| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဧကုတ္တရိကနယော ဆက္ကဝာရဝဏ္ဏနာ
Ekuttarikanayo chakkavāravaṇṇanā
၃၂၆. ဆက္ကေသု ဧဝမတ္ထော ဝေဒိတဗ္ဗောတိ ယောဇနာ။ ဣတီတိ ဧဝံ။ ဣမာ ဆ သာမီစိယောတိ ယောဇနာ။ တတ္ထာတိ ဆသု အာကာရေသု။ သတိသမ္မောသေနာတိ သတိယာ ဝိပ္ပဝာသေန။
326. Chakkesu evamattho veditabboti yojanā. Itīti evaṃ. Imā cha sāmīciyoti yojanā. Tatthāti chasu ākāresu. Satisammosenāti satiyā vippavāsena.
တတ္ထာတိ စုဒ္ဒသသု ပရမေသု။ တတောတိ ဆက္ကတော။ ဧကံ အပနေတ္ဝာတိ ယံကိဉ္စိ ဧကံ အပနေတ္ဝာ။ သေသေသူတိ ဆဟိ ပရမေဟိ သေသေသု အဋ္ဌသု ပရမေသု။ အညာနိပိ ဆက္ကာနီတိ ပဌမဆက္ကတော အညာနိပိ အဋ္ဌ ဆက္ကာနိ။
Tatthāti cuddasasu paramesu. Tatoti chakkato. Ekaṃ apanetvāti yaṃkiñci ekaṃ apanetvā. Sesesūti chahi paramehi sesesu aṭṭhasu paramesu. Aññānipi chakkānīti paṭhamachakkato aññānipi aṭṭha chakkāni.
ဆ အာပတ္တိယောတိ တီဏိ ဆက္ကာနီတိ ‘‘ဆ အာပတ္တိယော’’တိ ဝုတ္တာနိ တီဏိ ဆက္ကာနီတိ ယောဇနာ ။ ဝုတ္တဒ္ဝယံ ဧကံ ကတ္ဝာ။ န္ဟာနေတိ န္ဟာနသိက္ခာပဒေ။ ဆက္ကဒ္ဝယန္တိ အာဒာယသမာဒာယဝသေန ဆက္ကဒ္ဝယံ။ သဗ္ဗတ္ထာတိ သဗ္ဗေသု ဆက္ကေသု။
Cha āpattiyoti tīṇi chakkānīti ‘‘cha āpattiyo’’ti vuttāni tīṇi chakkānīti yojanā . Vuttadvayaṃ ekaṃ katvā. Nhāneti nhānasikkhāpade. Chakkadvayanti ādāyasamādāyavasena chakkadvayaṃ. Sabbatthāti sabbesu chakkesu.
ဣတိ ဆက္ကဝာရဝဏ္ဏနာယ ယောဇနာ သမတ္တာ။
Iti chakkavāravaṇṇanāya yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၆. ဆက္ကဝာရော • 6. Chakkavāro
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဆက္ကဝာရဝဏ္ဏနာ • Chakkavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဆက္ကဝာရဝဏ္ဏနာ • Chakkavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆက္ကဝာရဝဏ္ဏနာ • Chakkavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆက္ကဝာရာဒိဝဏ္ဏနာ • Chakkavārādivaṇṇanā
