| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਏਕੁਤ੍ਤਰਿਕਨਯੋ ਚਤੁਕ੍ਕવਾਰવਣ੍ਣਨਾ
Ekuttarikanayo catukkavāravaṇṇanā
੩੨੪. ਚਤੁਕ੍ਕੇਸੁ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਤਿਣવਤ੍ਥਾਰਕਸਮਥਟ੍ਠਾਨਨ੍ਤਿ ਤਿਣવਤ੍ਥਾਰਕਸਮਥੇਨ ਅਧਿਕਰਣવੂਪਸਮਿਤਟ੍ਠਾਨਂ। ਪਰਸ੍ਸ ਕਮ੍ਮવਾਚਾਯਾਤਿ ਪਰਸ੍ਸ ਕਰਣਭੂਤਾਯ ਕਮ੍ਮવਾਚਾਯ। ਤਤੋਤਿ ਚਤੁਕ੍ਕਤੋ। ਪਰੇਸੂਤਿ ਅਞ੍ਞੇਸੁ ਚਤੁਕ੍ਕੇਸੁ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਤਮੇવਾਤਿ ਕਾਯਦ੍વਾਰਿਕਮੇવ। ਪੁਨ ਤਮੇવਾਤਿ વਚੀਦ੍વਾਰਿਕਮੇવ। ਆਪਜ੍ਜਿਤਬ੍ਬਾਪਤ੍ਤਿਞ੍ਚ ਸਹਾਗਾਰਸੇਯ੍ਯਾਪਤ੍ਤਿਞ੍ਚਾਤਿ ਯੋਜਨਾ। ਜਗ੍ਗਨ੍ਤੋਤਿ ਜਾਗਰਨ੍ਤੋ।
324. Catukkesu evaṃ vinicchayo veditabboti yojanā. Tiṇavatthārakasamathaṭṭhānanti tiṇavatthārakasamathena adhikaraṇavūpasamitaṭṭhānaṃ. Parassa kammavācāyāti parassa karaṇabhūtāya kammavācāya. Tatoti catukkato. Paresūti aññesu catukkesu evamattho veditabboti yojanā. Tamevāti kāyadvārikameva. Puna tamevāti vacīdvārikameva. Āpajjitabbāpattiñca sahāgāraseyyāpattiñcāti yojanā. Jaggantoti jāgaranto.
ਅਚਿਤ੍ਤਕੋ ਆਪਜ੍ਜਤਿ ਨਾਮਾਤਿ ‘‘ਅਚਿਤ੍ਤਕੋ ਭਿਕ੍ਖੁ ਆਪਜ੍ਜਤਿ ਨਾਮਾ’’ਤਿ વਾ ‘‘ਅਚਿਤ੍ਤਕੋ ਹੁਤ੍વਾ ਆਪਜ੍ਜਤਿ ਨਾਮਾ’’ਤਿ વਾ ਯੋਜਨਾ ਕਾਤਬ੍ਬਾ। ਸਭਾਗਨ੍ਤਿ વਤ੍ਥੁਸਭਾਗਂ। ਤਞ੍ਚਾਤਿ ਅਞ੍ਞਤਰਂ ਤਞ੍ਚ ਆਪਤ੍ਤਿਂ। ਇਤੀਤਿ ਏવਂ।
Acittako āpajjati nāmāti ‘‘acittako bhikkhu āpajjati nāmā’’ti vā ‘‘acittako hutvā āpajjati nāmā’’ti vā yojanā kātabbā. Sabhāganti vatthusabhāgaṃ. Tañcāti aññataraṃ tañca āpattiṃ. Itīti evaṃ.
ਕਮ੍ਮੇਨਾਤਿ ਸਮਨੁਭਾਸਨਕਮ੍ਮੇਨ। ਕਮ੍ਮੇਨ વੁਟ੍ਠਾਤੀਤਿ ਕਮ੍ਮੇਨ ਏવ વੁਟ੍ਠਾਤਿ।
Kammenāti samanubhāsanakammena. Kammena vuṭṭhātīti kammena eva vuṭṭhāti.
