇д̇инаанад̇аа над̇т̇и, сзсаабад̇д̇ийсваяам̣ наяо.
Āpattinānatā natthi, sesāpattīsvayaṃ nayo.
560.
560.
саман̣о саман̣ий гааяа-сам̣саг̇г̇ам̣ д̇у гаронд̇и жз;
Samaṇo samaṇī kāya-saṃsaggaṃ tu karonti ce;
сан̇гхаад̣̇исзсо бхигкусса, бхигкунияаа барааж̇аяо.
Saṅghādiseso bhikkhussa, bhikkhuniyā parājayo.
561.
561.
звам̣ аабад̇д̇инаанад̇д̇ам̣, над̇т̇и вад̇т̇усса наанад̇аа;
Evaṃ āpattinānattaṃ, natthi vatthussa nānatā;
гааяасса бана сам̣саг̇г̇о, убхиннам̣ вад̇т̇у ход̇и хи.
Kāyassa pana saṃsaggo, ubhinnaṃ vatthu hoti hi.
562.
562.
д̇ат̇зва ласун̣ассааби, каад̣̇анз бхигкуний бана;
Tatheva lasuṇassāpi, khādane bhikkhunī pana;
аабаж̇ж̇ад̇и хи баажид̇д̇им̣, бхигкуно ход̇и д̣̇уггадам̣.
Āpajjati hi pācittiṃ, bhikkhuno hoti dukkaṭaṃ.
563.
563.
баарааж̇игаанам̣ бана жз жад̇уннам̣;
Pārājikānaṃ pana ce catunnaṃ;
сан̇гхаад̣̇исзсзхи жа д̇зрасзхи;
Saṅghādisesehi ca terasehi;
ход̇зва вад̇т̇усса жа наанабхааво;
Hoteva vatthussa ca nānabhāvo;
аабад̇д̇ияаа жзва хи наанабхааво.
Āpattiyā ceva hi nānabhāvo.
564.
564.
баарааж̇игаани =16 жад̇д̇аари, аабаж̇ж̇анд̇аанамзгад̇о;
Pārājikāni =16 cattāri, āpajjantānamekato;
бхигкунийсаман̣аанам̣ д̇у, убхиннам̣ бана саб̣б̣асо.
Bhikkhunīsamaṇānaṃ tu, ubhinnaṃ pana sabbaso.
565.
565.
вад̇т̇усса над̇т̇и наанад̇д̇ам̣, над̇т̇и аабад̇д̇инаанад̇аа;
Vatthussa natthi nānattaṃ, natthi āpattinānatā;
висум̣ банаабаж̇ж̇анд̇зсу, аяамзва винижчаяо.
Visuṃ panāpajjantesu, ayameva vinicchayo.
566.
566.
ад̇т̇и вад̇т̇усабхааг̇ад̇д̇ам̣, над̇т̇аабад̇д̇исабхааг̇ад̇аа;
Atthi vatthusabhāgattaṃ, natthāpattisabhāgatā;
ад̇т̇аабад̇д̇исабхааг̇ад̇аа, над̇т̇и вад̇т̇усабхааг̇ад̇аа.
Atthāpattisabhāgatā, natthi vatthusabhāgatā.
567.
567.
ад̇т̇и вад̇т̇усабхааг̇ад̇д̇ам̣, ад̇т̇аабад̇д̇исабхааг̇ад̇аа;
Atthi vatthusabhāgattaṃ, atthāpattisabhāgatā;
над̇т̇и вад̇т̇усабхааг̇ад̇д̇ам̣, над̇т̇аабад̇д̇исабхааг̇ад̇аа.
Natthi vatthusabhāgattaṃ, natthāpattisabhāgatā.
568.
568.
бхигкуунам̣ бхигкунийнан̃жа, гааяасам̣саг̇г̇агз сад̇и;
Bhikkhūnaṃ bhikkhunīnañca, kāyasaṃsaggake sati;
ад̇т̇и вад̇т̇усабхааг̇ад̇д̇ам̣, над̇т̇аабад̇д̇исабхааг̇ад̇аа.
Atthi vatthusabhāgattaṃ, natthāpattisabhāgatā.
569.
569.
аад̣̇ид̇о бана бхигкусса, жад̇уусванд̇имавад̇т̇усу;
Ādito pana bhikkhussa, catūsvantimavatthusu;
сияаабад̇д̇исабхааг̇ад̇д̇ам̣, на жа вад̇т̇усабхааг̇ад̇аа.
Siyāpattisabhāgattaṃ, na ca vatthusabhāgatā.
570.
570.
бхигкуунам̣ бхигкунийнан̃жа, жад̇уусванд̇и мавад̇т̇усу;
Bhikkhūnaṃ bhikkhunīnañca, catūsvanti mavatthusu;
ад̇т̇и вад̇т̇усабхааг̇ад̇д̇ам̣, ад̇т̇аабад̇д̇исабхааг̇ад̇аа.
Atthi vatthusabhāgattaṃ, atthāpattisabhāgatā.
571.
571.
саад̇хааран̣аасу саб̣б̣аасу, аабад̇д̇ийсвабяаяам̣ наяо;
Sādhāraṇāsu sabbāsu, āpattīsvapyayaṃ nayo;
асаад̇хааран̣аасу нзвад̇т̇и, вад̇т̇аабад̇д̇исабхааг̇ад̇аа.
Asādhāraṇāsu nevatthi, vatthāpattisabhāgatā.
572.
572.
ад̇т̇аабад̇д̇и убаж̇жхааяз, нзва сад̣̇д̇хивихааригз;
Atthāpatti upajjhāye, neva saddhivihārike;
ад̇т̇и сад̣̇д̇хивихаарасмим̣, убаж̇жхааяз на виж̇ж̇ад̇и.
Atthi saddhivihārasmiṃ, upajjhāye na vijjati.
573.
573.
ад̇т̇аабад̇д̇и убаж̇жхааяз, д̇ат̇аа сад̣̇д̇хивихааригз;
Atthāpatti upajjhāye, tathā saddhivihārike;
нзваабад̇д̇и убаж̇жхааяз, нзва сад̣̇д̇хивихааригз.
Nevāpatti upajjhāye, neva saddhivihārike.
