| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
згуд̇д̇аранаяагат̇ааван̣н̣анаа
Ekuttaranayakathāvaṇṇanā
424. ид̇о баранд̇и ид̇о самудтаанавинижчаяагат̇ааяа барам̣. баранд̇и уд̇д̇амам̣. згуд̇д̇арам̣ наяанд̇и згзгаан̇г̇аад̇ирзгад̇ааяа згуд̇д̇арасан̇каад̇ам̣ згагад̣̇угаад̣̇инаяам̣.
424.Ito paranti ito samuṭṭhānavinicchayakathāya paraṃ. Paranti uttamaṃ. Ekuttaraṃ nayanti ekekaaṅgātirekatāya ekuttarasaṅkhātaṃ ekakadukādinayaṃ.
425-7. гз аабад̇д̇игараа д̇хаммаа…бз… гаа жаад̣̇зсанаг̇ааминийд̇и згзгабан̃хавасзна уд̇д̇аанад̇т̇оязва.
425-7.Ke āpattikarā dhammā…pe… kā cādesanagāminīti ekekapañhavasena uttānatthoyeva.
428. самудтаанаанийд̇и аад̣̇иго виссаж̇ж̇анасан̇каад̇о уд̇д̇араваад̣̇о. д̇ад̇т̇а самудтаанаани…бз… д̣̇ийбид̇аад̇и яасмаа зд̇зсам̣ васзна буг̇г̇ало аабад̇д̇им̣ гарод̇и аабаж̇ж̇ад̇и, д̇асмаа ‘‘аабад̇д̇игараа’’д̇и вуд̇д̇аа.
428.Samuṭṭhānānīti ādiko vissajjanasaṅkhāto uttaravādo. Tattha samuṭṭhānāni…pe… dīpitāti yasmā etesaṃ vasena puggalo āpattiṃ karoti āpajjati, tasmā ‘‘āpattikarā’’ti vuttā.
429. д̇ад̇т̇аад̇и д̇аасу аабад̇д̇ийсу. лахугаад̇и лахугзна винаяагаммзна висуж̇жханад̇о лахугаа. г̇аругзна винаяагаммзна висуж̇жханад̇о сан̇гхаад̣̇исзсаабад̇д̇и, гзнажи аагаарзна анаабад̇д̇ибхаавам̣ убанзд̇ум̣ асаггун̣зяяад̇о баарааж̇игаабад̇д̇и жа г̇аругаабад̇д̇и наама, д̇аа бана лахугаасу вуд̇д̇аасу д̇аб̣б̣ибарияааяад̇о н̃аад̇ум̣ саггаад̇и виссаж̇ж̇анз висум̣ на вуд̇д̇аа.
429.Tatthāti tāsu āpattīsu. Lahukāti lahukena vinayakammena visujjhanato lahukā. Garukena vinayakammena visujjhanato saṅghādisesāpatti, kenaci ākārena anāpattibhāvaṃ upanetuṃ asakkuṇeyyato pārājikāpatti ca garukāpatti nāma, tā pana lahukāsu vuttāsu tabbipariyāyato ñātuṃ sakkāti vissajjane visuṃ na vuttā.
431. д̣̇удтум̣ гужчид̇абхаавам̣ барамаж̇зг̇ужчам̣ нинд̣̇анийяабхаавам̣ улад̇и г̇ажчад̇ийд̇и д̣̇удтуллам̣, баарааж̇игасан̇гхаад̣̇исзсам̣. д̇знааха ‘‘д̣̇увид̇хаабад̇д̇и аад̣̇ид̇о’’д̇и.
431. Duṭṭhuṃ kucchitabhāvaṃ paramajegucchaṃ nindanīyabhāvaṃ ulati gacchatīti duṭṭhullaṃ, pārājikasaṅghādisesaṃ. Tenāha ‘‘duvidhāpatti ādito’’ti.
432. бан̃жаананд̇арияасам̣яуд̇д̇аад̇и маад̇угхаад̇агабид̇угхаад̇агаараханд̇агхаад̇агзхи аабаннаа мануссавиг̇г̇ахабаарааж̇игаабад̇д̇и жа лохид̇уббаад̣̇агасан̇гхабхзд̣̇агаанам̣ абхаб̣б̣ад̇аахзд̇угаа гааяаважийд̣̇ваараббавад̇д̇аа агусалажзд̇анаасан̇каад̇аа баарааж̇игаа жа ананд̇арамзва абааяуббад̇д̇ихзд̇уд̇ааяа имз бан̃жа ананд̇арасам̣яуд̇д̇аа наама. д̇аа бана мижчад̇д̇анияад̇зсу анд̇ог̇ад̇хад̇д̇аа ‘‘нияад̇аа’’д̇и вуд̇д̇аа.
432.Pañcānantariyasaṃyuttāti mātughātakapitughātakaarahantaghātakehi āpannā manussaviggahapārājikāpatti ca lohituppādakasaṅghabhedakānaṃ abhabbatāhetukā kāyavacīdvārappavattā akusalacetanāsaṅkhātā pārājikā ca anantarameva apāyuppattihetutāya ime pañca anantarasaṃyuttā nāma. Tā pana micchattaniyatesu antogadhattā ‘‘niyatā’’ti vuttā.
бариваарз (бари. 321) бана ан̃н̃зби анд̇арааяигаад̣̇ий б̣ахуу згагаа д̣̇ассид̇аа, д̇з бана г̇ант̇абхийругаж̇анаануг̇г̇ахзна аажариязна ид̇ха на д̣̇ассид̇аа. ад̇т̇игзхи бариваарзязва (бари. 321) г̇ахзд̇аб̣б̣аа. зд̇т̇а жа сад̇д̇аби аабад̇д̇ияо сан̃жижжа вийд̇игганд̇аа саг̇г̇анд̇арааяан̃жзва могканд̇арааяан̃жа гаронд̇ийд̇и анд̇арааяигаа. аж̇аананд̇зна вийд̇игганд̇аа бана бан̣н̣ад̇д̇иваж̇ж̇аабад̇д̇и нзва саг̇г̇анд̇арааяам̣, на могканд̇арааяам̣ гарод̇ийд̇и ананд̇арааяигаа. анд̇арааяигам̣ аабаннассаби д̣̇зсанааг̇ааминим̣ д̣̇зсзд̇ваа вудтаанаг̇ааминид̇о вудтааяа суд̣̇д̇хибад̇д̇асса, сааман̣зрабхуумияам̣ тид̇асса жа аваарид̇о саг̇г̇амаг̇г̇амогкамаг̇г̇од̇и.
Parivāre (pari. 321) pana aññepi antarāyikādī bahū ekakā dassitā, te pana ganthabhīrukajanānuggahena ācariyena idha na dassitā. Atthikehi parivāreyeva (pari. 321) gahetabbā. Ettha ca sattapi āpattiyo sañcicca vītikkantā saggantarāyañceva mokkhantarāyañca karontīti antarāyikā. Ajānantena vītikkantā pana paṇṇattivajjāpatti neva saggantarāyaṃ, na mokkhantarāyaṃ karotīti anantarāyikā. Antarāyikaṃ āpannassapi desanāgāminiṃ desetvā vuṭṭhānagāminito vuṭṭhāya suddhipattassa, sāmaṇerabhūmiyaṃ ṭhitassa ca avārito saggamaggamokkhamaggoti.
згагагат̇ааван̣н̣анаа.
Ekakakathāvaṇṇanā.
435. ад̣̇д̇хавихийно наама уунавийсад̇ивассо. ан̇г̇авихийно наама хад̇т̇ажчиннаад̣̇ибхзд̣̇о. вад̇т̇увибанно наама бан̣д̣аго, д̇иражчаанаг̇ад̇о, убхад̇об̣яан̃ж̇анаго жа. авасзсаа т̇зяяасам̣ваасагаад̣̇аяо адта абхаб̣б̣адтаанаббад̇д̇аа д̣̇уггадагаарино наама, имасмим̣язва ад̇д̇абхаавз д̣̇уггадзна ад̇д̇ано гаммзна абхаб̣б̣адтаанаббад̇д̇аад̇и ад̇т̇о. абарибун̣н̣од̇и абарибун̣н̣абад̇д̇ажийваро. но яаажад̇ийд̇и убасамбаннам̣ на яаажад̇и. бадисид̣̇д̇хаад̇и ‘‘д̣̇вз буг̇г̇алаа на убасамбаад̣̇зд̇аб̣б̣аа’’д̇иаад̣̇инаа (бари. 322) ваарид̇аа.
435.Addhavihīno nāma ūnavīsativasso. Aṅgavihīno nāma hatthacchinnādibhedo. Vatthuvipanno nāma paṇḍako, tiracchānagato, ubhatobyañjanako ca. Avasesā theyyasaṃvāsakādayo aṭṭha abhabbaṭṭhānappattā dukkaṭakārino nāma, imasmiṃyeva attabhāve dukkaṭena attano kammena abhabbaṭṭhānappattāti attho. Aparipuṇṇoti aparipuṇṇapattacīvaro. No yācatīti upasampannaṃ na yācati. Paṭisiddhāti ‘‘dve puggalā na upasampādetabbā’’tiādinā (pari. 322) vāritā.
436. хавзд̇и згам̣сад̇т̇з нибаад̇о. лад̣̇д̇хасамаабад̇д̇исса бхигкуно д̣̇ийбид̇аа аабад̇д̇и ад̇т̇и хавз ад̇т̇зва. но лад̣̇д̇хасамаабад̇д̇иссаад̇и алад̣̇д̇хасамаабад̇д̇исса д̣̇ийбид̇аа аабад̇д̇и ад̇т̇зваад̇и яож̇анаа.
436.Haveti ekaṃsatthe nipāto. Laddhasamāpattissa bhikkhuno dīpitā āpatti atthi have attheva. No laddhasamāpattissāti aladdhasamāpattissa dīpitā āpatti atthevāti yojanā.
437. бхууд̇ассаад̇и ад̇д̇ани санд̇асса уд̇д̇аримануссад̇хаммасса. абхууд̇аарожанаабад̇д̇ийд̇и жад̇уд̇т̇абаарааж̇игаабад̇д̇и. асамаабад̇д̇илаабхино нид̣̇д̣̇исзд̇и яож̇анаа.
437.Bhūtassāti attani santassa uttarimanussadhammassa. Abhūtārocanāpattīti catutthapārājikāpatti. Asamāpattilābhino niddiseti yojanā.
438. ‘‘ад̇т̇и сад̣̇д̇хаммасам̣яуд̇д̇аа’’д̇иаад̣̇ийсу ад̇т̇и-сад̣̇д̣̇о бажжад̇д̇згаважананд̇зхи бажжзгам̣ яож̇зд̇аб̣б̣о.
438.‘‘Atthisaddhammasaṃyuttā’’tiādīsu atthi-saddo paccattekavacanantehi paccekaṃ yojetabbo.
439. бад̣̇асод̇хаммамуулаад̣̇ийд̇и аад̣̇и-сад̣̇д̣̇зна ‘‘уд̇д̇аричаббан̃жаваажаад̇хаммад̣̇зсанаа’’д̇и аабад̇д̇ийнам̣ г̇ахан̣ам̣.
439.Padasodhammamūlādīti ādi-saddena ‘‘uttarichappañcavācādhammadesanā’’ti āpattīnaṃ gahaṇaṃ.
440. бхог̇зд̇и барибхог̇з. ‘‘сабаригкаарасам̣яуд̇аа’’д̇и ид̣̇ан̃жа нид̣̇ассанамад̇д̇ам̣. ‘‘бад̇д̇ажийвараанам̣ ниссаж̇ж̇анз, гилидтажийвараанам̣ ад̇хованз, малаг̇г̇ахид̇абад̇д̇асса абажанз’’д̇и звамаад̣̇игаа аяуд̇д̇абарибхог̇аа аабад̇д̇ияоби сагабаригкаарасам̣яуд̇д̇ааязва.
440.Bhogeti paribhoge. ‘‘Saparikkhārasaṃyutā’’ti idañca nidassanamattaṃ. ‘‘Pattacīvarānaṃ nissajjane, kiliṭṭhacīvarānaṃ adhovane, malaggahitapattassa apacane’’ti evamādikā ayuttaparibhogā āpattiyopi sakaparikkhārasaṃyuttāyeva.
441. ман̃жабийтаад̣̇инд̇и аад̣̇и-сад̣̇д̣̇зна бхисиаад̣̇ийнам̣ г̇ахан̣ам̣. аж̇жхогаасад̇т̇арзби жаад̇и аж̇жхогаасз ад̇т̇арз ад̇т̇араабанз сад̇и. анаабужчаава г̇аманзд̇и анаабужчид̇ваа ваа г̇аманз. ваа-сад̣̇д̣̇зна ануд̣̇д̇харид̇ваа ваа ануд̣̇д̇хараабзд̇ваа ваа г̇аманам̣ сан̇г̇ан̣хаад̇и. барасанд̇агасам̣яуд̇аад̇и барабаригкаарабадиб̣ад̣̇д̇хаа.
441.Mañcapīṭhādinti ādi-saddena bhisiādīnaṃ gahaṇaṃ. Ajjhokāsattharepi cāti ajjhokāse atthare attharāpane sati. Anāpucchāva gamaneti anāpucchitvā vā gamane. Vā-saddena anuddharitvā vā anuddharāpetvā vā gamanaṃ saṅgaṇhāti. Parasantakasaṃyutāti paraparikkhārapaṭibaddhā.
443. ‘‘сикаран̣ийсий’’д̇и яам̣ важанам̣ сажжам̣, д̇ам̣ бхан̣ад̇о г̇аругам̣ д̣̇удтуллаваажаасан̇гхаад̣̇исзсо сияаад̇и яож̇анаа.
443. ‘‘Sikharaṇīsī’’ti yaṃ vacanaṃ saccaṃ, taṃ bhaṇato garukaṃ duṭṭhullavācāsaṅghādiseso siyāti yojanā.
445. г̇аругаабад̇д̇ийд̇и уд̇д̇аримануссад̇хаммабаарааж̇игаабад̇д̇и. бхууд̇ассаарожанзд̇и бхууд̇асса уд̇д̇аримануссад̇хаммасса анубасамбаннасса аарожанз. сажжам̣ вад̣̇ад̇од̇и сажжам̣ важанам̣ вад̣̇анд̇асса. лахугаад̇и баажид̇д̇ияаабад̇д̇и.
445.Garukāpattīti uttarimanussadhammapārājikāpatti. Bhūtassārocaneti bhūtassa uttarimanussadhammassa anupasampannassa ārocane. Saccaṃ vadatoti saccaṃ vacanaṃ vadantassa. Lahukāti pācittiyāpatti.
447. вигобзд̇унд̇и ваг̇г̇агаран̣зна вигобзд̇ум̣. хад̇т̇абаасам̣ ж̇аханд̇и анд̇осиймааяа зва хад̇т̇абаасам̣ ж̇аханд̇о, хад̇т̇абаасам̣ ж̇ахид̇ваа згаманд̇ам̣ нисийд̣̇анд̇од̇и ад̇т̇о. пусзд̇и бхуумиг̇ад̇о пусзяяа.
447.Vikopetunti vaggakaraṇena vikopetuṃ. Hatthapāsaṃ jahanti antosīmāya eva hatthapāsaṃ jahanto, hatthapāsaṃ jahitvā ekamantaṃ nisīdantoti attho. Phuseti bhūmigato phuseyya.
448. взхаасагудияаа убари аахажжабаад̣̇агам̣ ман̃жам̣ ваа бийтам̣ ваа абхинисийд̣̇анд̇о взхаасаг̇ад̇о аабаж̇ж̇ад̇ийд̇и яож̇анаа. сажз д̇ам̣ бхуумияам̣ бан̃н̃абзд̇ваа нисаж̇ж̇зяяа, на аабаж̇ж̇зяяа. д̇зна вуд̇д̇ам̣ ‘‘на бхуумид̇о’’д̇и.
448. Vehāsakuṭiyā upari āhaccapādakaṃ mañcaṃ vā pīṭhaṃ vā abhinisīdanto vehāsagato āpajjatīti yojanā. Sace taṃ bhūmiyaṃ paññapetvā nisajjeyya, na āpajjeyya. Tena vuttaṃ ‘‘na bhūmito’’ti.
449. бависанд̇од̇и аараамам̣ бависанд̇о. нигкаманд̇и д̇ад̇о зва нигкаманд̇о. д̇анд̇и аараамам̣.
449.Pavisantoti ārāmaṃ pavisanto. Nikkhamanti tato eva nikkhamanto. Tanti ārāmaṃ.
450. вад̇д̇амабуурзд̇ваанаад̇и сийсад̇о чад̇д̇аабанаяанам̣, баад̣̇ад̇о убааханаамун̃жанавад̇д̇ам̣ агад̇ваа. нигкаманд̇и б̣ахи нигкаманд̇о чад̇д̇убааханам̣ д̇хаарзнд̇оби на аабаж̇ж̇ад̇и.
450.Vattamapūretvānāti sīsato chattāpanayanaṃ, pādato upāhanāmuñcanavattaṃ akatvā. Nikkhamanti bahi nikkhamanto chattupāhanaṃ dhārentopi na āpajjati.
451. ‘‘нигкаманд̇о’’д̇и ид̣̇ам̣ ‘‘нигкама’’нд̇и зд̇асса ад̇т̇абад̣̇ам̣. бависам̣ на жаад̇и яам̣ аараамам̣ санд̇хааяа г̇ад̇о, д̇ам̣ бависанд̇о на аабаж̇ж̇зяяа.
451.‘‘Nikkhamanto’’ti idaṃ ‘‘nikkhama’’nti etassa atthapadaṃ. Pavisaṃ na cāti yaṃ ārāmaṃ sandhāya gato, taṃ pavisanto na āpajjeyya.
453. яаа гаажи бхигкуний ад̇иг̇амбхийрам̣ уд̣̇агасуд̣̇д̇хигам̣ аад̣̇ияанд̇ий аабад̇д̇им̣ аабаж̇ж̇ад̇ийд̇и яож̇анаа.
453. Yā kāci bhikkhunī atigambhīraṃ udakasuddhikaṃ ādiyantī āpattiṃ āpajjatīti yojanā.
457. вад̇д̇ам̣ банад̇д̇анод̇и яам̣ ад̇д̇ано нзд̇т̇ааравад̇д̇ам̣ вуд̇д̇ам̣, со д̇ам̣ асамаад̣̇ияанд̇ова аабаж̇ж̇ад̇и наамаад̇и яож̇анаа.