ਸੋਤਿ ਗਿਹਿਪਰਿਕ੍ਖਾਰੋ, ਆਹਟੋ ਹੋਤੀਤਿ ਸਮ੍ਬਨ੍ਧੋ। ਅવਾਪੁਰਣਨ੍ਤਿ ਕੁਞ੍ਚਿਕਂ। ਅਨ੍ਤੋਤਿ ਭਣ੍ਡਾਗਾਰਸ੍ਸ ਅਨ੍ਤੋ।
Soti gihiparikkhāro, āhaṭo hotīti sambandho. Avāpuraṇanti kuñcikaṃ. Antoti bhaṇḍāgārassa anto.
ਸਮ੍ਮੁਖਾ વੁਟ੍ਠਾਤੀਤਿ ਸਮ੍ਮੁਖਾ ਏવ વੁਟ੍ਠਾਤਿ।
Sammukhāvuṭṭhātīti sammukhā eva vuṭṭhāti.
ਸਯਿਤਾਯ ਏવ ਭਿਕ੍ਖੁਨਿਯਾਤਿ ਯੋਜਨਾ। ਇਦਨ੍ਤਿ ਸਹਾਗਾਰਸੇਯ੍ਯਾਪਤ੍ਤਿਂ, ਪਟਿਚ੍ਚਾਤਿ ਸਮ੍ਬਨ੍ਧੋ। ਏਤਨ੍ਤਿ ‘‘ਲਿਙ੍ਗਪਾਤੁਭਾવੇਨਾ’’ਤਿ વਚਨਂ, વੁਤ੍ਤਨ੍ਤਿ ਸਮ੍ਬਨ੍ਧੋ। ਉਭਿਨ੍ਨਮ੍ਪੀਤਿ ਭਿਕ੍ਖੁਭਿਕ੍ਖੁਨੀਨਮ੍ਪਿ । ਲਿਙ੍ਗਪਟਿਲਾਭੇਨਾਤਿ ਇਤ੍ਥਿਲਿਙ੍ਗਪਟਿਲਾਭੇਨ। ਪਠਮਨ੍ਤਿ ਆਦਿਕਪ੍ਪਕਾਲੇ। ‘‘ਪਠਮਂ ਉਪ੍ਪਨ੍ਨવਸੇਨਾ’’ਤਿ ਇਮਿਨਾ ਪੁਰੇ ਉਪ੍ਪਨ੍ਨਂ ਪੁਰਿਮਨ੍ਤਿ વਚਨਤ੍ਥਂ ਦਸ੍ਸੇਤਿ। ‘‘ਸੇਟ੍ਠਭਾવੇਨਾ’’ਤਿ ਇਮਿਨਾ ਪੁਰਭਾવੇਨ ਸੇਟ੍ਠਭਾવੇਨ ਉਪ੍ਪਨ੍ਨਂ ਪੁਰਿਮਨ੍ਤਿ વਚਨਤ੍ਥਂ ਦਸ੍ਸੇਤਿ। ‘‘ਪੁਰਿਸਲਿਙ੍ਗ’’ਨ੍ਤਿ ਇਮਿਨਾ ਇਮਪਚ੍ਚਯਸ੍ਸ ਸਰੂਪਂ ਦਸ੍ਸੇਤਿ। ਪੁਰਿਸਕੁਤ੍ਤਪੁਰਿਸਾਕਾਰਾਦੀਤਿ ਆਦਿਸਦ੍ਦੇਨ ਪੁਰਿਸਨਿਮਿਤ੍ਤਾਦਯੋ ਸਙ੍ਗਣ੍ਹਾਤਿ। ਯਾਨਿ ਛਚਤ੍ਤਾਲੀਸ ਸਿਕ੍ਖਾਪਦਾਨੀਤਿ ਯੋਜਨਾ। ਇਮਿਨਾ વੁਤ੍ਤਨਯਾਨੁਸਾਰੇਨ ਦੁਤਿਯਚਤੁਕ੍ਕੇਪਿ ਅਤ੍ਥੋ વੇਦਿਤਬ੍ਬੋ। ਤੇਹੀਤਿ ਤਿਂਸਾਧਿਕੇਹਿ ਸਤਸਿਕ੍ਖਾਪਦੇਹਿ।
Sayitāya eva bhikkhuniyāti yojanā. Idanti sahāgāraseyyāpattiṃ, paṭiccāti sambandho. Etanti ‘‘liṅgapātubhāvenā’’ti vacanaṃ, vuttanti sambandho. Ubhinnampīti bhikkhubhikkhunīnampi . Liṅgapaṭilābhenāti itthiliṅgapaṭilābhena. Paṭhamanti ādikappakāle. ‘‘Paṭhamaṃ uppannavasenā’’ti iminā pure uppannaṃ purimanti vacanatthaṃ dasseti. ‘‘Seṭṭhabhāvenā’’ti iminā purabhāvena seṭṭhabhāvena uppannaṃ purimanti vacanatthaṃ dasseti. ‘‘Purisaliṅga’’nti iminā imapaccayassa sarūpaṃ dasseti. Purisakuttapurisākārādīti ādisaddena purisanimittādayo saṅgaṇhāti. Yāni chacattālīsa sikkhāpadānīti yojanā. Iminā vuttanayānusārena dutiyacatukkepi attho veditabbo. Tehīti tiṃsādhikehi satasikkhāpadehi.