574.
574.
убаж̇жхааязна гад̇д̇аб̣б̣а-вад̇д̇ассаагаран̣з бана;
Upajjhāyena kattabba-vattassākaraṇe pana;
убаж̇жхааяо пусз важ̇ж̇ам̣, на жа сад̣̇д̇хивихаариго.
Upajjhāyo phuse vajjaṃ, na ca saddhivihāriko.
575.
575.
убаж̇жхааяасса гад̇д̇аб̣б̣а-вад̇д̇ассаагаран̣з бана;
Upajjhāyassa kattabba-vattassākaraṇe pana;
над̇т̇аабад̇д̇и убаж̇жхааяз, ад̇т̇и сад̣̇д̇хивихааригз.
Natthāpatti upajjhāye, atthi saddhivihārike.
576.
576.
сзсам̣ банид̇ха аабад̇д̇им̣, аабаж̇ж̇анд̇и убхоби жа;
Sesaṃ panidha āpattiṃ, āpajjanti ubhopi ca;
асаад̇хааран̣амаабад̇д̇им̣, наабаж̇ж̇анд̇и убхоби жа.
Asādhāraṇamāpattiṃ, nāpajjanti ubhopi ca.
577.
577.
аад̣̇ияанд̇о г̇арум̣ д̣̇осам̣, баяож̇знд̇о лахум̣ пусз;
Ādiyanto garuṃ dosaṃ, payojento lahuṃ phuse;
аад̣̇ияанд̇о лахум̣ д̣̇осам̣, баяож̇знд̇о г̇арум̣ пусз.
Ādiyanto lahuṃ dosaṃ, payojento garuṃ phuse.
578.
578.
аад̣̇ияанд̇о =17 баяож̇знд̇о, г̇аругзязва д̇идтад̇и;
Ādiyanto =17 payojento, garukeyeva tiṭṭhati;
аад̣̇ияанд̇о баяож̇знд̇о, лахугзязва д̇идтад̇и.
Ādiyanto payojento, lahukeyeva tiṭṭhati.
579.
579.
баад̣̇ам̣ вааби д̇ад̇о уд̣̇д̇хам̣, аад̣̇ияанд̇о г̇арум̣ пусз;
Pādaṃ vāpi tato uddhaṃ, ādiyanto garuṃ phuse;
‘‘г̇ан̣хаа’’д̇и уунагам̣ баад̣̇ам̣, аан̣аабзнд̇о лахум̣ пусз.
‘‘Gaṇhā’’ti ūnakaṃ pādaṃ, āṇāpento lahuṃ phuse.
580.
580.
зд̇знзва убааязна, сзсагамби бад̣̇ад̇д̇аяам̣;
Eteneva upāyena, sesakampi padattayaṃ;
ад̇т̇асамбхавад̇оязва, взд̣̇ид̇аб̣б̣ам̣ вибхаавинаа.
Atthasambhavatoyeva, veditabbaṃ vibhāvinā.
581.
581.
гаалзязва банаабад̇д̇и, но вигаалз гат̇ам̣ сияаа?
Kāleyeva panāpatti, no vikāle kathaṃ siyā?
вигаалзязва аабад̇д̇и, на жа гаалз гат̇ам̣ сияаа?
Vikāleyeva āpatti, na ca kāle kathaṃ siyā?
582.
582.
ад̇т̇аабад̇д̇и хи гаалз жа, вигаалз жа багаасид̇аа?
Atthāpatti hi kāle ca, vikāle ca pakāsitā?
нзва гаалз вигаалз жа, ад̇т̇аабад̇д̇и багаасид̇аа?
Neva kāle vikāle ca, atthāpatti pakāsitā?
583.
583.
баваарзд̇ваана бхун̃ж̇анд̇о, гаалз анад̇ирид̇д̇агам̣;
Pavāretvāna bhuñjanto, kāle anatirittakaṃ;
гаалз аабаж̇ж̇ад̇аабад̇д̇им̣, на вигаалзд̇и д̣̇ийбаяз.
Kāle āpajjatāpattiṃ, na vikāleti dīpaye.
584.
584.
вигаалабхож̇анаабад̇д̇им̣, вигаалз на жа гаалагз;
Vikālabhojanāpattiṃ, vikāle na ca kālake;
сзсам̣ гаалз вигаалз жа, аабаж̇ж̇ад̇и, на сам̣саяо.
Sesaṃ kāle vikāle ca, āpajjati, na saṃsayo.
585.
585.
асаад̇хааран̣амаабад̇д̇им̣, бхигкунийнам̣ васаа бана;
Asādhāraṇamāpattiṃ, bhikkhunīnaṃ vasā pana;
нзваабаж̇ж̇ад̇и гаалзби, но вигаалзби саб̣б̣ад̣̇аа.
Nevāpajjati kālepi, no vikālepi sabbadā.
586.
586.
гим̣ бадиг̇г̇ахид̇ам̣ гаалз, но вигаалз д̇у габбад̇и?
Kiṃ paṭiggahitaṃ kāle, no vikāle tu kappati?
вигаалз гин̃жа но гаалз, г̇ахид̇ам̣ бана габбад̇и?
Vikāle kiñca no kāle, gahitaṃ pana kappati?
587.
587.
гаалз жзва вигаалз жа, гим̣ наама вад̣̇а габбад̇и?
Kāle ceva vikāle ca, kiṃ nāma vada kappati?
нзва гаалз жа гим̣ наама, но вигаалз жа габбад̇и?
Neva kāle ca kiṃ nāma, no vikāle ca kappati?
588.
588.
аамисам̣ д̇у бурзбхад̇д̇ам̣, бадиг̇г̇ахид̇агам̣ бана;
Āmisaṃ tu purebhattaṃ, paṭiggahitakaṃ pana;
гаалзязва д̇у бхигкуунам̣, но вигаалз д̇у габбад̇и.
Kāleyeva tu bhikkhūnaṃ, no vikāle tu kappati.
589.
589.
баанагам̣ д̇у вигааласмим̣, бадиг̇г̇ахид̇агам̣ бана;
Pānakaṃ tu vikālasmiṃ, paṭiggahitakaṃ pana;
вигаалзязва гаалз жа, абараж̇ж̇у на габбад̇и.
