| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
згуд̇д̇ариганаяо д̣̇угаваараван̣н̣анаа
Ekuttarikanayo dukavāravaṇṇanā
322. д̣̇угзсу ажид̇д̇агаа аабад̇д̇ийд̇и самб̣анд̇хо. бхууд̇аарожанаабад̇д̇ийд̇и баажид̇д̇ияаабад̇д̇и. абхууд̇аарожанаабад̇д̇ийд̇и баарааж̇игат̇уллажжаяаабад̇д̇и. бад̣̇асод̇хаммаад̣̇игаад̇иаад̣̇исад̣̇д̣̇зна уд̇д̇аричабан̃жаваажаа сан̇г̇ахид̇аа. ман̃жабийтаад̣̇ийнанд̇иаад̣̇исад̣̇д̣̇зна бхисиаад̣̇аяо сан̇г̇ан̣хаад̇и. анаабужчааг̇аманаад̣̇ийсууд̇и аад̣̇исад̣̇д̣̇зна ануд̣̇д̇харид̇ваа г̇аманам̣ сан̇г̇ан̣хаад̇и. сабуг̇г̇алод̇и со ад̇д̇асан̇каад̇о буг̇г̇ало сабуг̇г̇ало. барабуг̇г̇алод̇и баро буг̇г̇ало барабуг̇г̇ало. г̇аруганд̇и сан̇гхаад̣̇исзсам̣. лахуганд̇и баажид̇д̇ияам̣. буна г̇аруганд̇и баарааж̇игам̣. буна лахуганд̇и баажид̇д̇ияамзва.
322. Dukesu acittakā āpattīti sambandho. Bhūtārocanāpattīti pācittiyāpatti. Abhūtārocanāpattīti pārājikathullaccayāpatti. Padasodhammādikātiādisaddena uttarichapañcavācā saṅgahitā. Mañcapīṭhādīnantiādisaddena bhisiādayo saṅgaṇhāti. Anāpucchāgamanādīsūti ādisaddena anuddharitvā gamanaṃ saṅgaṇhāti. Sapuggaloti so attasaṅkhāto puggalo sapuggalo. Parapuggaloti paro puggalo parapuggalo. Garukanti saṅghādisesaṃ. Lahukanti pācittiyaṃ. Puna garukanti pārājikaṃ. Puna lahukanti pācittiyameva.
ан̇г̇улимад̇д̇амбийд̇и бисад̣̇д̣̇зна гзсаг̇г̇амад̇д̇амбийд̇и ад̇т̇ам̣ самбин̣д̣зд̇и. д̇анд̇и ман̃жабийтам̣. г̇амияо аабаж̇ж̇ад̇и наамаад̇и самб̣анд̇хо.
Aṅgulimattampīti pisaddena kesaggamattampīti atthaṃ sampiṇḍeti. Tanti mañcapīṭhaṃ. Gamiyo āpajjati nāmāti sambandho.
‘‘аад̣̇ияанд̇о аабаж̇ж̇ад̇и наамаа’’д̇иаад̣̇инаа ад̇т̇аабад̇д̇и аад̣̇ияанд̇о аабаж̇ж̇ад̇ийд̇и баал̣ияам̣ аад̣̇ияанд̇о худ̇ваа аабаж̇ж̇ад̇и аабад̇д̇и ад̇т̇ийд̇и яож̇анаанаяам̣ д̣̇ассзд̇и. зван̃хи сад̇и ‘‘аабаж̇ж̇ад̇ий’’д̇и аакяаад̇абад̣̇ам̣ ‘‘ад̇т̇ий’’д̇и гирияанд̇арам̣ абзгкид̇ваа гад̇д̇аа ход̇ийд̇и д̣̇адтаб̣б̣ам̣. ат̇а ваа аад̣̇ияанд̇о буг̇г̇ало яам̣ аабад̇д̇им̣ аабаж̇ж̇ад̇и, саа аабад̇д̇и ад̇т̇ийд̇и яож̇анаа. зсзва наяо ан̃н̃зсуби. мууг̇аб̣б̣ад̇аад̣̇ийнийд̇и аад̣̇исад̣̇д̣̇зна г̇овад̇агуггуравад̇аад̣̇ийни сан̇г̇ан̣хаад̇и. баариваасигаад̣̇аяо аабаж̇ж̇анд̇ийд̇и самб̣анд̇хо. д̇аж̇ж̇анийяаад̣̇игаммагад̇аа ваа буг̇г̇алаад̇и яож̇анаа. асамаад̣̇ияанд̇аа аабаж̇ж̇анд̇ийд̇и асамаад̣̇ияанд̇аа худ̇ваа аабаж̇ж̇анд̇и. д̇зд̇и буг̇г̇алз. гаронд̇о аабаж̇ж̇ад̇и наамаад̇и гаронд̇о худ̇ваа аабаж̇ж̇ад̇и наамаад̇и яож̇анаа. звам̣ д̣̇знд̇о аабаж̇ж̇ад̇и наамаад̇иаад̣̇ийсуби.
