Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
ஏகுத்தரனயகதா²வண்ணனா
Ekuttaranayakathāvaṇṇanā
424. இதோ பரந்தி இதோ ஸமுட்டா²னவினிச்ச²யகதா²ய பரங். பரந்தி உத்தமங். ஏகுத்தரங் நயந்தி ஏகேகஅங்கா³திரேகதாய ஏகுத்தரஸங்கா²தங் ஏககது³காதி³னயங்.
424.Ito paranti ito samuṭṭhānavinicchayakathāya paraṃ. Paranti uttamaṃ. Ekuttaraṃ nayanti ekekaaṅgātirekatāya ekuttarasaṅkhātaṃ ekakadukādinayaṃ.
425-7. கே ஆபத்திகரா த⁴ம்மா…பே॰… கா சாதே³ஸனகா³மினீதி ஏகேகபஞ்ஹவஸேன உத்தானத்தோ²யேவ.
425-7.Ke āpattikarā dhammā…pe… kā cādesanagāminīti ekekapañhavasena uttānatthoyeva.
428. ஸமுட்டா²னானீதி ஆதி³கோ விஸ்ஸஜ்ஜனஸங்கா²தோ உத்தரவாதோ³. தத்த² ஸமுட்டா²னானி…பே॰… தீ³பிதாதி யஸ்மா ஏதேஸங் வஸேன புக்³க³லோ ஆபத்திங் கரோதி ஆபஜ்ஜதி, தஸ்மா ‘‘ஆபத்திகரா’’தி வுத்தா.
428.Samuṭṭhānānīti ādiko vissajjanasaṅkhāto uttaravādo. Tattha samuṭṭhānāni…pe… dīpitāti yasmā etesaṃ vasena puggalo āpattiṃ karoti āpajjati, tasmā ‘‘āpattikarā’’ti vuttā.
429. தத்தா²தி தாஸு ஆபத்தீஸு. லஹுகாதி லஹுகேன வினயகம்மேன விஸுஜ்ஜ²னதோ லஹுகா. க³ருகேன வினயகம்மேன விஸுஜ்ஜ²னதோ ஸங்கா⁴தி³ஸேஸாபத்தி, கேனசி ஆகாரேன அனாபத்திபா⁴வங் உபனேதுங் அஸக்குணெய்யதோ பாராஜிகாபத்தி ச க³ருகாபத்தி நாம, தா பன லஹுகாஸு வுத்தாஸு தப்³பி³பரியாயதோ ஞாதுங் ஸக்காதி விஸ்ஸஜ்ஜனே விஸுங் ந வுத்தா.
429.Tatthāti tāsu āpattīsu. Lahukāti lahukena vinayakammena visujjhanato lahukā. Garukena vinayakammena visujjhanato saṅghādisesāpatti, kenaci ākārena anāpattibhāvaṃ upanetuṃ asakkuṇeyyato pārājikāpatti ca garukāpatti nāma, tā pana lahukāsu vuttāsu tabbipariyāyato ñātuṃ sakkāti vissajjane visuṃ na vuttā.
431. து³ட்டு²ங் குச்சி²தபா⁴வங் பரமஜேகு³ச்ச²ங் நிந்த³னீயபா⁴வங் உலதி க³ச்ச²தீதி து³ட்டு²ல்லங், பாராஜிகஸங்கா⁴தி³ஸேஸங். தேனாஹ ‘‘து³விதா⁴பத்தி ஆதி³தோ’’தி.
431. Duṭṭhuṃ kucchitabhāvaṃ paramajegucchaṃ nindanīyabhāvaṃ ulati gacchatīti duṭṭhullaṃ, pārājikasaṅghādisesaṃ. Tenāha ‘‘duvidhāpatti ādito’’ti.
432. பஞ்சானந்தரியஸங்யுத்தாதி மாதுகா⁴தகபிதுகா⁴தகஅரஹந்தகா⁴தகேஹி ஆபன்னா மனுஸ்ஸவிக்³க³ஹபாராஜிகாபத்தி ச லோஹிதுப்பாத³கஸங்க⁴பே⁴த³கானங் அப⁴ப்³ப³தாஹேதுகா காயவசீத்³வாரப்பவத்தா அகுஸலசேதனாஸங்கா²தா பாராஜிகா ச அனந்தரமேவ அபாயுப்பத்திஹேதுதாய இமே பஞ்ச அனந்தரஸங்யுத்தா நாம. தா பன மிச்ச²த்தனியதேஸு அந்தோக³த⁴த்தா ‘‘நியதா’’தி வுத்தா.
432.Pañcānantariyasaṃyuttāti mātughātakapitughātakaarahantaghātakehi āpannā manussaviggahapārājikāpatti ca lohituppādakasaṅghabhedakānaṃ abhabbatāhetukā kāyavacīdvārappavattā akusalacetanāsaṅkhātā pārājikā ca anantarameva apāyuppattihetutāya ime pañca anantarasaṃyuttā nāma. Tā pana micchattaniyatesu antogadhattā ‘‘niyatā’’ti vuttā.
பரிவாரே (பரி॰ 321) பன அஞ்ஞேபி அந்தராயிகாதீ³ ப³ஹூ ஏககா த³ஸ்ஸிதா, தே பன க³ந்த²பீ⁴ருகஜனானுக்³க³ஹேன ஆசரியேன இத⁴ ந த³ஸ்ஸிதா. அத்தி²கேஹி பரிவாரேயேவ (பரி॰ 321) க³ஹேதப்³பா³. எத்த² ச ஸத்தபி ஆபத்தியோ ஸஞ்சிச்ச வீதிக்கந்தா ஸக்³க³ந்தராயஞ்சேவ மொக்க²ந்தராயஞ்ச கரொந்தீதி அந்தராயிகா. அஜானந்தேன வீதிக்கந்தா பன பண்ணத்திவஜ்ஜாபத்தி நேவ ஸக்³க³ந்தராயங், ந மொக்க²ந்தராயங் கரோதீதி அனந்தராயிகா. அந்தராயிகங் ஆபன்னஸ்ஸபி தே³ஸனாகா³மினிங் தே³ஸெத்வா வுட்டா²னகா³மினிதோ வுட்டா²ய ஸுத்³தி⁴பத்தஸ்ஸ, ஸாமணேரபூ⁴மியங் டி²தஸ்ஸ ச அவாரிதோ ஸக்³க³மக்³க³மொக்க²மக்³கோ³தி.
Parivāre (pari. 321) pana aññepi antarāyikādī bahū ekakā dassitā, te pana ganthabhīrukajanānuggahena ācariyena idha na dassitā. Atthikehi parivāreyeva (pari. 321) gahetabbā. Ettha ca sattapi āpattiyo sañcicca vītikkantā saggantarāyañceva mokkhantarāyañca karontīti antarāyikā. Ajānantena vītikkantā pana paṇṇattivajjāpatti neva saggantarāyaṃ, na mokkhantarāyaṃ karotīti anantarāyikā. Antarāyikaṃ āpannassapi desanāgāminiṃ desetvā vuṭṭhānagāminito vuṭṭhāya suddhipattassa, sāmaṇerabhūmiyaṃ ṭhitassa ca avārito saggamaggamokkhamaggoti.
ஏகககதா²வண்ணனா.
Ekakakathāvaṇṇanā.
435. அத்³த⁴விஹீனோ நாம ஊனவீஸதிவஸ்ஸோ. அங்க³விஹீனோ நாம ஹத்த²ச்சி²ன்னாதி³பே⁴தோ³. வத்து²விபன்னோ நாம பண்ட³கோ, திரச்சா²னக³தோ, உப⁴தொப்³யஞ்ஜனகோ ச. அவஸேஸா தெ²ய்யஸங்வாஸகாத³யோ அட்ட² அப⁴ப்³ப³ட்டா²னப்பத்தா து³க்கடகாரினோ நாம, இமஸ்மிங்யேவ அத்தபா⁴வே து³க்கடேன அத்தனோ கம்மேன அப⁴ப்³ப³ட்டா²னப்பத்தாதி அத்தோ². அபரிபுண்ணோதி அபரிபுண்ணபத்தசீவரோ. நோ யாசதீதி உபஸம்பன்னங் ந யாசதி. படிஸித்³தா⁴தி ‘‘த்³வே புக்³க³லா ந உபஸம்பாதே³தப்³பா³’’திஆதி³னா (பரி॰ 322) வாரிதா.
435.Addhavihīno nāma ūnavīsativasso. Aṅgavihīno nāma hatthacchinnādibhedo. Vatthuvipanno nāma paṇḍako, tiracchānagato, ubhatobyañjanako ca. Avasesā theyyasaṃvāsakādayo aṭṭha abhabbaṭṭhānappattā dukkaṭakārino nāma, imasmiṃyeva attabhāve dukkaṭena attano kammena abhabbaṭṭhānappattāti attho. Aparipuṇṇoti aparipuṇṇapattacīvaro. No yācatīti upasampannaṃ na yācati. Paṭisiddhāti ‘‘dve puggalā na upasampādetabbā’’tiādinā (pari. 322) vāritā.
436. ஹவேதி ஏகங்ஸத்தே² நிபாதோ. லத்³த⁴ஸமாபத்திஸ்ஸ பி⁴க்கு²னோ தீ³பிதா ஆபத்தி அத்தி² ஹவே அத்தே²வ. நோ லத்³த⁴ஸமாபத்திஸ்ஸாதி அலத்³த⁴ஸமாபத்திஸ்ஸ தீ³பிதா ஆபத்தி அத்தே²வாதி யோஜனா.
436.Haveti ekaṃsatthe nipāto. Laddhasamāpattissa bhikkhuno dīpitā āpatti atthi have attheva. No laddhasamāpattissāti aladdhasamāpattissa dīpitā āpatti atthevāti yojanā.
437. பூ⁴தஸ்ஸாதி அத்தனி ஸந்தஸ்ஸ உத்தரிமனுஸ்ஸத⁴ம்மஸ்ஸ. அபூ⁴தாரோசனாபத்தீதி சதுத்த²பாராஜிகாபத்தி. அஸமாபத்திலாபி⁴னோ நித்³தி³ஸேதி யோஜனா.
437.Bhūtassāti attani santassa uttarimanussadhammassa. Abhūtārocanāpattīti catutthapārājikāpatti. Asamāpattilābhino niddiseti yojanā.
438. ‘‘அத்தி² ஸத்³த⁴ம்மஸங்யுத்தா’’திஆதீ³ஸு அத்தி²-ஸத்³தோ³ பச்சத்தேகவசனந்தேஹி பச்சேகங் யோஜேதப்³போ³.
438.‘‘Atthisaddhammasaṃyuttā’’tiādīsu atthi-saddo paccattekavacanantehi paccekaṃ yojetabbo.
439. பத³ஸோத⁴ம்மமூலாதீ³தி ஆதி³-ஸத்³தே³ன ‘‘உத்தரிச²ப்பஞ்சவாசாத⁴ம்மதே³ஸனா’’தி ஆபத்தீனங் க³ஹணங்.
439.Padasodhammamūlādīti ādi-saddena ‘‘uttarichappañcavācādhammadesanā’’ti āpattīnaṃ gahaṇaṃ.
440. போ⁴கே³தி பரிபோ⁴கே³. ‘‘ஸபரிக்கா²ரஸங்யுதா’’தி இத³ஞ்ச நித³ஸ்ஸனமத்தங். ‘‘பத்தசீவரானங் நிஸ்ஸஜ்ஜனே, கிலிட்ட²சீவரானங் அதோ⁴வனே, மலக்³க³ஹிதபத்தஸ்ஸ அபசனே’’தி ஏவமாதி³கா அயுத்தபரிபோ⁴கா³ ஆபத்தியோபி ஸகபரிக்கா²ரஸங்யுத்தாயேவ.
440.Bhogeti paribhoge. ‘‘Saparikkhārasaṃyutā’’ti idañca nidassanamattaṃ. ‘‘Pattacīvarānaṃ nissajjane, kiliṭṭhacīvarānaṃ adhovane, malaggahitapattassa apacane’’ti evamādikā ayuttaparibhogā āpattiyopi sakaparikkhārasaṃyuttāyeva.
441. மஞ்சபீடா²தி³ந்தி ஆதி³-ஸத்³தே³ன பி⁴ஸிஆதீ³னங் க³ஹணங். அஜ்ஜோ²காஸத்த²ரேபி சாதி அஜ்ஜோ²காஸே அத்த²ரே அத்த²ராபனே ஸதி. அனாபுச்சா²வ க³மனேதி அனாபுச்சி²த்வா வா க³மனே. வா-ஸத்³தே³ன அனுத்³த⁴ரித்வா வா அனுத்³த⁴ராபெத்வா வா க³மனங் ஸங்க³ண்ஹாதி. பரஸந்தகஸங்யுதாதி பரபரிக்கா²ரபடிப³த்³தா⁴.
441.Mañcapīṭhādinti ādi-saddena bhisiādīnaṃ gahaṇaṃ. Ajjhokāsattharepi cāti ajjhokāse atthare attharāpane sati. Anāpucchāva gamaneti anāpucchitvā vā gamane. Vā-saddena anuddharitvā vā anuddharāpetvā vā gamanaṃ saṅgaṇhāti. Parasantakasaṃyutāti paraparikkhārapaṭibaddhā.
443. ‘‘ஸிக²ரணீஸீ’’தி யங் வசனங் ஸச்சங், தங் ப⁴ணதோ க³ருகங் து³ட்டு²ல்லவாசாஸங்கா⁴தி³ஸேஸோ ஸியாதி யோஜனா.
443. ‘‘Sikharaṇīsī’’ti yaṃ vacanaṃ saccaṃ, taṃ bhaṇato garukaṃ duṭṭhullavācāsaṅghādiseso siyāti yojanā.
445. க³ருகாபத்தீதி உத்தரிமனுஸ்ஸத⁴ம்மபாராஜிகாபத்தி. பூ⁴தஸ்ஸாரோசனேதி பூ⁴தஸ்ஸ உத்தரிமனுஸ்ஸத⁴ம்மஸ்ஸ அனுபஸம்பன்னஸ்ஸ ஆரோசனே. ஸச்சங் வத³தோதி ஸச்சங் வசனங் வத³ந்தஸ்ஸ. லஹுகாதி பாசித்தியாபத்தி.
445.Garukāpattīti uttarimanussadhammapārājikāpatti. Bhūtassārocaneti bhūtassa uttarimanussadhammassa anupasampannassa ārocane. Saccaṃ vadatoti saccaṃ vacanaṃ vadantassa. Lahukāti pācittiyāpatti.
447. விகோபேதுந்தி வக்³க³கரணேன விகோபேதுங். ஹத்த²பாஸங் ஜஹந்தி அந்தோஸீமாய ஏவ ஹத்த²பாஸங் ஜஹந்தோ, ஹத்த²பாஸங் ஜஹித்வா ஏகமந்தங் நிஸீத³ந்தோதி அத்தோ². பு²ஸேதி பூ⁴மிக³தோ பு²ஸெய்ய.
447.Vikopetunti vaggakaraṇena vikopetuṃ. Hatthapāsaṃ jahanti antosīmāya eva hatthapāsaṃ jahanto, hatthapāsaṃ jahitvā ekamantaṃ nisīdantoti attho. Phuseti bhūmigato phuseyya.
448. வேஹாஸகுடியா உபரி ஆஹச்சபாத³கங் மஞ்சங் வா பீட²ங் வா அபி⁴னிஸீத³ந்தோ வேஹாஸக³தோ ஆபஜ்ஜதீதி யோஜனா. ஸசே தங் பூ⁴மியங் பஞ்ஞபெத்வா நிஸஜ்ஜெய்ய, ந ஆபஜ்ஜெய்ய. தேன வுத்தங் ‘‘ந பூ⁴மிதோ’’தி.
448. Vehāsakuṭiyā upari āhaccapādakaṃ mañcaṃ vā pīṭhaṃ vā abhinisīdanto vehāsagato āpajjatīti yojanā. Sace taṃ bhūmiyaṃ paññapetvā nisajjeyya, na āpajjeyya. Tena vuttaṃ ‘‘na bhūmito’’ti.
449. பவிஸந்தோதி ஆராமங் பவிஸந்தோ. நிக்க²மந்தி ததோ ஏவ நிக்க²மந்தோ. தந்தி ஆராமங்.
449.Pavisantoti ārāmaṃ pavisanto. Nikkhamanti tato eva nikkhamanto. Tanti ārāmaṃ.
450. வத்தமபூரெத்வானாதி ஸீஸதோ ச²த்தாபனயனங், பாத³தோ உபாஹனாமுஞ்சனவத்தங் அகத்வா. நிக்க²மந்தி ப³ஹி நிக்க²மந்தோ ச²த்துபாஹனங் தா⁴ரெந்தோபி ந ஆபஜ்ஜதி.
450.Vattamapūretvānāti sīsato chattāpanayanaṃ, pādato upāhanāmuñcanavattaṃ akatvā. Nikkhamanti bahi nikkhamanto chattupāhanaṃ dhārentopi na āpajjati.
451. ‘‘நிக்க²மந்தோ’’தி இத³ங் ‘‘நிக்க²ம’’ந்தி ஏதஸ்ஸ அத்த²பத³ங். பவிஸங் ந சாதி யங் ஆராமங் ஸந்தா⁴ய க³தோ, தங் பவிஸந்தோ ந ஆபஜ்ஜெய்ய.
451.‘‘Nikkhamanto’’ti idaṃ ‘‘nikkhama’’nti etassa atthapadaṃ. Pavisaṃ na cāti yaṃ ārāmaṃ sandhāya gato, taṃ pavisanto na āpajjeyya.
453. யா காசி பி⁴க்கு²னீ அதிக³ம்பீ⁴ரங் உத³கஸுத்³தி⁴கங் ஆதி³யந்தீ ஆபத்திங் ஆபஜ்ஜதீதி யோஜனா.
453. Yā kāci bhikkhunī atigambhīraṃ udakasuddhikaṃ ādiyantī āpattiṃ āpajjatīti yojanā.
457. வத்தங் பனத்தனோதி யங் அத்தனோ நெத்தா²ரவத்தங் வுத்தங், ஸோ தங் அஸமாதி³யந்தோவ ஆபஜ்ஜதி நாமாதி யோஜனா.