457.Vattaṃ panattanoti yaṃ attano netthāravattaṃ vuttaṃ, so taṃ asamādiyantova āpajjati nāmāti yojanā.
460. ид̇арасса аажарияасса, д̇ат̇аа сад̣̇д̇хивихааригасса жа.
460.Itarassa ācariyassa, tathā saddhivihārikassa ca.
462. д̣̇ад̣̇амаанод̇и бааривад̇д̇агам̣ винаа д̣̇ад̣̇амаано.
462.Dadamānoti pārivattakaṃ vinā dadamāno.
463. муд̣̇ууд̇и муд̣̇убидтиго. ‘‘ламб̣ийаад̣̇ино’’д̇и бад̣̇ажчзд̣̇о. аад̣̇и-сад̣̇д̣̇зна ‘‘хад̇т̇зна убаггамид̇ваа асужим̣ можзнд̇асса, уурунаа ан̇г̇аж̇аад̇ам̣ бзлланд̇асса, ад̇д̇аанам̣ вад̇хид̇ваа вад̇хид̇ваа род̣̇анд̇ияаа бхигкунияаа аабад̇д̇ий’’д̇и звамаад̣̇ийнам̣ сан̇г̇ахо. ад̇д̇аад̇и зд̇т̇а ниссид̇аад̇и уд̇д̇арабад̣̇алобо, вибхад̇д̇илобо жа нируд̇д̇илагкан̣зна д̣̇адтаб̣б̣о. сзсаад̇и мзт̇унад̇хаммагааяасам̣саг̇г̇абахаарад̣̇аанаад̣̇ийсу вуд̇д̇аабад̇д̇и. бараниссид̇аад̇и барам̣ ниссааяа аабаж̇ж̇ид̇аб̣б̣аад̇и ад̇т̇о.
463.Mudūti mudupiṭṭhiko. ‘‘Lambīādino’’ti padacchedo. Ādi-saddena ‘‘hatthena upakkamitvā asuciṃ mocentassa, ūrunā aṅgajātaṃ pellantassa, attānaṃ vadhitvā vadhitvā rodantiyā bhikkhuniyā āpattī’’ti evamādīnaṃ saṅgaho. Attāti ettha nissitāti uttarapadalopo, vibhattilopo ca niruttilakkhaṇena daṭṭhabbo. Sesāti methunadhammakāyasaṃsaggapahāradānādīsu vuttāpatti. Paranissitāti paraṃ nissāya āpajjitabbāti attho.
465. ‘‘на , бхигкавз, оваад̣̇о на г̇ахзд̇аб̣б̣о’’д̇и важанад̇о оваад̣̇ам̣ на г̇ан̣ханд̇о на бадиг̇г̇ан̣ханд̇о важ̇ж̇ад̇ам̣ аабаж̇ж̇ад̇и наама.
465. ‘‘Na , bhikkhave, ovādo na gahetabbo’’ti vacanato ovādaṃ na gaṇhanto na paṭiggaṇhanto vajjataṃ āpajjati nāma.
470. арун̣уг̇г̇зд̇и арун̣уг̇г̇аманз. наарун̣уг̇г̇амзд̇и арун̣уг̇г̇аманад̇о ан̃н̃асмим̣ гаалз.
470.Aruṇuggeti aruṇuggamane. Naaruṇuggameti aruṇuggamanato aññasmiṃ kāle.
471. згарад̇д̇аад̇иггамз чаарад̇д̇аад̇иггамз сад̇д̇аахаад̇иггамз д̣̇асаахаад̇иггамзд̇и яож̇анаа. аад̣̇и-сад̣̇д̣̇зна маасаад̣̇ийнам̣ сан̇г̇ахо. вуд̇д̇амаабад̇д̇инд̇и саб̣б̣ад̇т̇а ниссаг̇г̇ияз баажид̇д̇ияаабад̇д̇им̣. ‘‘аабаж̇ж̇ад̇и арун̣уг̇г̇амз’’д̇и бад̣̇ажчзд̣̇о.
471. Ekarattātikkame chārattātikkame sattāhātikkame dasāhātikkameti yojanā. Ādi-saddena māsādīnaṃ saṅgaho. Vuttamāpattinti sabbattha nissaggiye pācittiyāpattiṃ. ‘‘Āpajjati aruṇuggame’’ti padacchedo.
473. барасанд̇агам̣ ругкалад̇аад̣̇им̣ т̇зяяааяа чинд̣̇анд̇асса баарааж̇игам̣, чинд̣̇анд̇асса баажид̇д̇имад̇д̇ам̣ ход̇ийд̇и ааха ‘‘бхууд̇аг̇аамам̣ чинд̣̇анд̇о баарааж̇иган̃жа баажид̇д̇ин̃жа пусз’’д̇и.
473. Parasantakaṃ rukkhalatādiṃ theyyāya chindantassa pārājikaṃ, chindantassa pācittimattaṃ hotīti āha ‘‘bhūtagāmaṃ chindanto pārājikañca pācittiñca phuse’’ti.
475. чаад̣̇знд̇о банаад̇и зд̇т̇а ‘‘гаа аабад̇д̇ий’’д̇и сзсо. д̇ад̇ра ааха ‘‘аабад̇д̇им̣ чаад̣̇знд̇о наро аабаж̇ж̇ад̇ий’’д̇и.
475.Chādento panāti ettha ‘‘kā āpattī’’ti seso. Tatra āha ‘‘āpattiṃ chādento naro āpajjatī’’ti.
ажчиннод̇и ажчиннажийваро. нажчаад̣̇знд̇од̇и д̇ин̣зна ваа бан̣н̣зна ваа саакаабхан̇г̇аад̣̇инаа язна гзнажи ад̇д̇ано хиригобинам̣ аббадижчаад̣̇знд̇о. яат̇ааха – ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣ам̣, на д̇взва наг̇г̇зна ааг̇анд̇аб̣б̣ам̣. яо ааг̇ажчзяяа, аабад̇д̇и д̣̇уггадассаа’’д̇и (баараа. 517).
Acchinnoti acchinnacīvaro. Nacchādentoti tiṇena vā paṇṇena vā sākhābhaṅgādinā yena kenaci attano hirikopinaṃ appaṭicchādento. Yathāha – ‘‘tiṇena vā paṇṇena vā paṭicchādetvā āgantabbaṃ, na tveva naggena āgantabbaṃ. Yo āgaccheyya, āpatti dukkaṭassā’’ti (pārā. 517).
476. гусажийраад̣̇инд̇и аад̣̇и-сад̣̇д̣̇зна ваагажийрапалагажийраад̣̇ийнам̣ д̇ид̇т̇ияад̇хаж̇аанам̣ г̇ахан̣ам̣. д̇хаарзнд̇о гожи аабаж̇ж̇ад̇ийд̇и сзсо. д̇ад̇рааха – ‘‘гусажийраад̣̇ийни д̇хаарзнд̇о д̇хаарзнд̇о аабаж̇ж̇ад̇ий’’д̇и (бари. адта. 322).
476.Kusacīrādinti ādi-saddena vākacīraphalakacīrādīnaṃ titthiyadhajānaṃ gahaṇaṃ. Dhārento koci āpajjatīti seso. Tatrāha – ‘‘kusacīrādīni dhārento dhārento āpajjatī’’ti (pari. aṭṭha. 322).
477. яам̣ ниссадтабад̇д̇ам̣ ‘‘аяам̣ д̇з бхигку бад̇д̇о яаавабхзд̣̇анааяа д̇хаарзд̇аб̣б̣о’’д̇и д̣̇иннам̣, д̇ам̣ саггажжам̣ ад̇хаарзнд̇о жа д̣̇осаваа ход̇и аабаж̇ж̇ад̇и аабад̇д̇им̣. сажид̇д̇агаажид̇д̇агад̣̇угасса сан̃н̃аавимогкад̣̇угам̣ яат̇ааггамам̣ барияааяод̇и ааха ‘‘сажид̇д̇агад̣̇уга’’нд̇иаад̣̇и.
477. Yaṃ nissaṭṭhapattaṃ ‘‘ayaṃ te bhikkhu patto yāvabhedanāya dhāretabbo’’ti dinnaṃ, taṃ sakkaccaṃ adhārento cadosavā hoti āpajjati āpattiṃ. Sacittakācittakadukassa saññāvimokkhadukaṃ yathākkamaṃ pariyāyoti āha ‘‘sacittakaduka’’ntiādi.
д̣̇угагат̇ааван̣н̣анаа.
Dukakathāvaṇṇanā.
478. яаа аабад̇д̇и наат̇з д̇идтанд̇з ход̇и, но бариниб̣б̣уд̇з, саа аабад̇д̇и ад̇т̇и. яаа аабад̇д̇и наат̇з бариниб̣б̣уд̇з ход̇и, на д̇у д̇идтанд̇з, сааби ад̇т̇и. яаа аабад̇д̇и наат̇з д̇идтанд̇зби ход̇и бариниб̣б̣уд̇зби, саа аабад̇д̇и ад̇т̇ийд̇и яож̇анаа.
478. Yā āpatti nāthe tiṭṭhante hoti, no parinibbute, sā āpatti atthi. Yā āpatti nāthe parinibbute hoti, na tu tiṭṭhante, sāpi atthi. Yā āpatti nāthe tiṭṭhantepi hoti parinibbutepi, sā āpatti atthīti yojanā.
479. саа гад̇амаад̇и ааха ‘‘рухируббаад̣̇анаабад̇д̇ий’’д̇иаад̣̇и. д̇ад̇т̇а т̇зрамаавусаваад̣̇зна, вад̣̇ад̇о бариниб̣б̣уд̇зд̇и ‘‘яат̇аа ко банаананд̣̇а, зд̇арахи бхигкуу ан̃н̃аман̃н̃ам̣ аавусоваад̣̇зна самуд̣̇аажаранд̇и, на ко мамажжаязна звам̣ самуд̣̇аажарид̇аб̣б̣ам̣…бз… навагад̇арзна бхигкунаа т̇зрад̇аро бхигку ‘бханд̇з’д̇и ваа ‘ааяасмаа’д̇и ваа самуд̣̇аажарид̇аб̣б̣о’’д̇и (д̣̇ий. ни. 2.216) важанад̇о т̇зрам̣ аавусоваад̣̇зна самуд̣̇аажаран̣абажжаяаа аабад̇д̇им̣ бариниб̣б̣уд̇з бхаг̇авад̇и аабаж̇ж̇ад̇и, но д̇идтанд̇зд̇и ад̇т̇о.
479. Sā katamāti āha ‘‘ruhiruppādanāpattī’’tiādi. Tattha theramāvusavādena, vadato parinibbuteti ‘‘yathā kho panānanda, etarahi bhikkhū aññamaññaṃ āvusovādena samudācaranti, na kho mamaccayena evaṃ samudācaritabbaṃ…pe… navakatarena bhikkhunā therataro bhikkhu ‘bhante’ti vā ‘āyasmā’ti vā samudācaritabbo’’ti (dī. ni. 2.216) vacanato theraṃ āvusovādena samudācaraṇapaccayā āpattiṃ parinibbute bhagavati āpajjati, no tiṭṭhanteti attho.
481. гат̇ам̣ гаалзязва аабад̇д̇и сияаа, на вигаалз. гат̇ам̣ вигаалзязва аабад̇д̇и сияаа, гаалз на сияаа. гат̇ам̣ гаалз жзва вигаалз жаад̇и убхаяад̇т̇а сияаад̇и бан̃хз.
481. Kathaṃ kāleyeva āpatti siyā, na vikāle. Kathaṃ vikāleyeva āpatti siyā, kāle na siyā. Kathaṃ kāle ceva vikāle cāti ubhayattha siyāti pañhe.
482. яат̇ааггамам̣ виссаж̇ж̇знд̇о ааха ‘‘бхун̃ж̇ад̇о’’д̇иаад̣̇и.
482. Yathākkamaṃ vissajjento āha ‘‘bhuñjato’’tiādi.
483. авасзсам̣ бана саб̣б̣ам̣ аабад̇д̇им̣ гаалавигаалзсу саб̣б̣ад̣̇аа аабаж̇ж̇ад̇и, д̇ад̇т̇а жа сам̣саяо над̇т̇ийд̇и яож̇анаа.
483. Avasesaṃ pana sabbaṃ āpattiṃ kālavikālesu sabbadā āpajjati, tattha ca saṃsayo natthīti yojanā.
484. ‘‘ад̇т̇аабад̇д̇и рад̇д̇им̣ аабаж̇ж̇ад̇и, но д̣̇иваа, ад̇т̇аабад̇д̇и д̣̇иваа аабаж̇ж̇ад̇и, но рад̇д̇им̣, ад̇т̇аабад̇д̇и рад̇д̇ин̃жзва аабаж̇ж̇ад̇и д̣̇иваа жаа’’д̇и (бари. 323) вуд̇д̇ам̣ д̇игам̣ д̣̇ассзд̇умааха ‘‘рад̇д̇имзваа’’д̇иаад̣̇и.
484. ‘‘Atthāpatti rattiṃ āpajjati, no divā, atthāpatti divā āpajjati, no rattiṃ, atthāpatti rattiñceva āpajjati divā cā’’ti (pari. 323) vuttaṃ tikaṃ dassetumāha ‘‘rattimevā’’tiādi.
486. ад̇т̇аабад̇д̇и д̣̇асавассо аабаж̇ж̇ад̇и, но уунад̣̇асавассо, саа гат̇ам̣ сияаа. ад̇т̇аабад̇д̇и уунад̣̇асавассо аабаж̇ж̇ад̇и, но д̣̇асавассо, саа гат̇ам̣ ход̇и. ад̇т̇аабад̇д̇и д̣̇асавассоби аабаж̇ж̇ад̇и уунад̣̇асавассобийд̇и убхаяад̇т̇аби аабад̇д̇и гат̇ам̣ ход̇ийд̇и яож̇анаа.
486. Atthāpatti dasavasso āpajjati, no ūnadasavasso, sā kathaṃ siyā. Atthāpatti ūnadasavasso āpajjati, no dasavasso, sā kathaṃ hoti. Atthāpatti dasavassopi āpajjati ūnadasavassopīti ubhayatthapi āpatti kathaṃ hotīti yojanā.
487. д̇ад̇т̇а виссаж̇ж̇анамааха ‘‘убадтаабзд̇ий’’д̇иаад̣̇и. ‘‘б̣аало’’д̇и зд̇асса хи ад̇т̇абад̣̇ам̣ ‘‘аб̣яад̇д̇о’’д̇и.
487. Tattha vissajjanamāha ‘‘upaṭṭhāpetī’’tiādi. ‘‘Bālo’’ti etassa hi atthapadaṃ ‘‘abyatto’’ti.
488. уунад̣̇асавассо звам̣ ‘‘ахам̣ бан̣д̣ид̇о’’д̇и барисам̣ г̇ан̣хад̇и, д̇ат̇аа аабад̇д̇им̣ аабаж̇ж̇ад̇ийд̇и яож̇анаа. ‘‘д̣̇асавассо ууно’’д̇и бад̣̇ажчзд̣̇о. д̣̇асавассо, уунад̣̇асавассо жаад̇и убхобзд̇з барисубадтаабанаабад̇д̇ид̇о ан̃н̃ам̣ аабад̇д̇им̣ аабаж̇ж̇ад̇ийд̇и яож̇анаа. зд̇т̇а жа ‘‘аабаж̇ж̇анд̇з’’д̇и вад̇д̇аб̣б̣з г̇аат̇ааб̣анд̇хавасзна на-гааралобо.
488. Ūnadasavasso evaṃ ‘‘ahaṃ paṇḍito’’ti parisaṃ gaṇhati, tathā āpattiṃ āpajjatīti yojanā. ‘‘Dasavasso ūno’’ti padacchedo. Dasavasso, ūnadasavasso cāti ubhopete parisupaṭṭhāpanāpattito aññaṃ āpattiṃ āpajjatīti yojanā. Ettha ca ‘‘āpajjante’’ti vattabbe gāthābandhavasena na-kāralopo.
489. гат̇ам̣ гаал̣з аабад̇д̇им̣ аабаж̇ж̇ад̇и, на ж̇ун̣хз, гат̇ам̣ ж̇ун̣хз аабад̇д̇им̣ аабаж̇ж̇ад̇и, на гаал̣асмим̣, гат̇ам̣ гаал̣з жа ж̇ун̣хз жаад̇и убхаяад̇т̇аби аабаж̇ж̇ад̇ийд̇и яож̇анаа.
489. Kathaṃ kāḷe āpattiṃ āpajjati, na juṇhe, kathaṃ juṇhe āpattiṃ āpajjati, na kāḷasmiṃ, kathaṃ kāḷe ca juṇhe cāti ubhayatthapi āpajjatīti yojanā.
490. виссаж̇ж̇анамааха ‘‘васса’’нд̇иаад̣̇и. ‘‘аабаж̇ж̇ад̇з аббаваарзнд̇о’’д̇и бад̣̇ажчзд̣̇о. ж̇ун̣хзд̇и буримабагкз. гаал̣агзд̇и абарабагкз.
490. Vissajjanamāha ‘‘vassa’’ntiādi. ‘‘Āpajjate appavārento’’ti padacchedo. Juṇheti purimapakkhe. Kāḷaketi aparapakkhe.
491. авибад̇д̇инаад̇и жад̇уб̣б̣ид̇хавибад̇д̇ирахид̇ад̇д̇аа авибад̇д̇инаа бхаг̇авад̇аа бан̃н̃ад̇д̇ам̣. авасзсанд̇и вассам̣ анубаг̇аманаабад̇д̇ияаа жа бавааран̣аабад̇д̇ияаа жа авасзсам̣ саб̣б̣ам̣ аабад̇д̇им̣.
491.Avipattināti catubbidhavipattirahitattā avipattinā bhagavatā paññattaṃ. Avasesanti vassaṃ anupagamanāpattiyā ca pavāraṇāpattiyā ca avasesaṃ sabbaṃ āpattiṃ.
492. вассуубаг̇аманам̣ гаал̣з габбад̇и, ж̇ун̣хз но габбад̇и, бавааран̣аа ж̇ун̣хз габбад̇и, гаал̣з но габбад̇и, сзсам̣ анун̃н̃аад̇ам̣ саб̣б̣ам̣ сан̇гхагижжам̣ гаал̣з жа ж̇ун̣хз жаад̇и убхаяад̇т̇аби габбад̇ийд̇и яож̇анаа.