‘‘Ādiyanto āpajjati nāmā’’tiādinā atthāpatti ādiyanto āpajjatīti pāḷiyaṃ ādiyanto hutvā āpajjati āpatti atthīti yojanānayaṃ dasseti. Evañhi sati ‘‘āpajjatī’’ti ākhyātapadaṃ ‘‘atthī’’ti kiriyantaraṃ apekkhitvā kattā hotīti daṭṭhabbaṃ. Atha vā ādiyanto puggalo yaṃ āpattiṃ āpajjati, sā āpatti atthīti yojanā. Eseva nayo aññesupi. Mūgabbatādīnīti ādisaddena govatakukkuravatādīni saṅgaṇhāti. Pārivāsikādayo āpajjantīti sambandho. Tajjanīyādikammakatā vā puggalāti yojanā. Asamādiyantāāpajjantīti asamādiyantā hutvā āpajjanti. Teti puggale. Karonto āpajjati nāmāti karonto hutvā āpajjati nāmāti yojanā. Evaṃ dento āpajjati nāmātiādīsupi.
згарад̇д̇ачаарад̇д̇асад̇д̇аахад̣̇асаахамаасаад̇иггамзсууд̇и ‘‘згарад̇д̇амби д̇ижийварзна виббавасзяяаа’’д̇и (баараа. 475-476) жа ‘‘чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣а’’нд̇и (баараа. 653) жа ‘‘сад̇д̇аахабарамам̣ саннид̇хигаарагам̣ барибхун̃ж̇ид̇аб̣б̣а’’нд̇и (баараа. 622-623) жа ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и (баараа. 462-463) жа ‘‘маасабарамам̣ нигкибид̇аб̣б̣а’’нд̇и (баараа. 499-500) жа вуд̇д̇агаалаад̇иггамзсу.
Ekarattachārattasattāhadasāhamāsātikkamesūti ‘‘ekarattampi ticīvarena vippavaseyyā’’ti (pārā. 475-476) ca ‘‘chārattaparamaṃ tena bhikkhunā tena cīvarena vippavasitabba’’nti (pārā. 653) ca ‘‘sattāhaparamaṃ sannidhikārakaṃ paribhuñjitabba’’nti (pārā. 622-623) ca ‘‘dasāhaparamaṃ atirekacīvaraṃ dhāretabba’’nti (pārā. 462-463) ca ‘‘māsaparamaṃ nikkhipitabba’’nti (pārā. 499-500) ca vuttakālātikkamesu.
имам̣ бана аабад̇д̇им̣ аабаж̇ж̇ад̇и наамаад̇и самб̣анд̇хо.
Imaṃ pana āpattiṃ āpajjati nāmāti sambandho.