457.Vattaṃ panattanoti yaṃ attano netthāravattaṃ vuttaṃ, so taṃ asamādiyantova āpajjati nāmāti yojanā.
460. இதரஸ்ஸ ஆசரியஸ்ஸ, ததா² ஸத்³தி⁴விஹாரிகஸ்ஸ ச.
460.Itarassa ācariyassa, tathā saddhivihārikassa ca.
462. த³த³மானோதி பாரிவத்தகங் வினா த³த³மானோ.
462.Dadamānoti pārivattakaṃ vinā dadamāno.
463. முதூ³தி முது³பிட்டி²கோ. ‘‘லம்பீ³ஆதி³னோ’’தி பத³ச்சே²தோ³. ஆதி³-ஸத்³தே³ன ‘‘ஹத்தே²ன உபக்கமித்வா அஸுசிங் மோசெந்தஸ்ஸ, ஊருனா அங்க³ஜாதங் பேல்லந்தஸ்ஸ, அத்தானங் வதி⁴த்வா வதி⁴த்வா ரோத³ந்தியா பி⁴க்கு²னியா ஆபத்தீ’’தி ஏவமாதீ³னங் ஸங்க³ஹோ. அத்தாதி எத்த² நிஸ்ஸிதாதி உத்தரபத³லோபோ, விப⁴த்திலோபோ ச நிருத்திலக்க²ணேன த³ட்ட²ப்³போ³. ஸேஸாதி மேது²னத⁴ம்மகாயஸங்ஸக்³க³பஹாரதா³னாதீ³ஸு வுத்தாபத்தி. பரனிஸ்ஸிதாதி பரங் நிஸ்ஸாய ஆபஜ்ஜிதப்³பா³தி அத்தோ².
463.Mudūti mudupiṭṭhiko. ‘‘Lambīādino’’ti padacchedo. Ādi-saddena ‘‘hatthena upakkamitvā asuciṃ mocentassa, ūrunā aṅgajātaṃ pellantassa, attānaṃ vadhitvā vadhitvā rodantiyā bhikkhuniyā āpattī’’ti evamādīnaṃ saṅgaho. Attāti ettha nissitāti uttarapadalopo, vibhattilopo ca niruttilakkhaṇena daṭṭhabbo. Sesāti methunadhammakāyasaṃsaggapahāradānādīsu vuttāpatti. Paranissitāti paraṃ nissāya āpajjitabbāti attho.
465. ‘‘ந , பி⁴க்க²வே, ஓவாதோ³ ந க³ஹேதப்³போ³’’தி வசனதோ ஓவாத³ங் ந க³ண்ஹந்தோ ந படிக்³க³ண்ஹந்தோ வஜ்ஜதங் ஆபஜ்ஜதி நாம.
465. ‘‘Na , bhikkhave, ovādo na gahetabbo’’ti vacanato ovādaṃ na gaṇhanto na paṭiggaṇhanto vajjataṃ āpajjati nāma.
470. அருணுக்³கே³தி அருணுக்³க³மனே. நஅருணுக்³க³மேதி அருணுக்³க³மனதோ அஞ்ஞஸ்மிங் காலே.
470.Aruṇuggeti aruṇuggamane. Naaruṇuggameti aruṇuggamanato aññasmiṃ kāle.
471. ஏகரத்தாதிக்கமே சா²ரத்தாதிக்கமே ஸத்தாஹாதிக்கமே த³ஸாஹாதிக்கமேதி யோஜனா. ஆதி³-ஸத்³தே³ன மாஸாதீ³னங் ஸங்க³ஹோ. வுத்தமாபத்திந்தி ஸப்³ப³த்த² நிஸ்ஸக்³கி³யே பாசித்தியாபத்திங். ‘‘ஆபஜ்ஜதி அருணுக்³க³மே’’தி பத³ச்சே²தோ³.
471. Ekarattātikkame chārattātikkame sattāhātikkame dasāhātikkameti yojanā. Ādi-saddena māsādīnaṃ saṅgaho. Vuttamāpattinti sabbattha nissaggiye pācittiyāpattiṃ. ‘‘Āpajjati aruṇuggame’’ti padacchedo.
473. பரஸந்தகங் ருக்க²லதாதி³ங் தெ²ய்யாய சி²ந்த³ந்தஸ்ஸ பாராஜிகங், சி²ந்த³ந்தஸ்ஸ பாசித்திமத்தங் ஹோதீதி ஆஹ ‘‘பூ⁴தகா³மங் சி²ந்த³ந்தோ பாராஜிகஞ்ச பாசித்திஞ்ச பு²ஸே’’தி.
473. Parasantakaṃ rukkhalatādiṃ theyyāya chindantassa pārājikaṃ, chindantassa pācittimattaṃ hotīti āha ‘‘bhūtagāmaṃ chindanto pārājikañca pācittiñca phuse’’ti.
475. சா²தெ³ந்தோ பனாதி எத்த² ‘‘கா ஆபத்தீ’’தி ஸேஸோ. தத்ர ஆஹ ‘‘ஆபத்திங் சா²தெ³ந்தோ நரோ ஆபஜ்ஜதீ’’தி.
475.Chādento panāti ettha ‘‘kā āpattī’’ti seso. Tatra āha ‘‘āpattiṃ chādento naro āpajjatī’’ti.
அச்சி²ன்னோதி அச்சி²ன்னசீவரோ. நச்சா²தெ³ந்தோதி திணேன வா பண்ணேன வா ஸாகா²ப⁴ங்கா³தி³னா யேன கேனசி அத்தனோ ஹிரிகோபினங் அப்படிச்சா²தெ³ந்தோ. யதா²ஹ – ‘‘திணேன வா பண்ணேன வா படிச்சா²தெ³த்வா ஆக³ந்தப்³ப³ங், ந த்வேவ நக்³கே³ன ஆக³ந்தப்³ப³ங். யோ ஆக³ச்செ²ய்ய, ஆபத்தி து³க்கடஸ்ஸா’’தி (பாரா॰ 517).
Acchinnoti acchinnacīvaro. Nacchādentoti tiṇena vā paṇṇena vā sākhābhaṅgādinā yena kenaci attano hirikopinaṃ appaṭicchādento. Yathāha – ‘‘tiṇena vā paṇṇena vā paṭicchādetvā āgantabbaṃ, na tveva naggena āgantabbaṃ. Yo āgaccheyya, āpatti dukkaṭassā’’ti (pārā. 517).
476. குஸசீராதி³ந்தி ஆதி³-ஸத்³தே³ன வாகசீரப²லகசீராதீ³னங் தித்தி²யத⁴ஜானங் க³ஹணங். தா⁴ரெந்தோ கோசி ஆபஜ்ஜதீதி ஸேஸோ. தத்ராஹ – ‘‘குஸசீராதீ³னி தா⁴ரெந்தோ தா⁴ரெந்தோ ஆபஜ்ஜதீ’’தி (பரி॰ அட்ட²॰ 322).
476.Kusacīrādinti ādi-saddena vākacīraphalakacīrādīnaṃ titthiyadhajānaṃ gahaṇaṃ. Dhārento koci āpajjatīti seso. Tatrāha – ‘‘kusacīrādīni dhārento dhārento āpajjatī’’ti (pari. aṭṭha. 322).
477. யங் நிஸ்ஸட்ட²பத்தங் ‘‘அயங் தே பி⁴க்கு² பத்தோ யாவபே⁴த³னாய தா⁴ரேதப்³போ³’’தி தி³ன்னங், தங் ஸக்கச்சங் அதா⁴ரெந்தோ ச தோ³ஸவா ஹோதி ஆபஜ்ஜதி ஆபத்திங். ஸசித்தகாசித்தகது³கஸ்ஸ ஸஞ்ஞாவிமொக்க²து³கங் யதா²க்கமங் பரியாயோதி ஆஹ ‘‘ஸசித்தகது³க’’ந்திஆதி³.
477. Yaṃ nissaṭṭhapattaṃ ‘‘ayaṃ te bhikkhu patto yāvabhedanāya dhāretabbo’’ti dinnaṃ, taṃ sakkaccaṃ adhārento cadosavā hoti āpajjati āpattiṃ. Sacittakācittakadukassa saññāvimokkhadukaṃ yathākkamaṃ pariyāyoti āha ‘‘sacittakaduka’’ntiādi.
து³ககதா²வண்ணனா.
Dukakathāvaṇṇanā.
478. யா ஆபத்தி நாதே² திட்ட²ந்தே ஹோதி, நோ பரினிப்³பு³தே, ஸா ஆபத்தி அத்தி². யா ஆபத்தி நாதே² பரினிப்³பு³தே ஹோதி, ந து திட்ட²ந்தே, ஸாபி அத்தி². யா ஆபத்தி நாதே² திட்ட²ந்தேபி ஹோதி பரினிப்³பு³தேபி, ஸா ஆபத்தி அத்தீ²தி யோஜனா.
478. Yā āpatti nāthe tiṭṭhante hoti, no parinibbute, sā āpatti atthi. Yā āpatti nāthe parinibbute hoti, na tu tiṭṭhante, sāpi atthi. Yā āpatti nāthe tiṭṭhantepi hoti parinibbutepi, sā āpatti atthīti yojanā.
479. ஸா கதமாதி ஆஹ ‘‘ருஹிருப்பாத³னாபத்தீ’’திஆதி³. தத்த² தே²ரமாவுஸவாதே³ன, வத³தோ பரினிப்³பு³தேதி ‘‘யதா² கோ² பனானந்த³, ஏதரஹி பி⁴க்கூ² அஞ்ஞமஞ்ஞங் ஆவுஸோவாதே³ன ஸமுதா³சரந்தி, ந கோ² மமச்சயேன ஏவங் ஸமுதா³சரிதப்³ப³ங்…பே॰… நவகதரேன பி⁴க்கு²னா தே²ரதரோ பி⁴க்கு² ‘ப⁴ந்தே’தி வா ‘ஆயஸ்மா’தி வா ஸமுதா³சரிதப்³போ³’’தி (தீ³॰ நி॰ 2.216) வசனதோ தே²ரங் ஆவுஸோவாதே³ன ஸமுதா³சரணபச்சயா ஆபத்திங் பரினிப்³பு³தே ப⁴க³வதி ஆபஜ்ஜதி, நோ திட்ட²ந்தேதி அத்தோ².
479. Sā katamāti āha ‘‘ruhiruppādanāpattī’’tiādi. Tattha theramāvusavādena, vadato parinibbuteti ‘‘yathā kho panānanda, etarahi bhikkhū aññamaññaṃ āvusovādena samudācaranti, na kho mamaccayena evaṃ samudācaritabbaṃ…pe… navakatarena bhikkhunā therataro bhikkhu ‘bhante’ti vā ‘āyasmā’ti vā samudācaritabbo’’ti (dī. ni. 2.216) vacanato theraṃ āvusovādena samudācaraṇapaccayā āpattiṃ parinibbute bhagavati āpajjati, no tiṭṭhanteti attho.
481. கத²ங் காலேயேவ ஆபத்தி ஸியா, ந விகாலே. கத²ங் விகாலேயேவ ஆபத்தி ஸியா, காலே ந ஸியா. கத²ங் காலே சேவ விகாலே சாதி உப⁴யத்த² ஸியாதி பஞ்ஹே.
481. Kathaṃ kāleyeva āpatti siyā, na vikāle. Kathaṃ vikāleyeva āpatti siyā, kāle na siyā. Kathaṃ kāle ceva vikāle cāti ubhayattha siyāti pañhe.
482. யதா²க்கமங் விஸ்ஸஜ்ஜெந்தோ ஆஹ ‘‘பு⁴ஞ்ஜதோ’’திஆதி³.
482. Yathākkamaṃ vissajjento āha ‘‘bhuñjato’’tiādi.
483. அவஸேஸங் பன ஸப்³ப³ங் ஆபத்திங் காலவிகாலேஸு ஸப்³ப³தா³ ஆபஜ்ஜதி, தத்த² ச ஸங்ஸயோ நத்தீ²தி யோஜனா.
483. Avasesaṃ pana sabbaṃ āpattiṃ kālavikālesu sabbadā āpajjati, tattha ca saṃsayo natthīti yojanā.
484. ‘‘அத்தா²பத்தி ரத்திங் ஆபஜ்ஜதி, நோ தி³வா, அத்தா²பத்தி தி³வா ஆபஜ்ஜதி, நோ ரத்திங், அத்தா²பத்தி ரத்திஞ்சேவ ஆபஜ்ஜதி தி³வா சா’’தி (பரி॰ 323) வுத்தங் திகங் த³ஸ்ஸேதுமாஹ ‘‘ரத்திமேவா’’திஆதி³.
484. ‘‘Atthāpatti rattiṃ āpajjati, no divā, atthāpatti divā āpajjati, no rattiṃ, atthāpatti rattiñceva āpajjati divā cā’’ti (pari. 323) vuttaṃ tikaṃ dassetumāha ‘‘rattimevā’’tiādi.
486. அத்தா²பத்தி த³ஸவஸ்ஸோ ஆபஜ்ஜதி, நோ ஊனத³ஸவஸ்ஸோ, ஸா கத²ங் ஸியா. அத்தா²பத்தி ஊனத³ஸவஸ்ஸோ ஆபஜ்ஜதி, நோ த³ஸவஸ்ஸோ, ஸா கத²ங் ஹோதி. அத்தா²பத்தி த³ஸவஸ்ஸோபி ஆபஜ்ஜதி ஊனத³ஸவஸ்ஸோபீதி உப⁴யத்த²பி ஆபத்தி கத²ங் ஹோதீதி யோஜனா.
486. Atthāpatti dasavasso āpajjati, no ūnadasavasso, sā kathaṃ siyā. Atthāpatti ūnadasavasso āpajjati, no dasavasso, sā kathaṃ hoti. Atthāpatti dasavassopi āpajjati ūnadasavassopīti ubhayatthapi āpatti kathaṃ hotīti yojanā.
487. தத்த² விஸ்ஸஜ்ஜனமாஹ ‘‘உபட்டா²பேதீ’’திஆதி³. ‘‘பா³லோ’’தி ஏதஸ்ஸ ஹி அத்த²பத³ங் ‘‘அப்³யத்தோ’’தி.
487. Tattha vissajjanamāha ‘‘upaṭṭhāpetī’’tiādi. ‘‘Bālo’’ti etassa hi atthapadaṃ ‘‘abyatto’’ti.
488. ஊனத³ஸவஸ்ஸோ ஏவங் ‘‘அஹங் பண்டி³தோ’’தி பரிஸங் க³ண்ஹதி, ததா² ஆபத்திங் ஆபஜ்ஜதீதி யோஜனா. ‘‘த³ஸவஸ்ஸோ ஊனோ’’தி பத³ச்சே²தோ³. த³ஸவஸ்ஸோ, ஊனத³ஸவஸ்ஸோ சாதி உபோ⁴பேதே பரிஸுபட்டா²பனாபத்திதோ அஞ்ஞங் ஆபத்திங் ஆபஜ்ஜதீதி யோஜனா. எத்த² ச ‘‘ஆபஜ்ஜந்தே’’தி வத்தப்³பே³ கா³தா²ப³ந்த⁴வஸேன ந-காரலோபோ.
488. Ūnadasavasso evaṃ ‘‘ahaṃ paṇḍito’’ti parisaṃ gaṇhati, tathā āpattiṃ āpajjatīti yojanā. ‘‘Dasavasso ūno’’ti padacchedo. Dasavasso, ūnadasavasso cāti ubhopete parisupaṭṭhāpanāpattito aññaṃ āpattiṃ āpajjatīti yojanā. Ettha ca ‘‘āpajjante’’ti vattabbe gāthābandhavasena na-kāralopo.
489. கத²ங் காளே ஆபத்திங் ஆபஜ்ஜதி, ந ஜுண்ஹே, கத²ங் ஜுண்ஹே ஆபத்திங் ஆபஜ்ஜதி, ந காளஸ்மிங், கத²ங் காளே ச ஜுண்ஹே சாதி உப⁴யத்த²பி ஆபஜ்ஜதீதி யோஜனா.
489. Kathaṃ kāḷe āpattiṃ āpajjati, na juṇhe, kathaṃ juṇhe āpattiṃ āpajjati, na kāḷasmiṃ, kathaṃ kāḷe ca juṇhe cāti ubhayatthapi āpajjatīti yojanā.
490. விஸ்ஸஜ்ஜனமாஹ ‘‘வஸ்ஸ’’ந்திஆதி³. ‘‘ஆபஜ்ஜதே அப்பவாரெந்தோ’’தி பத³ச்சே²தோ³. ஜுண்ஹேதி புரிமபக்கே². காளகேதி அபரபக்கே².
490. Vissajjanamāha ‘‘vassa’’ntiādi. ‘‘Āpajjate appavārento’’ti padacchedo. Juṇheti purimapakkhe. Kāḷaketi aparapakkhe.
491. அவிபத்தினாதி சதுப்³பி³த⁴விபத்திரஹிதத்தா அவிபத்தினா ப⁴க³வதா பஞ்ஞத்தங். அவஸேஸந்தி வஸ்ஸங் அனுபக³மனாபத்தியா ச பவாரணாபத்தியா ச அவஸேஸங் ஸப்³ப³ங் ஆபத்திங்.
491.Avipattināti catubbidhavipattirahitattā avipattinā bhagavatā paññattaṃ. Avasesanti vassaṃ anupagamanāpattiyā ca pavāraṇāpattiyā ca avasesaṃ sabbaṃ āpattiṃ.
492. வஸ்ஸூபக³மனங் காளே கப்பதி, ஜுண்ஹே நோ கப்பதி, பவாரணா ஜுண்ஹே கப்பதி, காளே நோ கப்பதி, ஸேஸங் அனுஞ்ஞாதங் ஸப்³ப³ங் ஸங்க⁴கிச்சங் காளே ச ஜுண்ஹே சாதி உப⁴யத்த²பி கப்பதீதி யோஜனா.
492. Vassūpagamanaṃ kāḷe kappati, juṇhe no kappati, pavāraṇā juṇhe kappati, kāḷe no kappati, sesaṃ anuññātaṃ sabbaṃ saṅghakiccaṃ kāḷe ca juṇhe cāti ubhayatthapi kappatīti yojanā.