Vikāleyeva kāle ca, aparajju na kappati.
590.
590.
сад̇д̇аахагаалиган̃жзва , жад̇уд̇т̇ам̣ яааваж̇ийвигам̣;
Sattāhakālikañceva , catutthaṃ yāvajīvikaṃ;
гаалз жзва вигаалз жа, габбад̇ийд̇и винид̣̇д̣̇исз.
Kāle ceva vikāle ca, kappatīti viniddise.
591.
591.
ад̇д̇ано ад̇д̇ано гаала-мад̇ийд̇ам̣ гаалигад̇д̇аяам̣;
Attano attano kāla-matītaṃ kālikattayaṃ;
мам̣сам̣ агаббияан̃жзва, д̇ат̇аа уг̇г̇ахид̇амби жа.
Maṃsaṃ akappiyañceva, tathā uggahitampi ca.
592.
592.
гулад̣̇уусанагаммаад̣̇им̣ =18, гад̇ваа уббаннабхож̇анам̣;
Kuladūsanakammādiṃ =18, katvā uppannabhojanaṃ;
гаалз жзва вигаалз жа, на жа габбад̇и бхигкуно.
Kāle ceva vikāle ca, na ca kappati bhikkhuno.
593.
593.
бажжанд̇имзсу д̣̇зсзсу, аабаж̇ж̇ад̇и на маж̇жхимз;
Paccantimesu desesu, āpajjati na majjhime;
маж̇жхимз бана д̣̇зсасмим̣, на жа бажжанд̇имзсу хи.
Majjhime pana desasmiṃ, na ca paccantimesu hi.
594.
594.
бажжанд̇имзсу д̣̇зсзсу, аабаж̇ж̇ад̇и жа маж̇жхимз;
Paccantimesu desesu, āpajjati ca majjhime;
бажжанд̇имзсу д̣̇зсзсу, наабаж̇ж̇ад̇и на маж̇жхимз.
Paccantimesu desesu, nāpajjati na majjhime.
595.
595.
сиймам̣ самуд̣̇д̣̇з б̣анд̇ханд̇о, бхигку бажжанд̇имзсу хи;
Sīmaṃ samudde bandhanto, bhikkhu paccantimesu hi;
аабаж̇ж̇ад̇и банаабад̇д̇им̣, на жаабаж̇ж̇ад̇и маж̇жхимз.
Āpajjati panāpattiṃ, na cāpajjati majjhime.
596.
596.
г̇ан̣зна бан̃жаваг̇г̇зна, гаронд̇о убасамбад̣̇ам̣;
Gaṇena pañcavaggena, karonto upasampadaṃ;
жаммад̇т̇аран̣ам̣ д̇хуванхаанам̣, саг̇ун̣ан̇г̇ун̣убааханам̣.
Cammattharaṇaṃ dhuvanhānaṃ, saguṇaṅguṇupāhanaṃ.
597.
597.
д̇хаарзнд̇о маж̇жхимз важ̇ж̇ам̣, пусз бажжанд̇имзсу но;
Dhārento majjhime vajjaṃ, phuse paccantimesu no;
авасзсам̣ банаабад̇д̇им̣, аабаж̇ж̇ад̇уубхаяад̇т̇аби.
Avasesaṃ panāpattiṃ, āpajjatūbhayatthapi.
598.
598.
асаад̇хааран̣ааабад̇д̇им̣, бхигкунийнам̣ васаа бана;
Asādhāraṇaāpattiṃ, bhikkhunīnaṃ vasā pana;
бажжанд̇имзсу ваа бхигку, наабаж̇ж̇ад̇и на маж̇жхимз.
Paccantimesu vā bhikkhu, nāpajjati na majjhime.
599.
599.
бажжанд̇имзсу д̣̇зсзсу, габбад̇з на жа маж̇жхимз;
Paccantimesu desesu, kappate na ca majjhime;
габбад̇з, маж̇жхимз д̣̇зсз, но жа бажжанд̇имзсу хи.
Kappate, majjhime dese, no ca paccantimesu hi.
600.
600.
бажжанд̇имзсу д̣̇зсзсу, габбад̇з, маж̇жхимзби гим̣?
Paccantimesu desesu, kappate, majjhimepi kiṃ?
бажжанд̇имзсу жзвааби, гим̣ на габбад̇и маж̇жхимз?
Paccantimesu cevāpi, kiṃ na kappati majjhime?
601.
601.
бажжанд̇имзсу д̣̇зсзсу, вуд̇д̇ам̣ вад̇т̇у жад̇уб̣б̣ид̇хам̣;
Paccantimesu desesu, vuttaṃ vatthu catubbidhaṃ;
нид̣̇д̣̇исз габбад̇ий жзва, на жа габбад̇и маж̇жхимз.
Niddise kappatī ceva, na ca kappati majjhime.
602.
602.
‘‘ид̣̇ам̣ жад̇уб̣б̣ид̇хам̣ вад̇т̇у, д̣̇зсасмим̣ бана маж̇жхимз;
‘‘Idaṃ catubbidhaṃ vatthu, desasmiṃ pana majjhime;
на габбад̇ий’’д̇и вуд̇д̇ан̃хи, ‘‘маж̇жхимзязва габбад̇и’’.
Na kappatī’’ti vuttañhi, ‘‘majjhimeyeva kappati’’.
603.
603.
бажжанд̇имзсу д̣̇зсзсу, звам̣ вуд̇д̇ам̣ на габбад̇и;
Paccantimesu desesu, evaṃ vuttaṃ na kappati;
бан̃жалон̣аад̣̇игам̣ сзсам̣, убхаяад̇т̇аби габбад̇и.
Pañcaloṇādikaṃ sesaṃ, ubhayatthapi kappati.
604.
604.
агаббияанд̇и яам̣ наама, бадигкид̇д̇ам̣ махзсинаа;
Akappiyanti yaṃ nāma, paṭikkhittaṃ mahesinā;
убхаяад̇т̇аби д̇ам̣ саб̣б̣ам̣, на жа габбад̇и бхигкуно.
Ubhayatthapi taṃ sabbaṃ, na ca kappati bhikkhuno.
605.
605.