яасмим̣ багкз нисиннод̇и яасмим̣ багкз саяам̣ нисинно. д̇зсанд̇и ад̇д̇ано багкз нисиннаанам̣, наанаасам̣ваасаганд̇и самб̣анд̇хо. язсанд̇и сагабагкз нисиннаанам̣. гаммам̣ гобзд̇ийд̇и наанаасам̣ваасагад̇д̇аа гаммам̣ гобзд̇и. ид̇арзсанд̇и барабагкз нисиннаанам̣. хад̇т̇абаасам̣ анааг̇ад̇ад̇д̇аа гаммам̣ гобзд̇ийд̇и яож̇анаа. ‘‘зсзва наяо’’д̇и вуд̇д̇аважанам̣ вид̇т̇аарзнд̇о ааха ‘‘язсам̣ хий’’д̇иаад̣̇и. язсанд̇и сагабагкз ваа барабагкз ваа нисиннаанам̣ язсам̣ бхигкуунам̣. сод̇и бхигку. аабаж̇ж̇ид̇аб̣б̣ад̇од̇и аабаж̇ж̇ид̇аб̣б̣абхаавад̇о. иминаа буг̇г̇алзна чахи самудтаанзхи аабаж̇ж̇ид̇аб̣б̣аад̇и аабад̇д̇ияод̇и важанад̇т̇ам̣ д̣̇ассзд̇и. гаммзна ваа салаагаг̇г̇аахзна ваад̇и зд̇т̇а уд̣̇д̣̇зсо гаммз лагкан̣ахааранаязна сан̇г̇ахам̣ г̇ажчад̇и, вохаараануссааванаа салаагаг̇г̇аахзд̇и д̣̇ассзнд̇о ааха ‘‘уд̣̇д̣̇зсо жзва…бз… зга’’нд̇и. буб̣б̣абхааг̇аад̇и сан̇гхабхзд̣̇асса буб̣б̣абхааг̇з бавад̇д̇аа. бамаан̣анд̇и сан̇гхабхзд̣̇асса гааран̣ам̣.
Yasmiṃ pakkhe nisinnoti yasmiṃ pakkhe sayaṃ nisinno. Tesanti attano pakkhe nisinnānaṃ, nānāsaṃvāsakanti sambandho. Yesanti sakapakkhe nisinnānaṃ. Kammaṃ kopetīti nānāsaṃvāsakattā kammaṃ kopeti. Itaresanti parapakkhe nisinnānaṃ. Hatthapāsaṃ anāgatattā kammaṃ kopetīti yojanā. ‘‘Eseva nayo’’ti vuttavacanaṃ vitthārento āha ‘‘yesaṃ hī’’tiādi. Yesanti sakapakkhe vā parapakkhe vā nisinnānaṃ yesaṃ bhikkhūnaṃ. Soti bhikkhu. Āpajjitabbatoti āpajjitabbabhāvato. Iminā puggalena chahi samuṭṭhānehi āpajjitabbāti āpattiyoti vacanatthaṃ dasseti. Kammena vā salākaggāhena vāti ettha uddeso kamme lakkhaṇahāranayena saṅgahaṃ gacchati, vohārānussāvanā salākaggāheti dassento āha ‘‘uddeso ceva…pe… eka’’nti. Pubbabhāgāti saṅghabhedassa pubbabhāge pavattā. Pamāṇanti saṅghabhedassa kāraṇaṃ.
ад̣̇д̇хаанахийно наамаад̇и зд̇т̇а ад̣̇д̇хаанасад̣̇д̣̇о гаалабарияааяод̇и ааха ‘‘уунавийсад̇ивассо’’д̇и. т̇зяяасам̣ваасагаад̣̇аяод̇иаад̣̇исад̣̇д̣̇зна д̇ид̇т̇ияабагганд̇агабхигкунийд̣̇уусагабан̃жаананд̇арияаа сан̇г̇ахзд̇аб̣б̣аа. адта абхаб̣б̣абуг̇г̇алаа гаран̣ад̣̇уггадагаа наама хонд̇ийд̇и яож̇анаа. зд̇т̇а гад̇д̇аб̣б̣анд̇и гаран̣ам̣, гаммам̣, д̣̇удту гад̇д̇аб̣б̣анд̇и д̣̇уггадам̣, гаммамзва. гаран̣ам̣ д̣̇уггадамзд̇ассаад̇и гаран̣ад̣̇уггадаго. висзсанабаранибаад̇о ‘‘аг̇яаахид̇о’’д̇иаад̣̇ийсу вияа. д̇ад̣̇звад̇т̇ам̣ д̣̇ассзнд̇о ааха ‘‘д̣̇уггадагирияаа’’д̇иаад̣̇и. но жа яаажад̇ийд̇и зд̇т̇а яаажад̇хаад̇уяаа бад̇хаанагаммам̣ д̣̇ассзнд̇о ааха ‘‘убасамбад̣̇а’’нд̇и, ‘‘сан̇гха’’нд̇и абад̇хаанагаммамаанзд̇аб̣б̣ам̣. д̇збидагод̇и д̇ибидагам̣ ваажуг̇г̇ад̇авасзна д̇хаараго. аан̣ааяабийд̇и бисад̣̇д̣̇о ‘‘мад̇знабий’’д̇и ад̇т̇ам̣ самбин̣д̣зд̇и. яаажанд̇ассзваад̇и ниссаяам̣ аажарияам̣ яаажанд̇ассзва. яам̣ вад̇т̇ум̣ аж̇жхаажаранд̇о аабад̇д̇им̣ аабаж̇ж̇ад̇и, д̇ам̣ вад̇т̇у саад̇исаарам̣ наамаад̇и яож̇анаа.