493. அத்தா²பத்தி ஹேமந்தே ஹோதி, இதரஉதுத்³வயே கி³ம்ஹானவஸ்ஸானஸங்கா²தே ந ஹோதி, அத்தா²பத்தி கி³ம்ஹேயேவ ஹோதி, ந ஸேஸேஸு வஸ்ஸானஹேமந்தஸங்கா²தேஸு, அத்தா²பத்தி வஸ்ஸே ஹோதி, நோ இதரத்³வயே ஹேமந்தகி³ம்ஹஸங்கா²தேதி யோஜனா.
493. Atthāpatti hemante hoti, itarautudvaye gimhānavassānasaṅkhāte na hoti, atthāpatti gimheyeva hoti, na sesesu vassānahemantasaṅkhātesu, atthāpatti vasse hoti, no itaradvaye hemantagimhasaṅkhāteti yojanā.
494-6. ஸா திவிதா⁴பி ஆபத்தி கதமாதி ஆஹ ‘‘தி³னே பாடிபத³க்கா²தே’’திஆதி³. தத்த² தி³னே…பே॰… புண்ணமாஸியாதி அபரகத்திகபுண்ணமாஸியா காளபக்க²பாடிபத³தி³வஸே பச்சுத்³த⁴ரித்வா விகப்பெத்வா ட²பிதங் பன தங் வஸ்ஸஸாடிகசீவரங் ஸசே ஹேமந்தே நிவாஸேதி, ஹேமந்தே ஆபஜ்ஜதீதி யோஜனா.
494-6. Sā tividhāpi āpatti katamāti āha ‘‘dine pāṭipadakkhāte’’tiādi. Tattha dine…pe… puṇṇamāsiyāti aparakattikapuṇṇamāsiyā kāḷapakkhapāṭipadadivase paccuddharitvā vikappetvā ṭhapitaṃ pana taṃ vassasāṭikacīvaraṃ sace hemante nivāseti, hemante āpajjatīti yojanā.
பச்சி²மேதி எத்த² ஸாமிவசனப்பஸங்கே³ பு⁴ம்மங். பச்சி²மஸ்ஸ கத்திகஸ்ஸ யஸ்மிங் புண்ணமே தி³வஸே வஸ்ஸிகஸாடிகசீவரங் பச்சுத்³த⁴ரிதப்³ப³ங், தஸ்மிங் தி³வஸே தங் அபச்சுத்³த⁴ரித்வாவ பாடிபதே³ அருணங் உட்டா²பெந்தோ அபச்சுத்³த⁴ரணபச்சயா ஆபத்தி ஹேமந்தேயேவ ஆபஜ்ஜதி, இதரே கி³ம்ஹானவஸ்ஸானஉதுத்³வயே ந ஆபஜ்ஜதீதி குருந்த³ட்ட²கதா²யங் (பரி॰ அட்ட²॰ 323) நித்³தி³ட்ட²ந்தி யோஜனா. ‘‘அனுஜானாமி, பி⁴க்க²வே, வஸ்ஸிகஸாடிகங் வஸ்ஸானங் சதுமாஸங் அதி⁴ட்டா²துங், ததோ பரங் விகப்பேது’’ந்தி (மஹாவ॰ 358) வுத்தபாளியா குருந்த³ட்ட²கதா²வசனஸ்ஸ அவிருஜ்ஜ²னதோ ‘‘தம்பி ஸுவுத்த’’ந்தி (பரி॰ அட்ட²॰ 323) ஸமந்தபாஸாதி³காய வுத்தத்தா ‘‘ஹேமந்தே ஆபஜ்ஜதீ’’தி வசனஸ்ஸ உப⁴யம்பி அத்தோ² ஹோதீதி க³ஹேதப்³ப³ங்.
Pacchimeti ettha sāmivacanappasaṅge bhummaṃ. Pacchimassa kattikassa yasmiṃ puṇṇame divase vassikasāṭikacīvaraṃ paccuddharitabbaṃ, tasmiṃ divase taṃ apaccuddharitvāva pāṭipade aruṇaṃ uṭṭhāpento apaccuddharaṇapaccayā āpatti hemanteyeva āpajjati, itare gimhānavassānautudvaye na āpajjatīti kurundaṭṭhakathāyaṃ (pari. aṭṭha. 323) niddiṭṭhanti yojanā. ‘‘Anujānāmi, bhikkhave, vassikasāṭikaṃ vassānaṃ catumāsaṃ adhiṭṭhātuṃ, tato paraṃ vikappetu’’nti (mahāva. 358) vuttapāḷiyā kurundaṭṭhakathāvacanassa avirujjhanato ‘‘tampi suvutta’’nti (pari. aṭṭha. 323) samantapāsādikāya vuttattā ‘‘hemante āpajjatī’’ti vacanassa ubhayampi attho hotīti gahetabbaṃ.
497. கி³ம்ஹானமாஸானங் ஸம்ப³ந்தி⁴னி கி³ம்ஹிகே உதும்ஹி. மாஸதோ அதிரேகோ அதிரேகமாஸோதி கத்வா அதிரேகமாஸோ காலோ ஸேஸோதி வத்தப்³பே³ காலே. பரியேஸந்தோதி அஞ்ஞாதிகஅப்பவாரிதட்டா²னதோ ஸதுப்பாத³கரணேன வஸ்ஸிகஸாடிகங் பரியேஸந்தோ ச அதிரேகமாஸோ ஸேஸோதி கத்வா நிவாஸெந்தோ ச கி³ம்ஹே ஆபத்திங் ஆபஜ்ஜதி. ‘‘ந து ஏவ இதரஉதுத்³வயே’’தி பத³ச்சே²தோ³. கி³ம்ஹே பரியேஸந்தோ புரிமமாஸத்தயே ஆபஜ்ஜதீதி கத்வா நிவாஸெந்தோ அட்³ட⁴மாஸாதி⁴கே கி³ம்ஹமாஸத்தயே ஆபஜ்ஜதி. நிஸ்ஸந்தே³ஹே ‘‘கி³ம்ஹானங் பச்சி²மமாஸதோ புரிமேஸு ஸத்தஸு மாஸேஸூ’’தி வுத்தங், தத³யுத்தங் ‘‘கி³ம்ஹானேயேவ ஆபஜ்ஜதீ’’தி கி³ம்ஹாபத்தியா த³ஸ்ஸிதத்தா, ‘‘இதரஉதுத்³வயே’’தி படிஸித்³த⁴த்தா ச. எத்த² ச கா³தா²ய பரியேஸனாபத்தியாயேவ த³ஸ்ஸனங் நித³ஸ்ஸனமத்தந்தி கத்வா நிவாஸனாபத்தியா ச கி³ம்ஹேயேவ ஸம்ப⁴வோதி ஸாபி த³ஸ்ஸிதா.
497. Gimhānamāsānaṃ sambandhini gimhike utumhi. Māsato atireko atirekamāsoti katvā atirekamāso kālo sesoti vattabbe kāle. Pariyesantoti aññātikaappavāritaṭṭhānato satuppādakaraṇena vassikasāṭikaṃ pariyesanto ca atirekamāso sesoti katvā nivāsento ca gimhe āpattiṃ āpajjati. ‘‘Na tu eva itarautudvaye’’ti padacchedo. Gimhe pariyesanto purimamāsattaye āpajjatīti katvā nivāsento aḍḍhamāsādhike gimhamāsattaye āpajjati. Nissandehe ‘‘gimhānaṃ pacchimamāsato purimesu sattasu māsesū’’ti vuttaṃ, tadayuttaṃ ‘‘gimhāneyeva āpajjatī’’ti gimhāpattiyā dassitattā, ‘‘itarautudvaye’’ti paṭisiddhattā ca. Ettha ca gāthāya pariyesanāpattiyāyeva dassanaṃ nidassanamattanti katvā nivāsanāpattiyā ca gimheyeva sambhavoti sāpi dassitā.
498. இத⁴ பன இமஸ்மிங் ஸாஸனே யோ பி⁴க்கு² வஸ்ஸிகஸாடிகசீவரே விஜ்ஜமானே நக்³கோ³ காயங் ஓவஸ்ஸாபேதி, ஸோ ஹவே ஏகங்ஸேன வஸ்ஸே வஸ்ஸானஉதும்ஹி ஆபஜ்ஜதீதி யோஜனா.
498.Idha pana imasmiṃ sāsane yo bhikkhu vassikasāṭikacīvare vijjamāne naggo kāyaṃ ovassāpeti, so have ekaṃsena vasse vassānautumhi āpajjatīti yojanā.
499. ‘‘அத்தா²பத்தி ஸங்கோ⁴ ஆபஜ்ஜதி, ந க³ணோ ந புக்³க³லோ, அத்தா²பத்தி க³ணோ ஆபஜ்ஜதி, ந ஸங்கோ⁴ ந புக்³க³லோ, அத்தா²பத்தி புக்³க³லோ ஆபஜ்ஜதி, ந ஸங்கோ⁴ ந க³ணோ’’தி (பரி॰ 323) வுத்தத்திகங் த³ஸ்ஸேதுமாஹ ‘‘ஆபஜ்ஜதி ஹி ஸங்கோ⁴வா’’திஆதி³.
499. ‘‘Atthāpatti saṅgho āpajjati, na gaṇo na puggalo, atthāpatti gaṇo āpajjati, na saṅgho na puggalo, atthāpatti puggalo āpajjati, na saṅgho na gaṇo’’ti (pari. 323) vuttattikaṃ dassetumāha ‘‘āpajjati hi saṅghovā’’tiādi.
500. கத²மாபஜ்ஜதீதி ஆஹ ‘‘அதி⁴ட்டா²ன’’ந்திஆதி³. அதி⁴ட்டா²னந்தி அதி⁴ட்டா²னுபோஸத²ங் கரொந்தோ பாரிஸுத்³தி⁴உபோஸத²ங் வாதி ஸம்ப³ந்தோ⁴. இத⁴ அத்தனோ யதா²பத்தமுபோஸத²ங் அகத்வா அபத்தஉபோஸத²கரணங் ஆபஜ்ஜிதப்³பா³பத்தித³ஸ்ஸனஸ்ஸ அதி⁴ப்பேதத்தா, அத்தகரணதோ³ஸஸ்ஸ விஸுங் விஸுங் வக்க²மானத்தா ச ந க³ணோ ந ச புக்³க³லோதி எத்த² அதி⁴ட்டா²னங் கரொந்தோ புக்³க³லோ ச பாரிஸுத்³தி⁴ங் கரொந்தோ க³ணோ ச நாபஜ்ஜதீதி யதா²லாப⁴யோஜனா காதப்³பா³. யதா²க்கமங் யோஜனங் கரோமீதி விபரியாயவிகப்போ ந காதப்³போ³. ஏவமுபரிபி விபரியாயவிபக்க²ங் கத்வா யதா²லாப⁴யோஜனாவ காதப்³பா³.
500. Kathamāpajjatīti āha ‘‘adhiṭṭhāna’’ntiādi. Adhiṭṭhānanti adhiṭṭhānuposathaṃ karonto pārisuddhiuposathaṃ vāti sambandho. Idha attano yathāpattamuposathaṃ akatvā apattauposathakaraṇaṃ āpajjitabbāpattidassanassa adhippetattā, attakaraṇadosassa visuṃ visuṃ vakkhamānattā ca na gaṇo na ca puggaloti ettha adhiṭṭhānaṃ karonto puggalo ca pārisuddhiṃ karonto gaṇo ca nāpajjatīti yathālābhayojanā kātabbā. Yathākkamaṃ yojanaṃ karomīti vipariyāyavikappo na kātabbo. Evamuparipi vipariyāyavipakkhaṃ katvā yathālābhayojanāva kātabbā.
501. ‘‘உபோஸத²’’ந்தி இத³ங் ‘‘ஸுத்துத்³தே³ஸமதி⁴ட்டா²ன’’ந்தி பதே³ஹி பச்சேகங் யோஜேதப்³ப³ங்.
501.‘‘Uposatha’’nti idaṃ ‘‘suttuddesamadhiṭṭhāna’’nti padehi paccekaṃ yojetabbaṃ.
502. ஸுத்துத்³தே³ஸங் கரொந்தோ வாதி எத்த² வா-ஸத்³தே³ன பாரிஸுத்³தி⁴ங் க³ண்ஹாதி. ஸுத்துத்³தே³ஸங், பாரிஸுத்³தி⁴ங் வா உபோஸத²ங் கரொந்தோ புக்³க³லோ ஆபத்திங் ஆபஜ்ஜதி, ஸுத்துத்³தே³ஸங் கரொந்தோ ஸங்கோ⁴ ச நாபஜ்ஜதி, பாரிஸுத்³தி⁴ங் கரொந்தோ க³ணோ ச ந ஆபஜ்ஜதீதி யோஜனா.
502.Suttuddesaṃ karonto vāti ettha vā-saddena pārisuddhiṃ gaṇhāti. Suttuddesaṃ, pārisuddhiṃ vā uposathaṃ karonto puggalo āpattiṃ āpajjati, suttuddesaṃ karonto saṅgho ca nāpajjati, pārisuddhiṃ karonto gaṇo ca na āpajjatīti yojanā.
503. கத²ங் பன கி³லானோவ ஆபத்திங் ஆபஜ்ஜதி, ந அகி³லானோ, கத²ங் அகி³லானோவ ஆபத்திங் ஆபஜ்ஜதி, நோ கி³லானோ, கத²ங் கி³லானோ ச அகி³லானோ ச உபோ⁴பி ஆபஜ்ஜந்தீதி யோஜனா.
503. Kathaṃ pana gilānova āpattiṃ āpajjati, na agilāno, kathaṃ agilānova āpattiṃ āpajjati, no gilāno, kathaṃ gilāno ca agilāno ca ubhopi āpajjantīti yojanā.
504. யோ பன அகல்லகோ கி³லானோ அஞ்ஞேன பன பே⁴ஸஜ்ஜேன அத்தே² ஸதி தத³ஞ்ஞங் ததோ அஞ்ஞங் பே⁴ஸஜ்ஜங் விஞ்ஞாபேதி, ஸோ ஆபஜ்ஜதி பாசித்தியாபத்திந்தி யோஜனா.
504. Yo pana akallako gilāno aññena pana bhesajjena atthe sati tadaññaṃ tato aññaṃ bhesajjaṃ viññāpeti, so āpajjati pācittiyāpattinti yojanā.
505. பே⁴ஸஜ்ஜேன அத்தே² அவிஜ்ஜமானேபி ஸசே பே⁴ஸஜ்ஜங் விஞ்ஞாபேதி, அகி³லானோவ விஞ்ஞத்திபச்சயா ஆபத்திங் ஆபஜ்ஜதி. ஸேஸங் பன ஆபத்திங் கி³லானஅகி³லானா உபோ⁴பி ஆபஜ்ஜந்தி.
505. Bhesajjena atthe avijjamānepi sace bhesajjaṃ viññāpeti, agilānova viññattipaccayā āpattiṃ āpajjati. Sesaṃ pana āpattiṃ gilānaagilānā ubhopi āpajjanti.
506. அத்தா²பத்தி அந்தோவ ஆபஜ்ஜதி, ந ப³ஹித்³தா⁴, ததா² அத்தா²பத்தி ப³ஹி ஏவ ஆபஜ்ஜதி, ந அந்தோ, அத்தா²பத்தி அந்தோ, ப³ஹித்³தா⁴தி உப⁴யத்த²பி ஆபஜ்ஜதீதி யோஜனா.
506. Atthāpatti antova āpajjati, na bahiddhā, tathā atthāpatti bahi eva āpajjati, na anto, atthāpatti anto, bahiddhāti ubhayatthapi āpajjatīti yojanā.
507. கேவலங் அந்தோயேவ ஆபஜ்ஜதீதி யோஜனா.
507. Kevalaṃ antoyeva āpajjatīti yojanā.
508. மஞ்சாதி³ந்தி ஸங்கி⁴கமஞ்சாதி³ங்.
508.Mañcādinti saṅghikamañcādiṃ.
509. ‘‘அந்தோஸீமாய ஏவ ஆபத்தி’’ந்தி பத³ச்சே²தோ³. கத²ங் அந்தோஸீமாய ஏவ ஆபத்திங் ஆபஜ்ஜதி, நேவ ப³ஹிஸீமாய ஆபத்திங் ஆபஜ்ஜதி, கத²ங் ப³ஹிஸீமாய ஏவ ஆபத்திங் ஆபஜ்ஜதி, நோ அந்தோஸீமாய ஆபத்திங் ஆபஜ்ஜதி, கத²ங் அந்தோஸீமாய ச ப³ஹிஸீமாய சாதி உப⁴யத்த²பி ஆபஜ்ஜதீதி யோஜனா.
509. ‘‘Antosīmāya eva āpatti’’nti padacchedo. Kathaṃ antosīmāya eva āpattiṃ āpajjati, neva bahisīmāya āpattiṃ āpajjati, kathaṃ bahisīmāya eva āpattiṃ āpajjati, no antosīmāya āpattiṃ āpajjati, kathaṃ antosīmāya ca bahisīmāya cāti ubhayatthapi āpajjatīti yojanā.
510. ஸச²த்துபாஹனோ பி⁴க்கூ²தி ச²த்துபாஹனஸஹிதோ ஆக³ந்துகோ பி⁴க்கு². பவிஸந்தோ தபோத⁴னோதி ஆக³ந்துகவத்தங் அத³ஸ்ஸெத்வா ஸங்கா⁴ராமங் பவிஸந்தோ.
510.Sachattupāhano bhikkhūti chattupāhanasahito āgantuko bhikkhu. Pavisanto tapodhanoti āgantukavattaṃ adassetvā saṅghārāmaṃ pavisanto.
511. ‘‘உபசாரஸ்ஸ அதிக்கமே’’தி பத³ச்சே²தோ³.
511. ‘‘Upacārassa atikkame’’ti padacchedo.