492. Vassūpagamanaṃ kāḷe kappati, juṇhe no kappati, pavāraṇā juṇhe kappati, kāḷe no kappati, sesaṃ anuññātaṃ sabbaṃ saṅghakiccaṃ kāḷe ca juṇhe cāti ubhayatthapi kappatīti yojanā.
493. ад̇т̇аабад̇д̇и хзманд̇з ход̇и, ид̇арауд̇уд̣̇ваяз г̇имхаанавассаанасан̇каад̇з на ход̇и, ад̇т̇аабад̇д̇и г̇имхзязва ход̇и, на сзсзсу вассаанахзманд̇асан̇каад̇зсу, ад̇т̇аабад̇д̇и вассз ход̇и, но ид̇арад̣̇ваяз хзманд̇аг̇имхасан̇каад̇зд̇и яож̇анаа.
493. Atthāpatti hemante hoti, itarautudvaye gimhānavassānasaṅkhāte na hoti, atthāpatti gimheyeva hoti, na sesesu vassānahemantasaṅkhātesu, atthāpatti vasse hoti, no itaradvaye hemantagimhasaṅkhāteti yojanā.
494-6. саа д̇ивид̇хааби аабад̇д̇и гад̇амаад̇и ааха ‘‘д̣̇инз баадибад̣̇агкаад̇з’’д̇иаад̣̇и. д̇ад̇т̇а д̣̇инз…бз… бун̣н̣амаасияаад̇и абарагад̇д̇игабун̣н̣амаасияаа гаал̣абагкабаадибад̣̇ад̣̇ивасз бажжуд̣̇д̇харид̇ваа вигаббзд̇ваа табид̇ам̣ бана д̇ам̣ вассасаадигажийварам̣ сажз хзманд̇з ниваасзд̇и, хзманд̇з аабаж̇ж̇ад̇ийд̇и яож̇анаа.
494-6. Sā tividhāpi āpatti katamāti āha ‘‘dine pāṭipadakkhāte’’tiādi. Tattha dine…pe… puṇṇamāsiyāti aparakattikapuṇṇamāsiyā kāḷapakkhapāṭipadadivase paccuddharitvā vikappetvā ṭhapitaṃ pana taṃ vassasāṭikacīvaraṃ sace hemante nivāseti, hemante āpajjatīti yojanā.
бажчимзд̇и зд̇т̇а саамиважанаббасан̇г̇з бхуммам̣. бажчимасса гад̇д̇игасса яасмим̣ бун̣н̣амз д̣̇ивасз вассигасаадигажийварам̣ бажжуд̣̇д̇харид̇аб̣б̣ам̣, д̇асмим̣ д̣̇ивасз д̇ам̣ абажжуд̣̇д̇харид̇ваава баадибад̣̇з арун̣ам̣ удтаабзнд̇о абажжуд̣̇д̇харан̣абажжаяаа аабад̇д̇и хзманд̇зязва аабаж̇ж̇ад̇и, ид̇арз г̇имхаанавассаанауд̇уд̣̇ваяз на аабаж̇ж̇ад̇ийд̇и гурунд̣̇адтагат̇ааяам̣ (бари. адта. 323) нид̣̇д̣̇идтанд̇и яож̇анаа. ‘‘ануж̇аанаами, бхигкавз, вассигасаадигам̣ вассаанам̣ жад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и (махаава. 358) вуд̇д̇абаал̣ияаа гурунд̣̇адтагат̇ааважанасса авируж̇жханад̇о ‘‘д̇амби сувуд̇д̇а’’нд̇и (бари. адта. 323) саманд̇абаасаад̣̇игааяа вуд̇д̇ад̇д̇аа ‘‘хзманд̇з аабаж̇ж̇ад̇ий’’д̇и важанасса убхаяамби ад̇т̇о ход̇ийд̇и г̇ахзд̇аб̣б̣ам̣.
Pacchimeti ettha sāmivacanappasaṅge bhummaṃ. Pacchimassa kattikassa yasmiṃ puṇṇame divase vassikasāṭikacīvaraṃ paccuddharitabbaṃ, tasmiṃ divase taṃ apaccuddharitvāva pāṭipade aruṇaṃ uṭṭhāpento apaccuddharaṇapaccayā āpatti hemanteyeva āpajjati, itare gimhānavassānautudvaye na āpajjatīti kurundaṭṭhakathāyaṃ (pari. aṭṭha. 323) niddiṭṭhanti yojanā. ‘‘Anujānāmi, bhikkhave, vassikasāṭikaṃ vassānaṃ catumāsaṃ adhiṭṭhātuṃ, tato paraṃ vikappetu’’nti (mahāva. 358) vuttapāḷiyā kurundaṭṭhakathāvacanassa avirujjhanato ‘‘tampi suvutta’’nti (pari. aṭṭha. 323) samantapāsādikāya vuttattā ‘‘hemante āpajjatī’’ti vacanassa ubhayampi attho hotīti gahetabbaṃ.
497. г̇имхаанамаасаанам̣ самб̣анд̇хини г̇имхигз уд̇умхи. маасад̇о ад̇ирзго ад̇ирзгамаасод̇и гад̇ваа ад̇ирзгамаасо гаало сзсод̇и вад̇д̇аб̣б̣з гаалз. бариязсанд̇од̇и ан̃н̃аад̇игааббаваарид̇адтаанад̇о сад̇уббаад̣̇агаран̣зна вассигасаадигам̣ бариязсанд̇о жа ад̇ирзгамаасо сзсод̇и гад̇ваа ниваасзнд̇о жа г̇имхз аабад̇д̇им̣ аабаж̇ж̇ад̇и. ‘‘на д̇у зва ид̇арауд̇уд̣̇ваяз’’д̇и бад̣̇ажчзд̣̇о. г̇имхз бариязсанд̇о буримамаасад̇д̇аяз аабаж̇ж̇ад̇ийд̇и гад̇ваа ниваасзнд̇о ад̣дхамаасаад̇хигз г̇имхамаасад̇д̇аяз аабаж̇ж̇ад̇и. ниссанд̣̇зхз ‘‘г̇имхаанам̣ бажчимамаасад̇о буримзсу сад̇д̇асу маасзсуу’’д̇и вуд̇д̇ам̣, д̇ад̣̇аяуд̇д̇ам̣ ‘‘г̇имхаанзязва аабаж̇ж̇ад̇ий’’д̇и г̇имхаабад̇д̇ияаа д̣̇ассид̇ад̇д̇аа, ‘‘ид̇арауд̇уд̣̇ваяз’’д̇и бадисид̣̇д̇хад̇д̇аа жа. зд̇т̇а жа г̇аат̇ааяа бариязсанаабад̇д̇ияааязва д̣̇ассанам̣ нид̣̇ассанамад̇д̇анд̇и гад̇ваа ниваасанаабад̇д̇ияаа жа г̇имхзязва самбхавод̇и сааби д̣̇ассид̇аа.
497. Gimhānamāsānaṃ sambandhini gimhike utumhi. Māsato atireko atirekamāsoti katvā atirekamāso kālo sesoti vattabbe kāle. Pariyesantoti aññātikaappavāritaṭṭhānato satuppādakaraṇena vassikasāṭikaṃ pariyesanto ca atirekamāso sesoti katvā nivāsento ca gimhe āpattiṃ āpajjati. ‘‘Na tu eva itarautudvaye’’ti padacchedo. Gimhe pariyesanto purimamāsattaye āpajjatīti katvā nivāsento aḍḍhamāsādhike gimhamāsattaye āpajjati. Nissandehe ‘‘gimhānaṃ pacchimamāsato purimesu sattasu māsesū’’ti vuttaṃ, tadayuttaṃ ‘‘gimhāneyeva āpajjatī’’ti gimhāpattiyā dassitattā, ‘‘itarautudvaye’’ti paṭisiddhattā ca. Ettha ca gāthāya pariyesanāpattiyāyeva dassanaṃ nidassanamattanti katvā nivāsanāpattiyā ca gimheyeva sambhavoti sāpi dassitā.
498. ид̇ха бана имасмим̣ саасанз яо бхигку вассигасаадигажийварз виж̇ж̇амаанз наг̇г̇о гааяам̣ овассаабзд̇и, со хавз згам̣сзна вассз вассаанауд̇умхи аабаж̇ж̇ад̇ийд̇и яож̇анаа.
498.Idha pana imasmiṃ sāsane yo bhikkhu vassikasāṭikacīvare vijjamāne naggo kāyaṃ ovassāpeti, so have ekaṃsena vasse vassānautumhi āpajjatīti yojanā.
499. ‘‘ад̇т̇аабад̇д̇и сан̇гхо аабаж̇ж̇ад̇и, на г̇ан̣о на буг̇г̇ало, ад̇т̇аабад̇д̇и г̇ан̣о аабаж̇ж̇ад̇и, на сан̇гхо на буг̇г̇ало, ад̇т̇аабад̇д̇и буг̇г̇ало аабаж̇ж̇ад̇и, на сан̇гхо на г̇ан̣о’’д̇и (бари. 323) вуд̇д̇ад̇д̇игам̣ д̣̇ассзд̇умааха ‘‘аабаж̇ж̇ад̇и хи сан̇гховаа’’д̇иаад̣̇и.
499. ‘‘Atthāpatti saṅgho āpajjati, na gaṇo na puggalo, atthāpatti gaṇo āpajjati, na saṅgho na puggalo, atthāpatti puggalo āpajjati, na saṅgho na gaṇo’’ti (pari. 323) vuttattikaṃ dassetumāha ‘‘āpajjati hi saṅghovā’’tiādi.
500. гат̇амаабаж̇ж̇ад̇ийд̇и ааха ‘‘ад̇хидтаана’’нд̇иаад̣̇и. ад̇хидтаананд̇и ад̇хидтаанубосат̇ам̣ гаронд̇о баарисуд̣̇д̇хиубосат̇ам̣ ваад̇и самб̣анд̇хо. ид̇ха ад̇д̇ано яат̇аабад̇д̇амубосат̇ам̣ агад̇ваа абад̇д̇аубосат̇агаран̣ам̣ аабаж̇ж̇ид̇аб̣б̣аабад̇д̇ид̣̇ассанасса ад̇хиббзд̇ад̇д̇аа, ад̇д̇агаран̣ад̣̇осасса висум̣ висум̣ вагкамаанад̇д̇аа жа на г̇ан̣о на жа буг̇г̇алод̇и зд̇т̇а ад̇хидтаанам̣ гаронд̇о буг̇г̇ало жа баарисуд̣̇д̇хим̣ гаронд̇о г̇ан̣о жа наабаж̇ж̇ад̇ийд̇и яат̇аалаабхаяож̇анаа гаад̇аб̣б̣аа. яат̇ааггамам̣ яож̇анам̣ гаромийд̇и вибарияааяавигаббо на гаад̇аб̣б̣о. звамубариби вибарияааяавибагкам̣ гад̇ваа яат̇аалаабхаяож̇анаава гаад̇аб̣б̣аа.
500. Kathamāpajjatīti āha ‘‘adhiṭṭhāna’’ntiādi. Adhiṭṭhānanti adhiṭṭhānuposathaṃ karonto pārisuddhiuposathaṃ vāti sambandho. Idha attano yathāpattamuposathaṃ akatvā apattauposathakaraṇaṃ āpajjitabbāpattidassanassa adhippetattā, attakaraṇadosassa visuṃ visuṃ vakkhamānattā ca na gaṇo na ca puggaloti ettha adhiṭṭhānaṃ karonto puggalo ca pārisuddhiṃ karonto gaṇo ca nāpajjatīti yathālābhayojanā kātabbā. Yathākkamaṃ yojanaṃ karomīti vipariyāyavikappo na kātabbo. Evamuparipi vipariyāyavipakkhaṃ katvā yathālābhayojanāva kātabbā.
501. ‘‘убосат̇а’’нд̇и ид̣̇ам̣ ‘‘суд̇д̇уд̣̇д̣̇зсамад̇хидтаана’’нд̇и бад̣̇зхи бажжзгам̣ яож̇зд̇аб̣б̣ам̣.
501.‘‘Uposatha’’nti idaṃ ‘‘suttuddesamadhiṭṭhāna’’nti padehi paccekaṃ yojetabbaṃ.
502. суд̇д̇уд̣̇д̣̇зсам̣ гаронд̇о ваад̇и зд̇т̇а ваа-сад̣̇д̣̇зна баарисуд̣̇д̇хим̣ г̇ан̣хаад̇и. суд̇д̇уд̣̇д̣̇зсам̣, баарисуд̣̇д̇хим̣ ваа убосат̇ам̣ гаронд̇о буг̇г̇ало аабад̇д̇им̣ аабаж̇ж̇ад̇и, суд̇д̇уд̣̇д̣̇зсам̣ гаронд̇о сан̇гхо жа наабаж̇ж̇ад̇и, баарисуд̣̇д̇хим̣ гаронд̇о г̇ан̣о жа на аабаж̇ж̇ад̇ийд̇и яож̇анаа.
502.Suttuddesaṃ karonto vāti ettha vā-saddena pārisuddhiṃ gaṇhāti. Suttuddesaṃ, pārisuddhiṃ vā uposathaṃ karonto puggalo āpattiṃ āpajjati, suttuddesaṃ karonto saṅgho ca nāpajjati, pārisuddhiṃ karonto gaṇo ca na āpajjatīti yojanā.
503. гат̇ам̣ бана г̇илаанова аабад̇д̇им̣ аабаж̇ж̇ад̇и, на аг̇илаано, гат̇ам̣ аг̇илаанова аабад̇д̇им̣ аабаж̇ж̇ад̇и, но г̇илаано, гат̇ам̣ г̇илаано жа аг̇илаано жа убхоби аабаж̇ж̇анд̇ийд̇и яож̇анаа.
503. Kathaṃ pana gilānova āpattiṃ āpajjati, na agilāno, kathaṃ agilānova āpattiṃ āpajjati, no gilāno, kathaṃ gilāno ca agilāno ca ubhopi āpajjantīti yojanā.
504. яо бана агаллаго г̇илаано ан̃н̃зна бана бхзсаж̇ж̇зна ад̇т̇з сад̇и д̇ад̣̇ан̃н̃ам̣ д̇ад̇о ан̃н̃ам̣ бхзсаж̇ж̇ам̣ вин̃н̃аабзд̇и, со аабаж̇ж̇ад̇и баажид̇д̇ияаабад̇д̇инд̇и яож̇анаа.
504. Yo pana akallako gilāno aññena pana bhesajjena atthe sati tadaññaṃ tato aññaṃ bhesajjaṃ viññāpeti, so āpajjati pācittiyāpattinti yojanā.
505. бхзсаж̇ж̇зна ад̇т̇з авиж̇ж̇амаанзби сажз бхзсаж̇ж̇ам̣ вин̃н̃аабзд̇и, аг̇илаанова вин̃н̃ад̇д̇ибажжаяаа аабад̇д̇им̣ аабаж̇ж̇ад̇и. сзсам̣ бана аабад̇д̇им̣ г̇илаанааг̇илаанаа убхоби аабаж̇ж̇анд̇и.
505. Bhesajjena atthe avijjamānepi sace bhesajjaṃ viññāpeti, agilānova viññattipaccayā āpattiṃ āpajjati. Sesaṃ pana āpattiṃ gilānaagilānā ubhopi āpajjanti.
506. ад̇т̇аабад̇д̇и анд̇ова аабаж̇ж̇ад̇и, на б̣ахид̣̇д̇хаа, д̇ат̇аа ад̇т̇аабад̇д̇и б̣ахи зва аабаж̇ж̇ад̇и, на анд̇о, ад̇т̇аабад̇д̇и анд̇о, б̣ахид̣̇д̇хаад̇и убхаяад̇т̇аби аабаж̇ж̇ад̇ийд̇и яож̇анаа.
506. Atthāpatti antova āpajjati, na bahiddhā, tathā atthāpatti bahi eva āpajjati, na anto, atthāpatti anto, bahiddhāti ubhayatthapi āpajjatīti yojanā.
507. гзвалам̣ анд̇оязва аабаж̇ж̇ад̇ийд̇и яож̇анаа.
507. Kevalaṃ antoyeva āpajjatīti yojanā.
508. ман̃жаад̣̇инд̇и сан̇гхигаман̃жаад̣̇им̣.
508.Mañcādinti saṅghikamañcādiṃ.
509. ‘‘анд̇осиймааяа зва аабад̇д̇и’’нд̇и бад̣̇ажчзд̣̇о. гат̇ам̣ анд̇осиймааяа зва аабад̇д̇им̣ аабаж̇ж̇ад̇и, нзва б̣ахисиймааяа аабад̇д̇им̣ аабаж̇ж̇ад̇и, гат̇ам̣ б̣ахисиймааяа зва аабад̇д̇им̣ аабаж̇ж̇ад̇и, но анд̇осиймааяа аабад̇д̇им̣ аабаж̇ж̇ад̇и, гат̇ам̣ анд̇осиймааяа жа б̣ахисиймааяа жаад̇и убхаяад̇т̇аби аабаж̇ж̇ад̇ийд̇и яож̇анаа.
509. ‘‘Antosīmāya eva āpatti’’nti padacchedo. Kathaṃ antosīmāya eva āpattiṃ āpajjati, neva bahisīmāya āpattiṃ āpajjati, kathaṃ bahisīmāya eva āpattiṃ āpajjati, no antosīmāya āpattiṃ āpajjati, kathaṃ antosīmāya ca bahisīmāya cāti ubhayatthapi āpajjatīti yojanā.
510. сачад̇д̇убаахано бхигкууд̇и чад̇д̇убааханасахид̇о ааг̇анд̇уго бхигку. бависанд̇о д̇абод̇ханод̇и ааг̇анд̇угавад̇д̇ам̣ ад̣̇ассзд̇ваа сан̇гхаараамам̣ бависанд̇о.
510.Sachattupāhano bhikkhūti chattupāhanasahito āgantuko bhikkhu. Pavisanto tapodhanoti āgantukavattaṃ adassetvā saṅghārāmaṃ pavisanto.
511. ‘‘убажаарасса ад̇иггамз’’д̇и бад̣̇ажчзд̣̇о.
511. ‘‘Upacārassa atikkame’’ti padacchedo.
