| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਏਕੁਤ੍ਤਰਿਕਨਯੋ ਅਟ੍ਠਕવਾਰવਣ੍ਣਨਾ
Ekuttarikanayo aṭṭhakavāravaṇṇanā
੩੨੮. ਅਟ੍ਠਕੇਸੁ ਅਟ੍ਠਾਨਿਸਂਸਾਦੀਨਂ ਦੇਸਨਾਕਾਰਦੇਸਨਟ੍ਠਾਨਾਨਿ ਦਸ੍ਸੇਨ੍ਤੋ ਆਹ ‘‘ਨ ਮਯ’’ਨ੍ਤਿਆਦਿ। ਤਤ੍ਥ ‘‘ਨ ਮਯਂ…ਪੇ॰… ਕਰਿਸ੍ਸਾਮਾ’’ਤਿ ਇਮਿਨਾ ਦੇਸਨਾਕਾਰਂ ਦਸ੍ਸੇਤਿ, ‘‘ਕੋਸਮ੍ਬਕਕ੍ਖਨ੍ਧਕੇ’’ਤਿ ਇਮਿਨਾ ਦੇਸਨਟ੍ਠਾਨਂ ਦਸ੍ਸੇਤਿ। ਤਮ੍ਪੀਤਿ ਦੁਤਿਯਅਟ੍ਠਕਮ੍ਪਿ।
328. Aṭṭhakesu aṭṭhānisaṃsādīnaṃ desanākāradesanaṭṭhānāni dassento āha ‘‘na maya’’ntiādi. Tattha ‘‘na mayaṃ…pe… karissāmā’’ti iminā desanākāraṃ dasseti, ‘‘kosambakakkhandhake’’ti iminā desanaṭṭhānaṃ dasseti. Tampīti dutiyaaṭṭhakampi.
ਤੇਰਸਕੇ વੁਤ੍ਤਾਤਿ ਸਮ੍ਬਨ੍ਧੋ। ਕੁਲਾਨਿ ਦੂਸੇਤੀਤਿ ਏਤ੍ਥ ‘‘ਦੂਸੇਤੀ’’ਤਿ ਕਿਰਿਯਾਪਦਸ੍ਸ ਕਰਣਂ ਦਸ੍ਸੇਨ੍ਤੋ ਆਹ ‘‘ਪੁਪ੍ਫੇਨ વਾ’’ਤਿਆਦਿ। ਇਮੇਹਿ ਅਟ੍ਠਹਿ ਦੂਸੇਤੀਤਿ ਯੋਜਨਾ। ‘‘ਲਾਭੇਨਾ’’ਤਿਆਦਿਨਾ ‘‘ਅਟ੍ਠਹਿ ਅਸਦ੍ਧਮ੍ਮੇਹੀ’’ਤਿ ਏਤ੍ਥ ਅਸਦ੍ਧਮ੍ਮਸਰੂਪਂ ਦਸ੍ਸੇਤਿ। ਸਾਰਾਗੋਤਿ ਸਂਰਾਗੋ, ਭੁਸਂ ਰਜ੍ਜਨਨ੍ਤਿ ਅਤ੍ਥੋ। ਪਟਿવਿਰੋਧੋਤਿ ਦੋਸੋ। ਸੋ ਹਿ ਯਸ੍ਮਾ ਅਲਾਭਾਦੀਸੁ ਪਟਿવਿਰੁਜ੍ਝਤਿ, ਤਸ੍ਮਾ ਪਟਿવਿਰੋਧੋਤਿ વੁਚ੍ਚਤਿ। ਪਾਲ਼ਿਯਨ੍ਤਿ વਿਨਯਪਾਲ਼ਿਯਂ।
Terasake vuttāti sambandho. Kulāni dūsetīti ettha ‘‘dūsetī’’ti kiriyāpadassa karaṇaṃ dassento āha ‘‘pupphena vā’’tiādi. Imehi aṭṭhahi dūsetīti yojanā. ‘‘Lābhenā’’tiādinā ‘‘aṭṭhahi asaddhammehī’’ti ettha asaddhammasarūpaṃ dasseti. Sārāgoti saṃrāgo, bhusaṃ rajjananti attho. Paṭivirodhoti doso. So hi yasmā alābhādīsu paṭivirujjhati, tasmā paṭivirodhoti vuccati. Pāḷiyanti vinayapāḷiyaṃ.