512. ஸேஸங் ஸப்³ப³ங் ஆபத்திங் அந்தோஸீமாய ச ப³ஹிஸீமாய ச ஆபஜ்ஜதீதி யோஜனா. எத்த² ச கிஞ்சாபி வஸ்ஸச்சே²தா³பத்திங் ப³ஹிஸீமாக³தோ ஆபஜ்ஜதி, பி⁴க்கு²னீஆராமபவேஸனாபத்திங் அந்தோஸீமாய ஆபஜ்ஜதி, தது³ப⁴யங் பன ஆக³ந்துகக³மிகவத்தபே⁴தா³பத்தீஹி ஏகபரிச்சே²த³ந்தி உபலக்க²ணதோ ஏதேனேவ விஞ்ஞாயதீதி விஸுங் ந வுத்தந்தி க³ஹேதப்³ப³ங். ஏவங் ஸப்³ப³த்த² ஈதி³ஸேஸு டா²னேஸு வினிச்ச²யோ வேதி³தப்³போ³.
512.Sesaṃ sabbaṃ āpattiṃ antosīmāya ca bahisīmāya ca āpajjatīti yojanā. Ettha ca kiñcāpi vassacchedāpattiṃ bahisīmāgato āpajjati, bhikkhunīārāmapavesanāpattiṃ antosīmāya āpajjati, tadubhayaṃ pana āgantukagamikavattabhedāpattīhi ekaparicchedanti upalakkhaṇato eteneva viññāyatīti visuṃ na vuttanti gahetabbaṃ. Evaṃ sabbattha īdisesu ṭhānesu vinicchayo veditabbo.
திககதா²வண்ணனா.
Tikakathāvaṇṇanā.
515. வசீத்³வாரிகமாபத்திந்தி முஸாவாத³பேஸுஞ்ஞஹரணாதி³வஸேன வசீத்³வாரே ஆபஜ்ஜிதப்³பா³பத்திங். பரவாசாய ஸுஜ்ஜ²தீதி ஸங்க⁴மஜ்ஜே² ஏகவாசிகாய திணவத்தா²ரககம்மவாசாய ஸுஜ்ஜ²தி.
515.Vacīdvārikamāpattinti musāvādapesuññaharaṇādivasena vacīdvāre āpajjitabbāpattiṃ. Paravācāya sujjhatīti saṅghamajjhe ekavācikāya tiṇavatthārakakammavācāya sujjhati.
516. வஜ்ஜமேவ வஜ்ஜதா, தங், பாசித்தியந்தி அத்தோ².
516. Vajjameva vajjatā, taṃ, pācittiyanti attho.
518-9. தங் தே³ஸெத்வா விஸுஜ்ஜ²ந்தோதி தங் தே³ஸெத்வா விஸுத்³தோ⁴ ஹொந்தோ. யாவததியகங் பனாதி யாவததியேன ஸமனுபா⁴ஸனகம்மேன ஆபன்னங் ஸங்கா⁴தி³ஸேஸாபத்திங் பன. பரிவாஸாதீ³தி ஆதி³-ஸத்³தே³ன மானத்தமூலாயபடிகஸ்ஸனஅப்³பா⁴னானி க³ஹிதானி.
518-9.Taṃdesetvā visujjhantoti taṃ desetvā visuddho honto. Yāvatatiyakaṃ panāti yāvatatiyena samanubhāsanakammena āpannaṃ saṅghādisesāpattiṃ pana. Parivāsādīti ādi-saddena mānattamūlāyapaṭikassanaabbhānāni gahitāni.
522. காயத்³வாரிகமாபத்திந்தி காயத்³வாரேன ஆபஜ்ஜிதப்³ப³ங் பஹாரதா³னாதி³ஆபத்திங்.
522.Kāyadvārikamāpattinti kāyadvārena āpajjitabbaṃ pahāradānādiāpattiṃ.
523. காயேனேவ விஸுஜ்ஜ²தீதி திணவத்தா²ரகங் க³ந்த்வா காயஸாமக்³கி³ங் தெ³ந்தோ விஸுஜ்ஜ²தி.
523.Kāyeneva visujjhatīti tiṇavatthārakaṃ gantvā kāyasāmaggiṃ dento visujjhati.
526. யோ ஸுத்தோ ஆபத்திங் ஆபஜ்ஜதி, ஸோ கத²ங் படிபு³த்³தோ⁴ விஸுஜ்ஜ²தி. யோ படிபு³த்³தோ⁴வ ஆபன்னோ, ஸோ கத²ங் ஸுத்தோ ஸுஜ்ஜ²தீதி யோஜனா.
526. Yo sutto āpattiṃ āpajjati, so kathaṃ paṭibuddho visujjhati. Yo paṭibuddhova āpanno, so kathaṃ sutto sujjhatīti yojanā.
528. ஸகா³ரஸெய்யகாதி³ந்தி மாதுகா³மேன ஸஹஸெய்யாதி³ஆபத்திங்.
528.Sagāraseyyakādinti mātugāmena sahaseyyādiāpattiṃ.
529. ஜக்³க³ந்தோதி ஜாக³ரந்தோ நித்³த³ங் வினோதெ³ந்தோ.
529.Jaggantoti jāgaranto niddaṃ vinodento.
531. படிபு³த்³தோ⁴தி அனித்³தா³யந்தோ.
531.Paṭibuddhoti aniddāyanto.
532. அசித்தோதி ‘‘ஸிக்கா²பத³ங் வீதிக்கமிஸ்ஸாமீ’’தி சித்தா பா⁴வேன அசித்தோ.
532.Acittoti ‘‘sikkhāpadaṃ vītikkamissāmī’’ti cittā bhāvena acitto.
535. ஸசித்தகாபத்திந்தி விகாலபோ⁴ஜனாதி³ஆபத்திங். திணவத்தா²ரே ஸயந்தோ நித்³தா³யந்தோ திணவத்தா²ரககம்மே கரியமானே ‘‘இமினாஹங் கம்மேன ஆபத்திதோ வுட்டா²மீ’’தி சித்தரஹிதோ வுட்ட²ஹந்தோ அசித்தகோ விஸுஜ்ஜ²தி.
535.Sacittakāpattinti vikālabhojanādiāpattiṃ. Tiṇavatthāre sayanto niddāyanto tiṇavatthārakakamme kariyamāne ‘‘imināhaṃ kammena āpattito vuṭṭhāmī’’ti cittarahito vuṭṭhahanto acittako visujjhati.
536. பச்சி²மங் து பத³த்³வயந்தி –
536.Pacchimaṃ tu padadvayanti –
‘‘ஆபஜ்ஜித்வா அசித்தோவ, அசித்தோவ விஸுஜ்ஜ²தி;
‘‘Āpajjitvā acittova, acittova visujjhati;
ஆபஜ்ஜித்வா ஸசித்தோவ, ஸசித்தோவ விஸுஜ்ஜ²தீ’’தி. –
Āpajjitvā sacittova, sacittova visujjhatī’’ti. –
பத³த்³வயங் . அமிஸ்ஸெத்வாதி அசித்தஸசித்தபதே³ஹி ஏவமேவ மிஸ்ஸங் அகத்வா. எத்தா²தி புரிமபத³த்³வயே. வுத்தானுஸாரேனாதி வுத்தனயானுஸாரேன.
Padadvayaṃ . Amissetvāti acittasacittapadehi evameva missaṃ akatvā. Etthāti purimapadadvaye. Vuttānusārenāti vuttanayānusārena.
539. கம்மதோதி ஸமனுபா⁴ஸனகம்மதோ.
539.Kammatoti samanubhāsanakammato.
540. ஆபஜ்ஜித்வா அகம்மதோதி ஸமனுபா⁴ஸனகம்மங் வினாவ ஆபஜ்ஜித்வா.
540.Āpajjitvā akammatoti samanubhāsanakammaṃ vināva āpajjitvā.
541. ஸமனுபா⁴ஸனே ஆபஜ்ஜிதப்³ப³ங் ஸங்கா⁴தி³ஸேஸாபத்திங் ஸமனுபா⁴ஸனமாஹ காரணூபசாரேன.
541. Samanubhāsane āpajjitabbaṃ saṅghādisesāpattiṃ samanubhāsanamāha kāraṇūpacārena.
542. அவஸேஸந்தி முஸாவாத³பாசித்தியாதி³கங்.
542.Avasesanti musāvādapācittiyādikaṃ.
543. விஸுஜ்ஜ²தி அஸம்முகா²தி ஸங்க⁴ஸ்ஸ அஸம்முகா² விஸுஜ்ஜ²தி. இத³ஞ்ச ஸம்முகா²வினயேன சேவ படிஞ்ஞாதகரணேன ச ஸமெந்தங் ஆபத்தாதி⁴கரணங் ஸந்தா⁴ய வுத்தங். தத்த² புக்³க³லஸம்முக²தாய ஸப்³பா⁴வேபி ஸங்க⁴ஸ்ஸ அஸம்முக²தாய ஆபஜ்ஜதி வா விஸுஜ்ஜ²தி வாதி ‘‘அஸம்முகா²’’தி வுத்தங்.
543.Visujjhati asammukhāti saṅghassa asammukhā visujjhati. Idañca sammukhāvinayena ceva paṭiññātakaraṇena ca samentaṃ āpattādhikaraṇaṃ sandhāya vuttaṃ. Tattha puggalasammukhatāya sabbhāvepi saṅghassa asammukhatāya āpajjati vā visujjhati vāti ‘‘asammukhā’’ti vuttaṃ.
551. ‘‘அசித்தகசதுக்கங் அஜானந்தசதுக்க’’ந்தி குஸலத்திகப²ஸ்ஸபஞ்சகாதி³வோஹாரோ விய ஆதி³பத³வஸேன வுத்தோ.
551. ‘‘Acittakacatukkaṃ ajānantacatukka’’nti kusalattikaphassapañcakādivohāro viya ādipadavasena vutto.
552-3. அத்தா²பத்தி ஆக³ந்துகோ ஆபஜ்ஜதி, ந சேதரோ ஆவாஸிகோ ஆபஜ்ஜதி, அத்தா²பத்தி ஆவாஸிகோவ ஆபஜ்ஜதி, ந சேதரோ ஆக³ந்துகோ ஆபஜ்ஜதி, அத்தா²பத்தி ஆக³ந்துகோ ச ஆவாஸிகோ ச தே உபோ⁴பி ஆபஜ்ஜந்தி, உபோ⁴ ஸேஸங் ந ஆபஜ்ஜந்தி அத்தீ²தி யோஜனா.
552-3. Atthāpatti āgantuko āpajjati, na cetaro āvāsiko āpajjati, atthāpatti āvāsikova āpajjati, na cetaro āgantuko āpajjati, atthāpatti āgantuko ca āvāsiko ca te ubhopi āpajjanti, ubho sesaṃ na āpajjanti atthīti yojanā.
555. இதரோதி ஆவாஸிகோ. ஆவாஸவத்தந்தி ஆவாஸிகேன ஆக³ந்துகஸ்ஸ காதப்³ப³வத்தங். ஆவாஸீதி ஆவாஸிகோ.
555.Itaroti āvāsiko. Āvāsavattanti āvāsikena āgantukassa kātabbavattaṃ. Āvāsīti āvāsiko.
556. ந சேவாக³ந்துகோதி தங் ஆவாஸிகவத்தங் அகரொந்தோ ஆக³ந்துகோ ந சேவ ஆபஜ்ஜதி . ஸேஸங் காயவசீத்³வாரிகங் ஆபத்திங். உபோ⁴பி ஆக³ந்துகஆவாஸிகா. பி⁴க்கு²பி⁴க்கு²னீனங் அஸாதா⁴ரணங் ஆபத்திங் ந ஆபஜ்ஜந்தி.
556.Na cevāgantukoti taṃ āvāsikavattaṃ akaronto āgantuko na ceva āpajjati . Sesaṃ kāyavacīdvārikaṃ āpattiṃ. Ubhopi āgantukaāvāsikā. Bhikkhubhikkhunīnaṃ asādhāraṇaṃ āpattiṃ na āpajjanti.
557. வத்து²னானத்ததாதி வீதிக்கமனானத்ததா. ஆபத்தினானத்ததாதி பாராஜிகாதீ³னங் ஸத்தன்னங் ஆபத்திக்க²ந்தா⁴னங் அஞ்ஞமஞ்ஞனானத்ததா.
557.Vatthunānattatāti vītikkamanānattatā. Āpattinānattatāti pārājikādīnaṃ sattannaṃ āpattikkhandhānaṃ aññamaññanānattatā.
563. ‘‘பாராஜிகானங்…பே॰… நானபா⁴வோ’’தி இத³ங் நித³ஸ்ஸனமத்தங் ஸங்கா⁴தி³ஸேஸானங் அனியதாதீ³ஹி வத்து²னானதாய சேவ ஆபத்தினானதாய ச லப்³ப⁴மானத்தா.
563.‘‘Pārājikānaṃ…pe… nānabhāvo’’ti idaṃ nidassanamattaṃ saṅghādisesānaṃ aniyatādīhi vatthunānatāya ceva āpattinānatāya ca labbhamānattā.
565. அயமேவ வினிச்ச²யோதி ந கேவலங் பாராஜிகாபத்தீஸுயேவ ஸாதா⁴ரணாபத்தியோ ஏகதோ ச விஸுஞ்ச ஆபஜ்ஜந்தானங் யதா²வுத்தவினிச்ச²யோ, அத² கோ² அவஸேஸஸாதா⁴ரணாபத்தியோபி வுத்தனயேன ஆபஜ்ஜதி, அயமேவ வினிச்ச²யோ யோஜேதப்³போ³.
565.Ayameva vinicchayoti na kevalaṃ pārājikāpattīsuyeva sādhāraṇāpattiyo ekato ca visuñca āpajjantānaṃ yathāvuttavinicchayo, atha kho avasesasādhāraṇāpattiyopi vuttanayena āpajjati, ayameva vinicchayo yojetabbo.
577. ஆதி³யந்தோ க³ண்ஹந்தோ. பயோஜெந்தோதி க³ண்ஹாபெந்தோ.
577.Ādiyanto gaṇhanto. Payojentoti gaṇhāpento.
579. ஊனகங் பாத³ங்…பே॰… லஹுங் பு²ஸேதி து²ல்லச்சயங், து³க்கடஞ்ச ஸந்தா⁴யாஹ.
579.Ūnakaṃpādaṃ…pe… lahuṃ phuseti thullaccayaṃ, dukkaṭañca sandhāyāha.
580. ஏதேனேவ உபாயேன, ஸேஸகம்பி பத³த்தயந்தி யோ அயங் பட²மவினிச்ச²யே வுத்தனயோ, ஏதேனேவ நயேன ஊனபாத³ங் ஆதி³யந்தோ லஹுகாபத்திங் ஆபஜ்ஜதி, பாத³ங் வா அதிரேகபாத³ங் வா க³ஹணத்த²ங் ஆணாபெந்தோ க³ருங் பாராஜிகாபத்திங் ஆபஜ்ஜதி, பாத³ங் வா அதிரேகபாத³ங் வா க³ண்ஹந்தோ ச க³ஹணத்தா²ய ஆணாபெந்தோ ச க³ருகே பாராஜிகாபத்தியங்யேவ திட்ட²தி, ஊனபாத³ங் க³ண்ஹந்தோ ச க³ஹணத்தா²ய ஆணாபெந்தோ ச லஹுகே து²ல்லச்சயே, து³க்கடே வா திட்ட²தீதி ஏவங் ஸேஸகம்பி இமங் பத³த்தயங். அத்த²ஸம்ப⁴வதோயேவாதி யதா²வுத்தஸ்ஸ அத்த²ஸ்ஸ ஸம்ப⁴வவஸேனேவ.
580.Eteneva upāyena, sesakampi padattayanti yo ayaṃ paṭhamavinicchaye vuttanayo, eteneva nayena ūnapādaṃ ādiyanto lahukāpattiṃ āpajjati, pādaṃ vā atirekapādaṃ vā gahaṇatthaṃ āṇāpento garuṃ pārājikāpattiṃ āpajjati, pādaṃ vā atirekapādaṃ vā gaṇhanto ca gahaṇatthāya āṇāpento ca garuke pārājikāpattiyaṃyeva tiṭṭhati, ūnapādaṃ gaṇhanto ca gahaṇatthāya āṇāpento ca lahuke thullaccaye, dukkaṭe vā tiṭṭhatīti evaṃ sesakampi imaṃ padattayaṃ. Atthasambhavatoyevāti yathāvuttassa atthassa sambhavavaseneva.
581-2. கத²ங் காலேயேவ ஆபத்தி ஸியா, நோ விகாலே, விகாலேயேவ ஆபத்தி ஸியா, ந ச காலே, அத்தா²பத்தி காலே ச பகாஸிதா விகாலே ச, அத்தா²பத்தி நேவ காலே ச பகாஸிதா நேவ விகாலே சாதி யோஜனா.
581-2. Kathaṃ kāleyeva āpatti siyā, no vikāle, vikāleyeva āpatti siyā, na ca kāle, atthāpatti kāle ca pakāsitā vikāle ca, atthāpatti neva kāle ca pakāsitā neva vikāle cāti yojanā.
586-7. காலே படிக்³க³ஹிதங் கிங் காலே கப்பதி விகாலே து நோ கப்பதி, விகாலே க³ஹிதங் கிங் விகாலே கப்பதி, நோ காலே கப்பதி, காலே ச விகாலே ச படிக்³க³ஹிதங் கிங் நாம காலே ச விகாலே ச கப்பதி, காலே ச விகாலே ச படிக்³க³ஹிதங் கிங் நாம காலே ச விகாலே ச ந கப்பதி, வத³ ப⁴த்³ரமுகா²தி யோஜனா.
586-7. Kāle paṭiggahitaṃ kiṃ kāle kappati vikāle tu no kappati, vikāle gahitaṃ kiṃ vikāle kappati, no kāle kappati, kāle ca vikāle ca paṭiggahitaṃ kiṃ nāma kāle ca vikāle ca kappati, kāle ca vikāle ca paṭiggahitaṃ kiṃ nāma kāle ca vikāle ca na kappati, vada bhadramukhāti yojanā.
589. விகாலேயேவ கப்பதி, அபரஜ்ஜு காலேபி ந கப்பதீதி யோஜனா.