512. сзсам̣ саб̣б̣ам̣ аабад̇д̇им̣ анд̇осиймааяа жа б̣ахисиймааяа жа аабаж̇ж̇ад̇ийд̇и яож̇анаа. зд̇т̇а жа гин̃жааби вассажчзд̣̇аабад̇д̇им̣ б̣ахисиймааг̇ад̇о аабаж̇ж̇ад̇и, бхигкунийаараамабавзсанаабад̇д̇им̣ анд̇осиймааяа аабаж̇ж̇ад̇и, д̇ад̣̇убхаяам̣ бана ааг̇анд̇угаг̇амигавад̇д̇абхзд̣̇аабад̇д̇ийхи згабарижчзд̣̇анд̇и убалагкан̣ад̇о зд̇знзва вин̃н̃ааяад̇ийд̇и висум̣ на вуд̇д̇анд̇и г̇ахзд̇аб̣б̣ам̣. звам̣ саб̣б̣ад̇т̇а ийд̣̇исзсу таанзсу винижчаяо взд̣̇ид̇аб̣б̣о.
512.Sesaṃ sabbaṃ āpattiṃ antosīmāya ca bahisīmāya ca āpajjatīti yojanā. Ettha ca kiñcāpi vassacchedāpattiṃ bahisīmāgato āpajjati, bhikkhunīārāmapavesanāpattiṃ antosīmāya āpajjati, tadubhayaṃ pana āgantukagamikavattabhedāpattīhi ekaparicchedanti upalakkhaṇato eteneva viññāyatīti visuṃ na vuttanti gahetabbaṃ. Evaṃ sabbattha īdisesu ṭhānesu vinicchayo veditabbo.
д̇игагат̇ааван̣н̣анаа.
Tikakathāvaṇṇanā.
515. важийд̣̇вааригамаабад̇д̇инд̇и мусааваад̣̇абзсун̃н̃ахаран̣аад̣̇ивасзна важийд̣̇ваарз аабаж̇ж̇ид̇аб̣б̣аабад̇д̇им̣. бараваажааяа суж̇жхад̇ийд̇и сан̇гхамаж̇жхз згаваажигааяа д̇ин̣авад̇т̇аарагагаммаваажааяа суж̇жхад̇и.
515.Vacīdvārikamāpattinti musāvādapesuññaharaṇādivasena vacīdvāre āpajjitabbāpattiṃ. Paravācāya sujjhatīti saṅghamajjhe ekavācikāya tiṇavatthārakakammavācāya sujjhati.
516. важ̇ж̇амзва важ̇ж̇ад̇аа, д̇ам̣, баажид̇д̇ияанд̇и ад̇т̇о.
516. Vajjameva vajjatā, taṃ, pācittiyanti attho.
518-9. д̇ам̣ д̣̇зсзд̇ваа висуж̇жханд̇од̇и д̇ам̣ д̣̇зсзд̇ваа висуд̣̇д̇хо хонд̇о. яаавад̇ад̇ияагам̣ банаад̇и яаавад̇ад̇иязна саманубхаасанагаммзна аабаннам̣ сан̇гхаад̣̇исзсаабад̇д̇им̣ бана. бариваасаад̣̇ийд̇и аад̣̇и-сад̣̇д̣̇зна маанад̇д̇амуулааяабадигассанааб̣бхаанаани г̇ахид̇аани.
518-9.Taṃdesetvā visujjhantoti taṃ desetvā visuddho honto. Yāvatatiyakaṃ panāti yāvatatiyena samanubhāsanakammena āpannaṃ saṅghādisesāpattiṃ pana. Parivāsādīti ādi-saddena mānattamūlāyapaṭikassanaabbhānāni gahitāni.
522. гааяад̣̇вааригамаабад̇д̇инд̇и гааяад̣̇ваарзна аабаж̇ж̇ид̇аб̣б̣ам̣ бахаарад̣̇аанаад̣̇иаабад̇д̇им̣.
522.Kāyadvārikamāpattinti kāyadvārena āpajjitabbaṃ pahāradānādiāpattiṃ.
523. гааязнзва висуж̇жхад̇ийд̇и д̇ин̣авад̇т̇аарагам̣ г̇анд̇ваа гааяасаамаг̇г̇им̣ д̣̇знд̇о висуж̇жхад̇и.
523.Kāyeneva visujjhatīti tiṇavatthārakaṃ gantvā kāyasāmaggiṃ dento visujjhati.
526. яо суд̇д̇о аабад̇д̇им̣ аабаж̇ж̇ад̇и, со гат̇ам̣ бадиб̣уд̣̇д̇хо висуж̇жхад̇и. яо бадиб̣уд̣̇д̇хова аабанно, со гат̇ам̣ суд̇д̇о суж̇жхад̇ийд̇и яож̇анаа.
526. Yo sutto āpattiṃ āpajjati, so kathaṃ paṭibuddho visujjhati. Yo paṭibuddhova āpanno, so kathaṃ sutto sujjhatīti yojanā.
528. саг̇аарасзяяагаад̣̇инд̇и маад̇уг̇аамзна сахасзяяаад̣̇иаабад̇д̇им̣.
528.Sagāraseyyakādinti mātugāmena sahaseyyādiāpattiṃ.
529. ж̇аг̇г̇анд̇од̇и ж̇ааг̇аранд̇о нид̣̇д̣̇ам̣ винод̣̇знд̇о.
529.Jaggantoti jāgaranto niddaṃ vinodento.
531. бадиб̣уд̣̇д̇ход̇и анид̣̇д̣̇ааяанд̇о.
531.Paṭibuddhoti aniddāyanto.
532. ажид̇д̇од̇и ‘‘сигкаабад̣̇ам̣ вийд̇иггамиссаамий’’д̇и жид̇д̇аа бхаавзна ажид̇д̇о.
532.Acittoti ‘‘sikkhāpadaṃ vītikkamissāmī’’ti cittā bhāvena acitto.
535. сажид̇д̇агаабад̇д̇инд̇и вигаалабхож̇анаад̣̇иаабад̇д̇им̣. д̇ин̣авад̇т̇аарз саяанд̇о нид̣̇д̣̇ааяанд̇о д̇ин̣авад̇т̇аарагагаммз гарияамаанз ‘‘иминаахам̣ гаммзна аабад̇д̇ид̇о вудтаамий’’д̇и жид̇д̇арахид̇о вудтаханд̇о ажид̇д̇аго висуж̇жхад̇и.
535.Sacittakāpattinti vikālabhojanādiāpattiṃ. Tiṇavatthāre sayanto niddāyanto tiṇavatthārakakamme kariyamāne ‘‘imināhaṃ kammena āpattito vuṭṭhāmī’’ti cittarahito vuṭṭhahanto acittako visujjhati.
536. бажчимам̣ д̇у бад̣̇ад̣̇ваяанд̇и –
536.Pacchimaṃ tu padadvayanti –
‘‘аабаж̇ж̇ид̇ваа ажид̇д̇ова, ажид̇д̇ова висуж̇жхад̇и;
‘‘Āpajjitvā acittova, acittova visujjhati;
аабаж̇ж̇ид̇ваа сажид̇д̇ова, сажид̇д̇ова висуж̇жхад̇ий’’д̇и. –
Āpajjitvā sacittova, sacittova visujjhatī’’ti. –
бад̣̇ад̣̇ваяам̣ . амиссзд̇ваад̇и ажид̇д̇асажид̇д̇абад̣̇зхи звамзва миссам̣ агад̇ваа. зд̇т̇аад̇и буримабад̣̇ад̣̇ваяз. вуд̇д̇аанусаарзнаад̇и вуд̇д̇анаяаанусаарзна.
Padadvayaṃ . Amissetvāti acittasacittapadehi evameva missaṃ akatvā. Etthāti purimapadadvaye. Vuttānusārenāti vuttanayānusārena.
539. гаммад̇од̇и саманубхаасанагаммад̇о.
539.Kammatoti samanubhāsanakammato.
540. аабаж̇ж̇ид̇ваа агаммад̇од̇и саманубхаасанагаммам̣ винаава аабаж̇ж̇ид̇ваа.
540.Āpajjitvā akammatoti samanubhāsanakammaṃ vināva āpajjitvā.
541. саманубхаасанз аабаж̇ж̇ид̇аб̣б̣ам̣ сан̇гхаад̣̇исзсаабад̇д̇им̣ саманубхаасанамааха гааран̣уубажаарзна.
541. Samanubhāsane āpajjitabbaṃ saṅghādisesāpattiṃ samanubhāsanamāha kāraṇūpacārena.
542. авасзсанд̇и мусааваад̣̇абаажид̇д̇ияаад̣̇игам̣.
542.Avasesanti musāvādapācittiyādikaṃ.
543. висуж̇жхад̇и асаммукаад̇и сан̇гхасса асаммукаа висуж̇жхад̇и. ид̣̇ан̃жа саммукаавинаязна жзва бадин̃н̃аад̇агаран̣зна жа самзнд̇ам̣ аабад̇д̇аад̇хигаран̣ам̣ санд̇хааяа вуд̇д̇ам̣. д̇ад̇т̇а буг̇г̇аласаммукад̇ааяа саб̣бхаавзби сан̇гхасса асаммукад̇ааяа аабаж̇ж̇ад̇и ваа висуж̇жхад̇и ваад̇и ‘‘асаммукаа’’д̇и вуд̇д̇ам̣.
543.Visujjhati asammukhāti saṅghassa asammukhā visujjhati. Idañca sammukhāvinayena ceva paṭiññātakaraṇena ca samentaṃ āpattādhikaraṇaṃ sandhāya vuttaṃ. Tattha puggalasammukhatāya sabbhāvepi saṅghassa asammukhatāya āpajjati vā visujjhati vāti ‘‘asammukhā’’ti vuttaṃ.
551. ‘‘ажид̇д̇агажад̇уггам̣ аж̇аананд̇ажад̇угга’’нд̇и гусалад̇д̇игапассабан̃жагаад̣̇ивохааро вияа аад̣̇ибад̣̇авасзна вуд̇д̇о.
551. ‘‘Acittakacatukkaṃ ajānantacatukka’’nti kusalattikaphassapañcakādivohāro viya ādipadavasena vutto.
552-3. ад̇т̇аабад̇д̇и ааг̇анд̇уго аабаж̇ж̇ад̇и, на жзд̇аро ааваасиго аабаж̇ж̇ад̇и, ад̇т̇аабад̇д̇и ааваасигова аабаж̇ж̇ад̇и, на жзд̇аро ааг̇анд̇уго аабаж̇ж̇ад̇и, ад̇т̇аабад̇д̇и ааг̇анд̇уго жа ааваасиго жа д̇з убхоби аабаж̇ж̇анд̇и, убхо сзсам̣ на аабаж̇ж̇анд̇и ад̇т̇ийд̇и яож̇анаа.
552-3. Atthāpatti āgantuko āpajjati, na cetaro āvāsiko āpajjati, atthāpatti āvāsikova āpajjati, na cetaro āgantuko āpajjati, atthāpatti āgantuko ca āvāsiko ca te ubhopi āpajjanti, ubho sesaṃ na āpajjanti atthīti yojanā.
555. ид̇арод̇и ааваасиго. ааваасавад̇д̇анд̇и ааваасигзна ааг̇анд̇угасса гаад̇аб̣б̣авад̇д̇ам̣. ааваасийд̇и ааваасиго.
555.Itaroti āvāsiko. Āvāsavattanti āvāsikena āgantukassa kātabbavattaṃ. Āvāsīti āvāsiko.
556. на жзвааг̇анд̇угод̇и д̇ам̣ ааваасигавад̇д̇ам̣ агаронд̇о ааг̇анд̇уго на жзва аабаж̇ж̇ад̇и . сзсам̣ гааяаважийд̣̇вааригам̣ аабад̇д̇им̣. убхоби ааг̇анд̇угаааваасигаа. бхигкубхигкунийнам̣ асаад̇хааран̣ам̣ аабад̇д̇им̣ на аабаж̇ж̇анд̇и.
556.Na cevāgantukoti taṃ āvāsikavattaṃ akaronto āgantuko na ceva āpajjati . Sesaṃ kāyavacīdvārikaṃ āpattiṃ. Ubhopi āgantukaāvāsikā. Bhikkhubhikkhunīnaṃ asādhāraṇaṃ āpattiṃ na āpajjanti.
557. вад̇т̇унаанад̇д̇ад̇аад̇и вийд̇иггаманаанад̇д̇ад̇аа. аабад̇д̇инаанад̇д̇ад̇аад̇и баарааж̇игаад̣̇ийнам̣ сад̇д̇аннам̣ аабад̇д̇игканд̇хаанам̣ ан̃н̃аман̃н̃анаанад̇д̇ад̇аа.
557.Vatthunānattatāti vītikkamanānattatā. Āpattinānattatāti pārājikādīnaṃ sattannaṃ āpattikkhandhānaṃ aññamaññanānattatā.
563. ‘‘баарааж̇игаанам̣…бз… наанабхааво’’д̇и ид̣̇ам̣ нид̣̇ассанамад̇д̇ам̣ сан̇гхаад̣̇исзсаанам̣ анияад̇аад̣̇ийхи вад̇т̇унаанад̇ааяа жзва аабад̇д̇инаанад̇ааяа жа лаб̣бхамаанад̇д̇аа.
563.‘‘Pārājikānaṃ…pe… nānabhāvo’’ti idaṃ nidassanamattaṃ saṅghādisesānaṃ aniyatādīhi vatthunānatāya ceva āpattinānatāya ca labbhamānattā.
565. аяамзва винижчаяод̇и на гзвалам̣ баарааж̇игаабад̇д̇ийсуязва саад̇хааран̣аабад̇д̇ияо згад̇о жа висун̃жа аабаж̇ж̇анд̇аанам̣ яат̇аавуд̇д̇авинижчаяо, ат̇а ко авасзсасаад̇хааран̣аабад̇д̇ияоби вуд̇д̇анаязна аабаж̇ж̇ад̇и, аяамзва винижчаяо яож̇зд̇аб̣б̣о.
565.Ayameva vinicchayoti na kevalaṃ pārājikāpattīsuyeva sādhāraṇāpattiyo ekato ca visuñca āpajjantānaṃ yathāvuttavinicchayo, atha kho avasesasādhāraṇāpattiyopi vuttanayena āpajjati, ayameva vinicchayo yojetabbo.
577. аад̣̇ияанд̇о г̇ан̣ханд̇о. баяож̇знд̇од̇и г̇ан̣хаабзнд̇о.
577.Ādiyanto gaṇhanto. Payojentoti gaṇhāpento.
579. уунагам̣ баад̣̇ам̣…бз… лахум̣ пусзд̇и т̇уллажжаяам̣, д̣̇уггадан̃жа санд̇хааяааха.
579.Ūnakaṃpādaṃ…pe… lahuṃ phuseti thullaccayaṃ, dukkaṭañca sandhāyāha.
580. зд̇знзва убааязна, сзсагамби бад̣̇ад̇д̇аяанд̇и яо аяам̣ батамавинижчаяз вуд̇д̇анаяо, зд̇знзва наязна уунабаад̣̇ам̣ аад̣̇ияанд̇о лахугаабад̇д̇им̣ аабаж̇ж̇ад̇и, баад̣̇ам̣ ваа ад̇ирзгабаад̣̇ам̣ ваа г̇ахан̣ад̇т̇ам̣ аан̣аабзнд̇о г̇арум̣ баарааж̇игаабад̇д̇им̣ аабаж̇ж̇ад̇и, баад̣̇ам̣ ваа ад̇ирзгабаад̣̇ам̣ ваа г̇ан̣ханд̇о жа г̇ахан̣ад̇т̇ааяа аан̣аабзнд̇о жа г̇аругз баарааж̇игаабад̇д̇ияам̣язва д̇идтад̇и, уунабаад̣̇ам̣ г̇ан̣ханд̇о жа г̇ахан̣ад̇т̇ааяа аан̣аабзнд̇о жа лахугз т̇уллажжаяз, д̣̇уггадз ваа д̇идтад̇ийд̇и звам̣ сзсагамби имам̣ бад̣̇ад̇д̇аяам̣. ад̇т̇асамбхавад̇оязваад̇и яат̇аавуд̇д̇асса ад̇т̇асса самбхававасзнзва.
580.Eteneva upāyena, sesakampi padattayanti yo ayaṃ paṭhamavinicchaye vuttanayo, eteneva nayena ūnapādaṃ ādiyanto lahukāpattiṃ āpajjati, pādaṃ vā atirekapādaṃ vā gahaṇatthaṃ āṇāpento garuṃ pārājikāpattiṃ āpajjati, pādaṃ vā atirekapādaṃ vā gaṇhanto ca gahaṇatthāya āṇāpento ca garuke pārājikāpattiyaṃyeva tiṭṭhati, ūnapādaṃ gaṇhanto ca gahaṇatthāya āṇāpento ca lahuke thullaccaye, dukkaṭe vā tiṭṭhatīti evaṃ sesakampi imaṃ padattayaṃ. Atthasambhavatoyevāti yathāvuttassa atthassa sambhavavaseneva.
581-2. гат̇ам̣ гаалзязва аабад̇д̇и сияаа, но вигаалз, вигаалзязва аабад̇д̇и сияаа, на жа гаалз, ад̇т̇аабад̇д̇и гаалз жа багаасид̇аа вигаалз жа, ад̇т̇аабад̇д̇и нзва гаалз жа багаасид̇аа нзва вигаалз жаад̇и яож̇анаа.
581-2. Kathaṃ kāleyeva āpatti siyā, no vikāle, vikāleyeva āpatti siyā, na ca kāle, atthāpatti kāle ca pakāsitā vikāle ca, atthāpatti neva kāle ca pakāsitā neva vikāle cāti yojanā.
586-7. гаалз бадиг̇г̇ахид̇ам̣ гим̣ гаалз габбад̇и вигаалз д̇у но габбад̇и, вигаалз г̇ахид̇ам̣ гим̣ вигаалз габбад̇и, но гаалз габбад̇и, гаалз жа вигаалз жа бадиг̇г̇ахид̇ам̣ гим̣ наама гаалз жа вигаалз жа габбад̇и, гаалз жа вигаалз жа бадиг̇г̇ахид̇ам̣ гим̣ наама гаалз жа вигаалз жа на габбад̇и, вад̣̇а бхад̣̇рамукаад̇и яож̇анаа.