Addhānahīno nāmāti ettha addhānasaddo kālapariyāyoti āha ‘‘ūnavīsativasso’’ti. Theyyasaṃvāsakādayotiādisaddena titthiyapakkantakabhikkhunīdūsakapañcānantariyā saṅgahetabbā. Aṭṭha abhabbapuggalā karaṇadukkaṭakā nāma hontīti yojanā. Ettha kattabbanti karaṇaṃ, kammaṃ, duṭṭhu kattabbanti dukkaṭaṃ, kammameva. Karaṇaṃ dukkaṭametassāti karaṇadukkaṭako. Visesanaparanipāto ‘‘agyāhito’’tiādīsu viya. Tadevatthaṃ dassento āha ‘‘dukkaṭakiriyā’’tiādi. No ca yācatīti ettha yācadhātuyā padhānakammaṃ dassento āha ‘‘upasampada’’nti, ‘‘saṅgha’’nti apadhānakammamānetabbaṃ. Tepiṭakoti tipiṭakaṃ vācuggatavasena dhārako. Āṇāyapīti pisaddo ‘‘matenapī’’ti atthaṃ sampiṇḍeti. Yācantassevāti nissayaṃ ācariyaṃ yācantasseva. Yaṃ vatthuṃ ajjhācaranto āpattiṃ āpajjati, taṃ vatthu sātisāraṃ nāmāti yojanā.
убагхаад̇игаад̇и зд̇т̇а убахананд̇ийд̇и убагхаад̇аа, д̇зязва убагхаад̇игаад̇и д̣̇ассзнд̇о ааха ‘‘убагхаад̇аа’’д̇и. д̇ад̇т̇аад̇и д̣̇вийсу убагхаад̇игзсу. д̣̇вз взнаяигаад̇и зд̇т̇а винаязна сид̣̇д̇хаа взнаяигаад̇и д̣̇ассзнд̇о ааха ‘‘винаяасид̣̇д̇хаа’’д̇и. ‘‘д̣̇вз ад̇т̇аа’’д̇и иминаа н̣игасад̣̇д̣̇асса саруубам̣ д̣̇ассзд̇и . бан̃н̃ад̇д̇аануломам̣ наама д̣̇адтаб̣б̣анд̇и самб̣анд̇хо. бажжаяагхаад̇од̇и бажжаяасса гхаад̇о. иминаа сзд̇угхаад̇од̇и зд̇т̇а сзд̇усад̣̇д̣̇о бажжаяаваажагод̇и д̣̇ассзд̇и. жид̇д̇ассаабийд̇и бисад̣̇д̣̇о баг̇зва гааяаваажаананд̇и д̣̇ассзд̇и. ид̇ибийд̇и бисад̣̇д̣̇о д̣̇уд̇ияад̇т̇асамбин̣д̣ано. ‘‘бамаан̣знаа’’д̇и иминаа мад̇д̇агаарид̇аад̇и зд̇т̇а мад̇д̇асад̣̇д̣̇о бамаан̣ад̇т̇од̇и д̣̇ассзд̇и. ‘‘гаран̣а’’нд̇и иминаа гаарид̇аад̇и д̇ад̣̇д̇хид̇абхаавам̣ гид̇абхаавзна д̣̇ассзд̇и сабхааг̇ад̇д̇аа. гааяад̣̇ваариганд̇и гааяад̣̇ваарз бавад̇д̇ам̣ аабад̇д̇им̣. иминаа аабаж̇ж̇ад̇ийд̇и бад̣̇асса гаммам̣ д̣̇ассзд̇и. гааязнзва вудтаад̇ийд̇и гааяасаамаг̇г̇ияаа д̣̇аанад̇д̇аа гааязнзва вудтаад̇и. сийсамагканаад̣̇ийд̇и аад̣̇исад̣̇д̣̇зна баад̣̇амагканаад̣̇им̣ сан̇г̇ан̣хаад̇и.