589. Vikāleyeva kappati, aparajju kālepi na kappatīti yojanā.
592. குலதூ³ஸனகம்மாதி³ந்தி ஆதி³-ஸத்³தே³ன அபூ⁴தாரோசனரூபியஸங்வோஹாரவிஞ்ஞத்திகுஹனாதீ³னங் ஸங்க³ஹோ.
592.Kuladūsanakammādinti ādi-saddena abhūtārocanarūpiyasaṃvohāraviññattikuhanādīnaṃ saṅgaho.
593-4. கதமா ஆபத்தி பச்சந்திமேஸு தே³ஸேஸு ஆபஜ்ஜதி, ந மஜ்ஜி²மே, கதமா ஆபத்தி மஜ்ஜி²மே பன தே³ஸஸ்மிங் ஆபஜ்ஜதி, ந ச பச்சந்திமேஸு, கதமா ஆபத்தி பச்சந்திமேஸு சேவ தே³ஸேஸு ஆபஜ்ஜதி மஜ்ஜி²மே ச, கதமா ஆபத்தி பச்சந்திமேஸு சேவ தே³ஸேஸு ந ஆபஜ்ஜதி ந மஜ்ஜி²மே சாதி யோஜனா.
593-4. Katamā āpatti paccantimesu desesu āpajjati, na majjhime, katamā āpatti majjhime pana desasmiṃ āpajjati, na ca paccantimesu, katamā āpatti paccantimesu ceva desesu āpajjati majjhime ca, katamā āpatti paccantimesu ceva desesu na āpajjati na majjhime cāti yojanā.
596. ‘‘ஸோ கு³ணங்கு³ணுபாஹன’’ந்தி பத³ச்சே²தோ³. ஸோ பி⁴க்கூ²தி அத்தோ².
596. ‘‘So guṇaṅguṇupāhana’’nti padacchedo. So bhikkhūti attho.
599. ஏவங் ‘‘ஆபஜ்ஜதி, நாபஜ்ஜதீ’’தி பத³வஸேன பச்சந்திமசதுக்கங் த³ஸ்ஸெத்வா ‘‘நேவ கப்பதி, ந கப்பதீ’’தி பத³வஸேன த³ஸ்ஸேதுமாஹ ‘‘பச்சந்திமேஸூ’’திஆதி³.
599. Evaṃ ‘‘āpajjati, nāpajjatī’’ti padavasena paccantimacatukkaṃ dassetvā ‘‘neva kappati, na kappatī’’ti padavasena dassetumāha ‘‘paccantimesū’’tiādi.
601. வுத்தந்தி ‘‘க³ணேன பஞ்சவக்³கே³னா’’திஆதி³கா³தா²ய ஹெட்டா² வுத்தங்.
601.Vuttanti ‘‘gaṇena pañcavaggenā’’tiādigāthāya heṭṭhā vuttaṃ.
603. ஏவங் வத்துந்தி ‘‘ந கப்பதீ’’தி வத்துங். பஞ்சலோணாதி³கந்தி ‘‘அனுஜானாமி, பி⁴க்க²வே, லோணானீ’’திஆதி³.
603.Evaṃ vattunti ‘‘na kappatī’’ti vattuṃ. Pañcaloṇādikanti ‘‘anujānāmi, bhikkhave, loṇānī’’tiādi.
608. அனுஞ்ஞாதட்டா²னஸ்ஸ அந்தோ நோ ஆபஜ்ஜதி, தங் அதிக்கமந்தோ ப³ஹியேவ ச ஆபஜ்ஜதீதி யோஜனா.
608. Anuññātaṭṭhānassa anto no āpajjati, taṃ atikkamanto bahiyeva ca āpajjatīti yojanā.
612. ஸெக்க²பஞ்ஞத்தீதி ஸேகி²யபஞ்ஞத்தி.
612.Sekkhapaññattīti sekhiyapaññatti.
613. அக³ணாதி அது³தியா. எத்த² ஹி ஏகாபி க³ணோ நாம.
613.Agaṇāti adutiyā. Ettha hi ekāpi gaṇo nāma.
614. உப⁴யத்த²பி அஸாதா⁴ரணமாபத்திந்தி பி⁴க்கு²னீனங் நியதாபஞ்ஞத்தி வேதி³தப்³பா³.
614.Ubhayatthapi asādhāraṇamāpattinti bhikkhunīnaṃ niyatāpaññatti veditabbā.
616. கி³லானோ ச நாபஜ்ஜதி, அகி³லானோ ச நாபஜ்ஜதீதி ஏவங் உபோ⁴பி நாபஜ்ஜந்தீதி யோஜனா. திகாதீ³ஸு த³ஸ்ஸிதானங் பதா³னங் சதுக்காதி³த³ஸ்ஸனவஸேன புனப்புனங் க³ஹணங்.
616. Gilāno ca nāpajjati, agilāno ca nāpajjatīti evaṃ ubhopi nāpajjantīti yojanā. Tikādīsu dassitānaṃ padānaṃ catukkādidassanavasena punappunaṃ gahaṇaṃ.
618. ‘‘ஆபஜ்ஜதி அகி³லானோவா’’தி பத³ச்சே²தோ³.
618. ‘‘Āpajjati agilānovā’’ti padacchedo.
சதுக்ககதா²வண்ணனா.
Catukkakathāvaṇṇanā.
620. ‘‘க³ருது²ல்லச்சய’’ந்தி வத்தப்³பே³ ‘‘க³ரு’’ந்தி நிக்³க³ஹீதாக³மோ.
620. ‘‘Garuthullaccaya’’nti vattabbe ‘‘garu’’nti niggahītāgamo.
621. பஞ்ச கதி²னானிஸங்ஸா ஹெட்டா² வுத்தாயேவ.
621. Pañca kathinānisaṃsā heṭṭhā vuttāyeva.
626. அக்³கி³ஸத்த²னக²க்கந்தந்தி அக்³கி³ஸத்த²னகே²ஹி அக்கந்தங் பு²ட்ட²ங், பஹடந்தி அத்தோ². அபீ³ஜந்தி நோபீ³ஜங். உப்³ப³ட்டபீ³ஜகந்தி நிப்³ப³ட்டபீ³ஜகங்.
626.Aggisatthanakhakkantanti aggisatthanakhehi akkantaṃ phuṭṭhaṃ, pahaṭanti attho. Abījanti nobījaṃ. Ubbaṭṭabījakanti nibbaṭṭabījakaṃ.
628. பவாரணாபீதி படிக்கே²பபவாரணாபி. ஓத³னாதீ³ஹீதி ஆதி³-ஸத்³தே³ன ஸத்துகும்மாஸமச்ச²மங்ஸானங் க³ஹணங். காயாதி³க³ஹணேனாதி காயேன வா காயபடிப³த்³தே⁴ன வா க³ஹணேன. ‘‘தா³துகாமாபி⁴ஹாரோ ச, ஹத்த²பாஸேரணக்க²ம’’ந்தி இமேஹி சதூஹி அங்கே³ஹி ஸத்³தி⁴ங் தேஸங் த்³வின்னமேகங் க³ஹெத்வா படிக்³க³ஹணா பஞ்சேவ ஹொந்தி.
628.Pavāraṇāpīti paṭikkhepapavāraṇāpi. Odanādīhīti ādi-saddena sattukummāsamacchamaṃsānaṃ gahaṇaṃ. Kāyādigahaṇenāti kāyena vā kāyapaṭibaddhena vā gahaṇena. ‘‘Dātukāmābhihāro ca, hatthapāseraṇakkhama’’nti imehi catūhi aṅgehi saddhiṃ tesaṃ dvinnamekaṃ gahetvā paṭiggahaṇā pañceva honti.
629-30. வினயஞ்ஞுகஸ்மிந்தி வினயத⁴ரே புக்³க³லே. ஸகஞ்ச ஸீலந்தி அத்தனோ பாதிமொக்க²ஸங்வரஸீலஞ்ச. ஸுரக்கி²தங் ஹோதீதி ஆபத்தானாபத்திகப்பியாகப்பியானங் விஜானந்ததாய அஸேவிதப்³ப³ங் பஹாய ஸேவிதப்³ப³ங்யேவ ஸேவனவஸேன ஸுட்டு² ரக்கி²தங் ஹோதி. குக்குச்சமஞ்ஞஸ்ஸ நிராகரோதீதி அஞ்ஞஸ்ஸ ஸப்³ரஹ்மசாரினோ கப்பியாகப்பியவிஸயே உப்பன்னங் குக்குச்சங் நிவாரேதி. விஸாரதோ³ பா⁴ஸதி ஸங்க⁴மஜ்ஜே²தி கப்பியாகப்பியானங் வினிச்ச²யகதா²ய உப்பன்னாய நிராஸங்கோ நிப்³ப⁴யோ வோஹரதி. வேரிபி⁴க்கூ²தி அத்தபச்சத்தி²கே புக்³க³லே. த⁴ம்மஸ்ஸ சேவ டி²தியா பவத்தோதி ‘‘வினயோ நாம ஸாஸனஸ்ஸ ஆயு, வினயே டி²தே ஸாஸனங் டி²தங் ஹோதீ’’தி (பாரா॰ அட்ட²॰ 1.பட²மமஹாஸங்கீ³திகதா²; தீ³॰ நி॰ அட்ட²॰ 1.பட²மமஹாஸங்கீ³திகதா²; கு²॰ பா॰ அட்ட²॰ 5.மங்க³லஸுத்தவண்ணனா; தே²ரகா³॰ அட்ட²॰ 1.251) வசனதோ ஸத்³த⁴ம்மட்டி²தியா படிபன்னோ ஹோதி. தஸ்மா காரணா. தத்த² வினயஞ்ஞுபா⁴வே. தீ⁴ரோ பஞ்ஞவா பி⁴க்கு².
629-30.Vinayaññukasminti vinayadhare puggale. Sakañca sīlanti attano pātimokkhasaṃvarasīlañca. Surakkhitaṃ hotīti āpattānāpattikappiyākappiyānaṃ vijānantatāya asevitabbaṃ pahāya sevitabbaṃyeva sevanavasena suṭṭhu rakkhitaṃ hoti. Kukkuccamaññassa nirākarotīti aññassa sabrahmacārino kappiyākappiyavisaye uppannaṃ kukkuccaṃ nivāreti. Visārado bhāsati saṅghamajjheti kappiyākappiyānaṃ vinicchayakathāya uppannāya nirāsaṅko nibbhayo voharati. Veribhikkhūti attapaccatthike puggale. Dhammassa ceva ṭhitiyā pavattoti ‘‘vinayo nāma sāsanassa āyu, vinaye ṭhite sāsanaṃ ṭhitaṃ hotī’’ti (pārā. aṭṭha. 1.paṭhamamahāsaṅgītikathā; dī. ni. aṭṭha. 1.paṭhamamahāsaṅgītikathā; khu. pā. aṭṭha. 5.maṅgalasuttavaṇṇanā; theragā. aṭṭha. 1.251) vacanato saddhammaṭṭhitiyā paṭipanno hoti. Tasmā kāraṇā. Tattha vinayaññubhāve. Dhīro paññavā bhikkhu.
பஞ்சககதா²வண்ணனா.
Pañcakakathāvaṇṇanā.
631-2. ச²ளபி⁴ஞ்ஞேனாதி ச² அபி⁴ஞ்ஞா ஏதஸ்ஸாதி ச²ளபி⁴ஞ்ஞோ, தேன. அதிக்கந்தபமாணங் மஞ்சபீட²ங், அதிக்கந்தபமாணங் நிஸீத³னஞ்ச ததா² அதிக்கந்தபமாணங் கண்டு³ப்படிச்சா²தி³வஸ்ஸஸாடிகசீவரஞ்ச ஸுக³தஸ்ஸ சீவரே பமாணிகசீவரந்தி ச².
631-2.Chaḷabhiññenāti cha abhiññā etassāti chaḷabhiñño, tena. Atikkantapamāṇaṃ mañcapīṭhaṃ, atikkantapamāṇaṃ nisīdanañca tathā atikkantapamāṇaṃ kaṇḍuppaṭicchādivassasāṭikacīvarañca sugatassa cīvare pamāṇikacīvaranti cha.
633-4. அஞ்ஞாணஞ்ச குக்குச்சஞ்ச அஞ்ஞாணகுக்குச்சா, தேஹி, அஞ்ஞாணதாய சேவ குக்குச்சபகததாய சாதி வுத்தங் ஹோதி. விபரீதாய ஸஞ்ஞாய கப்பியே அகப்பியஸஞ்ஞாய, அகப்பியே கப்பியஸஞ்ஞாய.
633-4. Aññāṇañca kukkuccañca aññāṇakukkuccā, tehi, aññāṇatāya ceva kukkuccapakatatāya cāti vuttaṃ hoti. Viparītāya saññāya kappiye akappiyasaññāya, akappiye kappiyasaññāya.
தத்த² கத²ங் அலஜ்ஜிதாய ஆபஜ்ஜதி? அகப்பியபா⁴வங் ஜானந்தோயேவ மத்³தி³த்வா வீதிக்கமங் கரோதி (கங்கா²॰ அட்ட²॰ நிதா³னவண்ணனா). வுத்தம்பி சேதங் –
Tattha kathaṃ alajjitāya āpajjati? Akappiyabhāvaṃ jānantoyeva madditvā vītikkamaṃ karoti (kaṅkhā. aṭṭha. nidānavaṇṇanā). Vuttampi cetaṃ –
‘‘ஸஞ்சிச்ச ஆபத்திங் ஆபஜ்ஜதி;
‘‘Sañcicca āpattiṃ āpajjati;
ஆபத்திங் பரிகூ³ஹதி;
Āpattiṃ parigūhati;
அக³திக³மனஞ்ச க³ச்ச²தி;
Agatigamanañca gacchati;
ஏதி³ஸோ வுச்சதி அலஜ்ஜீ புக்³க³லோ’’தி. (பரி॰ 359);
Ediso vuccati alajjī puggalo’’ti. (pari. 359);
கத²ங் அஞ்ஞாணதாய ஆபஜ்ஜதி? அஞ்ஞாணபுக்³க³லோ மந்தோ³ மோமூஹோ கத்தப்³பா³கத்தப்³ப³ங் அஜானந்தோ அகத்தப்³ப³ங் கரோதி, கத்தப்³ப³ங் விராதே⁴தி. ஏவங் அஞ்ஞாணதாய ஆபஜ்ஜதி.
Kathaṃ aññāṇatāya āpajjati? Aññāṇapuggalo mando momūho kattabbākattabbaṃ ajānanto akattabbaṃ karoti, kattabbaṃ virādheti. Evaṃ aññāṇatāya āpajjati.
கத²ங் குக்குச்சபகததாய ஆபஜ்ஜதி? கப்பியாகப்பியங் நிஸ்ஸாய குக்குச்சே உப்பன்னே வினயத⁴ரங் புச்சி²த்வா கப்பியங் சே, கத்தப்³ப³ங் ஸியா, அகப்பியங் சே, ந கத்தப்³ப³ங், அயங் பன ‘‘வட்டதீ’’தி மத்³தி³த்வா வீதிக்கமதியேவ. ஏவங் குக்குச்சபகததாய ஆபஜ்ஜதி.
Kathaṃ kukkuccapakatatāya āpajjati? Kappiyākappiyaṃ nissāya kukkucce uppanne vinayadharaṃ pucchitvā kappiyaṃ ce, kattabbaṃ siyā, akappiyaṃ ce, na kattabbaṃ, ayaṃ pana ‘‘vaṭṭatī’’ti madditvā vītikkamatiyeva. Evaṃ kukkuccapakatatāya āpajjati.
கத²ங் கப்பியே அகப்பியஸஞ்ஞாய ஆபஜ்ஜதி? ஸூகரமங்ஸங் ‘‘அச்ச²மங்ஸ’’ந்தி கா²த³தி, காலே விகாலஸஞ்ஞாய பு⁴ஞ்ஜதி. ஏவங் கப்பியே அகப்பியஸஞ்ஞாய ஆபஜ்ஜதி.
Kathaṃ kappiye akappiyasaññāya āpajjati? Sūkaramaṃsaṃ ‘‘acchamaṃsa’’nti khādati, kāle vikālasaññāya bhuñjati. Evaṃ kappiye akappiyasaññāya āpajjati.
கத²ங் அகப்பியே கப்பியஸஞ்ஞாய ஆபஜ்ஜதி? அச்ச²மங்ஸங் ‘‘ஸூகரமங்ஸ’’ந்தி கா²த³தி, விகாலே காலஸஞ்ஞாய பு⁴ஞ்ஜதி. ஏவங் அகப்பியே கப்பியஸஞ்ஞாய ஆபஜ்ஜதி.
Kathaṃ akappiye kappiyasaññāya āpajjati? Acchamaṃsaṃ ‘‘sūkaramaṃsa’’nti khādati, vikāle kālasaññāya bhuñjati. Evaṃ akappiye kappiyasaññāya āpajjati.
கத²ங் ஸதிஸம்மோஸாய ஆபஜ்ஜதி? ஸஹஸெய்யசீவரவிப்பவாஸாதீ³னி ஸதிஸம்மோஸாய ஆபஜ்ஜதி.
Kathaṃ satisammosāya āpajjati? Sahaseyyacīvaravippavāsādīni satisammosāya āpajjati.
635-8. ‘‘பி⁴க்கு²னா உபட்ட²பேதப்³போ³’’தி பத³ச்சே²தோ³. த⁴ம்மசக்கு²னாதி பாதிமொக்க²ஸங்வரஸீலஸங்கா²தோ படிபத்தித⁴ம்மோவ சக்கு² ஏதஸ்ஸாதி த⁴ம்மசக்கு², தேன ச²ஹி அங்கே³ஹி யுத்தேன த⁴ம்மசக்கு²னா பன பி⁴க்கு²னா உபஸம்பாத³னா காதப்³பா³, நிஸ்ஸயோ சேவ தா³தப்³போ³, ஸாமணேரோ உபட்டா²பேதப்³போ³தி யோஜனா. ஆபத்திங் ஜானாதி, அனாபத்திங் ஜானாதி, க³ருங் ஆபத்திங் ஜானாதி, லஹுங் ஆபத்திங் ஜானாதீதி யோஜனா. அஸ்ஸ பி⁴க்கு²னோ உப⁴யானி பாதிமொக்கா²னி வித்தா²ரா ஸ்வாக³தானி ப⁴வந்தி, அத்த²தோ ஸுவிப⁴த்தானி ப⁴வந்தி, ஸுத்தஸோ அனுப்³யஞ்ஜனஸோ ஸுவினிச்சி²தானி ப⁴வந்தி, த³ஸவஸ்ஸோ வா ஹோதி, அதிரேகத³ஸவஸ்ஸோ வாதி யோஜனா.