586-7. Kāle paṭiggahitaṃ kiṃ kāle kappati vikāle tu no kappati, vikāle gahitaṃ kiṃ vikāle kappati, no kāle kappati, kāle ca vikāle ca paṭiggahitaṃ kiṃ nāma kāle ca vikāle ca kappati, kāle ca vikāle ca paṭiggahitaṃ kiṃ nāma kāle ca vikāle ca na kappati, vada bhadramukhāti yojanā.
589. вигаалзязва габбад̇и, абараж̇ж̇у гаалзби на габбад̇ийд̇и яож̇анаа.
589. Vikāleyeva kappati, aparajju kālepi na kappatīti yojanā.
592. гулад̣̇уусанагаммаад̣̇инд̇и аад̣̇и-сад̣̇д̣̇зна абхууд̇аарожанаруубияасам̣вохааравин̃н̃ад̇д̇игуханаад̣̇ийнам̣ сан̇г̇ахо.
592.Kuladūsanakammādinti ādi-saddena abhūtārocanarūpiyasaṃvohāraviññattikuhanādīnaṃ saṅgaho.
593-4. гад̇амаа аабад̇д̇и бажжанд̇имзсу д̣̇зсзсу аабаж̇ж̇ад̇и, на маж̇жхимз, гад̇амаа аабад̇д̇и маж̇жхимз бана д̣̇зсасмим̣ аабаж̇ж̇ад̇и, на жа бажжанд̇имзсу, гад̇амаа аабад̇д̇и бажжанд̇имзсу жзва д̣̇зсзсу аабаж̇ж̇ад̇и маж̇жхимз жа, гад̇амаа аабад̇д̇и бажжанд̇имзсу жзва д̣̇зсзсу на аабаж̇ж̇ад̇и на маж̇жхимз жаад̇и яож̇анаа.
593-4. Katamā āpatti paccantimesu desesu āpajjati, na majjhime, katamā āpatti majjhime pana desasmiṃ āpajjati, na ca paccantimesu, katamā āpatti paccantimesu ceva desesu āpajjati majjhime ca, katamā āpatti paccantimesu ceva desesu na āpajjati na majjhime cāti yojanā.
596. ‘‘со г̇ун̣ан̇г̇ун̣убаахана’’нд̇и бад̣̇ажчзд̣̇о. со бхигкууд̇и ад̇т̇о.
596. ‘‘So guṇaṅguṇupāhana’’nti padacchedo. So bhikkhūti attho.
599. звам̣ ‘‘аабаж̇ж̇ад̇и, наабаж̇ж̇ад̇ий’’д̇и бад̣̇авасзна бажжанд̇имажад̇уггам̣ д̣̇ассзд̇ваа ‘‘нзва габбад̇и, на габбад̇ий’’д̇и бад̣̇авасзна д̣̇ассзд̇умааха ‘‘бажжанд̇имзсуу’’д̇иаад̣̇и.
599. Evaṃ ‘‘āpajjati, nāpajjatī’’ti padavasena paccantimacatukkaṃ dassetvā ‘‘neva kappati, na kappatī’’ti padavasena dassetumāha ‘‘paccantimesū’’tiādi.
601. вуд̇д̇анд̇и ‘‘г̇ан̣зна бан̃жаваг̇г̇знаа’’д̇иаад̣̇иг̇аат̇ааяа хздтаа вуд̇д̇ам̣.
601.Vuttanti ‘‘gaṇena pañcavaggenā’’tiādigāthāya heṭṭhā vuttaṃ.
603. звам̣ вад̇д̇унд̇и ‘‘на габбад̇ий’’д̇и вад̇д̇ум̣. бан̃жалон̣аад̣̇иганд̇и ‘‘ануж̇аанаами, бхигкавз, лон̣ааний’’д̇иаад̣̇и.
603.Evaṃ vattunti ‘‘na kappatī’’ti vattuṃ. Pañcaloṇādikanti ‘‘anujānāmi, bhikkhave, loṇānī’’tiādi.
608. анун̃н̃аад̇адтаанасса анд̇о но аабаж̇ж̇ад̇и, д̇ам̣ ад̇иггаманд̇о б̣ахиязва жа аабаж̇ж̇ад̇ийд̇и яож̇анаа.
608. Anuññātaṭṭhānassa anto no āpajjati, taṃ atikkamanto bahiyeva ca āpajjatīti yojanā.
612. сзгкабан̃н̃ад̇д̇ийд̇и сзкияабан̃н̃ад̇д̇и.
612.Sekkhapaññattīti sekhiyapaññatti.
613. аг̇ан̣аад̇и ад̣̇уд̇ияаа. зд̇т̇а хи згааби г̇ан̣о наама.
613.Agaṇāti adutiyā. Ettha hi ekāpi gaṇo nāma.
614. убхаяад̇т̇аби асаад̇хааран̣амаабад̇д̇инд̇и бхигкунийнам̣ нияад̇аабан̃н̃ад̇д̇и взд̣̇ид̇аб̣б̣аа.
614.Ubhayatthapi asādhāraṇamāpattinti bhikkhunīnaṃ niyatāpaññatti veditabbā.
616. г̇илаано жа наабаж̇ж̇ад̇и, аг̇илаано жа наабаж̇ж̇ад̇ийд̇и звам̣ убхоби наабаж̇ж̇анд̇ийд̇и яож̇анаа. д̇игаад̣̇ийсу д̣̇ассид̇аанам̣ бад̣̇аанам̣ жад̇уггаад̣̇ид̣̇ассанавасзна бунаббунам̣ г̇ахан̣ам̣.
616. Gilāno ca nāpajjati, agilāno ca nāpajjatīti evaṃ ubhopi nāpajjantīti yojanā. Tikādīsu dassitānaṃ padānaṃ catukkādidassanavasena punappunaṃ gahaṇaṃ.
618. ‘‘аабаж̇ж̇ад̇и аг̇илаановаа’’д̇и бад̣̇ажчзд̣̇о.
618. ‘‘Āpajjati agilānovā’’ti padacchedo.
жад̇уггагат̇ааван̣н̣анаа.
Catukkakathāvaṇṇanā.
620. ‘‘г̇арут̇уллажжаяа’’нд̇и вад̇д̇аб̣б̣з ‘‘г̇ару’’нд̇и ниг̇г̇ахийд̇ааг̇амо.
620. ‘‘Garuthullaccaya’’nti vattabbe ‘‘garu’’nti niggahītāgamo.
621. бан̃жа гат̇инаанисам̣саа хздтаа вуд̇д̇ааязва.
621. Pañca kathinānisaṃsā heṭṭhā vuttāyeva.
626. аг̇г̇исад̇т̇анакагганд̇анд̇и аг̇г̇исад̇т̇анакзхи агганд̇ам̣ пудтам̣, бахаданд̇и ад̇т̇о. аб̣ийж̇анд̇и ноб̣ийж̇ам̣. уб̣б̣аддаб̣ийж̇аганд̇и ниб̣б̣аддаб̣ийж̇агам̣.
626.Aggisatthanakhakkantanti aggisatthanakhehi akkantaṃ phuṭṭhaṃ, pahaṭanti attho. Abījanti nobījaṃ. Ubbaṭṭabījakanti nibbaṭṭabījakaṃ.
628. бавааран̣аабийд̇и бадигкзбабавааран̣ааби. од̣̇анаад̣̇ийхийд̇и аад̣̇и-сад̣̇д̣̇зна сад̇д̇угуммаасамажчамам̣саанам̣ г̇ахан̣ам̣. гааяаад̣̇иг̇ахан̣знаад̇и гааязна ваа гааяабадиб̣ад̣̇д̇хзна ваа г̇ахан̣зна. ‘‘д̣̇аад̇угаамаабхихааро жа, хад̇т̇абаасзран̣агкама’’нд̇и имзхи жад̇уухи ан̇г̇зхи сад̣̇д̇хим̣ д̇зсам̣ д̣̇виннамзгам̣ г̇ахзд̇ваа бадиг̇г̇ахан̣аа бан̃жзва хонд̇и.
628.Pavāraṇāpīti paṭikkhepapavāraṇāpi. Odanādīhīti ādi-saddena sattukummāsamacchamaṃsānaṃ gahaṇaṃ. Kāyādigahaṇenāti kāyena vā kāyapaṭibaddhena vā gahaṇena. ‘‘Dātukāmābhihāro ca, hatthapāseraṇakkhama’’nti imehi catūhi aṅgehi saddhiṃ tesaṃ dvinnamekaṃ gahetvā paṭiggahaṇā pañceva honti.
629-30. винаяан̃н̃угасминд̇и винаяад̇харз буг̇г̇алз. саган̃жа сийланд̇и ад̇д̇ано баад̇имогкасам̣варасийлан̃жа. сурагкид̇ам̣ ход̇ийд̇и аабад̇д̇аанаабад̇д̇игаббияаагаббияаанам̣ виж̇аананд̇ад̇ааяа асзвид̇аб̣б̣ам̣ бахааяа сзвид̇аб̣б̣ам̣язва сзванавасзна судту рагкид̇ам̣ ход̇и. гуггужжаман̃н̃асса нираагарод̇ийд̇и ан̃н̃асса саб̣рахмажаарино габбияаагаббияависаяз уббаннам̣ гуггужжам̣ ниваарзд̇и. висаарад̣̇о бхаасад̇и сан̇гхамаж̇жхзд̇и габбияаагаббияаанам̣ винижчаяагат̇ааяа уббаннааяа нираасан̇го ниб̣бхаяо вохарад̇и. взрибхигкууд̇и ад̇д̇абажжад̇т̇игз буг̇г̇алз. д̇хаммасса жзва тид̇ияаа бавад̇д̇од̇и ‘‘винаяо наама саасанасса ааяу, винаяз тид̇з саасанам̣ тид̇ам̣ ход̇ий’’д̇и (баараа. адта. 1.батамамахаасан̇г̇ийд̇игат̇аа; д̣̇ий. ни. адта. 1.батамамахаасан̇г̇ийд̇игат̇аа; ку. баа. адта. 5.ман̇г̇аласуд̇д̇аван̣н̣анаа; т̇зраг̇аа. адта. 1.251) важанад̇о сад̣̇д̇хаммадтид̇ияаа бадибанно ход̇и. д̇асмаа гааран̣аа. д̇ад̇т̇а винаяан̃н̃убхаавз. д̇хийро бан̃н̃аваа бхигку.
629-30.Vinayaññukasminti vinayadhare puggale. Sakañca sīlanti attano pātimokkhasaṃvarasīlañca. Surakkhitaṃ hotīti āpattānāpattikappiyākappiyānaṃ vijānantatāya asevitabbaṃ pahāya sevitabbaṃyeva sevanavasena suṭṭhu rakkhitaṃ hoti. Kukkuccamaññassa nirākarotīti aññassa sabrahmacārino kappiyākappiyavisaye uppannaṃ kukkuccaṃ nivāreti. Visārado bhāsati saṅghamajjheti kappiyākappiyānaṃ vinicchayakathāya uppannāya nirāsaṅko nibbhayo voharati. Veribhikkhūti attapaccatthike puggale. Dhammassa ceva ṭhitiyā pavattoti ‘‘vinayo nāma sāsanassa āyu, vinaye ṭhite sāsanaṃ ṭhitaṃ hotī’’ti (pārā. aṭṭha. 1.paṭhamamahāsaṅgītikathā; dī. ni. aṭṭha. 1.paṭhamamahāsaṅgītikathā; khu. pā. aṭṭha. 5.maṅgalasuttavaṇṇanā; theragā. aṭṭha. 1.251) vacanato saddhammaṭṭhitiyā paṭipanno hoti. Tasmā kāraṇā. Tattha vinayaññubhāve. Dhīro paññavā bhikkhu.
бан̃жагагат̇ааван̣н̣анаа.
Pañcakakathāvaṇṇanā.
631-2. чал̣абхин̃н̃знаад̇и ча абхин̃н̃аа зд̇ассаад̇и чал̣абхин̃н̃о, д̇зна. ад̇игганд̇абамаан̣ам̣ ман̃жабийтам̣, ад̇игганд̇абамаан̣ам̣ нисийд̣̇анан̃жа д̇ат̇аа ад̇игганд̇абамаан̣ам̣ ган̣д̣уббадижчаад̣̇ивассасаадигажийваран̃жа суг̇ад̇асса жийварз бамаан̣игажийваранд̇и ча.
631-2.Chaḷabhiññenāti cha abhiññā etassāti chaḷabhiñño, tena. Atikkantapamāṇaṃ mañcapīṭhaṃ, atikkantapamāṇaṃ nisīdanañca tathā atikkantapamāṇaṃ kaṇḍuppaṭicchādivassasāṭikacīvarañca sugatassa cīvare pamāṇikacīvaranti cha.
633-4. ан̃н̃аан̣ан̃жа гуггужжан̃жа ан̃н̃аан̣агуггужжаа, д̇зхи, ан̃н̃аан̣ад̇ааяа жзва гуггужжабагад̇ад̇ааяа жаад̇и вуд̇д̇ам̣ ход̇и. вибарийд̇ааяа сан̃н̃ааяа габбияз агаббияасан̃н̃ааяа, агаббияз габбияасан̃н̃ааяа.
633-4. Aññāṇañca kukkuccañca aññāṇakukkuccā, tehi, aññāṇatāya ceva kukkuccapakatatāya cāti vuttaṃ hoti. Viparītāya saññāya kappiye akappiyasaññāya, akappiye kappiyasaññāya.
д̇ад̇т̇а гат̇ам̣ алаж̇ж̇ид̇ааяа аабаж̇ж̇ад̇и? агаббияабхаавам̣ ж̇аананд̇оязва мад̣̇д̣̇ид̇ваа вийд̇иггамам̣ гарод̇и (ган̇каа. адта. нид̣̇аанаван̣н̣анаа). вуд̇д̇амби жзд̇ам̣ –
Tattha kathaṃ alajjitāya āpajjati? Akappiyabhāvaṃ jānantoyeva madditvā vītikkamaṃ karoti (kaṅkhā. aṭṭha. nidānavaṇṇanā). Vuttampi cetaṃ –
‘‘сан̃жижжа аабад̇д̇им̣ аабаж̇ж̇ад̇и;
‘‘Sañcicca āpattiṃ āpajjati;
аабад̇д̇им̣ бариг̇уухад̇и;
Āpattiṃ parigūhati;
аг̇ад̇иг̇аманан̃жа г̇ажчад̇и;
Agatigamanañca gacchati;
зд̣̇исо вужжад̇и алаж̇ж̇ий буг̇г̇ало’’д̇и. (бари. 359);
Ediso vuccati alajjī puggalo’’ti. (pari. 359);
гат̇ам̣ ан̃н̃аан̣ад̇ааяа аабаж̇ж̇ад̇и? ан̃н̃аан̣абуг̇г̇ало манд̣̇о момуухо гад̇д̇аб̣б̣аагад̇д̇аб̣б̣ам̣ аж̇аананд̇о агад̇д̇аб̣б̣ам̣ гарод̇и, гад̇д̇аб̣б̣ам̣ вираад̇хзд̇и. звам̣ ан̃н̃аан̣ад̇ааяа аабаж̇ж̇ад̇и.
Kathaṃ aññāṇatāya āpajjati? Aññāṇapuggalo mando momūho kattabbākattabbaṃ ajānanto akattabbaṃ karoti, kattabbaṃ virādheti. Evaṃ aññāṇatāya āpajjati.
гат̇ам̣ гуггужжабагад̇ад̇ааяа аабаж̇ж̇ад̇и? габбияаагаббияам̣ ниссааяа гуггужжз уббаннз винаяад̇харам̣ бужчид̇ваа габбияам̣ жз, гад̇д̇аб̣б̣ам̣ сияаа, агаббияам̣ жз, на гад̇д̇аб̣б̣ам̣, аяам̣ бана ‘‘ваддад̇ий’’д̇и мад̣̇д̣̇ид̇ваа вийд̇иггамад̇иязва. звам̣ гуггужжабагад̇ад̇ааяа аабаж̇ж̇ад̇и.
Kathaṃ kukkuccapakatatāya āpajjati? Kappiyākappiyaṃ nissāya kukkucce uppanne vinayadharaṃ pucchitvā kappiyaṃ ce, kattabbaṃ siyā, akappiyaṃ ce, na kattabbaṃ, ayaṃ pana ‘‘vaṭṭatī’’ti madditvā vītikkamatiyeva. Evaṃ kukkuccapakatatāya āpajjati.
гат̇ам̣ габбияз агаббияасан̃н̃ааяа аабаж̇ж̇ад̇и? суугарамам̣сам̣ ‘‘ажчамам̣са’’нд̇и каад̣̇ад̇и, гаалз вигааласан̃н̃ааяа бхун̃ж̇ад̇и. звам̣ габбияз агаббияасан̃н̃ааяа аабаж̇ж̇ад̇и.
Kathaṃ kappiye akappiyasaññāya āpajjati? Sūkaramaṃsaṃ ‘‘acchamaṃsa’’nti khādati, kāle vikālasaññāya bhuñjati. Evaṃ kappiye akappiyasaññāya āpajjati.
гат̇ам̣ агаббияз габбияасан̃н̃ааяа аабаж̇ж̇ад̇и? ажчамам̣сам̣ ‘‘суугарамам̣са’’нд̇и каад̣̇ад̇и, вигаалз гааласан̃н̃ааяа бхун̃ж̇ад̇и. звам̣ агаббияз габбияасан̃н̃ааяа аабаж̇ж̇ад̇и.
Kathaṃ akappiye kappiyasaññāya āpajjati? Acchamaṃsaṃ ‘‘sūkaramaṃsa’’nti khādati, vikāle kālasaññāya bhuñjati. Evaṃ akappiye kappiyasaññāya āpajjati.
гат̇ам̣ сад̇исаммосааяа аабаж̇ж̇ад̇и? сахасзяяажийваравиббаваасаад̣̇ийни сад̇исаммосааяа аабаж̇ж̇ад̇и.
Kathaṃ satisammosāya āpajjati? Sahaseyyacīvaravippavāsādīni satisammosāya āpajjati.