ਮਹਾਪਦੇਸਾਤਿ વਿਨਯੇ (ਮਹਾવ॰ ੩੦੫) ਆਗਤਾ ਮਹਾਪਦੇਸਾ। ਕਸ੍ਮਾ ਮਹਾਪਦੇਸਾ ‘‘ਸਾਮੁਕ੍ਕਂਸਾ’’ਤਿ વੁਚ੍ਚਨ੍ਤੀਤਿ ਆਹ ‘‘ਤੇ ਹੀ’’ਤਿਆਦਿ। ਤਤ੍ਥ ਤੇਤਿ ਚਤ੍ਤਾਰੋ ਮਹਾਪਦੇਸਾ, વੁਚ੍ਚਨ੍ਤੀਤਿ ਸਮ੍ਬਨ੍ਧੋ। ‘‘ਸਯ’’ਨ੍ਤਿ ਇਮਿਨਾ ਸਾਮੁਕ੍ਕਂਸਾਤਿ ਏਤ੍ਥ ਸਂਸਦ੍ਦਸ੍ਸ ਸਯਮਤ੍ਥਂ ਦਸ੍ਸੇਤਿ। ‘‘ਉਕ੍ਖਿਪਿਤ੍વਾ’’ਤਿ ਇਮਿਨਾ ਉਕ੍ਕਂਸਸਦ੍ਦੋ ਉਕ੍ਖਿਪਨਤ੍ਥੋਤਿ ਦਸ੍ਸੇਤਿ। ‘‘ਠਪਿਤਤ੍ਤਾ’’ਤਿ ਇਮਿਨਾ ਸਯਂ ਉਕ੍ਕਂਸਿਤ੍વਾ ਠਪਿਤਾ ਸਾਮੁਕ੍ਕਂਸਾਤਿ વਚਨਤ੍ਥਂ ਦਸ੍ਸੇਤਿ। ‘‘ਅਜ੍ਝੋਹਰਣੀਯਪਰਿਭੋਗਾ’’ਤਿ ਇਮਿਨਾ ਬਾਹਿਰਪਰਿਭੋਗਂ ਨਿવਤ੍ਤੇਤਿ। ਉਦਕਂ ਪਨਾਤਿ ਕੇਨਚਿ ਅਸਂਸਗ੍ਗਂ ਪਸਨ੍ਨੋਦਕਂ ਪਨ। ਕਾਲੇਤਿ ਸਪ੍ਪਦਟ੍ਠਕਾਲੇ। ‘‘ਪਞ੍ਚ વਾ ਦਸ વਾ ਸੀਲਾਨੀ’’ਤਿ ਇਮਿਨਾ ਪਞ੍ਚ વਾ ਦਸ વਾ ਸੀਲਾਨਿ ਉਪਾਸਕਸੀਲਨ੍ਤਿ ਦਸ੍ਸੇਤਿ।
Mahāpadesāti vinaye (mahāva. 305) āgatā mahāpadesā. Kasmā mahāpadesā ‘‘sāmukkaṃsā’’ti vuccantīti āha ‘‘te hī’’tiādi. Tattha teti cattāro mahāpadesā, vuccantīti sambandho. ‘‘Saya’’nti iminā sāmukkaṃsāti ettha saṃsaddassa sayamatthaṃ dasseti. ‘‘Ukkhipitvā’’ti iminā ukkaṃsasaddo ukkhipanatthoti dasseti. ‘‘Ṭhapitattā’’ti iminā sayaṃ ukkaṃsitvā ṭhapitā sāmukkaṃsāti vacanatthaṃ dasseti. ‘‘Ajjhoharaṇīyaparibhogā’’ti iminā bāhiraparibhogaṃ nivatteti. Udakaṃ panāti kenaci asaṃsaggaṃ pasannodakaṃ pana. Kāleti sappadaṭṭhakāle. ‘‘Pañca vā dasa vā sīlānī’’ti iminā pañca vā dasa vā sīlāni upāsakasīlanti dasseti.
