| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
เอกุตฺตริกนโย ทสกวารวณฺณนา
Ekuttarikanayo dasakavāravaṇṇanā
๓๓๐. ทสเกสุ อฎฺฐาเน วา ปนาติ อการเณ วา ปนฯ ตตฺถาติ นวเกสุฯ ‘‘นตฺถิ ทินฺนนฺติอาทิวเสนา’’ติ อาทิสเทฺทน ‘‘นตฺถิ ยิฎฺฐํ นตฺถิ หุต’’นฺติอาทโย (ธ. ส. ๑๒๒๑; ม. นิ. ๙๔.๒๒๕; ๓.๙๑, ๑๑๖; สํ. นิ. ๓.๒๑๐; อ. นิ. ๑๐.๑๗๖) นว นตฺถิกา สงฺคเหตพฺพาฯ ‘‘สสฺสโต โลโกติ อาทิวเสนา’’ติอาทิสเทฺทน (ที. นิ. ๑.๓๑; ม. นิ. ๑.๒๖๙) ‘‘อสสฺสโต โลโก’’ติอาทโย (ม. นิ. ๑.๒๖๙) นว อนฺตคฺคาหิเก สงฺคณฺหาติฯ วิปรีตา สมฺมตฺตาติ ทสหิ มิจฺฉเตฺตหิ วิปรีตา ทส สมฺมตฺตา สมฺมาทิฎฺฐิ สมฺมาสงฺกโปฺป สมฺมาวาจา สมฺมากมฺมโนฺต สมฺมาอาชีโว สมฺมาวายาโม สมฺมาสติ สมฺมาสมาธิ สมฺมาญาณํ สมฺมาวิมุตฺตีติฯ
330. Dasakesu aṭṭhāne vā panāti akāraṇe vā pana. Tatthāti navakesu. ‘‘Natthi dinnantiādivasenā’’ti ādisaddena ‘‘natthi yiṭṭhaṃ natthi huta’’ntiādayo (dha. sa. 1221; ma. ni. 94.225; 3.91, 116; saṃ. ni. 3.210; a. ni. 10.176) nava natthikā saṅgahetabbā. ‘‘Sassato lokoti ādivasenā’’tiādisaddena (dī. ni. 1.31; ma. ni. 1.269) ‘‘asassato loko’’tiādayo (ma. ni. 1.269) nava antaggāhike saṅgaṇhāti. Viparītā sammattāti dasahi micchattehi viparītā dasa sammattā sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi sammāñāṇaṃ sammāvimuttīti.
ทส อาทีนวา นิทฺทิฎฺฐาติ สมฺพโนฺธฯ อุนฺทูรกฺขายิตนฺติ มูสิเกน ขาทิตํฯ เอตฺถ หิ เขธาตุ ขาทนโตฺถ โหติฯ อคฺคิทฑฺฒนฺติ อคฺคินา ทฑฺฒํฯ เอเตสูติ เอเตสุ ทสสุ ปํสุกูเลสุฯ อุทกสาฎิกํ วา สํกจฺจิกํ วาติ ภิกฺขุนีนํ อุทกสาฎิกํ วา สํกจฺจิกํ วาฯ เอตฺถ วาสโทฺท อนิยมวิกปฺปโตฺถฯ
Dasa ādīnavā niddiṭṭhāti sambandho. Undūrakkhāyitanti mūsikena khāditaṃ. Ettha hi khedhātu khādanattho hoti. Aggidaḍḍhanti agginā daḍḍhaṃ. Etesūti etesu dasasu paṃsukūlesu. Udakasāṭikaṃ vā saṃkaccikaṃ vāti bhikkhunīnaṃ udakasāṭikaṃ vā saṃkaccikaṃ vā. Ettha vāsaddo aniyamavikappattho.
ปณฺณสนฺถาโร ติณสนฺถาเรน สงฺคหิโตฯ สพฺพตฺถาติ สเพฺพสุ ทสเกสุฯ
Paṇṇasanthāro tiṇasanthārena saṅgahito. Sabbatthāti sabbesu dasakesu.
อิติ ทสกวารวณฺณนาย โยชนา สมตฺตาฯ
Iti dasakavāravaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑๐. ทสกวาโร • 10. Dasakavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ทสกวารวณฺณนา • Dasakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ทสกวารวณฺณนา • Dasakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ทสกวารวณฺณนา • Dasakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ฉกฺกวาราทิวณฺณนา • Chakkavārādivaṇṇanā