анд̇о аабаж̇ж̇ад̇аабад̇д̇им̣, аабаж̇ж̇ад̇и жа, но б̣ахи;
Anto āpajjatāpattiṃ, āpajjati ca, no bahi;
б̣ахи аабаж̇ж̇ад̇аабад̇д̇им̣, на жа анд̇о гуд̣̇аажанам̣.
Bahi āpajjatāpattiṃ, na ca anto kudācanaṃ.
606.
606.
аабаж̇ж̇ад̇и =19 бананд̇о жа, б̣ахи жзвубхаяад̇т̇аби;
Āpajjati =19 pananto ca, bahi cevubhayatthapi;
нзва анд̇о жа аабад̇д̇им̣, аабаж̇ж̇ад̇и жа, но б̣ахи.
Neva anto ca āpattiṃ, āpajjati ca, no bahi.
607.
607.
анубакаж̇ж̇асзяяаад̣̇им̣, анд̇оязва жа, но б̣ахи;
Anupakhajjaseyyādiṃ, antoyeva ca, no bahi;
сан̇гхигам̣ бана ман̃жаад̣̇им̣, аж̇жхогаасз д̇у гин̃жиби.
Saṅghikaṃ pana mañcādiṃ, ajjhokāse tu kiñcipi.
608.
608.
нигкибид̇ваана г̇ажчанд̇о, но анд̇о, б̣ахиязва жа;
Nikkhipitvāna gacchanto, no anto, bahiyeva ca;
сзсамаабаж̇ж̇ад̇аабад̇д̇им̣, анд̇о жзва д̇ат̇аа б̣ахи.
Sesamāpajjatāpattiṃ, anto ceva tathā bahi.
609.
609.
асаад̇хааран̣амаабад̇д̇им̣, бхигкунийнам̣ васаа бана;
Asādhāraṇamāpattiṃ, bhikkhunīnaṃ vasā pana;
нзваабаж̇ж̇ад̇и анд̇оби, на б̣ахид̣̇д̇хааби саб̣б̣ат̇аа.
Nevāpajjati antopi, na bahiddhāpi sabbathā.
610.
610.
г̇аамз аабаж̇ж̇ад̇аабад̇д̇им̣, но аран̃н̃з гат̇ам̣ вад̣̇а?
Gāme āpajjatāpattiṃ, no araññe kathaṃ vada?
аабаж̇ж̇ад̇и аран̃н̃асмим̣, на жа г̇аамз гат̇ам̣ вад̣̇а?
Āpajjati araññasmiṃ, na ca gāme kathaṃ vada?
611.
611.
аабаж̇ж̇ад̇и жа г̇аамзби, аран̃н̃зби гат̇ам̣ вад̣̇а?
Āpajjati ca gāmepi, araññepi kathaṃ vada?
нзваабаж̇ж̇ад̇и г̇аамзби, но аран̃н̃з гат̇ам̣ вад̣̇а?
Nevāpajjati gāmepi, no araññe kathaṃ vada?
612.
612.
анд̇арагхарасам̣яуд̇д̇аа, сзгкабан̃н̃ад̇д̇ияо бана;
Antaragharasaṃyuttā, sekkhapaññattiyo pana;
аабаж̇ж̇ад̇и хи д̇ам̣ бхигку, г̇аамасмим̣, но аран̃н̃агз.
Āpajjati hi taṃ bhikkhu, gāmasmiṃ, no araññake.
613.
613.
аг̇ан̣аа арун̣ам̣ наама, удтаабзнд̇ий жа бхигкуний;
Agaṇā aruṇaṃ nāma, uṭṭhāpentī ca bhikkhunī;
аабаж̇ж̇ад̇и банаабад̇д̇им̣, аран̃н̃з, но жа г̇аамагз.
Āpajjati panāpattiṃ, araññe, no ca gāmake.
614.
614.
мусааваад̣̇аад̣̇имаабад̇д̇им̣ , аабаж̇ж̇ад̇уубхаяад̇т̇аби;
Musāvādādimāpattiṃ , āpajjatūbhayatthapi;
асаад̇хааран̣амаабад̇д̇им̣, аабаж̇ж̇ад̇и на гад̇т̇ажи.
Asādhāraṇamāpattiṃ, āpajjati na katthaci.
615.
615.
аабаж̇ж̇ад̇и г̇илаанова, нааг̇илаано гуд̣̇аажанам̣;
Āpajjati gilānova, nāgilāno kudācanaṃ;
аг̇илаанова аабад̇д̇им̣, пусз, но жа г̇илаанаго.
Agilānova āpattiṃ, phuse, no ca gilānako.
616.
616.
аг̇илаано г̇илаано жа, аабаж̇ж̇анд̇и убхоби жа;
Agilāno gilāno ca, āpajjanti ubhopi ca;
наабаж̇ж̇анд̇и г̇илаано жа, аг̇илаано убхоби жа.
Nāpajjanti gilāno ca, agilāno ubhopi ca.
617.
617.
бхзсаж̇ж̇зна банан̃н̃зна, ад̇т̇з сад̇и жа яо бана;
Bhesajjena panaññena, atthe sati ca yo pana;
вин̃н̃аабзд̇и д̇ад̣̇ан̃н̃ам̣ со, аабаж̇ж̇ад̇и агаллаго.
Viññāpeti tadaññaṃ so, āpajjati akallako.
618.
618.
на бхзсаж̇ж̇зна ад̇т̇зби, бхзсаж̇ж̇ам̣ вин̃н̃аабзд̇и жз;
Na bhesajjena atthepi, bhesajjaṃ viññāpeti ce;
аабаж̇ж̇ад̇ааг̇илаанова, аабад̇д̇им̣ лоламаанасо.
Āpajjatāgilānova, āpattiṃ lolamānaso.
619.
619.
мусааваад̣̇аад̣̇игам̣ сзсам̣, аабаж̇ж̇анд̇и убхоби жа;
Musāvādādikaṃ sesaṃ, āpajjanti ubhopi ca;
асаад̇хааран̣амаабад̇д̇им̣, наабаж̇ж̇анд̇и убхоби жа.
Asādhāraṇamāpattiṃ, nāpajjanti ubhopi ca.
жад̇уггагат̇аа.
Catukkakathā.
620.
620.