ਤਤ੍ਥ ਚਾਤਿ વਿਹਾਰੇ ਚ। ਉਭੋਪੀਤਿ ਆਗਨ੍ਤੁਕਾવਾਸਿਕવਸੇਨ ਉਭੋਪਿ। ਅਸਾਧਾਰਣਨ੍ਤਿ ਦ੍વੀਹਿ ਅਸਾਧਾਰਣਂ। ਆਪਤ੍ਤਿਨ੍ਤਿ ਭਿਕ੍ਖੁਨੀਹਿਯੇવ ਸਾਧਾਰਣਂ ਆਪਤ੍ਤਿਂ। ਗਮਿਯਚਤੁਕ੍ਕੇਪੀਤਿ ਪਿਸਦ੍ਦੋ ਆਗਨ੍ਤੁਕਚਤੁਕ੍ਕਂ ਅਪੇਕ੍ਖਤਿ। વਤ੍ਥੁਨਾਨਤ੍ਤਤਾવਾਤਿ ਮੇਥੁਨਾਦਿવਤ੍ਥੁਨਾਨਤ੍ਤਤਾ ਏવ। ਹੀਤਿ ਸਚ੍ਚਂ, ਯਸ੍ਮਾ વਾ। ਸਾਤਿ ਆਪਤ੍ਤਿ। ਤਥਾਤਿ ਯਥਾ ਕਾਯਸਂਸਗ੍ਗੇ, ਤਥਾ ਲਸੁਣਖਾਦਨੇਤਿ ਯੋਜਨਾ। ਏਤ੍ਥਾਤਿ વਤ੍ਥੁਨਾਨਤ੍ਤਤਾਦਿਚਤੁਕ੍ਕੇ । ਚਤ੍ਤਾਰਿ ਪਾਰਾਜਿਕਾਨੀਤਿ ਭਿਕ੍ਖੁਪਾਤਿਮੋਕ੍ਖੇ ਆਗਤਾਨਿ। વਿਸੁਂ ਆਪਜ੍ਜਨ੍ਤੇਸੁਪਿ ਏਸੇવ ਨਯੋਤਿ ਸਮ੍ਬਨ੍ਧੋ।
Tattha cāti vihāre ca. Ubhopīti āgantukāvāsikavasena ubhopi. Asādhāraṇanti dvīhi asādhāraṇaṃ. Āpattinti bhikkhunīhiyeva sādhāraṇaṃ āpattiṃ. Gamiyacatukkepīti pisaddo āgantukacatukkaṃ apekkhati. Vatthunānattatāvāti methunādivatthunānattatā eva. Hīti saccaṃ, yasmā vā. Sāti āpatti. Tathāti yathā kāyasaṃsagge, tathā lasuṇakhādaneti yojanā. Etthāti vatthunānattatādicatukke . Cattāri pārājikānīti bhikkhupātimokkhe āgatāni. Visuṃ āpajjantesupi eseva nayoti sambandho.
ਪੁਰਿਮਚਤੁਕ੍ਕੇਤਿ વਤ੍ਥੁਨਾਨਤ੍ਤਤਾਦਿਚਤੁਕ੍ਕੇ। ਯੋ ਪਠਮੋ ਪਞ੍ਹੋਤਿ ਯੋਜਨਾ। ਇਧਾਤਿ વਤ੍ਥੁਸਭਾਗਤਾਦਿਚਤੁਕ੍ਕੇ। ਯੋ ਚਾਤਿ ਯੋ ਚ ਪਞ੍ਹੋ। ਤਤ੍ਥਾਤਿ વਤ੍ਥੁਨਾਨਤ੍ਤਤਾਦਿਚਤੁਕ੍ਕੇ। ਤਤਿਯਚਤੁਤ੍ਥੇਸੁ ਪਞ੍ਹੇਸੂਤਿ ਸਮ੍ਬਨ੍ਧੋ।
Purimacatukketi vatthunānattatādicatukke. Yo paṭhamo pañhoti yojanā. Idhāti vatthusabhāgatādicatukke. Yo cāti yo ca pañho. Tatthāti vatthunānattatādicatukke. Tatiyacatutthesu pañhesūti sambandho.