635-8. ‘‘бхигкунаа убадтабзд̇аб̣б̣о’’д̇и бад̣̇ажчзд̣̇о. д̇хаммажагкунаад̇и баад̇имогкасам̣варасийласан̇каад̇о бадибад̇д̇ид̇хаммова жагку зд̇ассаад̇и д̇хаммажагку, д̇зна чахи ан̇г̇зхи яуд̇д̇зна д̇хаммажагкунаа бана бхигкунаа убасамбаад̣̇анаа гаад̇аб̣б̣аа, ниссаяо жзва д̣̇аад̇аб̣б̣о, сааман̣зро убадтаабзд̇аб̣б̣од̇и яож̇анаа. аабад̇д̇им̣ ж̇аанаад̇и, анаабад̇д̇им̣ ж̇аанаад̇и, г̇арум̣ аабад̇д̇им̣ ж̇аанаад̇и, лахум̣ аабад̇д̇им̣ ж̇аанаад̇ийд̇и яож̇анаа. асса бхигкуно убхаяаани баад̇имогкаани вид̇т̇аараа свааг̇ад̇аани бхаванд̇и, ад̇т̇ад̇о сувибхад̇д̇аани бхаванд̇и, суд̇д̇асо ануб̣яан̃ж̇анасо сувинижчид̇аани бхаванд̇и, д̣̇асавассо ваа ход̇и, ад̇ирзгад̣̇асавассо ваад̇и яож̇анаа.
635-8. ‘‘Bhikkhunā upaṭṭhapetabbo’’ti padacchedo. Dhammacakkhunāti pātimokkhasaṃvarasīlasaṅkhāto paṭipattidhammova cakkhu etassāti dhammacakkhu, tena chahi aṅgehi yuttena dhammacakkhunā pana bhikkhunā upasampādanā kātabbā, nissayo ceva dātabbo, sāmaṇero upaṭṭhāpetabboti yojanā. Āpattiṃ jānāti, anāpattiṃ jānāti, garuṃ āpattiṃ jānāti, lahuṃ āpattiṃ jānātīti yojanā. Assa bhikkhuno ubhayāni pātimokkhāni vitthārā svāgatāni bhavanti, atthato suvibhattāni bhavanti, suttaso anubyañjanaso suvinicchitāni bhavanti, dasavasso vā hoti, atirekadasavasso vāti yojanā.
чаггагат̇ааван̣н̣анаа.
Chakkakathāvaṇṇanā.
639. сад̇д̇а саамийжияо вуд̇д̇аад̇и ‘‘со жа бхигку анаб̣бхид̇о, д̇з жа бхигкуу г̇аараяхаа, аяам̣ д̇ад̇т̇а саамийжи, яун̃ж̇анд̇ааяасманд̇о сагам̣, маа во сагам̣ винассаад̇и аяам̣ д̇ад̇т̇а саамийжи, аяам̣ д̇з бхигку бад̇д̇о яаава бхзд̣̇анааяа д̇хаарзд̇аб̣б̣од̇и, аяам̣ д̇ад̇т̇а саамийжи, д̇ад̇о нийхарид̇ваа бхигкуухи сад̣̇д̇хим̣ сам̣вибхаж̇ид̇аб̣б̣ам̣, аяам̣ д̇ад̇т̇а саамийжи, ан̃н̃аад̇аб̣б̣ам̣ барибужчид̇аб̣б̣ам̣ барибан̃хид̇аб̣б̣ам̣, аяам̣ д̇ад̇т̇а саамийжи, яасса бхависсад̇и, со хариссад̇ийд̇и, аяам̣ д̇ад̇т̇а саамийжий’’д̇и ча саамийжияо бхигкубаад̇имогкзвуд̇д̇аа, ‘‘саа жа бхигкуний анаб̣бхид̇аа, д̇аа жа бхигкунияо г̇аараяхаа, аяам̣ д̇ад̇т̇а саамийжий’’д̇и бхигкунибаад̇имогкз вуд̇д̇ааяа сад̣̇д̇хим̣ сад̇д̇а саамийжияо вуд̇д̇аа. сад̇д̇зва самат̇ааби жаад̇и саммукаавинаяаад̣̇исамат̇ааби сад̇д̇зва вуд̇д̇аа. бан̃н̃ад̇д̇аабад̇д̇ияо сад̇д̇аад̇и баарааж̇игаад̣̇аяо бан̃н̃ад̇д̇аабад̇д̇ияо сад̇д̇а вуд̇д̇аа. сад̇д̇аб̣ож̇жхан̇г̇ад̣̇ассинаад̇и сад̇исамб̣ож̇жхан̇г̇аад̣̇аяо сад̇д̇а б̣ож̇жхан̇г̇з яаат̇аавад̇о бассанд̇зна бхаг̇авад̇аа.
639.Sattasāmīciyo vuttāti ‘‘so ca bhikkhu anabbhito, te ca bhikkhū gārayhā, ayaṃ tattha sāmīci, yuñjantāyasmanto sakaṃ, mā vo sakaṃ vinassāti ayaṃ tattha sāmīci, ayaṃ te bhikkhu patto yāva bhedanāya dhāretabboti, ayaṃ tattha sāmīci, tato nīharitvā bhikkhūhi saddhiṃ saṃvibhajitabbaṃ, ayaṃ tattha sāmīci, aññātabbaṃ paripucchitabbaṃ paripañhitabbaṃ, ayaṃ tattha sāmīci, yassa bhavissati, so harissatīti, ayaṃ tattha sāmīcī’’ti cha sāmīciyo bhikkhupātimokkhevuttā, ‘‘sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīcī’’ti bhikkhunipātimokkhe vuttāya saddhiṃ satta sāmīciyo vuttā. Satteva samathāpi cāti sammukhāvinayādisamathāpi satteva vuttā. Paññattāpattiyo sattāti pārājikādayo paññattāpattiyo satta vuttā. Sattabojjhaṅgadassināti satisambojjhaṅgādayo satta bojjhaṅge yāthāvato passantena bhagavatā.
сад̇д̇агагат̇ааван̣н̣анаа.
Sattakakathāvaṇṇanā.
640-1. ид̇ха гулад̣̇уусаго бхигку ааж̇ийвассзва гааран̣аа бубпзна, палзна, жун̣н̣зна, мад̇д̇игааяа, д̣̇анд̇агадтзхи, взл̣уяаа, взж̇ж̇игааяа, ж̇ан̇гхабзсанигзнаад̇и имзхи адтахи аагаарзхи гулаани д̣̇уусзд̇ийд̇и яож̇анаа. ‘‘бубпзнаа’’д̇иаад̣̇инаа бубпаад̣̇инаа д̣̇аанамзва убалагкан̣ад̇о д̣̇ассзд̇и. бубпзнаад̇и бубпад̣̇аанзнаад̇и ад̇т̇о г̇ахзд̇аб̣б̣о. бубпад̣̇аанаад̣̇аяо гулад̣̇уусанз вуд̇д̇аа.
640-1. Idha kuladūsako bhikkhu ājīvasseva kāraṇā pupphena, phalena, cuṇṇena, mattikāya, dantakaṭṭhehi, veḷuyā, vejjikāya, jaṅghapesanikenāti imehi aṭṭhahi ākārehi kulāni dūsetīti yojanā. ‘‘Pupphenā’’tiādinā pupphādinā dānameva upalakkhaṇato dasseti. Pupphenāti pupphadānenāti attho gahetabbo. Pupphadānādayo kuladūsane vuttā.
642-5. ‘‘адтад̇хаанад̇ирид̇д̇ааби, ад̇ирид̇д̇ааби адтад̇хаа’’д̇ид̣̇вийсу адтагзсу адта анад̇ирид̇д̇з д̇аава д̣̇ассзд̇умааха ‘‘агаббияагад̇ан̃жзваа’’д̇иаад̣̇и . г̇илаанаанад̇ирид̇д̇аганд̇и нид̣̇д̣̇идтаа имз адтзва анад̇ирид̇д̇агаа н̃зяяаад̇и яож̇анаа. агаббияагад̇аад̣̇аяо бавааран̣асигкаабад̣̇агат̇ааван̣н̣анааяа вуд̇д̇аа.
642-5. ‘‘Aṭṭhadhānatirittāpi, atirittāpi aṭṭhadhā’’tidvīsu aṭṭhakesu aṭṭha anatiritte tāva dassetumāha ‘‘akappiyakatañcevā’’tiādi . Gilānānatirittakanti niddiṭṭhā ime aṭṭheva anatirittakā ñeyyāti yojanā. Akappiyakatādayo pavāraṇasikkhāpadakathāvaṇṇanāya vuttā.
646. н̃аад̇ан̃ад̇д̇исууд̇и н̃аад̇ад̣̇уггадам̣, н̃ад̇д̇ид̣̇уггадан̃жа. бадисааванзд̇и бадиссавз. адтад̣̇уггадаанам̣ винижчаяо д̣̇уд̇ияабаарааж̇игагат̇ааван̣н̣анааяа вуд̇д̇о.
646.Ñātañattisūti ñātadukkaṭaṃ, ñattidukkaṭañca. Paṭisāvaneti paṭissave. Aṭṭhadukkaṭānaṃ vinicchayo dutiyapārājikakathāvaṇṇanāya vutto.
648-9. зхибхигкуубасамбад̣̇аад̇и яасагулабуд̇д̇аад̣̇ийнам̣ ‘‘зхи бхигкуу’’д̇и важанзна бхаг̇авад̇аа д̣̇иннаубасамбад̣̇аа. саран̣аг̇аманзна жаад̇и батамаб̣од̇хияам̣ д̇ийхи саран̣аг̇аманзхи анун̃н̃аад̇аубасамбад̣̇аа. бан̃хааб̣яаагаран̣оваад̣̇аад̇и собаагасса бан̃хааб̣яаагаран̣обасамбад̣̇аа, махаагассабад̇т̇зрасса д̣̇иннаоваад̣̇абадиг̇г̇ахан̣обасамбад̣̇аа жа. г̇аруд̇хаммабадиг̇г̇аход̇и махаабаж̇аабад̇ияаа г̇од̇амияаа анун̃н̃аад̇аг̇аруд̇хаммабадиг̇г̇ахан̣обасамбад̣̇аа.
648-9.Ehibhikkhūpasampadāti yasakulaputtādīnaṃ ‘‘ehi bhikkhū’’ti vacanena bhagavatā dinnaupasampadā. Saraṇagamanena cāti paṭhamabodhiyaṃ tīhi saraṇagamanehi anuññātaupasampadā. Pañhābyākaraṇovādāti sopākassa pañhābyākaraṇopasampadā, mahākassapattherassa dinnaovādapaṭiggahaṇopasampadā ca. Garudhammapaṭiggahoti mahāpajāpatiyā gotamiyā anuññātagarudhammapaṭiggahaṇopasampadā.
н̃ад̇д̇ижад̇уд̇т̇зна гаммзнаад̇и ид̣̇аани бхигкуубасамбад̣̇аа. адтаваажигаад̇и бхигкунийнам̣ санд̇игз н̃ад̇д̇ижад̇уд̇т̇зна гаммзна, бхигкуунам̣ санд̇игз н̃ад̇д̇ижад̇уд̇т̇зна гаммзнаад̇и адтахи гаммаваажаахи бхигкунийнам̣ убасамбад̣̇аа адтаваажигаа наама. д̣̇ууд̇зна бхигкунийнанд̇и ад̣дхагаасияаа г̇ан̣игааяа анун̃н̃аад̇аа бхигкунийнам̣ д̣̇ууд̇зна убасамбад̣̇аа.
Ñatticatutthena kammenāti idāni bhikkhuupasampadā. Aṭṭhavācikāti bhikkhunīnaṃ santike ñatticatutthena kammena, bhikkhūnaṃ santike ñatticatutthena kammenāti aṭṭhahi kammavācāhi bhikkhunīnaṃ upasampadā aṭṭhavācikā nāma. Dūtena bhikkhunīnanti aḍḍhakāsiyā gaṇikāya anuññātā bhikkhunīnaṃ dūtena upasampadā.
650. суд̣̇д̇хад̣̇идтинаад̇и судту саваасанагилзсаанам̣ бахаанзна барисуд̣̇д̇хаа саманд̇ажагкусан̇каад̇аа д̣̇идти зд̇ассаад̇и суд̣̇д̇хад̣̇идти, д̇зна саманд̇ажагкунаа саммаасамб̣уд̣̇д̇хзна.
650.Suddhadiṭṭhināti suṭṭhu savāsanakilesānaṃ pahānena parisuddhā samantacakkhusaṅkhātā diṭṭhi etassāti suddhadiṭṭhi, tena samantacakkhunā sammāsambuddhena.
651. баабижчаа наама асанд̇аг̇ун̣асамбхааванижчаа.
651.Pāpicchā nāma asantaguṇasambhāvanicchā.
652-3. на жа маж̇ж̇або сияаад̇и маж̇ж̇або на сияаа маж̇ж̇ам̣ биванд̇о на бхавзяяа, маж̇ж̇ам̣ на бивзяяаад̇и ад̇т̇о. аб̣рахмажарияаад̇и (а. ни. адта. 2.3.71) асздтажарияад̇о мзт̇унаа вирамзяяа. рад̇д̇им̣ на бхун̃ж̇зяяа вигаалабхож̇ананд̇и убосат̇ам̣ убавуд̇т̇о рад̇д̇ибхож̇анан̃жа д̣̇иваавигаалабхож̇анан̃жа на бхун̃ж̇зяяа. на жа г̇анд̇хамаажарзд̇и г̇анд̇хан̃жа на вилимбзяяа. ман̃жз чамааяам̣ ва саязт̇а сант̇ад̇зд̇и габбияаман̃жз ваа суд̇хаад̣̇ибаригаммагад̇ааяа бхуумияаа ваа д̇ин̣абан̣н̣абалаалаад̣̇ийни сант̇арид̇ваа гад̇з сант̇ад̇з ваа саязт̇аад̇и ад̇т̇о. зд̇ан̃хи адтан̇г̇игамаахубосат̇анд̇и зд̇ам̣ баан̣аад̇ибаад̇аад̣̇ийни асамаажаранд̇зна убавуд̇т̇ам̣ убосат̇ам̣ адтахан̇г̇зхи саманнааг̇ад̇ад̇д̇аа ‘‘адтан̇г̇ига’’нд̇и вад̣̇анд̇и. д̣̇угканд̇аг̇унаад̇и ваддад̣̇угкасса анд̇ам̣ амад̇амахааниб̣б̣аанам̣ г̇ад̇зна бад̇д̇зна б̣уд̣̇д̇хзна багаасид̇анд̇и яож̇анаа.
652-3.Naca majjapo siyāti majjapo na siyā majjaṃ pivanto na bhaveyya, majjaṃ na piveyyāti attho. Abrahmacariyāti (a. ni. aṭṭha. 2.3.71) aseṭṭhacariyato methunā virameyya. Rattiṃ na bhuñjeyya vikālabhojananti uposathaṃ upavuttho rattibhojanañca divāvikālabhojanañca na bhuñjeyya. Na ca gandhamācareti gandhañca na vilimpeyya. Mañce chamāyaṃ va sayetha santhateti kappiyamañce vā sudhādiparikammakatāya bhūmiyā vā tiṇapaṇṇapalālādīni santharitvā kate santhate vā sayethāti attho. Etañhi aṭṭhaṅgikamāhuposathanti etaṃ pāṇātipātādīni asamācarantena upavutthaṃ uposathaṃ aṭṭhahaṅgehi samannāgatattā ‘‘aṭṭhaṅgika’’nti vadanti. Dukkhantagunāti vaṭṭadukkhassa antaṃ amatamahānibbānaṃ gatena pattena buddhena pakāsitanti yojanā.
654. бхигкуноваад̣̇агабхигкуно адтан̇г̇аани бхигкуноваад̣̇агат̇ааван̣н̣анааяа д̣̇ассид̇аанзва.
654. Bhikkhunovādakabhikkhuno aṭṭhaṅgāni bhikkhunovādakathāvaṇṇanāya dassitāneva.
адтагагат̇ааван̣н̣анаа.
Aṭṭhakakathāvaṇṇanā.
655. бхож̇анаани бан̣ийд̇аани нава вуд̇д̇аанийд̇и бан̣ийд̇аани хи бхож̇анасигкаабад̣̇з вуд̇д̇аани. д̣̇асасу агаббияамам̣сзсу мануссамам̣саваж̇ж̇ид̇аани нава мам̣саани каад̣̇анд̇асса д̣̇уггадам̣ нид̣̇д̣̇идтанд̇и яож̇анаа.
655.Bhojanāni paṇītāni nava vuttānīti paṇītāni hi bhojanasikkhāpade vuttāni. Dasasu akappiyamaṃsesu manussamaṃsavajjitāni nava maṃsāni khādantassa dukkaṭaṃ niddiṭṭhanti yojanā.
656. баад̇имогка…бз… барид̣̇ийбид̇аад̇и бхигкуунам̣ бан̃жуд̣̇д̣̇зсаа, бхигкунийнам̣ анияад̇уд̣̇д̣̇зсзхи винаа жад̇д̇аарод̇и уд̣̇д̣̇зсаа нава д̣̇ийбид̇аа. убосат̇аа навзваад̇и д̣̇ивасавасзна д̇аяо, гаарагавасзна д̇аяо, гаран̣авасзна д̇аяод̇и нава убосат̇аа. зд̇т̇аад̇и имасмим̣ саасанз. сан̇гхо навахи бхиж̇ж̇ад̇ийд̇и навахи буг̇г̇алзхи сан̇гхо бхиж̇ж̇ад̇ийд̇и яож̇анаа. яат̇ааха –
656.Pātimokkha…pe… paridīpitāti bhikkhūnaṃ pañcuddesā, bhikkhunīnaṃ aniyatuddesehi vinā cattāroti uddesā nava dīpitā. Uposathā navevāti divasavasena tayo, kārakavasena tayo, karaṇavasena tayoti nava uposathā. Etthāti imasmiṃ sāsane. Saṅgho navahi bhijjatīti navahi puggalehi saṅgho bhijjatīti yojanā. Yathāha –
‘‘згад̇о , убаали, жад̇д̇ааро хонд̇и, згад̇о жад̇д̇ааро, навамо ануссаавзд̇и, салаагам̣ г̇аахзд̇и ‘аяам̣ д̇хаммо, аяам̣ винаяо, ид̣̇ам̣ сад̇т̇усаасанам̣, имам̣ г̇ан̣хат̇а, имам̣ рожзт̇аа’д̇и. звамби ко, убаали, сан̇гхарааж̇и жзва ход̇и сан̇гхабхзд̣̇о жа. наваннам̣ ваа, убаали, ад̇ирзганаваннам̣ ваа сан̇гхарааж̇и жзва ход̇и сан̇гхабхзд̣̇о жаа’’д̇и (жуул̣ава. 351).