бан̃жа =20 аабад̇д̇ияо хонд̇и, мусааваад̣̇асса гааран̣аа;
Pañca =20 āpattiyo honti, musāvādassa kāraṇā;
баарааж̇игам̣ г̇арум̣т̇улла-жжаяам̣ баажид̇д̇и д̣̇уггадам̣.
Pārājikaṃ garuṃthulla-ccayaṃ pācitti dukkaṭaṃ.
621.
621.
аанисам̣саа бануд̣̇д̣̇идтаа, бан̃жзва гат̇инад̇т̇арз;
Ānisaṃsā panuddiṭṭhā, pañceva kathinatthare;
анааманд̇аасамаад̣̇аана-жаран̣ам̣ г̇ан̣абхож̇анам̣.
Anāmantāsamādāna-caraṇaṃ gaṇabhojanaṃ.
622.
622.
яо д̇ад̇т̇а жийваруббаад̣̇о, со жа нзсам̣ бхависсад̇и;
Yo tattha cīvaruppādo, so ca nesaṃ bhavissati;
жийварам̣ яаавад̣̇ад̇т̇ан̃жа, г̇ахзд̇умби жа ваддад̇и.
Cīvaraṃ yāvadatthañca, gahetumpi ca vaṭṭati.
623.
623.
д̇злам̣ бан̃жавид̇хам̣ вуд̇д̇ам̣, ниббабан̃жзна сад̇т̇унаа;
Telaṃ pañcavidhaṃ vuttaṃ, nippapañcena satthunā;
васаа мад̇хугазран̣д̣а-д̇иласаасабасамбхавам̣.
Vasā madhukaeraṇḍa-tilasāsapasambhavaṃ.
624.
624.
ажчамажчавасаа жзва, сусугаа суугарасса жа;
Acchamacchavasā ceva, susukā sūkarassa ca;
г̇ад̣̇рабхасса васаа жзд̇и, васаа бан̃жавид̇хаа мад̇аа.
Gadrabhassa vasā ceti, vasā pañcavidhā matā.
625.
625.
муулаканд̇хаг̇г̇аб̣ийж̇аани , пал̣уб̣ийж̇ан̃жа бан̣д̣ид̇о;
Mūlakhandhaggabījāni , phaḷubījañca paṇḍito;
бан̃жамам̣ б̣ийж̇аб̣ийж̇анд̇и, бан̃жа б̣ийж̇аани д̣̇ийбаяз.
Pañcamaṃ bījabījanti, pañca bījāni dīpaye.
626.
626.
палам̣ саман̣агаббзхи, барибхун̃ж̇зяяа бан̃жахи;
Phalaṃ samaṇakappehi, paribhuñjeyya pañcahi;
аг̇г̇исад̇т̇анакагганд̇ам̣, аб̣ийж̇уб̣б̣аддаб̣ийж̇агам̣.
Aggisatthanakhakkantaṃ, abījubbaṭṭabījakaṃ.
627.
627.
бан̣н̣ун̣н̣ад̇ин̣ажол̣аанам̣, ваагасса жа васзнид̇ха;
Paṇṇuṇṇatiṇacoḷānaṃ, vākassa ca vasenidha;
бхисияо бхаасид̇аа бан̃жа, мунинаа моханаасинаа.
Bhisiyo bhāsitā pañca, muninā mohanāsinā.
628.
628.
бавааран̣ааби бан̃жзва, од̣̇анаад̣̇ийхи бан̃жахи;
Pavāraṇāpi pañceva, odanādīhi pañcahi;
бадиг̇г̇аахааби бан̃жзва, гааяаад̣̇иг̇ахан̣зна жа.
Paṭiggāhāpi pañceva, kāyādigahaṇena ca.
629.
629.
бан̃жаанисам̣саа винаяан̃н̃угасмим̣;
Pañcānisaṃsā vinayaññukasmiṃ;
махзсинаа гаарун̣игзна вуд̇д̇аа;
Mahesinā kāruṇikena vuttā;
сурагкид̇ам̣ ход̇и саган̃жа сийлам̣;
Surakkhitaṃ hoti sakañca sīlaṃ;
гуггужжаман̃н̃асса нираагарод̇и.
Kukkuccamaññassa nirākaroti.
630.
630.
висаарад̣̇о бхаасад̇и сан̇гхамаж̇жхз;
Visārado bhāsati saṅghamajjhe;
сукзна ниг̇г̇ан̣хад̇и взрибхигкуу;
Sukhena niggaṇhati veribhikkhū;
д̇хаммасса жзва тид̇ияаа бавад̇д̇о;
Dhammassa ceva ṭhitiyā pavatto;
д̇асмаад̣̇арам̣ д̇ад̇т̇а гарзяяа д̇хийро.
Tasmādaraṃ tattha kareyya dhīro.
бан̃жагагат̇аа.
Pañcakakathā.
631.
631.
чаважчзд̣̇анагаа =21 вуд̇д̇аа, чал̣абхин̃н̃зна д̇аад̣̇инаа;
Chavacchedanakā =21 vuttā, chaḷabhiññena tādinā;
ман̃жабийтамад̇игганд̇а-бамаан̣ан̃жа нисийд̣̇анам̣.
Mañcapīṭhamatikkanta-pamāṇañca nisīdanaṃ.
632.
632.
д̇ат̇аа ган̣д̣убадижчаад̣̇ий, вассасаадигажийварам̣;
Tathā kaṇḍupaṭicchādī, vassasāṭikacīvaraṃ;
жийварам̣ суг̇ад̇ассааби, жийварзна бамаан̣агам̣.
Cīvaraṃ sugatassāpi, cīvarena pamāṇakaṃ.
633.
633.
чахаагаарзхи аабад̇д̇им̣, аабаж̇ж̇ад̇и на ан̃н̃ат̇аа;
Chahākārehi āpattiṃ, āpajjati na aññathā;
алаж̇ж̇ид̇ааяа ан̃н̃аан̣а-гуггужжзхи д̇ат̇зва жа.
Alajjitāya aññāṇa-kukkuccehi tatheva ca.
634.
634.
вибарид̇ааяа сан̃н̃ааяа, габбиязби агаббияз;
Viparitāya saññāya, kappiyepi akappiye;
сад̇исаммосад̇о жзва, аабаж̇ж̇ад̇и, на сам̣саяо.