ਪਾਣਨ੍ਤਿਆਦਿਕਾ ਦ੍વੇ ਗਾਥਾਯੋ ਦ੍વਾਦਸਕ੍ਖਰੇਨ ਬਨ੍ਧਿਤਾ। ਪਠਮਗਾਥਾਯ ਤਤਿਯਪਾਦੇ ਚਰਿਯਸਦ੍ਦੇਨ ਯੁਤ੍ਤਤ੍ਤਾ ਏਕਕ੍ਖਰੋ ਅਧਿਕੋ। ਅਯਂ ਪਨੇਤ੍ਥ ਯੋਜਨਾ – ਪਾਣਂ ਨ ਹਨੇ ਨ ਘਾਤੇਯ੍ਯ, ਆਦਿਨ੍ਨਞ੍ਚ ਨ ਆਦਿਯੇ ਨ ਗਣ੍ਹੇਯ੍ਯ, ਮੁਸਾ વਿਤਥવਚਨਂ ਨ ਭਾਸੇ ਨ ਕਥੇਯ੍ਯ, ਮਜ੍ਜਪੋ ਮਜ੍ਜਪਾਨਂ ਨ ਚ ਸਿਯਾ, ਅਬ੍ਰਹ੍ਮਚਰਿਯਾ ਮੇਥੁਨਾ વਿਰਮੇਯ੍ਯ, ਰਤ੍ਤਿਂ વਿਕਾਲਭੋਜਨਂ ਨ ਭੁਞ੍ਜੇਯ੍ਯ।
Pāṇantiādikā dve gāthāyo dvādasakkharena bandhitā. Paṭhamagāthāya tatiyapāde cariyasaddena yuttattā ekakkharo adhiko. Ayaṃ panettha yojanā – pāṇaṃ na hane na ghāteyya, ādinnañca na ādiye na gaṇheyya, musā vitathavacanaṃ na bhāse na katheyya, majjapo majjapānaṃ na ca siyā, abrahmacariyā methunā virameyya, rattiṃ vikālabhojanaṃ na bhuñjeyya.
ਮਾਲਂ ਨ ਧਾਰੇ ਨ ਧਾਰੇਯ੍ਯ, ਗਨ੍ਧਞ੍ਚ ਨ ਆਚਰੇ, ਸਨ੍ਥਤੇ ਮਞ੍ਚੇ ਚ ਛਮਾਯਞ੍ਚ ਸਯੇਥ। ਏਤਞ੍ਹਿ ਉਪੋਸਥਂ ਅਟ੍ਠਙ੍ਗਿਕਂ ਉਪੋਸਥਂ ਇਤਿ ਦੁਕ੍ਖਨ੍ਤਗੁਨਾ ਬੁਦ੍ਧੇਨ ਪਕਾਸਿਤਨ੍ਤਿ ਆਹੁ ਪਣ੍ਡਿਤਾਤਿ।
Mālaṃ na dhāre na dhāreyya, gandhañca na ācare, santhate mañce ca chamāyañca sayetha. Etañhi uposathaṃ aṭṭhaṅgikaṃ uposathaṃ iti dukkhantagunā buddhena pakāsitanti āhu paṇḍitāti.
ਸਙ੍ਘਭੇਦਕੇਤਿ ਸਙ੍ਘਭੇਦਕਕ੍ਖਨ੍ਧਕੇ। ਤਾਸਂਯੇવਾਤਿ ਭਿਕ੍ਖੁਨੀਨਮੇવ। ‘‘ਉਪਾਸਿਕਾ ਅਟ੍ਠ વਰਾਨਿ ਯਾਚਤੀ’’ਤਿ ਏવਂ ਸਾਮਞ੍ਞવਚਨਸ੍ਸਾਪਿ ਅਤ੍ਥਪਕਰਣਾਦਿਨਾ વਿਸੇਸવਿਸਯੋ ਹੋਤੀਤਿ ਆਹ ‘‘વਿਸਾਖਾ’’ਤਿ। ਸਾ ਹਿ વਿવਿਧਾ ਪੁਤ੍ਤਨਤ੍ਤੁਸਙ੍ਖਾਤਾ ਸਾਖਾ ਏਤਿਸ੍ਸਾਤ੍ਥੀਤਿ વਿਸਾਖਾਤਿ વੁਚ੍ਚਤਿ। ਸਬ੍ਬਤ੍ਥਾਤਿ ਸਬ੍ਬੇਸੁ ਅਟ੍ਠਕੇਸੁ। ਸੇਸਂ ਸੁવਿਞ੍ਞੇਯ੍ਯਮੇવ।
Saṅghabhedaketi saṅghabhedakakkhandhake. Tāsaṃyevāti bhikkhunīnameva. ‘‘Upāsikā aṭṭha varāni yācatī’’ti evaṃ sāmaññavacanassāpi atthapakaraṇādinā visesavisayo hotīti āha ‘‘visākhā’’ti. Sā hi vividhā puttanattusaṅkhātā sākhā etissātthīti visākhāti vuccati. Sabbatthāti sabbesu aṭṭhakesu. Sesaṃ suviññeyyameva.
ਇਤਿ ਅਟ੍ਠਕવਾਰવਣ੍ਣਨਾਯ ਯੋਜਨਾ ਸਮਤ੍ਤਾ।
Iti aṭṭhakavāravaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੮. ਅਟ੍ਠਕવਾਰੋ • 8. Aṭṭhakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਕ੍ਕવਾਰਾਦਿવਣ੍ਣਨਾ • Chakkavārādivaṇṇanā