‘‘ਸਦ੍ਧਿવਿਹਾਰਿਕਸ੍ਸਾ’’ਤਿ ਪਦਂ ‘‘ਕਤ੍ਤਬ੍ਬ’’ਇਤਿ ਪਦੇ ਸਮ੍ਪਦਾਨਂ।
‘‘Saddhivihārikassā’’ti padaṃ ‘‘kattabba’’iti pade sampadānaṃ.
ਗਰੁਕਨ੍ਤਿ ਪਾਰਾਜਿਕਂ। ਲਹੁਕਨ੍ਤਿ ਥੁਲ੍ਲਚ੍ਚਯਂ વਾ ਦੁਕ੍ਕਟਂ વਾ।
Garukanti pārājikaṃ. Lahukanti thullaccayaṃ vā dukkaṭaṃ vā.
ਅਟ੍ਠਨ੍ਨਂ ਭਿਕ੍ਖੁਨੀਨਂ ਪਟਿਪਾਟਿਯਾ ਨਿਸੀਦਿਤਬ੍ਬਤੋ વੁਤ੍ਤਂ ‘‘ਨવਮਭਿਕ੍ਖੁਨਿਤੋ’’ਤਿ। ਪਚ੍ਚੁਟ੍ਠਾਨਾਰਹਾਤਿ ਪਟਿਮੁਖਂ ਉਪਟ੍ਠਾਤੁਂ ਅਰਹਾ। ਅવਿਸੇਸੇਨ ਚਾਤਿ ‘‘ਭਿਕ੍ਖੂ’’ਤਿ વਾ ‘‘ਭਿਕ੍ਖੁਨੀ’’ਤਿ વਾ વਿਸੇਸ, ਮਕਤ੍વਾ ਸਾਮਞ੍ਞੇਨ ਚ। ‘‘ਆਸਨਾਰਹਚਤੁਕ੍ਕਸ੍ਸਾ’’ਤਿ ਪਦਂ ‘‘ਪਠਮਪਦ’’ਨ੍ਤਿ ਪਦੇ ਅવਯવਿਸਮ੍ਬਨ੍ਧੋ।
Aṭṭhannaṃ bhikkhunīnaṃ paṭipāṭiyā nisīditabbato vuttaṃ ‘‘navamabhikkhunito’’ti. Paccuṭṭhānārahāti paṭimukhaṃ upaṭṭhātuṃ arahā. Avisesena cāti ‘‘bhikkhū’’ti vā ‘‘bhikkhunī’’ti vā visesa, makatvā sāmaññena ca. ‘‘Āsanārahacatukkassā’’ti padaṃ ‘‘paṭhamapada’’nti pade avayavisambandho.
ਅਸਾਧਾਰਣਨ੍ਤਿ ਭਿਕ੍ਖੂਹਿ ਅਸਾਧਾਰਣਂ। વਿਕਾਲੇ ਕਪ੍ਪਤੀਤਿ ਤਦਹੁવਿਕਾਲੇ ਕਪ੍ਪਤਿ। ਕਾਲਾਤੀਤਨ੍ਤਿ ਕਾਲਯਾਮਸਤ੍ਤਹਾਤੀਤਂ। ਯਾવਕਾਲਿਕਾਦਿਤ੍ਤਯਞ੍ਚ ਅਕਪ੍ਪਿਯਮਂਸਞ੍ਚ ਉਗ੍ਗਹਿਤਕਞ੍ਚ ਅਪਟਿਗ੍ਗਹਿਤਕਞ੍ਚਾਤਿ ਯੋਜਨਾ।
Asādhāraṇanti bhikkhūhi asādhāraṇaṃ. Vikāle kappatīti tadahuvikāle kappati. Kālātītanti kālayāmasattahātītaṃ. Yāvakālikādittayañca akappiyamaṃsañca uggahitakañca apaṭiggahitakañcāti yojanā.