Satisammosato ceva, āpajjati, na saṃsayo.
635.
635.
чахи ан̇г̇зхи яуд̇д̇зна;
Chahi aṅgehi yuttena;
убасамбаад̣̇анаа бана;
Upasampādanā pana;
гаад̇аб̣б̣аа, ниссаяо жзва;
Kātabbā, nissayo ceva;
д̣̇аад̇аб̣б̣о, сааман̣зраго.
Dātabbo, sāmaṇerako.
636.
636.
бхигкунаабадтабзд̇аб̣б̣о, сад̇ад̇ам̣ д̇хаммажагкунаа;
Bhikkhunāpaṭṭhapetabbo, satataṃ dhammacakkhunā;
аабад̇д̇им̣ бана ж̇аанаад̇и, анаабад̇д̇им̣ г̇арум̣ лахум̣.
Āpattiṃ pana jānāti, anāpattiṃ garuṃ lahuṃ.
637.
637.
баад̇имогкаани вид̇т̇аараа, убхаяаани банасса хи;
Pātimokkhāni vitthārā, ubhayāni panassa hi;
свааг̇ад̇аани бхаванд̇зва, сувибхад̇д̇аани ад̇т̇ад̇о.
Svāgatāni bhavanteva, suvibhattāni atthato.
638.
638.
ануб̣яан̃ж̇анасо жзва, суд̇д̇асо сувинижчид̇аа;
Anubyañjanaso ceva, suttaso suvinicchitā;
д̣̇асавассоби ваа ход̇ид̇ирзгад̣̇асавассиго.
Dasavassopi vā hotitirekadasavassiko.
чаггагат̇аа.
Chakkakathā.
639.
639.
сад̇д̇а саамийжияо вуд̇д̇аа, сад̇д̇зва самат̇ааби жа;
Satta sāmīciyo vuttā, satteva samathāpi ca;
бан̃н̃ад̇д̇аабад̇д̇ияо сад̇д̇а, сад̇д̇аб̣ож̇жхан̇г̇ад̣̇ассинаа.
Paññattāpattiyo satta, sattabojjhaṅgadassinā.
сад̇д̇агагат̇аа.
Sattakakathā.
640.
640.
гулаани ид̇ха д̣̇уусзд̇и, аагаарзхи банадтахи;
Kulāni idha dūseti, ākārehi panaṭṭhahi;
бубпзна жа палзнааби, жун̣н̣знаби жа д̣̇уусаго.
Pupphena ca phalenāpi, cuṇṇenapi ca dūsako.
641.
641.
мад̇д̇игаад̣̇анд̇агадтзхи, взл̣уяаа взж̇ж̇игааяаби;
Mattikādantakaṭṭhehi, veḷuyā vejjikāyapi;
ж̇ан̇гхабзсанигзнааби, ааж̇ийвассзва гааран̣аа.
Jaṅghapesanikenāpi, ājīvasseva kāraṇā.
642.
642.
адтзваанад̇ирид̇д̇ааби , ад̇ирид̇д̇ааби адта жа;
Aṭṭhevānatirittāpi , atirittāpi aṭṭha ca;
агаббияагад̇ам̣ жзвааг̇ахид̇ужжаарид̇амби жа.
Akappiyakataṃ cevāgahituccāritampi ca.
643.
643.
гад̇ам̣ ахад̇т̇абаасзби, на жа бхуд̇д̇аавинаа гад̇ам̣;
Kataṃ ahatthapāsepi, na ca bhuttāvinā kataṃ;
баваарид̇зна яан̃жзва, гад̇ам̣ бхуд̇д̇аавинааби жа.
Pavāritena yañceva, kataṃ bhuttāvināpi ca.
644.
644.
аасанаа вудтид̇знааби, ад̇ирид̇д̇агад̇амби жа;
Āsanā vuṭṭhitenāpi, atirittakatampi ca;
авуд̇д̇амаламзд̇анд̇и, на г̇илаанаад̇ирид̇д̇агам̣.
Avuttamalametanti, na gilānātirittakaṃ.
645.
645.
имз адтзва нид̣̇д̣̇идтаа, н̃зяяаа анад̇ирид̇д̇агаа;
Ime aṭṭheva niddiṭṭhā, ñeyyā anatirittakā;
ад̇ирид̇д̇аа банзд̇зсам̣, бадигкзбзна д̣̇ийбид̇аа.
Atirittā panetesaṃ, paṭikkhepena dīpitā.
646.
646.
сахабуб̣б̣абаяог̇зсу, д̣̇уггадам̣ н̃аад̇ан̃ад̇д̇ису;
Sahapubbapayogesu, dukkaṭaṃ ñātañattisu;
д̣̇уруубажин̣н̣з аамаасз, д̣̇уггадам̣ бадисааванз.
Durūpaciṇṇe āmāse, dukkaṭaṃ paṭisāvane.
647.
647.
адтамам̣ бана нид̣̇д̣̇идтам̣, д̇ат̇аа винаяад̣̇уггадам̣;
Aṭṭhamaṃ pana niddiṭṭhaṃ, tathā vinayadukkaṭaṃ;
ид̇и адтавид̇хам̣ ход̇и, саб̣б̣амзва жа д̣̇уггадам̣.
Iti aṭṭhavidhaṃ hoti, sabbameva ca dukkaṭaṃ.
648.
648.
зхибхигкуубасамбад̣̇аа, саран̣аг̇аманзна жа;
Ehibhikkhūpasampadā, saraṇagamanena ca;
бан̃хааб̣яаагаран̣оваад̣̇аа, г̇аруд̇хаммабадиг̇г̇ахо.
Pañhābyākaraṇovādā, garudhammapaṭiggaho.
649.
649.
д̇ат̇аа н̃ад̇д̇ижад̇уд̇т̇зна, гаммзнзвадтаваажигаа;
Tathā ñatticatutthena, kammenevaṭṭhavācikā;
д̣̇ууд̇зна бхигкунийнанд̇и, адтзва убасамбад̣̇аа.
Dūtena bhikkhunīnanti, aṭṭheva upasampadā.
650.
650.