‘‘Ekato , upāli, cattāro honti, ekato cattāro, navamo anussāveti, salākaṃ gāheti ‘ayaṃ dhammo, ayaṃ vinayo, idaṃ satthusāsanaṃ, imaṃ gaṇhatha, imaṃ rocethā’ti. Evampi kho, upāli, saṅgharāji ceva hoti saṅghabhedo ca. Navannaṃ vā, upāli, atirekanavannaṃ vā saṅgharāji ceva hoti saṅghabhedo cā’’ti (cūḷava. 351).
навагагат̇ааван̣н̣анаа.
Navakakathāvaṇṇanā.
657. д̣̇аса аггосавад̇т̇ууни вагкад̇и. д̣̇аса сигкаабад̣̇аани баагадаанзва. мануссамам̣саад̣̇ийни д̣̇аса агаббияамам̣саани хздтаа вуд̇д̇аанзва. суггаани вз д̣̇асаад̇и нийлаад̣̇ийни д̣̇аса суггаани.
657. Dasa akkosavatthūni vakkhati. Dasa sikkhāpadāni pākaṭāneva. Manussamaṃsādīni dasa akappiyamaṃsāni heṭṭhā vuttāneva. Sukkāni ve dasāti nīlādīni dasa sukkāni.
659. ран̃н̃о анд̇збураббавзсанз д̣̇аса аад̣̇ийнаваа звам̣ баал̣ибаатзна взд̣̇ид̇аб̣б̣аа –
659. Rañño antepurappavesane dasa ādīnavā evaṃ pāḷipāṭhena veditabbā –
‘‘д̣̇асаяимз, бхигкавз, аад̣̇ийнаваа рааж̇анд̇збураббавзсанз. гад̇амз д̣̇аса? ид̇ха, бхигкавз, рааж̇аа махзсияаа сад̣̇д̇хим̣ нисинно ход̇и, д̇ад̇ра бхигку бависад̇и, махзсий ваа бхигкум̣ д̣̇исваа сид̇ам̣ баад̇угарод̇и, бхигку ваа махзсим̣ д̣̇исваа сид̇ам̣ баад̇угарод̇и, д̇ад̇т̇а ран̃н̃о звам̣ ход̇и ‘ад̣̇д̇хаа имзсам̣ гад̇ам̣ ваа гариссанд̇и ваа’д̇и. аяам̣, бхигкавз, батамо аад̣̇ийнаво рааж̇анд̇збураббавзсанз.
‘‘Dasayime, bhikkhave, ādīnavā rājantepurappavesane. Katame dasa? Idha, bhikkhave, rājā mahesiyā saddhiṃ nisinno hoti, tatra bhikkhu pavisati, mahesī vā bhikkhuṃ disvā sitaṃ pātukaroti, bhikkhu vā mahesiṃ disvā sitaṃ pātukaroti, tattha rañño evaṃ hoti ‘addhā imesaṃ kataṃ vā karissanti vā’ti. Ayaṃ, bhikkhave, paṭhamo ādīnavo rājantepurappavesane.
‘‘буна жабарам̣, бхигкавз, рааж̇аа б̣ахугижжо б̣ахугаран̣ийяо ан̃н̃ад̇арам̣ ид̇т̇им̣ г̇анд̇ваа на сарад̇и, саа д̇зна г̇аб̣бхам̣ г̇ан̣хаад̇и, д̇ад̇т̇а ран̃н̃о звам̣ ход̇и ‘на ко ид̇ха ан̃н̃о гожи бависад̇и ан̃н̃ад̇ра баб̣б̣аж̇ид̇зна, сияаа ну ко баб̣б̣аж̇ид̇асса гамма’нд̇и. аяам̣, бхигкавз, д̣̇уд̇ияо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rājā bahukicco bahukaraṇīyo aññataraṃ itthiṃ gantvā na sarati, sā tena gabbhaṃ gaṇhāti, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, dutiyo ādīnavo rājantepurappavesane.
‘‘буна жабарам̣, бхигкавз, ран̃н̃о анд̇збурз ан̃н̃ад̇арам̣ рад̇анам̣ нассад̇и, д̇ад̇т̇а ран̃н̃о звам̣ ход̇и ‘на ко ид̇ха ан̃н̃о гожи бависад̇и ан̃н̃ад̇ра баб̣б̣аж̇ид̇зна, сияаа ну ко баб̣б̣аж̇ид̇асса гамма’нд̇и. аяам̣, бхигкавз, д̇ад̇ияо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rañño antepure aññataraṃ ratanaṃ nassati, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, tatiyo ādīnavo rājantepurappavesane.
‘‘буна жабарам̣, бхигкавз, ран̃н̃о анд̇збурз аб̣бханд̇араа г̇уяхаманд̇аа б̣ахид̣̇д̇хаа самбхзд̣̇ам̣ г̇ажчанд̇и, д̇ад̇т̇а ран̃н̃о звам̣ ход̇и ‘на ко ид̇ха ан̃н̃о гожи бависад̇и ан̃н̃ад̇ра баб̣б̣аж̇ид̇зна, сияаа ну ко баб̣б̣аж̇ид̇асса гамма’нд̇и. аяам̣, бхигкавз, жад̇уд̇т̇о аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rañño antepure abbhantarā guyhamantā bahiddhā sambhedaṃ gacchanti, tattha rañño evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, catuttho ādīnavo rājantepurappavesane.
‘‘буна жабарам̣, бхигкавз, ран̃н̃о анд̇збурз бид̇аа ваа буд̇д̇ам̣ бад̇т̇зд̇и, буд̇д̇о ваа бид̇арам̣ бад̇т̇зд̇и, д̇зсам̣ звам̣ ход̇и ‘на ко ид̇ха ан̃н̃о гожи бависад̇и ан̃н̃ад̇ра баб̣б̣аж̇ид̇зна, сияаа ну ко баб̣б̣аж̇ид̇асса гамма’нд̇и. аяам̣, бхигкавз, бан̃жамо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rañño antepure pitā vā puttaṃ pattheti, putto vā pitaraṃ pattheti, tesaṃ evaṃ hoti ‘na kho idha añño koci pavisati aññatra pabbajitena, siyā nu kho pabbajitassa kamma’nti. Ayaṃ, bhikkhave, pañcamo ādīnavo rājantepurappavesane.
‘‘буна жабарам̣, бхигкавз, рааж̇аа нийжадтаанияам̣ ужжз таанз табзд̇и, язсам̣ д̇ам̣ аманаабам̣, д̇зсам̣ звам̣ ход̇и ‘рааж̇аа ко баб̣б̣аж̇ид̇зна сам̣садто, сияаа ну ко баб̣б̣аж̇ид̇асса гамма’нд̇и. аяам̣, бхигкавз, чадто аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rājā nīcaṭṭhāniyaṃ ucce ṭhāne ṭhapeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, chaṭṭho ādīnavo rājantepurappavesane.
‘‘буна жабарам̣, бхигкавз, рааж̇аа ужжадтаанияам̣ нийжз таанз табзд̇и, язсам̣ д̇ам̣ аманаабам̣, д̇зсам̣ звам̣ ход̇и ‘рааж̇аа ко баб̣б̣аж̇ид̇зна сам̣садто, сияаа ну ко баб̣б̣аж̇ид̇асса гамма’нд̇и. аяам̣, бхигкавз, сад̇д̇амо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rājā uccaṭṭhāniyaṃ nīce ṭhāne ṭhapeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, sattamo ādīnavo rājantepurappavesane.
‘‘буна жабарам̣, бхигкавз, рааж̇аа агаалз сзнам̣ уяяож̇зд̇и, язсам̣ д̇ам̣ аманаабам̣, д̇зсам̣ звам̣ ход̇и ‘рааж̇аа ко баб̣б̣аж̇ид̇зна сам̣садто, сияаа ну ко баб̣б̣аж̇ид̇асса гамма’нд̇и. аяам̣, бхигкавз, адтамо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rājā akāle senaṃ uyyojeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, aṭṭhamo ādīnavo rājantepurappavesane.
‘‘буна жабарам̣, бхигкавз, рааж̇аа гаалз сзнам̣ уяяож̇зд̇ваа анд̇араамаг̇г̇ад̇о нивад̇д̇аабзд̇и, язсам̣ д̇ам̣ аманаабам̣, д̇зсам̣ звам̣ ход̇и ‘рааж̇аа ко баб̣б̣аж̇ид̇зна сам̣садто, сияаа ну ко баб̣б̣аж̇ид̇асса гамма’нд̇и. аяам̣, бхигкавз, навамо аад̣̇ийнаво рааж̇анд̇збураббавзсанз.
‘‘Puna caparaṃ, bhikkhave, rājā kāle senaṃ uyyojetvā antarāmaggato nivattāpeti, yesaṃ taṃ amanāpaṃ, tesaṃ evaṃ hoti ‘rājā kho pabbajitena saṃsaṭṭho, siyā nu kho pabbajitassa kamma’nti. Ayaṃ, bhikkhave, navamo ādīnavo rājantepurappavesane.
‘‘буна жабарам̣, бхигкавз, ран̃н̃о анд̇збурам̣ хад̇т̇исаммад̣̇д̣̇ам̣ ассасаммад̣̇д̣̇ам̣ рат̇асаммад̣̇д̣̇ам̣ раж̇анийяаани руубасад̣̇д̣̇аг̇анд̇харасаподтаб̣б̣аани, яаани на баб̣б̣аж̇ид̇асса сааруббаани, аяам̣, бхигкавз, д̣̇асамо аад̣̇ийнаво рааж̇анд̇збураббавзсанз. имз ко, бхигкавз, д̣̇аса аад̣̇ийнаваа рааж̇анд̇збураббавзсанз’’д̇и (а. ни. 10.45; баажи. 497).
‘‘Puna caparaṃ, bhikkhave, rañño antepuraṃ hatthisammaddaṃ assasammaddaṃ rathasammaddaṃ rajanīyāni rūpasaddagandharasaphoṭṭhabbāni, yāni na pabbajitassa sāruppāni, ayaṃ, bhikkhave, dasamo ādīnavo rājantepurappavesane. Ime kho, bhikkhave, dasa ādīnavā rājantepurappavesane’’ti (a. ni. 10.45; pāci. 497).
д̇ад̇т̇а жа бид̇аа ваа буд̇д̇ам̣ бад̇т̇зд̇ийд̇и буд̇д̇ам̣ маарзд̇умижчад̇ийд̇и ад̇т̇о. зсзва наяо буд̇д̇о бид̇арам̣ бад̇т̇зд̇ийд̇и. хад̇т̇исаммад̣̇д̣̇анд̇и хад̇т̇ийнам̣ саммад̣̇д̣̇о сам̣садто зд̇т̇аад̇и хад̇т̇исаммад̣̇д̣̇ам̣. звам̣ ‘‘ассасаммад̣̇д̣̇а’’нд̇иаад̣̇ийсуби.
Tattha ca pitā vā puttaṃ patthetīti puttaṃ māretumicchatīti attho. Eseva nayo putto pitaraṃ patthetīti. Hatthisammaddanti hatthīnaṃ sammaddo saṃsaṭṭho etthāti hatthisammaddaṃ. Evaṃ ‘‘assasammadda’’ntiādīsupi.
д̣̇асаагаарзхийд̇и –
Dasākārehīti –
‘‘аабад̇д̇инугкид̇д̇амананд̇арааяа-
‘‘Āpattinukkhittamanantarāya-
бахуд̇д̇ад̇ааяо д̇ат̇асан̃н̃ид̇аа жа;
Pahuttatāyo tathasaññitā ca;
чаад̣̇зд̇угаамо ат̇а чаад̣̇анаад̇и;
Chādetukāmo atha chādanāti;
чаннаа д̣̇асан̇г̇зхарун̣уг̇г̇амамхийд̇и. –
Channā dasaṅgeharuṇuggamamhīti. –
г̇ахид̇зхи д̣̇асахи ан̇г̇зхи.
Gahitehi dasahi aṅgehi.
660. д̣̇аса гаммабат̇аа бун̃н̃аад̇и баан̣аад̇ибаад̇аавзраман̣иаад̣̇аяо д̣̇аса гусалагаммабат̇аа. абун̃н̃ааби д̇ат̇аа д̣̇асаад̇и баан̣аад̇ибаад̇аад̣̇аяо д̣̇аса агусалагаммабат̇аава. д̣̇аса д̣̇аанавад̇т̇ууни вагкад̇и. д̣̇асзва рад̇анаани жаад̇и –
660.Dasa kammapathā puññāti pāṇātipātāveramaṇiādayo dasa kusalakammapathā. Apuññāpi tathā dasāti pāṇātipātādayo dasa akusalakammapathāva. Dasa dānavatthūni vakkhati. Daseva ratanāni cāti –
‘‘муд̇д̇аа ман̣ий взл̣урияаа жа сан̇каа;
‘‘Muttā maṇī veḷuriyā ca saṅkhā;
силаа баваал̣ам̣ раж̇ад̇ан̃жа хзмам̣;
Silā pavāḷaṃ rajatañca hemaṃ;
лохийд̇аган̃жааби масаараг̇аллаа;
Lohītakañcāpi masāragallā;
д̣̇ассзд̇и д̇хийро рад̇анаани ж̇ан̃н̃аа’’д̇и. –
Dasseti dhīro ratanāni jaññā’’ti. –
нид̣̇д̣̇идтаани д̣̇аса рад̇анаани.
Niddiṭṭhāni dasa ratanāni.
662. мунинд̣̇зна аванд̣̇ияаа д̣̇аса буг̇г̇алаа д̣̇ийбид̇аад̇и яож̇анаа. гат̇ам̣? ‘‘д̣̇асаяимз, бхигкавз, аванд̣̇ияаа. бурз убасамбаннзна бажчаа убасамбанно аванд̣̇ияо, анубасамбанно аванд̣̇ияо, наанаасам̣ваасаго вуд̣дхад̇аро ад̇хаммаваад̣̇ий аванд̣̇ияо, маад̇уг̇аамо аванд̣̇ияо, бан̣д̣аго аванд̣̇ияо, баариваасиго аванд̣̇ияо, муулааяабадигассанаарахо аванд̣̇ияо, маанад̇д̇аарахо аванд̣̇ияо, маанад̇д̇ажаариго аванд̣̇ияо, аб̣бхаанаарахо аванд̣̇ияо. имз ко, бхигкавз, д̣̇аса аванд̣̇ияаа’’д̇и (жуул̣ава. 312).
662. Munindena avandiyā dasa puggalā dīpitāti yojanā. Kathaṃ? ‘‘Dasayime, bhikkhave, avandiyā. Pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo. Ime kho, bhikkhave, dasa avandiyā’’ti (cūḷava. 312).
663-4. сосааниганд̇и сусаанз чад̣д̣ид̇ам̣. баабан̣иганд̇и аабан̣ад̣̇ваарз чад̣д̣ид̇ам̣. унд̣̇уурагкааяид̇анд̇и унд̣̇уурзхи кааяид̇ам̣ барижжад̇д̇ам̣ билод̇игам̣. г̇окааяид̇аад̣̇ийсуби зсзва наяо. т̇уубажийвариганд̇и б̣алигаммад̇т̇ааяа ваммигз баригкибид̇ваа барижжад̇д̇авад̇т̇ам̣. аабхисзгияанд̇и рааж̇уунам̣ абхисзгаман̣д̣абз барижжад̇д̇авад̇т̇ам̣. г̇ад̇абажжааг̇ад̇ан̃жаад̇и сусаанаг̇ад̇амануссзхи бажжааг̇анд̇ваа нахааяид̇ваа чад̣д̣ид̇ам̣ билод̇игам̣.
663-4.Sosānikanti susāne chaḍḍitaṃ. Pāpaṇikanti āpaṇadvāre chaḍḍitaṃ. Undūrakkhāyitanti undūrehi khāyitaṃ pariccattaṃ pilotikaṃ. Gokhāyitādīsupi eseva nayo. Thūpacīvarikanti balikammatthāya vammike parikkhipitvā pariccattavatthaṃ. Ābhisekiyanti rājūnaṃ abhisekamaṇḍape pariccattavatthaṃ. Gatapaccāgatañcāti susānagatamanussehi paccāgantvā nahāyitvā chaḍḍitaṃ pilotikaṃ.
665. саб̣б̣анийлаад̣̇аяо вуд̇д̇аа, д̣̇аса жийварад̇хааран̣аад̇и ‘‘саб̣б̣анийлагаани жийвараани д̇хаарзнд̇ийд̇и вуд̇д̇авасзна д̣̇асаа’’д̇и (бари. адта. 330) гурунд̣̇ияам̣ вуд̇д̇ам̣. зд̇т̇а имасмим̣ д̣̇асагз сам̣гажжигааяа ваа уд̣̇агасаадигааяа ваа сад̣̇д̇хим̣ д̇ижийвараани наамзна ад̇хидтид̇аани нава жийвараани ‘‘д̣̇асажийварад̇хааран̣аа’’д̇и вуд̇д̇аани. яат̇ааха – ‘‘навасу габбияажийварзсу уд̣̇агасаадигам̣ ваа сам̣гажжигам̣ ваа багкибид̇ваа д̣̇асаад̇и вуд̇д̇а’’нд̇и (бари. адта. 330).
665.Sabbanīlādayo vuttā, dasa cīvaradhāraṇāti ‘‘sabbanīlakāni cīvarāni dhārentīti vuttavasena dasā’’ti (pari. aṭṭha. 330) kurundiyaṃ vuttaṃ. Ettha imasmiṃ dasake saṃkaccikāya vā udakasāṭikāya vā saddhiṃ ticīvarāni nāmena adhiṭṭhitāni nava cīvarāni ‘‘dasacīvaradhāraṇā’’ti vuttāni. Yathāha – ‘‘navasu kappiyacīvaresu udakasāṭikaṃ vā saṃkaccikaṃ vā pakkhipitvā dasāti vutta’’nti (pari. aṭṭha. 330).
д̣̇асагагат̇ааван̣н̣анаа.
Dasakakathāvaṇṇanā.
666. бан̣д̣агаад̣̇аяо згаад̣̇аса абхаб̣б̣абуг̇г̇алаа бана убасамбаад̣̇ид̇ааби анубасамбаннаа хонд̇ийд̇и яож̇анаа.