635-8. ‘‘Bhikkhunā upaṭṭhapetabbo’’ti padacchedo. Dhammacakkhunāti pātimokkhasaṃvarasīlasaṅkhāto paṭipattidhammova cakkhu etassāti dhammacakkhu, tena chahi aṅgehi yuttena dhammacakkhunā pana bhikkhunā upasampādanā kātabbā, nissayo ceva dātabbo, sāmaṇero upaṭṭhāpetabboti yojanā. Āpattiṃ jānāti, anāpattiṃ jānāti, garuṃ āpattiṃ jānāti, lahuṃ āpattiṃ jānātīti yojanā. Assa bhikkhuno ubhayāni pātimokkhāni vitthārā svāgatāni bhavanti, atthato suvibhattāni bhavanti, suttaso anubyañjanaso suvinicchitāni bhavanti, dasavasso vā hoti, atirekadasavasso vāti yojanā.
ச²க்ககதா²வண்ணனா.
Chakkakathāvaṇṇanā.
639. ஸத்த ஸாமீசியோ வுத்தாதி ‘‘ஸோ ச பி⁴க்கு² அனப்³பி⁴தோ, தே ச பி⁴க்கூ² கா³ரய்ஹா, அயங் தத்த² ஸாமீசி, யுஞ்ஜந்தாயஸ்மந்தோ ஸகங், மா வோ ஸகங் வினஸ்ஸாதி அயங் தத்த² ஸாமீசி, அயங் தே பி⁴க்கு² பத்தோ யாவ பே⁴த³னாய தா⁴ரேதப்³போ³தி, அயங் தத்த² ஸாமீசி, ததோ நீஹரித்வா பி⁴க்கூ²ஹி ஸத்³தி⁴ங் ஸங்விப⁴ஜிதப்³ப³ங், அயங் தத்த² ஸாமீசி, அஞ்ஞாதப்³ப³ங் பரிபுச்சி²தப்³ப³ங் பரிபஞ்ஹிதப்³ப³ங், அயங் தத்த² ஸாமீசி, யஸ்ஸ ப⁴விஸ்ஸதி, ஸோ ஹரிஸ்ஸதீதி, அயங் தத்த² ஸாமீசீ’’தி ச² ஸாமீசியோ பி⁴க்கு²பாதிமொக்கே²வுத்தா, ‘‘ஸா ச பி⁴க்கு²னீ அனப்³பி⁴தா, தா ச பி⁴க்கு²னியோ கா³ரய்ஹா, அயங் தத்த² ஸாமீசீ’’தி பி⁴க்கு²னிபாதிமொக்கே² வுத்தாய ஸத்³தி⁴ங் ஸத்த ஸாமீசியோ வுத்தா. ஸத்தேவ ஸமதா²பி சாதி ஸம்முகா²வினயாதி³ஸமதா²பி ஸத்தேவ வுத்தா. பஞ்ஞத்தாபத்தியோ ஸத்தாதி பாராஜிகாத³யோ பஞ்ஞத்தாபத்தியோ ஸத்த வுத்தா. ஸத்தபொ³ஜ்ஜ²ங்க³த³ஸ்ஸினாதி ஸதிஸம்பொ³ஜ்ஜ²ங்கா³த³யோ ஸத்த பொ³ஜ்ஜ²ங்கே³ யாதா²வதோ பஸ்ஸந்தேன ப⁴க³வதா.
639.Sattasāmīciyo vuttāti ‘‘so ca bhikkhu anabbhito, te ca bhikkhū gārayhā, ayaṃ tattha sāmīci, yuñjantāyasmanto sakaṃ, mā vo sakaṃ vinassāti ayaṃ tattha sāmīci, ayaṃ te bhikkhu patto yāva bhedanāya dhāretabboti, ayaṃ tattha sāmīci, tato nīharitvā bhikkhūhi saddhiṃ saṃvibhajitabbaṃ, ayaṃ tattha sāmīci, aññātabbaṃ paripucchitabbaṃ paripañhitabbaṃ, ayaṃ tattha sāmīci, yassa bhavissati, so harissatīti, ayaṃ tattha sāmīcī’’ti cha sāmīciyo bhikkhupātimokkhevuttā, ‘‘sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīcī’’ti bhikkhunipātimokkhe vuttāya saddhiṃ satta sāmīciyo vuttā. Satteva samathāpi cāti sammukhāvinayādisamathāpi satteva vuttā. Paññattāpattiyo sattāti pārājikādayo paññattāpattiyo satta vuttā. Sattabojjhaṅgadassināti satisambojjhaṅgādayo satta bojjhaṅge yāthāvato passantena bhagavatā.
ஸத்தககதா²வண்ணனா.
Sattakakathāvaṇṇanā.
640-1. இத⁴ குலதூ³ஸகோ பி⁴க்கு² ஆஜீவஸ்ஸேவ காரணா புப்பே²ன, ப²லேன, சுண்ணேன, மத்திகாய, த³ந்தகட்டே²ஹி, வேளுயா, வேஜ்ஜிகாய, ஜங்க⁴பேஸனிகேனாதி இமேஹி அட்ட²ஹி ஆகாரேஹி குலானி தூ³ஸேதீதி யோஜனா. ‘‘புப்பே²னா’’திஆதி³னா புப்பா²தி³னா தா³னமேவ உபலக்க²ணதோ த³ஸ்ஸேதி. புப்பே²னாதி புப்ப²தா³னேனாதி அத்தோ² க³ஹேதப்³போ³. புப்ப²தா³னாத³யோ குலதூ³ஸனே வுத்தா.
640-1. Idha kuladūsako bhikkhu ājīvasseva kāraṇā pupphena, phalena, cuṇṇena, mattikāya, dantakaṭṭhehi, veḷuyā, vejjikāya, jaṅghapesanikenāti imehi aṭṭhahi ākārehi kulāni dūsetīti yojanā. ‘‘Pupphenā’’tiādinā pupphādinā dānameva upalakkhaṇato dasseti. Pupphenāti pupphadānenāti attho gahetabbo. Pupphadānādayo kuladūsane vuttā.
642-5. ‘‘அட்ட²தா⁴னதிரித்தாபி, அதிரித்தாபி அட்ட²தா⁴’’தித்³வீஸு அட்ட²கேஸு அட்ட² அனதிரித்தே தாவ த³ஸ்ஸேதுமாஹ ‘‘அகப்பியகதஞ்சேவா’’திஆதி³ . கி³லானானதிரித்தகந்தி நித்³தி³ட்டா² இமே அட்டே²வ அனதிரித்தகா ஞெய்யாதி யோஜனா. அகப்பியகதாத³யோ பவாரணஸிக்கா²பத³கதா²வண்ணனாய வுத்தா.
642-5. ‘‘Aṭṭhadhānatirittāpi, atirittāpi aṭṭhadhā’’tidvīsu aṭṭhakesu aṭṭha anatiritte tāva dassetumāha ‘‘akappiyakatañcevā’’tiādi . Gilānānatirittakanti niddiṭṭhā ime aṭṭheva anatirittakā ñeyyāti yojanā. Akappiyakatādayo pavāraṇasikkhāpadakathāvaṇṇanāya vuttā.
646. ஞாதஞத்திஸூதி ஞாதது³க்கடங், ஞத்திது³க்கடஞ்ச. படிஸாவனேதி படிஸ்ஸவே. அட்ட²து³க்கடானங் வினிச்ச²யோ து³தியபாராஜிககதா²வண்ணனாய வுத்தோ.
646.Ñātañattisūti ñātadukkaṭaṃ, ñattidukkaṭañca. Paṭisāvaneti paṭissave. Aṭṭhadukkaṭānaṃ vinicchayo dutiyapārājikakathāvaṇṇanāya vutto.
648-9. ஏஹிபி⁴க்கூ²பஸம்பதா³தி யஸகுலபுத்தாதீ³னங் ‘‘ஏஹி பி⁴க்கூ²’’தி வசனேன ப⁴க³வதா தி³ன்னஉபஸம்பதா³. ஸரணக³மனேன சாதி பட²மபோ³தி⁴யங் தீஹி ஸரணக³மனேஹி அனுஞ்ஞாதஉபஸம்பதா³. பஞ்ஹாப்³யாகரணோவாதா³தி ஸோபாகஸ்ஸ பஞ்ஹாப்³யாகரணோபஸம்பதா³, மஹாகஸ்ஸபத்தே²ரஸ்ஸ தி³ன்னஓவாத³படிக்³க³ஹணோபஸம்பதா³ ச. க³ருத⁴ம்மபடிக்³க³ஹோதி மஹாபஜாபதியா கோ³தமியா அனுஞ்ஞாதக³ருத⁴ம்மபடிக்³க³ஹணோபஸம்பதா³.
648-9.Ehibhikkhūpasampadāti yasakulaputtādīnaṃ ‘‘ehi bhikkhū’’ti vacanena bhagavatā dinnaupasampadā. Saraṇagamanena cāti paṭhamabodhiyaṃ tīhi saraṇagamanehi anuññātaupasampadā. Pañhābyākaraṇovādāti sopākassa pañhābyākaraṇopasampadā, mahākassapattherassa dinnaovādapaṭiggahaṇopasampadā ca. Garudhammapaṭiggahoti mahāpajāpatiyā gotamiyā anuññātagarudhammapaṭiggahaṇopasampadā.
ஞத்திசதுத்தே²ன கம்மேனாதி இதா³னி பி⁴க்கு²உபஸம்பதா³. அட்ட²வாசிகாதி பி⁴க்கு²னீனங் ஸந்திகே ஞத்திசதுத்தே²ன கம்மேன, பி⁴க்கூ²னங் ஸந்திகே ஞத்திசதுத்தே²ன கம்மேனாதி அட்ட²ஹி கம்மவாசாஹி பி⁴க்கு²னீனங் உபஸம்பதா³ அட்ட²வாசிகா நாம. தூ³தேன பி⁴க்கு²னீனந்தி அட்³ட⁴காஸியா க³ணிகாய அனுஞ்ஞாதா பி⁴க்கு²னீனங் தூ³தேன உபஸம்பதா³.
Ñatticatutthena kammenāti idāni bhikkhuupasampadā. Aṭṭhavācikāti bhikkhunīnaṃ santike ñatticatutthena kammena, bhikkhūnaṃ santike ñatticatutthena kammenāti aṭṭhahi kammavācāhi bhikkhunīnaṃ upasampadā aṭṭhavācikā nāma. Dūtena bhikkhunīnanti aḍḍhakāsiyā gaṇikāya anuññātā bhikkhunīnaṃ dūtena upasampadā.
650. ஸுத்³த⁴தி³ட்டி²னாதி ஸுட்டு² ஸவாஸனகிலேஸானங் பஹானேன பரிஸுத்³தா⁴ ஸமந்தசக்கு²ஸங்கா²தா தி³ட்டி² ஏதஸ்ஸாதி ஸுத்³த⁴தி³ட்டி², தேன ஸமந்தசக்கு²னா ஸம்மாஸம்பு³த்³தே⁴ன.
650.Suddhadiṭṭhināti suṭṭhu savāsanakilesānaṃ pahānena parisuddhā samantacakkhusaṅkhātā diṭṭhi etassāti suddhadiṭṭhi, tena samantacakkhunā sammāsambuddhena.
651. பாபிச்சா² நாம அஸந்தகு³ணஸம்பா⁴வனிச்சா².
651.Pāpicchā nāma asantaguṇasambhāvanicchā.
652-3. ந ச மஜ்ஜபோ ஸியாதி மஜ்ஜபோ ந ஸியா மஜ்ஜங் பிவந்தோ ந ப⁴வெய்ய, மஜ்ஜங் ந பிவெய்யாதி அத்தோ². அப்³ரஹ்மசரியாதி (அ॰ நி॰ அட்ட²॰ 2.3.71) அஸெட்ட²சரியதோ மேது²னா விரமெய்ய. ரத்திங் ந பு⁴ஞ்ஜெய்ய விகாலபோ⁴ஜனந்தி உபோஸத²ங் உபவுத்தோ² ரத்திபோ⁴ஜனஞ்ச தி³வாவிகாலபோ⁴ஜனஞ்ச ந பு⁴ஞ்ஜெய்ய. ந ச க³ந்த⁴மாசரேதி க³ந்த⁴ஞ்ச ந விலிம்பெய்ய. மஞ்சே ச²மாயங் வ ஸயேத² ஸந்த²தேதி கப்பியமஞ்சே வா ஸுதா⁴தி³பரிகம்மகதாய பூ⁴மியா வா திணபண்ணபலாலாதீ³னி ஸந்த²ரித்வா கதே ஸந்த²தே வா ஸயேதா²தி அத்தோ². ஏதஞ்ஹி அட்ட²ங்கி³கமாஹுபோஸத²ந்தி ஏதங் பாணாதிபாதாதீ³னி அஸமாசரந்தேன உபவுத்த²ங் உபோஸத²ங் அட்ட²ஹங்கே³ஹி ஸமன்னாக³தத்தா ‘‘அட்ட²ங்கி³க’’ந்தி வத³ந்தி. து³க்க²ந்தகு³னாதி வட்டது³க்க²ஸ்ஸ அந்தங் அமதமஹானிப்³பா³னங் க³தேன பத்தேன பு³த்³தே⁴ன பகாஸிதந்தி யோஜனா.
652-3.Naca majjapo siyāti majjapo na siyā majjaṃ pivanto na bhaveyya, majjaṃ na piveyyāti attho. Abrahmacariyāti (a. ni. aṭṭha. 2.3.71) aseṭṭhacariyato methunā virameyya. Rattiṃ na bhuñjeyya vikālabhojananti uposathaṃ upavuttho rattibhojanañca divāvikālabhojanañca na bhuñjeyya. Na ca gandhamācareti gandhañca na vilimpeyya. Mañce chamāyaṃ va sayetha santhateti kappiyamañce vā sudhādiparikammakatāya bhūmiyā vā tiṇapaṇṇapalālādīni santharitvā kate santhate vā sayethāti attho. Etañhi aṭṭhaṅgikamāhuposathanti etaṃ pāṇātipātādīni asamācarantena upavutthaṃ uposathaṃ aṭṭhahaṅgehi samannāgatattā ‘‘aṭṭhaṅgika’’nti vadanti. Dukkhantagunāti vaṭṭadukkhassa antaṃ amatamahānibbānaṃ gatena pattena buddhena pakāsitanti yojanā.
654. பி⁴க்கு²னோவாத³கபி⁴க்கு²னோ அட்ட²ங்கா³னி பி⁴க்கு²னோவாத³கதா²வண்ணனாய த³ஸ்ஸிதானேவ.
654. Bhikkhunovādakabhikkhuno aṭṭhaṅgāni bhikkhunovādakathāvaṇṇanāya dassitāneva.
அட்ட²ககதா²வண்ணனா.
Aṭṭhakakathāvaṇṇanā.
655. போ⁴ஜனானி பணீதானி நவ வுத்தானீதி பணீதானி ஹி போ⁴ஜனஸிக்கா²பதே³ வுத்தானி. த³ஸஸு அகப்பியமங்ஸேஸு மனுஸ்ஸமங்ஸவஜ்ஜிதானி நவ மங்ஸானி கா²த³ந்தஸ்ஸ து³க்கடங் நித்³தி³ட்ட²ந்தி யோஜனா.
655.Bhojanāni paṇītāni nava vuttānīti paṇītāni hi bhojanasikkhāpade vuttāni. Dasasu akappiyamaṃsesu manussamaṃsavajjitāni nava maṃsāni khādantassa dukkaṭaṃ niddiṭṭhanti yojanā.
656. பாதிமொக்க²…பே॰… பரிதீ³பிதாதி பி⁴க்கூ²னங் பஞ்சுத்³தே³ஸா, பி⁴க்கு²னீனங் அனியதுத்³தே³ஸேஹி வினா சத்தாரோதி உத்³தே³ஸா நவ தீ³பிதா. உபோஸதா² நவேவாதி தி³வஸவஸேன தயோ, காரகவஸேன தயோ, கரணவஸேன தயோதி நவ உபோஸதா². எத்தா²தி இமஸ்மிங் ஸாஸனே. ஸங்கோ⁴ நவஹி பி⁴ஜ்ஜதீதி நவஹி புக்³க³லேஹி ஸங்கோ⁴ பி⁴ஜ்ஜதீதி யோஜனா. யதா²ஹ –
656.Pātimokkha…pe… paridīpitāti bhikkhūnaṃ pañcuddesā, bhikkhunīnaṃ aniyatuddesehi vinā cattāroti uddesā nava dīpitā. Uposathā navevāti divasavasena tayo, kārakavasena tayo, karaṇavasena tayoti nava uposathā. Etthāti imasmiṃ sāsane. Saṅgho navahi bhijjatīti navahi puggalehi saṅgho bhijjatīti yojanā. Yathāha –
‘‘ஏகதோ , உபாலி, சத்தாரோ ஹொந்தி, ஏகதோ சத்தாரோ, நவமோ அனுஸ்ஸாவேதி, ஸலாகங் கா³ஹேதி ‘அயங் த⁴ம்மோ, அயங் வினயோ, இத³ங் ஸத்து²ஸாஸனங், இமங் க³ண்ஹத², இமங் ரோசேதா²’தி. ஏவம்பி கோ², உபாலி, ஸங்க⁴ராஜி சேவ ஹோதி ஸங்க⁴பே⁴தோ³ ச. நவன்னங் வா, உபாலி, அதிரேகனவன்னங் வா ஸங்க⁴ராஜி சேவ ஹோதி ஸங்க⁴பே⁴தோ³ சா’’தி (சூளவ॰ 351).
‘‘Ekato , upāli, cattāro honti, ekato cattāro, navamo anussāveti, salākaṃ gāheti ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji ceva hoti saṅghabhedo ca. Navannaṃ vā, upāli, atirekanavannaṃ vā saṅgharāji ceva hoti saṅghabhedo cā’’ti (cūḷava. 351).