асад̣̇д̇хаммаа банадтзва, нид̣̇д̣̇идтаа суд̣̇д̇хад̣̇идтинаа;
Asaddhammā panaṭṭheva, niddiṭṭhā suddhadiṭṭhinā;
адтзвубосат̇ан̇г̇аани, взд̣̇ид̇аб̣б̣аани вин̃н̃унаа.
Aṭṭhevuposathaṅgāni, veditabbāni viññunā.
651.
651.
саггааро жа асаггааро;
Sakkāro ca asakkāro;
лаабхаалаабхо яасааяасо;
Lābhālābho yasāyaso;
баабижчаа баабамид̇д̇ад̇д̇ам̣;
Pāpicchā pāpamittattaṃ;
асад̣̇д̇хаммаа банадтимз.
Asaddhammā panaṭṭhime.
652.
652.
баан̣ам̣ на ханз, на жаад̣̇иннамаад̣̇ияз;
Pāṇaṃ na hane, na cādinnamādiye;
мусаа на бхаасз, на жа маж̇ж̇або сияаа;
Musā na bhāse, na ca majjapo siyā;
аб̣рахмажарияаа вирамзяяа мзт̇унаа;
Abrahmacariyā virameyya methunā;
рад̇д̇им̣ на бхун̃ж̇зяяа вигаалабхож̇анам̣.
Rattiṃ na bhuñjeyya vikālabhojanaṃ.
653.
653.
маалам̣ на д̇хаарз, на жа г̇анд̇хамаажарз;
Mālaṃ na dhāre, na ca gandhamācare;
ман̃жз чамааяам̣ва саязт̇а сант̇ад̇з;
Mañce chamāyaṃva sayetha santhate;
зд̇ан̃хи адтан̇г̇игамаахубосат̇ам̣;
Etañhi aṭṭhaṅgikamāhuposathaṃ;
б̣уд̣̇д̇хзна д̣̇угканд̇аг̇унаа багаасид̇ам̣.
Buddhena dukkhantagunā pakāsitaṃ.
654.
654.
адтзва бана баанаани, нид̣̇д̣̇идтаани махзсинаа;
Aṭṭheva pana pānāni, niddiṭṭhāni mahesinā;
бхигку адтан̇г̇асам̣яуд̇д̇о, бхигкуноваад̣̇амарахад̇и.
Bhikkhu aṭṭhaṅgasaṃyutto, bhikkhunovādamarahati.
адтагагат̇аа.
Aṭṭhakakathā.
655.
655.
бхож̇анаани бан̣ийд̇аани, нава вуд̇д̇аани сад̇т̇унаа;
Bhojanāni paṇītāni, nava vuttāni satthunā;
д̣̇уггадам̣ бана нид̣̇д̣̇идтам̣, нава мам̣саани каад̣̇ад̇о.
Dukkaṭaṃ pana niddiṭṭhaṃ, nava maṃsāni khādato.
656.
656.
баад̇имогкасса уд̣̇д̣̇зсаа, навзва барид̣̇ийбид̇аа;
Pātimokkhassa uddesā, naveva paridīpitā;
убосат̇аа навзвзд̇т̇а, сан̇гхо навахи бхиж̇ж̇ад̇и.
Uposathā navevettha, saṅgho navahi bhijjati.
навагагат̇аа.
Navakakathā.
657.
657.
д̣̇аса аггосавад̇т̇ууни, д̣̇аса сигкаабад̣̇аани жа;
Dasa akkosavatthūni, dasa sikkhāpadāni ca;
агаббияаани мам̣саани, д̣̇аса суггаани вз д̣̇аса.
Akappiyāni maṃsāni, dasa sukkāni ve dasa.
658.
658.
ж̇аад̇и нааман̃жа г̇од̇д̇ан̃жа, гаммам̣ сиббан̃жа рог̇ад̇аа;
Jāti nāmañca gottañca, kammaṃ sippañca rogatā;
лин̇г̇аабад̇д̇и гилзсаа жа, аггосзна д̣̇асзва хи.
Liṅgāpatti kilesā ca, akkosena daseva hi.
659.
659.
д̣̇аса аад̣̇ийнаваа ран̃н̃о, анд̇збураббавзсанз;
Dasa ādīnavā rañño, antepurappavesane;
д̣̇асаагаарзхи сан̇гхаад̣̇и-сзсо чаннод̇и д̣̇ийбид̇о.
Dasākārehi saṅghādi-seso channoti dīpito.
660.
660.
д̣̇аса гаммабат̇аа бун̃н̃аа, абун̃н̃ааби д̇ат̇аа д̣̇аса;
Dasa kammapathā puññā, apuññāpi tathā dasa;
д̣̇асзва д̣̇аанавад̇т̇ууни, д̣̇асзва рад̇анаани жа.
Daseva dānavatthūni, daseva ratanāni ca.
661.
661.
аннам̣ баанан̃жа вад̇т̇ан̃жа, маалаа г̇анд̇хавилзбанам̣;
Annaṃ pānañca vatthañca, mālā gandhavilepanaṃ;
яаанан̃жа сзяяаавасат̇ам̣, бад̣̇ийбзяяанд̇имз д̣̇аса.
Yānañca seyyāvasathaṃ, padīpeyyantime dasa.
662.
662.
аванд̣̇ияаа мунинд̣̇зна, д̣̇ийбид̇аа д̣̇аса буг̇г̇алаа;
Avandiyā munindena, dīpitā dasa puggalā;
д̣̇асзва бам̣сугуулаани, д̣̇аса жийварад̇хааран̣аа.
Daseva paṃsukūlāni, dasa cīvaradhāraṇā.
663.
663.
сосаанигам̣ баабан̣игам̣, д̇ат̇аа унд̣̇ууракааяид̇ам̣;
Sosānikaṃ pāpaṇikaṃ, tathā undūrakhāyitaṃ;
г̇окааяид̇аг̇г̇инаа д̣̇ад̣дхам̣, аж̇игуубажигакааяид̇ам̣.
Gokhāyitagginā daḍḍhaṃ, ajikūpacikakhāyitaṃ.
664.
664.