666. Paṇḍakādayo ekādasa abhabbapuggalā pana upasampāditāpi anupasampannā hontīti yojanā.
667. ‘‘агаббияаа’’д̇и вуд̇д̇аа бад̇д̇аа згаад̣̇аса бхаванд̇ийд̇и яож̇анаа. д̣̇ааруж̇зна бад̇д̇знаад̇и д̣̇аарумаязна бад̇д̇зна. рад̇ануб̣бхаваад̇и рад̇анамаяаа д̣̇аса бад̇д̇аа згаад̣̇аса бхаванд̇ийд̇и яож̇анаа. д̣̇ааруж̇зна жаад̇и зд̇т̇а жа-сад̣̇д̣̇зна д̇амб̣алохамаяабад̇д̇асса сан̇г̇ахо. яат̇ааха ‘‘згаад̣̇аса бад̇д̇аад̇и д̇амб̣алохамаязна ваа д̣̇аарумаязна ваа сад̣̇д̇хим̣ д̣̇асарад̇анамаяаа’’д̇и. ид̇ха рад̇анам̣ наама муд̇д̇аад̣̇ид̣̇асарад̇анам̣.
667. ‘‘Akappiyā’’ti vuttā pattā ekādasa bhavantīti yojanā. Dārujena pattenāti dārumayena pattena. Ratanubbhavāti ratanamayā dasa pattā ekādasa bhavantīti yojanā. Dārujena cāti ettha ca-saddena tambalohamayapattassa saṅgaho. Yathāha ‘‘ekādasa pattāti tambalohamayena vā dārumayena vā saddhiṃ dasaratanamayā’’ti. Idha ratanaṃ nāma muttādidasaratanaṃ.
668. агаббияаа баад̣̇угаа згаад̣̇аса хонд̇ийд̇и яож̇анаа. яат̇ааха ‘‘згаад̣̇аса баад̣̇угаад̇и д̣̇аса рад̇анамаяаа, згаа гадтабаад̣̇угаа. д̇ин̣абаад̣̇угамун̃ж̇абаад̣̇угабаб̣б̣аж̇абаад̣̇угаад̣̇аяо бана гадтабаад̣̇угасан̇г̇ахамзва г̇ажчанд̇ий’’д̇и.
668. Akappiyā pādukā ekādasa hontīti yojanā. Yathāha ‘‘ekādasa pādukāti dasa ratanamayā, ekā kaṭṭhapādukā. Tiṇapādukamuñjapādukapabbajapādukādayo pana kaṭṭhapādukasaṅgahameva gacchantī’’ti.
669-70. ад̇икуд̣̇д̣̇агаа ад̇имаханд̇аад̇и яож̇анаа. кан̣д̣анимид̇д̇агаа чааяаанимид̇д̇агаад̇и яож̇анаа. б̣ахидтзна саммад̇аад̇и сиймааяа б̣ахи тид̇зна саммад̇аа. над̣̇ияам̣, ж̇аад̇ассарз, самуд̣̇д̣̇з ваа д̇ат̇аа саммад̇аад̇и яож̇анаа. сиймааяа самбхиннаа сиймааяа аж̇жход̇т̇адаа сиймаад̇и яож̇анаа. имаа згаад̣̇аса асиймааяо сияунд̇и яож̇анаа.
669-70. Atikhuddakā atimahantāti yojanā. Khaṇḍanimittakā chāyānimittakāti yojanā. Bahiṭṭhena sammatāti sīmāya bahi ṭhitena sammatā. Nadiyaṃ, jātassare, samudde vā tathā sammatāti yojanā. Sīmāya sambhinnā sīmāya ajjhotthaṭā sīmāti yojanā. Imā ekādasa asīmāyo siyunti yojanā.
671. згаад̣̇асзва бат̇авий габбияаа, згаад̣̇асзва бат̇авий агаббияаад̇и яож̇анаа.
671. Ekādaseva pathavī kappiyā, ekādaseva pathavī akappiyāti yojanā.
д̇ад̇т̇а згаад̣̇аса габбияабат̇авий наама суд̣̇д̇хабаасаан̣аа, суд̣̇д̇хасагкараа, суд̣̇д̇хагат̇алаа, суд̣̇д̇хамарумб̣аа, суд̣̇д̇хаваалугаа, язбхуяязнабаасаан̣аа, язбхуяязнасагкараа, язбхуяязнагат̇алаа, язбхуяязнамарумб̣аа, язбхуяязнаваалугаад̇и имаа д̣̇аса д̣̇ад̣дхааяа бат̇авияаа ваа жад̇умаасовадтагабам̣субун̃ж̇зна ваа мад̇д̇игаабун̃ж̇зна ваа сад̣̇д̇хим̣ згаад̣̇аса. ‘‘аббабам̣сугаа, аббамад̇д̇игаа’’д̇и (баажи. 86) абарааби бат̇авияо вуд̇д̇аа, д̇аа язбхуяязнабаасаан̣аад̣̇ийсу бан̃жасуязва сан̇г̇ахид̇аа.
Tattha ekādasa kappiyapathavī nāma suddhapāsāṇā, suddhasakkharā, suddhakathalā, suddhamarumbā, suddhavālukā, yebhuyyenapāsāṇā, yebhuyyenasakkharā, yebhuyyenakathalā, yebhuyyenamarumbā, yebhuyyenavālukāti imā dasa daḍḍhāya pathaviyā vā catumāsovaṭṭhakapaṃsupuñjena vā mattikāpuñjena vā saddhiṃ ekādasa. ‘‘Appapaṃsukā, appamattikā’’ti (pāci. 86) aparāpi pathaviyo vuttā, tā yebhuyyenapāsāṇādīsu pañcasuyeva saṅgahitā.
згаад̣̇аса агаббияабат̇авий наама ‘‘суд̣̇д̇хабам̣су суд̣̇д̇хамад̇д̇игаа аббабаасаан̣аа аббасагкараа аббагат̇алаа аббамарумб̣аа аббаваалугаа язбхуяязнабам̣сугаа язбхуяязнамад̇д̇игаа, ад̣̇ад̣дхааби вужжад̇и ж̇аад̇аа бат̇авий. яоби бам̣субун̃ж̇о ваа мад̇д̇игаабун̃ж̇о ваа ад̇ирзгажаад̇умаасам̣ овадто, аяамби вужжад̇и ж̇аад̇абат̇авий’’д̇и (баажи. 86) вуд̇д̇аа згаад̣̇аса.
Ekādasa akappiyapathavī nāma ‘‘suddhapaṃsu suddhamattikā appapāsāṇā appasakkharā appakathalā appamarumbā appavālukā yebhuyyenapaṃsukā yebhuyyenamattikā, adaḍḍhāpi vuccati jātā pathavī. Yopi paṃsupuñjo vā mattikāpuñjo vā atirekacātumāsaṃ ovaṭṭho, ayampi vuccati jātapathavī’’ti (pāci. 86) vuttā ekādasa.
г̇ан̣тигаа габбияаа вуд̇д̇аа, згаад̣̇аса жа вийд̇хагаад̇и зд̇т̇а габбияаа г̇ан̣тигаа вид̇хагаа жа згаад̣̇аса вуд̇д̇аад̇и яож̇анаа. д̇з бана –
Gaṇṭhikākappiyā vuttā, ekādasa ca vīdhakāti ettha kappiyā gaṇṭhikā vidhakā ca ekādasa vuttāti yojanā. Te pana –
‘‘взл̣уд̣̇анд̇ависаан̣адти-гадталаакаапалаамаяаа;
‘‘Veḷudantavisāṇaṭṭhi-kaṭṭhalākhāphalāmayā;
сан̇канаабхимаяаа суд̇д̇а-нал̣алохамаяааби жа;
Saṅkhanābhimayā sutta-naḷalohamayāpi ca;
вид̇хаа габбанд̇и габбияаа, г̇ан̣тияо жааби д̇аммаяаа’’д̇и. –
Vidhā kappanti kappiyā, gaṇṭhiyo cāpi tammayā’’ti. –
имааяа г̇аат̇ааяа сан̇г̇ахид̇аад̇и взд̣̇ид̇аб̣б̣аа.
Imāya gāthāya saṅgahitāti veditabbā.
674-5. угкид̇д̇ассаанувад̇д̇игаа бхигкуний убхиннам̣ бхигкубхигкунийнам̣ васаа сан̇гхаад̣̇исзсзсу адта яаавад̇ад̇ияагаад̇и имз згаад̣̇аса яаавад̇ад̇ияагаад̇и багаасид̇аад̇и яож̇анаа.
674-5.Ukkhittassānuvattikā bhikkhunī ubhinnaṃ bhikkhubhikkhunīnaṃ vasā saṅghādisesesu aṭṭha yāvatatiyakāti ime ekādasa yāvatatiyakāti pakāsitāti yojanā.
676. ниссаяасса бадиббассад̣̇д̇хияо д̣̇асзгаава згаад̣̇асзва вуд̇д̇аад̇и яож̇анаа. чад̇хаажарияад̇о вуд̇д̇аад̇и –
676. Nissayassa paṭippassaddhiyo dasekāva ekādaseva vuttāti yojanā. Chadhācariyato vuttāti –
‘‘багганд̇з багкасан̇ганд̇з, виб̣бханд̇з жааби ниссаяо;
‘‘Pakkante pakkhasaṅkante, vibbhante cāpi nissayo;
маран̣аан̣ад̇д̇убаж̇жхааяа-самод̇хаанзхи саммад̇ий’’д̇и. –
Maraṇāṇattupajjhāya-samodhānehi sammatī’’ti. –
аажарияад̇о чад̇хаа ниссаяабадиббассад̣̇д̇хияо вуд̇д̇аа. убаж̇жхааяаа д̇у бан̃жад̇хаад̇и д̇аасу убаж̇жхааяасамод̇хаанам̣ винаа авасзсаахи бан̃жад̇хаа убаж̇жхааяабадиббассад̣̇д̇хияо вуд̇д̇аад̇и имз згаад̣̇аса.
Ācariyato chadhā nissayapaṭippassaddhiyo vuttā. Upajjhāyā tu pañcadhāti tāsu upajjhāyasamodhānaṃ vinā avasesāhi pañcadhā upajjhāyapaṭippassaddhiyo vuttāti ime ekādasa.
згаад̣̇асагагат̇ааван̣н̣анаа.
Ekādasakakathāvaṇṇanā.
677. д̇зрасзва д̇худ̇ан̇г̇аанийд̇и бам̣сугуулиган̇г̇аад̣̇ийни д̇худ̇ан̇г̇аани д̇зрасзва хонд̇и.
677.Teraseva dhutaṅgānīti paṃsukūlikaṅgādīni dhutaṅgāni teraseva honti.
барамаани жа жуд̣̇д̣̇асаад̇и ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣, маасабарамам̣ д̇зна бхигкунаа д̇ам̣ жийварам̣ нигкибид̇аб̣б̣ам̣, санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣ам̣, чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣ам̣, навам̣ бана бхигкунаа сант̇ад̇ам̣ гаараабзд̇ваа чаб̣б̣ассаани д̇хаарзд̇аб̣б̣ам̣ чаб̣б̣ассабарамад̇аа д̇хаарзд̇аб̣б̣ам̣, д̇ияож̇анабарамам̣ сахад̇т̇аа харид̇аб̣б̣аани, д̣̇асаахабарамам̣ ад̇ирзгабад̇д̇о д̇хаарзд̇аб̣б̣о, сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣аани, чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣ам̣, жад̇уггам̣сабарамам̣, ад̣дхад̇зяяагам̣сабарамам̣, д̣̇ван̇г̇улабаб̣б̣абарамам̣ аад̣̇аад̇аб̣б̣ам̣, адтан̇г̇улабарамам̣ ман̃жабадибаад̣̇агам̣, адтан̇г̇улабарамам̣ д̣̇анд̇агадта’’нд̇и ид̇и имаани жуд̣̇д̣̇аса барамаани.
Paramāni ca cuddasāti ‘‘dasāhaparamaṃ atirekacīvaraṃ dhāretabbaṃ, māsaparamaṃ tena bhikkhunā taṃ cīvaraṃ nikkhipitabbaṃ, santaruttaraparamaṃ tena bhikkhunā tato cīvaraṃ sāditabbaṃ, chakkhattuparamaṃ tuṇhībhūtena uddissa ṭhātabbaṃ, navaṃ pana bhikkhunā santhataṃ kārāpetvā chabbassāni dhāretabbaṃ chabbassaparamatā dhāretabbaṃ, tiyojanaparamaṃ sahatthā haritabbāni, dasāhaparamaṃ atirekapatto dhāretabbo, sattāhaparamaṃ sannidhikārakaṃ paribhuñjitabbāni, chārattaparamaṃ tena bhikkhunā tena cīvarena vippavasitabbaṃ, catukkaṃsaparamaṃ, aḍḍhateyyakaṃsaparamaṃ, dvaṅgulapabbaparamaṃ ādātabbaṃ, aṭṭhaṅgulaparamaṃ mañcapaṭipādakaṃ, aṭṭhaṅgulaparamaṃ dantakaṭṭha’’nti iti imāni cuddasa paramāni.
сол̣асзва д̇у ‘‘ж̇аана’’нд̇и бан̃н̃ад̇д̇аанийд̇и ‘‘ж̇аана’’нд̇и звам̣ вад̇ваа бан̃н̃ад̇д̇аани сол̣аса. д̇з звам̣ взд̣̇ид̇аб̣б̣аа – ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамзяяа, ж̇аанам̣ буб̣б̣убаг̇ад̇ам̣ бхигкум̣ анубакаж̇ж̇а сзяяам̣ габбзяяа, ж̇аанам̣ саббаан̣агам̣ уд̣̇агам̣ д̇ин̣ам̣ ваа мад̇д̇игам̣ ваа син̃жзяяа ваа син̃жаабзяяа ваа, ж̇аанам̣ бхигкунибарибаажид̇ам̣ бин̣д̣абаад̇ам̣ барибхун̃ж̇зяяа, ж̇аанам̣ аасаад̣̇анаабзгко, бхуд̇д̇асмим̣ баажид̇д̇ияам̣, ж̇аанам̣ саббаан̣агам̣ уд̣̇агам̣ барибхун̃ж̇зяяа, ж̇аанам̣ яат̇аад̇хаммам̣ нихадаад̇хигаран̣ам̣ буна гаммааяа уггодзяяа, ж̇аанам̣ д̣̇удтуллам̣ аабад̇д̇им̣ бадижчаад̣̇зяяа, ж̇аанам̣ уунавийсад̇ивассам̣ буг̇г̇алам̣ убасамбаад̣̇зяяа, ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа, ж̇аанам̣ д̇ат̇ааваад̣̇инаа бхигкунаа агад̇аануд̇хаммзна, ж̇аанам̣ д̇ат̇аанаасид̇ам̣ саман̣уд̣̇д̣̇зсам̣, ж̇аанам̣ сан̇гхигам̣ лаабхам̣ барин̣ад̇ам̣ буг̇г̇аласса барин̣аамзяяа, ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зяяа, ж̇аанам̣ жорим̣ важ̇жхам̣ вид̣̇ид̇ам̣ анабалогзд̇ваа, ж̇аанам̣ сабхигкугам̣ аараамам̣ анаабужчаа бависзяяаад̇и.
Soḷaseva tu ‘‘jāna’’nti paññattānīti ‘‘jāna’’nti evaṃ vatvā paññattāni soḷasa. Te evaṃ veditabbā – jānaṃ saṅghikaṃ lābhaṃ pariṇataṃ attano pariṇāmeyya, jānaṃ pubbupagataṃ bhikkhuṃ anupakhajja seyyaṃ kappeyya, jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā, jānaṃ bhikkhuniparipācitaṃ piṇḍapātaṃ paribhuñjeyya, jānaṃ āsādanāpekkho, bhuttasmiṃ pācittiyaṃ, jānaṃ sappāṇakaṃ udakaṃ paribhuñjeyya, jānaṃ yathādhammaṃ nihaṭādhikaraṇaṃ puna kammāya ukkoṭeyya, jānaṃ duṭṭhullaṃ āpattiṃ paṭicchādeyya, jānaṃ ūnavīsativassaṃ puggalaṃ upasampādeyya, jānaṃ theyyasatthena saddhiṃ saṃvidhāya ekaddhānamaggaṃ paṭipajjeyya, jānaṃ tathāvādinā bhikkhunā akatānudhammena, jānaṃ tathānāsitaṃ samaṇuddesaṃ, jānaṃ saṅghikaṃ lābhaṃ pariṇataṃ puggalassa pariṇāmeyya, jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodeyya, jānaṃ coriṃ vajjhaṃ viditaṃ anapaloketvā, jānaṃ sabhikkhukaṃ ārāmaṃ anāpucchā paviseyyāti.
678. ид̇ха имасмим̣ саасанз яо бхигку ануд̇д̇арам̣ сауд̇д̇арам̣ уд̇д̇арабагаран̣зна сахид̇ам̣ сагаламби винаяавинижчаяам̣ ж̇аанаад̇и, махад̇д̇арз ад̇ивибулз ануд̇д̇арз уд̇д̇аравирахид̇з уд̇д̇амз винаяанаяз винаяааг̇ад̇з аабад̇д̇ианаабад̇д̇иг̇аругалахугагаббияаагаббияаад̣̇ивинижчаяагаммз. ат̇а ваа винаяанаяз винаяабидагз бавад̇д̇амаано со бхигку нируд̇д̇аро бхавад̇и бажжад̇т̇игзхи вад̇д̇аб̣б̣ам̣ уд̇д̇арам̣ ад̇иггамид̇ваа тид̇о, сздто ваа бхавад̇и, д̇асса жзва барзсан̃жа сам̣саяо на гаад̇аб̣б̣од̇и яож̇анаа. ж̇аанад̇ийд̇и г̇аат̇ааб̣анд̇хавасзна рассо.
678.Idha imasmiṃ sāsane yo bhikkhu anuttaraṃ sauttaraṃ uttarapakaraṇena sahitaṃ sakalampi vinayavinicchayaṃ jānāti, mahattare ativipule anuttare uttaravirahite uttame vinayanaye vinayāgate āpattianāpattigarukalahukakappiyaakappiyādivinicchayakamme. Atha vā vinayanaye vinayapiṭake pavattamāno so bhikkhu niruttaro bhavati paccatthikehi vattabbaṃ uttaraṃ atikkamitvā ṭhito, seṭṭho vā bhavati, tassa ceva paresañca saṃsayo na kātabboti yojanā. Jānatīti gāthābandhavasena rasso.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
згуд̇д̇аранаяагат̇ааван̣н̣анаа нидтид̇аа.
Ekuttaranayakathāvaṇṇanā niṭṭhitā.