Upaghātikāti ettha upahanantīti upaghātā, teyeva upaghātikāti dassento āha ‘‘upaghātā’’ti. Tatthāti dvīsu upaghātikesu. Dve venayikāti ettha vinayena siddhā venayikāti dassento āha ‘‘vinayasiddhā’’ti. ‘‘Dve atthā’’ti iminā ṇikasaddassa sarūpaṃ dasseti . Paññattānulomaṃ nāma daṭṭhabbanti sambandho. Paccayaghātoti paccayassa ghāto. Iminā setughātoti ettha setusaddo paccayavācakoti dasseti. Cittassāpīti pisaddo pageva kāyavācānanti dasseti. Itipīti pisaddo dutiyatthasampiṇḍano. ‘‘Pamāṇenā’’ti iminā mattakāritāti ettha mattasaddo pamāṇatthoti dasseti. ‘‘Karaṇa’’nti iminā kāritāti taddhitabhāvaṃ kitabhāvena dasseti sabhāgattā. Kāyadvārikanti kāyadvāre pavattaṃ āpattiṃ. Iminā āpajjatīti padassa kammaṃ dasseti. Kāyeneva vuṭṭhātīti kāyasāmaggiyā dānattā kāyeneva vuṭṭhāti. Sīsamakkhanādīti ādisaddena pādamakkhanādiṃ saṅgaṇhāti.
д̇анд̇и бхаарам̣. ‘‘нид̇т̇арид̇ум̣ вийрияам̣ аарабхад̇ий’’д̇и иминаа ваханаагаарам̣ д̣̇ассзд̇и. т̇зро самаанод̇и яож̇анаа. наваханаагаарам̣ д̣̇ассзнд̇о ааха ‘‘ануж̇аанаамий’’д̇иаад̣̇и. ‘‘гуггужжааяид̇ваа гарод̇ий’’д̇и иминаа гуггужжасад̣̇д̣̇асса наамад̇хаад̇ум̣ д̣̇ассзд̇и. ‘‘д̣̇иваа жа рад̇д̇о жаа’’д̇и иминаа абхин̣хам̣ аасававад̣дханам̣ д̣̇ассзд̇и. д̇ад̇т̇а д̇ад̇т̇аад̇и д̇зсу д̇зсу вибхан̇г̇агканд̇хагзсу.
Tanti bhāraṃ. ‘‘Nittharituṃ vīriyaṃ ārabhatī’’ti iminā vahanākāraṃ dasseti. Thero samānoti yojanā. Navahanākāraṃ dassento āha ‘‘anujānāmī’’tiādi. ‘‘Kukkuccāyitvā karotī’’ti iminā kukkuccasaddassa nāmadhātuṃ dasseti. ‘‘Divā ca ratto cā’’ti iminā abhiṇhaṃ āsavavaḍḍhanaṃ dasseti. Tattha tatthāti tesu tesu vibhaṅgakkhandhakesu.
ид̇и д̣̇угаваараван̣н̣анааяа яож̇анаа самад̇д̇аа.
Iti dukavāravaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇угавааро • 2. Dukavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇угаваараван̣н̣анаа • Dukavāravaṇṇanā