т̇уубажийвариган̃жзва, д̇ат̇зва абхисзгияам̣;
Thūpacīvarikañceva, tatheva abhisekiyaṃ;
г̇ад̇абажчааг̇ад̇ан̃жзд̇и, д̣̇асад̇хаа бам̣сугуулигам̣.
Gatapacchāgatañceti, dasadhā paṃsukūlikaṃ.
665.
665.
саб̣б̣анийлаад̣̇аяо вуд̇д̇аа, д̣̇аса жийварад̇хааран̣аа;
Sabbanīlādayo vuttā, dasa cīvaradhāraṇā;
жийвараани навзвзд̇т̇а, сад̣̇д̇хим̣ сам̣гажжигааяа жа.
Cīvarāni navevettha, saddhiṃ saṃkaccikāya ca.
д̣̇асагагат̇аа.
Dasakakathā.
666.
666.
згаад̣̇аса банаабхаб̣б̣аа, буг̇г̇алаа бан̣д̣агаад̣̇аяо;
Ekādasa panābhabbā, puggalā paṇḍakādayo;
хонд̇зваанубасамбаннаа, убасамбаад̣̇ид̇ааби жа.
Hontevānupasampannā, upasampāditāpi ca.
667.
667.
бад̇д̇аа агаббияаа вуд̇д̇аа, згаад̣̇аса бхаванд̇и хи;
Pattā akappiyā vuttā, ekādasa bhavanti hi;
д̣̇ааруж̇зна жа бад̇д̇зна, д̣̇асзва рад̇ануб̣бхаваа.
Dārujena ca pattena, daseva ratanubbhavā.
668.
668.
згаад̣̇аса д̇ат̇аа хонд̇и, баад̣̇угааби агаббияаа;
Ekādasa tathā honti, pādukāpi akappiyā;
згаад̣̇асзва сиймааяо, асиймаад̇и багаасид̇аа.
Ekādaseva sīmāyo, asīmāti pakāsitā.
669.
669.
ад̇икуд̣̇д̣̇аад̇имаханд̇аа, кан̣д̣ажчааяаанимид̇д̇агаа;
Atikhuddātimahantā, khaṇḍacchāyānimittakā;
анимид̇д̇аа, б̣ахидтзна, саммад̇аа, над̣̇ияам̣ д̇ат̇аа.
Animittā, bahiṭṭhena, sammatā, nadiyaṃ tathā.
670.
670.
ж̇аад̇ассарз, самуд̣̇д̣̇з ваа, самбхиннаж̇жход̇т̇адааби жа;
Jātassare, samudde vā, sambhinnajjhotthaṭāpi ca;
сиймааяаби асиймааяо, згаад̣̇аса имаа сияум̣.
Sīmāyapi asīmāyo, ekādasa imā siyuṃ.
671.
671.
згаад̣̇асзва бат̇авий, габбияаа жа агаббияаа;
Ekādaseva pathavī, kappiyā ca akappiyā;
г̇ан̣тигаа габбияаа вуд̇д̇аа, згаад̣̇аса жа вийд̇хагаа.
Gaṇṭhikā kappiyā vuttā, ekādasa ca vīdhakā.
672.
672.
згаад̣̇асавид̇хам̣ вуд̇д̇ам̣, ад̇хидтаад̇аб̣б̣ажийварам̣;
Ekādasavidhaṃ vuttaṃ, adhiṭṭhātabbacīvaraṃ;
д̇ижийварам̣ д̇ат̇аа ган̣д̣у-бадижчаад̣̇ий, нисийд̣̇анам̣.
Ticīvaraṃ tathā kaṇḍu-paṭicchādī, nisīdanaṃ.
673.
673.
бажжад̇т̇аран̣ам̣, вассига-саадигаа, мукабун̃чанам̣;
Paccattharaṇaṃ, vassika-sāṭikā, mukhapuñchanaṃ;
д̣̇агасаади, баригкаара-жол̣ам̣, сам̣гажжигааби жа.
Dakasāṭi, parikkhāra-coḷaṃ, saṃkaccikāpi ca.
674.
674.
яаавад̇ад̇ияагаа саб̣б̣з, згаад̣̇аса багаасид̇аа;
Yāvatatiyakā sabbe, ekādasa pakāsitā;
аридто, жан̣д̣агаал̣ий жа, угкид̇д̇ассаанувад̇д̇игаа.
Ariṭṭho, caṇḍakāḷī ca, ukkhittassānuvattikā.
675.
675.
адта сан̇гхаад̣̇исзсзсу, убхиннам̣ д̇у васаа бана;
Aṭṭha saṅghādisesesu, ubhinnaṃ tu vasā pana;
згаад̣̇аса имз яаава-д̇ад̇ияаад̇и багаасид̇аа.
Ekādasa ime yāva-tatiyāti pakāsitā.
676.
676.
ниссаяасса д̣̇асзгаава, бадиббассад̣̇д̇хияо бана;
Nissayassa dasekāva, paṭippassaddhiyo pana;
чад̇хаажарияад̇о вуд̇д̇аа, убаж̇жхааяаа д̇у бан̃жад̇хаа.
Chadhācariyato vuttā, upajjhāyā tu pañcadhā.
згаад̣̇асагагат̇аа.
Ekādasakakathā.
677.
677.
д̇зрасзва д̇худ̇ан̇г̇аани, барамаани жа жуд̣̇д̣̇аса;
Teraseva dhutaṅgāni, paramāni ca cuddasa;
сол̣асзва д̇у ‘‘ж̇аана’’нд̇и, бан̃н̃ад̇д̇аани махзсинаа.
Soḷaseva tu ‘‘jāna’’nti, paññattāni mahesinā.
678.
678.
сауд̇д̇арам̣ винаяавинижчаяам̣ д̇у яо;
Sauttaraṃ vinayavinicchayaṃ tu yo;
ануд̇д̇арам̣ сагаламабийд̇ха ж̇аанад̇и;
Anuttaraṃ sakalamapīdha jānati;
махад̇д̇арз винаяанаяз ануд̇д̇арз;
Mahattare vinayanaye anuttare;
нируд̇д̇аро бхавад̇и хи со, на сам̣саяо.
Niruttaro bhavati hi so, na saṃsayo.
згуд̇д̇аранаяо самад̇д̇о.
Ekuttaranayo samatto.