ਗੁਣਙ੍ਗੁਣੂਪਾਹਨਞ੍ਚ ਧੁવਨ੍ਹਾਨਞ੍ਚ ਚਮ੍ਮਤ੍ਥਰਣਞ੍ਚ ਗੁਣਙ੍ਗੁਣੂਪਾਹਨਧੁવਨ੍ਹਾਨਚਮ੍ਮਤ੍ਥਰਣਾਨਿ। ਇਮਾਨਿ ਚਤ੍ਤਾਰੀਤਿ ਪਞ੍ਚવਗ੍ਗੇਨ ਗਣੇਨ ਉਪਸਮ੍ਪਦਦਾਨਾਦੀਨਿ। ਇਧਾਤਿ ਪਚ੍ਚਨ੍ਤਿਮੇਸੁ ਜਨਪਦੇਸੁ। ਇਧਾਤਿ ਮਜ੍ਝਿਮੇਸੁ। ਇਦਨ੍ਤਿ ਚਤੁਬ੍ਬਿਧਂ વਤ੍ਥੁ। ਦੀਪੇਤੁਮ੍ਪੀਤਿ ਦੀਪਨਮ੍ਪਿ। ਤੁਂਪਚ੍ਚਯੋ ਹਿ ਕਤ੍વਤ੍ਥਜੋਤਕੋ। ਏਸੇવ ਨਯੋ ਦੀਪੇਤੁਂ ਪਨਾਤਿ ਏਤ੍ਥਾਪਿ। ਸੇਸਂ ਅਨੁਞ੍ਞਾਤਕਨ੍ਤਿ ਸਮ੍ਬਨ੍ਧੋ। ਉਭਯਤ੍ਥਪੀਤਿ ਪਚ੍ਚਨ੍ਤਿਮਮਜ੍ਝਿਮવਸੇਨ ਉਭਯਤ੍ਥਾਪਿ।
Guṇaṅguṇūpāhanañca dhuvanhānañca cammattharaṇañca guṇaṅguṇūpāhanadhuvanhānacammattharaṇāni. Imāni cattārīti pañcavaggena gaṇena upasampadadānādīni. Idhāti paccantimesu janapadesu. Idhāti majjhimesu. Idanti catubbidhaṃ vatthu. Dīpetumpīti dīpanampi. Tuṃpaccayo hi katvatthajotako. Eseva nayo dīpetuṃ panāti etthāpi. Sesaṃ anuññātakanti sambandho. Ubhayatthapīti paccantimamajjhimavasena ubhayatthāpi.
ਛਨ੍ਦਪਾਰਿਸੁਦ੍ਧਿਅਕ੍ਖਾਨਂ ਏਕਂ ਕਤ੍વਾ ‘‘ਚਤ੍ਤਾਰੋ’’ਤਿ વੁਤ੍ਤਂ। ਚਤ੍ਤਾਰੋ ਪੁਬ੍ਬਕਿਚ੍ਚਾਤਿ ਲਿਙ੍ਗવਿਪਲ੍ਲਾਸੋ, ‘‘ਚਤ੍ਤਾਰਿ ਪੁਬ੍ਬਕਿਚ੍ਚਾਨੀ’’ਤਿ ਹਿ ਅਤ੍ਥੋ। ਏવਂ વੁਤ੍ਤਾਨਿ ਇਮਾਨਿ ਚਤ੍ਤਾਰੀਤਿ ਸਮ੍ਬਨ੍ਧੋ। ਏવਂ ਆਗਤਾ ਸਮ੍ਮੁਤਿਯੋਤਿ ਸਮ੍ਬਨ੍ਧੋ। ਸਬ੍ਬਤ੍ਥਾਤਿ ਸਬ੍ਬੇਸੁ ਚਤੁਕ੍ਕੇਸੁ।
Chandapārisuddhiakkhānaṃ ekaṃ katvā ‘‘cattāro’’ti vuttaṃ. Cattāro pubbakiccāti liṅgavipallāso, ‘‘cattāri pubbakiccānī’’ti hi attho. Evaṃ vuttāni imāni cattārīti sambandho. Evaṃ āgatā sammutiyoti sambandho. Sabbatthāti sabbesu catukkesu.
ਇਤਿ ਚਤੁਕ੍ਕવਾਰવਣ੍ਣਨਾਯ ਯੋਜਨਾ ਸਮਤ੍ਤਾ।
Iti catukkavāravaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੪. ਚਤੁਕ੍ਕવਾਰੋ • 4. Catukkavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