நவககதா²வண்ணனா.
Navakakathāvaṇṇanā.
657. த³ஸ அக்கோஸவத்தூ²னி வக்க²தி. த³ஸ ஸிக்கா²பதா³னி பாகடானேவ. மனுஸ்ஸமங்ஸாதீ³னி த³ஸ அகப்பியமங்ஸானி ஹெட்டா² வுத்தானேவ. ஸுக்கானி வே த³ஸாதி நீலாதீ³னி த³ஸ ஸுக்கானி.
657. Dasa akkosavatthūni vakkhati. Dasa sikkhāpadāni pākaṭāneva. Manussamaṃsādīni dasa akappiyamaṃsāni heṭṭhā vuttāneva. Sukkāni ve dasāti nīlādīni dasa sukkāni.
659. ரஞ்ஞோ அந்தேபுரப்பவேஸனே த³ஸ ஆதீ³னவா ஏவங் பாளிபாடே²ன வேதி³தப்³பா³ –
659. Rañño antepurappavesane dasa ādīnavā evaṃ pāḷipāṭhena veditabbā –
‘‘த³ஸயிமே, பி⁴க்க²வே, ஆதீ³னவா ராஜந்தேபுரப்பவேஸனே. கதமே த³ஸ? இத⁴, பி⁴க்க²வே, ராஜா மஹேஸியா ஸத்³தி⁴ங் நிஸின்னோ ஹோதி, தத்ர பி⁴க்கு² பவிஸதி, மஹேஸீ வா பி⁴க்கு²ங் தி³ஸ்வா ஸிதங் பாதுகரோதி, பி⁴க்கு² வா மஹேஸிங் தி³ஸ்வா ஸிதங் பாதுகரோதி, தத்த² ரஞ்ஞோ ஏவங் ஹோதி ‘அத்³தா⁴ இமேஸங் கதங் வா கரிஸ்ஸந்தி வா’தி. அயங், பி⁴க்க²வே, பட²மோ ஆதீ³னவோ ராஜந்தேபுரப்பவேஸனே.
‘‘Dasayime, bhikkhave, ādīnavā rājantepurappavesane. Katame dasa? Idha, bhikkhave, rājā mahesiyā saddhiṃ nisinno hoti, tatra bhikkhu pavisati, mahesī vā bhikkhuṃ disvā sitaṃ pātukaroti, bhikkhu vā mahesiṃ disvā sitaṃ pātukaroti, tattha rañño evaṃ hoti ‘addhā imesaṃ kataṃ vā karissanti vā’ti. Ayaṃ, bhikkhave, paṭhamo ādīnavo rājantepurappavesane.
‘‘புன சபரங், பி⁴க்க²வே, ராஜா ப³ஹுகிச்சோ ப³ஹுகரணீயோ அஞ்ஞதரங் இத்தி²ங் க³ந்த்வா ந ஸரதி, ஸா தேன க³ப்³ப⁴ங் க³ண்ஹாதி, தத்த² ரஞ்ஞோ ஏவங் ஹோதி ‘ந கோ² இத⁴ அஞ்ஞோ கோசி பவிஸதி அஞ்ஞத்ர பப்³ப³ஜிதேன, ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, து³தியோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rājā bahukicco bahukaraṇīyo aññataraṃ itthiṃ gantvā na sarati, sā tena gabbhaṃ gaṇhāti, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, dutiyo ādīnavo rājantepurappavesane.
‘‘புன சபரங், பி⁴க்க²வே, ரஞ்ஞோ அந்தேபுரே அஞ்ஞதரங் ரதனங் நஸ்ஸதி, தத்த² ரஞ்ஞோ ஏவங் ஹோதி ‘ந கோ² இத⁴ அஞ்ஞோ கோசி பவிஸதி அஞ்ஞத்ர பப்³ப³ஜிதேன, ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, ததியோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rañño antepure aññataraṃ ratanaṃ nassati, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, tatiyo ādīnavo rājantepurappavesane.
‘‘புன சபரங், பி⁴க்க²வே, ரஞ்ஞோ அந்தேபுரே அப்³ப⁴ந்தரா கு³ய்ஹமந்தா ப³ஹித்³தா⁴ ஸம்பே⁴த³ங் க³ச்ச²ந்தி, தத்த² ரஞ்ஞோ ஏவங் ஹோதி ‘ந கோ² இத⁴ அஞ்ஞோ கோசி பவிஸதி அஞ்ஞத்ர பப்³ப³ஜிதேன, ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, சதுத்தோ² ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rañño antepure abbhantarā guyhamantā bahiddhā sambhedaṃ gacchanti, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, catuttho ādīnavo rājantepurappavesane.
‘‘புன சபரங், பி⁴க்க²வே, ரஞ்ஞோ அந்தேபுரே பிதா வா புத்தங் பத்தே²தி, புத்தோ வா பிதரங் பத்தே²தி, தேஸங் ஏவங் ஹோதி ‘ந கோ² இத⁴ அஞ்ஞோ கோசி பவிஸதி அஞ்ஞத்ர பப்³ப³ஜிதேன, ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, பஞ்சமோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rañño antepure pitā vā puttaṃ pattheti, putto vā pitaraṃ pattheti, tesaṃ evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, pañcamo ādīnavo rājantepurappavesane.
‘‘புன சபரங், பி⁴க்க²வே, ராஜா நீசட்டா²னியங் உச்சே டா²னே ட²பேதி, யேஸங் தங் அமனாபங், தேஸங் ஏவங் ஹோதி ‘ராஜா கோ² பப்³ப³ஜிதேன ஸங்ஸட்டோ², ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, ச²ட்டோ² ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rājā nīcaṭṭhāniyaṃ ucce ṭhāne ṭhapeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, chaṭṭho ādīnavo rājantepurappavesane.
‘‘புன சபரங், பி⁴க்க²வே, ராஜா உச்சட்டா²னியங் நீசே டா²னே ட²பேதி, யேஸங் தங் அமனாபங், தேஸங் ஏவங் ஹோதி ‘ராஜா கோ² பப்³ப³ஜிதேன ஸங்ஸட்டோ², ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, ஸத்தமோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rājā uccaṭṭhāniyaṃ nīce ṭhāne ṭhapeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, sattamo ādīnavo rājantepurappavesane.
‘‘புன சபரங், பி⁴க்க²வே, ராஜா அகாலே ஸேனங் உய்யோஜேதி, யேஸங் தங் அமனாபங், தேஸங் ஏவங் ஹோதி ‘ராஜா கோ² பப்³ப³ஜிதேன ஸங்ஸட்டோ², ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, அட்ட²மோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rājā akāle senaṃ uyyojeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, aṭṭhamo ādīnavo rājantepurappavesane.
‘‘புன சபரங், பி⁴க்க²வே, ராஜா காலே ஸேனங் உய்யோஜெத்வா அந்தராமக்³க³தோ நிவத்தாபேதி, யேஸங் தங் அமனாபங், தேஸங் ஏவங் ஹோதி ‘ராஜா கோ² பப்³ப³ஜிதேன ஸங்ஸட்டோ², ஸியா நு கோ² பப்³ப³ஜிதஸ்ஸ கம்ம’ந்தி. அயங், பி⁴க்க²வே, நவமோ ஆதீ³னவோ ராஜந்தேபுரப்பவேஸனே.
‘‘Puna caparaṃ, bhikkhave, rājā kāle senaṃ uyyojetvā antarāmaggato nivattāpeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, navamo ādīnavo rājantepurappavesane.
‘‘புன சபரங், பி⁴க்க²வே, ரஞ்ஞோ அந்தேபுரங் ஹத்தி²ஸம்மத்³த³ங் அஸ்ஸஸம்மத்³த³ங் ரத²ஸம்மத்³த³ங் ரஜனீயானி ரூபஸத்³த³க³ந்த⁴ரஸபொ²ட்ட²ப்³பா³னி, யானி ந பப்³ப³ஜிதஸ்ஸ ஸாருப்பானி, அயங், பி⁴க்க²வே, த³ஸமோ ஆதீ³னவோ ராஜந்தேபுரப்பவேஸனே. இமே கோ², பி⁴க்க²வே, த³ஸ ஆதீ³னவா ராஜந்தேபுரப்பவேஸனே’’தி (அ॰ நி॰ 10.45; பாசி॰ 497).
‘‘Puna caparaṃ, bhikkhave, rañño antepuraṃ hatthisammaddaṃ assasammaddaṃ rathasammaddaṃ rajanīyāni rūpasaddagandharasaphoṭṭhabbāni, yāni na pabbajitassa sāruppāni, ayaṃ, bhikkhave, dasamo ādīnavo rājantepurappavesane. Ime kho, bhikkhave, dasa ādīnavā rājantepurappavesane’’ti (a. ni. 10.45; pāci. 497).
தத்த² ச பிதா வா புத்தங் பத்தே²தீதி புத்தங் மாரேதுமிச்ச²தீதி அத்தோ². ஏஸேவ நயோ புத்தோ பிதரங் பத்தே²தீதி. ஹத்தி²ஸம்மத்³த³ந்தி ஹத்தீ²னங் ஸம்மத்³தோ³ ஸங்ஸட்டோ² எத்தா²தி ஹத்தி²ஸம்மத்³த³ங். ஏவங் ‘‘அஸ்ஸஸம்மத்³த³’’ந்திஆதீ³ஸுபி.
Tattha ca pitā vā puttaṃ patthetīti puttaṃ māretumicchatīti attho. Eseva nayo putto pitaraṃ patthetīti. Hatthisammaddanti hatthīnaṃ sammaddo saṃsaṭṭho etthāti hatthisammaddaṃ. Evaṃ ‘‘assasammadda’’ntiādīsupi.
த³ஸாகாரேஹீதி –
Dasākārehīti –
‘‘ஆபத்தினுக்கி²த்தமனந்தராய-
‘‘Āpattinukkhittamanantarāya-
பஹுத்ததாயோ தத²ஸஞ்ஞிதா ச;
Pahuttatāyo tathasaññitā ca;
சா²தே³துகாமோ அத² சா²த³னாதி;
Chādetukāmo atha chādanāti;
ச²ன்னா த³ஸங்கே³ஹருணுக்³க³மம்ஹீதி. –
Channā dasaṅgeharuṇuggamamhīti. –
க³ஹிதேஹி த³ஸஹி அங்கே³ஹி.
Gahitehi dasahi aṅgehi.
660. த³ஸ கம்மபதா² புஞ்ஞாதி பாணாதிபாதாவேரமணிஆத³யோ த³ஸ குஸலகம்மபதா². அபுஞ்ஞாபி ததா² த³ஸாதி பாணாதிபாதாத³யோ த³ஸ அகுஸலகம்மபதா²வ. த³ஸ தா³னவத்தூ²னி வக்க²தி. த³ஸேவ ரதனானி சாதி –
660.Dasa kammapathā puññāti pāṇātipātāveramaṇiādayo dasa kusalakammapathā. Apuññāpi tathā dasāti pāṇātipātādayo dasa akusalakammapathāva. Dasa dānavatthūni vakkhati. Daseva ratanāni cāti –
‘‘முத்தா மணீ வேளுரியா ச ஸங்கா²;
‘‘Muttā maṇī veḷuriyā ca saṅkhā;
ஸிலா பவாளங் ரஜதஞ்ச ஹேமங்;
Silā pavāḷaṃ rajatañca hemaṃ;
லோஹீதகஞ்சாபி மஸாரக³ல்லா;
Lohītakañcāpi masāragallā;
த³ஸ்ஸேதி தீ⁴ரோ ரதனானி ஜஞ்ஞா’’தி. –
Dasseti dhīro ratanāni jaññā’’ti. –
நித்³தி³ட்டா²னி த³ஸ ரதனானி.
Niddiṭṭhāni dasa ratanāni.
662. முனிந்தே³ன அவந்தி³யா த³ஸ புக்³க³லா தீ³பிதாதி யோஜனா. கத²ங்? ‘‘த³ஸயிமே, பி⁴க்க²வே, அவந்தி³யா. புரே உபஸம்பன்னேன பச்சா² உபஸம்பன்னோ அவந்தி³யோ, அனுபஸம்பன்னோ அவந்தி³யோ, நானாஸங்வாஸகோ வுட்³ட⁴தரோ அத⁴ம்மவாதீ³ அவந்தி³யோ, மாதுகா³மோ அவந்தி³யோ, பண்ட³கோ அவந்தி³யோ, பாரிவாஸிகோ அவந்தி³யோ, மூலாயபடிகஸ்ஸனாரஹோ அவந்தி³யோ, மானத்தாரஹோ அவந்தி³யோ, மானத்தசாரிகோ அவந்தி³யோ, அப்³பா⁴னாரஹோ அவந்தி³யோ. இமே கோ², பி⁴க்க²வே, த³ஸ அவந்தி³யா’’தி (சூளவ॰ 312).
662. Munindena avandiyā dasa puggalā dīpitāti yojanā. Kathaṃ? ‘‘Dasayime, bhikkhave, avandiyā. Pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo. Ime kho, bhikkhave, dasa avandiyā’’ti (cūḷava. 312).
663-4. ஸோஸானிகந்தி ஸுஸானே ச²ட்³டி³தங். பாபணிகந்தி ஆபணத்³வாரே ச²ட்³டி³தங். உந்தூ³ரக்கா²யிதந்தி உந்தூ³ரேஹி கா²யிதங் பரிச்சத்தங் பிலோதிகங். கோ³கா²யிதாதீ³ஸுபி ஏஸேவ நயோ. தூ²பசீவரிகந்தி ப³லிகம்மத்தா²ய வம்மிகே பரிக்கி²பித்வா பரிச்சத்தவத்த²ங். ஆபி⁴ஸேகியந்தி ராஜூனங் அபி⁴ஸேகமண்ட³பே பரிச்சத்தவத்த²ங். க³தபச்சாக³தஞ்சாதி ஸுஸானக³தமனுஸ்ஸேஹி பச்சாக³ந்த்வா நஹாயித்வா ச²ட்³டி³தங் பிலோதிகங்.
663-4.Sosānikanti susāne chaḍḍitaṃ. Pāpaṇikanti āpaṇadvāre chaḍḍitaṃ. Undūrakkhāyitanti undūrehi khāyitaṃ pariccattaṃ pilotikaṃ. Gokhāyitādīsupi eseva nayo. Thūpacīvarikanti balikammatthāya vammike parikkhipitvā pariccattavatthaṃ. Ābhisekiyanti rājūnaṃ abhisekamaṇḍape pariccattavatthaṃ. Gatapaccāgatañcāti susānagatamanussehi paccāgantvā nahāyitvā chaḍḍitaṃ pilotikaṃ.
665. ஸப்³ப³னீலாத³யோ வுத்தா, த³ஸ சீவரதா⁴ரணாதி ‘‘ஸப்³ப³னீலகானி சீவரானி தா⁴ரெந்தீதி வுத்தவஸேன த³ஸா’’தி (பரி॰ அட்ட²॰ 330) குருந்தி³யங் வுத்தங். எத்த² இமஸ்மிங் த³ஸகே ஸங்கச்சிகாய வா உத³கஸாடிகாய வா ஸத்³தி⁴ங் திசீவரானி நாமேன அதி⁴ட்டி²தானி நவ சீவரானி ‘‘த³ஸசீவரதா⁴ரணா’’தி வுத்தானி. யதா²ஹ – ‘‘நவஸு கப்பியசீவரேஸு உத³கஸாடிகங் வா ஸங்கச்சிகங் வா பக்கி²பித்வா த³ஸாதி வுத்த’’ந்தி (பரி॰ அட்ட²॰ 330).
665.Sabbanīlādayo vuttā, dasa cīvaradhāraṇāti ‘‘sabbanīlakāni cīvarāni dhārentīti vuttavasena dasā’’ti (pari. aṭṭha. 330) kurundiyaṃ vuttaṃ. Ettha imasmiṃ dasake saṃkaccikāya vā udakasāṭikāya vā saddhiṃ ticīvarāni nāmena adhiṭṭhitāni nava cīvarāni ‘‘dasacīvaradhāraṇā’’ti vuttāni. Yathāha – ‘‘navasu kappiyacīvaresu udakasāṭikaṃ vā saṃkaccikaṃ vā pakkhipitvā dasāti vutta’’nti (pari. aṭṭha. 330).
த³ஸககதா²வண்ணனா.
Dasakakathāvaṇṇanā.
666. பண்ட³காத³யோ ஏகாத³ஸ அப⁴ப்³ப³புக்³க³லா பன உபஸம்பாதி³தாபி அனுபஸம்பன்னா ஹொந்தீதி யோஜனா.
666. Paṇḍakādayo ekādasa abhabbapuggalā pana upasampāditāpi anupasampannā hontīti yojanā.
667. ‘‘அகப்பியா’’தி வுத்தா பத்தா ஏகாத³ஸ ப⁴வந்தீதி யோஜனா. தா³ருஜேன பத்தேனாதி தா³ருமயேன பத்தேன. ரதனுப்³ப⁴வாதி ரதனமயா த³ஸ பத்தா ஏகாத³ஸ ப⁴வந்தீதி யோஜனா. தா³ருஜேன சாதி எத்த² ச-ஸத்³தே³ன தம்ப³லோஹமயபத்தஸ்ஸ ஸங்க³ஹோ. யதா²ஹ ‘‘ஏகாத³ஸ பத்தாதி தம்ப³லோஹமயேன வா தா³ருமயேன வா ஸத்³தி⁴ங் த³ஸரதனமயா’’தி. இத⁴ ரதனங் நாம முத்தாதி³த³ஸரதனங்.
667. ‘‘Akappiyā’’ti vuttā pattā ekādasa bhavantīti yojanā. Dārujena pattenāti dārumayena pattena. Ratanubbhavāti ratanamayā dasa pattā ekādasa bhavantīti yojanā. Dārujena cāti ettha ca-saddena tambalohamayapattassa saṅgaho. Yathāha ‘‘ekādasa pattāti tambalohamayena vā dārumayena vā saddhiṃ dasaratanamayā’’ti. Idha ratanaṃ nāma muttādidasaratanaṃ.
668. அகப்பியா பாது³கா ஏகாத³ஸ ஹொந்தீதி யோஜனா. யதா²ஹ ‘‘ஏகாத³ஸ பாது³காதி த³ஸ ரதனமயா, ஏகா கட்ட²பாது³கா. திணபாது³கமுஞ்ஜபாது³கபப்³ப³ஜபாது³காத³யோ பன கட்ட²பாது³கஸங்க³ஹமேவ க³ச்ச²ந்தீ’’தி.
668. Akappiyā pādukā ekādasa hontīti yojanā. Yathāha ‘‘ekādasa pādukāti dasa ratanamayā, ekā kaṭṭhapādukā. Tiṇapādukamuñjapādukapabbajapādukādayo pana kaṭṭhapādukasaṅgahameva gacchantī’’ti.
669-70. அதிகு²த்³த³கா அதிமஹந்தாதி யோஜனா. க²ண்ட³னிமித்தகா சா²யானிமித்தகாதி யோஜனா. ப³ஹிட்டே²ன ஸம்மதாதி ஸீமாய ப³ஹி டி²தேன ஸம்மதா. நதி³யங், ஜாதஸ்ஸரே, ஸமுத்³தே³ வா ததா² ஸம்மதாதி யோஜனா. ஸீமாய ஸம்பி⁴ன்னா ஸீமாய அஜ்ஜொ²த்த²டா ஸீமாதி யோஜனா. இமா ஏகாத³ஸ அஸீமாயோ ஸியுந்தி யோஜனா.
669-70. Atikhuddakā atimahantāti yojanā. Khaṇḍanimittakā chāyānimittakāti yojanā. Bahiṭṭhena sammatāti sīmāya bahi ṭhitena sammatā. Nadiyaṃ, jātassare, samudde vā tathā sammatāti yojanā. Sīmāya sambhinnā sīmāya ajjhotthaṭā sīmāti yojanā. Imā ekādasa asīmāyo siyunti yojanā.
671. ஏகாத³ஸேவ பத²வீ கப்பியா, ஏகாத³ஸேவ பத²வீ அகப்பியாதி யோஜனா.
671. Ekādaseva pathavī kappiyā, ekādaseva pathavī akappiyāti yojanā.
தத்த² ஏகாத³ஸ கப்பியபத²வீ நாம ஸுத்³த⁴பாஸாணா, ஸுத்³த⁴ஸக்க²ரா, ஸுத்³த⁴கத²லா, ஸுத்³த⁴மரும்பா³, ஸுத்³த⁴வாலுகா, யேபு⁴ய்யேனபாஸாணா, யேபு⁴ய்யேனஸக்க²ரா, யேபு⁴ய்யேனகத²லா, யேபு⁴ய்யேனமரும்பா³, யேபு⁴ய்யேனவாலுகாதி இமா த³ஸ த³ட்³டா⁴ய பத²வியா வா சதுமாஸோவட்ட²கபங்ஸுபுஞ்ஜேன வா மத்திகாபுஞ்ஜேன வா ஸத்³தி⁴ங் ஏகாத³ஸ. ‘‘அப்பபங்ஸுகா, அப்பமத்திகா’’தி (பாசி॰ 86) அபராபி பத²வியோ வுத்தா, தா யேபு⁴ய்யேனபாஸாணாதீ³ஸு பஞ்சஸுயேவ ஸங்க³ஹிதா.
Tattha ekādasa kappiyapathavī nāma suddhapāsāṇā, suddhasakkharā, suddhakathalā, suddhamarumbā, suddhavālukā, yebhuyyenapāsāṇā, yebhuyyenasakkharā, yebhuyyenakathalā, yebhuyyenamarumbā, yebhuyyenavālukāti imā dasa daḍḍhāya pathaviyā vā catumāsovaṭṭhakapaṃsupuñjena vā mattikāpuñjena vā saddhiṃ ekādasa. ‘‘Appapaṃsukā, appamattikā’’ti (pāci. 86) aparāpi pathaviyo vuttā, tā yebhuyyenapāsāṇādīsu pañcasuyeva saṅgahitā.
ஏகாத³ஸ அகப்பியபத²வீ நாம ‘‘ஸுத்³த⁴பங்ஸு ஸுத்³த⁴மத்திகா அப்பபாஸாணா அப்பஸக்க²ரா அப்பகத²லா அப்பமரும்பா³ அப்பவாலுகா யேபு⁴ய்யேனபங்ஸுகா யேபு⁴ய்யேனமத்திகா, அத³ட்³டா⁴பி வுச்சதி ஜாதா பத²வீ. யோபி பங்ஸுபுஞ்ஜோ வா மத்திகாபுஞ்ஜோ வா அதிரேகசாதுமாஸங் ஓவட்டோ², அயம்பி வுச்சதி ஜாதபத²வீ’’தி (பாசி॰ 86) வுத்தா ஏகாத³ஸ.
Ekādasa akappiyapathavī nāma ‘‘suddhapaṃsu suddhamattikā appapāsāṇā appasakkharā appakathalā appamarumbā appavālukā yebhuyyenapaṃsukā yebhuyyenamattikā, adaḍḍhāpi vuccati jātā pathavī. Yopi paṃsupuñjo vā mattikāpuñjo vā atirekacātumāsaṃ ovaṭṭho, ayampi vuccati jātapathavī’’ti (pāci. 86) vuttā ekādasa.
க³ண்டி²கா கப்பியா வுத்தா, ஏகாத³ஸ ச வீத⁴காதி எத்த² கப்பியா க³ண்டி²கா வித⁴கா ச ஏகாத³ஸ வுத்தாதி யோஜனா. தே பன –
Gaṇṭhikākappiyā vuttā, ekādasa ca vīdhakāti ettha kappiyā gaṇṭhikā vidhakā ca ekādasa vuttāti yojanā. Te pana –
‘‘வேளுத³ந்தவிஸாணட்டி²-கட்ட²லாகா²ப²லாமயா;
‘‘Veḷudantavisāṇaṭṭhi-kaṭṭhalākhāphalāmayā;
ஸங்க²னாபி⁴மயா ஸுத்த-நளலோஹமயாபி ச;
Saṅkhanābhimayā sutta-naḷalohamayāpi ca;
விதா⁴ கப்பந்தி கப்பியா, க³ண்டி²யோ சாபி தம்மயா’’தி. –
Vidhā kappanti kappiyā, gaṇṭhiyo cāpi tammayā’’ti. –
இமாய கா³தா²ய ஸங்க³ஹிதாதி வேதி³தப்³பா³.
Imāya gāthāya saṅgahitāti veditabbā.
674-5. உக்கி²த்தஸ்ஸானுவத்திகா பி⁴க்கு²னீ உபி⁴ன்னங் பி⁴க்கு²பி⁴க்கு²னீனங் வஸா ஸங்கா⁴தி³ஸேஸேஸு அட்ட² யாவததியகாதி இமே ஏகாத³ஸ யாவததியகாதி பகாஸிதாதி யோஜனா.
674-5.Ukkhittassānuvattikā bhikkhunī ubhinnaṃ bhikkhubhikkhunīnaṃ vasā saṅghādisesesu aṭṭha yāvatatiyakāti ime ekādasa yāvatatiyakāti pakāsitāti yojanā.
676. நிஸ்ஸயஸ்ஸ படிப்பஸ்ஸத்³தி⁴யோ த³ஸேகாவ ஏகாத³ஸேவ வுத்தாதி யோஜனா. ச²தா⁴சரியதோ வுத்தாதி –
676. Nissayassa paṭippassaddhiyo dasekāva ekādaseva vuttāti yojanā. Chadhācariyato vuttāti –
‘‘பக்கந்தே பக்க²ஸங்கந்தே, விப்³ப⁴ந்தே சாபி நிஸ்ஸயோ;
‘‘Pakkante pakkhasaṅkante, vibbhante cāpi nissayo;
மரணாணத்துபஜ்ஜா²ய-ஸமோதா⁴னேஹி ஸம்மதீ’’தி. –
Maraṇāṇattupajjhāya-samodhānehi sammatī’’ti. –
ஆசரியதோ ச²தா⁴ நிஸ்ஸயபடிப்பஸ்ஸத்³தி⁴யோ வுத்தா. உபஜ்ஜா²யா து பஞ்சதா⁴தி தாஸு உபஜ்ஜா²யஸமோதா⁴னங் வினா அவஸேஸாஹி பஞ்சதா⁴ உபஜ்ஜா²யபடிப்பஸ்ஸத்³தி⁴யோ வுத்தாதி இமே ஏகாத³ஸ.
Ācariyato chadhā nissayapaṭippassaddhiyo vuttā. Upajjhāyā tu pañcadhāti tāsu upajjhāyasamodhānaṃ vinā avasesāhi pañcadhā upajjhāyapaṭippassaddhiyo vuttāti ime ekādasa.
ஏகாத³ஸககதா²வண்ணனா.
Ekādasakakathāvaṇṇanā.
677. தேரஸேவ து⁴தங்கா³னீதி பங்ஸுகூலிகங்கா³தீ³னி து⁴தங்கா³னி தேரஸேவ ஹொந்தி.
677.Teraseva dhutaṅgānīti paṃsukūlikaṅgādīni dhutaṅgāni teraseva honti.
பரமானி ச சுத்³த³ஸாதி ‘‘த³ஸாஹபரமங் அதிரேகசீவரங் தா⁴ரேதப்³ப³ங், மாஸபரமங் தேன பி⁴க்கு²னா தங் சீவரங் நிக்கி²பிதப்³ப³ங், ஸந்தருத்தரபரமங் தேன பி⁴க்கு²னா ததோ சீவரங் ஸாதி³தப்³ப³ங், ச²க்க²த்துபரமங் துண்ஹீபூ⁴தேன உத்³தி³ஸ்ஸ டா²தப்³ப³ங், நவங் பன பி⁴க்கு²னா ஸந்த²தங் காராபெத்வா ச²ப்³ப³ஸ்ஸானி தா⁴ரேதப்³ப³ங் ச²ப்³ப³ஸ்ஸபரமதா தா⁴ரேதப்³ப³ங், தியோஜனபரமங் ஸஹத்தா² ஹரிதப்³பா³னி, த³ஸாஹபரமங் அதிரேகபத்தோ தா⁴ரேதப்³போ³, ஸத்தாஹபரமங் ஸன்னிதி⁴காரகங் பரிபு⁴ஞ்ஜிதப்³பா³னி, சா²ரத்தபரமங் தேன பி⁴க்கு²னா தேன சீவரேன விப்பவஸிதப்³ப³ங், சதுக்கங்ஸபரமங், அட்³ட⁴தெய்யகங்ஸபரமங், த்³வங்கு³லபப்³ப³பரமங் ஆதா³தப்³ப³ங், அட்ட²ங்கு³லபரமங் மஞ்சபடிபாத³கங், அட்ட²ங்கு³லபரமங் த³ந்தகட்ட²’’ந்தி இதி இமானி சுத்³த³ஸ பரமானி.
Paramāni ca cuddasāti ‘‘dasāhaparamaṃ atirekacīvaraṃ dhāretabbaṃ, māsaparamaṃ tena bhikkhunā taṃ cīvaraṃ nikkhipitabbaṃ, santaruttaraparamaṃ tena bhikkhunā tato cīvaraṃ sāditabbaṃ, chakkhattuparamaṃ tuṇhībhūtena uddissa ṭhātabbaṃ, navaṃ pana bhikkhunā santhataṃ kārāpetvā chabbassāni dhāretabbaṃ chabbassaparamatā dhāretabbaṃ, tiyojanaparamaṃ sahatthā haritabbāni, dasāhaparamaṃ atirekapatto dhāretabbo, sattāhaparamaṃ sannidhikārakaṃ paribhuñjitabbāni, chārattaparamaṃ tena bhikkhunā tena cīvarena vippavasitabbaṃ, catukkaṃsaparamaṃ, aḍḍhateyyakaṃsaparamaṃ, dvaṅgulapabbaparamaṃ ādātabbaṃ, aṭṭhaṅgulaparamaṃ mañcapaṭipādakaṃ, aṭṭhaṅgulaparamaṃ dantakaṭṭha’’nti iti imāni cuddasa paramāni.
ஸோளஸேவ து ‘‘ஜான’’ந்தி பஞ்ஞத்தானீதி ‘‘ஜான’’ந்தி ஏவங் வத்வா பஞ்ஞத்தானி ஸோளஸ. தே ஏவங் வேதி³தப்³பா³ – ஜானங் ஸங்கி⁴கங் லாப⁴ங் பரிணதங் அத்தனோ பரிணாமெய்ய, ஜானங் புப்³பு³பக³தங் பி⁴க்கு²ங் அனுபக²ஜ்ஜ ஸெய்யங் கப்பெய்ய, ஜானங் ஸப்பாணகங் உத³கங் திணங் வா மத்திகங் வா ஸிஞ்செய்ய வா ஸிஞ்சாபெய்ய வா, ஜானங் பி⁴க்கு²னிபரிபாசிதங் பிண்ட³பாதங் பரிபு⁴ஞ்ஜெய்ய, ஜானங் ஆஸாத³னாபெக்கோ², பு⁴த்தஸ்மிங் பாசித்தியங், ஜானங் ஸப்பாணகங் உத³கங் பரிபு⁴ஞ்ஜெய்ய, ஜானங் யதா²த⁴ம்மங் நிஹடாதி⁴கரணங் புன கம்மாய உக்கோடெய்ய, ஜானங் து³ட்டு²ல்லங் ஆபத்திங் படிச்சா²தெ³ய்ய, ஜானங் ஊனவீஸதிவஸ்ஸங் புக்³க³லங் உபஸம்பாதெ³ய்ய, ஜானங் தெ²ய்யஸத்தே²ன ஸத்³தி⁴ங் ஸங்விதா⁴ய ஏகத்³தா⁴னமக்³க³ங் படிபஜ்ஜெய்ய, ஜானங் ததா²வாதி³னா பி⁴க்கு²னா அகதானுத⁴ம்மேன, ஜானங் ததா²னாஸிதங் ஸமணுத்³தே³ஸங், ஜானங் ஸங்கி⁴கங் லாப⁴ங் பரிணதங் புக்³க³லஸ்ஸ பரிணாமெய்ய, ஜானங் பாராஜிகங் த⁴ம்மங் அஜ்ஜா²பன்னங் பி⁴க்கு²னிங் நேவத்தனா படிசோதெ³ய்ய, ஜானங் சோரிங் வஜ்ஜ²ங் விதி³தங் அனபலோகெத்வா, ஜானங் ஸபி⁴க்கு²கங் ஆராமங் அனாபுச்சா² பவிஸெய்யாதி.
Soḷaseva tu ‘‘jāna’’nti paññattānīti ‘‘jāna’’nti evaṃ vatvā paññattāni soḷasa. Te evaṃ veditabbā – jānaṃ saṅghikaṃ lābhaṃ pariṇataṃ attano pariṇāmeyya, jānaṃ pubbupagataṃ bhikkhuṃ anupakhajja seyyaṃ kappeyya, jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā, jānaṃ bhikkhuniparipācitaṃ piṇḍapātaṃ paribhuñjeyya, jānaṃ āsādanāpekkho, bhuttasmiṃ pācittiyaṃ, jānaṃ sappāṇakaṃ udakaṃ paribhuñjeyya, jānaṃ yathādhammaṃ nihaṭādhikaraṇaṃ puna kammāya ukkoṭeyya, jānaṃ duṭṭhullaṃ āpattiṃ paṭicchādeyya, jānaṃ ūnavīsativassaṃ puggalaṃ upasampādeyya, jānaṃ theyyasatthena saddhiṃ saṃvidhāya ekaddhānamaggaṃ paṭipajjeyya, jānaṃ tathāvādinā bhikkhunā akatānudhammena, jānaṃ tathānāsitaṃ samaṇuddesaṃ, jānaṃ saṅghikaṃ lābhaṃ pariṇataṃ puggalassa pariṇāmeyya, jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodeyya, jānaṃ coriṃ vajjhaṃ viditaṃ anapaloketvā, jānaṃ sabhikkhukaṃ ārāmaṃ anāpucchā paviseyyāti.
678. இத⁴ இமஸ்மிங் ஸாஸனே யோ பி⁴க்கு² அனுத்தரங் ஸஉத்தரங் உத்தரபகரணேன ஸஹிதங் ஸகலம்பி வினயவினிச்ச²யங் ஜானாதி, மஹத்தரே அதிவிபுலே அனுத்தரே உத்தரவிரஹிதே உத்தமே வினயனயே வினயாக³தே ஆபத்திஅனாபத்திக³ருகலஹுககப்பியஅகப்பியாதி³வினிச்ச²யகம்மே. அத² வா வினயனயே வினயபிடகே பவத்தமானோ ஸோ பி⁴க்கு² நிருத்தரோ ப⁴வதி பச்சத்தி²கேஹி வத்தப்³ப³ங் உத்தரங் அதிக்கமித்வா டி²தோ, ஸெட்டோ² வா ப⁴வதி, தஸ்ஸ சேவ பரேஸஞ்ச ஸங்ஸயோ ந காதப்³போ³தி யோஜனா. ஜானதீதி கா³தா²ப³ந்த⁴வஸேன ரஸ்ஸோ.
678.Idha imasmiṃ sāsane yo bhikkhu anuttaraṃ sauttaraṃ uttarapakaraṇena sahitaṃ sakalampi vinayavinicchayaṃ jānāti, mahattare ativipule anuttare uttaravirahite uttame vinayanaye vinayāgate āpattianāpattigarukalahukakappiyaakappiyādivinicchayakamme. Atha vā vinayanaye vinayapiṭake pavattamāno so bhikkhu niruttaro bhavati paccatthikehi vattabbaṃ uttaraṃ atikkamitvā ṭhito, seṭṭho vā bhavati, tassa ceva paresañca saṃsayo na kātabboti yojanā. Jānatīti gāthābandhavasena rasso.
இதி உத்தரே லீனத்த²பகாஸனியா
Iti uttare līnatthapakāsaniyā
ஏகுத்தரனயகதா²வண்ணனா நிட்டி²தா.
Ekuttaranayakathāvaṇṇanā niṭṭhitā.